spot_img
Home Blog Page 5711

ଅଜଣା ରୋଗରେ ଆକ୍ରାନ୍ତ ୫ ବର୍ଷର ଶିଶୁ ଆୟୁଷ, କ୍ଷୀର ଓ ବିସ୍କୁଟ ଖାଇ ବଞ୍ଚିଛି ଜୀବନ

ଗଞ୍ଜାମ: ମା’ ଆଖିରୁ ଶୁଖୁନି ଲୁହ । ବାପା ବି ହତାଶ । ସ୍ୱଳ୍ପ ରୋଜଗାରରେ କିପରି କରିବେ ପୁଅର ଚିକିତ୍ସା । ଏନେକ ପୂଜା ପରେ ଜନ୍ମ ନେଇଥିଲା ପୁଅ । ହେଲେ ୫ ବର୍ଷ ହେଲା ସେ ବିଛଣାରେ । ଅଜଣା ରୋଗରେ ପୀଡିତ ପୁଅକ କେବଳ ବିସ୍କୁଟ୍, କ୍ଷୀର ପିଇ ବଞ୍ଚିଛି । ହେଲେ ମଜୁରିଆ ବାପା ନିକଟରେ ସେତକ ଯୋଗାଇ ଦେବାକୁ ବି ସମ୍ବଳ ନାହିଁ । ଚିକିତ୍ସାରେ ସବୁ ସରିଛି । ତେଣୁ ସାହାଯ୍ୟ ପାଇଁ ହାତ ପାତିଛନ୍ତି ପରିବାର । ଗଞ୍ଜାମ ଜିଲ୍ଲା ଧରାକୋଟ ବ୍ଲକର ଝାଡବନ୍ଧ ଗାଁରୁ ଦେଖିବାକୁ ମିଳିଛି ଏପରି କରୁଣ କାହାଣୀ ।

ପୁଅ ଜନ୍ମ ପରେ ମା’ ଆଖିରେ ଥିଲା ଆଖିଏ ସ୍ୱପ୍ନ । ଶ୍ରଦ୍ଧାରେ ନାଁ ରଖିଥିଲେ ଆୟୁଷ । ହେଲେ ଆୟୁଷର ଆୟୁଷ ବଢିବା ସହ ଧରିଲା ଅଜଣା ରୋଗ । ୫ ବର୍ଷ ହେଲା ନା ଚାଲି ପାରୁଛି, ନା କଥା କହି ପାରୁଛି । କ୍ଷୀର ଓ ବିସ୍କୁଟ ଖାଇ ବଞ୍ଚିଛି । ଚିକିତ୍ସା ପାଇଁ ସମ୍ପତି ସରିଛି । ଏବେ ପୁଅକୁ ଖାଦ୍ୟ ଯୋଗାଇବାକୁ ବି ସମ୍ବଳ ଅଭାବ । ଗଞ୍ଜାମ ଜିଲ୍ଲା ଧରାକୋଟ ବ୍ଲକର ଝାଡବନ୍ଧ ଗାଁର କୃଷ୍ଣ ସେଠୀ ସୁରଟ ଯାଇ ମୁଲ ଲାଗି ପରିବାର ଚଳାନ୍ତି । ନିଜର ସୀମିତ ସମ୍ବଳ ଭିତରେ ପୁଅର ଆୟୁଷର ଚିକିତ୍ସା ପାଇଁ ବିଭିନ୍ନ ମେଡିକାଲ ଯାଇଛନ୍ତି । ହେଲେ ଚିକିତ୍ସା ପାଇଁ ସମୟ ଲାଗିବା ସହ ଟଙ୍କା ଖର୍ଚ୍ଚ ହେବ ବୋଲି ଡାକ୍ତର କହିଛନ୍ତି । ତେଣୁ ସାହାଯ୍ୟ ପାଇଁ ହାତ ପାତିଛନ୍ତି ଉଭୟ ସ୍ୱାମୀ ସ୍ତ୍ରୀ ।

ଚିକିତ୍ସା ପାଇଁ ସବୁ ସମ୍ପତି ବିକ୍ରି କରିଦେଇଛନ୍ତି କୃଷ୍ଣ । ବ୍ଲହ୍ମପୁର, କଟକ, ଭୁବନେଶ୍ବର ସବୁଠି ନେଇ ଡାକ୍ତରଙ୍କୁ ଦେଖାଇଛନ୍ତି । ଏବେ ପାଖରେ ପଇସାଟିଏ ନାହିଁ । ସେପଟେ ବିଛଣା ପଡିଥିବା ପୁଅକୁ ଦେଖି ଆଖିରୁ ଲୁହ ସୁଖୁନି । ପଞ୍ଚାୟତ ସ୍ତରରେ ଆୟୁଷକୁ ସରକାରଙ୍କ ତରଫରୁ ମାସକୁ ପାଞ୍ଚ ସହ ଟଙ୍କା ଭତ୍ତା ଦିଆଯାଉଛି । ତେବେ ଅଧିକ ସହାୟତା ମିଳିଲେ ଛୁଆଟିର ଚିକିତ୍ସା ହୋଇପାରନ୍ତା ବୋଲି କହିଛନ୍ତି ସ୍ଥାନୀୟ ଲୋକ ଓ ସରପଞ୍ଚ । ପିଲାଟିର ଭବିଷ୍ୟତ ପାଇଁ ସହକାରୀ ସହାୟତା ଏକମାତ୍ର ଭରସା ବୋଲି କହିଛନ୍ତି ଆୟୁଷଙ୍କ ପରିବାର ।

ଜୀବଙ୍କ ଜିନ୍ ବଦଳାଉଛି ଚୀନ୍ : ଚୀନ ବିରୁଦ୍ଦରେ ସାମ୍ବାଦିକ ଜେସପର୍ ବେକରଙ୍କର ଦାବି

ଚାଇନା ଉପରେ ସାରା ବିଶ୍ୱର ନଜର । ଯଦି ପଚାରିବେ କାହିଁକି ? ତାହାଲେ ତାର ଅନେକ କାରଣ ରହିଛି । ଆଉ ସବୁଠୁ ବଡ କାରଣ ହେଉଛି ବର୍ତ୍ତମାନର ମହାମାରୀ । ଯାହା ଚାଇନାର ଉହାନ୍ ଲ୍ୟାବରୁ ଆସିଥିବାର ଅନେକ ସୂତ୍ରରୁ ପ୍ରମାଣ ହେଉଛି । ବ୍ରିଟେନ ଓ ଆମେରିକାର ଗୋଇନ୍ଦା ସଂସ୍ଥା ବି ଚୀନ୍ ର ଏହି ଖତରନାକ୍ ଲ୍ୟାବ ର ସତକୁ ସାମ୍ନାକୁ ଆଣିବା ପ୍ରୟାସରେ ଲାଗିପଡିଛନ୍ତି । କିନ୍ତୁ ଏସବୁ ଭିତରେ ଜଣେ ବିଶେଷଜ୍ଞ ତଥା ସାମ୍ବାଦିକ ଜେସପର୍ ବେକର ଦାବା କରିଛନ୍ତି କି ଚୀନର ଲ୍ୟାବରେ କିଛି ତ ଗଡବଡ ରହିଛି । ତାଙ୍କ କହିବା ଅନୁସାରେ ଲ୍ୟାବ ଗୁଡିକରେ ପଶୁଙ୍କର ଜୀନ୍ କୁ ପରିବର୍ତ୍ତନ କରି ତାଙ୍କୁ କିଛି ନୂଆ ଭାଇରସ୍ ର ଇଂଜେକସନ ଲଗାଯାଉଛି । ଆଉ ଏହି ନୂଆ ଭାଇରସ୍ କରୋନା ଠାରୁ କିଛି କମ୍ ହେବନି । ବେକର ଆହୁରୀ ମଧ୍ୟ ଦାବା କରୁଛନ୍ତି କି ଚୀନ ସବୁବେଳେ କିଛି ଏମିତି ଓଲଟପାଲଟ ପରୀକ୍ଷଣ କରିଥାଏ ଯାହାକୁ ଦୁନିଆର ଆଉ କେଉଁଠି ପରୀକ୍ଷା କରିବାକୁ ଅନୁମତି ମିଳିନଥାଏ ।

