spot_img
Home Blog Page 5774

ଆଉ ୨୬ ଜୀବନ ନେଲା କରୋନା, ଖୋର୍ଦ୍ଧା ଓ କୋରାପୁଟରୁ ୪ ଜଣ ଲେଖାଏଁ ମୃତ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମାମଲା ସମାନ୍ତରଳ ସ୍ଥିତିରେ ରହିଛି । ଗତ ୨୬ ଘଣ୍ଟାରେ ଆଉ ୨୪ ଜଣଙ୍କ ପ୍ରାଣ ନେଇଛି ମହାମାରୀ କରୋନା । ଏଥିସହ ରାଜ୍ୟରେ ମୋଟ କରୋନା ମୃତ୍ୟୁ ୨୪୫୬କୁ ବୃଦ୍ଧି ପାଇଛି ।

ଏଥିସହ ପଢ଼ନ୍ତୁ- ରାଜ୍ୟରୁ ଆଉ ୧୧ ହଜାରରୁ ଅଧିକ ସଂକ୍ରମିତ ଚିହ୍ନଟ, ଖୋର୍ଦ୍ଧାରେ ଲକ୍ଷେ ଟପିଲା ସଂକ୍ରମଣ

ଖୋର୍ଦ୍ଧା ଓ କୋରାପୁଟରୁ ସର୍ବାଧିକ ୪ ଜଣ ଲେଖାଏଁ ଆକ୍ରାନ୍ତଙ୍କ ମୃତ୍ୟୁ ହୋଇଛି । ସେହିଭଳି ବରଗଡ଼ରୁ ଜଣେ, ବଲାଙ୍ଗିରରୁ ଜଣେ, ବୌଦ୍ଧରୁ ଜଣେ, ଗଜପତିରୁ ଜଣେ, ଝାରସୁଗୁଡ଼ାରୁ ଜଣେ, କଳାହାଣ୍ଡିରୁ ୨ ଜଣ, ନବରଙ୍ଗପୁରରୁ ଜଣେ, ନୂଆପଡ଼ାରୁ ୩ ଜଣ, ପୁରୀରୁ ଜଣେ, ରାୟଗଡ଼ାରୁ ୩ ଜଣ, ସୁବର୍ଣ୍ଣପୁରରୁ ଜଣେ ଓ ସୁନ୍ଦରଗଡ଼ ଜିଲ୍ଲାରୁ ୩ ଜଣ ଆକ୍ରାନ୍ତ ଆଖି ବୁଜିଛନ୍ତି ।

ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬ ଲକ୍ଷ ୭୯ ହଜାର ୫୩୦କୁ ବୃଦ୍ଧି ପାଇଛି । ୫ ଲକ୍ଷ ୬୭ ହଜାର ୩୮୨ ଜଣ କରୋନାରୁ ସୁସ୍ଥ ହୋଇଥିବା ବେଳେ ଏବେ ରାଜ୍ୟରେ ୧ ଲକ୍ଷ ୯ ହଜାର ୬୩୯ ସକ୍ରିୟ ସଂକ୍ରମଣ ମାମଲା ରହିଛି । କରୋନାରେ ମୋଟ ୨୪୫୬ ଜଣ ପ୍ରାଣ ହରାଇଛନ୍ତି ।

ରାଜ୍ୟରୁ ଆଉ ୧୧ ହଜାରରୁ ଅଧିକ ସଂକ୍ରମିତ ଚିହ୍ନଟ, ଖୋର୍ଦ୍ଧାରେ ଲକ୍ଷେ ଟପିଲା ସଂକ୍ରମଣ

ଭୁବନେଶ୍ୱର: ରାଜ୍ୟରେ ଦୈନିକ କରୋନା ସଂକ୍ରମଣ ମାମଲା ୧୦ ହଜାର ଉପରେ ରହିଛି । ଗତ ୨୪ ଘଣ୍ଟାରେ ରାଜ୍ୟରୁ ଆଉ ୧୧ ହଜାର ୧୦୮ ଜଣ ଆକ୍ରାନ୍ତ ଚିହ୍ନଟ ହୋଇଛି । କ୍ୱାରେଣ୍ଟାଇନରୁ ୬ ହଜାର ୨୧୯ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪ ହଜାର ୮୮୯ ଜଣ ସ୍ଥାନୀୟ ସଂକ୍ରମଣ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୪୫୧ ଜଣ ସଂକ୍ରମିତ ଚିହ୍ନଟ ହେବା ସହ ଜିଲ୍ଲାରେ ମୋଟ ସଂକ୍ରମଣ ମାମଲା ଲକ୍ଷେ ପାର୍ କରିଛି ।

