spot_img
Home Blog Page 5755

ବାଲେଶ୍ବର ଓ ଭଦ୍ରକ ଗସ୍ତରେ ୫ ମନ୍ତ୍ରୀ ଓ ୪ ବିଧାୟକ: ରିଲିଫ୍ ଓ ପୁନର୍ଗଠନ କାର୍ଯ୍ୟକୁ ଗୁରୁତ୍ବ

ଭୁବନେଶ୍ବର: ବାତ୍ୟା ‘ୟାସ’ ପ୍ରଭାବିତ ଅଞ୍ଚଳରେ ଥଇଥାନ ଓ ପୁନର୍ଗଠନ କାର୍ଯ୍ୟକୁ ତ୍ବରାନ୍ବିତ କରିବା ଲାଗି ସରକାରଙ୍କ ପକ୍ଷରୁ ଉଦ୍ୟମ ଅବ୍ୟାହତ ରହିଛ। ତୃଣମୂଳରେ ସରକାରୀ ଅଧିକାରୀଙ୍କ ସହ ମନ୍ତ୍ରିମଣ୍ଡଳର ବରିଷ୍ଠ ସଦସ୍ୟଙ୍କୁ ମୁଖ୍ୟମନ୍ତ୍ରୀ ସ୍ବତନ୍ତ୍ର ଭାବେ ଦାୟିତ୍ବ ପ୍ରଦାନ କରିଛନ୍ତି। ପ୍ରଭାବିତ ଲୋକଙ୍କ ପାଖରେ ଯେମିତି କୌଣସି ମୌଳିକ ସମସ୍ୟା ନ ରହେ ଏବଂ ଥଇଥାନ ଓ ପୁନର୍ଗଠନ କାର୍ଯ୍ୟ ଯେମିତି ଅବିଳମ୍ବେ ଶେଷ ହେବ ତାହାକୁ ଧ୍ୟାନରେ ରଖିବା ଲାଗି ମୁଖ୍ୟମନ୍ତ୍ରୀ ୫ ଜଣ ମନ୍ତ୍ରୀଙ୍କୁ ନିଯୁକ୍ତ କକରିଛନ୍ତି। ସେମାନେ ପ୍ରଭାବିତ ଅଞ୍ଚଳ ପରିଦର୍ଶନ କରିବା ସହ କାର୍ଯ୍ୟ ରୂପାନ୍ତର ଲାଗି ଆବଶ୍ୟକ ସଂଯୋଜନା କରୁଛନ୍ତି।
ବାତ୍ୟାର କିଛିଦିନ ପୂର୍ବରୁ ବିଜେଡିର ସାଂଗଠନିକ ସମ୍ପାଦକ ତଥା ବିଧାୟକ ପ୍ରଣବ ପ୍ରକାଶ ଦାସ ଏବଂ ମନ୍ତ୍ରୀ ଦିବ୍ୟସିଂହ ମିଶ୍ରଙ୍କୁ ବାଳେଶ୍ବର ଓ ଭଦ୍ରକ ଜିଲ୍ଲାରେ ଆବଶ୍ୟକ ପ୍ରସ୍ତୁତି କାଯର୍ଯ୍ୟକୁ ଅନୁଧ୍ୟାନ କରି ରିପୋର୍ଟ ଦେବାକୁ ମୁଖ୍ୟମନ୍ତ୍ରୀ ନିର୍ଦେଶ ଦେଇଥିଲେ। ଏହି ଦୁଇ ବରିଷ୍ଠ ନେତା ଏବେ ବାଲେଶ୍ବର ଓ ଭଦ୍ରକ ଜିଲ୍ଲାରେ ପୁନର୍ଗଠନ କାର୍ଯ୍ୟକୁ ତ୍ବରାନ୍ବିତ କରିବା ପାଇଁ ଅଧିକାରୀ ଓ ସାଧାରଣ ଲୋକଙ୍କ ଭିତରେ ସଂଯୋଜନାକୁ ବଢ଼ାଇ ପରିସ୍ଥିତିର ମୁକାବିଲା ଲାଗି ଆବଶ୍ୟକ ପଦକ୍ଷେପ ନେଇଛନ୍ତି। ଏବେ ସରକାରଙ୍କ ପକ୍ଷରୁ ପ୍ରଦାନ କରାଯାଉଥିବା ରିଲିଫ୍ ସାମଗ୍ରୀ ଯେମିତି ପ୍ରଭାବିତ ଲୋକଙ୍କ ପାଖରେ ଠିକଣା ଭାବେ ପହଞ୍ଚିବ, ପୁନଃନିର୍ମାଣ କାର୍ଯ୍ୟ ଯେମିତି ତ୍ବରାନ୍ବିତ ହେବ ତାହାର ଅନୁଧ୍ୟାନ କରିବା ସେଥିଲାଗି ଆହୁରି ଚାରିଜଣ ବରିଷ୍ଠ ମନ୍ତ୍ରୀଙ୍କୁ ଦାୟିତ୍ବ ପ୍ରଦାନ କରାଯାଇଛି। ସେମାନେ ହେଲେ ରଣେନ୍ଦ୍ର ପ୍ରତାପ ସ୍ବାଇଁ , ସମୀର ଦାଶ, ସୁଶାନ୍ତ ସିଂହ, ଏବଂ ଜ୍ୟୋତିରଞ୍ଜନ ପାଣିଗ୍ରାହୀ।