ଯେବେଠାରୁ ଗ୍ଲୋବାଲ ବାୟୋଟେକ ବିନିଯୋଗ ବୃଦ୍ଦି ପାଇଛି । ସେବେଠାରୁ ଚୀନର ଅନୁସନ୍ଧାନକାରୀ ମାନେ ପଶୁମାନଙ୍କ ଉପରେ ପରୀକ୍ଷଣ ଅଧିକ ମାତ୍ରାରେ କରୁଛନ୍ତି । ତାସହ ନୂଆ ଜୈାବିକ ହଥିୟାର ତିଆରି ପାଇଁ ଚୀନ୍ ଜୀବମାନଙ୍କ ଉପରେ ଅଧ୍ୟୟନ କରୁଛି । ଚୀନ୍ ସରକାର ବେଟ୍ ଭାଇରସ, ଇବୋଲା ଭାଇରସ୍‌,ମାରବର୍ଗ ଭଳି ଅନେକ ଭାଇରସ ର ପରୀକ୍ଷଣ କରି ଦୁନିଆ ପାଇଁ ବିପଦ ସୃଷ୍ଟି କରିଛି । ହେଲେ ଏ ସମ୍ବନ୍ଧରେ ଚୀନ ସରକାର କେବେ ବି ସତ ସ୍ୱିକାର କରିନାହାନ୍ତି । ପତ୍ରକାରଙ୍କ କହିବା ଅନୁସାରେ ଚୀନ୍ କେବଳ ଜୀବଜନ୍ତୁଙ୍କ ଉପରେ ନୁହେଁ ବରଂ ମଣିଷଙ୍କ ଉପରେ ବି ବେଆଇନ ପରୀକ୍ଷଣ କରୁଛି । ଯାହାର ସନ୍ଧାନ ପାଇବାକୁ ହେଲେ ଚୀନ ର ଗୁପ୍ତ ଲ୍ୟାବ ଗୁଡିକର ରିସର୍ଚ କରିବାକୁ ହେବ । ଯେଉଁଥିରୁ ସ୍ପଷ୍ଟ ଭାବେ ଜଣାପଡିବ ଯେ ମଣିଷଙ୍କ ଭିତରେ କେଉଁଭଳି ପଶୁଙ୍କର ଜୀନ ଅଦଳବଦଳ କରୁଛି ଚାଇନା । ତେବେ ଆମେରିକା ଚୀନ ର ଅସଲି ମୁଖା ଖୋଲିବା ପାଇଁ ଅଣ୍ଟା ଭିଡିଲାଣି ।

ଆମେରିକାର ବୈଦେଶିକ ମନ୍ତ୍ରୀ ଏଣ୍ଟନୀ ବ୍ଲିକେନ ଚୀନ କୁ କଡା ଚେତାବନୀ ଦେଇ କହିଛନ୍ତି । ଯଦି କରୋନା ଭାଇରସ ର ମୂଳ ଉପ୍‌ôତି ବିଷୟରେ ଜାଣିବାରେ ଚାଇନା ସାହାର୍ଯ୍ୟ ନ କରେ । ତେବେ ଆର୍ନ୍ତଜାତୀୟ ସ୍ତରରେ ତା ବିରୁଦ୍ଦରେ କାର୍ଯ୍ୟାନୁଷ୍ଠାନ ନିଆଯିବ । ଏଯାବତ୍ ଚୀନ୍ ଅନୁସନ୍ଧାନକାରୀ ଟିମ କୁ ଭାଇରସ ବିଷୟରେ ଯାଂଚ କରିବାକୁ ଭଲଭାବରେ ଅନୁମତି ଦେଉନାହିଁ । ବ୍ଲେକିନ କହିଛନ୍ତି ଖୁବ୍ ଶିଘ୍ର ଚୀନ୍ ଅନ୍ତରାଷ୍ଟ୍ରିୟ ଗବେଷକଙ୍କୁ ଯାଂଚ ପାଇଁ ଏଣ୍ଟ୍ରି ଦେଉ ଓ ସବୁ ସୂଚନା ଭଲଭାବରେ ଦେଉ । ତେବେ ଚାଇନାର ପୁଣିଥରେ କୈାଣସି ଚାଲ ନ ଖେଳୁ ସେଥିପାଇଁ ସବୁ ରାଷ୍ଟ୍ର ହେଉଛନ୍ତି ସର୍ତକ ।

ବାହାଘର ଫଟୋ ଶେୟାର କଲେ ୟାମୀ, ଅଭିନେତା କହିଲେ ରାଧେ ମା’

ମୁମ୍ବାଇ: ବଲିଉଡ୍ ଅଭିନେତ୍ରୀ ୟାମୀ ଗୌତମ ନିଜ ବ୍ରାଇଡାଲ୍ ଲୁକର ଏକ ଫଟୋ ଶେୟାର କରିଛନ୍ତି । ତାଙ୍କ ଏହି ଫଟୋକୁ ନେଇ ଫ୍ୟାନ୍ସ ମାନେ ବି କମେଣ୍ଟ କରିଛନ୍ତି । ଏଥିରୁ ବାଦ୍ ପଡିନାହାଁନ୍ତି ଅଭିନେତା ଓ ଅଭିନେତ୍ରୀ ।

ବ୍ରାଇଡାଲ୍ ଲୁକ୍ ରେ ୟାମୀ ଲାଲ୍ ଆଉଟଫିଟ୍ ରେ ନଜର ଆସିଛନ୍ତି । ଯାହା ପରେ ବିକ୍ରାନ୍ତ ତାଙ୍କୁ ରାଧେ ମା’ ବୋଲି କହିଥିଲେ । ଫଟୋରେ ୟାମୀ ଲାଲ୍ ଗେଟଅପରେ ନଜର ଆସିବା ସହ ସ୍ୱାମୀ ଆଦିତ୍ୟଙ୍କୁ ଚାହିଁ ଚାହିଁ ହସୁଛନ୍ତି । ସେପଟେ ଆଦିତ୍ୟ ମଧ୍ୟ ଧଳା ରଙ୍ଗର ଶେରୱାନୀ ସହ ପଗଡି ପିନ୍ଧିଥିବା ନଜର ଆସିଛନ୍ତି । ଦୁହିଁଙ୍କ ଫଟୋକୁ ଦେଖି ସେଲିବ୍ରିଟି ଓ ଫ୍ୟାନ୍ସ ମାନେ କମେଣ୍ଟ କରିବାରେ ଲାଗିଛନ୍ତି ।