ଅନୁଗୁଳରୁ ୮୬୪, ବାଲେଶ୍ୱରରୁ ୫୦୯, ବରଗଡ଼ରୁ ୩୩୯, ଭଦ୍ରକରୁ ୪୮୯, ବଲାଙ୍ଗିରରୁ ୨୯୮, ବୌଦ୍ଧରୁ ୨୭୩, କଟକରୁ ୯୪୪, ଦେବଗଡ଼ରୁ ୧୨୫, ଢେଙ୍କାନାଳରୁ ୧୩୧, ଗଜପତିରୁ ୧୫୭, ଗଞ୍ଜାମରୁ ୨୧୪, ଜଗତସିଂହପୁରରୁ ୩୧୮, ଯାଜପୁରରୁ ୩୯୬, ଝାରସୁଗୁଡ଼ାରୁ ୧୧୩, କଳାହାଣ୍ଡିରୁ ୩୯ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିଭଳି କନ୍ଧମାଳରୁ ୧୩୨, କେନ୍ଦ୍ରାପଡ଼ାରୁ ୧୫୦, କେନ୍ଦୁଝରରୁ ୧୬୯, ଖୋର୍ଦ୍ଧାରୁ ୧୪୫୧, କୋରାପୁଟରୁ ୨୫୧, ମାଲକାନଗିରିରୁ ୧୦୦, ମୟୂରଭଞ୍ଜରୁ ୬୩୫, ନବରଙ୍ଗପୁରରୁ ୩୫୭, ନୟାଗଡ଼ରୁ ୩୩୨, ନୂଆପଡ଼ାରୁ ୧୧୪, ପୁରୀରୁ ୪୭୩, ରାୟଗଡ଼ାରୁ ୨୦୯, ସମ୍ବଲପୁରରୁ ୩୮୪, ସୋନପୁରରୁ ୧୮୦, ସୁନ୍ଦରଗଡ଼ରୁ ୭୦୮ ଏବଂ ଷ୍ଟେଟ ପୁଲରୁ ୨୫୪ ଆକ୍ରାନ୍ତ ଚିହ୍ନଟ ହୋଇଛନ୍ତି  ।

ନୂତନ ୧୧ ହଜାର ୧୦୮ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬ ଲକ୍ଷ ୭୯ ହଜାର ୫୩୦କୁ ବୃଦ୍ଧି ପାଇଛି । ୫ ଲକ୍ଷ ୬୭ ହଜାର ୩୮୨ ଜଣ କରୋନାରୁ ସୁସ୍ଥ ହୋଇଥିବା ବେଳେ ଏବେ ରାଜ୍ୟରେ ୧ ଲକ୍ଷ ୯ ହଜାର ୬୩୯ ସକ୍ରିୟ ସଂକ୍ରମଣ ମାମଲା ରହିଛି ।

ଘୂର୍ଣ୍ଣିବଳୟ ସକ୍ରିୟ, ଆଜି ବଙ୍ଗୋପସାଗରରେ ସୃଷ୍ଟି ହୋଇପାରେ ଲଘୁଚାପ କ୍ଷେତ୍ର

ଭୁବନେଶ୍ୱର: ଦକ୍ଷିଣ-ପୂର୍ବ ଆଣ୍ଡାମାନ ସାଗର ଓ ସଂଲଗ୍ନ କେନ୍ଦ୍ରୀୟ ବଙ୍ଗୋପସାଗରରେ ଶୁକ୍ରବାର ସୃଷ୍ଟି ହୋଇଥିବା ଘୂର୍ଣ୍ଣିବଳୟ ବର୍ତ୍ତମାନ ସକ୍ରିୟ ରହିଛି  । ଆଜି ଲଘୁଚାପ କ୍ଷେତ୍ର ସୃଷ୍ଟି ହେବା ନେଇ ଅନୁମାନ କରିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ଲଘୁଚାପ କ୍ଷେତ୍ର ସୃଷ୍ଟର ୭୨ ଘଣ୍ଟା ମଧ୍ୟରେ ୨୪ ତାରିଖ ବେଳକୁ ଏହା ବାତ୍ୟାରେ ପରିଣତ ହୋଇପାରେ ।

