spot_img
Home Blog Page 5797

କେନ୍ଦ୍ର ସରକାରଙ୍କୁ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର ରଘୁରାମ ରାଜନଙ୍କ ସମାଲୋଚନା

ନୂଆଦିଲ୍ଲୀ: କରୋନା ସମୟରେ କେନ୍ଦ୍ର ସରକାରଙ୍କୁ ସମାଲୋଚନା କଲେ ରିଜର୍ଭ ବ୍ୟାଙ୍କର ପୂର୍ବତନ ଗଭର୍ଣ୍ଣର ରଘୁରାମ ରାଜନ । ସ୍ୱାଧୀନତା ପରେ କରୋନା ମହାମାରୀ ଦେଶ ପାଇଁ ସବୁଠୁ ବଡ଼ ଆହ୍ବାନ ବୋଲି କହିଛନ୍ତି ରଘୁରାମ ରାଜନ । ସେ ଏହା ମଧ୍ୟ କହିଛନ୍ତି ଯେ, ବିଭିନ୍ନ ସ୍ଥାନରେ ଲୋକଙ୍କୁ ସାହାଯ୍ୟ କରୁନାହାନ୍ତି ସରକାର । ମହାମାରୀ ଭାରତ ପାଇଁ ବହୁତ ବଡ ଦୁଃଖଦ ଘଟଣା ।

ମହାମାରୀ ସମୟରେ ତାଲାବନ୍ଦ ପାଇଁ ଦେଶର ଅର୍ଥନୈତିକ ବ୍ୟବସ୍ଥା ଠିକ୍ ନଥିଲା । କିନ୍ତୁ ବର୍ତ୍ତମାନ ଯେଉଁ ପରିସ୍ଥିତି ଦେଖାଦେଇଛି, ଏଥପାଇଁ ଉଭୟ ଅର୍ଥନୈତିକ ସହ ଜୀବନ ଜୀବିକା ଦୁଇଟି ଯାକ ପ୍ରଭାବିତ ହୋଇଛି । ଦେଶରେ ପ୍ରତିଦିନ ୩ ଲକ୍ଷରୁ ଅଧିକ ମାମଲା ରିପୋର୍ଟ କରାଯାଉଛି । ସେହିପରି ମୃତ୍ୟୁ ସଂଖ୍ୟା ମଧ୍ୟ କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି । କେନ୍ଦ୍ର ସରକାର ଅନେକ କ୍ଷେତ୍ରରେ ସହଯୋଗ କରୁନଥିବାରୁ ଦେଶରେ ଦେଶରେ ଉତ୍କଟ ରୂପ ନେଉଛି ମହାମାରୀ ।

ରାଜ୍ୟରେ ଆଉ ୧୧ହଜାର ୭୩୨ କରୋନା ସଂକ୍ରମିତ ଚିହ୍ନଟ, ୧୯ ମୃତ

ଭୁବନେଶ୍ୱର: ରାଜ୍ୟରେ ଆଉ ୧୧ହଜାର ୭୩୨ ସଂକ୍ରମିତ ଚିହ୍ନଟ ହୋଇଛନ୍ତି ୧୯ଜଣଙ୍କ ଜୀବନ ନେଇଛି କରୋନା । କ୍ୱାରେଣ୍ଟାଇନରୁ ୬୫୬୯ ଲୋକାଲ କେସ୍ ୫୧୬୩ । ଖୋର୍ଦ୍ଧାରୁ ସର୍ବାଧିକ ୧୭୧୦ ଆକ୍ରାନ୍ତ ଚିହ୍ନଟ ହୋଇଛନ୍ତି । କଟକରୁ ୮୭୦, ଅନୁଗୁଳରୁ ୭୦୦, ସୁନ୍ଦରଗଡ଼ରୁ ୬୪୧ ସଂକ୍ରମିତ ଚିହନଟ ହୋଇଛନ୍ତି । ମୋଟ୍ ସଂକ୍ରମିତଙ୍କ ସଂଖ୍ୟା ୬ଲକ୍ଷ ୧୨ହଜାର ୨୨୪ ଥିବା ବେଳେ ସୁସ୍ଥ ହେଲେଣି ୫ଲକ୍ଷ ୨ହଜାର ୪୫୫ ।

ରାଜ୍ୟରେ କରୋନା ଆକ୍ରାନ୍ତଙ୍କ ସହ ତାଳ ଦେଇ ବଢିଚାଲିଛି ସୁସ୍ଥ ସଂଖ୍ୟା । ଦୈନିକ ପ୍ରାୟ ୧୦ ହଜାର ସଂକ୍ରମିତ ଚିହ୍ନଟ ହେଉଥିବା ବେଳେ ସୁସ୍ଥ ସଂଖ୍ୟା ମଧ୍ୟ ସମାନ ଅନୁପାତରେ ବଢିଚାଲିଛି । ରାଜ୍ୟରେ ୫ ଲକ୍ଷରୁ ଅଧିକ ସଂକ୍ରମିତ ସୁସ୍ଥ ହୋଇସାରିଛନ୍ତି । ଅଧିକ ଟେଷ୍ଟିଂ କରାଯାଉଥିବାରୁ ଅଧିକ କରୋନା ରୋଗୀଙ୍କୁ ଚିହ୍ନଟ କରାଯାଉଛି । ରାଜ୍ୟରେ ସଂକ୍ରମଣ ଏବେ ପ୍ଲାଟ୍ୟୁ ଷ୍ଟେ୍‌ଜରେ ରହିଛି । ତେବେ ଲକ୍‌ଡାଉନ୍‌ ହଟାଗଲେ ସଂକ୍ରମଣ ବଢ଼ିପାରେ ବୋଲି ଆଶଙ୍କା କରାଯାଉଛି ।