ୟାମୀ ଜୁନ୍ ୪ ତାରିଖରେ ଆଦିତ୍ୟ ଧରଙ୍କ ସହ ବିବାହର ଆନାଉସମେଣ୍ଟ କରିଥିଲେ । ଯାହା ପରେ ଅଭିନେତ୍ରୀ ଲଗାତାର ଭାବେ ତାଙ୍କର ବାହାଘରର ଫଟୋ ସବୁ ଇନଷ୍ଟାଗ୍ରାମରେ ଶେୟାର କରିଥିଲେ । ଲାଟେଷ୍ଟ ଫଟୋରେ ୟାମୀ ଲାଲ୍ ରଙ୍ଗର ବନାରସୀ ଫଟୋ ପିନ୍ଧିଥିବା ନଜର ଆସିଛନ୍ତି । ମଥାରେ ସିନ୍ଦୁର, ଗଳାରେ ମଙ୍ଗଳସୁତ୍ର, କେଶରେ ମିଡିଲ ପାର୍ଟଡ୍ ବନ୍ ରହିଛି । ଏହା ସହ ହେବି ଜୁଏଲାରୀ ପିନ୍ଧା ଫଟୋ ମଧ୍ୟ ଶେୟାର କରିଥିଲେ । ଆଉ ଲେଖିଥିଲେ- Rind posh maal gindane draaye lo lo । ଯାହାର ଅର୍ଥ କିଛି ଏହିପରି- ଆସନ୍ତୁ ବସନ୍ତ ଋତୁର ସ୍ୱାଗତ କରିବା ।

ଦୁହିଁଙ୍କ ବାହାଘର ନିକଟ ସମ୍ପର୍କୀୟଙ୍କ ମଧ୍ୟରେ ହିମାଚଳ ପ୍ରଦେଶରେ ହୋଇଥିଲା । ବ୍ରାଇଡାଲ୍ ଲୁକକୁ ବିକ୍ରାନ୍ତ ରାଧେ ମା’ ସହ ତୁଳନା କରିଥିଲେ । ହେଲେ ତାହା କଙ୍ଗନାଙ୍କୁ ପସନ୍ଦ ଆସିନଥିଲା । ବିକ୍ରାନ୍ତ ଲେଖିଥିଲେ- ସମ୍ପୂର୍ଣ୍ଣ ଶୁଦ୍ଧ ଓ ପବିତ୍ର ପୂରାପୂରି ରାଧେ ମା’ଙ୍କ ପରି । ଯାହାକୁ ନେଇ କଙ୍ଗନା ପ୍ରତି ଜବାବରେ କହିଥିଲେ- କୁଆଡୁ ଆସିଲା ଅସରପା…ମୋ ଚପଲ୍ କୋଉଠି ଅଛି ଆଣ ।

ଏହା ପୂର୍ବରୁ ଆୟୁଷ୍ମାନ ଲେଖିଥିଲେ- ପୂରା ଜୟ ମାତା ଦି ଭଳି ଅନୁଭବ ହେଉଛି । ଯେଉଁଥିରେ କଙ୍ଗନା ଉତ୍ତର ଦେଇଥିଲେ, ‘‘ରିଲ୍ ସେଲିବ୍ରିଟିଙ୍କ ଏପର୍ଯ୍ୟନ୍ତ ସବୁଠୁ ରିଅଲ୍ ଫଟୋ… ତୁମେ ବହୁତ ସୁନ୍ଦର ଲାଗୁଛ… ବଧାଇ ହୋ ।

ଦ୍ୱାଦଶ ପରୀକ୍ଷା ପ୍ରାକ୍ଟିକାଲ ଆସେସମେଣ୍ଟ ଦାଖଲ ସମୟ ବୃଦ୍ଧି

ନୂଆଦିଲ୍ଲୀ: ଦ୍ୱାଦଶ ପରୀକ୍ଷା ପ୍ରାକ୍ଟିକାଲ ଆସେସମେଣ୍ଟ ଦାଖଲ ସମୟ ବୃଦ୍ଧି କରାଯାଇଛି । ଆସେସମେଣ୍ଟ ଦାଖଲ ସମୟ ୨୮ ତାରିଖ ଯାଏଁ ବୃଦ୍ଧି ହୋଇଛି । ଏ ନେଇ ସିବିଏସଇ ପକ୍ଷରୁ ସୂଚନା ଦିଆଯାଇଛି । ବାକିଥିବା ପ୍ରାକ୍ଟିକାଲ ଆସେସମେଣ୍ଟ କାର୍ଯ୍ୟ ଅନଲାଇନରେ ହେବ । ସେପଟେ ରାଜ୍ୟରେ ଯୁକ୍ତ ଦୁଇ ପରୀକ୍ଷା ବାତିଲ ପରେ ୧୫ ଦିନ ଭିତରେ ବିଶେଷଜ୍ଞ କମିଟି ଗଠନ ହେବ । ସିବିଏସ୍‌ଇ ପଲିସିକୁ କମିଟି ସଦସ୍ୟମାନେ ତର୍ଜମା କରିବେ । ପରେ ନିଷ୍ପତ୍ତି ହେବ ଯେ, କେଉଁ ଆଧାରରେ ମାର୍କ ଦିଆଯିବ । ଡେଡ୍‌ଲାଇନ୍ ଅନୁସାରେ ଫଳ ପ୍ରକାଶ କରାଯିବା ନେଇ ନିଷ୍ପତ୍ତି ହୋଇଛି ।

ଛୁଟୁଛି ସହାୟତା, ଫେରିବ ଅମ୍ରିତ

ଭୁବନେଶ୍ୱର: ନିଶ୍ୱାସ ରଖିବା ପାଇଁ ଏଠି ବିଶ୍ୱାସ ବଢୁଛି । ବଞ୍ଚାଇବା ପାଇଁ ବାର୍ତ୍ତା ଛୁଟିଛି । ଅମ୍ରିତକୁ ଆଶା ଦେଖାଉଛି ଓଡ଼ିଶା । ନିର୍ଦୟ ମହାମାରୀରେ ମୃତ୍ୟୁ ସହ ସଂଗ୍ରାମ କରୁଥିବା ଅମ୍ରିତ ପ୍ରଧାନଙ୍କ ପାଇଁ ଛୁଟୁଛି ସହାୟତା । କେବଳ ସହାୟତା ନୁହେଁ ଓଡିଆ ପୁଅର ଅସମୟରେ ସାଥ ଦେଇଛି ସାରା ବିଶ୍ୱ । କିଏ ଭଗବାନଙ୍କ ପାଖେ ପ୍ରାର୍ଥନା କରୁଛି ତ, ଆଉ କିଏ ଦୀପ ଟିଏ ଜାଳି ଫେରିବା ବାଟକୁ ଚାହିଁ ରହିଛି । ଆମ ସୁନା ଭାଇ ଅମ୍ରିତ ଫେରିବ, ଖୁବ ଜଲଦି । କାଳିଆ ଆମ ସମସ୍ତଙ୍କ ଡାକ ଶୁଣିବ । ଏ ଭରସା, ବିଶ୍ୱାସ ରହିଛି ଆଉ ରହିଥିବ । ସୋସିଆଲ ମିଡିଆରେ ଏମିତି କିଛି ସୁସ୍ଥ କାମନା କରିଛନ୍ତି ଅସଂଖ୍ୟ ଶୁଭେଛୁ ।