ଏଥିସହିତ ପଢ଼ନ୍ତୁ: ମୁଖ୍ୟମନ୍ତ୍ରୀଙ୍କ ବାତ୍ୟା ପୁନରୁଦ୍ଧାର ସମୀକ୍ଷା, ପୁନର୍ଗଠନ କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ କରିବାକୁ ନିର୍ଦ୍ଦେଶ

ଶ୍ରୀ ସ୍ବାଇଁ ଗୁରୁବାରଠାରୁ ବାଲେଶ୍ବରରେ ପହଞ୍ଚି ସେଠାକାର ସ୍ଥିତି ଅନୁଧ୍ୟାନ ସହ ଅତ୍ୟାବଶ୍ୟକ ସାମଗ୍ରୀ କିପରି ଲୋକଙ୍କ ପାଖରେ ଅଭାବ ନହେବ ଏବଂ ଆବଶ୍ୟକ ଅନୁସାରେ ଲୋକେ ସାମଗ୍ରୀ ପାଇପାରିବେ ତାହାକୁ ଅନୁଧ୍ୟାନ କରିବା ସହ ଆବଶ୍ୟକ କାର୍ଯ୍ୟାନୁଷ୍ଠାନ ନିର୍ଦେଶ ଦେଇଛନ୍ତି। ଅନ୍ୟପକ୍ଷରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ନିର୍ଦେଶ ଅନୁସାରେ ପୂର୍ବତନ ବିଧାୟକ ଅନୁଭବ ପଟ୍ଟନାୟକ, ବିଧାୟକ ସୁଶାନ୍ତ ରାଉତ, ପ୍ରଣବ ବଳବନ୍ତରାୟ ଏବଂ ଦେବୀରଞ୍ଜନ ତ୍ରିପାଠୀ ପ୍ରମୁଖ ବାଲେଶ୍ବରରେ ପହଞ୍ଚି ପ୍ରଭାବିତ ଅଞ୍ଚଳ ପରିଦର୍ଶନ କରିଛନ୍ତି। ସେମାନେ ସ୍ଥିତି ଅନୁଧ୍ୟାନ କରି ମୁଖ୍ୟମନ୍ତ୍ରୀଙ୍କୁ ରିପୋର୍ଟ ପ୍ରଦାନ କରିବେ।

ଆମେରିକୀୟ ସାଂସଦଙ୍କୁ ଭେଟିଲେ ବେଦୈଶିକ ମନ୍ତ୍ରୀ ଏସ ଜୟଶଙ୍କର

ୱାଶିଂଟନ୍: ଗୁରୁବାର ଦିନ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଉଭୟ ଡେମୋକ୍ରାଟିକ୍ ଏବଂ ରିପବ୍ଲିକାନ୍ ପାର୍ଟିର ପ୍ରଭାବଶାଳୀ ଆମେରିକୀୟ ସାଂସଦମାନଙ୍କୁ ଭେଟିଛନ୍ତି । ଆମେରିକୀୟ ସାଂସଦମାନଙ୍କୁ ଭେଟି ସେମାନଙ୍କ ସହ କ୍ୱାଡ ଓ ଟୀକା ଉପରେ ସହଯୋଗକୁ ନେଇ ଆଲୋଚନା ହୋଇଛି ।

ଗୃହ ବୈଦେଶିକ ବ୍ୟାପାର କମିଟିର ଅଧ୍ୟକ୍ଷ ସାଂସଦ ଗ୍ରେଗୋରୀ ମିକ୍ସ ଏବଂ ମାଇକେଲ ମ୍ୟାକକାଲଙ୍କୁ ଭେଟିବା ପରେ ଜୟଶଙ୍କର କହିଛନ୍ତି ଯେ, ଟିକାକୁ ନେଇ ଆମର ସହଯୋଗ ତଥା କ୍ୱାଡ ଉପରେ ଆଲୋଚନା ହୋଇଛି । ମଜବୁତ ସମ୍ପର୍କ ପ୍ରତିଷ୍ଠାରେ ଏହାର ଭୂମିକାକୁ ସ୍ୱୀକାର କରାଯାଇଛି ।

ଜୟଶଙ୍କର ଏବଂ ଆମେରିକା ଗୃହର ‘ ଇଣ୍ଡିଆ କାକସ୍’ର ସହ-ଅଧ୍ୟକ୍ଷ ତଥା ଡେମୋକ୍ରାଟିକ୍ ପାର୍ଟିର ସାଂସଦ ବ୍ରାଡ ଶେର୍ମନ ଏବଂ ରିପବ୍ଲିକାନ୍ ପାର୍ଟିର ସାଂସଦ ଷ୍ଚିଭ୍ ଚାବୋଟ୍ ମଧ୍ୟରେ ଆଲୋଚନା ହୋଇଥିବା କହିଛନ୍ତି ମନ୍ତ୍ରୀ ଜୟଶଙ୍କର।