ସେପଟେ କଟକ ଓ ଭୁବନେଶ୍ବରର କୋଭିଡ୍‌ ହସପିଟାଲ ଗୁଡ଼ିକରେ ଆଇସିୟୁ ଓ ଭେଣ୍ଟିଲେଟର ଯାଞ୍ଚ ପାଇଁ ୪ଟି ଟିମ୍ ଗଠନ ହୋଇଛି । ଏଥିରେ ୮ଜଣ ବରିଷ୍ଠ ଡାକ୍ତର ଅଛନ୍ତି । କଟକ ପାଇଁ ଗୋଟିଏ ଟିମରେ ୨ଜଣ ଡାକ୍ତର ଥିବା ବେଳେ ଭୁବନେଶ୍ବର ପାଇଁ ୩ଟି ଟିମ୍‌ରେ ୬ଜଣ ଡାକ୍ତର ଅଛନ୍ତି । ଗୁରୁତର ରୋଗୀ ଆଇସିୟୁ ବେଡ୍‌ ପାଇ ନଥିଲେ, ସେନେଇ ରିପୋର୍ଟ ଦେବାକୁ ସ୍ବାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଛନ୍ତି ।.

ସେହିପରି ରାଜ୍ୟରେ ସପ୍ତାହାନ୍ତ ସଟଡାଉନର ଆଜି ଦ୍ୱିତୀୟ ଦିନ । ବଢୁଥିବା କରୋନା ସଂକ୍ରମଣକୁ ଆଖି ଆଗରେ ରଖି ଲକଡାଉନ୍ ସହ ସଟଡାଉନ୍ ଫର୍ମୁଲା ଆପଣାଇଛନ୍ତି ରାଜ୍ୟ ସରକାର । ସଟଡାଉନ୍ ପ୍ରଭାବରେ ରାଜ୍ୟର ସମସ୍ତ ସହରାଞ୍ଚଳରେ ବନ୍ଦ ରହିଛି ଦୋକାନ ବଜାର । ଗାଡି ଚଳାଚଳ ବି ବନ୍ଦ ରହିଛି । ଟ୍ୱିନ୍ ସିଟିର ବିଭିନ୍ନ ଛକରେ କଡ଼ାକଡ଼ି ଚେକିଂ କରାଯାଉଛି । ଯେଉଁମାନେ ଅମାନିଆ ହୋଇ ବାହାରକୁ ବାହାରୁଛନ୍ତି ସେମାନଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ନିୟମ ମାନି ଲୋକେ ଚଳିବା ପାଇଁ ଅପିଲ୍ କରିଛନ୍ତି ସରକାର । କରୋନା ସଂକ୍ରମଣକୁ ଚେକ୍ ଦେବା ପାଇଁ ରାଜ୍ୟରେ ଲକଡାଉନ ସହ ପ୍ରତି ଶନିବାର ଓ ରବିବାର ସଟଡାଉନ ଜାରି ରହିଛି ।

ରାଉରକେଲା ମାଛ ମାର୍କେଟରେ ଚଢାଉ, ୮୦ କେଜି ମାଛ ଜବତ ସହ ଦୋକାନ ସିଲ୍

ରାଉରକେଲା: ରାଉରକେଲା ଡେଲି ମାର୍କେଟରେ କୋଭିଡ ନିୟମର ଉଲ୍ଲଂଘନ । ମାଛ ମାର୍କେଟରେ ଚଢାଉ କରାଯାଇ ୮୦ କେଜି ମାଛ ଜବତ କରିଛି ଏନଫୋର୍ସମେଣ୍ଟ ଟିମ୍ । ଏହାସହ ଗୋଟିଏ ମାଛ ଦୋକାନ ସିଲ କରାଯାଇଛି । ପୋଲିସ ଓ ରାଉରକେଲା ମହାନଗର ନିଗମ ଏନଫୋର୍ସମେଣ୍ଟ ଟିମ ପକ୍ଷରୁ ସହରର ବିଭିନ୍ନ ସ୍ଥାନରେ ଚଢାଉ ଜାରି ରହିଛି ।

ଅନ୍ୟପକ୍ଷରେ ରାଉରକେଲାରେ ଟିକାକରଣ ପାଇଁ ନୂଆ ସୂଚୀ ଜାରି କରିଛି ପ୍ରଶାସନ । ଆସନ୍ତା ୧୮ ତାରିଖରୁ ୨୮ ତାରିଖ ପର୍ଯ୍ୟନ୍ତ ଏହି ନୂଆ ସୂଚୀ ପ୍ରକାଶ ପାଇଛି । ଆଜି ସନ୍ଧ୍ୟା ୫ଟାରେ ହିତାଧିକାରୀଙ୍କ ପାଇଁ ନୂଆ ସ୍ଲଟ୍ ଖୋଲିବ । ୧୮-୪୪ ବର୍ଗଙ୍କ ସହିତ ୪୫ରୁ ଉର୍ଦ୍ଧ୍ବ ବୟସ୍କଙ୍କ ପାଇଁ ଅନଲାଇନ ପଞ୍ଜୀକରଣ ବାଧ୍ୟତାମୂଳକ ।

