spot_img
Home Blog Page 5717

ୟୁପି ରାଜନୀତି: ବୈଠକକୁ ଡାକିଲେନି, ଜନ୍ମଦିନରେ ଶୁଭେଚ୍ଛା ବି ଜଣାଇଲେନି

ଲକ୍ଷ୍ଣୌ: ଗତ ୨ ସପ୍ତାହ ହେଲା ଉତ୍ତରପ୍ରଦେଶରେ ଚାଲିଛି ଘନ ଘନ ବୈଠକ । ରାଷ୍ଟ୍ରୀୟ ସ୍ୱୟଂ ସେବକ ସଂଘ ଓ ବିଜେପି କେନ୍ଦ୍ରୀୟ ଟିମ୍‌ର ଏଭଳି ବୈଠକ ୟୁପିରେ ବଡ଼ ଧରଣର ରାଜେନୖତିକ ପରିବର୍ତ୍ତନ ଆଡ଼କୁ ଇସାରା କରୁଛି । ଏହାରି ମଧ୍ୟରେ ଜନ୍ମଦିନ ଅବସରରେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଟ୍ୱିଟ୍‌ରେ ପ୍ରଧାନମନ୍ତ୍ରୀ ଶୁଭେଚ୍ଛା ନ ଜଣାଇବା ରାଜେନୖତିକ ପରିବର୍ତ୍ତନର ଏଭଳି ଆକଳନକୁ ଖୋରାକ୍ ଯୋଗାଇଛି ।

            ଗତକାଲି ଯୋଗୀ ଆଦିତ୍ୟ ନାଥଙ୍କ ଜନ୍ମଦିନ ଥିବା ବେଳେ ବିଜେପିର ବିଗ୍ ଫେସ୍‌ମାନେ ତାଙ୍କୁ ଶୁଭେଚ୍ଛା ଜଣାଇନାହାନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ରମନ୍ତ୍ରୀ ଅମିତ ଶାହ ଓ ବିଜେପି ଅଧ୍ୟକ୍ଷ ଜେ.ପି ନଡ୍ଡା ମଧ୍ୟରୁ କେହିଁ ବି ସାର୍ବଜନୀନ ଭାବେ ଯୋଗୀଙ୍କୁ ଜନ୍ମଦିନ ଅବସରରେ ଶୁଭେଚ୍ଛା ଜଣାଇନଥିବା ବେଳେ ଫୋନ୍ ଯୋଗେ ପ୍ରଧାନମନ୍ତ୍ରୀ ମୋଦି ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶୁଭେଚ୍ଛା ଜଣାଇଥିବା ଜଣାପଡ଼ିଛି । ତେବେ ଗତ ବର୍ଷ କରୋନା କାଳରେ ପ୍ରଧାନମନ୍ତ୍ରୀ ମୋଦି, କେନ୍ଦ୍ରମନ୍ତ୍ରୀ ଅମିତ ଶାହ ଓ ବିଜେପି ଅଧ୍ୟକ୍ଷ ଜେ.ପି ନଡ୍ଡା ତାଙ୍କୁ ଟ୍ୱିଟରେ ଯୋଗେ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଏଣୁ ଚଳିତ ବର୍ଷର ମହାମାରୀ ଜନିତ କ୍ଷୟକ୍ଷତି ଓ ବର୍ତ୍ତମାନର ଦୁଃଖଦ ପରିସ୍ଥିତି  ଶୁଭେଚ୍ଛା ନଜଣାଇବାର କାରଣ ନୁହେଁ ବୋଲି ସ୍ପଷ୍ଟ ହୋଇଛି ।

ଏଭଳି କି ଗତ ୧୮ ମଇରେ ଅମିତ ଶାହା କେନ୍ଦ୍ରୀୟ ମନ୍ତ୍ରୀ ଥାବର ଚନ୍ଦ୍ର ଗେହଲଟ୍‌ଙ୍କୁ ଜନ୍ମଦିନର ଶୁଭେଚ୍ଛା ଜଣାଇଥିଲେ । ଏହି ସମୟରେ ଦେଶରେ କରୋନା ପିକ୍‌ରେ ମଧ୍ୟ ଥିଲା । ଏଣୁ ଶୁଭେଚ୍ଛା ନ ଜଣାଇବାର କାରଣ କରୋନା ନୁହେଁ ବୋଲି ସ୍ପଷ୍ଟ ହୋଇଛି ।  ଅପରପକ୍ଷରେ କେନ୍ଦ୍ରମନ୍ତ୍ରୀ ନୀତିନ ଗଡ଼କରୀ, ରାଜନାଥ ସିଂହ ଓ ସ୍ମୃତି ଇରାନୀ କିନ୍ତୁ ଜନ୍ମଦିନ ଅବସରେ ଯୋଗୀ ଆଦିତ୍ୟନାଥଙ୍କୁ ଟ୍ୱିଟ୍‌ର ଯୋଗେ ଶୁଭେଚ୍ଛା ଜଣାଇଥିଲେ ଏବଂ ଯୋଗୀଙ୍କ ଟ୍ୱିଟ୍‌ର ହ୍ୟାଣ୍ଡଲରୁ ଏହାର ଉତ୍ତର ମଧ୍ୟ ଦିଆଯାଉଥିଲା ।