ତେବେ ବୈଦେଶିକ ମନ୍ତ୍ରୀ ଟ୍ୱିଟ୍ କରି କହିଛନ୍ତି ଯେ, କୋଭିଡ ପରିସ୍ଥିତିର ସାମ୍ନା କରୁଥିବା ଭାରତକୁ ସାହାଯ୍ୟ କରିବା ପାଇଁ ଆମେରିକା କଂଗ୍ରେସ ଏକ ଦୃଢ ସ୍ତମ୍ଭ ହୋଇ ଛିଡ଼ା ହୋଇଛି । ଏବଂ ଏହି ସମସ୍ତ ଚାରିଜଣ ଆମେରିକୀୟ ସାଂସଦ ଭାରତ-ଆମେରିକା ସମ୍ପର୍କକୁ ସୁଦୃଢ କରିବାରେ ସହଯୋଗ କରୁଛନ୍ତି ।

ଡେମୋକ୍ରାଟିକ୍ ପାର୍ଟିର ସାଂସଦ ବ୍ରାଡ ଶେର୍ମନ ଏକ ଟ୍ୱିଟ୍‌ରେ କହିଛନ୍ତି ଯେ, ଭାରତ ଯେଉଁଭଳି କୋଭିଡ-19 ସହ ଲଢୁଛି ଏବଂ ଚୀନାରୁ ନିଜର ଅର୍ଥନୀତିକୁ ଅଲଗା କରିବାକୁ କାର୍ଯ୍ୟ କରୁଛି ତାହା ପ୍ରସଂଶନୀୟ ।

ତେବେ ଏହାର ଗୋଟିଏ ଦିନ ପୂର୍ବରୁ, ଆମେରିକୀୟ ଗ୍ଲୋବାଲ ଲିଡରସିପ୍ ଆଣ୍ଡ ଏନଗେଜମେଣ୍ଟ (EAGLE) ଧାରା ପ୍ରଣୟନ କରିବା ପରେ କଂଗ୍ରେସ ସାଂସଦ ବିଡେନ ପ୍ରଶାସନ ଭାରତ ପ୍ରତି ପଦକ୍ଷେପକୁ ପ୍ରଶଂସା କରିଥିଲେ। after introducing the Ensuring American Global Leadership and Engagement (EAGLE) Act,  Congressman Meeks appreciated the Biden administration’s initiative towards India.

ରାଜ୍ୟରେ ଫଳପ୍ରଦ ହୋଇଛି ଲକ୍‌ଡାଉନ୍ କଟକଣା: ଅବଧି ବୃଦ୍ଧି ନେଇ କିଛି ଏଭଳି କହିଲେ ସ୍ୱାସ୍ଥ୍ୟ ବିଶେଷଜ୍ଞ

ଭୁବନେଶ୍ୱର: ରାଜ୍ୟରେ କରୋନା ପିକ୍ ପାର କରିସାରିଛି  । ଏବେ ଧୀରେଧୀରେ ସଂକ୍ରମଣ ପୂରା କମିଯିବ  । ପଜିଟିଭ୍ ହାର କମିକି ୧୪ପ୍ରତିଶତରେ ପହଁଚିଲାନି । ଯାହା ପୂର୍ବରୁ ୨୦ ପ୍ରତିଶତ ଥିଲା ।  ଏହା ରାଜ୍ୟ ପାଇଁ ଏକ ଖୁସିର ଖବର  । ଲକଡାଉନକୁ ସଫଳତାର ସହ ଲାଗୁ କରାଯିବାରୁ ରାଜ୍ୟ ଏହି ସଫଳତା ହାସଲ କରିପାରିଛି । ଏଣୁ ଲକଡାଉନ ଅବଧି ଆହୁରୀ ଦୁଇ ସପ୍ତାହ ବୃଦ୍ଧି କରାଯାଉ ବୋଲି ଯୁକ୍ତି ବାଢ଼ିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ଡ. ନିରୋଜ ମିଶ୍ର । ସୂଚନା ଯୋଗ୍ୟ ଯେ, ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ଗତ ୨ ଦିନ ହେଲା କମ୍ ରହିଛି । ଗତ ୨୫ ତାରିଖରେ ରାଜ୍ୟରେ ମୋଟ ୧୧୬୨୩ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୨୬ ତାରିଖରେ ୬ହଜାର ୭୨୩ ଜଣ ଓ ୨୭ ତାରିଖରେ ମୋଟ ୭ହଜାର ୨୧୬ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଖୋର୍ଦ୍ଧା ଅପେକ୍ଷା କଟକରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କଟକରୁ ୧୦୯୧, ଖୋର୍ଦ୍ଧାରୁ ୮୦୯, କେନ୍ଦ୍ରାପଡାରୁ ୪୮୭, ଢେଙ୍କାନାଳରୁ ୪୨୮, ଅନୁଗୁଳରୁ ୪୦୯ ସଂକ୍ରମିତ ଚିହ୍ନଟ ହୋଇଛନ୍ତି । ବରଗଡ଼ରୁ ୩୩୧, ଭଦ୍ରକ ଓ ରାୟଗଡ଼ାରୁ ୨୪୬ଜଣ ଲେଖାଏଁ, ନବରଙ୍ଗପୁରରୁ ୨୪୨, ଯାଜପୁର ଓ ସମ୍ବଲପୁରରୁ ୨୪୧ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଥିବା ବେଳେ କୋରାପୁଟରୁ ୨୨୦, ବାଲେଶ୍ବରରୁ ୨୧୫ ସଂକ୍ରମିତ ଚିହ୍ନଟ ହୋଇଛନ୍ତି । ସୁନ୍ଦରଗଡ଼ରୁ ୧୮୪, ଜଗତସିଂହପୁରରୁ ୧୮୩, ନୟାଗଡ଼ରୁ ୧୬୪, କଳାହାଣ୍ଡି ଓ ଗଞ୍ଜାମରୁ ୧୫୦ଜଣ ଲେଖାଏଁ, ବୌଦ୍ଧରୁ ୧୪୮, ଷ୍ଟେଟପୁଲରୁ ୧୪୬, ମାଲକାନିଗିରିରୁ ୧୩୫, ବଲାଙ୍ଗୀରରୁ ୧୩୦, ପୁରୀରୁ ୧୧୦, କନ୍ଧମାଳରୁ ୧୦୧ ସଂକ୍ରମିତ ଚିହ୍ନଟ ହୋଇଛନ୍ତି । ସୋନପୁରରୁ ୭୪, କେନ୍ଦୁଝରରୁ ୭୨, ଦେଓଗଡ଼ରୁ ୬୮, ନୂଆପଡାରୁ ୬୬, ଝାରସୁଗୁଡାରୁ ୬୪, ଗଜପତିରୁ ୩୮, ମୟୂରଭଞ୍ଜରୁ ୨୭ ସଂକ୍ରମିତ ଚିହ୍ନଟ ହୋଇଛନ୍ତି । ମୋଟ୍ ସୁସ୍ଥ ହେଲେଣି ୬ଲକ୍ଷ ୩୫ହଜାର ୧୭୯ ସଂକ୍ରମିତ । ପଜିଟିଭ ସଂଖ୍ୟା ୭ଲକ୍ଷ ୩୯ହଜାର ୯୫୫ରେ ପହଞ୍ଚିଛି ।

