spot_img
Home Blog Page 5791

ମୋଦି ସରକାରଙ୍କୁ ଝଟ୍‌କା: ସାଇଣ୍ଟିଫିକ୍ ଆଡଭାଇଜରୀ ଗ୍ରୁପ୍ ଚେୟାରମ୍ୟାନ୍ ଶାହିଦ ଜମିଲଙ୍କ ଇସ୍ତଫା

ନୂଆଦିଲ୍ଲୀ: ସାଇଣ୍ଟିଫିକ୍ ଆଡଭାଇଜରୀ ଗ୍ରୁପ ଚେୟାରମ୍ୟାନ ପଦରୁ ଇସ୍ତଫା ଦେଇଛନ୍ତି ବରିଷ୍ଠ ଭାଇରୋଲୋଜିଷ୍ଟ ଶାହିଦ ଜମିଲ । କରୋନା ଭୂତାଣୁର ବିଭିନ୍ନ ଭ୍ୟାରିଏଣ୍ଟକୁ ଚିହ୍ନଟ କରିବା ପାଇଁ ସରକାର ଗଠନ କରିଥିବା ବିଶେଷଜ୍ଞ ପ୍ୟାନେଲରୁ ଜମିଲ ଇସ୍ତଫା ଦେଇଛନ୍ତି । ନିକଟରେ ନ୍ୟୁୟର୍କ ଟାଇମ୍ସରେ ଏକ ସ୍ତମ୍ଭ ଲେଖିଥିଲେ । ଏଥିରେ କରୋନା ପରିଚାଳନା ଦିଗରେ ଭାରତ ସରକାର ନେଉଥିବା ବିଭିନ୍ନ ପଦକ୍ଷେପ ଉପରେ ସେ ପ୍ରଶ୍ନ ଉଠାଇଥିଲେ । ସରକାରୀସ୍ତରରେ ନିଆଯାଉଥିବା ପଦକ୍ଷେପକୁ ବିରୋଧ କରି ସେ ନିଜ ମତ ରଖିଥିଲେ । ଦେଶରେ ଟିକାକରଣ ମନ୍ଥର ଗତିରେ ଚାଲିଥିବା ବେଳେ ଟିକାର ଘୋର ଅଭାବ ଓ ସ୍ୱାସ୍ଥ୍ୟକର୍ମୀଙ୍କ ଅଭାବ ରହିଥିବା ନେଇ ଭାଇରୋଲୋଜିଷ୍ଟ ଜମିଲ ମତ ରଖିଥିଲେ । ଏହାଛଡ଼ା ମହାମାରୀ ନିୟନ୍ତ୍ରଣ ଲାଗି  ବିଶେଷଜ୍ଞଙ୍କ  ମତାମତକୁ ସରକାର ମାନି ନ ଥିବା ସେ ଅଭିଯୋଗ କରିଥିଲେ । ସରକାର ବୈଜ୍ଞାନିକଙ୍କ ମତାମତକୁ ଗୁରୁତ୍ୱ ଦେବା ଦରକାର ବୋଲି ବରିଷ୍ଠ ଭାଇରୋଲୋଜିଷ୍ଟ ଜମିଲ କହିଥିଲେ । ତେବେ ଏହି କାରଣରୁ ସେ ବୈଜ୍ଞାନିକ ପରାମର୍ଶଦାତା ପ୍ୟାନେଲରୁ ଇସ୍ତଫା ଦେଇଥିବା ଆଲୋଚନା ହେଉଛି ।

ଏଥିସହିତ ପଢ଼ନ୍ତୁ: ଓଡିଶାକୁ ଚିଦାମ୍ବରମଙ୍କ ପ୍ରଶଂସା, କୋଭିଡ ପରିଚାଳନାରେ ନିଭାଉଛି ଦାୟିତ୍ୱ

‘ଭୁବନେଶ୍ୱର ବାର୍ତ୍ତାଜୀବୀ’କୁ ଉନ୍ମୋଚନ କଲେ ମାନସ ମଙ୍ଗରାଜ: ସତର୍କତାର ସହ କାର୍ଯ୍ୟ କରିବାକୁ ସାମ୍ୱାଦିକଙ୍କୁ ପରାମର୍ଶ

