spot_img
Home Blog Page 5798

ଘରେ ଘରେ ହେବ ଟିକାକରଣ, ବୟସ୍କ ଓ ଦିବ୍ୟାଙ୍ଗ ହେବେ ଉପକୃତ

ଗଞ୍ଜାମ: ବିକାଶ ଦୂଆର ମୁହଁରେ ପହଁଚିବ ଟିକା ବହ୍ମପୁର ମହାନଗର ନିଗମ ଦେଲା ସୂଚନା । ଘରେ ଘରେ ହେବ ଟିକାକରଣ । ବ୍ରହ୍ମପୁର ମହାନଗର ନିଗମ ତରଫରୁ ନିଆଯାଇଛି ଏହି ସ୍ୱତନ୍ତ୍ର ପଦକ୍ଷେପ । ବ୍ରହ୍ମପୁରର ବରିଷ୍ଠ ନାଗରିକ ଓ ଦିବ୍ୟାଙ୍ଗ ମାନଙ୍କ ପାଇଁ ସହଜରେ ଘରେ ଉପଲବ୍ଧ ହେବ ଟିକା । ସେଥିପାଇଁ ସ୍ୱତନ୍ତ୍ର ଗାଡିର ବ୍ୟବସ୍ଥା କରାଯାଇଛି । ସୂଚନା ଦେଲେ ଗଞାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ।

ଟିକା ନେବା ପାଇଁ ଟିକାକରଣ କେନ୍ଦ୍ରରେ ଲମ୍ବା ଲାଇନ ଧରି ଛିଡାହେବାକୁ ପଡୁଛି । ସେଥିପାଇଁ ବୟସ୍କ ଲୋକ ଓ ଦିବ୍ୟାଙ୍ଗ ମାନେ ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁକରି ବ୍ରହ୍ମପୁର ପ୍ରଶାସନ ପକ୍ଷରୁ ଏଣିକି ଘରେ ଘରେ ଟିକା ବଣ୍ଟନର ବ୍ୟବସ୍ଥା ହେବ । ସହଜରେ ଓ ସୁବିଧାରେ ସମସ୍ତଙ୍କୁ ଟିକା ଯୋଗାଇଦିଆଯିବ । ବୟସ୍କ ନାଗରିକମାନେ ବିଶେଷ ଭାବେ ଉପକୃତ ହେବେ ବୋଲି ଆଶା କରାଯାଉଛି । ଏହା ଓଡିଶାରେ ପ୍ରଥମଥର ପାଇଁ ହୋଇଛି । ଏହିଭଳି ପଦକ୍ଷେପ ନିଶ୍ଚିତ ରୂପେ ସ୍ୱାଗତଯୋଗ୍ୟ ।

ନକଲି ରେମଡେସିଭିର ଇଂଜକ୍ସନ ନେଇଥିବା ୯୦ ପ୍ରତିଶତ କରୋନା ମୁକ୍ତ,କେମିତି ପୋଲିସ ଦାଏର କରିବ ହତ୍ୟା ମାମଲା ?

ଭୋପାଳ: ମଧ୍ୟପ୍ରଦେଶରେ ନକଲି ରେମଡିସିଭିର ଇଂଜକେ୍ସନ ନେଇଥିବା ୯୦ ପ୍ରତିଶତ କରୋନା ଭାଇରସ ଓ ଫୁସଫୁସ ସଂକ୍ରମଣକୁ ହରାଇବାରେ ସଫଳ ହୋଇଛନ୍ତି । ଯାହା ପୋଲିସକୁ ମଧ୍ୟ ଚକିତ କରିଦେଇଛି । ଏବେ ମଧ୍ୟପ୍ରଦେଶ ପୋଲିସର ଚିନ୍ତା ଯେ, କେମିତି ନକଲି ଇଂଜକସନ ବିକ୍ରି କରିଥିବା ବ୍ୟକ୍ତିଙ୍କ ବିରୋଧରେ ହତ୍ୟା ମାମଲା ରୁଜ୍ଜ କରିବ ସୂଚନାଯୋଗ୍ୟ ଯେ, ଇନ୍ଦୋର ଓ ଜବଲପୁରରେ ନକଲି ରେମଡେସିଭିର ବିକ୍ରିକାରୀଙ୍କ ବିରୋଧରେ ହତ୍ୟା ମାମାଲ ଦାଏର କରିବାକୁ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଆଦେଶ ଦେଇଥିଲେ । ତେବେ ପୋଲିସ ପାଇଁ ଚ୍ୟାଲେଂଜ୍ ହେଉଛି ଯେ, ଯେଉଁମାନେ ନକଲି ଇଂଜକସନ ନେଇଥିଲେ ସେମାନଙ୍କ ମଧ୍ୟରୁ ୧୦ ଜଣ ପ୍ରାଣ ହରାଇଥିଲେ । ବାକି ୯୦ପ୍ରତିଶତ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି । ଯେଉଁ ୧୦ ଜଣ ସୁସ୍ଥ ହୋଇଥିଲେ ସେମାନଙ୍କ ଦାହ ସଂସ୍କାର ସରିଛି । ଏମିତିରେ ପୋଲିସ ପୋଷ୍ଟମର୍ଟମ କରିବା ସମ୍ଭବ ନୁହେଁ ।

ଯେଉଁ ଗ୍ୟାଙ୍ଗକୁ ନକଲି ଇଂଜକସନ୍ ବିକ୍ରି ଅଭିଯୋଗରେ ଗିରଫ କରାଯାଇଥିଲା,ସେହି ଗ୍ରୁପର ସମ୍ପର୍କ ଗୁଜୁରାଟ ସହିତ ଥିଲା । ଗୁଜୁରାଟରୁ ନକଲି ରେମଡେସିଭିର ଆଣି ସେମାନେ ମଧ୍ୟପ୍ରଦେଶରେ ବିକ୍ରି କରୁଥିଲେ । ସେମାନଙ୍କ ଇଂଜକସନ୍ ନେଇଥିବା ବ୍ୟକ୍ତିଙ୍କ ମଧ୍ୟରୁ ଇନ୍ଦୋରରେ ୧୦ ଜଣ ପ୍ରାଣ ହରାଇଥିଲେ । ଅନ୍ୟପକ୍ଷରେ ୧୦୦ ଜଣ ସୁସ୍ଥ ହୋଇ କରୋନାକୁ ମାତ୍ ଦେଇଛନ୍ତି । ମୃତଙ୍କ ଶବ ଦାହ ହୋଇଥିବାରୁ ଇଂଜକସନ କାରଣରୁ ସେମାନେ ପ୍ରାଣ ହରାଇଥିବା ପ୍ରମାଣ କରିବା ପୋଲିସ ପାଇଁ ଚ୍ୟାଲେଂଜ୍ ହୋଇପାରେ । ଏନେଇ ମଧ୍ୟପ୍ରଦେଶ ପୋଲିସ ରାଜ୍ୟ ସ୍ୱାସ୍ଥ୍ୟ ବିଭାଗକୁ ମଧ୍ୟ ପତ୍ର ଲେଖିଛି ।

