spot_img
Home Blog Page 5795

ବ୍ରହ୍ମପୁର: କୋଭିଡ ପଜିଟିଭ୍ HIV ସଂକ୍ରମିତ ମହିଳା ଜନ୍ମଦେଲେ ସୁସ୍ଥ କନ୍ୟା ସନ୍ତାନ

ବ୍ରହ୍ମପୁର: କୋଭିଡ କାଳରେ ଆଶ୍ୱସ୍ତିକର ଖବର । କୋଭିଡ ପଜିଟିଭ ଥାଇ ବି ବ୍ରହ୍ମପୁରରେ ଜଣେ ଏଚ୍‌ଆଇଭି ସଂକ୍ରମିତ ମହିଳା କନ୍ୟା ସନ୍ତାନ ଜନ୍ମ ଦେଇଛନ୍ତି । ଶିଶୁକନ୍ୟାଟି ସୁସ୍ଥ ଅଛି । ନବଜାତ ଶିଶୁର କୋଭିଡ୍‌ ରିପୋର୍ଟ ନେଗେଟିଭ ଆସିଛି । ଶିଶୁର ସ୍ୱାସ୍ଥ୍ୟାବସ୍ଥା ଠିକ୍ ଥିବାରୁ ମେଡିକାଲରେ ଡାକ୍ତର ଓ ସ୍ୱାସ୍ଥ୍ୟକର୍ମୀ କେକ୍‌ କାଟି ଖୁସି ମନାଇଛନ୍ତି ।

ସୂଚନା ମୁତାବକ, ବ୍ରହ୍ମପୁର ସିଟି ହସ୍ପିଟାଲ ଓପିଡି ଗାଇନିଂ ଡିପାର୍ଟମେଣ୍ଟରେ ଜଣେ ମହିଳା ସପ୍ତାହକ ପୂର୍ବରୁ ଚିକିତ୍ସିତ ହେଉଥିଲେ । ସେ ଆଗରୁ ଏଚ୍‌ଆଇଭି ପଜିଟିଭ ଥିଲେ ଏବଂ ବର୍ତ୍ତମାନ କୋଭିଡରେ ସଂକ୍ରମିତ ଅଛନ୍ତି । ଏଭଳି ସ୍ଥିତିରେ ସେ ଏକ କନ୍ୟା ସନ୍ତାନ ଜନ୍ମ ଦେଇଛନ୍ତି । ଉଭୟ ମା’ ଓ ନବଜାତ ଶିଶୁ ଚିକିତ୍ସାଧୀନ ଅଛନ୍ତି । ଶିଶୁକୁ ଆଇସୋଲେସନ ୱାର୍ଡରେ ରଖାଯାଇଛି । ୬ ସପ୍ତାହ ପରେ ଶିଶୁଟିର HIV ଅଛି ନା ନାହିଁ ତାହା ମଧ୍ୟ ପରୀକ୍ଷା କରାଯିବ ।

ମେ ମାସ ଶେଷ ବା ଜୁନ୍ ମାସ ଆରମ୍ଭରୁ କମିବ କରୋନା ସଂକ୍ରମଣ: ସ୍ୱାସ୍ଥ୍ୟ ବିଶେଷଜ୍ଞ

ଭୁବନେଶ୍ୱର: ରାଜ୍ୟରେ ଜୁନ ମାସରେ କରୋନାରୁ ମିଳିବ ଆଶ୍ୱସ୍ତି । ମେ ମାସ ଶେଷ ବା ଜୁନ୍ ମାସ ଆରମ୍ଭରୁ କମିବ କରୋନା ସଂକ୍ରମଣ । ମେ ୩୧ ପରେ ସଂକ୍ରମଣ ସଂଖ୍ୟା ଦଶ ହଜାର ତଳକୁ ଆସିବ । ରାଜ୍ୟରେ କରୋନା ଦ୍ୱିତୀୟ ଲହର ବିଳମ୍ବରେ ବୃଦ୍ଧି ହୋଇଥିବାରୁ ଅନ୍ୟ ରାଜ୍ୟଙ୍କ ତୁଳନାରେ ବିଳମ୍ବରେ କମିବ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି । ଦୈନିକ ଦଶରୁ ବାର ହଜାର ପଜିଟିଭ୍‌ ସଂଖ୍ୟା ଆସନ୍ତା ଗୋଟିଏ ସପ୍ତାହ ପର୍ଯ୍ୟନ୍ତ ରହିବ ।