ସମାଜ ପାଇଁ ଏହି ଘଟଣା ହୁଏତ ନୂଆ ହୋଇନପାରେ କିନ୍ତୁ ମାନବିକତାର ମୂଲ୍ୟବୋଧକୁ ସାଇତି ରଖିବାରେ ଏହା ଏକ ପ୍ରେରଣାଭର୍ତ୍ତି ଅଧ୍ୟାୟ । ଯେଉଁଠି ରକ୍ତର ସମ୍ପର୍କ ରକ୍ତକୁ ଅଲୋଡ଼ା କରୁଛି, ଯେଉଁଠି ସାଧାରଣ ସ୍ୱାର୍ଥ ପାଇଁ ଜରାଶ୍ରମରେ ମାଆ ରହୁଛି। ସେଠି ଏଭଳି ଅନ୍ତରର ସହାୟତା ପ୍ରେରଣା ନୁହେଁ ତ ଆଉ କଣ। ଗୋଟେ ମାଆର ଗେହ୍ଲା ପୁଅ, ଭଉଣୀର ସୁନା ଭାଇଙ୍କୁ ବଞ୍ଚାଇବାର ନିବେଦନ ଶୁଣିଥିବା ଲୋକଙ୍କୁ ଶୁଆଇଦେଇ ନଥିଲା । ଚିକିତ୍ସା ପାଇଁ ଆବଶ୍ୟକୀୟ ଅର୍ଥ ବାଧକ ସାଜିଥିବାବେଳେ ଛିଡା ହୋଇଛି ଏ ମାନବଜାତି । ଅସହାୟ ବାପା-ମାଆଙ୍କ ଆର୍ସା ବାଡି ସାଜିଛନ୍ତି କିଛି ସହୃଦୟ ବ୍ୟକ୍ତି । କେବଳ ୩୬ ଘଣ୍ଟା ଭିତରେ ଦେଶ ସମେତ ବିଦେଶରୁ ୮ ହଜାର ୫୨୪ ଜଣ ବ୍ୟକ୍ତି ସହାୟତା ପ୍ରଦାନ କରିଛନ୍ତି । ଅମ୍ରିତଙ୍କ ଚିକିତ୍ସା ପାଇଁ ସମୁଦାୟ ଦେଢ କୋଟି ଟଙ୍କାର ଆବଶ୍ୟକତା ରହିଥିବାବେଳେ ବର୍ତ୍ତମାନ ସୁଦ୍ଧା ସହାୟତା ମିଳିଲାଣି ୯୧ ଲକ୍ଷ ୨୬ ହଜାର ୮୫୭ ଟଙ୍କା ।

ମିଳିଥିବା ସୂଚନା ମୁତାବକ ଗତକାଲି ଅମ୍ରିତ ପ୍ରଧାନଙ୍କ ଟ୍ରାକୋଷ୍ଟୋମି ଅସ୍ତ୍ରୋପଚାର କରାଯାଇଛି । ଏକ ପାଇପ ମାଧ୍ୟମରେ ଫୁସଫୁସ୍ କୁ ଅକ୍ସିଜେନ ସପ୍ଲାଇ କରାଯାଉଛି। ଡାକ୍ତର କହିଛନ୍ତି ଯେ ବର୍ତ୍ତମାନ ଅମ୍ରିତଙ୍କ ସ୍ବାସ୍ଥ୍ୟ ସ୍ଥିର ଥିଲେ ମଧ୍ୟ ସେ ଏବେ ବି ଗୁରୁତର ଅଛନ୍ତି ଏବଂ ସମ୍ପୂର୍ଣ୍ଣ ଭାବରେ ଏକମୋ ମେସିନ୍ ଉପରେ ନିର୍ଭରଶୀଳ ଅଛନ୍ତି । କୋଭିଡରେ ସଂକ୍ରମଣ ହେବା ପରେ ଅମ୍ରିତଙ୍କ ଫୁସଫୁସ ସଂକ୍ରମିତ ହୋଇଥିଲା । ଭୁବନେଶ୍ୱର ଏମସରେ ଚିକିତ୍ସା ଜାରି ରହିଥିବାବେଳେ ଉନ୍ନତ ଚିକିତ୍ସା ପାଇଁ ଚେନ୍ନାଇ ଆପୋଲୋ ହସ୍ପିଟାଲକୁ ନେବାର ଆବଶ୍ୟକତା ପଡିଥିଲା ।

କିନ୍ତୁ ଅମ୍ରିତଙ୍କ ଚିକିତ୍ସା ପାଇଁ ପ୍ରାୟ ଦେଢ଼ କୋଟି ଟଙ୍କା ଜରୁରୀ ଥିବା ବେଳେ ଏତେ ଅର୍ଥ ପାଇଁ ଅସହାୟ ପାଲଟିଥିଲେ ପରିବାର । ତେବେ ତାଙ୍କ ଭଉଣୀ ମନୀଷା ଏବଂ କିଛି ସାଙ୍ଗସାଥୀ ମିଶି ସହାୟତା କରିବାକୁ ଆଗେଇ ଆସିଥିଲେ। ସେମାନେ ମିଲାପ ଫଣ୍ଡ ରେଜର ସହାୟତାରେ ସାମାଜିକ ଗଣମାଧ୍ୟମରେ ସହାୟତା ପାଇଁ ଲୋକଙ୍କୁ ନିବେଦନ କରିଥିଲେ। ଆଉ ପରେ ଅମ୍ରିତଙ୍କ ଜୀବନ ବଞ୍ଚାଇବା ପାଇଁ ବାହାରି ଆସିଛି ଏ ମାନବ ଜାତି । ମହାମାରୀ କୋଭିଡର କଠୋର ନିୟତୀ ଭିତରେ ଏ ସମାଜ ଏକାଠି ହୋଇଛି । ଆଉ ଜଣେ ଅଚିହ୍ନା ଯୁବକର ଜୀବନ ପାଇଁ ଆଗେଇ ଆସିଛି ।

ଯେଉଁଠି ଭୋଟ୍‌ ସେଇଠି ଟିକା: ସାର୍ବଜନୀନ ଟିକାକରଣ ପାଇଁ ଯୋଜନା କଲେ ଦିଲ୍ଲୀ ସରକାର

ନୂଆଦିଲ୍ଲୀ: ରାଜଧାନୀରେ ୪୫ ବର୍ଷରୁ ଅଧିକ ଲୋକଙ୍କର ଟିକାକରଣ ପାଇଁ ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରାଯାଇଛି । ଯାହାର ନାମ ରହିଛି ‘ଜାହାଁ ଭୋଟ୍, ୱାହାଁ ଭ୍ୟାକ୍ସିନେସନ୍’ ଅର୍ଥାତ୍ ‘ଯେଉଁଠି ଭୋଟ୍‌ ସେଇଠି ଟିକା’। ଏନେଈ ସୋମବାର ଦିନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରକାଶ କରିଛନ୍ତି ।

ଯଦି ଟିକା ଅଭାବ ନହୁଏ, ତେବେ ଏହି ଅଭିଯାନ ଅଧୀନରେ ୪ ସପ୍ତାହ ମଧ୍ୟରେ ୪୫ ବର୍ଷରୁ ଅଧିକ ଲୋକଙ୍କୁ ଦିଲ୍ଲୀରେ ଟିକା ଦିଆଯିବ। ଏହି ଅଭିଯାନ ଅଧୀନରେ ଆମେ ସବୁ ଘରକୁ ଯାଇ କହିବୁ ଯେ ଆପଣ ଯେଉଁଠାକୁ ଭୋଟ୍ ଦେବାକୁ ଯାଉଛନ୍ତି । ଆମେ ସେଠାରେ ଆପଣଙ୍କର ଟୀକାକରଣ ପାଇଁ ବ୍ୟବସ୍ଥା କରିଛୁ।