ଭୁବନେଶ୍ୱର: ମହାମାରୀ ସମୟରେ ଲୋକଙ୍କୁ ସଚେତନ କରିବାରେ ଗଣମାଧ୍ୟମ ପ୍ରତିନିଧିଙ୍କ ଭୂମିକା ଗୁରୁତ୍ୱପୂର୍ଣ୍ଣ । ମହାମାରୀର ଦ୍ୱିତୀୟ ପ୍ରବାହରେ ବର୍ତ୍ତମାନ ସୁଦ୍ଧା ୨୫ ଜଣ ଗଣମାଧ୍ୟମ ପ୍ରତିନିଧି ପ୍ରାଣ ହରାଇଛନ୍ତି । ଗଣମାଧ୍ୟମ ପ୍ରତିନିଧିଙ୍କୁ ରାଜ୍ୟ ସରକାର କରୋନା ଯୋଦ୍ଧା ଭାବେ ଘୋଷଣା କରିବା ସହ ସେମାନଙ୍କ ଲାଗି ୧୫ ଲକ୍ଷ ଟଙ୍କାର କ୍ଷତିପୂରଣ ବ୍ୟବସ୍ଥା କରିଛନ୍ତି । ଏଥିସହ ପ୍ରାଥମିକତା ଭିତ୍ତିରେ ସେମାନଙ୍କ ଲାଗି ଟିକାକରଣ ବ୍ୟବସ୍ଥା କରାଯାଇଛି । ଏଭଳି ଘଡ଼ିସନ୍ଧି ମୁହୂର୍ତ୍ତରେ ସତର୍କତାର ସହ କାମ କରିବା ଲାଗି ପରାମର୍ଶ ଦେଇଛନ୍ତି ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ ।  ଭୁବନେଶ୍ୱର ସାମ୍ୱାଦିକ ସଂଘର ବାର୍ଷିକ ପତ୍ରିକା ‘ଭୁବନେଶ୍ୱର ବାର୍ତ୍ତାଜୀବୀ’ର ଉନ୍ମୋଚନ ଅବସରରେ ସେ ଏହା କହିଛନ୍ତି । ରବିବାର ଭର୍ଚୁଆଲ ମାଧ୍ୟମରେ ଏହି ପତ୍ରିକା ଉନ୍ମୋଚିତ ହୋଇଛି । ଭୁବନେଶ୍ୱର ସାମ୍ୱାଦିକ ସଂଘ ସଭାପତି ପ୍ରତାପ ଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମକୁ ଉତ୍କଳ ସାମ୍ୱାଦିକ ସଂଘ ରାଜ୍ୟ ସଭାପତି ବିଭୂତି ଭୂଷଣ କର ପରିଚାଳନା କରିଥିଲେ । କାର୍ଯ୍ୟକ୍ରମରେ ରାଜ୍ୟ କୋଷାଧ୍ୟକ୍ଷ ରାଜେନ ଚୌଧୁରୀ, ଭୁବନେଶ୍ୱର ସାମ୍ୱାଦିକ ସଂଘ ଉପ ସଭାପତି ଗଗନ ସ୍ୱାଇଁ, ସାଧାରଣ ସମ୍ପାଦକ ଲକ୍ଷ୍ମୀକାନ୍ତ ଦାସ, ସଂଗଠନ ସମ୍ପାଦକ ଜତେନ୍ଦ୍ର ମହାନ୍ତି, ନୃସିଂହ ମହାପାତ୍ରଙ୍କ ସମେତ ବହୁ ଜିଲ୍ଲା ସାମ୍ୱାଦିକ ଅଂଶଗ୍ରହଣ କରିଥିଲେ । ଏହି ଅବସରରେ କରୋନାରେ ପ୍ରାଣ ହରାଇଥିବା ସାମ୍ୱାଦିକଙ୍କ ଉଦ୍ଦେଶ୍ୟରେ ୨ ମିନିଟ ନିରବ ପ୍ରାର୍ଥନା ମଧ୍ୟ କରାଯାଇଥିଲା ।