ରାଉରକେଲା ସହରରେ ଟିକାଦାନ ପାଇଁ ୮ଟି କେନ୍ଦ୍ର କରାଯାଇଛି । ଆଇଜିଏଚ୍, ଆରଜିଏଚ୍, ୟୁସିଏଚସି ପାନପୋଷ, ରେଲେଓ୍ବେ ହସ୍ପିଟାଲ-ବନ୍ଧମୁଣ୍ଡା, ରିଜର୍ଭ ପୋଲିସ ହସ୍ପିଟାଲ, ସେଲ୍ ହେଲଥ ସେଣ୍ଟର ଫର୍ଟିଲାଇଜର ଟାଉନସିପ୍, ସେକ୍ଟର-୬ ସ୍ବାସ୍ଥ୍ୟକେନ୍ଦ୍ର ଏବଂ ଇଏସ୍ଆଇ ହସ୍ପିଟାଲରେ ଏହି କେନ୍ଦ୍ର କରାଯାଇଛି ।

ଋଷ ବନାଉଛି ଜୁସ ଟିକା: ଇଂଜେକସନରେ ନେବେନି, ଗ୍ଲାସରେ ପିଇବେ..

ନୂଆଦିଲ୍ଲୀ: ଋଷ ବନାଉଛି ଜୁସ ଟିକା । ଟିକା ତ ଇଂଜେକସନ୍ ମାଧ୍ୟମରେ ନିଆଯାଏ । ଏ ଜୁସ୍ ମାଧ୍ୟମରେ ଟିକାକରଣ କଣ ? ହଁ ଟିକା ଇଂଜେକସନ ମାଧ୍ୟମରେ ନେବା କଥା ଆପଣମାନେ ଶୁଣିଛନ୍ତି । ହେଲେ ବର୍ତମାନ ଜୁସ୍‌ରେ ଟିକା ଦିଆଯିବାର ଯୋଜନା କରୁଛି ରୁଷ । । ହଁ ଆଜ୍ଞା ରୁଷ ବର୍ତମାନ ନିଜ ଦେଶର ନାଗରିକଙ୍କ ପାଇଁ ଜୁସ ଟିକା ତିଆରି କରୁଛି । ଯାହାକୁ ବିଶ୍ୱର ପ୍ରଥମ ଖାଇବା ଟିକା ବୋଲି ମଧ୍ୟ କୁହାଯିବ । ସେଣ୍ଟ ପିଟରର୍ସବର୍ଗରେ ଅବସ୍ଥିତ ରୁଷିଆନ୍ ଇନ୍ ଷ୍ଟିଚ୍ୟୁଟ ଅଫ୍ ଏକ୍ସପେରିମେଣ୍ଟାଲ ମେଡିସିନ୍ ରେ ହେଉଛି ଏହାର କ୍ଲିନିକାଲ୍ ଟ୍ରାଏଲ୍ । ବିନା ଛୁଂଚିର ବ୍ୟବହାରରେ ପ୍ରଥମଥର ପାଇଁ ଟିକାକରଣ କେଉଁଭଳି ହେବ ଏହା ହିଁ ସବୁଠୁ ଅଧିକ ଚର୍ଚ୍ଚାର ବିଷୟ ।

ଏହାକୁ ତିଆରି କରୁଥିବା ବୈଜ୍ଞାନିକଙ୍କ କହିବା ଅନୁସାରେ ଏହି ଟିକାକୁ ମିଲ୍କ ସେକ୍ ଭଳି ଲୋକମାନେ ପିଇପାରିବେ । ଏହାର ଟ୍ରାଏଲ ଅନୁସାରେ ଯଦି ଜଣେ ବ୍ୟକ୍ତି ଦୈନିକ ୨୦୦ରୁ ୨୫୦ ମିଲିମିଟରର ମିଲ୍ଲ ସେକ୍ ତିନିଥର ପିଅନ୍ତି  ଓ ୨୧ଦିନ ପରେ ପୁଣିଥରେ ସେହିଭଳି ପ୍ରକ୍ରିୟାରେ ଏହି ମିଲ୍କ ସେକ୍‌କୁ ପିଅନ୍ତି । ତାହାଲେ ଟିକାକରଣ ପାଇଁ ଏହା ଯଥେଷ୍ଟ ହେବ । ଏହାର ସ୍ୱାଦ କଣ ରହିବ ସେ ନେଇ ବୈଜ୍ଞାନିକ ମାନେ ଚିନ୍ତା କରୁଛନ୍ତି । ହୁଏତ ଏହା ଷ୍ଟ୍ରବେରୀ କିମ୍ବା ସୋୟା ପ୍ରୋଟିନ ଉପରେ ଆଧାର କରି ତିଆରି ହେବ ।