ସୂଚନା ଯୋଗ୍ୟ ଯେ, ଗତ ୨୪ ମଇରେ କେନ୍ଦ୍ରୀୟ ନେତୃତ୍ୱଙ୍କ ଏକ ବୈଠକ ହୋଇଥିଲା । ଯେଉଁଥିରେ ମୋଦି,ଅମିତ ଶାହ, ଜେ.ପି ନଡ୍ଡା ,ସୁନିଲ ବଂଶଲ, ଦତ୍ତାତ୍ରେୟ ହୋସବୋଲେ ସାମିଲ ଥିଲେ । ଆଗାମୀ ୧୦ ମାସ ପରେ ୟୁପିରେ ହେବାକୁ ଥିବା ନିର୍ବାଚନ ନେଇ ଏଥିରେ ଆଲୋଚନା ହୋଇଥିବା ବେଳେ ଯୋଗୀ କିନ୍ତୁ ଅନୁପସ୍ଥିତ ଥିଲେ । ଏଭଳି କି ପରବର୍ତ୍ତୀ ସମୟରେ ଦିଲ୍ଲୀରେ ଦଳର ସାଂଗଠନିକ ମହାସଚିବ ଭିଏଲ୍ ସନ୍ତୋଷ ବିଧାୟକ, ମନ୍ତ୍ରୀ ଓ ଉପ ମୁଖ୍ୟମନ୍ତ୍ରୀଙ୍କ ସହ ୟୁପିରେ ଦଳର ସ୍ଥିତି ନେଇ ଆଲୋଚନା କରିବା ସହ ଫିଡ୍‌ବ୍ୟାକ୍ ମଧ୍ୟ ନେଇଥିଲେ । ପରବର୍ତ୍ତୀ ସମୟରେ ସଂଘର ନେତାଙ୍କ ସହ ମଧ୍ୟରେ ଦିଲ୍ଲୀରେ ୟୁପି ନେଇ ଆଲୋଚନା ହୋଇଥିଲେ । କିନ୍ତୁ କୌଣସି ବି ବୈଠକରେ ଯୋଗୀ ଉପସ୍ଥିତ ନ ରହିବା ଦଳରେ ମଧ୍ୟରେ ଅଲ୍‌ ନଟ୍ ଓ୍ୱେଲ୍‌କୁ ଦର୍ଶାଉଛି ।

ବିହାରରେ ୮ଜୁନ୍ ରୁ ହଟିଯାଇପାରେ ଲକଡାଉନ : ଜାଣନ୍ତୁ କ’ଣ ହେଉଛି ବ୍ୟବସ୍ଥା

ଲକଡାଉନରୁ କେବେ ମିଳିବ ଛୁଟି? ସାଧାରଣ ଲୋକଙ୍କ ଭିତରେ ଏନେଇ ପ୍ରଶ୍ନ । ତେବେ ଏହି ପ୍ରଶ୍ନର ଉତ୍ତର ବୋଧହୁଏ ବିହାର ଜନତାଙ୍କୁ ଖୁବ୍ ଶିଘ୍ର ମିଳିବାକୁ ଯାଉଛି । କାହିଁକି ନା ଆଶା ଅନୁସାରେ ଖୁବଶିଘ୍ର ବିହାରର ଲୋକଙ୍କୁ ଲକଡାଉନରୁ ଛୁଟି ମିଳିପାରେ । ଲକଡାଉନ-୪ ର ଅବଧି ୮ଜୁନକୁ ଶେଷ ହେବାର ଅଛି । ଆଉ ଏହା ପରେ ବିହାରରେ ଅନଲକର ସ୍ଥିତି ଆସିପାରେ । ତେବେ ସୂତ୍ର ଅନୁସାରେ ଜଣାପଡୁଛି ଯେ ବିହାର ମୁଖ୍ୟମନ୍ତ୍ରୀ ନିତିଶକୁମାର ସମସ୍ତ ଡିଏମଙ୍କ ଠାରୁ ମତାମତ ନେଇ ରଣନୀତି ପ୍ରସ୍ତୁତ କରୁଛନ୍ତି । ବିହାରରେ ୮ଜୁନ୍ ପରେ ଲକଡାଉନ ଅବଧି ବଢିବା ଠିକ୍ ନୁହେଁ ବୋଲି ଆଲୋଚନା ହେଉଛି । ତାଛଡା ସମସ୍ତ ଡିଏମ କଡାକଡି ନିୟମ ଲାଗୁ କରିପାରିବେ ତାସହ ଜିଲ୍ଲାଧିକାରୀ ସଂକ୍ରମଣର ସ୍ଥିତିକୁ ଦେଖି ନିଜ ନିଜ ଅଂଚଳରେ ଚାହିଁଲେ ଲକଡାଉନ ଲାଗୁ କରିପାରିବେ ।

ତେବେ ଆସନ୍ତାକାଲି କରୋନା କ୍ରାଇସିସ ମେନେଜମେଣ୍ଟ ଗ୍ରୁପର ବୈଠକରେ ଏ ସମ୍ଭନ୍ଧରେ ଫଇସଲା କରାଯିବାର ଯୋଜନା ରହିଛି । ତେବେ ବିହାରର ଲକଡାଉନ ହଟିବା ସହିତ କିଛି ନିୟମର କୋହଳ ହେବାକଥା ବି ସୂତ୍ରରୁ ପ୍ରକାଶ ହେଉଛି । ବିହାରରେ ବିବାହ ପାଇଁ ନିର୍ଦ୍ଧାରିତ ହୋଇଥିବା ଲୋକସଂଖ୍ୟାରେ ପରିବର୍ତ୍ତନ ହେବ । କିନ୍ତୁ ଲକଡାଉନ ହଟିଗଲେ ବି ନିତି ନିୟମର ପାଳନରେ ଅବମାନନା ହେଲେ ପୋଲିସ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରିପାରିବ । ତେବେ ବର୍ତ୍ତମାନର ଲକଡାଉନ ସ୍ଥିତି ଯୋଗୁଁ କରୋନା ସଂକ୍ରମଣ ଉପରେ କିଛିକାଂଶରେ ରୋକ ଲାଗିପାରିଛି ।