କ୍ରମଶଃ ଏହା ଉତ୍ତରପଶ୍ଚିମ ଦିଗରେ ଗତି କରି ଆହୁରି ଘନୀଭୂତ ହେବ । ୨୬ ତାରିଖ ସକାଳ ସମୟରେ ଉତ୍ତର ବଙ୍ଗୋପସାଗରର ଓଡ଼ିଶା-ପଶ୍ଚିମଙ୍ଗ ଉପକୂଳ ଛୁଇଁବାର ସମ୍ଭାବନା ରହିଛି । ଏହାର ପ୍ରଭାବରେ ୨୫ ତାରିଖ ଠାରୁ ଉପକୂଳ ଓଡ଼ିଶାରେ ଅଧିକାଂଶ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବ । ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ହେବାର ଆଶଙ୍କା ରହିଛି ।

ପରବର୍ତ୍ତୀ ସମୟରେ ବର୍ଷା ପରିମାଣ ବଢ଼ିବ । ଉପକୂଳବର୍ତ୍ତୀ ଜିଲ୍ଲାକୁ ପ୍ରବଳ ବର୍ଷା ନେଇ ୨୫ ତାରିଖ ପାଇଁ ୟେଲୋ ୱାର୍ଣ୍ଣିଂ ଦିଆଯାଇଛି । ଭଦ୍ରକ, ବାଲେଶ୍ୱର, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର, କଟକ, ଖୋର୍ଦ୍ଧା ଓ ପୁରୀ ଜିଲ୍ଲାରେ ପ୍ରବଳ ବର୍ଷା ହେବ । ଖୋର୍ଦ୍ଧା, ମୟୂରଭଞ୍ଜ ଓ ଢେଙ୍କାନାଳର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା ହୋଇପାରେ ।

ଓଡ଼ିଶା-ପଶ୍ଚିମବଙ୍ଗ ଉପକୂଳରେ ୨୪ ତାରିଖ ସନ୍ଧ୍ୟାରୁ ଝଡ଼ ପବନ ଘଣ୍ଟାପ୍ରତି ୪୦ରୁ ୫୦ କିମି ବେଗରେ ବହିବାର ଆଶଙ୍କା ଥିବାବେଳେ ଝଟକା ପବନ ଘଣ୍ଟାପ୍ରତି ୬୦ କିମି ରହିପାରେ । ୨୫ ତାରିଖ ବେଳକୁ ପବନର ବେଗ ଧୀରେ ଧୀରେ ବୃଦ୍ଧି ପାଇବ । ଘଣ୍ଟାପ୍ରତି ପବନର ବେଗ ୪୦ରୁ ୬୦ କିଲୋମିଟର ଓ ଝଟକା ପବନ ଘଣ୍ଟାପ୍ରତି ୭୦ କିଲୋମିଟର ବେଗର ବହିବ । ୨୬ ତାରିଖ ଅପରାହ୍ଣ ବେଳକୁ ପବନ ଆହୁରି ବଢ଼ିବ । ଆଜିଠାରୁ ୨୭ ତାରିଖ ଯାଏ ମତ୍ସ୍ୟଜୀବୀଙ୍କୁ ସମୁଦ୍ର ବାରଣ କରାଯାଇଛି । ସମୁଦ୍ରକୁ ଯାଇଥିବା ମତ୍ସ୍ୟଜୀବୀଙ୍କୁ ଆସନ୍ତାକାଲି ସୁଦ୍ଧା ଫେରି ଆସିବାକୁ କୁହାଯାଇଛି ।

ଶିକାରୀଙ୍କ ଗୁଳିମାଡ଼ରେ ବନ କର୍ମଚାରୀ ମୃତ

ବଲାଙ୍ଗିର: ଶିକାର ପାଇଁ ଯାଇଥିବା ବେଳେ ବନ କର୍ମଚାରୀଙ୍କୁ ଗୁଳିମାଡ଼ । ବଲାଙ୍ଗିର ଜିଲ୍ଲା ସଇଁତଳା ଫରେଷ୍ଟ ରେଞ୍ଜର କଦଳୀ ପ୍ରସ୍ତାବିତ ସଂରକ୍ଷିତ ଜଙ୍ଗଲରେ ଗୁଳିମାଡ଼ ହୋଇଛି । ଦୁର୍ବୃତ୍ତଙ୍କ ଗୁଳିମାଡ଼ରେ ଜଣେ ବନ କର୍ମଚାରୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ହେଉଛନ୍ତି କରମତଲା ନର୍ସରୀର ଜଗୁଆଳି ଯୁଗେଶ୍ବର ବୁଡେକ (୧୯) ।