ଏଥିସହିତ ପଢ଼ନ୍ତୁ: କରୋନା କବଳରେ ବିରଳ ଜନଜାତି ଡଙ୍ଗରିଆ : ୧୩ ସଂକ୍ରମିତ ଚିହ୍ନଟ

ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତିଙ୍କ ପରଲୋକ: ଶୋକ ବ୍ୟକ୍ତ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତିଙ୍କ ପରଲୋକ । ୬୩ ବର୍ଷ ବୟସରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ସୁନାପଞ୍ଜୁରୀ ଫିଲ୍ମର `ପୁଚୁକି ଗାଲି’ ଗୀତ ତାଙ୍କ ସଙ୍ଗୀତ ନିର୍ଦ୍ଦେଶନାର ସୃଷ୍ଟି ହୋଇଥିବା ଅଭୁଲା ଗୀତ । ୬ ଫେବ୍ରୁଆରୀ  ୧୯୫୮ରେ ଜନ୍ମଗ୍ରହଣ କରିଥିଲେ ସେ । ବୁଲୁ ଭାଇ ଭାବେ ସମସ୍ତଙ୍କର ଅତି ପରିଚିତ ଥିଲେ ଅମରେନ୍ଦ୍ର ମହାନ୍ତି । ବହୁ ଖ୍ୟାତନାମା ସଂଗୀତଜ୍ଞଙ୍କ ସହ କାମ କରିଛନ୍ତି । ଅକ୍ଷୟ ମହାନ୍ତିଙ୍କ ଠାରୁ ଆରମ୍ଭ କରି ଅନେକଙ୍କ ସହ କାମ କରିଛନ୍ତି ସେ  । ଅମରେନ୍ଦ୍ରଙ୍କ ଦେହାନ୍ତ ସଙ୍ଗୀତ ଜଗତରେ ଅପୂରଣୀୟ କ୍ଷତି ସୃଷ୍ଟି କରିଛି । ଅପରପକ୍ଷରେ ଅମରେନ୍ଦ୍ରଙ୍କ ଦେହାନ୍ତ ନେଇ ଶୋକବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଟ୍ୱିଟ୍ ମାଧ୍ୟମରେ ଶୋକବ୍ୟକ୍ତ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ।