ବର୍ତ୍ତମାନ ସ୍ଥିତି ପ୍ଲାଟ୍ୟୁ ଷ୍ଟେଜ୍‌ରେ ରହିଛି ଏବଂ ପଜିଟିଭ ହାର କୋଡ଼ିଏ ପ୍ରତିଶତ ରହିଛି, ଟେଷ୍ଟ କମ୍‌ କିମ୍ବା ବେଶି ହେଲେ ମଧ୍ୟ ସେହି ହାରରେ ପଜିଟିଭ୍‌ ଚିହ୍ନଟ ହେଉଛନ୍ତି । ଏଣିକି ଗାଁଗୁଡ଼ିକୁ ଫୋକସ୍‌ କରିବାକୁ ପଡିବ । ରାଜ୍ୟରେ ସର୍ବନିମ୍ନ ଆଉ ଦୁଇ ସପ୍ତାହ ଲକ୍‌ଡାଉନ୍‌ ଆବଶ୍ୟକ । ଲକ୍‌ଡାଉନ୍‌ ମିୟମକୁ ଆହୁରି କଡ଼ାକଡ଼ି କରିବାକୁ ପଡ଼ିବ । ସରକାର ମଧ୍ୟ ଲକ୍‌ଡାଉନ୍‌କୁ ଆଉ ଅଧିକ କଡ଼ାକଡ଼ି କରିପାରିଲେ ସଂକ୍ରମଣ ଉପରେ ରୋକ୍ ଲଗାଯାଇପାରିବ ବୋଲି ସ୍ବାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି।

ସେପଟେ ସହର ଅପେକ୍ଷା ଗାଁରେ ଲୋକ ଅଧିକ ଅମାନିଆ ହେଉଛନ୍ତି । ସଟ୍‌ଡାଉନ୍‌ ଓ ଲକ୍‌ଡାଉନ୍‌ ଆହୁରି କଡ଼ାକଡ଼ି ହେବା ଦରକାର । ୬ ଘଣ୍ଟା କୋହଳ ବେଳେ ଲୋକ ବେଶୀ ଭିଡ଼ ଜମାଉଛନ୍ତି । ଲଗାତାର ଆମ ରାଜ୍ୟରେ ୨୦ ପ୍ରତିଶତ ପଜିଟିଭ୍‌ ହାର ରହୁଛି। ବୋଲି ଡାକ୍ତର ସୂର୍ଯ୍ୟ ଚୌଧୁରୀ କହିଛନ୍ତି ।

Cyclone Tauktae News: ଗୋଆ ଉପକୂଳରେ ମାଡ଼ ହେଲା ତୌକତେ, କର୍ଣ୍ଣାଟକରେ ୪ ମୃତ

ପାଣଜୀ: ବାତ୍ୟା ତୌକତେ ଗୋଆ ଉପକୂଳରେ ମାଡ ହୋଇଛି । ପାଣଜୀରେ ଏବେ ତୌକତେ ତା’ର ପ୍ରଭାବ ଦେଖାଉଛି । ଏହା ପ୍ରଭାବରେ ପାଣଜୀ ଓ ରାଜ୍ୟର ଅନେକ ଉପକୂଳବର୍ତ୍ତି ଅଂଚଳରେ ଭୀଷଣ ବର୍ଷା ହେଉଛି । ତୌକତେ ଆଗକୁ ଅଧିକ ଶକ୍ତିଶାଳୀ ହେବାର ଆଶଙ୍କା ଥିବାରୁ ଗୁଜୁରାଟର ଉପକୂଳବର୍ତ୍ତି ଅଂଚଳକୁ ଆଲର୍ଟରେ ରଖାଯାଇଛି । ରବିବାର ଦିନ ତୌକତେ ମୁମ୍ବାଇ ଦେଇ ଯିବାର ଆଶଙ୍କା ରହିଛି । ଯାହାକୁ ଦୃଷ୍ଟିରେ ରଖି ଶନିବାର ଦିନ ହିଁ ଅନେକ କୋଭିଡ୍ ରୋଗୀଙ୍କୁ ସୁରକ୍ଷିତ ସ୍ଥାନକୁ ପଠାଇ ଦିଆଯାଇଛି । ଅନ୍ୟପକ୍ଷରେ କର୍ଣ୍ଣଟକରେ ତୌକତେ କାରଣରୁ ୪ ଜୀବନ ଯାଇଛି । କର୍ଣ୍ଣାଟକର ମୋଟ ୭୪ଟି ଗାଁ ତୌକତେ ଦ୍ୱାରା ପ୍ରଭାବିତ ହୋଇଛି ।