ଏଥିସହିତ ପଢ଼ନ୍ତୁ: CBSE ଦ୍ୱାଦଶ ଶ୍ରେଣୀ ପରୀକ୍ଷା ନେଇ ଆଜି ସୁପ୍ରିମକୋର୍ଟରେ ହେବ ଶୁଣାଣି

ଭୁବନେଶ୍ୱର ବିମାନବନ୍ଦରରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଭୁବନେଶ୍ୱର: ବାତ୍ୟା ପ୍ରଭାବତ ଅଞ୍ଚଳ ପରିଦର୍ଶନ ନେଇ ଶୁକ୍ରବାର ଓଡ଼ିଶାରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।  ବାତ୍ୟା କ୍ଷୟକ୍ଷତିର ଆକଳନ କରିବା ସହ ଆକାଶମାର୍ଗରୁ କରିବେ ସ୍ଥିତିର ଅନୁଧ୍ୟାନ । ଦିନ ୧୧ଟାରେ କ୍ଷୟକ୍ଷତି ଆକଳନ ନେଇ ଏକ ବୈଠକରେ ଯୋଗ ଦେବେ  । ଏନେଇ ବିମାନବନ୍ଦରରେ ପହଞ୍ଚିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ୫-T ସଚିବ ଭି.କେ ପାଣ୍ଡିଆନ, ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ପହଞ୍ଚିଲେ । ମୁଖ୍ୟଶାସନ ସଚିବ ସୁରେଶ ମହାପାତ୍ର, ପୋଲିସ ଡିଜି ଅଭୟ, ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ଅସିତ ତ୍ରିପାଠୀ, ଏସଆରସି ପ୍ରଦୀପ ଜେନା । ବାତ୍ୟାରେ ରାଜ୍ୟରେ କ’ଣ କ୍ଷତି ହୋଇଛି ସେ ନେଇ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ  ।

ଏହାପରେ ୧୨ଟା ୧୫ ମିନିଟରେ ବିମାନ ଯୋଗେ ଆକାଶମାର୍ଗରୁ ବାତ୍ୟା ଓ ବନ୍ୟାଞ୍ଚଳର ଅନୁଧ୍ୟାନ କରିବେ । ବାତ୍ୟାରେ ଅଧିକ ପ୍ରଭାବିତ ହୋଇଥିବା ଭଦ୍ରକ ଓ ବାଲେଶ୍ବରରେ ସ୍ଥିତି ଅନୁଧ୍ୟାନ କରିବେ  । ପରେ ଆକାଶ ମାର୍ଗରୁ ପଶ୍ଚିମବଙ୍ଗର ପୂର୍ବ ମେଦିନିପୁରର ସ୍ଥିତି ପରଖିବା ସହ ପଶ୍ଚିମବଙ୍ଗରେ ଏକ ବୈଠକ କରିବେ ପ୍ରଧାନମନ୍ତ୍ରୀ  । ବାତ୍ୟା ୟାସ୍ ପ୍ରଭାବରେ ଓଡ଼ିଶା ଓ ପଶ୍ଚିମବଙ୍ଗରେ ବ୍ୟାପକ କ୍ଷୟକ୍ଷତି ହୋଇଛି  ।  ସ୍ବତନ୍ତ୍ର ପ୍ୟାକେଜ୍ ନେଇ ଓଡ଼ିଶା ସରକାର ନିଶ୍ଚିତ ଭାବରେ କେନ୍ଦ୍ର ପାଖରେ ଦାବି ରଖିବାକୁ ଦଳ ପକ୍ଷରୁ କୁହାଯାଇଛି  ।