କରୋନା କବଳରେ ବିରଳ ଜନଜାତି ଡଙ୍ଗରିଆ : ୧୩ ସଂକ୍ରମିତ ଚିହ୍ନଟ

ରାୟଗଡ଼ା: କରୋନା କବଳରୁ ବର୍ତ୍ତି ପାରିଲେନି ବିରଳ ଜନଜାତି ଡଙ୍ଗରିଆ ସମ୍ପ୍ରଦାୟ । ପୂର୍ବ ଘାଟ ପର୍ବତମାଳାର ନିୟମଗିରିରେ ବାସ କରୁଥିବା ୪ ଟି ଡଙ୍ଗରିଆ ଗାଁକୁ  ବ୍ୟାପିଛି କରୋନା । ପାର୍ସାଲି ସରପଞ୍ଚଙ୍କ ସମେତ ଫାକେରୀ, ବୁଡୁଣି, ଟେବାପଡ଼ା, ନିର୍ଗୁଣ୍ଡି ଗାଁର ୧୯ ଡଙ୍ଗରିଆ ଆଜି ସୁଦ୍ଧା ପଜିଟିଭ୍ ଚିହ୍ନଟ ହୋଇଛନ୍ତି । ଡଙ୍ଗରିଆଙ୍କୁ କରୋନା ଛୁଇଁବା ପରେ ସ୍ଥିତି କିଭଳି ନିୟନ୍ତ୍ରଣ ହେବ, ଏ ନେଇ ପ୍ରଶାସନ ପକ୍ଷରୁ ତର୍ପରତା ପ୍ରକାଶ ପାଇଛି । । କଲ୍ୟାଣସିଂହପୁର ବିଡିଓଙ୍କ ନେତୃତ୍ୱରେ ସ୍ୱାସ୍ଥ୍ୟ ବିଭାଗର ଟିମ୍ ଫକେରୀ ଗାଁରେ ପହଞ୍ଚି ସ୍ୱାବ୍ ଟେଷ୍ଟିଂ ପାଇଁ ଡଙ୍ଗରିଆଙ୍କୁ ଡାକିଥିଲେ । କିନ୍ତୁ ଭୟରେ ଅଧିକାଂଶ ଡଙ୍ଗରିଆ ଟେଷ୍ଟି ପାଇଁ ଆସିନଥିଲେ । ମାତ୍ର ୧୬ ଜଣଙ୍କର ସ୍ୱାବ୍ ଟେଷ୍ଟିଂ କରିବାରେ ସ୍ୱାସ୍ଥ୍ୟ ବିଭାଗ ସଫଳ ହୋଇଥିଲା । ତେବେ ସେମାନଙ୍କ ମଧ୍ୟରୁ ୧୩ ଜଣଙ୍କ କରୋନା ରିପୋର୍ଟ ପଜିଟିଭ୍ ଆସିଛି । କଲ୍ୟାଣସିଂହପୁର ବ୍ଳକର ୩୬ଟି ଗାଁରେ ବୈନିକ ବଜାର, ହାଟରେ ଉତ୍ପାଦିତ ଫସଲକୁ ବିକ୍ରି କରି ଡଙ୍ଗରିଆ ଜୀବିକା ନିର୍ବହ କରୁଛନ୍ତି । କରୋନା ସଂକ୍ରମଣ ବଢ଼ିବା ପରେ ପ୍ରଶାସନ ପକ୍ଷରୁ କଲ୍ୟାଣସିଂହପୁର ବ୍ଳକ୍‌ର ମାଝିଗୁଡ଼ା, କଲ୍ୟାଣସିଂହପୁରକୁ ସାପ୍ତାହିକ ହାଟକୁ ବନ୍ଦ କରିଦିଆଯାଇଛି । ଫଳରେ କଲ୍ୟାଣସିଂପୁର  ଦୈନିକ ବଜାରକୁ ଆସି ଡଙ୍ଗରିଆ ଉତ୍ପାଦିକ ଫସଲକୁ ବିକ୍ରି କରି ଘରକୁ ଫେରୁଛନ୍ତି । ଦୈନିକ ବଜାରରେ କିଣାବିକା କରିବା ସମୟରେ ହିଁ ଡଙ୍ଗରିଆ କରୋନାରେ ସଂକ୍ରମିତ ହୋଇଥିବା ଆଶଙ୍କା କରାଯାଉଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୧୦ ହଜାର ୭୫୭ କରୋନା ସଂକ୍ରମିତ ଚିହ୍ନଟ

ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୧୦ ହଜାର ୭୫୭ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୧୦ହଜାର ୭୫୭ କୋଭିଡ ପଜିଟିଭ ଚିହ୍ନଟ ହୋଇଛନ୍ତି । ୨୨କରୋନା ଆକ୍ରାନ୍ତଙ୍କ ଜୀବନ ନେଇ ଭାଇରସ୍ । କ୍ବାରେଣ୍ଟାଇନରୁ ୬୦୨୪, ଲୋକାଲ କେସ୍ ୪୭୩୩ । ୩୦ଜିଲ୍ଲାରୁ ପଜିଟିଭ ଚିହ୍ନଟ ହୋଇଥିବା ବେଳେ ସବୁ ଜିଲ୍ଲାରେ ସଂକ୍ରମିତଙ୍କ ସଂଖ୍ୟା ହଜାରେ ତଳକୁ ରହିଛି । ଆଜି କଟକରୁ ସର୍ବାଧିକ ୯୭୩, ଖୋର୍ଦ୍ଧାରୁ ୯୦୯, ସୁନ୍ଦରଗଡ଼ରୁ ୮୩୨ ସଂକ୍ରମିତ ଚିହ୍ନଟ ହୋଇଛନ୍ତି । ଅନୁଗୁଳରୁ ୬୦୬, ବଲାଙ୍ଗୀରରୁ ୫୦୭, ନୂଆପଡାରୁ ୫୦୨, ସମ୍ବଲପୁରରୁ ୪୯୪, ମୟୂରଭଞ୍ଜରୁ ୪୫୪, ଭଦ୍ରକରୁ ୪୪୩, ବରଗଡ଼ରୁ ୪୦୪ ସଂକ୍ରମିତ ଚିହ୍ନଟ ହୋଇଛନ୍ତି । ଝାରସୁଗୁଡାରୁ ୩୮୮, ନବରଙ୍ଗପୁରରୁ ୩୮୬, ବାଲେଶ୍ବରରୁ ୩୫୪, ପୁରୀରୁ ୩୫୦, ଢେଙ୍କାନାଳରୁ ୨୮୯, କୋରାପୁଟରୁ ୨୮୨, ଯାଜପୁରରୁ ୨୮୧, ସୋନପୁରରୁ ୨୪୫, ନାୟଗଡ଼ରୁ ୨୨୭, ଜଗତସିଂହପୁରରୁ ୨୧୯, ଗଞ୍ଜାମରୁ ୨୦୯, କେନ୍ଦୁଝରରୁ ୨୦୮, ଷ୍ଟେଟପୁଲରୁ ୨୦୦ ଆକ୍ରାନ୍ତ ଚିହ୍ନଟ ହୋଇଛନ୍ତି । କେନ୍ଦ୍ରାପଡାରୁ ୧୪୮, ଗଜପତିରୁ ୧୪୧, ରାୟଗଡ଼ାରୁ ୧୩୬, ବୌଦ୍ଧରୁ ୧୩୩, କଳାହାଣ୍ଡିରୁ ୧୨୫, ମାଲକାନଗିରିରୁ ୧୨୩, ଦେବଗଡ଼ରୁ ୧୦୨, କନ୍ଧମାଳରୁ ୮୭ ସଂକ୍ରମିତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୬ଲକ୍ଷ ୨୨ହଜାର ୯୮୧ଥିବା ବେଳେ ସୁସ୍ଥ ହେଲେଣି ୫ଲକ୍ଷ ୧୪ହଜାର ୫୩୨ । ଆକ୍ଟିଭ କେସ୍ ଲକ୍ଷେ ୬ହଜାର ୬୧ ।