ବିହାରରେ ଲକଡାଉନ ପରେ ୮୦ ପ୍ରତିଶତ ସଂକ୍ରମଣରେ କମ ଦେଖାଯାଉଛି । ଦେଶରେ ଦୈନିକ ସଂକ୍ରମଣ ଗତ ୫୮ ଦିନ ଭିତରେ ସର୍ବନିମ୍ନ ସ୍ତରକୁ ଖସି ଆସି ୧.୨ ଲକ୍ଷରେ ପହଞ୍ଚିଥିବା ବେଳେ ପୂର୍ବଦିନ ଅପେକ୍ଷା ପାଖାପାଖି ୭୭୦ ଅଧିକ ମୃତ୍ୟୁ ଘଟି ଦୈନିକ ମୃତକଙ୍କ ସଂଖ୍ୟା ପୁଣି ତିନି ହଜାର ଟପିଯିବା ଚିନ୍ତାର କାରଣ ହୋଇଛି। ତେବେ ଗତ ତିନି ସପ୍ତାହରୁ ଅଧିକ ଦିନ ଧରି ନୂତନ ସଂକ୍ରମିତଙ୍କ ତୁଳନାରେ ଅଧିକ ଆରୋଗ୍ୟ ଲାଭ କରିବା ସହ ସକ୍ରିୟ ମାମଲାରେ କ୍ରମାଗତ ହ୍ରାସ ଘଟିବା ପ୍ରକ୍ରିୟା ଜାରି ରହିଛି। ତେଣୁକରି ବିହାର ସରକାର ଚିନ୍ତାକରୁଛନ୍ତି ଯେ ସ୍ଥିତି ବର୍ତ୍ତମାନ ନିୟନ୍ତ୍ରଣକୁ ଆସିବା କାରଣରୁ ଅନଲକ ପ୍ରକ୍ରିୟା ଆରମ୍ଭ କରିଦେବା ଆବଶ୍ୟକ ।

ଶୁଭେନ୍ଦୁ ଅଧିକାରୀ ଓ ତାଙ୍କ ଭାଇଙ୍କ ବିରୋଧରେ ରିଲିଫ୍ ସାମଗ୍ରୀ ଚୋରି ମାମଲା

କୋଲକତା: ପଶ୍ଚିମବଙ୍ଗ ବିରୋଧି ଦଳ ନେତା ଶୁଭେନ୍ଦୁ ଅଧିକାରୀ ଓ ତାଙ୍କ ଭାଇଙ୍କ ବିରୋଧରେ ପୋଲିସ ରିଲିଫ୍ ସାମଗ୍ରୀ ଚୋରି ଅଭିଯୋଗରେ ମାମଲା ରୁଜ୍ଜୁ କରିଛି । କାଣ୍ଠି ନଗର ପାଳିକାରୁ ଦୁଇ ଭାଇ ରିଲିଫ୍ ସାମଗ୍ରୀ ଚୋରି କରିଥିବା ଅଭିଯୋଗ ହୋଇଛି । ରତ୍ନଦୀପ ମନ୍ନାଙ୍କ ଅଭିଯୋଗ ଆଧାରରେ ପୋଲିସ ଏହି ଏତଲା ଦାଏର କରିଛି । ରତ୍ନଦୀପ କାଣ୍ଠି ନଗରପାଳିକାର ପ୍ରଶାସନିକ ବୋର୍ଡ୍ ସଦସ୍ୟ ଅଟନ୍ତି । ଶୁଭେନ୍ଦୁ ରିଲିଫ ସାମଗ୍ରୀ ଚୋରି କରିବା କାମରେ କେନ୍ଦ୍ରୀୟ ସୁରକ୍ଷା ବଳଙ୍କ ସାହାଯ୍ୟ ନେଇଥିବା ମଧ୍ୟ ଅଭିଯୋଗ ହେଉଛି ।
ଏତଲା ଅନୁସାରେ ମେ ୨୯ ତାରିଖ ଦିନ ମଧ୍ୟାହ୍ନ ୧୨.୩୦ ବେଳ ଶୁଭେନ୍ଦୁ,ତାଙ୍କ ଭାଇ ଓ କାଣ୍ଠି ନଗର ପାଳିକାର ପୂର୍ବତନ ଅଧ୍ୟକ୍ଷଙ୍କ ଆଦେଶରେ ସରକାରୀ ତାରପୁଲିନ୍ ଚୋରି ହୋଇଥିଲା । ଯାହାର ମୂଲ୍ୟ ଲକ୍ଷାଧିକ ଥିଲା । ତାଲା ଭାଙ୍ଗି ଅଧିକାରୀ ଭାଇ ଏହି ଚୋରି କରିଥିଲେ ବୋଲି ଏତଲାରେ ରତ୍ନଦୀପ ଅଭିଯୋଗ କରିଛନ୍ତି ।
ସୂଚନାଯୋଗ୍ୟ ଯେ, ୨୦୨୦ ନଭେମ୍ବର ପର୍ଯ୍ୟନ୍ତ ଶୁଭେନ୍ଦୁ ମମତାଙ୍କ କ୍ୟାବିନେଟରେ ମନ୍ତ୍ରୀ ଥିଲେ । ତେବେ ମତଭେଦ କାରଣରୁ ସେ ଦଳ ଛାଡି ବିଜେପିରେ ଯୋଗ ଦେଇଥିଲେ । ନନ୍ଦିଗ୍ରାମ ବିଧାନସଭା ଆସନରୁ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ପରାସ୍ତ କରିଥିଲେ । ନବ ଗଠିତ ବିଧାନସଭାରେ ସେ ବିରୋଧୀ ଦଳ ନେତା ଅଛନ୍ତି ।

