spot_img
Home Blog Page 5806

ଇସ୍ରାଏଲ ଓ ହମାସ ମଧ୍ୟରେ ରକେଟ୍ ମାଡ଼ ଜାରି, ଗାଜାରେ ୬୫ ମୃତ

ତେଲ ଅଭିଭି: ଇସ୍ରାଏଲ ଓ ପାଲେଷ୍ଟାଇନ୍ ମଧ୍ୟରେ ବିବାଦ ବଢିବାରେ ଲାଗିଛି। ହମାସ ପକ୍ଷରୁ ଜାରି ଆକ୍ରମଣର ପ୍ରତି ଜବାବ ଦେବାକୁ ପଛାଉନି ଇସ୍ରାଏଲ । ଫଳରେ ଗାଜାରେ ୬୫ ଲୋକଙ୍କର ମୃତ୍ୟୁ ଘଟିଛି।

ମୃତକଙ୍କ ମଧ୍ୟରେ ହମାସର କମାଣ୍ଡର ଓ ତା’ର ଅନେକ ସାଥୀ ସାମିଲ ରହିଛନ୍ତି । ଏଥିସହିତ ୫ ମହିଳା ଓ ୧୬ ଛୋଟ ପିଲା ଥିବା ସୂଚନା ମିଳିଛି ।

ଅଲଜଜିରା ରିପୋର୍ଟ ଅନୁଯାୟୀ, ଗାଜା ଷ୍ଟ୍ରିପ ଉପରେ ଇସ୍ରାଏଲ ପକ୍ଷରୁ ବୋମାମାଡ଼ କରାଯାଉଛି । ଏହି ଆକ୍ରମଣରେ ୩୬୫ରୁ ଉର୍ଦ୍ଧ୍ୱ ବ୍ୟକ୍ତି ଆହତ ହୋଇଥିଲା ବେଳେ ତନ୍ମଧ୍ୟରେ ୮୬ ଜଣ ଶିଶୁ ଏବଂ ୩୯ ଜଣ ମହିଳା ରହିଛନ୍ତି।  ସେହିପରି ବୋମାମାଡ଼ରେ ହମାସର ଗାଜା ସିଟି କମାଣ୍ଡର ବସିମ ଇସ୍ସା ମଧ୍ୟ ମୃତ୍ୟୁ ବରଣ କରିଛି । ଇସ୍ସା ସହ ହମାସର କିଛି ଅନ୍ୟ କମାଣ୍ଡରଙ୍କର ମଧ୍ୟ ଜୀବନ ଯାଇଛି ।

ଅଧିକ ପଢନ୍ତୁ- ଇସ୍ରାଏଲ ଓ ପାଲେଷ୍ଟାଇନ୍ ବିବାଦ: ରକେଟ୍ ମାଡରେ ଭାରତୀୟ ମହିଳାଙ୍କ ସମେତ ୩୨ ମୃତ

ମଣିଷଙ୍କୁ ଶିକ୍ଷା ଦେଲା ମାଙ୍କଡ଼: ମୃତ୍ୟୁ ପରେ ବି ଛାଡ଼ିଲେନି.. ଜାଣନ୍ତୁ ପୂରା ଘଟଣା

ଚାନ୍ଦବାଲି: ମହାମାରୀ ସମୟରେ ଏକ ଭିନ୍ନ ଦୃଶ୍ୟ ସାମ୍ନାକୁ ଆସିଛି । ମଣିଷ ମରିଗଲା ପରେ କେତେକ ଲୋକେ ନିଜର ଆତ୍ମୀୟଙ୍କ ମୃତ ଶରୀରକୁ ଛୁଇଁବାକୁ ଭୟ କରୁଥିବା ବେଳେ ପଶୁର ନିସ୍ୱାର୍ଥପର ଭଲ ପାଇବା ନଜରକୁ ଆସିଛି । ଏସମ୍ପର୍କିତ ଏକ ଭିଡିଓ ସୋସିଆଲ ମିଡ଼ିଆରେ ଭାଇରଲ ହେବାରେ ଲାଗିଛି ।