ବାତ୍ୟା ପରେ ଏବେ ବନ୍ୟା ବିପଦ: ଫୁଲୁଛି ବୈତରଣୀ, ବଢ଼ୁଛି ସୁବର୍ଣ୍ଣରେଖା

ବାତ୍ୟା ପରେ ଏବେ ବନ୍ୟା ବିପଦ । ସୁବର୍ଣ୍ଣରେଖାରେ ବଢୁଛି ଜଳସ୍ତର । ଝାଡ଼ଖଣ୍ଡ ଗାଲିଡିହ ବ୍ୟାରେଜରୁ ବନ୍ୟାଜଳ ନିଷ୍କାସନ ପରେ ତଳମୁଣ୍ଡରେ ସୃଷ୍ଟି ହୋଇଛି ବନ୍ୟାସ୍ଥିତି । ସକାଳ ୬ଟା ସୁଦ୍ଧା ଜାମଶୋଳା ଘାଟ ଠାରେ ଜଳସ୍ତର ବିପଦ ସଙ୍କେତ ଉପରେ ପ୍ରବାହିତ ହେଉଛି  ।  ବାଲିଆପାଳର କୁଡ଼ମାନସିଂହ, ଚୋବଧୁରୀକୁଡ଼, ଜାମକୁଣ୍ଡା, ସୁଙ୍ଘମୁହଁ  ଓ ଭୋଗରାଇର ୧୫ଟି ପଞ୍ଚାୟତର ୮୦ ଗାଁରେ ବନ୍ୟା ପରିସ୍ଥିତି ସୃଷ୍ଟି ହେବା ଆଶଙ୍କା ରହିଛି  । ଏଣୁ ତଳିଆ ଅଞ୍ଚଳରୁ ଲୋକଙ୍କୁ ଡାକବାଜି ଯନ୍ତ୍ର ଯୋଗେ ସତର୍କ କରାଯାଇଛି  ।

ସେପଟେ ବୈତରଣୀରେ ବନ୍ୟା ଆସିବା ଯୋଗୁଁ କେନ୍ଦୁଝର, ଯାଜପୁର, ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାରେ ସୃଷ୍ଟି ହୋଇଛି ବନ୍ୟା ସ୍ଥିତି  । ସେହିପରି ପ୍ରବଳ ବର୍ଷା ଯୋଗୁଁ ସିମିଳିପାଳର ବିଭିନ୍ନ ଅଞ୍ଚଳ ବିଶେଷ ଭାବେ ପ୍ରଭାବିତ ହୋଇଛି  । ଏନେଇ ସ୍ଥାନାନ୍ତର ଓ ପୁନରୁଦ୍ଧାର ପ୍ରକ୍ରିୟାକୁ ଜୋରଦାର କରାଯାଇଛି  । ସେପଟେ ଭଣ୍ଡାରିପୋଖରୀ ଓ ଧାମନଗର ବ୍ଲକର ବହୁ ତଳି ଅଞ୍ଚଳ ଜଳମଗ୍ନ ହୋଇଛି ।

ଭଣ୍ଡାରିପୋଖରୀ ବ୍ଲକର ୬ ପଞ୍ଚାୟତର କିଛି ଗାଁ ଓ ଧାମନଗର ବ୍ଲକର ୮ଟି ପଞ୍ଚାୟତର କିଛି ଅଞ୍ଚଳ ଜଳମଗ୍ନ ହୋଇଥିବା ସୂଚନା ମିଳିଛି । ଭଣ୍ଡାରିପୋଖରୀ ଶରତା ନାଳ ଉପରେ ବନ୍ୟାଜଳ ପ୍ରବାହିତ ହେଉଥିବାରୁ, ଭଣ୍ଡାରିପୋଖରୀ- ଯାଜପୁର  ମଧ୍ୟରେ ଯୋଗାଯୋଗ ବିଛିନ୍ନ ରହିଛି  ।

ଏଥିସହିତ ପଢ଼ନ୍ତୁ: ଏସ୍ଆରସିଙ୍କ ନିକଟରେ ଆଜି ‘ୟାସ୍’ କ୍ଷୟକ୍ଷତି ରିପୋର୍ଟ ଦାଖଲ କରିବେ ଜିଲ୍ଲାପାଳ