ଗୁଜୁରାଟରେ ତୌକତେର ମୁକାବିଲା ପାଇଁ ଏନଡିଆରଏଫକୁ ମୁତ୍ତୟନ କରାଯାଇଛି । ଏନଡିଆରଏଫର ୨୪ ଟିମ୍ ସଂଧ୍ୟା ସୁଧା ବାତ୍ୟ ଦ୍ୱାରା ପ୍ରଭାବିତ ହେବାକୁ ଥିବା ଅଂଚଳରେ ମୁତୟନ ହୋଇଯିବେ ବୋଲି ଜଣା ପଡିଛି ।

ଏହି ୨୪ ଟିମ୍ ମଧ୍ୟରୁ ୧୩ଟି ଟିମ୍ ବାହାରୁ ଆସିଛି । ଓଡ଼ିଶାରୁ ମଧ୍ୟ ଏନଡିଆରଏଫର ଗୋଟିଏ ଟିମ୍ ଗୁଜୁରାଟ୍ ଯାଇଛି ।


ସୂଚନାଯୋଗ୍ୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତୌକତେ ମୁକାବିଲା ପାଇଁ କ’ଣ ସବୁ ପଦକ୍ଷେପ ନିଆଯାଇଛି ସେସମ୍ପର୍କରେ ଶନିବାର ଦିନ ରାଜ୍ୟ ସରକାର ଓ କେନ୍ଦ୍ରୀୟ ଏଜେନ୍ସୀଙ୍କ ସହିତ ଆଲୋଚନା କରିଥିଲେ ।

ଲୋକଙ୍କୁ ସୁରକ୍ଷିତ ସ୍ଥାନକୁ ପଠାଇବାକୁ ସେ ଆଦେଶ ଦେଇଥିଲେ । ଏହାସହିତ ବିଦ୍ୟୁତ,ଫୋନ୍,ସ୍ୱାସ୍ଥ୍ୟ ,ପାନୀୟ ଜଳ ଭଳି ଜରୁରୀ ସେବା ସୁନିଶ୍ଚିତ କରିବାକୁ ସେ ନିର୍ଦ୍ଦେଶ ଦେଇଥିଲେ ।

 

ତୌକତେ ପ୍ରଭାବରୁ ବିମାନ ଚଳାଚଳ ମଧ୍ୟ ପ୍ରଭାବିତ ହୋଇଛି । ଏୟାର ଭିସ୍ତାରା ଅନୁସାରେ ୧୭ ତାରିଖ ପର୍ଯ୍ୟନ୍ତ ଚେନ୍ନାଇ, କୋଚ୍ଚି, ଥିରୁଭଅନନ୍ତପୁରମ, ବେଙ୍ଗାଲୁରୁ, ପୁଣେ, ଗୋଆ ଓ ଅହମ୍ମଦାବାଦକୁ ବିମାନ ଚଳାଚଳ ବନ୍ଦ ରହିବ ।