ସୂଚନା ଅନୁଯାୟୀ, ଭଦ୍ରକ ଚାନ୍ଦବାଲି ରାଜ୍ୟ ରାଜପଥ ର ସାମନ୍ତରାୟପୁର ପୋଲ ନିକଟରେ ଏକ ହାଇୱା ଧକ୍କା ରେ ମାଙ୍କଡଟିର ମୃତ୍ୟୁ ହୋଇଥିଲା । ମାଙ୍କଡଟିର ମୃତ୍ୟୁ ପରେ ଅନ୍ୟ ସାଥି ମାଙ୍କଡ଼ ମାନେ ରାସ୍ତା ଉପରେ ଘେରାବନ୍ଦୀ କରି ମାଙ୍କଡ଼ଟିକୁ ବଞ୍ଚିଥିବା ଆଶାରେ ତାକୁ ସୁରକ୍ଷା ଦେଉଥିବା ନଜର ଆସିଥିଲା । ଯାହା ଫଳରେ କିଛି ସମୟ ପାଇଁ ରାସ୍ତାରେ ଗାଡି ଚଳାଚଳ ବାଧାପ୍ରାପ୍ତ ହୋଇଥିଲା ।

ଭିଡ଼ିଓରେ ମୃତ ମାଙ୍କଡ଼ ଟିକୁ କିଏ ଗେଲ କରୁଛି ତ ଆଉ କିଏ ମୃତ ମାଙ୍କଡ ନିକଟକୁ ଯେମିତି କେହି ନ ଆସିବେ, ସେଥିପାଇଁ ଘେରାବନ୍ଦୀ କରି ସୁରକ୍ଷା ଦେଉଛନ୍ତି । କିଛି ସମୟ ଧରି ରାଜରାସ୍ତାରେ ମାଙ୍କଡ଼ ମାନଙ୍କର ଏଭଳି ଅନାବିଳ ସ୍ନେହ ଦେଖି ସତେ ଯେମିତି ଦେଖଣାହାରୀ ଅବାକ ହୋଇଯାଇଥିଲେ ।

ତେବେ ଅନେକ ସମୟ ଧରି ମାଙ୍କଡ଼ ଗୁଡିକ ନିଜ ସାଥିକୁ ଉଠାଇବା ପାଇଁ ଚେଷ୍ଟା କରିଥିଲେ ମଧ୍ୟ ମୃତ ମାଙ୍କଡ଼ଟି ଆଉ ଉଠିନଥିଲା । ଶେଷରେ ଅନ୍ୟ ସାଥି ମାନେ ନିରାଶ ହୋଇ ସେହି ସ୍ଥାନ ଛାଡିଥିଲେ ।

ଜେଲ ଭିତରେ ଚାଲିଛି ନାଚ ଗୀତର ଆସର, ଭିଡ଼ିଓ ଭାଇରାଲ୍

ଭୁବନେଶ୍ୱର: ରାଜଧାନୀର ଏକ ଜେଲ ଭିତରେ ଚାଲିଛି ନାଚ ଗୀତର ଆସର। ଏନେଇ ଏକ ଭିଡ଼ିଓ ଭାଇରାଲ୍ ମଧ୍ୟ ହୋଇଛି । ଭିଡ଼ିଓରେ ସଂକୀର୍ତ୍ତନ ସାଙ୍ଗକୁ ଜେଲ ଭିତରେ ଗଞ୍ଜେଇ ଚିଲମର ଧୂଆଁ ଦେଖିବାକୁ ମିଳୁଛି।

ଗୋଟିଏ ପଟେ ଜେଲ ଭିତରେ କରୋନା ସଂକ୍ରମଣ ବଢ଼ୁଥିବା ବେଳେ ଏଭଳି ଗୀତର ଆସର ସାଧାରଣରେ ଚିନ୍ତାର କାରଣ ପାଲଟିଛି। ସୂଚନା ଅନୁଯାୟୀ ଏ ଭିଡିଓଟି ଖୋଦ ରାଜଧାନୀ ଛାତି ଉପରେ ଥିବା ଝାରପଡ଼ା ଜେଲରୁ ଭିତରର। ଜେଲ୍ ଭିତରର ୩ଟି ଭିଡିଓ ଏବେ ଭାଇରାଲ ହେବାରେ ଲାଗିଛି ।