ସୂଚନାଯୋଗ୍ୟ ଯେ, ଏହି ଗ୍ୟାଙ୍ଗ୍ କେବଳ ଗ୍ଲୁକୋଜ୍ ଓ ଲୁଣ ପାଣିକୁ ରେମଡେସିଭିର କହି ବିକ୍ରି କରୁଥିଲେ । ଇନ୍ଦୋରରେ ୭୦୦ ଓ ଜବଲପୁରରେ ଗ୍ୟାଙ୍ଗ୍ ୫୦୦ ଇଂଜକସନ୍ ବିକ୍ରି କରିଥିଲା । ଏବେ ପୋଲିସ ସ୍ୱାସ୍ଥ୍ୟ ବିଭାଗକୁ ପତ୍ର ଲେଖି କହିଛି ଯେ, କେବଳ ଗ୍ଲୁକୋଜ୍ ଓ ଲୁଣପାଣିରେ କେମିତି ଫୁସଫୁସ ସଂକ୍ରମଣ ଭଲ ହେଲା ତାହାର ତଦନ୍ତ ହେଉ ।

ଚାପ ଖେଳୁଛନ୍ତି ଶ୍ରୀଜୀଉ, ୨୧ ଦିନ ଧରି ବାହାର ଜଳକ୍ରୀଡ଼ା

ପୁରୀ: ଚାପ ଖେଳୁଛନ୍ତି ମହାବାହୁ । ପବିତ୍ର ଅକ୍ଷୟ ତୃତୀୟାରେ ବାହାରିଛନ୍ତି ନରେନ୍ଦ୍ର ପୁଷ୍କରିଣୀ  ।  ଶ୍ରୀମନ୍ଦିରରୁ ୩ଟି ଆଜ୍ଞାମାଳ ରଥ ଅନୂକୁଳ ପାଇଁ ପ୍ରଥମେ ନିଆଯାଇଥିଲା  ।  ମଦନମୋହନ, ଭୂଦେବୀ, ଶ୍ରୀଦେବୀ, ରାମକୃଷ୍ଣ ଓ ପଞ୍ଚୁ ମହାଦେବ ପାଲିଙ୍କି ଓ ବିମାନରେ ରଥ ଖଳାକୁ ବିଜେ କରିଛନ୍ତି । ପରେ ରଥଖଳାରେ ରଥ ଅନୂକୁଳ ନୀତି ଅନୁଷ୍ଠିତ ହୋଇଛି । ପରେ ବିମାନ ଓ ପାଲିଙ୍କିରେ ନରେନ୍ଦ୍ର ପୁଷ୍କରିଣୀ ଗସ୍ତ କରିଛନ୍ତି ଶ୍ରୀଜୀଉ ।

ଆଜିଠାରୁ ନରେନ୍ଦ୍ର ପୁଷ୍କରିଣୀରେ ୨୧ ଦିନ ଧରି ବାହାର ଚନ୍ଦନଯାତ୍ରା ବା ଜଳକ୍ରୀଡ଼ା ଉତ୍ସବ ଆରମ୍ଭ ହେବ । ଏଥି ପାଇଁ ନନ୍ଦା ଓ ଭଦ୍ରା ନାମକ ଦୁଇଟି ନୌକା ସୁସଜ୍ଜିତ କରାଯାଇଛି । କୋଭିଡ କଟକଣା ମଧ୍ୟରେ ସୀମିତ ସେବାୟତ ଓ କର୍ମଚାରୀଙ୍କୁ ନେଇ ଯାତ୍ରାର ଆୟୋଜନ କରାଯାଇଛି । ବିନାଭକ୍ତରେ ଏହି ଉତ୍ସବ ହେବାକୁ ଥିବା ବେଳେ, ବଡଦାଣ୍ଡରେ ଅପରାହ୍ନ ୩ଟାରୁ ୯ଟା ପର୍ଯ୍ୟନ୍ତ ୧୪୪ ଧାରା ଜାରି କରାଯାଇଛି ।

କଲ କଲେ ଘରୁ ସଂଗ୍ରହ ହେବ ସାମ୍ପୁଲ, ବୟସ୍କ ନାଗରିକଙ୍କ ପାଇଁ BMCର ବନ୍ଦୋବସ୍ତ

ଭୁବନେଶ୍ବର: ଲକଡାଉନ ଏବଂ ସଟଡାଉନରେ ବିଏମସି ଓ ପୋଲିସ ପ୍ରଶାସନ ସହ ସହଯୋଗ କରୁଥିବାରୁ ଧନ୍ୟବାଦ ଜଣାଇଛନ୍ତି ବିଏମସି କମିଶନର । ସୁରକ୍ଷା କବଚ ପାଇଁ ଲକଡାଉନ ଓ ସଟଡାଉନ କରିଛନ୍ତି । ଅତି ଆବଶ୍ୟକ ନଥିଲେ ଘରୁ ବାହାରକୁ ଯିବାନାହିଁ । ମାସ୍କ ଓ ସାମାଜିକ ଦୂରତା ମାନିବାକୁ ବାରମ୍ବାର ଅନୁରୋଧ କରାଯାଉଛି । କିନ୍ତୁ ଲକ୍ଷଣ ଦେଖାଗଲେ ଇଗ୍ନୋର କରାଯିବା ଉଚିତ ନୁହେଁ ବୋଲି କହିଛନ୍ତି ବିଏମସି କମିଶନର ସଞ୍ଜୟ ସିଂହ ।

ସେହିପରି ୧୯୨୯ କଲ ସେଣ୍ଟର ମଧ୍ୟ କାର୍ଯ୍ୟକ୍ଷମ ହୋଇଛି । ଏହି କଲ ସେଣ୍ଟର ଜରିଆରେ ଡାକ୍ତରୀ ପରାମର୍ଶ ମଧ୍ୟ ନିଆଯାଇପାରିବ । କିନ୍ତୁ ବରିଷ୍ଠ ନାଗରିକମାନେ ଟେଷ୍ଟିଂ ସେଣ୍ଟରକୁ ଯିବା ନେଇ ସମସ୍ୟା ରହୁଥିବା ଦେଖିବାକୁ ମିଳୁଛି । ଏହାକୁ ଦୃଷ୍ଟିରେ ରଖି ୬୦ ବର୍ଷରୁ ବୟସ୍କ ବରିଷ୍ଠ ନାଗରିକମାନେ ୧୯୨୯କୁ କଲ କରି ଠିକଣା ଓ ଫୋନ ନମ୍ବର ଦେଲେ ଘରୁ ସାମ୍ପୁଲ ସଂଗ୍ରହ କରାଯିବ ।

ଆସନ୍ତା ସୋମବାର ଠାରୁ ଏହି ପ୍ରକ୍ରିୟା ଆରମ୍ଭ ହେବ । ଭୁବନେଶ୍ବରରେ ଦୈନିକ ଟେଷ୍ଟିଂ ହାରକୁ ମଧ୍ୟ ବୃଦ୍ଧି କରାଯିବ । ଟିକାକରଣ କେନ୍ଦ୍ର ସଂଖ୍ୟା ମଧ୍ୟ ବୃଦ୍ଧି କରାଯିବ । ଏଥିପାଇଁ ଭିତ୍ତିଭୂମୀ ବୃଦ୍ଧି ପାଇଁ ଯୋଜନା କରାଯାଉଛି । ବରିଷ୍ଠ ନାଗରିକଙ୍କ ପାଇଁ ଘରେ ରହି ଟିକାକରଣ କରାଯିବ । ଘରେ ଏକା ରହୁଥିବା ବରିଷ୍ଠ ନାଗରିକ ୧୯୨୯କୁ କଲ କଲେ ସେମାନଙ୍କୁ ଟିକାକେନ୍ଦ୍ରକୁ ନେଇ ଟିକା ଦେବାର ବ୍ୟବସ୍ଥା କରାଯାଉଛି । ସୋମବାର ଠାରୁ ପୁଣି ଥରେ ଡ୍ରାଇଭ ଇନ ଟିକାକରଣ କରାଯିବ । ଭୁବନେଶ୍ବରରେ କୋଭିଡ ହସ୍ପିଟାଲରେ ବେଡ ଓ ଅକ୍ସିଜେନ ଆଇସିୟୁ ବେଡ ସଂଖ୍ୟା ବୃଦ୍ଧି କରାଯିବ ବୋଲି ବିଏମସି କମିଶନର କହିଛନ୍ତି ।