ବିବାହ ପାଇଁ ନୂଆ ନିୟମ, ଅତିଥିଙ୍କ କରୋନା ନେଗେଟିଭ ରିପୋର୍ଟ ଦେବା ବାଧ୍ୟତାମୂଳକ

ବ୍ରହ୍ମପୁର: ଗଞ୍ଜାମ ଜିଲ୍ଲାରେ ବିବାହ ପାଇଁ ନୂଆ ନିୟମ ଜାରି କଲେ ଜିଲ୍ଲାପାଳ । ବିବାହ କରୁଥିବା ବ୍ୟକ୍ତିଙ୍କ ସମ୍ପର୍କୀୟ ନେଗେଟିଭ ରିପୋର୍ଟ ଦେବା ବାଧ୍ୟତାମୂଳକ କରାଯାଇଛି । କୋଭିଡ ନେଗେଟିଭ ରିପୋର୍ଟ ନଦେଲେ ବାହାଘର ହୋଇପାରିବନି ବୋଲି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ କହିଛନ୍ତି । କୋଭିଡ ନେଗେଟିଭ ରିପୋର୍ଟ ନଦେଲେ ବାହାଘରକୁ ଜିଲ୍ଲା ପ୍ରଶାସନ ଅନୁମତି ଦେବନାହିଁ । ଗଞ୍ଜାମ ଜିଲ୍ଲାରେ କୋଭିଡ୍‌ ସ୍ଥିତି ନେଇ ବସିଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି ।

ପୂର୍ବରୁ ବିବାହ ପାଇଁ ସମୁଦାୟ ୫୦ ଜଣ ଅତିଥି ଆସିପାରିବେ ବୋଲି ନିୟମ ଧାର୍ଯ୍ୟ କରିଥିଲେ ରାଜ୍ୟ ସରକାର । ଏହି ଗାଇଡଲଇନ ଆନୁଯାୟୀ ବିବାହର ୭୨ ଘଣ୍ଟା ପୂର୍ବରୁ ଅତିଥି ମାନଙ୍କ ତାଲିକା ଜିଲ୍ଲା ପ୍ରଶାସନ ପାଖରେ ପୈଠ କରିବା ବାଧ୍ୟତାମୂଶକ ଥିଲା । କେବେ ବର୍ତ୍ତମାନ ଅତିଥି ମାନଙ୍କର କୋଭିଡ ଟେଷ୍ଟ ରିପୋର୍ଟ ନେଗେଟିଭ ଥିଲେ ସେମାନେ ବିବାହରେ ଯୋଗ ଯେଇ ପାରିବେ ବୋଲି ଗଞ୍ଜାମ ଜିଲ୍ଲା ପ୍ରଶାସନ ସୂଚନା ଦେଇଛି ।

କଂଗ୍ରେସ ସାଂସଦ ରାଜୀବ ସାତବଙ୍କ କରୋନାରେ ପରଲୋକ

ମୁମ୍ବାଇ: କଂଗ୍ରେସର ବରିଷ୍ଠ ନେତା ତଥା ରାଜ୍ୟସଭା ସାଂସଦ ରାଜୀବ ସାତବଙ୍କର କରୋନା ସଂକ୍ରମଣ କାରଣରୁ ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ମାତ୍ର ୪୬ ବର୍ଷ ହୋଇଥିଲା । ସାତବେ ଗତ ମାସରେ କରୋନା ସଂକ୍ରମିତ ହୋଇଥିଲେ । ଗତ କିଛିଦିନ ଧରି ସେ ପୁଣେର ଏକ ହସ୍ପିଟାଲରେ ଭେଣ୍ଟିଲେଟର ସପୋର୍ଟରେ ଥିଲେ । କୁହାଯାଉଛି ଯେ, ସେ କରୋନା ଭାଇରସର ନୂଆ ଭେରିଏଣ୍ଟ୍ ଦ୍ୱାରା ସଂକ୍ରମିତ ହୋଇଥିଲେ ।
କଂଗ୍ରେସ ନେତା ରାହୁଲ ଗାନ୍ଧୀଙ୍କ ନିକଟତମ ସାତବଙ୍କର ରିପୋର୍ଟ ୨୨ ଏପ୍ରିଲରେ ପଜିଟିଭ୍ ଆସିଥିଲା । ଏହାପରେ ସେ ନୂଆ ଭେରିଏଣ୍ଟ୍ ଦ୍ୱାରା ସଂକ୍ରମିତ ହୋଇଥିଲେ ବୋଲି କୁହାଯାଉଛି । ତାଙ୍କ ଅବସ୍ଥା ସଂକଟାପନ୍ନ ଥିଲା । ପରେ ତାଙ୍କୁ ପୁଣେର ଜାହାଙ୍ଗୀର ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ସେ ଭେଣ୍ଟିଲେଟର ସପୋର୍ଟରେ ଥିଲେ ।