ଆଉ ଗୋଟିଏ ଭିଡ଼ିଓରେ ୨ ଜଣଙ୍କ ଠାରୁ ଟଙ୍କା ନେଇ କିଛି ଜିନିଷ ଦେଉଥିବା ନଜର ଆସୁଛି । ଯଦିଓ ଭିଡ଼ିଓଟି କେବେ ସୁଟିଂ କରାଯାଇଛି ତାହା ସ୍ପଷ୍ଟ ହୋଇନି । ତଥାପି ଗତ ମାସ ପଣା ସଂକ୍ରାନ୍ତିରେ ଏଭଳି ନାଚ ଗୀତ ଆସର ହୋଇଥିବା ସନ୍ଦେହ କରାଯାଉଛି । ଗତ କିଛିଦିନ ହେବ ଅପରେସନ କ୍ଲିନ ଅପରେ ଚଢ଼ାଉ ବେଳେ ୧୩ଟି ମୋବାଇଲ ଜବତ କରିଛି ଜେଲ ବିଭାଗର ସ୍ବତନ୍ତ୍ର ଟିମ୍ ।

ତେବେ ଭିଡିଓ ସମ୍ପର୍କରେ ଜେଲ ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ ।

ଘରୁ ଡ଼ାକିନେଇ ବ୍ଲକ କର୍ମଚାରୀଙ୍କୁ ମରଣାନ୍ତକ ଆକ୍ରମଣ

ରାଜନଗର: କେନ୍ଦ୍ରାପଡ଼ା ରାଜନଗରରେ ଜଘନ୍ୟକାଣ୍ଡ ଭିଆଇଛନ୍ତି ଦୁବୃର୍ତ୍ତ। ଘରୁ ଡ଼ାକିନେଇ ଜଣେ ବ୍ଲକ କର୍ମଚାରୀଙ୍କୁ କିଛି ଦୁବୃର୍ତ୍ତ ଧାରୁଆ ଅସ୍ତ୍ରରେ ଆକ୍ରମଣ କରିଥିବା ଅଭିଯୋଗ ହୋଇଛି । ଗତକାଲି ରାତି ପ୍ରାୟ ୩ଟା ବେଳେ ରାଜନଗର ବ୍ଲକର ଓଡ଼ିଶା ଜୀବିକା ମିଶନ ସଂଯୋଜକ ରଶ୍ମି ରଞ୍ଜନ ଦାସଙ୍କୁ ମରଣାନ୍ତକ ଆକ୍ରମଣ କରିଛନ୍ତି ଅପରାଧୀ।

ସୂଚନା ଅନୁଯାୟୀ, ଘରେ ଶୋଇଥିବା ବେଳେ ୫ରୁ ୭ଜଣ ଯୁବକ ରଶ୍ମି ରଞ୍ଜନଙ୍କ କବାଟ ବାଡେଇଥିଲେ। ସେ ଉଠି କବାଟ ଖୋଲିବା ପରେ ଖଣ୍ଡା ଓ ଭୁଜାଲିରେ ମରଣାନ୍ତକ ଆକ୍ରମଣ କରିଥିଲେ। ତାଙ୍କ ଚିତ୍କାର ଶୁଣି ଲୋକେ ଉଠି ପଡ଼ିବାରୁ ଅପରାଧୀ ମାନେ ଖସି ପଳାଇଥିଲେ ବୋଲି ଜଣାପଡିଛି।

 

ତେବେ ଗୁରୁତର ଅବସ୍ଥାରେ ରଶ୍ମି ରଞ୍ଜନଙ୍କୁ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ହେଲେ ତାଙ୍କ ଅବସ୍ଥା ସଙ୍କଟାପନ ରହିଛି। ଏନେଇ ରଶ୍ମି ରଞ୍ଜନଙ୍କ ସ୍ତ୍ରୀ ରାଜନଗର ଥାନାରେ ଅଭିଯୋଗ କରିଥିଲେ । ଯାହା ପରେ ପୋଲିସ ଛାନଭିନ୍ ଆରମ୍ଭ କରିଥିବା ଜଣାପଡିଛି ।

ଦିନକ ପରେ ଚନ୍ଦନଯାତ୍ରା, ଶେଷ ପର୍ଯ୍ୟାୟରେ ପ୍ରସ୍ତୁତି

ପୁରୀ: ଆଉ ଦିନକ ପରେ ଚନ୍ଦନଯାତ୍ରା । ଏହି ସମୟରେ ଚାପ ଖେଳିବେ ମହାପ୍ରଭୁ । ଏନେଇ ପୁରୀରେ ଚନ୍ଦନଯାତ୍ରା ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ନରେନ୍ଦ୍ର ପୁଷ୍କରିଣୀର ଆଲୋକିକୀକରଣ ବ୍ୟବସ୍ଥା କରାଯାଉଥିବା ବେଳେ ନନ୍ଦା, ଭଦ୍ରା, ଧନନ୍ତ୍ୱରୀ ଚାପ ଡଙ୍ଗାରେ ବେଦି ନିର୍ମାଣ କାମ ଚାଲିଛି।