ଟିକାକରଣ ପାଇଁ ସରକାର ତତ୍ପର, ୧୦ ଜିଲ୍ଲାରେ ପଜିଟିଭ କେସ ସ୍ଥିର

ଭୁବନେଶ୍ବର: ରାଜ୍ୟରୋ କୋଭିଡ ସ୍ଥିତିକୁ ନେଇ ମୁଖ୍ୟ ଶାସନ ସଚିବ ସୁରେଶ ମାହାମାତ୍ର ସାମ୍ବାଦିକ ସମ୍ମିଳନୀରେ ସୂଚନା ପ୍ରଦାନ କରିଛନ୍ତି । ରାଜ୍ୟରେ ଭ୍ୟାକସିନ କାର୍ଯ୍ୟକ୍ରମକୁ ତ୍ବରାନିତ କରିବା ପାଇଁ କ୍ୟାବିନେଟରେ ଗ୍ଲୋବାଲ ଟେଣ୍ଟର ପକ୍ରିୟା କାର୍ଯ୍ୟକ୍ଷମ କରାଯାଇଛି । ଏନେଇ ୱେବସାଇଟ ଜରିଆରେ ସୂଚନା ମଧ୍ୟ ଦିଆଯାଇଛି । ରାଜ୍ୟରେ ସମସ୍ତଙ୍କୁ ଟିକା ପ୍ରଦାନ କରିବା ରାଜ୍ୟ ସରକାରଙ୍କ ପ୍ରଧାନ୍ୟ ଲକ୍ଷ । ବିଡିଙ୍ଗ ଡକା ଯାଇଛି, ଯେଉଁ କମ୍ପାନୀମାନେ ଟିକା ପ୍ରଦାନ କରିବେ ସେମାନେ ଯୋଡ଼ି ହେବେ ବୋଲି କହିଛନ୍ତି ସୁରେଶ ମହାପାତ୍ର ।

ରାଜ୍ୟରେ ଭାକ୍ସିନେସନ ପାଇଁ ଏକ କମିଟି ଉଚ୍ଚସ୍ତରୀୟ କମିଟି ଗଠନ କରାଯାଇଛି । ଯେଉଁଥିରେ ଖ୍ୟାତନାମା ଡାକ୍ତର ଏବଂ ବୈଜ୍ଞାନିକ ରହିଥିବା କହିଛନ୍ତି ମୁଖ୍ୟ ଶାସନ ସଚିବ । ରାଜ୍ୟରେ କଣ ଆବଶ୍ୟକତା ରହିଛି, ସ୍ବାସ୍ଥ୍ୟ ସମ୍ବନ୍ଧୀୟ ସ୍ଥିତିରେ ସୁଧାର ଆଣିବା ପାଇଁ ବିଶେଷତ ଏହି ଟିମ ସରକାରଙ୍କୁ ପରାମର୍ଶ ଦେବେ । କୋଭିଡ ସଂକ୍ରମଣ ନେଇ ବାର୍ତ୍ତା ଦେଇଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । କରୋନା ମୁକାବିଲାରେ ରାଜ୍ୟବାସୀଙ୍କ ସହଯୋଗ ପାଇଁ ଧନ୍ୟବାଦ ଜଣାଇଛନ୍ତି । ରାଜ୍ୟର ପ୍ରତ୍ୟେକଟି ଜୀବନ ଆମ ପାଇଁ ମୂଲ୍ୟବାନ । ଗତ କିଛି ଦିନ ତଳେ କ୍ୟାବିନେଟରେ ଟିକା କିଣିବାକୁ ଗ୍ଲୋବାଲ ଟେଣ୍ଡରକୁ ଅନୁମୋଦନ ମିଳିଥିଲା । ରାଜ୍ୟବାସୀଙ୍କୁ ପର୍ଯ୍ୟାପ୍ତ ପରିମାଣର ଟିକା ଯୋଗାଇଦେବାକୁ ଗତକାଲି ଔଷଧ ନିଗମ ପକ୍ଷରୁ ଗ୍ଲୋବାଲ ଟେଣ୍ଡର କରାଯାଇଛି ।

ଦେଶରେ ଗ୍ଲୋବାଲ ଟେଣ୍ଡର କରିବାରେ ଓଡିଶା ପ୍ରଥମ । ତିନି କୋଟି ୮୦ ଲକ୍ଷ ଟିକା କିଣିବାକୁ ଟେଣ୍ଡର କରାଯାଇଛି । ୪ ମାସ ମଧ୍ୟରେ ଟିକା କିଣିବାକୁ ସମୟ ସୀମା ଧାର୍ଯ୍ୟ କରାଯାଇଛି । ୨୮ ମେ ପରେ ବିଡିଂ ସଫଳ ହେଲେ ଖୁବଶୀଘ୍ର ଟିକା କିଣିବାକୁ ନିର୍ଦ୍ଦେଶ ଦିଆଯିବ । ସେହିଭଳି ଏକ ଉଚ୍ଚକ୍ଷମତା ସମ୍ପନ୍ନ ଉପଦେଷ୍ଟା କମିଟି ଗଠନ କରାଯାଇଛି । ଏଥିରେ ଦେଶର କ୍ଷାତନାମା ବିଶେଷଜ୍ଞ ଅଛନ୍ତି । ଡକ୍ଟର ଶ୍ରୀନାଥ ରେଡ୍ଡୀଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯାଇଛି । ରାଜ୍ୟ ସରକାରଙ୍କୁ ଏହି କମିଟି ଟିକାକରଣ ଏବଂ କରୋନାର ଭବିଷ୍ୟତ ଲହରୀର ମୁକାବିଲା ଦିଗରେ ପରାମର୍ଶ ଦେବ । ଭବିଷ୍ୟତରେ ଶିଶୁ ଓ ସମ୍ବେଦଳଶୀଳ ଲୋକେ ଅଧିକ ସଂକ୍ରମିତ ହେବାର ଆଶଙ୍କା ରହିଛି । କମିଟି ଏଦିଗରେ ମଧ୍ୟ ସରକାରଙ୍କୁ ପରାମର୍ଶ ଦେବେ । ଏହି କମିଟିର ଡିଏମଇଟି ଆବାହକ ଅଛନ୍ତି ।