ରାଜ୍ୟରେ ଆଉ ୭ ହଜାର ୨୧୬ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୭ହଜାର ୨୧୬ ସଂକ୍ରମିତ ଚିହ୍ନଟ ହୋଇଛନ୍ତି । 33ଆକ୍ରାନ୍ତଙ୍କ ଜୀବନ ନେଇ କିଲର ଭାଇରସ୍  । ସଂକ୍ରମିତଙ୍କଠାରୁ ସୁସ୍ଥତା ସଂଖ୍ୟା ବଢିଛି । ରାଜ୍ୟରେ ୨୪ ଘଣ୍ଟାରେ ୧୧ହଜାର ୫ଶହ ୫୧ ଜଣ ସୁସ୍ଥ ହୋଇଛନ୍ତି । କ୍ବାରେଣ୍ଟାଇନରୁ ୪ହଜାର ୪୧ ଲୋକାଲ କେସ୍ ୩ହଜାର ୧୭୫ । ଖୋର୍ଦ୍ଧାରୁ ଟପିଲା କଟକ । କଟକରୁ ହଜାରେ ୯୧, ଖୋର୍ଦ୍ଧାରୁ ୮୦୯, କେନ୍ଦ୍ରାପଡାରୁ ୪୮୭, ଢେଙ୍କାନାଳରୁ ୪୨୮, ଅନୁଗୁଳରୁ ୪୦୯ ସଂକ୍ରମିତ ଚିହ୍ନଟ ହୋଇଛନ୍ତି । ବରଗଡ଼ରୁ ୩୩୧, ଭଦ୍ରକ ଓ ରାୟଗଡ଼ାରୁ ୨୪୬ଜଣ ଲେଖାଏଁ, ନବରଙ୍ଗପୁରରୁ ୨୪୨, ଯାଜପୁର ଓ ସମ୍ବଲପୁରରୁ ୨୪୧ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଥିବା ବେଳେ କୋରାପୁଟରୁ ୨୨୦, ବାଲେଶ୍ବରରୁ ୨୧୫ ସଂକ୍ରମିତ ଚିହ୍ନଟ ହୋଇଛନ୍ତି । ସୁନ୍ଦରଗଡ଼ରୁ ୧୮୪, ଜଗତସିଂହପୁରରୁ ୧୮୩, ନୟାଗଡ଼ରୁ ୧୬୪, କଳାହାଣ୍ଡି ଓ ଗଞ୍ଜାମରୁ ୧୫୦ଜଣ ଲେଖାଏଁ, ବୌଦ୍ଧରୁ ୧୪୮, ଷ୍ଟେଟପୁଲରୁ ୧୪୬, ମାଲକାନିଗିରିରୁ ୧୩୫, ବଲାଙ୍ଗୀରରୁ ୧୩୦, ପୁରୀରୁ ୧୧୦, କନ୍ଧମାଳରୁ ୧୦୧ ସଂକ୍ରମିତ ଚିହ୍ନଟ ହୋଇଛନ୍ତି । ସୋନପୁରରୁ ୭୪, କେନ୍ଦୁଝରରୁ ୭୨, ଦେଓଗଡ଼ରୁ ୬୮, ନୂଆପଡାରୁ ୬୬, ଝାରସୁଗୁଡାରୁ ୬୪, ଗଜପତିରୁ ୩୮, ମୟୂରଭଞ୍ଜରୁ ୨୭ ସଂକ୍ରମିତ ଚିହ୍ନଟ ହୋଇଛନ୍ତି । ମୋଟ୍ ସୁସ୍ଥ ହେଲେଣି ୬ଲକ୍ଷ ୩୫ହଜାର ୧୭୯ ସଂକ୍ରମିତ । ପଜିଟିଭ ସଂଖ୍ୟା ୭ଲକ୍ଷ ୩୯ହଜାର ୯୫୫ରେ ପହଞ୍ଚିଛି ।

 