ସୂଚନା ଅନୁଯାୟୀ, ମହାରଣା ସେବାୟତ ବେଦି ନିର୍ମାଣ କାମରେ ବ୍ୟସ୍ତ ଥିବା ବେଳେ ଭୋଇ ସେବକ ଆବଶ୍ୟକୀୟ କାଠ ଯୋଗାଉଛନ୍ତି । ନରେନ୍ଦ୍ର ପୁଷ୍କରିଣୀ ପରିସରକୁ ସଫା କରାଯିବା ସହ ପାଖ ମନ୍ଦିର ରଙ୍ଗ କରାଯାଉଛି । ଏଥର ଚନ୍ଦନଯାତ୍ରା ସୀମିତ ସେବାୟତରେ କୋଭିଡ କଟକଣାରେ ଅନୁଷ୍ଠିତ ହେବ।

ତେବେ ଯେଉଁ ସେବାୟତ ଚନ୍ଦନଯାତ୍ରା ନୀତିରେ ସାମିଲ ହେବେ ସେମାନଙ୍କ କୋଭିଡ ଟେଷ୍ଟ କରାଯାଉଛି । ନେଗେଟିଭ ସେବାୟତ ହିଁ ଏଥିରେ ସାମିଲ ହେବେ ।

ଦେଶରେ ୩ ଲକ୍ଷ ୬୨ ହଜାରରୁ ଉର୍ଦ୍ଧ୍ୱ କରୋନା ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ଭାରତରେ ଦିନକୁ ଦିନ କରୋନା ସଂକ୍ରମଣ ମାମଲା ବଢିବାରେ ଲାଗିଛି । ଗୋଟିଏ ଦିନରେ ସାରା ଦେଶରେ ୩ ଲକ୍ଷ ୬୨ ହଜାର ୭୨୭ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।

ଗତ ୨୪ ଘଣ୍ଟାରେ ୩ ଲକ୍ଷ ୫୨ ହଜାର ୧୮୧ ସୁସ୍ଥ ହୋଇ ଘରକୁ ଫେରିଛନ୍ତି । ସେହିପରି ୪୧୨୦ ଜଣଙ୍କର କରୋନାରେ ମୃତ୍ୟୁ ହୋଇଥିବା ସୂଚନା ମିଳିଛି ।

ସୂଚନାଯୋଗ୍ୟ, ଏବେ ସୁଦ୍ଧା ସାରା ଦେଶରେ ୩୭ ଲକ୍ଷ ୧୦ ହଜାର ୫୨୫ ଆକ୍ଟିଭ କେସ୍ ରହିଛି । ଏହାବ୍ୟତୀତ ଦେଶରେ ମୋଟ୍ ମୃତ୍ୟୁ ସଂଖ୍ୟା ୨ ଲକ୍ଷ ୫୮ ହଜାର ୩୧୭ରେ ପହଞ୍ଚିଛି । ଦିନକୁ ଦିନ ସଂକ୍ରମଣ ହାର କମୁଥିବା ବେଳେ ସୁସ୍ଥତା ହାର ବି ବଢୁଛି । ଏଥିସହିତ ମୋଟ ୧ କୋଟି ୯୭ ଲକ୍ଷ ୩୪ ହଜାର ୮୨୩ ସୁସ୍ଥ ହୋଇଛନ୍ତି । ସେହିପରି ଦେଶରେ ମୋଟ୍  ୧୭, ୭୨, ୧୪, ୨୫୬ ଜଣଙ୍କୁ ଟିକାକରଣ କରାଯାଇଛି ।