ସାରା ରାଜ୍ୟରେ ଏବେ ଲକଡାଉନ ରହିଛି । ପ୍ରତ୍ୟେକ ଜିଲ୍ଲାର ସଂକ୍ରମଣ ଉପରେ ସରାକାର ତର୍ଜମା କରିଛନ୍ତି । ଗତ ଦୁଇ ସପ୍ତାହରେ ୧୦ ଜିଲ୍ଲାରେ ପଜିଟିଭିଟି ରେଟ ସମାନ ସ୍ତରରେ ରହିଛି । ପଶ୍ଚିମାଞ୍ଚଳ ଜିଲ୍ଲାରେ ଧିରେ ଧିରେ ସଂକ୍ରମଣ କମୁଛି । ଭଦ୍ରକ, ବଲାଙ୍ଗିର, ଦେବଗଡ, ଝାରସୁଗୁଡା, କଳାହାଣ୍ଡି, ନୂଆପଡା, ସମ୍ବଲପୁର ଓ ସୁନ୍ଦରଗଡରେ ପଜିଟିଭି ରେଟ ସମାନ ସ୍ତରରେ ରହିଛି । ଏହା ରାଜ୍ୟ ପାଇଁ ଆଶ୍ବସ୍ତିର କାରଣ । ଲକଡାଉନ ସତ୍ତ୍ବେ ସଂକ୍ରମଣ ୧୦ରୁ ୧୨ ହଜାର ମଧ୍ୟରେ ରହୁଛି । ରାଜ୍ୟ ସରକାରଙ୍କ ଗାଇଡଲାଇନର ଅନୁପାଳନ ପାଇଁ ସେ ଅପିଲ କରିଛନ୍ତି । ଗତବର୍ଷ ପିକରେ ୮ହଜାର ରୋଗୀ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଏବେ ୧୫ ହଜାରରୁ ଅଧିକ ରୋଗୀ ଚିକିତ୍ସିତ ହେଉଛନ୍ତି । ସେ ମଧ୍ୟରୁ ପ୍ରାୟ ୩ହଜାର ରୋଗୀ ଆଇସିୟୁ ଓ ଭେଣ୍ଟିଲେଟରରେ ଅଛନ୍ତି । ଅନ୍ୟ ରାଜ୍ୟଭଳି ଓଡିଶାର ସ୍ଥିତି ସମ୍ବେଦନଶୀଳ ହୋଇନି । ଆଉ ୧୫ ଦିନରୁ ଏକ ମାସ ପର୍ଯ୍ୟନ୍ତ ଗାଇଡଲାଇନର କଡାକଡି ଅନୁପାଳନ କରାଗଲେ ସ୍ଥିତି ନିୟନ୍ତ୍ରଣକୁ ଆସିପାରିବ ବୋଲି ସେ ଆଶା ପ୍ରକାଶ କରିଛନ୍ତି ମୁଖ୍ୟ ଶାସନ ସଚିବ ।

ଟିକାର ଦୁଇଟି ଡୋଜ୍ ନେବା ଜରୁରୀ କାହିଁକି ? ଜାଣନ୍ତୁ

ଭାରତରେ ଆରମ୍ଭ ହୋଇସାରିଛି ଟିକାକରଣ । ବଢୁଥିବା କରୋନା ସଂକ୍ରମଣକୁ ଆୟତ୍ତରେ ରଖିବା ପାଇଁ ଟିକା ନେବା ଜରୁରୀ । ସେଥିପାଇଁ ୧୮ ବର୍ଷରୁ ଉର୍ଦ୍ଦଙ୍କ ସହିତ ପିଲାମାନଙ୍କର ଟିକାକରଣ ମଧ୍ୟ ଆରମ୍ଭ କରାଯାଉଛି । ତେବେ ଭାରତରେ ବର୍ତମାନ ୨ଟି ଟିକା ଉପଲବ୍ଧ ରହିଛି । କୋଭାକ୍ସିନ ଓ କୋଭିସିଲ୍ଡ । ଏହି ଦୁଇଟି ଟିକା ଏକ ନିଦ୍ଧିଷ୍ଟ ସମୟ ବ୍ୟବଧାନରେ ଲୋକଙ୍କୁ ପ୍ରଦାନ କରାଯାଉଛି । କୋଭାକ୍ସିନ ପାଇଁ ୪ରୁ ୬ ସପ୍ତାହର ବ୍ୟବଧାନ ରହିଥିବା ବେଳେ କୋଭିସିଲ୍ଡ ପାଇଁ ପ୍ରଥମ ଓ ଦ୍ୱିତୀୟ ଡୋଜ୍ ମଧ୍ୟରେ ବ୍ୟବଧାନ ହେଉଛି ୧୨ରୁ ୧୬ ସପ୍ତାହ । ହେଲେ ଆପଣମାନଙ୍କ ମନକୁ ନିଶ୍ଚୟ ପ୍ରଶ୍ନ ଆସୁଥିବ ଯେ, ଟିକାର ଦୁଇଟି ଡୋଜ୍ କାହିଁକି ନିଆଯାଉଛି ? ଆଉ ଗୋଟିଏ ଡୋଜ୍ ନେବା ପରେ କାହିଁକି ଦ୍ୱିତୀୟ ଡୋଜ୍ ପାଇଁ ଏତିକି ସମୟ ବ୍ୟବଧାନ ରହିଛି ।

ବୈାଜ୍ଞାନିକଙ୍କ ଅନୁସାରେ ଗୋଟିଏ ଡୋଜ୍ କରୋନା ସଂକ୍ରମଣକୁ ରୋକିବାରେ ସକ୍ଷମ ନୁହେଁ । ଏଥିପାଇଁ ଭ୍ୟାକସିନ୍ର ଦୁଇଟି ଡୋଜ୍ ନେବା ଜରୁରୀ । ପ୍ରଥମ ଡୋଜ୍ ନେବା ପରେ ଆପଣଙ୍କ ଶରୀର ରୋଗ ବିରୁଦ୍ଧରେ ସଜାଗ ହୁଏ ଓ ଶରୀରର ପ୍ରତିରୋଧକ ଶକ୍ତିର କ୍ଷମତା ବୃଦ୍ଧିକରେ । କିନ୍ତୁ ଏହା କରୋନା ଭଳି ସଂକ୍ରମଣ ସହ ଲଢିବା ପାଇଁ ଯଥେଷ୍ଟ ନୁହେଁ । ଅର୍ଥାତ ପ୍ରଥମ ଡୋଜ୍ ଆପଣଙ୍କ ଶରିରକୁ ସଂକ୍ରମଣ ବିରୋଧରେ ଲଢେଇ ପାଇଁ ପ୍ରସ୍ତୁତ କରେ । ଯେତେବେଳେ ପ୍ରଥମ ଡୋଜ୍ର ପ୍ରଭାବ ସରିଆସେ ସେତେବେଳେ ଦ୍ୱିତୀୟ ଡୋଜ୍ ନେବା ଜରୁରୀ । ସେଥିପାଇଁ ପ୍ରଥମ ଟିକାକରଣ ଓ ଦ୍ୱିତୀୟ ଟିକାକରଣରେ କିଛି ସପ୍ତାହର ବ୍ୟବଧାନ ରହିଥାଏ । ଯଦି ଆପଣ ପ୍ରଥମ ଡୋଜ୍ ନେଇଛନ୍ତି ତାହାଲେ ଦ୍ୱିତୀୟ ଡୋଜ୍ ବି ନିହାତି ନେବେ ।