Forest Watch Man Dies In Firing Of Miscreants In Bolangir

ଶୁକ୍ରବାର ରାତି ପ୍ରାୟ ୮ଟା ୪୦ରେ ଫରେଷ୍ଟର ସୁଧିର ଜେନାଙ୍କ ସହ ସୁଗେଶ୍ୱର କଦଳୀ ପ୍ରସ୍ତାବିତ ସଂରକ୍ଷିତ ଜଙ୍ଗଲକୁ ବାଇକରେ ଯାଇଥିଲେ । ଶିକାର ପାଇଁ ଜଙ୍ଗଲ ଭିତରକୁ ଯାଇଥିବା ୨ ଜଣ ବନ୍ଧୁକଧାରୀଙ୍କ ଗୁଳିମାଡ଼ରେ ଯୁଗେଶ୍ୱର ଗୁରୁତର ଆହତ ହୋଇଥିଲେ । ରାତି ପ୍ରାୟ ୯ଟା ୪୫ରେ ସଇଁତଳା ଡାକ୍ତରଖାନାରେ ଯୋଗେଶ୍ବରଙ୍କ ମୃତ୍ୟୁ ହୋଇଛି । ସଇଁତଳା ପୋଲିସର ଗୁଳିମାଡ଼ ନେଇ ତଦନ୍ତ ଆରମ୍ଭ କରିଛି ।

ନଭେମ୍ବରରେ ନେପାଳରେ ହେବ ମଧ୍ୟବର୍ତ୍ତୀକାଳୀନ ନିର୍ବାଚନ

କାଠମାଣ୍ଡୁ: ନେପାଳରେ ରାଜନୀତିକ ଅସ୍ଥିରତା ଲାଗି ରହିଥିବା ବେଳେ ସଂସଦକୁ ଭଙ୍ଗ କରିଛନ୍ତି ରାଷ୍ଟ୍ରପତି । ଏଥିସହ ଆଗାମୀ ନଭେମ୍ବରରେ ନେପାଳରେ ମଧ୍ୟବର୍ତ୍ତୀକାଳୀନ ନିର୍ବାଚନ ନେଇ ରାଷ୍ଟ୍ରପତି ବିଦ୍ୟାଦେବୀ ଭଣ୍ଡାରୀ ଘୋଷଣା କରିଛନ୍ତି  । ନେପାଳରେ ନଭେମ୍ବର ୧୨ରୁ ୧୯ ନଭେମ୍ବର ମଧ୍ୟରେ ନିର୍ବାଚନ ହେବ । ସରକାର ଗଠନ ନେଇ ଶେର୍ ବାହାଦୂର ଦେଉବା ଓ କେପି ଶର୍ମା ଓଲି ଉଭୟଙ୍କ ଦାବିକୁ ରାଷ୍ଟ୍ରପତି ଖାରଜ କରି ଦେଇଛନ୍ତି ।

Nepal President Bidya Devi Bhandari Announces New Dates For Mid Term Elections

ସାମ୍ବିଧାନିକ କ୍ଷମତା ଅନୁସାରେ ରାଷ୍ଟ୍ରପତି ସରକାର ଗଢ଼ିବା ଅବସ୍ଥା ନଥିବାରୁ ସଂସଦକୁ ଭଙ୍ଗ କରିଛନ୍ତି  । ଓଲି ସରକାର ସମୟରେ ଦ୍ୱିତୀୟଥର ପାଇଁ ସଂସଦକୁ ଭାଙ୍ଗି ଦିଆଯାଇଛି । ଦିନ ଯାକ ନାଟକୀୟ ଭାବେ ଓଲି ଓ ବିରୋଧୀ ମେଣ୍ଟ ସରକାର ଗଠନ ପାଇଁ ରାଷ୍ଟ୍ରପତିଙ୍କ ନିକଟରେ ଦାବି ଉପସ୍ଥାପନ କରିଥିଲେ । ରାଜନୀତିକ ଦଳ ଭିତରେ ଥିବା ଅନ୍ତଃକନ୍ଦଳ ପାଇଁ ବିଳମ୍ବିତ ରାତିରେ ଉଭୟ ପକ୍ଷର ଦାବିକୁ ରାଷ୍ଟ୍ରପତି ଅଗ୍ରାହ୍ୟ କରି ଦେଇଥିଲେ ।

Nepal President Bidya Devi Bhandari Announces New Dates For Mid Term Elections

ସରକାର ଗଠନ ଦାବି ଖାରଜ ପରେ ଅଧାରାତିରେ ହଠାତ୍ ଓଲି କ୍ୟାବିନେଟ୍ ବୈଠକ ଡାକିଥିଲେ । ଏବଂ ସଂସଦର ବିଲୟ ପାଇଁ ସୁପାରିସ୍ ସହ ମଧ୍ୟବର୍ତ୍ତୀକାଳୀନ ନିର୍ବାଚନ ନଭେମ୍ବରରେ କରିବାକୁ ନିଷ୍ପତ୍ତି ନେଇଥିଲେ ।