ରାଜୀବ ସାତବଙ୍କ ମୃତ୍ୟୁକୁ ନେଇ କଂଗ୍ରେସରେ ଶୋକର ଲହରୀ ଖେଳି ଯାଇଛି । କଂଗ୍ରେସ ନେତା ରଣଦୀପ ସୁରଜେବାଲା ଟ୍ୱିଟ୍ କରି ଲେଖିଛନ୍ତି ଯେ, ରାଜୀବଙ୍କ ସାଦାସିଧା ଜୀବନ,ହସ,ମାଟି ସହିତ ସଂପର୍କ,ନେତୃତ୍ୱ ଓ ପାର୍ଟି ପ୍ରତି ନିଷ୍ଠା ଓ ବନ୍ଧୁତା ସବୁବେଳେ ମନେ ରହିବ ।

ରାହୁଲ ଗାନ୍ଧୀ ମଧ୍ୟ ତାଙ୍କ ମୃତ୍ୟୁରେ ଶୋକବ୍ୟକ୍ତ କରି ଟ୍ୱିଟ୍ କରିଛନ୍ତି । ସେ ଲେଖିଛନ୍ତି ଯେ, ମୁଁ ନିଜ ବନ୍ଧୁଙ୍କୁ ହରାଇ ଦୁଃଖିତ ।
୨୦୧୪ ସାଧାରଣ ନିର୍ବାଚନରେ ରାଜୀବ ପ୍ରଥମ ଥର ପାଇଁ ହିଙ୍ଗୋଲି ଆସନ ଜିତିଥିଲେ । ଏବେ ସେ ରାଜ୍ୟସଭା ସାସଂଦ ଥିଲେ ।

ଭୂତାଣୁ ସହ ଲଢେଇରେ ଜିତାପଟ ମାରିଛନ୍ତି ୮୩ ବର୍ଷୀୟ ଶ୍ୟାମଘନ ପଣ୍ଡା

ବାଲିଗୁଡ଼ା: ମହାମାରୀକୁ ମାତ୍ ଦେଲେ ୮୩ ବର୍ଷୀୟ ବୃଦ୍ଧ । ଭୂତାଣୁ ସହ ଲଢେଇରେ ଜିତାପଟ ମାରିଛନ୍ତି ଶ୍ୟାମଘନ ପଣ୍ଡା । କନ୍ଧମାଳ ବାଲିଗୁଡା ଭଗାମୁଣ୍ଡା ସାହିର ୮୩ ବର୍ଷୀୟ ବୃଦ୍ଧ ଶ୍ୟାମଘନ ପଣ୍ଡାଙ୍କୁ ଗତ କିଛି ଦିନ ତଳେ ଜ୍ୱର ଲାଗି ରହିଥିଲା । ଟେଷ୍ଟରେ ପଜିଟିଭ୍ ଚିହ୍ନଟ ହେବା ପରେ ଶ୍ୟାମଘନଙ୍କୁ ବାଲିଗୁଡ଼ା ବଡ଼ଗାଁରେ ଥିବା କୋଭିଡ୍ କେୟାର୍ ସେଣ୍ଟରକୁ ନିଆଯାଇଥିଲା ।

ସେଠାରେ ଉପଯୁକ୍ତ ଚିକିତ୍ସା ପରେ ଗତକାଲି ସୁସ୍ଥ ହୋଇ ଘରକୁ ଫେରିଛନ୍ତି । ସୁସ୍ଥ ହେବା ପରେ ସମୟରେ କୋଭିଡ୍ କେୟାର୍ ସେଣ୍ଟରର ଡାକ୍ତର ଅଭିନନ୍ଦନ ଜଣାଇବା ସହ ସମସ୍ତ କର୍ମଚାରୀ ପୁଷ୍ପଗୁଚ୍ଛ ଦେଇ ବିଦାୟ ଦେଇଥିଲେ ।