ଉଲ୍ଲେଖଯୋଗ୍ୟ, ଶିଶୁ ଓ ନାବାଳକଙ୍କ ଉପରେ ଟିକାର ହେବ କ୍ଲାନିକାଲ ଟ୍ରାଏଲ । ଭାରତ ବାୟୋଟେକ କୋଭାକ୍ସିନ ଟିକାର କ୍ଲିନିକାଲ ଟ୍ରାଏଲ କରିବାକୁ ସବଜେକ୍ଟ ଏକ୍ସପର୍ଟ ପ୍ୟାନେଲ୍ ସୁପାରିଶ କରିଛି । ଦ୍ବିତୀୟ ଓ ତୃତୀୟ ଫେଜ୍ କ୍ଲାନିକାଲ ଟ୍ରାଏଲକୁ ଅନୁମତି ମିଳିଛି। ଏହି ଟ୍ରାଏଲ ଦିଲ୍ଲୀ ଓ ପାଟନାର ଏମ୍ସ ଓ ନାଗପୁର ସ୍ଥିତ ମେଡିଟ୍ରିନା ମେଡିକାଲ ସାଇନ୍ସ ଇନଷ୍ଟିଚ୍ୟୁଟରେ ହେବ । ଟ୍ରାଏଲ ସଫଳ ହେଲେ ୨ରୁ ୧୮ ବର୍ଷର ବର୍ଗଙ୍କୁ ମିଳିବ ଟିକା । ତେବେ  ମହାରାଷ୍ଟ୍ରର ମେଦିତ୍ରିନା ମେଡିକାଲ କଲେଜରେ ବି ହେବ ଏହି ଟ୍ରାଏଲ୍। ଏହି କ୍ଲିନିକାଲ ଟ୍ରାଏଲ ୫୨୫ ସ୍ବେଚ୍ଛାସେବୀଙ୍କୁ ଉପରେ କରାଯିବ ବୋଲି ସୂଚନା ମିଳିଛି।

୧୯୨୯ କଲ ସେଣ୍ଟର ପରିଦର୍ଶନ କଲେ ବିଏମସିର ନୂତନ କମିଶନର

ଭୁବନେଶ୍ୱର: ୧୯୨୯ କଲ ସେଣ୍ଟର ପରିଦର୍ଶନ କଲେ ସ୍ମାର୍ଟସିଟି ସିଇଓ ତଥା ବିଏମସିର ନୂତନ କମିଶନର ସଞ୍ଜୟ ସିଂ। ବରିଷ୍ଠ ଆଇଏଏସ ଅଧିକାରୀ ସଞ୍ଜୟ ସିଂ ଦାୟିତ୍ୱ ଗ୍ରହଣ ପରେ ୧୯୨୯ କଲ ସେଣ୍ଟର ପରିଦର୍ଶନ କରିଛନ୍ତି।

କୋଭିଡ ସଂକ୍ରମଣ ଓ ସଂକ୍ରମିତ ବ୍ୟକ୍ତିଙ୍କୁ ବ୍ୟକ୍ତିଗତ ପରାମର୍ଶ ଓ ଦିଗଦର୍ଶନ ଦେଉଥିବା ବିଏମସିର ୨୪ ଘଣ୍ଟିଆ ହେଲ୍ପ ଡେସ୍କର ଭୂମିକା ଗୁରୁତ୍ୱପୂର୍ଣ୍ଣ। ଏହାକୁ ଅଧିକ କ୍ରିୟାଶୀଳ କରିବା ଉପରେ ଗୁରୁତ୍ୱ ଆରୋପ କରିଛନ୍ତି ବିଏମସି କମିଶନର ସଞ୍ଜୟ ସିଂ। ବର୍ତ୍ତମାନ ସୁଦ୍ଧା କଲ ସେଣ୍ଟରକୁ ମୋଟ ୩୫ ହଜାର ୦୬୮ଟି କଲ ଆସିଥିବା ବେଳେ ୩୧ ହଜାର ୩୩୪ଟି ଗ୍ରହଣ କରାଯାଇଛି ଓ ୮୫୫୧ ଜଣଙ୍କୁ ସ୍ବାସ୍ଥ୍ୟଗତ ପରାମର୍ଶ ଦିଆଯାଇଛି।