କାହିଁକି ନା ଦ୍ୱିତୀୟ ଡୋଜ୍ ଆପଣଙ୍କୁ କରୋନା ବିରୁଦ୍ଧରେ ଲଢିବାକୁ ଆହୁରୀ ଅଧିକ ସକ୍ଷମ କରିବ । ଶରୀର ଭିତରେ ପୂର୍ବଠୁ ଅଧିକ ଆଣ୍ଟିବଡି ସୃଷ୍ଟି କରିବ । ତେଣୁକରି ଯଦି ଆପଣ ଟିକା ନେଇଥିବେ ତାହାଲେ ଆପଣଙ୍କ ଶରୀରକୁ ପୂର୍ବରୁ ଏହି ରୋଗ ସହ ଲଢିବାର ଉପାୟ ଜଣାଥିବ । ଆଉ ଭାଇରସ୍ ଶରୀରକୁ ଆସିବା ମାତ୍ରେ ଏହି ଆଣ୍ଟିବଡି ତାକୁ ତୁରନ୍ତ ମାରିଦେବ । ଯାହାଫଳରେ ଭାଇରସ୍ର ଭୟାନକ ପ୍ରଭାବ ଶରୀର ଉପରେ ପଡିବ ନାହିଁ । ବର୍ତମାନ ସମୟରେ ସାରା ଦୁନିଆରେ କରୋନା ଭାଇରସକୁ ନେଇ ଅନେକ ଭ୍ୟାକସିନ କାମ କରୁଛି । ଏବଂ ସବୁ ଭ୍ୟାକସିନର ଡୋଜ୍ ମଧ୍ୟରେ ବ୍ୟବଧାନ ଭିନ୍ନ ଭିନ୍ନ ରହିଛି ।

ଫାଇଜର ଟିକା ଯାହାର ଦ୍ୱିତୀୟ ଡୋଜ୍ ୩ ସପ୍ତାହର ଅନ୍ତରରେ ଦିଆଯାଉଛି । ସେହିଭଳି ମୋଡର୍ଣ୍ଣା ଓ ଏଷ୍ଟ୍ରୋଜେନିକା ଭ୍ୟାକସିନର ଦ୍ୱିତୀୟ ଡୋଜ୍ ୪ ସପ୍ତାହ ଅନ୍ତରରେ ଦିଆଯାଉଛି । ତା ସହ ଯଦି ଦେଖିବା ରୁଷର ସ୍ଫୁଟନିକ ଭ୍ୟାକସିନର ଦ୍ୱିତୀୟ ଡୋଜକୁ ମାତ୍ର ୨୧ଦିନ ବ୍ୟବଧାନରେ ଦିଆଯାଉଛି । ତେଣୁକରି ଟିକାର ଦୁଇଟି ଯାକ ଡୋଜ୍ ନିଅନ୍ତୁ । ଡାକ୍ତରଙ୍କ ପରାମର୍ଶ କ୍ରମେ ସଠିକ୍ ବ୍ୟବଧାନରେ ଟିକାଗୁଡିକ ଗ୍ରହଣ କରନ୍ତୁ ।

PMଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଠକ, ଭ୍ୟାକସିନକୁ ନେଇ ଆଲୋଚନା

ନୂଆଦିଲ୍ଲୀ: କରୋନାକୁ ନେଇ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଠକ । ଏହି ବୈଠକରେ କରୋନାକୁ ନେଇ ଚର୍ଚ୍ଚା ହେଉଥିବା ବେଳେ ଏଥିରେ ଭ୍ୟାକ୍ସିନ୍‌ ଉପରେ ବି ଆଲୋଚନା ହେଉଥିବା ସୂଚନା ମିଳିଛି । ବୈଠକରେ ନୀତି ଆୟୋଗ, ସ୍ବାସ୍ଥ୍ୟ ମନ୍ତ୍ରାଳୟ ଓ ଗୃହ ମନ୍ତ୍ରାଳୟ ପ୍ରତିନିଧି ସାମିଲ ହୋଇଛନ୍ତି ।

ଦେଶରେ କରୋନା ସ୍ଥିତି ଉତ୍କଟ ହେଉଥିବାବେଳେ ଗୋଟେପଟେ ଅକ୍ସିଜେନର ଅଭାବ ଚିନ୍ତାର କାରଣ ପାଲଟିଛି । ମୃତ୍ୟୁ ସଂଖ୍ୟା ମଧ୍ୟ ତଦନୁଯାୟୀ ବୃଦ୍ଧି ଘଟିବାରେ ଲାଗିଛନ୍ତି । ତେଣୁ ସମସ୍ତ ସ୍ଥିତିରେ ସୁଧାର ଆଣିବା ପାଇଁ ପ୍ରଧାନମନ୍ତ୍ରୀ ଏହି ଉଚ୍ଚସ୍ତରୀୟ ବୈଠକ ଡାକିଥିବା ଜଣାପଡିଛି ।

ବୈଠକରେ ନୀତି ଆୟୋଗ ସଦସ୍ୟ, ସ୍ବାସ୍ଥ୍ୟ ବିଭାଗର ବରିଷ୍ଠ ପଦାଧିକାରୀ, ଏବଂ ଗୃହ ମନ୍ତ୍ରାଳୟର ଅନେକ ଅଧିକାରୀ ଉପସ୍ଥିତ ଥିବା ଜଣାପଡିଛି  । ଭ୍ୟାକସିନ ଯୋଗାଣ, ଦେଶରେ କୋଭିଡ ଗାଇଡଲାଇନକୁ କଡାକଡ଼ି କରିବା, ଏବଂ ଅକ୍ସିଜେନ ଅଭାବ ଦୀର କରିବା ଆଦି ଦିଗରେ ବୈଠକରେ ମୁଖ୍ୟତଃ ଗୁରୁତ୍ୱ ଦିଆଯାଇଛି  ।