ଫାଇନାନ୍ସିଆଲ ଏକ୍ସପ୍ରେସ ସମ୍ପାଦକ ସୁନିଲ ଜୈନଙ୍କ କରୋନାରେ ପରଲୋକ

ନୂଆଦିଲ୍ଲୀ: ଫାଇନାନ୍ସିଆଲ ଏକ୍ସପ୍ରେସ ମ୍ୟାନେଜିଂ ଏଡିଟର ସୁନିଲ ଜୈନଙ୍କର କରୋନା ସଂକ୍ରମଣ କାରଣରୁ ଶନିବାର ଦିନ ମୃତ୍ୟୁ ହୋଇଛି । ମୃତ୍ୟୁ ବେଳକୁ ସୁନିଲଙ୍କୁ ୫୮ ବର୍ଷ ହୋଇଥିଲା । ନୂଆଦିଲ୍ଲୀ ଏମ୍ସରେ ସେ ଚିକିତ୍ସିତ ହେଉଥିଲେ । ମେ’ ୩ ତାରିଖରେ ତାଙ୍କ ସ୍ଥିତି ବିଗିଡିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ସୁନିଲଙ୍କ ଭଉଣୀ ସଂଧ୍ୟା ଟ୍ୱିଟ୍ କରି ଏସଂପର୍କରେ ସୂଚନା ଦେଇଛନ୍ତି । ସନ୍ଧ୍ୟାଙ୍କ ଅନୁସାରେ ସୁନିଲ କରୋନାରୁ ସୁସ୍ଥ ହୋଇ ଘରେ ଥିଲେ । ତେବେ ଶନିବାର ଦିନ ତାଙ୍କର ହୃଦଘାତ ହୋଇଥିଲା । ଏହାପରେ ତାଙ୍କୁ ଏମ୍ସ ନିଆଯାଇଥିଲା । ସେଠାରେ ଡାକ୍ତରଙ୍କ ଉଦ୍ୟମରୁ ସେ ଠିକ୍ ହୋଇଥିଲେ କିନ୍ତୁ ରାତି ୮.୩୦ରେ ଦ୍ୱିତୀୟ ହୃଦଘାତରେ ତାଙ୍କର ମୃତ୍ୟୁ ହୋଇଥିଲା ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୁନିଲ ଜୈନଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି । ପ୍ରଧାନମନ୍ତ୍ରୀ ଟ୍ୱିଟ୍ କରି ନିଜ ଶୋକବାର୍ତ୍ତାରେ କହିଛନ୍ତି ଯେ, ଭାରତ ଜଣେ ଉତ୍ତମ ସାମ୍ବାଦିକଙ୍କୁ ହରାଇଛି । ମୁଁ ତୁମର ନିବନ୍ଧର ଅଭାବ ଅନୁଭବ କରିବି ବୋଲି ପ୍ରଧାନମନ୍ତ୍ରୀ କହିଛନ୍ତି ।

ରାଷ୍ଟ୍ରପତି ରାମନାଥ କୋବିନ୍ଦ ମଧ୍ୟ ସୁନିଲ ଜୈନଙ୍କ ପରଲୋକରେ ଶୋକବ୍ୟକ୍ତ କରି ଟ୍ୱିଟ୍ କରିଛନ୍ତି । ପ୍ରଧାନମନ୍ତ୍ରୀ ଓ ରାଷ୍ଟ୍ରପତିଙ୍କ ସହିତ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ତାଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଛନ୍ତି ।