ଏଥିସହିତ ପଢ଼ନ୍ତୁ: ବାଘେଶ୍ୱରପୁର ଗାଁରେ କାର୍‌ ବନେଟ୍‌ରୁ ବାହାରିଲା ନାଗରାଜ

ବାଘେଶ୍ୱରପୁର ଗାଁରେ କାର୍‌ ବନେଟ୍‌ରୁ ବାହାରିଲା ନାଗରାଜ

ପିପିଲି: କାର୍‌ ଭିତରୁ ନାଗ ସାପ ଉଦ୍ଧାର । ବାଘେଶ୍ୱରପୁର ଗାଁର ଗୋପାଳ ଚନ୍ଦ୍ର ପଣ୍ଡାଙ୍କ କାର୍‌ରୁ ନାଗ ସାପ ଉଦ୍ଧାର । କାର୍ ବନ୍ନେଟ୍‌ରେ ଫସିରହିଥିଲା ନାଗ । ଏ ନେଇ ଶ୍ରୀ ପଣ୍ଡା ଜାଣିବାକୁ ପାଇବା ପରେ ସ୍ନେକ୍ ହେଲ୍ପ ଲାଇନକୁ ଖବର ଦେଇଥିଲେ । ଖବର ପାଇ ସ୍ନେକ ହେଲ୍ପ ଲାଇନ ସଦସ୍ୟ ସୁଶାନ୍ତ କୁମାର ବେହେରା ପହଞ୍ଚି ଥିଲେ।  କାରର ବନେଟ ଖୋଲିଲା ବେଳକୁ ବାମ ପଟ କଡ଼ରେ ଇଞ୍ଜିନ ଉପରେ କୁଣ୍ଡଳୀ ମାରି ୪ ଫୁଟ ଲମ୍ବର ନାଗ ସାପ ଟି ବସିଥିଲା । ସୁଶାନ୍ତ ସ୍ନେକ ହୁକ ସାହାଯ୍ୟରେ ନାଗ ଟିକୁ ଉଦ୍ଧାର କରିଥିଲେ । ଏବଂ ସାପଟିକୁ ଗାଁ ଠାରୁ ଯଥେଷ୍ଟ ଦୂରରେ ଛାଡି ଦେଇଥିଲେ ।