ଯାତ୍ରୀ ବେଶରେ ଯାଇ ପଥର ବୋଝେଇ ଟ୍ରକକୁ ଜବତ କଲେ ଏସଡିପିଓ

ଟାଙ୍ଗୀ: ଖୋର୍ଦ୍ଧା ଉପଖଣ୍ଡର ବିଭିନ୍ନ ସ୍ଥାନରେ ବେଆଇନ୍ ପଥର ଖାଦାନ ଚାଲୁଛି  । ଅଧିକାଂଶଙ୍କ ପାଖରେ ଲିଜ୍ ଲାଇସେନ୍ସ ନାହିଁ  । ଏଭଳି ଚୋରା ପଥର କାରବାରକୁ ରୋକିବାକୁ ବିଭିନ୍ନ ସମୟରେ ରେଡ୍ ହେଉଥିବା ବେଳେ ମାଫିଆ ଖସି ପଳାଉଛନ୍ତି । ଏଭଳି ସ୍ଥଳେ ଛଦ୍ମ ବେଶରେ ଯାଇ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ପଥର ଟ୍ରକକୁ ଜବତ କରିଛନ୍ତି ।

SDPO Seized Stone Loaded Truck In Disguise

ଏସଡିପିଓ ରାତିରେ ଯାତ୍ରୀ ବେଶରେ ରହି ରାସ୍ତା ଉପରେ ପଥର ବୋଝେଇ ଟ୍ରକକୁ ଲିଫ୍ଟ ମାଗି ସେଥିରେ ୫ କିଲୋମିଟର ଯାଇଥିଲେ । ଟ୍ରକରେ ଥାଇ ଟାଙ୍ଗୀ ଥାନା ପୋଲିସକୁ ସୂଚନା ଦେବା ସହ ଥାନାକୁ ପଥର ଭର୍ତ୍ତି ଟ୍ରକକୁ ହସ୍ତାନ୍ତର କରିଛନ୍ତି । ଜବତ ଟ୍ରକ୍ ଡ୍ରାଇଭରଙ୍କ ପାଖରେ କେ ଫର୍ମ ନଥିବାରୁ ଟ୍ରକକୁ ଜବତ କରାଯାଇଛି । ପୋଲିସର ଏଭଳି ଉପାୟ ପରେ ପଥର ମାଫିଆ ଛାନିଆଁ ହୋଇ ପଡ଼ିଛନ୍ତି  ।

SDPO Seized Stone Loaded Truck In Disguise

ପୂର୍ବରୁ ଅନେକ ସମୟରେ ବେଆଇନ୍ ପଥର ଖାଦାନ ଉପରେ ପ୍ରଶାସନ ରେଡ୍ କରିଥିବା ବେଳେ ଆକ୍ରମଣର ଶିକାର ହୋଇଛନ୍ତି । ଏପରିକି ପଥର ମାଫିଆ ତହସିଲଦାର ଓ ଅତିରିକ୍ତ ତହସିଲଦାରଙ୍କୁ ଗାଡ଼ି ଚଢ଼ାଇ ହତ୍ୟା ଉଦ୍ୟମ କରିଛନ୍ତି  ।

ରାଜ୍ୟରେ ୧୦ ଦିନ ମଧ୍ୟରେ ୩୨ ହଜାର ୮୮୪ ଶିଶୁଙ୍କୁ କରୋନା

ଭୁବନେଶ୍ୱର: ଭୂତାଣୁ କବଳରେ ଶିଶୁ । ରାଜ୍ୟରେ ୧୦ ଦିନ ମଧ୍ୟରେ ୩୨ ହଜାର ୮୮୪ ଶିଶୁ କରୋନା ସଂକ୍ରମିତ ହୋଇଛନ୍ତି । ଦ୍ବିତୀୟ ଲହରରେ ବି ଅତି ଭୟଙ୍କର ହେଉଛି କରୋନା  । ଛୋଟ ପିଲା ଅଧିକରୁ ଅଧିକ ସଂକ୍ରମିତ ହେଉଛନ୍ତି । ୧୪ ବର୍ଷରୁ କମ୍ ବୟସ୍କର ପିଲା ଅଧିକ ସଂକ୍ରମିତ ହେଉଛନ୍ତି । ରାଜ୍ୟରେ କରୋନା ଦ୍ବାରା ଶିଶୁଙ୍କ ଆକ୍ରାନ୍ତ ହାର ୨୨.୫ ପ୍ରତିଶତକୁ ବୃଦ୍ଧି ପାଇଛି । ପିଲା ମାନଙ୍କୁ ସଙ୍ଗରୋଧରେ ରଖିବା ସମ୍ଭବ ନଥିବାରୁ ସଂକ୍ରମଣ ବଢୁଛି ବୋଲି ବିଶେଷଜ୍ଞ କହିଛନ୍ତି ।