ପଶ୍ଚିମବଙ୍ଗରେ ମେ ୩୦ ପର୍ଯ୍ୟନ୍ତ ଲକଡାଉନ୍

କୋଲକତା: ପଶ୍ଚିମବଙ୍ଗ ସରକାର ନିଜ ରାଜ୍ୟରେ ଆସନ୍ତା କାଲିଠାରୁ ମେ ୩୦ ପର୍ଯ୍ୟନ୍ତ ସମ୍ପୂର୍ଣ୍ଣ ଲକଡାଉନ୍ ଲାଗୁ ଘୋଷଣା କରିଛନ୍ତି । ରାଜ୍ୟ ମୁଖ୍ୟ ଶାସନ ସଚିବ ଅଲ୍ପାନ ବନ୍ଦୋପାଧ୍ୟୟ ଏହି ଘୋଷଣା କରିଛନ୍ତି । ସୂଚନାଯୋଗ୍ୟ ଯେ, ରାଜ୍ୟରେ କରୋନା ସଂକ୍ରମଣକୁ ଦୃଷ୍ଟିରେ ରଖି ଆଗରୁ ମଧ୍ୟ ପ୍ରତିବନ୍ଧକ ଲାଗୁ ହୋଇଥିଲା । କିନ୍ତୁ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ସମ୍ପୂର୍ଣ୍ଣ ଲକଡାଉନ୍ ଘୋଷଣା କରିଛନ୍ତି । ବିଧାନସଭା ନିର୍ବାଚନ ପରଠାରୁ ରାଜ୍ୟରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ହୋଇଥିଲା । ଯାହାକୁ ନେଇ ରାଜ୍ୟରେ ସମ୍ପୂର୍ଣ୍ଣ ଲକଡାଉନ୍ ଲାଗୁ ହେବ ବୋଲି ଆଶଙ୍କ କରାଯାଉଥିଲା ।
୧୬ ମେ ସକାଳୁ ୩୦ ମେ ସଂଧ୍ୟା ୬ଟା ପର୍ଯ୍ୟନ୍ତ ଲକଡାଉନ୍ ଲାଗୁ ରହିବ । ଏହି ସମୟରେ ସ୍କୁଲ ଓ କଲେଜ ସହିତ ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବ । ଏହା ସହିତ କେବଳ ଜରୁରୀକାଳିନ ସେବାକୁ ଛାଡି ଅନ୍ୟ ସବୁ ସରକାରୀ ଅଫିସ ଓ ବେସରକାରୀ ଅଫିସ ବନ୍ଦ ରହିବ । ୧୫ ଦିନ ପର୍ଯ୍ୟନ୍ତ ସରକାର ସମସ୍ତ ରାଜନୈତିକ,ଧାର୍ମିକ ଓ ସାମାଜିକ କାର୍ଯ୍ୟକ୍ରମ ଉପରେ ପ୍ରତିବନ୍ଧକ ଲାଗୁ ହୋଇଛି ।
ଦୋକାନା ଖୋଲିବା ସମୟ
ଲକଡାଉନ କାଳରେ ସକାଳେ ୭ରୁ ୧୦ ଟା ପର୍ଯ୍ୟନ୍ତ ଦୋକାନ ଖୋଲା ରହିବ । ଏହା ସହିତ ସରକାର ସାଧାରଣ ପରିବହନ ବ୍ୟାବସ୍ଥା ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲାଗୁ କରିଛନ୍ତି । ଅନ୍ତରାଜ୍ୟ ବସ ଚଳାଚଳ ସହିତ ମେଟ୍ରୋ ଓ ଫେରି ସର୍ଭିସ ମଧ୍ୟ ବନ୍ଦ ରହିବ । ଟ୍ରକ ଚଳାଚଳ ଉପରେ ମଧ୍ୟ ପ୍ରତିବନ୍ଧକ ଲାଗୁ ହୋଇଛି ।
ପେଟ୍ରୋଲ ପମ୍ପ୍ ଓ ଏଟିଏମ୍ ଖୋଲା ରହିବ
ଲକାଡାଉନ୍ କାଳରେ ଜରୁରୀ କାଳିନ ସେବା ସହିତ ପେଟ୍ରୋଲ ପମ୍ପ ଓ ଏଟିଏମ୍ ଖୋଲା ରହିବ । ମାତ୍ର ୫୦ ଲୋକଙ୍କ ଉପସ୍ଥିତିରେ ବିବାହ ଅନୁଷ୍ଠିତ ହେବ ବୋଲି ଆଦେଶରେ କୁହାଯାଇଛି ।

ଆରବ ଦୁନିଆକୁ କେମିତି ବଦଳାଇ ଦେଇଥିଲା ୬ ଦିନର ଯୁଦ୍ଧ ?

ଇସ୍ରାଏଲ୍ ଜୋରଦାର ଏୟାରଷ୍ଟ୍ରାଇକ୍ କରି ଗାଜା ସହରର ଏକ ୬ ମହଲା କୋଠାକୁ ମାଟିରେ ମିଶାଇ ଦେଇଛି। ଇସ୍ରାଏଲ୍ରେ ଆଭ୍ୟନ୍ତରୀଣ ଅଶାନ୍ତି ଲାଗିରହିଛି। ଅନେକ ସ୍ଥାନରେ ଇହୁଦି ଏବଂ ଆରବଙ୍କ ମଧ୍ୟରେ ହାତାହାତି ପରିସ୍ଥିତି ଉପୁଜିଥିବା ଖବର ମିଳିଛି । ସୋମବାରଠୁ ଆରମ୍ଭ ହୋଇଥିବା ଏହି ହିଂସାରେ ଗାଜାରେ ୮୦ରୁ ଅଧିକ ଲୋକଙ୍କ ଜୀବନ ଗଲାଣି। ୭ ଇସ୍ରାଏଲ ନାଗରିକଙ୍କ ମୃତ୍ୟୁ ହୋଇଥିବା ନେଇ ସେନା ପକ୍ଷରୁ ସୂଚନା ଦିଆଯାଇଛି। ଇସ୍ରାଏଲ ପକ୍ଷରୁ ସୀମାରେ ସେନା ସଂଖ୍ୟା ବୃଦ୍ଧି କରାଯାଇଛି। ଏଥିରୁ ଆଶଙ୍କା କରାଯାଉଛି ପରିସ୍ଥିତି ୨୦୦୮-୯ କିମ୍ବା ୨୦୧୪ ଭଳି ଭୟଙ୍କର ହୋଇପାରେ। ସେନା ଯେ କୌଣସି ପରିସ୍ଥିତିରେ ମୁକାବିଲା କରିବାକୁ ପ୍ରସ୍ତୁତ ଥିବା ଇସ୍ରାଏଲ କହିଥିବା ବେଳେ ଲେଫ୍ଟନାଣ୍ଟ କର୍ଣେ୍ଣଲ୍ ଜୋନାଥନ କହିଛନ୍ତି, ଚିଫ ଅଫ ଡିଫେନ୍ସ ଷ୍ଟାଫ୍ ସ୍ଥିତି ଅନୁଧ୍ୟାନ କରୁଛନ୍ତି। ସୈନିକଙ୍କୁ ସୂଚନା ଦିଆଯାଉଛି।

ଅନ୍ୟପଟେ ଇସ୍ରାଇଲର ପ୍ରଧାନମନ୍ତ୍ରୀ ବେଜାମିନ୍ ନେତ୍ନ୍ୟାହୁ ପାଲେଷ୍ଟାଇନର ଚରମପନ୍ଥୀ ସଂଗଠନ ହମାସକୁ ଚେତାବନୀ ଦେଇଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ସେମାନଙ୍କ ବିରୁଦ୍ଦରେ ଏହିଭଳି କାର୍ଯ୍ୟାନୁଷ୍ଠାନ ନିଆଯିବ ଯାହା ସେମାନେ ସ୍ୱପ୍ନରେ ବି ଭାବିନଥିବେ । ତାସହ ଇସ୍ରାଇଲର ରାଷ୍ଟ୍ରପତି ନିଜ ଦେଶବାସୀଙ୍କୁ ମଧ୍ୟ କହିଛନ୍ତି ଯେ ସମସ୍ତେ ସଶସ୍ତ୍ର ହୋଇ ସର୍ତକ ରୁହନ୍ତୁ । ଇସ୍ରାଇଲ ସେନା ଅନୁସାରେ ସୋମବାର ଦିନ ଅର୍ଥାତ ୧୦ ମେ ଦିନ ହମାସ ୧ହଜାରରୁ ଅଧିକ ରକେଟ୍ ଦ୍ୱାରା ଆକ୍ରମଣ କରିଥିଲା । କିନ୍ତୁ ତା ବାଦ୍ ଦୁନିଆର ଅଧିକାଂଶ ମୁସଲିମ୍ ଦେଶ ପାଲେଷ୍ଟିନର ସପକ୍ଷରେ ଛିଡାହେଇଛି ।