ଏହି ଅନୁଷ୍ଠାନର ନିର୍ଦ୍ଦେଶକ ଆଲେକ୍ସଜାଣ୍ଡର ଡିମିଟ୍ରେଭ ଅନୁସାରେ ଫେଣ୍ଟେଡ୍ ଦୁଗ୍ଧଜାତ ଦ୍ରବ୍ୟରେ ଥିବା ପ୍ରୋବାୟୋଟିକ୍ ବ୍ୟାକ୍ଟେରିଆ ଜିନୋମରେ ଥିବା ଫାଙ୍କା ଗୁଡିକରେ କରୋନା ଭାଇରସ୍ ଡିଏନଏର କିଛି ଅଂଶରେ ଭରିଯାଇଥାଏ । ଯାହାଦ୍ୱାରା ଆଣ୍ଟିବଡି ଭଲ ଭାବରେ ବିକଶିତ ହୋଇଥାଏ । ତେଣୁକରି ନିର୍ଦ୍ଦେଶକଙ୍କ କହିବା ଅନୁସାରେ ପ୍ରୋବାୟୋଟିକ ବ୍ୟାକ୍ଟେରିୟା ବ୍ୟକ୍ତିଙ୍କର ଶରୀରରେ ଭଲ ପ୍ରଭାବ ପକାଇଥାଏ । ତେଣୁକରି କରୋନା ଓ୍ୟଷଧ ବଦଳରେ ଏହି ଖାଇବା ଟିକା ବିଶେଷ ସୁବିଧାଜନକ । ଏହି ଖାଇବା ଟିକାକୁ ଫ୍ରିଜରେ ରଖିବାର ମଧ୍ୟ କୈାଣସି ଆବଶ୍ୟକତା ନାହିଁ । ଏହା ୪ରୁ ୮ ଡିଗ୍ରୀ ସେଲସିୟସ୍ ମଧ୍ୟରେ ସଂରକ୍ଷିତ ହୋଇ ରହିପାରିବ ।

ବାତ୍ୟାରେ ନାମକରଣ କିଏ କରେ ଓ କାହିଁକି ?

ବ୍ୟୁରୋ ରିପୋର୍ଟ: ଦକ୍ଷିଣପୂର୍ବ ଆରବ ସାଗରରେ ସୃଷ୍ଟି ହୋଇଛି ଏହି ସାମୁଦ୍ରିକ ଝଡ । ଏବଂ ଏହାର ନାମ ରଖାଯାଇଛି ତୌକତେ । ଆପଣଙ୍କୁ ଜଣାଇବାକୁ ଚାହେଁ, ଏଭଳି ନାମକରଣ କାହିଁକି କରାଯାଏ । ପାଣିପାଗ ବିଭାଗ, ବୈଜ୍ଞାନିକଏବଂ ସାଧାରଣ ଲୋକଙ୍କୁ ଜାଣିବାକୁ ସହଜ ହୋଇଥାଏ । ଅର୍ଥାତ ଯେଉଁ ଅଞ୍ଚଳରୁ ବାତ୍ୟାର ସୃଷ୍ଟି ହୋଇଥାଏ ସେହି ଦେଶ କିମ୍ବା ଅଞ୍ଚଳ ସହିତ ନାମକରଣର ଏକ ସମ୍ବନ୍ଧ ଥାଏ । ଠିକ ଆରବସାଗରରେ ଘନୀଭୂତ ଏହି ସାମୁଦ୍ରିକ ଝଡର ନାମ ମିଆଁମାରରୁ ଆସିଛି । ମିଆଁମାରରେ ତୌକତେର ଅର୍ଥ ହେଉଛି ଜୋରରେ ଗର୍ଜନ କରୁଥିବା ଝିଟିପିଟି । ଅର୍ଥାତ ଏହି ସାମୁଦ୍ରିକ ଝଡ ମଧ୍ୟ ମିଆଁମାରର ଝିଟିପିଟି ଭଳି । ସମୁଦ୍ର ଭିତରେ ଗମ୍ଭୀର ଗର୍ଜନ କରି ଉପକୂଳ ଆଡକୁ ଅଗ୍ରସର ହେଉଛି ।

ତେବେ ଏକଥା ମଧ୍ୟ ଆସିବା ସ୍ବଭାବିକ ଯେ, ଏଭଳି ନାମକରଣ କେବେ ଠାରୁ ଆରମ୍ଭ କରାଗଲା ? ଏକ ରିପୋର୍ଟ ମୁତାବକ, ୧୯୫୩ ମସିହାରେ ଆଣ୍ଟଲାଟିକା ମହାସାଗରରେ ଆସିଥିବା ଏକ ସାମୁଦ୍ରିକ ଝଡ଼ର ପ୍ରଥମ ନାମକରଣ କରାଯାଇଥିଲା । ଏହାପରେ ଭାରତ, ବାଂଲାଦେଶ, ଶ୍ରୀଲଙ୍କା ଭଳି ଉପକୂଳବର୍ତ୍ତୀ ଦେଶ ଗୁଡିକୁ ଅନେକ ବାତ୍ୟା ଏବଂ ପ୍ରାକୃତିକ ବିପର୍ଯ୍ୟୟର ସମ୍ମୁଖୀନ ହେବାକୁ ପଡିଛି । ହେଲେ ଅନେକ ଝଡ଼ର ନାମକରଣ କରାଯାଇ ନାହିଁ । ତାହାର ମଧ୍ୟ ଅନେକ କାରଣ ରହିଛି । କିନ୍ତୁ ଭାରତ ମହାସାଗର କ୍ଷେତ୍ରରେ ଥିବା ଆଠଟି ଦେଶ ୨୦୦୪ ମସିହାରେ ଏହି ନାମକରଣ ବ୍ୟବସ୍ଥା ଆରମ୍ଭ କରିଥିଲେ । ଏହି ଆଠଟି ଦେଶ ଥିଲେ, ଭାରତ, ବାଂଲାଦେଶ, ମାଲଦ୍ୱୀପ, ଓମାନ, ପାକିସ୍ତାନ, ମିଆଁମାର, ତାଇଲ୍ୟାଣ୍ଡ, ଏବଂ ଶ୍ରୀଲଙ୍କା । ପରବର୍ତ୍ତୀ ସମୟରେ ଅର୍ଥାତ ୨୦୧୮ ମସିହାରେ ଇରାନ, କତାର, ସାଉଦି ଆରବ, ୟମାନ ଏବଂ ୟୁଏଇ ଭଳି ଦେଶ ସାମିଲ ହୋଇଥିଲେ । ବର୍ତ୍ତମାନ ସୃଷ୍ଟି ହେଉଥିବା କୈଣସି ସାମୁଦ୍ରିକ ଝଡକୁ ନେଇ ଏହି ୧୩ ଦେଶ ହିଁ ନାମକରଣ ପାଇଁ ବିଚାର ବିମର୍ଶ କରୁଛନ୍ତି । ଏବଂ ଝଡ଼ ସୃଷ୍ଟି ହୋଇଥିବା ସ୍ଥାନର ଅବସ୍ଥିତି ଏବଂ ଅଞ୍ଚଳକୁ ପରିଲିଖିତ କରି ନାଁ ଧାର୍ଯ୍ୟ କରାଯାଉଛି ।