ହସ୍ପିଟାଲରେ ଭର୍ତ୍ତି ହେଲେ ଅଭିନେତା ଦିଲ୍ଲୀପ କୁମାର

ହିନ୍ଦୀ ସିନେ ଜଗତର ଖୁବ୍ ଜଣାଶୁଣା ଅଭିନେତା ହେଉଛନ୍ତି ଦିଲ୍ଲୀପ କୁମାର । କିନ୍ତୁ ବର୍ତ୍ତମାନ ତାଙ୍କ ସ୍ୱାସ୍ଥ୍ୟବସ୍ଥାରେ ଦେଖାଦେଇଛି ଅସୁବିଧା । ସେଥିପାଇଁ ସେ ମୁମ୍ବାଇର ହିନ୍ଦୁଜା ହସ୍ପିଟାଲରେ ଭର୍ତ୍ତି ହୋଇଛନ୍ତି । ସୂଚନା ଅନୁସାରେ ଦିଲ୍ଲୀପ କୁମାରଙ୍କୁ ନିଶ୍ୱାସ ନେବାରେ ଅସୁବିଧା ହେବାରୁ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ବର୍ତ୍ତମାନ ଡାକ୍ତରଖାନାରେ ତାଙ୍କ ସ୍ୱାସ୍ଥ୍ୟବସ୍ଥା କୁ ମନିଟର କରାଯାଉଛି । ଆଗରୁ ମଧ୍ୟ ଦିଲ୍ଲୀପ କୁମାର ଡାକ୍ତରଖାନାରେ ଭର୍ତ୍ତି ହୋଇଥିଲେ । ପୂର୍ବ ମାସରେ ହିନ୍ଦୁଜା ହସ୍ପିଟାଲରେ ତାଙ୍କର ଚିକିତ୍ସା ଚାଲିଥିଲା ।

କିନ୍ତୁ ତାଙ୍କ ପତ୍ନୀ ସାୟାରା ବାନୋ କହିଥିଲେ କି ଏହା ରୁଟିନ୍ ଚେକଅପ୍ ଥିଲା । ଦିଲ୍ଲୀପ କୁମାରଙ୍କ ବୟସକୁ ଦେଖି ସମୟ ସମୟରେ ତାଙ୍କ ବିଗୁଡୁଥିବା ସ୍ୱାସ୍ଥ୍ୟବସ୍ଥା ପାଇଁ ରୁଟିନ ଚେକଅପ୍ ର ଆବଶ୍ୟକତା ପଡିଥାଏ । ଏହି ରୁଟିନ ଚେକଅପ୍ ରେ ତାଙ୍କର ରିପୋର୍ଟ ସବୁ ଠିକ୍ ଆସିବାରୁ ତାଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା ।

ଦିଲ୍ଲୀପ କୁମାରଙ୍କୁ ୯୮ ବର୍ଷ ବୟସ ହେଲାଣି । ସେଥିପାଇଁ କରୋନା କାରଣରୁ ସେ ବିଶେଷ ସର୍ତକତା ଅବଲମ୍ବନ କରୁଛନ୍ତି । ଏମିତି ବି ସେ କରୋନା ସମୟରେ ସେ ନିଜର ଦୁଇ ଭାଇ ଅସଲମ ଖାନ୍ ଓ ଏହଶାନ ଖାନଙ୍କୁ ହରାଇଦେଇଛନ୍ତି । ୨୦୨୦ର କରୋନା ଯୁଦ୍ଧରେ ସେ ନିଜର ଦୁଈଭାଇଙ୍କର ମୃତ୍ୟୁ ଦେଖିଥିଲେ । ସେଥିପାଇଁ ନିଜ ପତ୍ନୀଙ୍କ ସହ ସେ ମାର୍ଚ୍ଚ ୨୦୨୦ରୁ କ୍ୱାରେଣ୍ଟାଇନ ନିୟମ ଅବଲମ୍ବନ କରି ଘରେ ହିଁ ରହୁଛନ୍ତି । କରୋନା କାରଣରୁ ସେ ନିଜର ଜନ୍ମଦିନ ପାଳନ କରିବାକୁ ମଧ୍ୟ ମନାକରିଦେଇଥିଲେ । ଖୁବ୍ ସର୍ତକତା ଭିତରେ ଦିଲ୍ଲୀପକୁମାର ଓ ତାଙ୍କ ପତ୍ନୀ ସାୟାରା ବାନୋ ଘରେ ରହୁଛନ୍ତି । ତଥାପି ବୟସ ଅଧିକ ହେବା କାରଣରୁ ଦିଲ୍ଲୀପକୁମାରଙ୍କ ଛାତିରେ ଯନ୍ତ୍ରଣା ଓ ନିଶ୍ୱାସ ନେବାରେ ଅସୁବିଧା ଦେଖାଯାଉଛି । ଦିଲ୍ଲୀପ କୁମାରଙ୍କ ଜନ୍ମ ୧୧ ଡିସେମ୍ବର ୧୯୨୨ରେ ପାକିସ୍ତାନରେ ହୋଇଥିଲା । ତାଙ୍କର ପ୍ରକୃତ ନାମ ୟୁସୁଫ ଖାନ୍ । କିନ୍ତୁ ହିନ୍ଦୀ ସିନେମା ଜଗତରେ ପାଦ ଥାପିଲା ପରେ ସେ ନିଜର ନାଁ ଦିଲ୍ଲୀପ କୁମାର ରଖିଦେଇଥିଲେ । ସେହି ନାଁ ରୁ ହିଁ ତାଙ୍କୁ ଢେର ଖ୍ୟାତି ଓ ସମ୍ମାନ ମିଳିଥିଲା ।

ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ଟ୍ରୋଲ ହେଲେ ବିସିସିଆଇ ସଭାପତି

ନୂଆଦିଲ୍ଲୀ: ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ଟ୍ରୋଲ ହେଲେ ବିସିସିଆଇ ସଭାପତି ସୌରଭ ଗାଙ୍ଗୁଲି । ବର୍ତ୍ତମାନ ସେ ଆଇପିଏଲ୍ ୨୦୨୧ର ଦ୍ୱିତୀୟ ପର୍ଯ୍ୟାୟ ପାଇଁ ୟୁଏଇରେ ଅଛନ୍ତି। ଆଉ ସେଠାରେ ଥିବା ସମୟରେ ସେ ଏହି ଦିନଗୁଡ଼ିକରେ ଭରପୁର ମଜା ମଧ୍ୟ ନେଉଛନ୍ତି । ଏବେ ଏହାକୁ ନେଇ ସେ ସୋସିଆଲ ମଡ଼ିଆରେ ଟ୍ରୋଲ ହେବାରେ ଲାଗିଛନ୍ତି ।

ଗାଙ୍ଗୁଲି ଇନଷ୍ଟାଗ୍ରାମରେ ନିଜର ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ କାର୍ ରେସିଂ କରିବାକୁ ଯାଉଥିବାର ଦେଖିବାକୁ ମିଳିଛି । ଆଉ ଏହା ପରେ ସୋସିଆଲ ମିଡିଆରେ ତାଙ୍କୁ ଅତ୍ୟଧିକ ମାତ୍ରାରେ ଟ୍ରୋଲ କରାଯାଉଛି । ଫଟୋ ସେୟାର କରିବା ସମୟରେ ଗାଙ୍ଗୁଲି କହିଛନ୍ତି ଯେ ଆଜି କାର୍ ରେସିଂ କଲି । ଆଉ ଏହି ରେସିଂର ସେ ଭରପୁର ମଜା ନେଇଛନ୍ତି ଯାହା ଅବିଶ୍ୱାସନୀୟ ।

ତେବେ ଏହି ଫଟୋ ପରେ କିଛି ୟୁଜର କହିଛନ୍ତି ଯେ, ସେ ତାଙ୍କ ସ୍ୱାସ୍ଥ୍ୟ ପ୍ରତି ଧ୍ୟାନ ଦେବା ଉଚିତ୍ ଏବଂ ଏସବୁ କାର୍ଯ୍ୟକଳାପକୁ ଅଣଦେଖା କରିବା ଉଚିତ୍। ତେବେ ଆପଣଙ୍କୁ କହି ରଖୁଛୁ ଯେ, କିଛି ସମୟ ପୂର୍ବରୁ, ହୃଦଘାତ କାରଣରୁ ତାଙ୍କର ଅସ୍ତ୍ରୋପଚାର କରାଯାଇଥିଲା । ଏବଂ ଆଉ କିଛି ୟୁଜର କହିଛନ୍ତି ଯେ, ମହାମାରୀ ଭଳି ପରିସ୍ଥିତିରେ ମୂର୍ଖାମୀ କାର୍ଯ୍ୟ କରିବା ପରିବର୍ତ୍ତେ ସମାଜ ପାଇଁ କିଛି ଭଲ କାର୍ଯ୍ୟ କରନ୍ତୁ । ଲୋକମାନେ ଆପଣଙ୍କୁ ବହୁତ ପ୍ରଶଂସା କରିବେ ।

ଭାରତରେ କରୋନାର ଆଉ ଏକ ଭାରିଆଣ୍ଟ, ୭ଦିନ ମଧ୍ୟରେ ହେଉଛି ଏମିତି ଅବସ୍ଥା

ନୂଆଦିଲ୍ଲୀ: କରୋନା ଭାଇରସ୍ ଲଗାତାର ଭାବରେ ତାର ରୂପ ବଦଳାଇବାରେ ଲାଗିଛି । ଏବଂ ଏହାର ପ୍ରଭାବ ମଧ୍ୟ ଧିରେ ଧିରେ  ଅଧିକ ବିପଜ୍ଜନକ ହେବାରେ ଲାଗିଛି । ପ୍ରତିଦିନ କରୋନାର ନୂଆ ନୂଆ ଭାରିଆଣ୍ଟ ସାମ୍ନାକୁ ଆସୁଛି । ବର୍ତ୍ତମାନ ଏହାର ଆଉ ଏକ ବିପଜ୍ଜନକ ଭାରିଆଣ୍ଟ  ଭାରତରେ ଦେଖିବାକୁ ମିଳିଛି। ଏହା ଏତେ ବିପଜ୍ଜନକ ଯେ ରୋଗୀ ସଂକ୍ରମିତ ହେବାର ସାତ ଦିନ ମଧ୍ୟରେ ହିଁ ସେମାନଙ୍କ ଓଜନ ହ୍ରାସ ହୋଇପାରେ । ପୂର୍ବରୁ ଏହି ପ୍ରକାର ଭାରିଆଣ୍ଟ ବ୍ରାଜିଲରେ ଦେଖିବାକୁ  ମିଳିଥିଲା ​ । ବ୍ରାଜିଲରୁ ଏହାର କେବଳ ଗୋଟିଏ ଭାରିଆଣ୍ଟ ଭାରତ ଆସିବାକୁ ନିଶ୍ଚିତ କରାଯାଇଥିଲା। କିନ୍ତୁ ବର୍ତ୍ତମାନ ବୈଜ୍ଞାନିକମାନେ କହିଛନ୍ତି ଯେ ବ୍ରାଜିଲରୁ ଭାରତକୁ କରୋନାର ଦୁଇଟି ଭାରିଆଣ୍ଟ ଆସିଛି। ଦ୍ୱିତୀୟ ପ୍ରକାରର ନାମ ହେଉଛି B.1.1.28.2 ।