ଏଥିସହ ପଢ଼ନ୍ତୁ- ୨୧ ଦିନର ଚିକିତ୍ସା ପରେ କରୋନାକୁ ହରାଇଲା ମାସକର ଛୁଆ

ସୁନ୍ଦରଗଡ଼, ବଲାଙ୍ଗିର, କନ୍ଧମାଳ, ପୁରୀ ଜିଲ୍ଲାର ଶିଶୁଙ୍କ କ୍ଷେତ୍ରରେ ଅଧିକ ଲକ୍ଷଣ ଦେଖାଯାଉଛି । ଛୋଟ ପିଲାଙ୍କ ପାଇଁ ଏବେ ଟିକାକରଣ ଆରମ୍ଭ ହୋଇନଥିବା ବେଳେ ଏଭଳି ସଂକ୍ରମଣ ଉଦ୍‌ବେଗଜନକ ସ୍ଥିତିରେ ରହିଛି । ଏଭଳି ସ୍ଥିତିରେ ଜାତୀୟ ଶିଶୁ ସୁରକ୍ଷା ଆୟୋଗ ପକ୍ଷରୁ ସବୁ ରାଜ୍ୟର ସ୍ବାସ୍ଥ୍ୟ ବିଭାଗକୁ ଚିଠି ଲେଖାଯାଇଛି ।

ଏଥିସହ ପଢ଼ନ୍ତୁ- ରାଜ୍ୟରେ ମୋଟ ସଂକ୍ରମଣ ମାମଲାର ୨୦ ପ୍ରତିଶତ ଶିଶୁ

ସେପଟେ କର୍ଣ୍ଣାଟକରେ ମଧ୍ୟ ଶିଶୁ କରୋନା ସଂକ୍ରମିତ ହେଉଥିବା ମାମଲା ଏବେ ମନରେ ଭୟ ସୃଷ୍ଟି କରିଛି । ଦୁଇ ମାସ ଭିତରେ ୯ ବର୍ଷ ବୟସ ମଧ୍ୟରେ ୪୦ ହଜାର ଶିଶୁ ସଂକ୍ରମିତ ହୋଇଥିବା ବେଳେ ଏହା ୧୪୩ ପ୍ରତିଶତ ରହିଛି । ୧୦ରୁ ୧୯ ବର୍ଷ ଭିତରେ ୧୬୦ ପ୍ରତିଶତ ଶିଶୁ ସଂକ୍ରମଣ ହୋଇଥିବା ଜଣାପଡ଼ିଛି  ।

ସମ୍ଭାବ୍ୟ ବାତ୍ୟା ‘ୟଶ’ ନେଇ ୭୪ ଟ୍ରେନ୍ ବାତିଲ ନିଷ୍ପତ୍ତି

ଭୁବନେଶ୍ୱର: ସମ୍ଭାବ୍ୟ ବାତ୍ୟା ୟଶ ଟ୍ରେନ୍ ବାତିଲ କଲା ଇଷ୍ଟ-କୋଷ୍ଟ ରେଳବାଇ । ଭୁବନେଶ୍ୱର-ପୁରୀ ଠାରୁ ଓ ଦେଇ ଯାଉଥିବା ଟ୍ରେନ୍ ବାତିଲ  । ଏହି ବାତ୍ୟା ସମୟରେ ମୋଟ ୭୪ଟି ଟ୍ରେନ୍ ବନ୍ଦ କରାଯିବା ନେଇ ନିଷ୍ପତ୍ତି ନିଆଯାଇଛି ।

ସେଗୁଡ଼ିକ ମଧ୍ୟରେ ରହିଛି ଭୁବନେଶ୍ୱର-ମୁମ୍ୱାଇ କୋଣାର୍କ ଏକ୍ସପ୍ରେସ (ସ୍ପେଶାଲ) ।  ଭୁବନେଶ୍ୱର-ହାଓ୍ୱଡା ଜନଶତାଦ୍ଦୀ ସ୍ପେଶାଲ । ପୁରୀ ନୂଆଦିଲ୍ଲୀ ପୁରୁଷୋତ୍ତମ ସ୍ପେଶାଲ । ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ସ୍ପେଶାଲ । ହାଓ୍ୱଡା –ପୁରୀ ସ୍ପେଶାଲ । ଭୁବନେଶ୍ୱର ସିକନ୍ଦରାବାଦ ବିଶାଖା ସ୍ପେଶାଲ । ପୁରୀ-ଋଷିକେଶ କଳିଙ୍ଗ ଉତ୍କଳ ସ୍ପେଶାଲ । ଅହମ୍ମଦାବାଦ, ସୁରଟ, ଆଜମେରକୁ ପୁରୀରୁ ଯାଉଥିବା ଟ୍ରେନକୁ ମଧ୍ୟ ବାତିଲ କରାଯାଇଛି ।