ଆଜିଠାରୁ ଦିଲ୍ଲୀର ୭୦ଟି ୱାର୍ଡରେ ଏହି ଅଭିଯାନ ଆରମ୍ଭ ହେବ। ଏହି ଅଭିଯାନରେ ପ୍ରତି ସପ୍ତାହରେ ୭୦ ୱାର୍ଡରେ ଟିକାକରଣ କରାଯିବ । ଅପରପକ୍ଷେ ଟୀକାକରଣ ପାଇଁ ଲୋକଙ୍କୁ ଘରୁ ନେବା ଲାଗି ବହୁ ସଂଖ୍ୟାରେ ଇ-ରିକ୍ସା ମଧ୍ୟ ନିୟୋଜିତ କରାଯିବ ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଛନ୍ତି ।

ଉଲ୍ଲେଖଯୋଗ୍ୟ, ଦେଶରେ ଗତ ୨୪ ଘଣ୍ଟା ମଧ୍ୟରେ ୧,୦୦,୬୩୬ ପଜିଟିଭ ଚିହ୍ନଟ ହୋଇଛନ୍ତି । ଏଥିସହିତ ୨ ହଜାର ୪୨୭ ଜଣଙ୍କର କରୋନାରେ ମୃତ୍ୟୁ ହୋଇଛି । ଏହାକୁ ମିଶାଇ ଦେଶରେ ମୋଟ ମୃତ୍ୟୁ ସଂଖ୍ୟା ୩ଲକ୍ଷ ୪୯ହଜାର ୧୮୬ ପାର୍ କରିଛି । ଗୋଟିଏ ଦିନରେ କରୋନା ସଂକ୍ରମଣରୁ ସୁସ୍ଥ ହୋଇ ଫେରିଛନ୍ତି ୧ ଲକ୍ଷ ୭୪ ହଜାର ୩୯୯ ଆକ୍ରାନ୍ତ। ନୂଆ ଆକ୍ରାନ୍ତକୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୨ କୋଟି ୮୯ ଲକ୍ଷ ୯ ହଜାର ୯୭୫ ପାର୍ କରିଛି। ଏବେ ସୁଦ୍ଧା ସାରା ଦେଶରେ ୨୩ କୋଟି ୨୭ ଲକ୍ଷ ୮୬ ହଜାର ୪୮୨ ଲୋକଙ୍କୁ କରୋନା ଟିକା ଦିଆ ସରିଛି।

ଟିକା ଭାର ନେଲା କେନ୍ଦ୍ର: ୨୧ ଜୁନରୁ ଦେଶର ସମସ୍ତଙ୍କୁ ମାଗଣା ଟିକା

ନୂଆଦିଲ୍ଲୀ: କରୋନା ମହାମାରୀ ଭିତରେ ପ୍ରଧାନମନ୍ତ୍ରୀ ସୋମବାର ଦିନ ଏକ ବଡ଼ ଘୋଷଣା କରିଛନ୍ତି । ଭାରତର ୧୮ ବର୍ଷରୁ ଅଧିକ ସମସ୍ତ ନାଗରିକଙ୍କୁ ମାଗଣା କରୋନା ଟିକା ଦିଆଯିବ ବୋଲି ପ୍ରଧାନମନ୍ତ୍ରୀ ଘୋଷଣା କରିଛନ୍ତି । କେନ୍ଦ୍ର ସରକାର ଟିକା ପ୍ରସ୍ତୁତକାରୀ କମ୍ପାନୀଙ୍କଠାରୁ ଟିକା କ୍ରୟ କରି ରାଜ୍ୟ ସରକାରଙ୍କୁ ମାଗଣା ଯୋଗାଇବ । ରାଜ୍ୟସରକାରଠାରୁ ଟିକାକରଣ ଦାୟିତ୍ୱ ପ୍ରତ୍ୟାହାର କରାଗଲା ବୋଲି ସେ କହିଛନ୍ତି । ଏହା ସହିତ ଟିକାକୁ ନେଇ ଯେଉଁ ଗୁଜବ ପ୍ରଚାର ହେଉଛି ତାକୁ ବିଶ୍ୱାସ ନକରିବାକୁ ସେ ଆହ୍ୱାନ କରିଛନ୍ତି । କରୋନା କର୍ଫ୍ୟୁରେ ଢିଲା ଦିଆଯିବାକୁ କରୋନା ଚାଲିଗଲା ବୋଲି ନଭାବିବାକୁ ସେ କହିଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ, ରାଜ୍ୟ ସରକାର ଟିକା ପାଇଁ କେନ୍ଦ୍ରକୁ ଟଙ୍କା ଦେବ ନାହିଁ । କମ୍ପାନୀଙ୍କଠାରୁ ଟିକା କିଣିବା ଓ ବିତରଣ କରିବା ଦାୟିତ୍ୱ କେନ୍ଦ୍ରର ରହିବ । ତେବେ ଯେଉଁମାନେ ଚାହିଁବେ ସେମାନେ ଘରୋଇ ହସ୍ପିଟାଲରେ ଟଙ୍କା ଦେଇ ଟିକା ନେଇ ପାରିବେ । ଦେଶରେ ତିଆରି ହେଉଥିବା ଟିକାର ୨୫ ପ୍ରତିଶତ ଘରୋଇ ହସ୍ପିଟାଲ ସିଧା ନେଇ ପାରିବେ । ଏଥିପାଇଁ ଘରୋଇ ହସ୍ପିଟାଲ ସର୍ବାଧିକ ୧୫୦ ଟଙ୍କା ଯାଏଁ ସର୍ଭିସ ଚାର୍ଜ୍ ନେଇ ପାରିବେ । ଘରୋଇ ହସ୍ପିଟାଲରେ ଟିକାକରଣ କାର୍ଯ୍ୟକ୍ରମକୁ ରାଜ୍ୟ ସରକାର ମନିଟର କରିବେ ।

ଟିକାକରଣକୁ ନେଇ ରାଜନୀତି ନକରିବାକୁ ପ୍ରଧାନମନ୍ତ୍ରୀ ଆହ୍ୱାନ କରିଛନ୍ତି । ଏହାସହିତ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାକୁ ଆସନ୍ତା ଦିପାବଳୀ ପର୍ଯ୍ୟନ୍ତ ବଢାଯିବା ବୋଲି ମଧ୍ୟ ପ୍ରଧାନମନ୍ତ୍ରୀ କହିଛନ୍ତି ।