CBSE ଦ୍ୱାଦଶ ଶ୍ରେଣୀ ପରୀକ୍ଷା ନେଇ ଆଜି ସୁପ୍ରିମକୋର୍ଟରେ ହେବ ଶୁଣାଣି

ନୂଆଦିଲ୍ଲୀ: ସିବିଏସଇର ଦ୍ବାଦଶ ଶ୍ରେଣୀ ପରୀକ୍ଷା ନେଇ ଆଜି ଗୁରୁତ୍ବପୂର୍ଣ୍ଣ ଶୁଣାଣି କରିବେ ସୁପ୍ରିମକୋର୍ଟ  । କରୋନା ସମୟରେ ପରୀକ୍ଷା ବାତିଲ୍ କରିବା ନେଇ ଦାୟର ହୋଇଥିବା ଯାଚିକା ଉପରେ ଆଜି ଶୁଣାଣି କରିବେ ସର୍ବୋଚ୍ଚ ଅଦାଲତ । ଜଷ୍ଟିସ୍ ଏ ଏମ ଖାନଓ୍ବିଲକର ଏବଂ ଜଷ୍ଚିସ୍ ଦିନେଶ ମାହେଶ୍ବରୀ ଏହାର ଶୁଣାଣି କରିବେ  । ପରୀକ୍ଷାକୁ ଅନିଶ୍ଚିତତା ଲାଗି ରହିଥିବାବେଳେ ଏହାକୁ ନେଇ ଚିନ୍ତାରେ ପଡିଛନ୍ତି ଲକ୍ଷ ଲକ୍ଷ ଛାତ୍ରଛାତ୍ରୀ ଓ ଅଭିଭାବକ । ଏଣୁ ସୁପ୍ରିମକୋର୍ଟ ଏହାର ବିଚାର କରି କେନ୍ଦ୍ର ସରକାରଙ୍କୁ ଉଚିତ୍ ପରାମର୍ଶ ଦେବା ପାଇଁ ଅପିଲ୍ କରିଛନ୍ତି ଛାତ୍ରଛାତ୍ରୀ । ସେପଟେ ଜୁନ୍ ୧ ତାରିଖରେ ପରୀକ୍ଷା ତାରିଖ ଘୋଷଣା କରିପାରନ୍ତି କେନ୍ଦ୍ର ଶିକ୍ଷାମନ୍ତ୍ରୀ । କିଭଳି ପରୀକ୍ଷା କରାଯିବ ସେ ନେଇ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସରକାରଙ୍କ ନିକଟରୁ ପ୍ରସ୍ତାବ ଗ୍ରହଣ କରିଛନ୍ତି କେନ୍ଦ୍ର ସରକାର ।

ଏସ୍ଆରସିଙ୍କ ନିକଟରେ ଆଜି ‘ୟାସ୍’ କ୍ଷୟକ୍ଷତି ରିପୋର୍ଟ ଦାଖଲ କରିବେ ଜିଲ୍ଲାପାଳ

ଭୁବନେଶ୍ୱର: କେତେ କ୍ଷତି କରିଛି ବାତ୍ୟା ୟାସ୍  । ଏନେଇ ଆଜି ଏସଆରସିଙ୍କ ନିକଟରେ ରିପୋର୍ଟ ଦାଖଲ କରିବେ ୟାସ୍ ପ୍ରଭାବିତ ଜିଲ୍ଲାର ଜିଲ୍ଲାପାଳ  । କ୍ଷୟକ୍ଷତି ସମ୍ପର୍କିତ ପ୍ରାଥମିକ ରିପୋର୍ଟ ସନ୍ଧ୍ୟାସୁଦ୍ଧା ଦାଖଲ କରିବାକୁ ଏସଆରସି ପ୍ରଦୀପ ଜେନା ନିର୍ଦ୍ଦେଶ ଦେଇଛନ୍ତି  । ସେପଟେ ବାତ୍ୟା ପ୍ରଭାବରେ ଅଧିକ ପ୍ରଭାବିତ ହୋଇଛି କୃଷି କ୍ଷେତ୍ର  । ଅନେକ ସ୍ଥାନରେ ଚାଷ ଜମିରେ ପାଣି ପଶି ଯାଇଥିବାରୁ ଚାଷୀ ମାନେ କ୍ଷତି ସହିଛନ୍ତି  । ତେବେ ଏସମ୍ପର୍କରେ ଆକଳନ କରି ଆଜି ରିପୋର୍ଟ ଦେବାକୁ କୃଷି ବିଭାଗ ନିର୍ଦ୍ଦେଶ ଦେଇଛି । ସ୍ବତନ୍ତ୍ର ରିଲିଫ କମିଶନରଙ୍କ ନିକଟରେ ପ୍ରାଥମିକ ରିପୋର୍ଟ ଦାଖଲ ହେବ । ଏଥିପାଇଁ କୃଷି ଓ ମତ୍ସ୍ୟ ପଶୁପାଳନ ବିଭାଗର କ୍ଷେତ୍ର ଅଧିକାରୀ ଗ୍ରାଉଣ୍ଡକୁ ଯାଇ କ୍ଷୟକ୍ଷତି ଆକଳନ କରିଛନ୍ତି । ପୂର୍ଣ୍ଣାଙ୍ଗ ରିପୋର୍ଟ ଆସିବା ପରେ ସହାୟତା ରାଶି ଯୋଗାଇ ଦିଆଯିବ ବୋଲି କୃଷି ମନ୍ତ୍ରୀ ଅରୁଣ ସାହୁ କହିଛନ୍ତି । ଅନ୍ୟପଟେ ଜୁଆର ପାଣି ଓ ପବନ ମାଡ଼ ହେବା ଦ୍ୱାରା ଜଳସମ୍ପଦ ବିଭାଗର ଅନେକ ଲୁଣା ବନ୍ଧ କ୍ଷତିଗ୍ରସ୍ତ ହୋଇଛି । ତାର ଆକଳନ କରାଯିବା ସହ ଶୀଘ୍ର ପ୍ରାଥମିକ ରିପୋର୍ଟ ଦିଆଯିବ ବୋଲି ଜଳସମ୍ପଦ ସର୍ବୋଚ୍ଚ ଯନ୍ତ୍ରୀ କହିଛନ୍ତି।

ଏଥିସହିତ ପଢ଼ନ୍ତୁ: ମୁଖ୍ୟମନ୍ତ୍ରୀଙ୍କ ବାତ୍ୟା ପୁନରୁଦ୍ଧାର ସମୀକ୍ଷା, ପୁନର୍ଗଠନ କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ କରିବାକୁ ନିର୍ଦ୍ଦେଶ