ଲକଡାଉନ ଓ ସଟଡାଉନ ଯୋଗୁଁ ରାଜ୍ୟରେ ୪୦ ପ୍ରତିଶତ କମିଲା ବ୍ୟବସାୟ

ଭୁବନେଶ୍ୱର: ରାଜ୍ୟରେ କମିଲା ବ୍ୟବସାୟ । ଲକ୍‌ଡାଉନ୍‌ ଓ ସଟ୍‌ଡାଉନ୍‌ ଯୋଗୁ କମିଲା ବ୍ୟବସାୟ । ମୋଟ୍‌ ବ୍ୟବସାୟର ୪୦ ପ୍ରତିଶତ କମିଥିବା ଓଡ଼ିଶା ବ୍ୟବସାୟୀ ମହାସଂଘର ମହାସଚିବ ସୁଧାକର ପଣ୍ଡା ସୂଚନା ଦେଇଛନ୍ତି । ପୂର୍ବରୁ ମାସିକ ୧୨ ହଜାର କୋଟି ଟର୍ଣ୍ଣଓଭର ଥିଲା । ଏବେ ଏହା କମି ୮ ହଜାର କୋଟି ଟଙ୍କାରେ ପହଞ୍ଚିଛି । ବ୍ୟବସାୟୀ ସର୍ବାଧିକ ପ୍ରଭାବିତ ହୋଇଛନ୍ତି । ଲୋକଙ୍କ କ୍ରୟ ଶକ୍ତି କମିବାରୁ କମିଛି ବ୍ୟବସାୟ ।

ବ୍ୟବସାୟ କମିବାରୁ ସରକାରଙ୍କ ରାଜସ୍ୱ ମଧ୍ୟ କମିଛି । ହଷ୍ଟେଲ, ହୋଟେଲ, ସାମାଜିକ କାର୍ଯ୍ୟକ୍ରମ ବନ୍ଦ ପାଇଁ ବିକ୍ରି ହେଉନି ଅତ୍ୟାବଶ୍ୟକ ସାମଗ୍ରୀ । କ୍ଷୁଦ୍ର ବ୍ୟବସାୟୀ ସରକାରଙ୍କ ଆର୍ଥିକ ସହାୟତା ପାଇ ବର୍ତ୍ତିଯାଇଛନ୍ତି । ମଧ୍ୟ ବ୍ୟବସାୟୀ ଙ୍କ ଆର୍ଥିକ ସ୍ଥିତି ବିଗିଡିଛି । ବ୍ୟାଙ୍କରୁ ଋଣ ନେଇ ବ୍ୟବସାୟ କରୁଥିବା ବ୍ୟବସାୟୀ ଘାଟାରେ ପଡିଛନ୍ତି । କଟକଣା ବଳବତ୍ତର ପର୍ଯ୍ୟନ୍ତ ଋଣ ଛାଡ କରିବାକୁ ବ୍ୟବସାୟୀ ସଂଘ ଦାବି କରିଛି । ଏନେଇ କେନ୍ଦ୍ର ସରକାରଙ୍କ ସହ ରାଜ୍ୟ ସରକାର ଆଲୋଚନା କରନ୍ତୁ ବୋଲି ସଂଘ କହିଛି ।

ରାଜ୍ୟରେ ପର୍ଯ୍ୟାପ୍ତ ଅତ୍ୟାବଶ୍ୟକ ଜିନିଷ ମହଜୁଦ ଅଛି । ବାହାରୁ ଆମଦାନୀ ହେଉଥିବାରୁ ଖାଇବା ତେଲ ଦର ଅହେତୁକ ବୃଦ୍ଧି ହୋଇଛି । ଅନ୍ୟାନ୍ୟ ସାମଗ୍ରୀ ଦର ନିୟନ୍ତ୍ରଣରେ ରହିଛି । ତେବେ କରୋନାକୁ ନେଇ ଆସୁଥିବା ସବୁ ଗୁଜବକୁ ବିଶ୍ୱାସ ନକରିବା ସହ କାହା କଥାରେ ପ୍ୟାନିକ ନହେବାକୁ ଅପିଲ କଲା ରାଜ୍ୟ ବ୍ୟବସାୟୀ ମହାସଂଘ ।