ହେଲେ ଇସ୍ରାଇଲ ବିରୁଦ୍ଦରେ କଡାକାର୍ଯ୍ୟାନୁଷ୍ଠାନ ନେବାକୁ ଦାବି କରାଯାଉଛି । କିନ୍ତୁ ପ୍ରଶ୍ନ ଉଠୁଛି ଯେ ଇସ୍ରାଇଲ ସହ ଭୀଷଣ ଯୁଦ୍ଧ ହେଲେ କଣ ଆରବ ଦେଶ ତାର ମୁକାବିଲା କରିପାରିବେ । କାହିଁକି ନା ଇସ୍ରାଇଲର ଇତିହାସ ଅନୁସାରେ ପୂର୍ବରୁ ଆରବ ଦୁନିଆକୁ ଇସ୍ରାଇଲ ଯୁଦ୍ଧକ୍ଷେତ୍ରରେ ଧୂଳି ଚଟାଇସାରିଛି । ୧୯୬୭ ଜୁନରେ ଇସ୍ରାଇଲ ଓ ଆରବ ଦେଶ ଭିତରେ ହୋଇଥିବା ଯୁଦ୍ଧରେ ଭୈାଗଳିକ ନକ୍ସାର ହିଁ ପରିବର୍ତ୍ତନ ହୋଇଯାଇଥିଲା । ଏହି ଯୁଦ୍ଧରେ ଇସ୍ରାଇଲ ବିରୁଦ୍ଧରେ ଥିଲେ ଆରବ ଦେଶ ମିଶର,ସିରିୟା ଓ ଜୋର୍ଡାନ । ୬ଦିନ ଧରି ଚାଲିଥିବା ଏହି ଯୁଦ୍ଧର ଫଳାଫଳ ଏୈତିହାସିକ ଥିଲା । ଏହାପୂର୍ବରୁ ଇସ୍ରାଏଲ ଓ ଆରବ ଦେଶ ମଧ୍ୟରେ ଯୁଦ୍ଧ ନ କରିବା ପାଇଁ ଅନେକ ରାଜନୈତିକ ଅଙ୍କ କଷାହେଲା । କିନ୍ତୁ କିଛି ବି ଆଲୋଚନା ପର୍ଯ୍ୟାଲୋଚନା କାମ ଦେଇନଥିଲା । ସେ ସମୟରେ ଇସ୍ରାଏଲ ଏହିସବୁ ଆରବଦେଶର ଏୟାରବେସ୍କୁ ଧ୍ୱଂସ କରିଦେଇଥିଲା ।

 

 

 

ଇସ୍ରାଏଲର ବାୟୁସେନା ଆକାଶମାର୍ଗରୁ ଆକ୍ରମଣ କରି ଆରବଦେଶଗୁଡିକର ନକ୍ସା ହିଁ ବଦଳାଇଦେଇଥିଲେ । ୬ଦିନ ଯୁଦ୍ଧ ପରେ ଇସ୍ରାଏଲର ଜିତ୍ ହେଲା । ତାପରେ ଇସ୍ରାଏଲ ମିଶର ଠୁ ସିନାୟୀ ପ୍ରାୟଦ୍ୱୀପ ,ଗାଜା ପଟୀ,ଜୋର୍ଡାନ ଠୁ ବେଷ୍ଟ ବ୍ୟାଙ୍କ, ଓ ସିରିୟାଠୁ ଗୋଲାନ୍ ହାଇଟସ୍ ଛଡାଇନେଇଥିଲା । ସଂଯୁକ୍ତ ରାଷ୍ଟ୍ରର ହସ୍ତକ୍ଷେପ ପରେ ଯୁଦ୍ଧରେ ବିରାମ ଲାଗିଥିଲା । ଅସଲରେ ୧୯୪୮ରେ ଆରବଦେଶ ଇସ୍ରାଏଲର ଅସ୍ତିତ୍ୱକୁ ହରାଇବା ପାଇଁ ପ୍ରଥମେ ଆକ୍ରମଣ କରିଥିଲା । ତାପରେ ସୁଏଜ କେନାଲକୁ ନେଇ ଦିତ୍ୱୀୟ ସଂଙ୍କଟ ୧୯୫୬ରେ ଉପୁଜିଥିଲା । ଆରବ ଦେଶ ସହ ସଂଘର୍ଷରେ ୧୯୪୮ରେ ୟହୁଦି ତାଙ୍କର ପବିତ୍ର ଭୂମିକୁ କବ୍ଚା କରିନେଇଥିଲେ । ସେଥିପାଇଁ ପାଲେଷ୍ଟାଇନ ଏହାକୁ ଅଲ ନକବା ବା ବିନାଶକାରୀ ବୋଲି ଘୋଷଣା କରିଦେଇଥିଲା । ସେ ସମୟରେ ପାଖାପାଖି ୭ଲକ୍ଷ ପାଲେଷ୍ଟାଇନ ବାସିନ୍ଦା ବେଘର ହୋଇଯାଇଥିଲେ ।୧୯୫୦ ରୁ ୧୯୬୦ ଭିତରେ ଆଉ କୈାଣସି ଯୁଦ୍ଧ ହୋଇନଥିଲା କିନ୍ତୁ ଭିତରେ ଭିତରେ ଅସନ୍ତୋଷ କୁହୁଳୁଥିଲା । ଇସ୍ରାଇଲ ଭଲଭାବରେ ଜାଣିଥିଲା ଯେ ଆଗାମୀ ଦିନରେ ନିଶ୍ଚିତ ଭାବେ ଯୁଦ୍ଧ ହେବ । ୧୯୬୭ ଆରମ୍ଭରୁ ଇସ୍ରାଏଲର ନେତାମାନେ ଆରବ ସହ ମୁକାବିଲା ଓ ସମାନତାର ଯୁକ୍ତି ବାଢିଲେ । ଆଉ ତାପରେ ହିଁ ୫ ଜୁନ୍ ୧୯୬୭ରେ ଇସ୍ରାଇଲର ବାୟୁସେନା ନିଜର ମିଶନ ଫୋକସ୍ ଆରମ୍ଭ କଲା । ଏବଂ ମିଶରର ୧୮ଟି ବିଭିନ୍ନ ଆଡ୍ଡା ଉପରେ ଆକାଶ ମାର୍ଗରୁ ଇସ୍ରାଇଲର ୨୦୦ ଲଢୁଆ ବିମାନ ଆକ୍ରମଣ କଲେ । ଯାହା ଫଳରେ ମିଶରର ୯୦ ପ୍ରତିଶତ ବାୟୁସେନା ଧ୍ୱଂସ ହେଇଗଲା । ଆଉ ତାପରେ ନିଜ ଆକ୍ରମଣର ଦିଗ ବଦଳାଇଲା ଇସ୍ରାଏଲ ଓ ସିରିୟା ଜୋର୍ଡାନ ଏବଂ ଇରାକ୍ର ବାୟୁସେନା ଉପରେ ଆକ୍ରମଣ କରି ସବୁକିଛି ଧ୍ୱଂସ କରିଦେଲା । ଏହି ୬ ଦିନର ଯୁଦ୍ଧ ଆରବ-ଇସ୍ରାଏଲ ସମୀକରଣ ହିଁ ବଦଳାଇ ଦେଇଥିଲା । ଇସ୍ରାଏଲ ଆରବ ଦୁନିଆକୁ ଡରାଇବାରେ ସଫଳ ହୋଇଥିଲା ।