ହୁ ହୁ ହେଇ ବଢ଼ିଚାଲିଛି ତୈଳଦର: କେନ୍ଦ୍ର ସରକାରଙ୍କୁ ଟାର୍ଗେଟ କଲା ବିଜେଡି

ଭୁବନେଶ୍ୱର: ପେଟ୍ରୋଲ ଓ ଡିଜେଲ ଦର କ୍ରମାଗତ ଭାବେ ବଢ଼ି ଚାଲିଛି । ଆଜି ଭୁବନେଶ୍ୱରରେ ପେଟ୍ରୋଲ ଦର ଲିଟର ପ୍ରତି ୯୬ ଟଙ୍କା ୧୧ ପଇସା ଥିବାବେଳେ ଡିଜେଲ ୯୪ ଟଙ୍କା ୦୧ ପଇସା ଅଛି । ଗତବର୍ଷ ଏପ୍ରିଲଠାରୁ ୨୭ଟଙ୍କା ୩୭ ପଇସା ପେଟ୍ରୋଲ ଓ ୨୭ ଟଙ୍କା ୩୦ ପଇସା ବଢ଼ିଛି ଡିଜେଲ ।  ଅନ୍ତର୍ଜାତୀୟ ବଜାରରେ ତୈଳଦର ବଢ଼ୁଥିବାରୁ ଏଠି ବୃଦ୍ଧି ହେଉଛି । ଏଥି ପାଇଁ ପେଟ୍ରୋଲ ୮ ଟଙ୍କା ୪୭ ପଇସା ଓ ଡିଜେଲ ଦର ୭ଟଙ୍କା ୫୭ ପଇସା ଲିଟର ପିଛା ବଢ଼ିଛି । ଉତ୍କଳ ପେଟ୍ରୋଲ ଡିଲର ସଂଘ ସାଧାରଣ ସମ୍ପାଦକ ସଞ୍ଜୟ ଲାଠ ଏହି ସୂଚନା ଦେଇଛନ୍ତି । ଟିକସ ବା ଏକ୍ସାଇଜ ଯୋଗୁ ୯ଟଙ୍କା ୯୨ ପଇସା ପେଟ୍ରୋଲ ଓ ୧୨ ଟଙ୍କା ୯୭ ପଇସା ଲିଟର ପିଚ୍ଛା ବଢିଛି ଡିଜେଲ ଦର ।

VAT ଯୋଗୁ ୮ଟଙ୍କା ୯୮ ପଇସା ପେଟ୍ରୋଲ ଓ ୬ ଟଙ୍କା ୭୬ ପଇସା ଡିଜେଲରେ ବୃଦ୍ଧି ପାଇଛି । ୭ଟି ରାଜ୍ୟରେ ଶହେ ଟଙ୍କା ପାର ହେଲାଣି ଦର। ଅନ୍ତର୍ଜାତୀୟ ବଜାରରେ ୭୦ରୁ ୭୧ ଡଲାର ପ୍ରତି ବ୍ୟାରେଲ ଦର ଅଛି। ଯାହା ଆହୁରି କିଛି ଦିନ ବୃଦ୍ଧି ପାଇ ୭୫ ଡଲାରରେ ପହଞ୍ଚିପାରେ ବୋଲି ଉତ୍କଳ ପେଟ୍ରୋଲ ଡିଲର ସଂଘ ସାଧାରଣ ସମ୍ପାଦକ ସଞ୍ଜୟ ଲାଠ ଏହି ସୂଚନା ଦେଇଛନ୍ତି ।

ଅନ୍ୟପଟେ ଲଗାତାର ତୈଳଦର ବୃଦ୍ଧିକୁ ବିଜେଡିର ବିରୋଧ । ବର୍ତ୍ତମାନ ସାରା ଦେଶରେ ଦରଦାମ ହୁ ହୁ ହୋଇ ବୃଦ୍ଧି ପାଉଛି । ଏହି ସମୟରେ ପ୍ରାୟ ସମସ୍ତେ ବେକାର । ଜିଡିପି ୪୦ ବର୍ଷ ତଳକୁ ଖସି ଯାଇଛି । ଏଭଳି ସମୟରେ ଲଗାତାର ତୈଳଦର ବୃଦ୍ଧିକୁ ବିଜେଡି ନେତା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା ନିନ୍ଦା କରିଛନ୍ତି । ସେ କହିଛନ୍ତି, କେନ୍ଦ୍ର ସରକାର ଅଚ୍ଛେ ଦିନର ସ୍ଲୋଗାନ ଦେଉଥିଲେ, ତା’ର ଓଲଟା ହେଉଛି । ସବୁଵର୍ଗର ଲୋକ ପ୍ରଭାବିତ ହେଉଛନ୍ତି ।

ଗତ ବଜେଟ ସମୟରେ କେନ୍ଦ୍ର ଅର୍ଥମନ୍ତ୍ରୀ କହିଥିଲେ, କୃଷି ସେସ୍‌ ଦ୍ୱାରା ଲୋକ ପ୍ରଭାବିତ ହେବେ ନାହିଁ । ସେପଟେ ଲଗାତାର ଭାବେ ୧୬ଥର ତୈଳଦର ବୃଦ୍ଧି କରାଯାଇଛି । ଯାହା ସିଧା ସଳଖ ଭାବେ ଲୋକଙ୍କ ଉପରେ ପ୍ରଭାବ ପଡିଛି । ତେଣୁ ବର୍ଦ୍ଧିତ କୃଷି ସେସ୍‌ ପ୍ରତ୍ୟାହାର କରାଯାଉ । କେନ୍ଦ୍ର ସରକାର ନେଉଥିବା ଟ୍ୟାକ୍ସ କମାଇବା ସହ ରିହାତି ବୃଦ୍ଧି କରନ୍ତୁ । ଅନ୍ତର୍ଜାତୀୟ ବଜାରରେ ଅଶୋଧିତ ତୈଳଦର ଯେଉଁ ହାରରେ ବୃଦ୍ଧି ପାଉନି, ତା’ ତୁଳନାରେ ତୈଳଦର ଯଥେଷ୍ଟ ଅଧିକ ବୃଦ୍ଧି ପାଉଛି । ତୈଳଦର ବୃଦ୍ଧି ସାଧାରଣ ଲୋକଙ୍କୁ ବହୁତ ପ୍ରଭାବିତ କରୁଛି । ଅଗାମୀ ଦିନରେ ତୈଳଦର ବୃଦ୍ଧିର ପ୍ରତିବାଦ କରି ବିଜେଡି ଆହୁରି ଶକ୍ତ ଆଭିମୁଖ୍ୟ ଆପଣାଇବ ବୋଲି ବିଜେଡି ନେତା ତଥା ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା କହିଛନ୍ତି ।

ବିଶ୍ୱ ଖାଦ୍ୟ ସୁରକ୍ଷା ଦିବସ : ଏହି ୮ଟି ଖାଦ୍ୟର ନାହିଁ ଏକ୍ସପାଏରୀ ଡେଟ୍

ନୂଆଦିଲ୍ଲୀ: ପ୍ରତିବର୍ଷ ଜୁନ୍ ୭ରେ ପାଳିତ ହେଉଛି ବିଶ୍ୱ ଖାଦ୍ୟ ସୁରକ୍ଷା ଦିବସ । ୨୦୧୮ ଜୁନ ୭ରେ, ମିଳିତ ଜାତିସଂଘ ସାଧାରଣ ସଭା ଏହି ଦିନ ବିଶ୍ୱ ଖାଦ୍ୟ ସୁରକ୍ଷା ଦିବସକୁ ବାର୍ଷିକ ଉତ୍ସବ ଭାବରେ ଥିମ୍ ପରିବର୍ତ୍ତନ ସହିତ ପାଳନ କରିବାକୁ ଘୋଷଣା କରିଥିଲା । ଏହା ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ଆରମ୍ଭ ହୋଇଥିବା ଏକ ପଦକ୍ଷେପ । ପ୍ରଥମ ମହୋତ୍ସବର ସଫଳତା ଦ୍ୱାରା ଉତ୍ସାହିତ ହୋଇ ବିଶ୍ୱ ସ୍ୱାସ୍ଥ୍ୟ ସଂଗଠନ ସଚେତନତା ସୃଷ୍ଟି କରିବା ପାଇଁ ଏହାକୁ ପାଳନ କରିବାକୁ ନିଷ୍ପତ୍ତି ନେଇଥିଲେ । ତେବେ ଆସନ୍ତୁ ଜାଣିବା କେଉଁ ୧୦ଟି ଖାଦ୍ୟର ନାହିଁ ଏକ୍ସପାଇରୀ