ଏହା ଜାଣିବା ପରେ କଲ ଡ୍ରପ ସଂଖ୍ୟାକୁ ହ୍ରାସ କରିବାକୁ ସେ କଲ ସେଣ୍ଟର କର୍ମଚାରୀଙ୍କୁ ପରାମର୍ଶ ଦେଇଛନ୍ତି। ବର୍ତ୍ତମାନ ବିଭିନ୍ନ କୋଭିଡ ହସ୍ପିଟାଲରେ ଥିବା ମୋଟ ୨୫ଟି ହେଲ୍ପ ଡେସ୍କ ସଂଖ୍ୟାକୁ ୩୦କୁ ବୃଦ୍ଧି କରିବାକୁ ସେ ନିର୍ଦ୍ଦେଶ ଦେଇଛନ୍ତି। 1929 କଲ ସେଣ୍ଟରରେ ଅହରହ କାର୍ଯ୍ୟରତ ଡାକ୍ତର ଓ ଏକଜିକ୍ୟୁଟିଭଙ୍କ ଆରାମ ବା ବିଶ୍ରାମ ପାଇଁ ଉଭୟ ପୁରୁଷ ଓ ମହିଳାଙ୍କ ପାଇଁ ଦୁଇଟି ସ୍ୱତନ୍ତ୍ର ପ୍ରକୋଷ୍ଠ ରଖିବାକୁ ସେ କହିଛନ୍ତି।

ସେହିପରି ସମ କୋଭିଡ ହସ୍ପିଟାଲରେ ୬ଟି, କିମ୍ସରେ ୫ଟି, ହାଇଟେକରେ ୩ଟି ଓ ଆଦିତ୍ୟ ଅଶ୍ବିନୀ ଓ ବ୍ଲୁ ହୁଇଲ କୋଭିଡ ହସ୍ପିଟାଲରେ ଗୋଟିଏ ଲେଖାଏଁ ହେଲ୍ପ ଡେସ୍କ ୧୯୨୯ କଲ ସେଣ୍ଟର ସହ ସଂଯୋଗ କରୁଥିବା ସେ ଜାଣିବାକୁ ପାଇଥିଲେ। ଏହି ସବୁ ହେଲ୍ପ ଡେସ୍କକୁ ଅଧିକ କ୍ରିୟାଶୀଳ କରି ଏହା ଜରିଆରେ ଗୁରୁତର ରୋଗୀଙ୍କ ସ୍ୱାସ୍ଥ୍ୟବସ୍ଥା ସେମାନଙ୍କ ସମ୍ପର୍କୀୟଙ୍କୁ ନିୟମିତ ବ୍ୟବଧାନରେ ଜଣାଇବାକୁ ସେ ପରାମର୍ଶ ଦେଇଛନ୍ତି।

ତେବେ ଏହି କଲ ସେଣ୍ଟରରେ ଦିନରେ ୭ ଜଣ ଓ ରାତିରେ ୪ ଜଣ ଡାକ୍ତର ରହିବା ସହ ବିଭିନ୍ନ କୋଭିଡ ହସ୍ପିଟାଲରେ ଥିବା ହେଲ୍ପ ଡେସ୍କର ଏକଜିକ୍ୟୁଟିଭମାନଙ୍କ ଯୋଗାଯୋଗରେ ସୁବିଧା ପାଇଁ ସ୍ମାର୍ଟ ଫୋନ ଯୋଗାଇ ଦେବାକୁ ବିଏମସି କମିଶନର ସଞ୍ଜୟ ସିଂ ନିର୍ଦେଶ ଦେଇଛନ୍ତି।

 

ଆଜିଠୁ ଲୋକସେବା ଭବନ ବାହାରେ ସରକାରୀ କର୍ମଚାରୀଙ୍କୁ ଟିକାକରଣ

ଭୁବନେଶ୍ୱର: ଟିକା ନେବା ପାଇଁ ଲୋକସେବା ଭବନ ବାହାରେ କାର୍ଯ୍ୟରତ ସରକାରୀ କର୍ମଚାରୀଙ୍କୁ ମିଳିବ ଅନୁମତି । ଯେଉଁଥିପାଇଁ ଆଜିଠୁ ଲୋକସେବା ଭବନର କନ୍‌ଭେନସନ୍‌ ହଲରେ ଲୋକସେବା ଭବନ ସମେତ ଅନ୍ୟ ସରକାରୀ ଅଫିସର କର୍ମଚୀରୀ ଓ ଅଧିକାରୀମାନଙ୍କ ପାଇଁ ଟିକାକରଣ ବ୍ୟବସ୍ଥା ହୋଇଛି।