ଆପଦରେ ଅବସର ଖୋଜୁଛି ଚିନ୍, ଭାରତକୁ ଦେଉଛି ନିମ୍ନମାନର ମେଡିକାଲ ଉପକରଣ

ସଂକଟ ବେଳେ ପଡୋଶୀର ସାଘାଂତିକ ଷଡଯନ୍ତ୍ର । ମହାମାରୀ ସମୟରେ ଚୀନ୍ର ମହା ଚାଲ୍ । ଜୀବନ ଯାଉଥିବାବେଳେ ଲାଭ ଦେଖୁଛି ଏଇ ବିସ୍ତାରବାଦୀ ଚୀନ୍ । ସାରା ଦୁନିଆକୁ କରୋନାର ବିପଦ ମଧ୍ୟକୁ ଠେଳିଦେଇ ଏବେ ରଚୁଛି ଷଡଯନ୍ତ୍ର । ସାହାଯ୍ୟ ନାଁରେ ଦେଉଛି ମୃତ୍ୟୁର ଉପହାର । ଭାରତରେ କୋରନା ସ୍ଥିତି ଜଟିଳ ପରିସ୍ଥିତିରେ ରହିଛି । ପ୍ରତିଦିନ ହଜାରହଜାର ଲୋକଙ୍କର ଜୀବନ ଯାଉଛି । ଅକ୍ସିଜେନ ଅଭାବରେ ଛଟପଟ ହୋଇ ଚାଲି ଯାଉଛି ସଂକ୍ରମିତଙ୍କ ଜୀବନ । ଏଭଳି ଭୟଙ୍କର ବିପଦ ସମୟରେ ଭାରତକୁ ପଛପଟୁ ମାରିବାକୁ ଚେଷ୍ଟା କରୁଛି ଚୀନ୍ । ଦେଶରେ ମେଡିକାଲ ସାମଗ୍ରୀର ଅଭାବ ଥିବାରୁ ଭାରତ ପଡୋଶୀ ଦେଶରୁ ଏହାର ଆମଦାନୀ କରୁଛି । ହେଲେ ସାହାର୍ଯ୍ୟ ନାଁରେ ଚୀନ ନକଲି ସାମଗ୍ରୀ ପଠାଉଥିବା ଜଣାପଡିଛି । ଚୀନରୁ ବିପୁଳ ପରିମାଣରେ ମେଡିକାଲ ଉପକରଣ ଭାରତକୁ ଆସୁଛି ।

ଦେଶରେ ଅକ୍ସିଜେନର ଅଭାବ ଦୁର କରିବାକୁ ଚୀନର ବିଭିନ୍ନ କମ୍ପାନୀରୁ ଅକ୍ସିଜେନ୍ କନସେଣ୍ଟ୍ରେଟର ଆମଦାନୀ କରୁଛି ଭାରତ । ହେଲେ ଚୀନର କୁଟିଳ ପ୍ରକୃତି ପାଇଁ ଏବେ ଭାରତ ଅସୁବିଧାର ସମ୍ମୁଖିନ ହେଉଛି । କାରଣ ଅସଲି ବଦଳରେ ଦେଶକୁ ନକଲି ସାମଗ୍ରୀ ପଠାଇ ବ୍ୟବସାୟୀକ ଲାଭ କରୁଛି ଚୀନ୍ । ଜୀବନ ବଞ୍ଚାଇବା ପରିବର୍ତ୍ତେ ନିମ୍ନମାନର ମେଡିକାଲ ଉପକରଣ ପ୍ରଦାନ କରି ମୃତ୍ୟୁର ଖେଳ ଖେଳୁଛନ୍ତି ଚୀନ କମ୍ପାନୀ । ଏହା ସହିତ ସମାନ ଜିନିଷର ଦାମକୁ ମଧ୍ୟ ଅହେତୁକ ଭାବେ ବୃଦ୍ଧି କରିଛନ୍ତି । ଶକ୍ତିଶାଳୀ ରାଷ୍ଟ୍ର ହେବା ନିଶାରେ ଚୀନର ଏହି ଖେଳ ଭୂତାଣୁ ଭୟଠୁ ଆହୁରି ଭୟାନକ ହେଲାଣି । ରିପୋର୍ଟ ଅନୁସାରେ ଆମଦାନୀ ହେଉଥିବା ମେଡିକାଲ ସାମଗ୍ରୀର ଦର ୨ରୁ ୩ଗୁଣ ବଢିଛି । ଦାମ ବଢିଥିଲେ ମଧ୍ୟ ଆସୁଥିବା ସାମଗ୍ରୀର ଗୁଣାବତ୍ତା ଅତ୍ୟନ୍ତ ଖରାପ ।

ରୋଗୀଙ୍କ କ୍ଷେତ୍ରରେ ଏହାର ବ୍ୟବହାର ଅତ୍ୟନ୍ତ କ୍ଷତିକାରକ ବୋଲି ବିଶେଷଜ୍ଞ କହିଛନ୍ତି । ଅଧିକ ଟଙ୍କା ଦେଇ ଦେଶ ଖରାପ ସାମଗ୍ରୀ କିଣୁଛି । ସେପଟେ ଟଙ୍କା ନେଇ ମାଲେମାଲ ହେଉଛି ଚୀନ୍ । ଅଭିଯୋଗ ଅନୁସାରେ ହାଇଲେବୁଲ ଅକ୍ସିଜେନ ବଦଳରେ ନର୍ମାଲ କନସେଣ୍ଟ୍ରେଟରରେ କମ୍ପ୍ରେସର ନଲଗାଇ ଚୀନ ଭାରତକୁ ରପ୍ତାନୀ କରୁଛି । ତେବେ ବଡକଥା ହେଲେ ପୂର୍ବରୁ ଦିଆଯାଇଥିବା ଅର୍ଡରକୁ କମ୍ପୀନୀମାନେ କ୍ୟାନସଲ କରିଦେଉଛନ୍ତି । ଆଉ ଅଧିକ ଦରରେ ସାମଗ୍ରୀ ନେବାକୁ ବାଧ୍ୟ କରୁଛନ୍ତି । ଅନେକ କମ୍ପାନୀ ଗତ ଏକ ସପ୍ତାହ ଭିତରେ 5 ଲିଟର ଏବଂ 10 ଲିଟର ଅକ୍ସିଜେନ କନସେଣ୍ଟ୍ରେଟରର ମୂଲ୍ୟ ବୃଦ୍ଧି କରିଛନ୍ତି ।

ଯାହାର ମୁଲ୍ୟ ପୂର୍ବରୁ ୨୫ ହଜାର ଥିଲା ତାହା ଏବେ ୩୫ ହଜାରରେ ପହଞ୍ଚିଛି । କିଛି ଦିନ ପୂର୍ବରୁ ଚାଇନାର ରାଷ୍ଟ୍ରଦୂତ ଟ୍ୱିଟ୍ କରି ନିଜର ମହାନତାକୁ ବଖାଣିଥିଲେ । ସେ କହିଥିଲେ ବିପଦ ସମୟରେ ଚାଇନାର କମ୍ପାନୀଗୁଡିକ ମାନବିକତା ଦେଖାଇଛନ୍ତି । ଭାରତୀୟ ଲୋକଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସମସ୍ତ ସହଯୋଗ ଯୋଗାଇ ଦେଉଛନ୍ତି । ମାତ୍ର ଚୀନ କମ୍ପାନୀ ଗୁଡିକର ଏଭଳି ଆଚରଣ ପୁଣି ଥରେ ତାର ଦୋମୁହାଁ ନୀତି ଓ ଲାଭଖୋର ମନୋବୃତ୍ତିକୁ ପଦାକୁ ଆଣିଛି ।