ଏଥିସହିତ ପଢ଼ନ୍ତୁ: ସବୁ କେନ୍ଦ୍ରୀୟ ଯୋଜନାର ଅର୍ଥ ପାଇଁ ନୂଆ ନିୟମ, ଚାରି କିସ୍ତିରେ ମିଳିବ ଟଙ୍କା

ସବୁ କେନ୍ଦ୍ରୀୟ ଯୋଜନାର ଅର୍ଥ ପାଇଁ ନୂଆ ନିୟମ, ଚାରି କିସ୍ତିରେ ମିଳିବ ଟଙ୍କା

ଭୁବନେଶ୍ୱର: କେନ୍ଦ୍ରୀୟ ଯୋଜନା ପାଇଁ ଏଣିକି ନୂଆ ବ୍ୟବସ୍ଥାରେ ରାଜ୍ୟକୁ ଅର୍ଥ ମିଳିବ । ଗୋଟିଏ କି ଦୁଇଟି ନୁହେଁ, ୪ଟି କିସ୍ତିରେ ରାଜ୍ୟକୁ ମିଳିବ କେନ୍ଦ୍ରୀୟ ଯୋଜନାର ଅର୍ଥ । ପ୍ରଥମ କିସ୍ତିର ବିନିଯୋଗ ପ୍ରମାଣପତ୍ର ଦେଲେ ମିଳିବ ଦ୍ୱିତୀୟ କିସ୍ତି । ଏବାଦରେ  ରାଜ୍ୟ ସରକାର ମାସିକ ରିପୋର୍ଟ ବି ଦେବେ । ଏନେଇ ବିଜେଡି ଓ ବିଜେପି ମୁହାଁମୁହିଁ ହୋଇଛନ୍ତି । କେନ୍ଦ୍ର ସରକାରଙ୍କ ଏପରି ମନ୍‌ମାନି ଉନ୍ନୟନ କାର୍ଯ୍ୟରେ ବାଧା ଦେବା ସାଙ୍ଗକୁ ସଂଘୀୟ ବ୍ୟବସ୍ଥା ପ୍ରତି ବିପଦ ବୋଲି ବିଜେଡି କହିଛି । କଂଗ୍ରେସ ମଧ୍ୟ କେନ୍ଦ୍ରକୁ ସମାଲୋଚନା କରିଛି । ସେପଟେ ବିଜେପି କହିଛି, ଏହାଦ୍ୱାରା ବ୍ୟବସ୍ଥା ଅଧିକ ଚଳଚଞ୍ଚଳ ହେବ  ।

କେନ୍ଦ୍ରୀୟ ପ୍ରାୟୋଜିତ ଯୋଜନା (ସିଏସ୍ଏସ୍‌) ଅନୁଦାନ ପାଇଁ କେନ୍ଦ୍ର ସରକାରଙ୍କ ନୂଆ ନିୟମ । ଅନୁଦାନ ପାଇଁ ନୂଆ ସର୍ତ୍ତ । କୌଣସି ଯୋଜନା ପାଇଁ ଏଣିକି ୪ଟି କିସ୍ତିରେ ମିଳିବ କେନ୍ଦ୍ରୀୟ ଅନୁଦାନ। ପ୍ରଥମ କିସ୍ତି ଖର୍ଚ୍ଚ କରି ବିନିଯୋଗ ପ୍ରମାଣପତ୍ର ଦେଲେ ଦ୍ୱିତୀୟ କିସ୍ତି ମିଳିବ। ତା’ ସାଙ୍ଗକୁ ପ୍ରତ୍ୟେକ ଯୋଜନା ପାଇଁ ସରକାରୀ ବ୍ୟାଙ୍କରେ ଆକାଉଣ୍ଟ ଖୋଲିବା ବାଧ୍ୟତାମୂଳକ  । ପ୍ରତି ଯୋଜନା ପାଇଁ ନୋଡାଲ ଅଫିସର ରହିବେ । ଏଭଳି ବ୍ୟବସ୍ଥା ଦ୍ୱାରା ଉନ୍ନୟନ କାର୍ଯ୍ୟ ବାଧାପ୍ରାପ୍ତ ହେବ ବୋଲି ବିଜେଡି କହିଛି । କେନ୍ଦ୍ରୀୟ ଯୋଜନା ପାଇଁ ଠିକ ସମୟରେ ଅର୍ଥ ମିଳୁନଥିବା ବେଳେ ଏବେ ସଂଘୀୟ ବ୍ୟବସ୍ଥାରେ ରାଜ୍ୟଙ୍କ ସହ କୌଣସି ପରାମର୍ଶ ନକରି ଏପରି ସର୍ତ୍ତ ରଖିବା ଦୁର୍ଭାଗ୍ୟଜନକ ବୋଲି ବିଜେଡି କହିଛି । କଂଗ୍ରେସ ବିଧାୟକ ମଧ୍ୟ ସମାଲୋଚନା କରିଛନ୍ତି ।

