କରୋନା ମହାମାରୀ ସହ ଲଢିବା ପାଇଁ ଆସିଲା ଭ୍ୟାକସିନ୍ । ଭ୍ୟାକସିନ ଆସିବା ପରେ ଲୋକଙ୍କ ଭିତରେ ସାମାନ୍ୟ ଆଶ୍ୱସ୍ତି ମଧ୍ୟ ମିଳିଲା । କିନ୍ତୁ ଭ୍ୟାକସିନ ନେବାର ପ୍ରକ୍ରିୟାକୁ ନେଇ ସମସ୍ତଙ୍କ ମନରେ ରହିଛି ଅନେକ ପ୍ରଶ୍ନ । କରୋନା ଲକ୍ଷଣ ଥିଲେ କଣ କରିବେ,କେତେଦିନ ବ୍ୟବଧାନ ଭିତରେ ଭ୍ୟାକସିନର ଡୋଜ୍ ଲଗାଇବେ,ଭ୍ୟାକସିନ ନେବା ପରେ କଣ କରିବା କଥା । ଏହିଭଳି ଅନେକ ପ୍ରଶ୍ନର ଉତ୍ତର ଜାଣିବା ।
୧-ମାମୁଲି ଲକ୍ଷଣ ଥିଲେ ୧୪ ଦିନ ହୋମ୍ କ୍ୱାରେଣ୍ଟାଇନରେ ରହିବା ପରେ ବି ରିପୋର୍ଟ ପଜିଟିଭ୍ ଆସିଲେ କିଛି ଚିନ୍ତାର ବିଷୟ ଅଛି କି ?
ଉ-ଆପଣଙ୍କୁ ଯଦି କୈାଣସି ଲକ୍ଷଣ ନାହିଁ ତାହାଲେ ଡରନ୍ତୁ,ସାବଧାନତା ସହକାରେ କାମ କରନ୍ତୁ,ହେଲ୍ଦୀ ଖାଇବା ଖାଆନ୍ତୁ ଓ ସକାଳୁ ସଂନ୍ଦ୍ୟା ପ୍ରାଣାୟମ କରନ୍ତୁ ,ସାମାନ୍ୟ ଥଣ୍ଡା ଥିଲେ ଗରମ ବାମ୍ଫ ନିଅନ୍ତୁ ।
୨-କରୋନା ଭଲ ହେବା ପରେ ଛାତିରେ କିଛି ଅସୁବିଧା ଅନୁଭୂତ ହେଉଥିଲେ କଣ କରିବେ ?
ଉ-ଦିନକୁ ୩ଥର ଗରମ ବାମ୍ଫ ନିଅନ୍ତୁ । ତାସହ ଶୋଇବା ପୂର୍ବରୁ ଗରମ ପାଣି ଗାରଗିଲିଙ୍ଗ କରନ୍ତୁ । ତାସହ ଡାକ୍ତରଙ୍କ ସହ ପରାମର୍ଶ କରି ଔଷଧ ନିଅନ୍ତୁ ।
୩-ଭ୍ୟାକସିନ୍ ଲଗାଇଥିବା ଜାଗାରେ ବ୍ୟଥା ଥିଲେ କିମ୍ବା କୁଣ୍ଡାଇ ହେଉଥିଲେ କଣ କରିବେ ?
ଉ-ଏହା ଖୁବ୍ ସାମାନ୍ୟ କଥା.ଏଥିରେ ଡରିବାର କୈାଣସି କଥା ନାହିଁ । କେବଳ ଧ୍ୟାନ ରଖିବେ ଯେମିତି ସେଠାରେ କୁଣ୍ଡେଇ କୁଣ୍ଡେଇ ଇନଫେକସନ୍ ନ ହୁଏ ।
୪-ଟିକା ନେବାର ୫ଦିନ ପରେ ହାଲକା ଜ୍ୱର ଆସିଲେ କଣ ସଂକ୍ରମଣର ଭୟ ଅଛି ?
ଉ-ଟିକା ନେବାର ୫ଦିନ ପରେ ହାଲକା ଜ୍ୱର ହେଲେ ଏହା ବିଶେଷ ଡରିବାର କାରଣ ନୁହେଁ । ଅନେକ ଲୋକଙ୍କୁ ଟିକା ନେଲେ ଜ୍ୱର ହୁଏ । କିନ୍ତୁ ଯଦି ଜ୍ୱର ସହ ଶୁଖିଲା କାଶ ଓ ଦୁର୍ବଳ ଅନୁଭବ ହୁଏ ତାହାଲେ ଟେଷ୍ଟ କରିପାରିବେ ।
୫-କରୋନା ଛାଡିବା ପରେ ପେଟରେ କଷ୍ଟ ଅନୁଭବ ହେଲେ ଲଗାତାର ଝାଡା ହେଉଥିଲେ କଣ କରିବେ?