ସୂଚନା ଅନୁସାରେ, ବୈଜ୍ଞାନିକମାନେ ଏହି ଭାରିଆଣ୍ଟକୁ ଏକ ମୂଷା ଉପରେ ପରୀକ୍ଷା କରିଥିଲେ । ଏବଂ ଏହାର ଫଳାଫଳ ବହୁତ ଆଶ୍ଚର୍ଯ୍ୟଜନକ ଥିଲା । ଏହି ପରୀକ୍ଷାରୁ ଜଣାଗଲା ଯେ, ଏହି ଭାରିଆଣ୍ଟ ଦ୍ୱାରା ସଂକ୍ରମିତ ହେବା ପରେ ତୁରନ୍ତ ଏହାକୁ ସାତ ଦିନ ମଧ୍ୟରେ ଚିହ୍ନଟ କରାଯାଇପାରିବ। ଏହା ଏତେ ବିପଜ୍ଜନକ ଯେ ଏହା ୭ ଦିନ ମଧ୍ୟରେ ରୋଗୀର ଶରୀରର ଓଜନ ହ୍ରାସ କରିବାରେ ସକ୍ଷମ । ଏହାସହ ଡେଲଟା ଭାରିଆଣ୍ଟ ଭଳି ଏହା ରୋଗ ପ୍ରତିରୋଧକ କ୍ଷମତାକୁ ମଧ୍ୟ ହ୍ରାସ କରିପାରେ ।

ପୁନେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ବାୟୋରୋଲୋଜି (NIV) ର ବୈଜ୍ଞାନିକମାନେ କହିଛନ୍ତି ଯେ, B.1.1.28.2 ଭାରିଆଣ୍ଟ, ବିଦେଶରୁ ଆସିଥିବା ଦୁଇ ଜଣ ବ୍ୟକ୍ତିଙ୍କଠାରେ ମିଳିଥିଲା। ଏହି ଭାରିଆଣ୍ଟର ଜେନୋମ କ୍ରମ କରାଯାଇଥିଲା ଏବଂ ପୁଣି ପରୀକ୍ଷଣ କରାଯାଇଥିଲା  । ଯଦିଓ ବର୍ତ୍ତମାନ ଭାରତରେ ଏହାର ଅଧିକ ମାମଲା ସାମ୍ନାକୁ ଆସିନାହିଁ ତଥାପି ଡେଲଟା ଭାରିଆଣ୍ଟ ଅଧିକ ପରିମାଣରେ ଲୋକଙ୍କଠାରେ ଚିହ୍ନଟ ହୋଇଛି ।

ବିଦେଶରୁ ଫେରିଥିବା ଦୁଇ ଜଣଙ୍କ ନମୁନାର ଜେନୋମ କ୍ରମ କରାଯାଇଥିଲା। କରୋନାରୁ ସୁସ୍ଥ ହେବା ପର୍ଯ୍ୟନ୍ତ ଉଭୟଙ୍କ ଦେହରେ ସେସବୁ ଲକ୍ଷଣ ନଥିଲା, କିନ୍ତୁ ସେମାନଙ୍କ ନମୁନାକୁ ଜେନୋମ କ୍ରମ କରିବା ପରେ ଏହା B.1.1.28.2 ଭାରିଆଣ୍ଟ ବୋଲି ଚିହ୍ନଟ ହୋଇଥିଲା । ଏବଂ ଏହାକୁ ସାତ ଦିନ ପାଇଁ  ସିରୟାର ନଅଟି ହାମଷ୍ଟର ମୂଷା ପ୍ରଜାତି ଉପରେ ପରୀକ୍ଷଣ କରାଯାଇଥିଲା  । ଏବଂ ଏମାନଙ୍କ ମଧ୍ୟରୁ ୩ଟି ମୂଷାର ପ୍ରାଣ ଏଥିପାଇଁ ଯାଇଥିଲା କାହିଁକି ନା ସେମାନଙ୍କ ଶରୀରର ଆଭ୍ୟନ୍ତରୀଣ ଅଂଶ ଏହି ଭାରିଆଣ୍ଟ ଦ୍ୱାରା ସଂକ୍ରମିତ ହୋଇଥିଲା ଏବଂ ସେହି ଅଭ୍ୟନ୍ତରୀଣ ଅଙ୍ଗ ଗୁଡ଼ିକ ନଷ୍ଟ ହୋଇଯାଇଥିଲା ।

ଦେଶରେ ୨୪ ଘଣ୍ଟା ମଧ୍ୟରେ ୧ ଲକ୍ଷ ୧୪ ହଜାର ୪୬୦ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ କରୋନା ଗ୍ରାଫ କ୍ରମାଗତ ଭାବେ ହ୍ରାସ ପାଇବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ୧ ଲକ୍ଷ ୧୪ ହଜାର ୪୬୦ ନୂଆ କରୋନା ମାମଲା ସାମ୍ନାକୁ ଆସିଛି । ସେହିଭଳି ଆଜି ୨୬୭୭ ସଂକ୍ରମିତ ଲୋକ ପ୍ରାଣ ହରାଇଛନ୍ତି। ଏହାସହ ୧ ଲକ୍ଷ ୮୯ ହଜାର ୨୩୨ ଜଣ କରୋନାରୁ ସୁସ୍ଥ ହୋଇଛନ୍ତି। ଅର୍ଥାତ୍ ଗତ ଦିନରେ ୭୭,୪୪୯ ଆକ୍ଟିଭ କେସ ହ୍ରାସ ପାଇଥିବା ରେକର୍ଡ କରାଯାଇଛି । ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୨କୋଟି ୮୮ଲକ୍ଷ ୯ହଜାର ୩୩୯ ଥିବା ବେଳେ ମୋଟ୍ ସୁସ୍ଥ ହୋଇଛନ୍ତି ୨କୋଟି ୬୯ଲକ୍ଷ ୮୪ହଜାର ୭୮୧ଜଣ ଆକ୍ରାନ୍ତ । ମୋଟ୍ ମୃତ୍ୟୁସଂଖ୍ୟା ୩ଲକ୍ଷ ୪୬ହଜାର ୭୫୯ଥିବା ବେଳେ ଆକ୍ଟିଭ କେସ୍ ରହିଛି ୧୪ଲକ୍ଷ ୭୭ହଜାର ୭୯୯ ।