୧-. ଧଳା ଚାଉଳ :

ଧଳା ଚାଉଳ, ଏହା ହେଉଛି ପୁଷ୍ଟିକର ଖାଦ୍ୟ । ଏହାର ସ୍ୱାଦ ୩୦ ବର୍ଷ ପର୍ଯ୍ୟନ୍ତ ବଜାୟ ରହିଥାଏ । ଯେତେବେଳେ ୪୦ ଡିଗ୍ରୀ ଫାରେନ୍ହାଇଟ୍ ତଳେ ଅମ୍ଳଜାନମୁକ୍ତ ପାତ୍ରରେ ଗଚ୍ଛିତ ହୁଏ । ବ୍ରାଉନ୍ ଚାଉଳ, ବେଶି ଦିନ ରହିପାରେନି । କାରଣ ଏଥିରେ ଥିବା ତୈଳାକ୍ତ ଅଂଶ କୁଣ୍ଡାରେ ବାହାରିଯାଇଥଆଏ । ସେଥିପାଇଁ ଏହା ୬ ମାସରୁ ଅଧିକଦିନ ରହେନି ।

୨- ମହୂ :

ମହୂ ଏକମାତ୍ର ଖାଦ୍ୟ, ଯାହାକି କୁହାଯାଏ ପ୍ରକୃତରେ ଏହା ସବୁଦିନ ପାଇଁ ରହିଥାଏ । ଏହାର ଯାଦୁକରୀ ରସାୟନ ଏବଂ ମହୁମାଛିର ହସ୍ତତନ୍ତ ଯୋଗୁଁ ଫୁଲରୁ ବାହାରୁଥିବା ଅମୃତ ମହୁମାଛି ଭିତରେ ଥିବା ଏନଜାଇମ୍ ସହିତ ମିଶିଥାଏ । ଯାହା ସରଳ ଶର୍କରାରେ ବିଭକ୍ତ ହୋଇ ମହୁଫେଣାରେ ଜମା ହୋଇଥାଏ । ମହୁମାଛିଙ୍କ ଡେଣା ଏବଂ ସେମାନଙ୍କ ପେଟରୁ ଏନଜାଇମ୍ ବା ତରଳ ପଦାର୍ଥ ସୃଷ୍ଟି କରେ ଯାହା ଉଭୟ ଅତ୍ୟଧିକ ଅମ୍ଳୀୟ । ମହୁର ପ୍ରକ୍ରିୟାକରଣ ଏପରି ହୋଇଥାଏ ଯାହାକି ଅନିର୍ଦ୍ଦିଷ୍ଟ କାଳ ପାଇଁ ଗଚ୍ଛିତ ହୋଇ ରହିଯାଏ । ଆର୍ଦ୍ରତା କମ୍ ଥିବା ସତ୍ତ୍ୱେ ମହୁର ଶର୍କରା ହାଇଗ୍ରୋସ୍କୋପିକ୍ ଥାଏ, ଯାହା ବାୟୁରୁ ଆର୍ଦ୍ରତା ଗ୍ରହଣ କରନ୍ତି । ଯେତେବେଳେ ଗରମ ଏବଂ ଛାଣାଯାଇଥିବା ମହୁକୁ ସଠିକ୍ ଭାବରେ ସିଲ୍ କରାଯାଏ, ଆର୍ଦ୍ରତା ଅବଶୋଷିତ ହୋଇନପାରି ସବୁଦିନ ପାଇଁ ସମାନ ରହିଥାଏ । ବିଶ୍ୱାସ ରହିଛି ଯେ, ମହୁରେ ଥିବା ମିଠାର ସ୍ୱାଦ ପାଖାପାଖି ୫୫୦୦ ବର୍ଷ ପର୍ଯ୍ୟନ୍ତ ରହିଥାଏ ।

୩-ଲୁଣ :

ସୋଡିୟମ୍ କ୍ଲୋରାଇଡ୍ ହେଉଛି ଏକ ପ୍ରାକୃତିକ ଖଣିଜ ପଦାର୍ଥ । ଏହାର ସ୍ଥାୟୀତା ଆଶ୍ଚର୍ଯ୍ୟଜନକ ନୁହେଁ । ଏହାର ବ୍ୟବହାର କେଉଁ ଆବାହମାନ କାଳରୁ ଖାଦ୍ୟ ପଦାର୍ଥକୁ ସଂରକ୍ଷିତ ରଖିବା ପାଇଁ ଉପକରଣରେ କରାଯାଏ । କାରଣ ଏହା ଖାଦ୍ୟରେ ଥିବା ଆର୍ଦ୍ରତା ହଟାଇଥାଏ । ଆପଣ ଚାହିଁଲେ ବି ଆଲମାରୀରେ ଦୀର୍ଘଦିନ ଧରି ଲୁଣକୁ ରଖିପାରିବେନି । ଯଦି ଆପଣ ଆୟୋଡିନ ଯୁକ୍ତ ଲୁଣ ବ୍ୟବହାର କରୁଛନ୍ତି ତାହେଲେ ଏହା ୫ ବର୍ଷ ପର୍ଯ୍ୟନ୍ତ ରହିବାର ସମ୍ଭାବନା ଅଛି ।

୪-ସୋୟା ସସ୍ :

ସହମତି ମନେହେଉଛି ଯେ ଏହା ଏକ ପ୍ରକାର ନିର୍ଦ୍ଦିଷ୍ଟ ବ୍ରାଣ୍ଡ୍ ବ୍ୟବହାର କରୁଥିବା ମିଶ୍ରଣ ଉପରେ ନିର୍ଭର କରେ । କିନ୍ତୁ ଖୋଲା ନ ହେଲେ ସୋୟା ସସ୍ ବହୁତ ଦିନ ଧରି ରହିପାରିବ । ଏହା ଖୋଲିବା ପରେ ମଧ୍ୟ ରେଫ୍ରିଜରେଟରରେ ବର୍ଷ ବର୍ଷ ଧରି ରହିପାରେ।

୫-ଚିନି :

ଏହି ତାଲିକାରେ ଥିବା ଅନ୍ୟ ଆଇଟମଗୁଡିକ ପରି, ଚିନି ପାଇଁ ବ୍ୟବହାର କରୁଥିବା ଷ୍ଟୋରେଜ୍ ପଦ୍ଧତି ନିର୍ଣ୍ଣୟ କରେ ଯେ ତୁମେ ଏହାକୁ ସବୁଦିନ ପାଇଁ ସାଇତି ରଖିପାରିବ କି ନାହିଁ । ପାଉଡର ଏବଂ ଗ୍ରାନ୍ୟୁଲେଟେଡ୍ ଚିନିକୁ ଆର୍ଦ୍ରତାକୁ ରଖିବା ପାଇଁ ଏୟାରଟାଇଟ୍ ପାତ୍ରରେ ରଖାଯିବା ଉଚିତ୍ । ଖୁଚୁରା ବ୍ୟବସାୟୀମାନେ ତାରିଖ ସହିତ ବ୍ୟାଗ୍ ଷ୍ଟାମ୍ପ୍ କରିବା ଆବଶ୍ୟକ କରନ୍ତି । କିନ୍ତୁ ନିର୍ମାତାମାନେ କୁହନ୍ତି ଯେ ବ୍ରାଉନ୍ ସୁଗାର କ୍ଷେତ୍ରରେ ଏହା ଅନୁପଯୋଗ୍ୟ ।