https://www.youtube.com/watch?v=j43ZblA9DV4

ଏଥିସହିତ ପଢ଼ନ୍ତୁ: ଟିକାକରଣ ପାଇଁ କମିଟି ଗଠନ , ଶିଶୁଙ୍କ ସୁରକ୍ଷାକୁ ଗୁରୁତ୍ୱ

ବାତ୍ୟା ପାଇଁ ମୁମ୍ୱାଇରେ ବନ୍ଦ ହେଲା ଟିକାକରଣ

ମୁମ୍ୱାଇ: ବାତ୍ୟା ପାଇଁ ଭ୍ୟାକ୍‌ସିନେସନ ବନ୍ଦ । ବାତ୍ୟା ତୌକାତେକୁ ନେଇ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯିବା ପରେ ୧୭ ତାରିଖରେ କରୋନା ଟିକାକରଣ ବନ୍ଦ ରଖିବାକୁ ନିଷ୍ପତ୍ତି ନେଇଛି ବ୍ରିହାନମୁମ୍ୱାଇ ମ୍ୟୁନିସିପାଲ କର୍ପୋରେସନ (ବ୍ରିହାନ) । ବାତ୍ୟା ତୌକାତେ ଯୋଗୁ ମୁମ୍ବାଇରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରି ସତର୍କ ସୂଚନା ଜାରି କରିଥିଲା । ୧୭ ତାରିଖରେ ହେବାକୁ ଥିବା ଟିକାକରଣ କାର୍ଯ୍ୟକ୍ରମ ୧୮ ଓ ୧୯ ମେ ରେ କରାଯିବ ବୋଲି ବିଏମସି ପକ୍ଷରୁ କୁହାଯାଇଛି । ଅପରପକ୍ଷରେ ତାଣ୍ଡବ ରଚୁଛି ବାତ୍ୟା ତୌକତେ । ପ୍ରଭାବରେ ଗୁଜରାଟ, କର୍ଣ୍ଣାଟକ, ଗୋଆ ଓ କେରଳରେ ବର୍ଷା ସାଙ୍ଗକୁ ପବନ ବହୁଛି । କର୍ଣ୍ଣାଟକରେ ୪ ଓ କେରଳରେ ୨ ଜଣ ପ୍ରାଣ ହରାଇଥିବା ବେଳେ ଅନେକ ସ୍ଥାନରେ ନିଖୋଜଙ୍କ ସଂଖ୍ୟା ବଢୁଛି । ଆସନ୍ତାକାଲି ଭୋର ସମୟରେ ବାତ୍ୟା ତୌକତେ ଗୁଜୁରାଟ ଉପକୂଳ ମହୁଭା ଏବଂ ପୋରବନ୍ଦର ମଧ୍ୟରେ ସ୍ଥଳଭାଗ ଛୁଇଁବା ନେଇ ଅନୁମାନ କରିଛି ଭାରତୀୟ ପାଣିପାଗ କେନ୍ଦ୍ର । ଏହି ସମୟରେ ୧୬୦ରୁ ୧୮୦ କିଲୋମିଟରେ ବେଗରେ ପବନ ସହ ପ୍ରବଳ ବର୍ଷା ହୋଇପାରେ । ଗୁଜରାଟର ଜୁନାଗଡ, ଆମ୍ରେଲି, ଭାବାନଗର, ଡିଉ ଏବଂ ଏହାର ଆଖପାଖରେ ଥିବା ତଳିଆ ଅଞ୍ଚଳ ଅଧିକ ପ୍ରଭାବିତ ହୋଇପାରେ । ଲାକ୍ଷାଦୀପ ସମେତ କେରଳ, କର୍ଣ୍ଣାଟକ, ମହାରାଷ୍ଟ୍ର , ଗୋଆ ଏବଂ ଗୁଜରାଟରେ ରେଡ ଆଲର୍ଟ ଜାରି କରାଯାଇଛି । ସମ୍ଭାବ୍ୟ ପରିସ୍ଥିତିକୁ ଦୃଷ୍ଟିରେ ରଖି ପ୍ରଭାବିତ ୬ ରାଜ୍ୟରେ ୧୦୦ ଉଦ୍ଧାରକାରୀ ଦଳ ନିୟୋଜିତ ହୋଇଛନ୍ତି । ସେହିଭଳି ପୁନେ, ଅହମ୍ମଦାବାଦ ଓ ଗୁଜରାଟକୁ ୫ଟି ଲେଖାଏଁ ଏନଡିଆରଏଫ ଟିମ୍ ପଠାଯାଇଛି ।