ଜୁନ୍ ଦ୍ୱିତୀୟ ସପ୍ତାହରୁ ଆପଲୋ ହସ୍ପିଟାଲରେ ଉପଲବ୍ଧ ହେବ ସ୍ପୁଟନିକ ଭି

ହାଇଦ୍ରାବାଦ: ବଜାରକୁ ଆସିବ କରୋନା ଟିକା ସ୍ପୁଟନିକ୍ ଭି । ଋଷ ନିର୍ମିତ ସ୍ପୁଟନିକ ଭି ଟିକା ଜୁନ୍ ଦ୍ୱିତୀୟ ସପ୍ତାହରୁ ଉପଲବ୍ଧ ହେବ । ପ୍ରାରମ୍ଭିକ ପର୍ଯ୍ୟାରେ ଏହି ଟିକା କେବଳ ଆପଲୋ ହସ୍ପିଟାଲରେ ମିଳିବ । ଏନେଇ ଆପଲୋ ହସ୍ପିଟାଲର କାର୍ଯ୍ୟକାରୀ ଉପାଧ୍ୟକ୍ଷ ଶୋଭନା କୋମିନେନି ସୂଚନା ଦେଇଛନ୍ତି ।

ଏବେ ଦେଶରେ ସେରମ ପ୍ରସ୍ତୁତ କୋଭିସିଲ୍ଡ ଏବଂ ଭାରତ ବାୟୋଟେକର କୋଭାକ୍ସିନ୍ ଟିକା ଦିଆଯାଉଛି । ଏବେ ସ୍ପୁଟନିକ ଭି ଟିକା ଦିଆଯିବ । ଏଥିସହ ଭାରତରେ ସ୍ପୁଟନିକ ଭି ଟିକାର ଉତ୍ପାଦନ ଆରମ୍ଭ ନେଇ ପ୍ରସ୍ତୁତି ଜାରି ରହିଛି ।

ସ୍ପୁଟନିକ ଭି ପ୍ରଥମେ ଘରୋଇ କ୍ଷେତ୍ର ଲାଗି ଉପଲବ୍ଧ ହେବ । ଭାରତୀୟ ବଜାରରେ ଏହି ଟିକାର ଦର ୯୪୮ ଟଙ୍କା ସହ ୫ ପ୍ରତିଶତ ଟିକସ ମିଶି ୯୯୫ ଟଙ୍କା ରହିବ । ଘରୋଇ ହସ୍ପିଟାଲରେ ସ୍ପୁଟନିକ୍ ଭିର ଗୋଟିଏ ଡୋଜ୍ ନେବାକୁ ସର୍ଭିସ୍ ଚାର୍ଜ ମିଶାଇ ୧୨୫୦ ଟଙ୍କା ଦେବାକୁ ପଡ଼ିବ ବୋଲି ଜଣାପଡ଼ିଛି ।

ଘରେ ପଶିଗଲା ବୋଲି କୁକୁରକୁ ତୀରମାଡ଼

ବାଲେଶ୍ୱର: କରୋନା ପାଇଁ ଲକଡାଉନ୍, ସଟ୍ ଡାଉନରେ ବୁଲା ପଶୁମାନେ ଖାଇବାକୁ ପାଉନଥିବା ବେଳେ ପୁଣି ଦାଉ ସାଧିଛି ବାତ୍ୟା ‘ୟାସ୍’ । ବାତ୍ୟା ପରେ ଖାଇବାକୁ ନପାଇ ଏକ କୁକୁର ଜଣେ ବ୍ୟକ୍ତିଙ୍କ ଘରେ ପଶି ଯାଇଥିଲା । ଏଥିରେ ଉତକ୍ଷିପ୍ତ ହୋଇ ବ୍ୟକ୍ତି ଜଣଙ୍କ କୁକୁରଟିକୁ ତୀରମାଡ଼ କରିଛନ୍ତି । ବାଲେଶ୍ବର ଜିଲ୍ଲା ଖନ୍ତାପଡ଼ା ଥାନା ନୂଆପଡ଼ା ଗାଁରେ ଏଭଳି ଘଟଣା ଘଟିଛି ।

Man Attacks Stray Dog With An Arrow In Balasore

ଦେହରେ ତୀର ଲାଗିଥିବା ବେଳେ ଆହତ କୁକୁରଟି ରାସ୍ତାରେ ଏଣେତେଣେ ବୁଲୁଥିଲା । କିଛି ସହୃଦୟ ଯୁବକ କୁକୁରଟିକୁ ଡାକ୍ତରଖାନା ନେଇ ଅପରେସନ କରି ତୀରଟିକୁ ବାହାର କରି ଚିକିତ୍ସା କରିବା ପରେ କୁକୁରଟି ସୁସ୍ଥ ଥିବା ଜଣାପଡ଼ିଛି । କୁକୁରକୁ ଏଭଳି ତୀରମାଡ଼ କରିବାକୁ ନାପସନ୍ଦ କରିଛନ୍ତି ପଶୁପ୍ରେମୀ ।