୬-ଶୁଖିଲା ବିନ୍ସ :

ଚାଉଳ ଅଧ୍ୟୟନ ପରି, ବ୍ରିଗମ୍ ୟଙ୍ଗ ୟୁନିଭରସିଟିର ଅନୁସନ୍ଧାନକାରୀମାନେ ଜାଣିବାକୁ ପାଇଛନ୍ତି ଯେ ୩୦ ବର୍ଷ ପରେ ପିଣ୍ଟୁ ବିନ୍ସର ସାମଗ୍ରିକ ଗୁଣ ହ୍ରାସ ପାଇଛି । କିନ୍ତୁ “ସମସ୍ତ ନମୁନା ଅତି କମରେ ୮୦ ପ୍ରତିଶତ ଉପଭୋକ୍ତା ପ୍ୟାନେଲିଷ୍ଟଙ୍କ ଦ୍ୱାରା ଜରୁରୀକାଳୀନ ପରିସ୍ଥିତିରେ ବ୍ୟବହାର ପାଇଁ ଗ୍ରହଣୀୟ ବୋଲି ବିବେଚନା କରାଯାଇଥିଲା । ଆହୁରି ମଧ୍ୟ, ସମୟ ସହିତ ଏଥିରେ ଥିବା ପ୍ରୋଟିନ୍ ହଜମ ହେବାରେ ସହଜ ହୋଇଥାଏ ।

୮-ପାଉଡର କ୍ଷୀର :

ପାଉଡର କ୍ଷୀର ସ୍ୱାଦ ସେତେଟା ଭଲ ନୁହେଁ । କିନ୍ତୁ ପାଉଡର କ୍ଷୀର ବିଦ୍ୟମାନ ହେବାର ଏକ ମୁଖ୍ୟ କାରଣ ହେଉଛି ଏହା ଅଧିକ ସମୟ ଧରି ରହିଥାଏ । ତାଜା କ୍ଷୀର ଅପେକ୍ଷା ପରିବହନ ଏବଂ ସଂରକ୍ଷଣ କରିବା ମଧ୍ୟ ସହଜ ଅଟେ । ଏହାକୁ ଦୀର୍ଘଦିନ ଧରି ବ୍ୟବହାର କରିହେବ ।

୯-ହାର୍ଡ ଲିକର୍ :

କ୍ରିମ୍ ଲିକ୍ୟୁର୍, କିନ୍ତୁ ଆପଣ ସବୁବେଳେ କଠିନ ସାମଗ୍ରୀର ଏକ ଷ୍ଟାସ୍ ରଖିପାରିବେ । ଅମ୍ଳଜାନ ହେତୁ ସ୍ୱାଦ ପ୍ରାୟ ନିଶ୍ଚିତ ରୂପେ ବଦଳିଯିବ । ଖୋଲା ବୋତଲରେ ରଖିବା ହେତୁ ବାଷ୍ପୀକରଣ କାରଣରୁ କିଛିଟା ମାତ୍ରା ଏହାର ଗୁଣ କମିପାରେ । ଯେ ପର୍ଯ୍ୟନ୍ତ ଏହାକୁ କେହି ନ ପିଇଛନ୍ତି ସେପର୍ଯ୍ୟନ୍ତ ଏଥିରେ ଥିବା ଆଲକହଲ ମାତ୍ରା ସେମିତି ରହିଥାଏ ।

ଦେଶବାସୀଙ୍କୁ ଧର୍ମେନ୍ଦ୍ରଙ୍କ ଝଟକା, କହିଲେ କମିବନି ପେଟ୍ରୋଲ ଦର

ନୂଆଦିଲ୍ଲୀ: ଦେଶରେ ପେଟ୍ରୋଲ୍ ଓ ଡିଜେଲ୍ ଦର ଦିନୁକ ଦିନ ଆକାଶ ଛୁଆଁ ହେବାରେ ଲାଗିଛି । ଏମିତିକି ଭାରତର କିଛି ସହରରେ ପେଟ୍ରୋଲ୍ ଦର ଲି. ପ୍ରତି ୧୦୦ ଟଙ୍କା ଟପିଛି । ବଢୁଥିବା ତୖେଳ ଦରକୁ ନେଇ ଚିନ୍ତାରେ ପଡିଛନ୍ତି ଗ୍ରାହକ। ଏଭଳି ସମୟରେ ପେଟ୍ରୋଲ୍ ଓ ଡିଜେଲ୍ ଦରରୁ ନିସ୍ତାର ମିଳିବ ନାହିଁ ବୋଲି କହିଛନ୍ତି  ପେଟ୍ରାେଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଗୁଜୁରାଟରେ କେନ୍ଦ୍ର ମନ୍ତ୍ରୀଙ୍କୁ ପଚରାଯାଇଥିବା ଏକ ପ୍ରଶ୍ନର ଜବାବ ଦେବାକୁ ଯାଇ ସେ କହିଛନ୍ତି, ସରକାରଙ୍କର ଆମଦାନୀ ଏବେ ଖୁବ୍ କମି ଯାଇଛି । ୨୦୨୦-୨୧ ଆର୍ଥିକ ବର୍ଷରେ ଆମଦାନୀ କମିଥିବା ବେଳେ ୨୦୨୧-୨୨ ବର୍ଷରେ ମଧ୍ୟ ଏହା କମ୍ ରହିବାର ଆଶଙ୍କା ରହିଛି । ଏବେ ଆମଦାନୀ କମିବା ସହ ସରକାରଙ୍କର ଖର୍ଚ୍ଚ ମଧ୍ୟ ବଢୁଛି ।

ହେଲଥ ସେକ୍ଟରରେ ଖର୍ଚ୍ଚ ବଢୁଥିବା ବେଳେ ଜନମଙ୍ଗଳ କାର୍ଯ୍ୟରେ ମଧ୍ୟ ସରକାର ଖର୍ଚ୍ଚ କରୁଛନ୍ତି । ଏଭଳି ସ୍ଥଳେ ପେଟ୍ରୋଲ୍ ଓ ଡିଜେଲ୍ ର ଦାମ୍ କମ୍ କରିବାର ଏହା ଉପଯୁକ୍ତ ସମୟ ନୁହେଁ । ତୈଳ ଦର ବଢିବାର ମୁଖ୍ୟ କାରଣ ଅନ୍ତରାଷ୍ଟ୍ରୀୟ ବଜାର । ବଜାରରେ କଞ୍ଚା ତେଲର ମୂଲ୍ୟ ବ୍ୟାରେଲ୍ ପ୍ରତି ୭୦ ଡଲାରରେ ପହଞ୍ଚିଛି । ଯାହା ଫଳରେ ପେଟ୍ରୋଲ୍ ଓ ଡିଜେଲ୍ ଦର ମଧ୍ୟ ବଢୁଛି ।

ତେବେ ଏହା ପୂର୍ବରୁ ନୀତି ଆୟୋଗର ଭାଇସ୍ ଚେୟାରମ୍ୟାନ୍ ରାଜୀବ କୁମାର କହିଥିଲେ ଯେ ତୖେଳ ଦର ବୃଦ୍ଧି ନେଇ ସରକାରଙ୍କୁ କିଛି କରିବା ଉଚିତ୍ ।