Vaccination Stopped In Jagatasinghpur District Today

ଏଥିପାଇଁ ବାହାରେ ଥିବା ଅଫିସର କର୍ମଚାରୀ ଓ ଅଧିକାରୀମାନଙ୍କୁ ଟିକା ନେବା ପାଇଁ ଲୋକସେବା ଭବନ ପରିସରକୁ ଆସିବାକୁ ଅନୁମତି ଦିଆଯିବ। ଏ ନେଇ ସାଧାରଣ ପ୍ରଶାସନ ବିଭାଗ ଅତିରିକ୍ତ ଶାସନ ସଚିବ, ଗୃହ ବିଭାଗ ସ୍ବତନ୍ତ୍ର ଶାସନ ସଚିବଙ୍କୁ ଚିଠି ଲେଖିଛନ୍ତି। କନଭେନ୍‌ସନ୍‌ କେନ୍ଦ୍ରରେ ସମସ୍ତ ସରକାରୀ କର୍ମଚାରୀଙ୍କ ପାଇଁ କୋଭିଡ ଟିକା ପାଇଁ ବ୍ୟବସ୍ଥା କରାଯାଇଥିବାରୁ ଅନ୍ୟ ଅଫିସର କର୍ମଚାରୀ ଓ ଅଧିକାରୀମାନେ ଲୋକସେବା ଭବନ ଆସିପାରୁନାହାନ୍ତି। ସେମାନଙ୍କୁ ଲୋକସେବା ଭବନର ପଛପଟ ଅର୍ଥାତ୍‌ ୫ ନମ୍ବର ଫାଟକ ପଟେ ଆସିବାର ଅନୁମତି ଦିଆଯିବ ।

Government of Odisha to set up ‘Odisha Water Academy’

ତେବେ ଏହି ଫାଟକ ଦେଇ ବିଏମ୍‌ସି କର୍ମଚାରୀ ଓ କ୍ୟାପିଟାଲ ହସ୍ପିଟାଲର ଟିକାକରଣ ସ୍ବାସ୍ଥ୍ୟକର୍ମୀ ବି ଯାତାୟତ କରିବେ। ଯେଉଁ ସରକାରୀ କର୍ମଚାରୀ କିମ୍ବା ଅଧିକାରୀମାନେ କୋଭିଡ ଟିକା ନେବେ, ସେମାନେ ତାଙ୍କ ବିଭାଗ ଦ୍ବାରା ସାଧାରଣ ପ୍ରଶାସନ ବିଭାଗକୁ ଲେଖାଯାଇଥିବା ଆନୁଷ୍ଠାନିକ ପତ୍ର ସାଙ୍ଗରେ ଧରି ଆସିବେ । ଏହାସହିତ ସମ୍ପୃକ୍ତ କର୍ମଚାରୀ ତାଙ୍କ ପରିଚୟ ପତ୍ର ବି ଆଣିବେ । ଏହି ଦୁଇଟିଯାକ ପ୍ରମାଣ ପତ୍ର ନଥିବା କର୍ମଚାରୀଙ୍କୁ ଲୋକସେବା ଭବନ ଭିତରକୁ ପ୍ରବେଶ କରିବାର ଅନୁମତି ମିଳିବ ନାହିଁ ।

ରାଜ୍ୟର ଏହିସବୁ ଜିଳ୍ଲାରେ ଝଡ଼ବର୍ଷା ଆଶଙ୍କା

ଭୁବନେଶ୍ୱର: ରାଜ୍ୟରେ ଜାରି ରହିଛି କାଳବୈଶାଖି ତାଣ୍ଡବ । ଏହି ପରିପ୍ରେକ୍ଷୀରେ ଆଗାମୀ ୩ ଘଣ୍ଟା ମଧ୍ୟରେ ରାଜ୍ୟର କିଛି ସ୍ଥାନରେ ଘଡଘଡି ସହ ଝଡବର୍ଷା ହେବା ନେଇ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି ।

ବିଶେଷ କରି ବାଲେଶ୍ବର, ଭଦ୍ରକ, ଯାଜପୁର, ମୟୁରଭଞ୍ଜ, କେନ୍ଦୁଝର, ସୁନ୍ଦରଗଡ, କନ୍ଧମାଳ ଓ ଗଞ୍ଜାମ ଆଦି ଜିଲ୍ଲାରେ ସାମାନ୍ୟ ବର୍ଷା ସାଙ୍ଗକୁ ବଜ୍ରପାତ ଆଶଙ୍କା ରହିଛି । ଏହି ସମୟରେ ୩୦ରୁ ୪୦ କିମି. ବେଗରେ ପବନ ବୋହିବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି ।