ଘରେ ବିଲେଇ ପଶିବାରୁ ବିଲେଇକୁ ପିଟି ବଞ୍ଚିଥିବା ଅବସ୍ଥାରେ କୁକୁର ମୁହଁକୁ ଫିଙ୍ଗିଦେଲେ

ଭୁବନେଶ୍ୱର: ରାଜଧାନୀରେ ମଣିଷ ଭୁଲିଲା ମାନବିକତା । ଘରେ ବିଲେଇ ପଶିବାରୁ ବିଲେଇକୁ ପିଟିବା ସହ ବଞ୍ଚିଥିବା ଅବସ୍ଥାରେ କୁକୁର ମୁହଁକୁ ଫିଙ୍ଗି ଦେଇଥିବା ଦେଖିବାକୁ ମିଳିଛି । ଏଭଳି ଏକ ଘଟଣା ଭୁବନେଶ୍ୱରର ପ୍ରଶାନ୍ତ ବିହାର ଅଂଚଳରେ ଘଟିଥିବା ବେଳେ ଏହାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବାର ଲାଗିଛି । ବିଲେଇକୁ ବ୍ୟକ୍ତି ଜଣକ ବାଡାଉଥିବା ବେଳେ ସିସିଟିଭିରେ କଏଦୀ ହୋଇଥିଲା ଏହି ଦୃଶ୍ୟ ।

 

ମୟୂରଭଞ୍ଜ: କରୋନା ମୃତକଙ୍କ ଶବଦାହକୁ ନେଇ ଉତ୍ତେଜନା, ପୋଲିସ- ଗ୍ରାମବାସୀ ମୁହାଁମୁହିଁ

ମୟୂରଭଞ୍ଜ: ମୟୂରଭଞ୍ଜ ଜିଲ୍ଲା ସୁନାରିପୋଷିରେ ପୋଲିସ -ଗ୍ରାମବାସୀ ମୁହାଁମୁହିଁ । କରୋନା ମୃତକଙ୍କ ଶବଦାହ କରିବାକୁ ନେଇ ସୃଷ୍ଟି ହୋଇଥିଲା ଉତ୍ତେଜନାମୂଳକ ପରିସ୍ଥିତି । ପ୍ରଶାସନିକ ଅଧିକାରୀ ଏବଂ ପୋଲିସକୁ ଲୋକ ଗୋଡ଼ାଇ ଗୋଡ଼ାଇ ଆକ୍ରମଣ କରିବା ଭିଡିଓ ଭାଇରାଲ ହୋଇଛି । ଭିଡିଓ ଆଧାରରେ ନିଜଆଡୁ ମାମଲା ରୁଜୁ କରି ୭ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।

ଗିରଫ ଭୟରେ ସୁନାରିପୋଷି ଏବଂ କେଲପସି ଗାଁ ଜନଶୂନ୍ୟ ହୋଇପଡ଼ିଛି । ସୂଚନା ଅନୁସାରେ ହାଣ୍ଡିଫୁଟା ଗାଁର ଜଣେ ବୃଦ୍ଧାଙ୍କ ଦେହ ଅସୁସ୍ଥ ହେବାରୁ ତାଙ୍କୁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଯାଇଥିଲା। ସେଠାରେ ବୃଦ୍ଧାଙ୍କର କୋଭିଡ୍‌ ପରୀକ୍ଷା ହୋଇଥିଲା ଏବଂ କିଛି ସମୟ ପରେ ସେ ପ୍ରାଣ ହରାଇଥିଲେ। ମୃତଦେହକୁ ସତ୍କାର ପାଇଁ ପାଖ ଗାଁ ସୁନାରିପୋଷିକୁ ନେଇଥିଲା ପ୍ରଶାସନ । ସେଠାରେ ଗ୍ରାମବାସୀଙ୍କ ଆକ୍ରମଣର ଶିକାର ହେବାକୁ ପଡିଥିଲା ପ୍ରଶାସନିକ ଓ ପୋଲିସ କର୍ମଚାରୀଙ୍କୁ । ଠାକୁରମୁଣ୍ଡା ଥାନା ଅଧିକାରୀ ମଧ୍ୟ ଆକ୍ରମଣର ଶିକାର ହୋଇଛନ୍ତି । ବିଡିଓ ଏବଂ ତହସିଲଦାର ମଧ୍ୟ ଆକ୍ରମଣ ଶିକାର ହୋଇଛନ୍ତି ।