କିନ୍ତୁ କୌଣସି ସାମୁଦ୍ରିକ ଝଡର ନାମ କମିଟି ଦିଏ ନାହିଁ । ବଂର ଏହା ପାଇଁ ଏକ ବ୍ୟବସ୍ଥା ରହିଛି । ଏଥିପାଇଁ ଆଲ୍ଫା ବେଟ ସିଷ୍ଟମ ମଧ୍ୟ ରହିଛି । ଯଦି ଭାରତ ମହାସାଗରରେ କୌଣସି ଝଡ ସୃଷ୍ଟି ହୁଏ, ତେବେ ଆଲ୍ଫାବେଟ ଅନୁଯାୟୀ ଯେଉଁ ଦେଶର ନାମ ପ୍ରଥମେ ଆସିବ ସେହି ଦେଶ ନାମକରଣ ଦିଏ । ଯେମିତିକି ପ୍ରଥମେ ବାଲାଂଦେଶ, ଭାରତ ପରେ କ୍ରମ ଅନୁଯାୟୀ ଅନ୍ୟଦେଶ ଗୁଡିକ ଦେଇଥାନ୍ତି । କିନ୍ତୁ ପ୍ରତିଟି ଥର ଭିନ୍ନ ଭିନ୍ନ ଦେଶ ବାତ୍ୟାର ନାମ ଦେଇଥାନ୍ତି । ତୌକତେ ବାତ୍ୟାର ନାମ ଯେଉଁଭଳି ଏଥର ମିଆଁମାର ଦେଇଛି ।

ଭାରତୀୟ ପାଣିପାଗ ବିଭାଗର ସୂଚନା ଅନୁଯାୟୀ ସ୍ଥଳଭାଗ ମୁହାଁ ବାତ୍ୟା ତୌକତେ । ସାମୁଦ୍ରିକ ଘୂର୍ଣ୍ଣିଝଡ଼ ତୌକତେ ବାତ୍ୟାର ରୂପ ନେଇ ସାରିଛି । ଏହା ୧୮ ତାରିଖ ସଂଧ୍ୟା ଭିତରେ ଗୁଜୁରାଟ ମାଙ୍ଗାଲୋର ନିକଟରେ ସ୍ଥଳଭାଗ ଛୁଇଁପାରେ । ଏନେଇ ପୋରବନ୍ଦର ବେରାଓ୍ୱଲରେ ରେଡ ଆଲର୍ଟ ଜାରି କରାଯାଇଛି । କଚ୍ଛ, ଦ୍ୱାରିକାରେ ମଧ୍ୟ ରେଡ ଆଲର୍ଟ ଜାରି କରିଛି ପ୍ରଶାସନ । ସେପଟେ ମହାରାଷ୍ଟ୍ର, କର୍ଣ୍ଣାଟକ ଓ କେରଳକୁ ବି ଆଲର୍ଟ ଜାରି କରିଛି ଆଇଏମଡି । ଏନେଇ ମହାରାଷ୍ଟ ସରକାର ଓ ଗୁଜୁରାଟ ସରକାର ବାତ୍ୟା ମୁକାବିଲା ପ୍ରସ୍ତୁତି ଆରମ୍ଭ କରି ଦେଇଛନ୍ତି । ମହାରାଷ୍ଟରେ ଦୁଇ ଦିନ ପାଇଁ ଟିକାକରଣ କାର୍ଯ୍ୟକ୍ରମ ସ୍ଥଗିତ ମଧ୍ୟ ରଖାଯାଇଛି । ସମୁଦ୍ର ତଟ ଅଞ୍ଚଳରେ ମଧ୍ୟ ସୁରକ୍ଷା ବ୍ୟବସ୍ଥା ଗ୍ରହଣ କରିଛି ପ୍ରଶାସନ । କିନ୍ତୁ ବାତ୍ୟା ତୌକତେର ନାଣକରଣକୁ ନେଇ ଆପଣଙ୍କ ମନରେ ଥିବା ପ୍ରଶ୍ନର ଉତ୍ତର ନିଶ୍ଚୟ ପାଇସାରିଥିବେ ।