ଉ-କୋରାନାର ଦ୍ୱିତୀୟ ଲହର ଦ୍ୱାରା ସଂକ୍ରମିତ ରୋଗୀଙ୍କୁ ପେଟରେ କଷ୍ଟ ଓ ଝାଡା ହେବା ଭଳି ଲକ୍ଷଣ ପରିଲକ୍ଷିତ ହେଉଛି । ତେଣୁକରି ଚିନ୍ତାକରିବାର କୈାଣସି ବି ବିଷୟ ନାହିଁ । କବେଳ ହାଲକା ଜିନିଷ ଖାଆନ୍ତୁ । ତାସହ ଓଆରଏସ୍ ଏବଂ ଏନରଜୀ ଡ୍ରିଙ୍କ ପିଅନ୍ତୁ ।
୬- କୋରନା ଛାଡିଯିବା ପରେ ଶରୀର ଆଣ୍ଟିବଡି ତିଆରି ହୋଇଯାଇଛି ବୋଲି ଭାବୁଛନ୍ତି କିନ୍ତୁ ତଥାପି ବେଳେ ବେଳେ ଦୁର୍ବଳ ଲାଗୁଛି କାହିଁକି ?
ଉ-ଏଣ୍ଟିବଡି ତିଆରି ହୋଇଯାଇଥିଲେ ତାହା ଭଲ ସଂଙ୍କେତ । କିନ୍ତୁ କୋଭିଡ ପରେ ଦୁର୍ବଳ ଲାଗିବା ଓ ବେଳେ ବେଳେ ଦେହ ହାତ ଥରିବା ଭଳି ଲକ୍ଷଣ ଥିଲେ ଡରନ୍ତୁ ନାହିଁ । ଖାଦ୍ୟରେ ଭିଟାମିନ ଯୁକ୍ତ ଜିନିଷ ଖାଆନ୍ତୁ । ଧିରେ ଧିରେ ସୁସ୍ଥ ଅନୁଭବ ହେବ ।
୭-ଥଣ୍ଡା ଜ୍ୱର ହୋଇଥିଲା କିନ୍ତୁ ଟେଷ୍ଟ କରିନଥିଲେ । ହେଲେ ଛାଡିବା ପରେ ଟେଷ୍ଟ କଲେ କୋଭିଡ ପଜିଟିଭ୍ ବାହାରିବ କି ?
ଉ-ଥଣ୍ଡା ଜ୍ୱର ପରେ ଟେଷ୍ଟ କରିପାରିବେ । ହେଲେ ମନେରଖନ୍ତୁ ଥଣ୍ଡା ଜ୍ୱର ଓ କାଶ ଭଳି ଲକ୍ଷଣ ଥିଲେ ତୁରନ୍ତ ଟେଷ୍ଟ କରିବାକୁ ହିଁ ଯାଆନ୍ତୁ ।
୮-ଘରେ ମହିଳା ମାନେ ସଂକ୍ରମିତ ଅଛନ୍ତି ତେଣୁକରି ଖାଦ୍ୟ ବାହାରୁ ମଗାଇବା ଉଚିତ୍ ହେବ କି?
ଉ-ଏବେ ସୁଦ୍ଦା ଖାଦ୍ୟରେ କରୋନା ବ୍ୟାପୁଥିବାର କୈାଣସି ସୂଚନା ମିଳିନାହିଁ । ଯଦିଓ ବାହାରୁ ଖାଇବା ଖାଉଛନ୍ତି ତାହାଲେ ଧ୍ୟାନ ରଖନ୍ତୁ ଡେଲିଭରୀ ବୟ ସବୁକିଛି ଭଲଭାବେ ସାନିଟାଇଜ୍ କରି ଯେଉଁଭଳି ପାର୍ସଲ ଆଣେ ।
୯-ଭ୍ୟାକସିନର ଦ୍ୱିତୀୟ ଡୋଜ୍ କେବେ ନେବା ଉଚିତ୍ ? ମାସେ ପରେ ନେଲା କୈାଣସି ଅସୁବିଧା ହେବ କି ?
ଓ-ଡାକ୍ତରଙ୍କ କହିବା ଅନୁସାରେ ଦ୍ୱିତୀୟ ଡୋଜ କୋଭିସିଲ୍ଡ ଟିକା ୫୬ ଦିନ ବ୍ୟବଧାନରେ ନେଇପାରିବେ ଓ କୋଭାକ୍ସିନ୍ ଟିକା ୪୨ଦିନ ବ୍ୟବଧାନରେ । ତେଣୁ ବ୍ୟସ୍ତ ନ ହେଇ ଧର୍ଯ୍ୟ ଧରି ଟିକା ନିଅନ୍ତୁ ।
୧୦- ଘରୋଇ ଉପଚାର ବ୍ୟବହାର କରି ରୋଗ ପ୍ରତିଷେଧକ ବଢାଇବା ଠିକ୍ ନା ଭୁଲ୍ ?
ଉ-ହଁ ଘରୋଇ ଉପଚାର ଗ୍ରହଣ କରନ୍ତୁ । କିନ୍ତୁ ଡାକ୍ତରଙ୍କ ବିନା ପରାମର୍ଶରେ କୈାଣସି ଓଲଟପାଲଟ ଜିନିଷ ଖାଆନ୍ତୁ ନାହିଁ । ରୋଗ ପ୍ରତିରୋଧକ ବଢେଇବା ପରିବ୍ର୍ତେ ଏହା ଆପଣଙ୍କୁ ଅଡୁଆରେ ପକାଇପାରେ । ତେବେ ଏହା ଥିଲା କିଛି ପ୍ରଶ୍ନର ସଂକ୍ଷିପ୍ତ ଉତ୍ତର । ଆଶା କରିବି ଆପଣଙ୍କ କାମରେ ନିଶ୍ଚିତ ଆସିବ ।