ତେବେ ପାଣିପାଗକୁ ଦୃଷ୍ଟିରେ ରଖି ତଦନୁଯାୟୀ ସୁରକ୍ଷିତ ସ୍ଥାନରେ ରହିବା ପାଇଁ ଜନସାଧାରଣଙ୍କୁ ପାଣିପାଗ ବିଭାଗ ପକ୍ଷରୁ ପରାମର୍ଶ ଦିଆଯାଇଛି ।

ସାମାଜିକ କାର୍ଯ୍ୟକୁ ଆହୁରି ବ୍ୟାପକ ଓ ତ୍ବରାନ୍ବିତ କରିବାକୁ ମୁଖ୍ୟମନ୍ତ୍ରୀଙ୍କ ଆହ୍ବାନ

ଭୁବନେଶ୍ୱର: ଓଡ଼ିଶା ମୋ ପରିବାର କାର୍ଯ୍ୟରେ ସନ୍ତୋଷ ପ୍ରକାଶ କଲେ ମୁଖ୍ୟମନ୍ତ୍ରୀ । କୋଭିଡ୍ ମହାମାରୀ ପରିପ୍ରେକ୍ଷୀରେ ସାମାଜିକ କାର୍ଯ୍ୟକୁ ଆହୁରି ବ୍ୟାପକ ଓ ତ୍ବରାନ୍ବିତ କରିବାକୁ ଆହ୍ବାନ । ଆଜି ମୁଖ୍ୟମନ୍ତ୍ରୀ ଓଡ଼ିଶା ମୋ ପରିବାର କାର୍ଯ୍ୟ ନେଇ ସମୀକ୍ଷା କରିଥିଲେ । ଭର୍ଚୁଆଲରେ ସମୀକ୍ଷା କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

CM Naveen Patnaik Reviews Odisha Mo Parivar Work

କାର୍ଯ୍ୟକ୍ରମରେ ଓଡ଼ିଶା ମୋ ପରିବାର ଆବାହକ ଅରୂପ ପଟ୍ଟନାୟକ, ଯାଜପୁର ବିଧାୟକ ପ୍ରଣବ ପ୍ରକାଶ ଦାସ, ବଡମ୍ବା ବିଧାୟକ ଦେବୀ ପ୍ରସାଦ ମିଶ୍ର, ମହାକାଳପଡ଼ା ବିଧାୟକ ତଥା ଓଡ଼ିଶା ମୋ ପରିବାର ସହ ଆବାହକ ଅତନୁ ସବ୍ୟସାଚୀ ନାୟକ, ଚାନ୍ଦବାଲି ବିଧାୟକ ବ୍ୟୋମକେଶ ରାୟ ଓ ବାଙ୍କୀ ବିଧାୟକ ଦେବୀ ରଞ୍ଜନ ତ୍ରିପାଠୀ ସାମିଲ ହୋଇଥିଲେ ।

CM Naveen Patnaik Reviews Odisha Mo Parivar Work

ବୈଠକରେ ମୁଖ୍ୟମନ୍ତ୍ରୀ ଓଡ଼ିଶା ମୋ ପରିବାର ଦ୍ବାରା କରାଯାଉଥିବା ସାମାଜିକ କାର୍ଯ୍ୟକ୍ରମ, ଜୀବନବିନ୍ଦୁ, କୋଭିଡ୍ ସମୟରେ ଶବଦାହ ପାଇଁ କରାଯାଇଥିବା ହେଲ୍ପ ଡେସ୍କ, ରକ୍ତଦାନ କରୁଥିବା ବ୍ୟକ୍ତିଙ୍କ ତାଲିକା ପ୍ରସ୍ତୁତ, ଥାଲେସେମିଆ ଓ ଅନ୍ୟାନ୍ୟ ଗୁରୁତର ପ୍ରଭାବିତ ବ୍ୟକ୍ତିଙ୍କୁ ସାହାଯ୍ୟ ଏବଂ ପ୍ଲାଜମା ସଂଗ୍ରହ ଅଭିଯାନ କରିବା ପାଇଁ ନିର୍ଦ୍ଦେଶ ଦେଇଥିଲେ ।