ସୁଦାମ ମାରାଣ୍ଡିଙ୍କ ସ୍ୱାସ୍ଥ୍ୟ ସମ୍ପର୍କରେ ଅବଗତ ହେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ରାଜସ୍ୱମନ୍ତ୍ରୀଙ୍କ ସ୍ବାସ୍ଥାବସ୍ଥା ବିଷୟରେ ଅବଗତ ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆମ୍ରି ହସ୍ପିଟାଲରେ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡି ଚିକିତ୍ସିତ ହେଉଥିବା ବେଳେ ଆଜି ମୁଖ୍ୟମନ୍ତ୍ରୀ ତାଙ୍କ ସ୍ବାସ୍ଥ୍ୟ ସମ୍ପର୍କରେ ଅବଗତ ହୋଇଛନ୍ତି । ଏହା ସହ ହସ୍ପିଟାଲ ନିର୍ଦ୍ଦେଶକଙ୍କ ସହ କଥା ହୋଇଛନ୍ତି ।

ସୁଦାମ ମାରାଣ୍ଡିଙ୍କ ସ୍ବାସ୍ଥ୍ୟବସ୍ଥାରେ ଉନ୍ନତି ଆଣିବା ପାଇଁ ଗଠନ ହୋଇଥିବା ଟିମକୁ ମଧ୍ୟ ସ୍ୱାସ୍ଥ୍ୟରେ ସୁଧାର ଆଣିବାକୁ କହିଥିଲେ ମୁଖ୍ୟମନ୍ତ୍ରୀ । ଖୁବ ଶୀଘ୍ର ସେ ସୁସ୍ଥ ହୋଇ ଫେରନ୍ତୁ ବୋଲି କହିଛନ୍ତି ମୁଖ୍ୟମନ୍ତ୍ରୀ । ସେହିପରି ମେଡିକାଲ ମଧ୍ୟ ବିଶେଷ ଧ୍ୟାନ ଦେବାକୁ ଅନୁରୋଧ କରିଥିଲେ ମୁଖ୍ୟମନ୍ତ୍ରୀ ।

ଇସ୍ରାଏଲ ରକେଟ ଧ୍ୱଂସ କଲା ଗାଜାର ଦୁଇଟି ନ୍ୟୁଜ ଚ୍ୟାନେଲ

ଜେରୁସାଲେମ: ଇସ୍ରାଏଲ ଓ ପାଲେଷ୍ଟାଇନ ମଧ୍ୟରେ ସ୍ଥିତି ସଙ୍ଗୀନ । ବେଳକୁ ବେଳ ଦୁଇ ଦେଶ ମଧ୍ୟରେ ସ୍ଥିତି ଜଟିଳ ହେବାରେ ଲାଗିଛି । ଦୁଇ ଦେଶ ମଧ୍ୟରେ ରକେଟ ମାଡ଼ ଜାରି ରହିଛି । ସେପଟେ ଇସ୍ରାଏଲର ରକେଟ ମାଡ଼ରେ ଘାଇଲା ହୋଇଛି ପାଲେଷ୍ଟାଇନ୍‌ । ଗାଜାରେ ଇସ୍ରାଏଲର ରକେର୍ଟ ମାଡରେ ଦୁଇଟି ବିଦେଶୀ ନ୍ୟୁଜ ଚ୍ୟାନେଲ ଧ୍ବଂଶ ହୋଇଥିବା ସୂଚନା ମିଳିଛି।

ସୂଚନା ମୁତାବକ ଇସ୍ରାଏଲର ରକେଟ ମାଡରେ ମାତ୍ର ଦୁଇ ମିନିଟ୍‌ ଭିତରେ ଏକ ବହୁତଳ ପ୍ରାସାଦ ଧ୍ବଂଶ ହୋଇଯାଇଛି । ଏହି କୋଠାରେ ଦୁଇଟି ବିଦେଶୀ ନ୍ୟୁଜ୍‌ ଚ୍ୟାନେଲ ଧ୍ବଂଶ ହୋଇଯାଇଥିବା ଜଣା ପଡିଛି। ନ୍ୟୁଜ ଚ୍ୟାନେଲ ଅଲଜଜିରା ଓ ଆମେରିକାର ନ୍ୟୁଜ ଚ୍ୟାନେଲ ଆସୋସିଏଟ ପ୍ରେସ ସମ୍ପୂର୍ଣ୍ଣ ଧ୍ବଂଶ ହୋଇଯାଇଛି।

ସପ୍ତାହରୁ ଅଧିକ ଦିନ ହେବ ଦୁଇ ଦେଶ ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ବିବାଦ ଜାରି ରହିଛି । ଦୁଇ ଦେଶ ମଧ୍ୟରେ ରାତି ଅଧିଆ ରକେଟ ମାଡ ଭୟଙ୍କର ସ୍ଥିତି ଉପୁଜାଇଛି । ଦୁଇ ଦେଶ ମଧ୍ୟରେ ଏଭଳି ସଂଘର୍ଷ ନେଇ ଚିନ୍ତାରେ ବିଶ୍ବ ସମୁହ । ଏନେଇ ଆସନ୍ତକାଲି ଜାତୀସଂଘ ନିରାପତ୍ତା ପରିଷଦରେ ଗୁରୁତ୍ବପୂର୍ଣ୍ଣ ବୈଠକ ବସିବ ।