ସେପଟେ ରାଜ୍ୟର ସ୍ୱାର୍ଥ ବଦଳରେ ରାଜ୍ୟ ବିଜେପି କେନ୍ଦ୍ର ସରକାରଙ୍କ ପାଇଁ ଓକିଲାତି କରିଛି ।  ଏହାଦ୍ୱାରା ଯୋଜନାର ଉଦ୍ଦେଶ୍ୟ ସାଧିତ ହେବ ବୋଲି ଯୁକ୍ତି ବାଢ଼ିଛି ବିଜେପି । ରାଜ୍ୟରେ ଏବେ ୩୨ଟି କେନ୍ଦ୍ରୀୟ ପ୍ରାୟୋଜିତ ଯୋଜନା ଚାଲିଛି। ଠିକ ସମୟରେ ଅର୍ଥ ଆସୁନଥିବା ବେଳେ କେନ୍ଦ୍ରୀୟ ଅନୁଦାନ ପାଇଁ ଏଭଳି ନିୟମ କରୋନା ମହାମାରୀ ସମୟରେ ଅଧିକ ସଙ୍କଟ ସୃଷ୍ଟି କରିବାର ଆଶଙ୍କା ଅଛି ।

କୋଭିଡ ପରିଚାଳନା ନେଇ ବିଜେଡିର ଭର୍ଚୁଆଲ ବୈଠକ: ଅକ୍ସିଜେନ୍ ଓ ଆମ୍ୱୁଲାନ୍ସ ବ୍ୟବସ୍ଥା ନେଇ ଆଲୋଚନା

ଭୁବନେଶ୍ୱର: କୋଭିଡ୍‌ ପରିଚାଳନା ନେଇ ବିଜେଡିର ଭର୍ଚୁଆଲ ବୈଠକ  । କୋଭିଡ ନେଇ ବିଜେଡି ବିଧାୟକ କେତେ ସଚେତନ ଅଛନ୍ତି ଓ କେମିତି ନିଜ ନିର୍ବାଚନମଣ୍ଡଳୀକୁ ସଚେତନ କରୁଛନ୍ତି, ସେ ନେଇ ଆଲୋଚନା ହୋଇଛି । ଅକ୍ସିଜେନ ଓ ଆମ୍ବୁଲାନ୍ସ ବ୍ୟବସ୍ଥା ନେଇ ଆଲୋଚନା ହୋଇଛି  । ଏନେଇ ୮ରୁ ୧୦ ଦିନ ଭିତରେ ବିଧାୟକମାନେ ରିପୋର୍ଟ ଦେବେ । ସେମାନଙ୍କ ସହ ସିଧାସଳଖ କଥା ହେବେ ଦଳୀୟ ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ବୈଠକରେ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଉପସ୍ଥିତ ଥିବା ବେଳେ ବିଧାୟକ ଦେବୀ ମିଶ୍ର, ପ୍ରତାପ ଦେବ, ବ୍ୟୋମକେଶ ରାୟ ଓ ପ୍ରଣବ ବଲବନ୍ତରାୟ ଯୁବ ବିଜେଡି କାର୍ଯ୍ୟାଳୟରେ ଉପସ୍ଥିତ ଥିଲେ ।

ଏଥିସହିତ ପଢ଼ନ୍ତୁ: ସମ୍ଭାବ୍ୟ ବାତ୍ୟା ନେଇ ଆଲର୍ଟରେ ଓଡ଼ିଶା, ସ୍ଥାନାନ୍ତରଣରେ ସାମିଲ୍ ହେବ ପଞ୍ଚାୟତ