ସେହିପରି କରୋନାର ଅଧିକ ପ୍ରଭାବିତ ହୋଇଥିବା ରାଜ୍ୟ ମହାରାଷ୍ଟ୍ର ଓ ଦିଲ୍ଲୀରେ ମଧ୍ୟ ସଂକ୍ରମଣ ତଳମୁହାଁ ହେବାରେ ଲାଗିଛି । ସଂକ୍ରମଣ କମୁଥିବାରୁ ମହାରାଷ୍ଟ୍ର ଓ ଦିଲ୍ଲୀରେ ଆରମ୍ଭ ହେଉଛି ଅନଲକ ପ୍ରକ୍ରିୟା  । ଆସନ୍ତାକାଲିଠୁ ଦିଲ୍ଲୀରେ ଅଡ-ଇଭେନ୍ ହିସାବରେ ଖୋଲିବ ଦୋକାନ ଓ ମଲ୍  । ସକାଳ ୧୦ରୁ ରାତି ୮ଟା ପର୍ଯ୍ୟନ୍ତ ଖୋଲିବ ଦୋକାନ ବଜାର । ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ ଓ ଘରୋଇ ଅଫିସ୍  ।

ଦିଲ୍ଲୀରେ ସଂକ୍ରମଣ କମୁଥିବାରୁ ଏହାକୁ ଆଖି ଆଗରେ ରଖି କୋହଳ କରିଛନ୍ତି କେଜ୍ରିଓ୍ବାଲ ସରକାର । ସେହିପରି ମହାରାଷ୍ଟ୍ରରେ ଆରମ୍ଭ ହେବାକୁ ଯାଉଛି ଅନଲକ୍ । ଆସନ୍ତାକାଲିଠୁ ରାଜ୍ୟରେ ଆରମ୍ଭ ହେବ ଅନଲକ୍ ପର୍ଯ୍ୟାୟ । ରାଜ୍ୟରେ ୫ଟି ସ୍ତରରେ ଅନଲକ୍ ହେବା ନେଇ ସରକାର ରଣନୀତି ପ୍ରସ୍ତୁତ କରିଛନ୍ତି  । ୫ ପ୍ରତିଶତରୁ କମ ପଜିଟିଭ୍ ହାର ଥିବା ଜିଲ୍ଲାରେ ପ୍ରଥମ ପର୍ଯ୍ୟାୟ ଲାଗୁ ହେବ  । ଏହି ଜିଲ୍ଲା ଗୁଡିକରେ ସମସ୍ତ କଟକଣା ହଟାଇ ଦିଆଯିବ  । ରାଜ୍ୟରେ ୧୮ଟି ଜିଲ୍ଲାରେ ଲାଗୁ ହେବ ପ୍ରଥମ ପର୍ଯ୍ୟାୟ ଅନଲକ୍  । ପଜିଟିଭ୍ ରେଟ୍ ୫ ପ୍ରତିଶତରୁ କମ ଓ ଅକ୍ସିଜେନ୍ ବେଡ୍ ୨୫ ପ୍ରତିଶତରୁ ୪୦ ପ୍ରତିଶତ ଥିବା ଜିଲ୍ଲାରେ ଦ୍ବିତୀୟ ପର୍ଯ୍ୟାୟ ଲାଗୁ ହେବ ।

ଅମାନବୀୟ: କୁକୁର ଛୁଆମାନଙ୍କ ଉପରକୁ କାର୍‌ ଚଢ଼ାଇ ଦେଲେ ଯୁବକ: ପୋଲିସରେ ଏତଲା ଦେଲେ ଲୋକେ

ଭୁବନେଶ୍ୱର: ରାଜଧାନୀରେ ଘଟିଛି ହୃଦୟବିଦାରକ ଘଟଣା । କୁକୁର ଛୁଆମାନଙ୍କ ଉପରେ କାର୍ ଚଢ଼ାଉ ଦେଲେ ଯୁବକ । କୁକୁରମାନଙ୍କ ଉପରେ କାର ଚଢ଼ାଇବା ପରେ ଯୁବକ ଅଟକ । ଯୁବକ ଜଣକ ହେଲେ ପ୍ରଫୁଲ ରାଉତ । ଯୁବକଙ୍କ ଏଭଳି ଅମାନବୀୟ କାର୍ଯ୍ୟ ଯୋଗୁଁ ୫ଟି ଛୁଆ କୁକୁରର ମୃତ୍ୟୁ ଘଟିଛି । ପୁରୁଣା ଭୁବନେଶ୍ୱର ଅଞ୍ଚଳରେ ଘଟିଛି ଏଭଳି ଘଟଣା । ସ୍ଥାନୀୟ ଲୋକେ ଲିଙ୍ଗରାଜ ଥାନାରେ ଏତଲା ଦେବା ପରେ ଯୁବକଙ୍କୁ ଅଟକ ରଖିଛି ପୋଲିସ । ବିଳମ୍ବିତ ରାତିରେ ଘଟିଛି ଘଟଣା ।

ଗତ କିଛି ଦିନ ପୂର୍ବେ ମଧ୍ୟ ରାଜଧାନୀରେ ଏକ ହୃଦୟବିଦାରକ ଘଟଣା ଘଟିଥିଲା । ଘରେ ବିଲେଇ ପଶିବାରୁ ବିଲେଇକୁ ପିଟିବା ସହ ବଞ୍ଚିଥିବା ଅବସ୍ଥାରେ କୁକୁର ମୁହଁକୁ ଫିଙ୍ଗି ଦେଇଥିବା ଦେଖିବାକୁ ମିଳିଥିଲା । ଏଭଳି ଏକ ଘଟଣା ଭୁବନେଶ୍ୱରର ପ୍ରଶାନ୍ତ ବିହାର ଅଞ୍ଚଳରେ ଘଟିଥିବା ବେଳେ ଏହାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାର ଲାଗିଛି । ବିଲେଇକୁ ବ୍ୟକ୍ତି ଜଣକ ବାଡାଉଥିବା ବେଳେ ସିସିଟିଭିରେ କଏଦୀ ହୋଇଥିଲା ଏହି ଦୃଶ୍ୟ ।