କରୋନା ସଂକ୍ରମଣ କମାଇବା ଦିଗରେ ଜିଲ୍ଲାପାଳଙ୍କ ଉଦ୍ୟମ, ସବୁଠୁ ପ୍ରଶଂସା

କେନ୍ଦୁଝର: କରୋନା ସଂକ୍ରମଣ ହାର କମେଇବା ପାଇଁ ଜିଲ୍ଲାପାଳ ଆପ୍ରାଣ ଉଦ୍ୟମ ଜାରି ରଖିଛନ୍ତି । ଗୋଟିଏ ପରେ ଗୋଟିଏ ସୁସଙ୍ଗଠିତ ପଦକ୍ଷେପ ମାନ ନେଉଛନ୍ତି । କେନ୍ଦୁଝର ଜିଲ୍ଲାପାଳ ଆଶିଷ ଠାକରେ ରାଙ୍କି ଠାରେ ଥିବା କୋଭିଡ ହସ୍ପିଟାଲକୁ ଯାଇ ଚିକିତ୍ସିତ ହେଉଥିବା ବ୍ୟକ୍ତିଙ୍କ ସହ ଆଲୋଚନା କରିଥିଲେ।

ହସ୍ପିଟାଲରେ ସ୍ୱାସ୍ଥ୍ୟ କର୍ମଚାରୀଙ୍କ ସହ ଆଲୋଚନା କରି ଉତ୍ତମ ସେବା ଦେବା ସହ ଖାଦ୍ୟର ମାନ ପରୀକ୍ଷା କରିଥିଲେ। ରୋଗୀଙ୍କ ସମ୍ପର୍କୀୟ ମାନଙ୍କ ସହ ଜିଲ୍ଲାପାଳ ଆଲୋଚନା କରି ଗୁଣାତ୍ମକ ସେବା ପ୍ରଦାନ ପାଇଁ ସୁନିଶ୍ଚିତ କରିଛନ୍ତି । କେନ୍ଦୁଝର ଜିଲ୍ଲା ପ୍ରଶାସନ ସମସ୍ତଙ୍କୁ ମାସ୍କ ପରିଧାନ, ହାତ ଧୋଇବା ଓ ସାମାଜିକ ଦୂରତା ବଜାୟ ରଖିବା ପାଇଁ ନିବେଦନ କରିଛନ୍ତି I ଆମେ ଏକାଠି ହୋଇ କରୋନାକୁ ହରାଇପାରିବା ବୋଲି ବାର୍ତା ଦେଇଛନ୍ତି । ଜିଲ୍ଲାପାଳ ଙ୍କ ଏହି ପଦକ୍ଷେପ କୁ ସାଧାରଣରେ ପ୍ରଶଂସା କରିଛନ୍ତି ।

୨ ମିନିଟ୍‌ର ଭୟ ହଟାଉଛି ‘ଡ଼ର’

ଭୁବନେଶ୍ୱର: ଦେଶରେ କରୋନା ଭାଇରସ ମହାମାରୀର ଦ୍ୱିତୀୟ ସଂକ୍ରମଣ ଜାରି ରହିଛି । ଲୋକଙ୍କୁ ଘରେ ରହିବା ଲାଗି ବାର୍ତ୍ତା ଦେବା ଉଦ୍ଦେଶ୍ୟରେ କ୍ଷୁଦ୍ର ଚଳଚିତ୍ର ନିର୍ମାଣ କରି ଚହଳ ପକାଇଥିଲେ ଏହି ଯୁବ ଗୋଷ୍ଠୀ। ମାତ୍ର ୨ ମିନିଟ୍‌ର ଚିତ୍ରରେ ଢେର ବାର୍ତ୍ତା ଦେଇ ଚର୍ଚ୍ଚାକୁ ଆସିଥିଲେ। ଏବେ କୋଭିଡ ଦ୍ୱିତୀୟ ଲହର ସାରା ଦେଶକୁ ସ୍ତବ୍ଦ କରିଦେଇଛି। ଲୋକେ ଆତଙ୍କିତ ହୋଇପଡିଛନ୍ତି। ତେବେ ଭୟଭୀତ ନ ହୋଇ ପରିସ୍ଥିତିର ମୁକାବିଲା ଲାଗି ନିର୍ମିତ ଚଳଚିତ୍ର ‘ଡର’ ଏକ ସୁନ୍ଦର ପରିକଳ୍ପନା କୁହାଯାଇପାରେ।

ରେଡସ୍ମାର୍ଟ ଏଣ୍ଟରଟେନମେଣ୍ଟ ସହଯୋଗରେ ମିନିସ୍‌ ଏଣ୍ଟଟେନମେଣ୍ଟ ପ୍ରସ୍ତୁତ ଚଳଚିତ୍ର ‘ଡର’ କୁ ସୂର୍ଯ୍ୟକାନ୍ତ ଛୋଟରାୟ ନିର୍ଦ୍ଦେଶନା ଦେଇଛନ୍ତି। ଲୋପାମୁଦ୍ରା ବାରିକଙ୍କ କାହାଣୀ ଓ ଚିତ୍ରନାଟ୍ୟରେ ଅଭିନୟ କରିଛନ୍ତି ସୂର୍ଯ୍ୟକାନ୍ତ ଛୋଟରାୟ, ସୂରଜ ଶତପଥୀ ଓ ଲୋପାମୁଦ୍ରା ବାରିକ। ଫିଲ୍ମର ପୋଷ୍ଟ ପ୍ରଡକ୍ସନ ଓ ସମ୍ପାଦନା ଦାୟିତ୍ୱ ତୁଲାଇଛନ୍ତି କ୍ରିଷ୍ଣା ସିଂ କରୋନା ଭାଇରସ ମହାମାରୀକୁ ନେଇ ଲୋକଙ୍କୁ ସଚେତନ କରିବା ଏହି କ୍ଷଦ୍ର ଚଳଚିତ୍ରର ଅସଲ ଉଦ୍ଦେଶ୍ୟ। ଯେଉଁଥିରେ ମହାମାରୀକୁ ନେଇ ସରକାରଙ୍କ ପରାମର୍ଶ ମାନିବା, ସଂକ୍ରମଣରୁ ନିଜକୁ ଓ ନିଜ ପରିବାରକୁ ରକ୍ଷା କରିବାର ବାର୍ତ୍ତା ଦିଆଯାଇଛି।

କରୋନାକୁ ହରାଇବାକୁ ସାରା ଦେଶ ଏବେ ଅଣ୍ଟାଭିଡିଛି। ଏଥିରେ ଯଦି ଆମେ ଡରିଯିବା ହରାଇବା କେମିତି? କହିଛନ୍ତି ନିର୍ଦ୍ଦେଶକ ସୂର୍ଯ୍ୟକାନ୍ତ ଛୋଟରାୟ। କୌଣସି ପରିସ୍ଥିତିରେ ହଡବଡ ନ ହୋଇ ସାଧାରଣ ଚିକିତ୍ସା ଆପଣାଇବା ସହ ଡାକ୍ତରଙ୍କ ପରାମର୍ଶ ନେବା ପାଇଁ ସଚେତନତା ସୃଷ୍ଟି କରାଯାଇଛି। ମାନସିକ ଦୃଢତାର ସହ କରୋନାକୁ ସାମ୍ନା କରିବା ଓ ଭୂତାଣୁକୁ ହରାଇବା ଲାଗି ଚିତ୍ରରେ ବାର୍ତ୍ତା ଦିଆଯାଇଛି। ଯାହା ଏବେ ୟୁଟ୍ୟୁବରେ ବେସ୍ ପ୍ରସାରିତ ହେଉଛି।

ସଂକ୍ରମଣ ଟାଳିବାକୁ ଉଦ୍ୟମ, ସରକାର ଗଢିଲେ ଉପଦେଷ୍ଟା କମିଟି

ଭୁବନେଶ୍ୱର: ରାଜ୍ୟରେ ଭ୍ୟାକ୍ସିନ ବ୍ୟବସ୍ଥା ତ୍ୱରାନିତ କରିବା ଏବଂ ସମସ୍ତଙ୍କୁ ଟିକା ଦେବାକୁ ତତ୍ପର ରାଜ୍ୟ ସରକାର । ଯେଉଁଥିପାଇଁ ଗ୍ଲୋବାଲ ଟେଣ୍ଡର ଡାକିଛନ୍ତି ରାଜ୍ୟ ସରକାର। ତିନି କୋଟି ୮୦ ଲକ୍ଷ ଟିକା କିଣିବାକୁ ଟେଣ୍ଡର କରାଯାଇଛି । ୪ ମାସ ମଧ୍ୟରେ ଟିକା କିଣିବାକୁ ସମୟ ସୀମା ଧାର୍ଯ୍ୟ କରାଯାଇଛି । ୨୮ ମେ ପରେ ବିଡିଂ ସଫଳ ହେଲେ ଖୁବଶୀଘ୍ର ଟିକା କିଣିବାକୁ ନିର୍ଦ୍ଦେଶ ଦିଆଯିବ । ସେହିଭଳି ଏକ ଉଚ୍ଚକ୍ଷମତା ସମ୍ପନ୍ନ ଉପଦେଷ୍ଟା କମିଟି ଗଠନ କରାଯାଇଛି ।

ଡକ୍ଟର ଶ୍ରୀନାଥ ରେଡ୍ଡୀଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯାଇଛି । ଡାକ୍ତର ଦେବୀ ସେଠୀ, ରମାକାନ୍ତ ପଣ୍ଡା ଭଳି ବହୁ ବିଶେଷଜ୍ଞ ଏହି କିମଟିରେ ରହିଛନ୍ତି । ଡିଏମଇଟି ଏଥିରେ ଆବାହକ ରହିଛନ୍ତି । ରାଜ୍ୟ ସରକାରଙ୍କୁ ଏହି କମିଟି ଟିକାକରଣ ଏବଂ କରୋନାର ଭବିଷ୍ୟତ ଲହରୀର ମୁକାବିଲା ଦିଗରେ ପରାମର୍ଶ ଦେବ । ଭବିଷ୍ୟତରେ ଶିଶୁ ଓ ସମ୍ବେଦଳଶୀଳ ଲୋକେ ଅଧିକ ସଂକ୍ରମିତ ହେବାର ଆଶଙ୍କା ରହିଛି । କମିଟି ଏଦିଗରେ ମଧ୍ୟ ସରକାରଙ୍କୁ ପରାମର୍ଶ ଦେବେ । ଏହି କମିଟିର ଡିଏମଇଟି ଆବାହକ ଅଛନ୍ତି ।