ଏଥିସହିତ ପଢ଼ନ୍ତୁ: ସ୍ତ୍ରୀକୁ କୁକୁର କାମୁଡ଼ି ଦେଲା ବୋଲି କୁକୁରକୁ ଗୁଳି କରି ମାରିଲା ସ୍ୱାମୀ

ଟ୍ରକ୍ ଧକ୍କାରେ ୨ ସ୍କୁଟି ଆରୋହୀଙ୍କ ମୃତ୍ୟୁ

ଯୋଡା: ୫୨୦ ନମ୍ବର ଜାତୀୟ ରାଜପଥ ରିମୁଳି-ରାଜାମୁଣ୍ଡା ରାସ୍ତାର କଣ୍ଡରା ପେଟ୍ରୋଲ ପମ୍ପ୍ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ୍ ଧକ୍କାରେ ୨ ଜଣ ସ୍କୁଟି ଆରୋହୀଙ୍କ ମୃତ୍ୟୁ ହୋଇଛି । ଆଜି ସକାଳ ପ୍ରାୟ ସାଢ଼େ ୬ଟା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡିଛି । ମୃତକ ହେଲେ ଚମ୍ପୁଆ ଥାନା ବାସୁଦେବପୁର ଅଞ୍ଚଳର ବୁଦ୍ଧଦେବ ମୁଣ୍ଡା ଓ ଧୋବାକଚଡ଼ା ଗାଁର ଗୋପୀନାଥ ପାତ୍ର । ଉଭୟ ସ୍କୁଟି ଯୋଗେ ଯୋଡ଼ା ଯାଉଥିବା ବେଳେ, ସାମ୍ନାରୁ ଆସୁଥିବା ଏକ ଟ୍ରକ୍ ତାଙ୍କ ଉପରକୁ ମାଡିଯାଇଥିଲା । ଫଳରେ ଘଟଣାସ୍ଥଳରେ ହିଁ ଦୁଇ ଜଣଙ୍କର ମୃତ୍ୟୁ ହୋଇଥିଲା । ଦୁର୍ଘଟଣା ଘଟାଇଥିବା ଟ୍ରକକୁ ଅଟକ ରଖିଛି ପୋଲିସ ।

ଏଥିସହିତ ପଢ଼ନ୍ତୁ: ଛେପ ପକାରୁ ମାରପିଟ୍, ଜଣେ ମୃତ୍ୟୁ ୪ ଆହତ 

ବିଜେପି ବିଧାୟକଙ୍କ ବିବାଦୀୟ ଚିଠି: ‘ରଥ ନିର୍ମାଣ ଖର୍ଚ୍ଚ ଅଯଥା, ଏହାକୁ ତୁରନ୍ତ ବନ୍ଦ କର’

ବାଲେଶ୍ୱର: ନୀଳଗିରି ଜଗନ୍ନାଥଙ୍କ ରଥ ନିର୍ମାଣକୁ ନେଇ ବିବାଦରେ ବିଜେପି ବିଧାୟକ ସୁକାନ୍ତ ନାୟକ । ରଥ ନିର୍ମାଣରେ ଖର୍ଚ୍ଚ ହେଉଥିବା ଟଙ୍କା ଅଯଥା ଖର୍ଚ୍ଚ ବୋଲି ଦର୍ଶାଇ ଜିଲ୍ଲାପାଳଙ୍କୁ ଲେଖିଲେ ଚିଠି । ତୁରନ୍ତ ରଥ ନିର୍ମାଣ ବନ୍ଦ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ବିଧାୟକ ସୁକାନ୍ତ ନାୟକ । ଗତବର୍ଷ ମଧ୍ୟ ରଥ ନିର୍ମାଣ ପାଇଁ ୭ଲକ୍ଷ ଟଙ୍କା ଅଯଥାରେ ଖର୍ଚ୍ଚ କରାଯାଇଥିବା ଚିଠିରେ ଉଲ୍ଲେଖ କରିଛନ୍ତି ବିଧାୟକ । ଚିଠିକୁ ନେଇ ପଣ୍ଡା, ମହାରଣାଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଧର୍ମର ଦ୍ୱାହି ଦେଇ ରାଜନୀତି କରୁଥିବା ଦଳର ବିଧାୟକଙ୍କ ଏଭଳି ଚିନ୍ତାଧାରା ସାଧାରଣରେ ସମସ୍ତଙ୍କୁ ବ୍ୟାଥିତ କରିଛି । କରୋନାର ଭୟାବହତା ମଧ୍ୟରେ ମହାରଣା ସେବାୟତ ରଥ ନିର୍ମାଣ କାର୍ଯ୍ୟ କରୁଥିବା ସେମାନଙ୍କୁ ଉତ୍ସାହିତ କରିବା ପରିବର୍ତ୍ତେ ଚିଠି ମାଧ୍ୟମରେ ଏଭଳି ମନ୍ତବ୍ୟ ରଖିବା ସେମାନଙ୍କୁ ବ୍ୟଥିତ କରିଛି । ମହାମାରୀ ସମୟରେ ରଥ ନିର୍ମାଣ ବାବଦର ଖର୍ଚ୍ଚକୁ ଅଯଥା ବୋଲି କହିଛନ୍ତି  ବିଜେପି ବିଧାୟକ ।

ଏଥିସହିତ ପଢ଼ନ୍ତୁ: ରାଜ୍ୟରେ ୭ ହଜାର ୨ଜଣ ନୂଆ କରୋନା ଆକ୍ରାନ୍ତ ଚିହ୍ନଟ