spot_img
Home Blog Page 5805

ଡରାଇଲା କରୋନା, ଲାଲ୍ ବାହିନୀ ଛାଡ଼ି ଆତ୍ମସମର୍ପଣ କଲେ ମାଓ ଦମ୍ପତି

ମାଲକାନଗିରି: ଦେଶରେ କରୋନା ହାହାକାର ସୃଷ୍ଟି କରିଛି । ପ୍ରତିଦିନ ଲକ୍ଷାଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ହଜାର ହଜାର ଜଣଙ୍କ ମୃତ୍ୟୁ ହେଉଛି । ସହରରୁ ଗାଁକୁ ବ୍ୟାପିଥିବା କରୋନା ଏବେ ଲାଲଗଡ଼ରେ ଆତଙ୍କ ସୃଷ୍ଟି କରିଛି । କରୋନାର ପ୍ରକୋପରେ ଥରହର ହେଲାଣି ଲାଲ୍ ଶିବିର । ଡର କରୋନାରେ ଜୀବନ ଯିବନି ତ ?

Naxal Couple Surrender In Chhattisgarh Tested Covid Positive

କରୋନା ଲକ୍ଷଣ ଥିବା ଦୁର୍ଦ୍ଦାନ୍ତ ମାଓ ଦମ୍ପତି ଆତ୍ମସମର୍ପଣ କରିଛନ୍ତି । ଛତିଶଗଡ଼ ବସ୍ତର ଆଇଜି ପି.ସୁନ୍ଦର ରାଜଙ୍କ ନିକଟରେ ୨ ଦୁର୍ଦ୍ଦାନ୍ତ ମାଓବାଦୀ ଅର୍ଜୁନ୍ ତାତି ଓ ଲକ୍ଷ୍ମୀ ପଦା ଆତ୍ମସମର୍ପଣ କରିଛନ୍ତି । ମିଳିଥିବା ସୂଚନା ଅନୁଯାୟୀ ଛତିଶଗଡ଼ କାଙ୍କେର ଜିଲ୍ଲାର ପ୍ରତାପପୁର ଏରିଆ କମିଟିରେ ସକ୍ରିୟ ଥିଲେ ଏହି ମାଓ ଦମ୍ପତି । ଉଭୟ କିଛି ଦିନ ହେବ କରୋନାରେ ସଂକ୍ରମିତ ହୋଇଥିଲେ । ପରେ ଚିକିତ୍ସା ପାଇଁ ସବୁଆଡେ ବୁଲିବା ପରେ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ବାଧ୍ୟ ହୋଇ ଆତ୍ମସମର୍ପଣ କରିଛନ୍ତି ।

Naxal Couple Surrender In Chhattisgarh Tested Covid Positive

ଦୁଇ ମାଓବାଦୀଙ୍କ କରୋନା ଟେଷ୍ଟ ପଜିଟିଭ୍ ବାହାରିବା ପରେ ସେମାନଙ୍କୁ ଚିକିତ୍ସା ପାଇଁ କୋଭିଡ୍ ହସ୍ପିଟାଲ ପଠାଯାଇଛି । ଏମାନଙ୍କ ବିରୋଧରେ ପୂର୍ବରୁ ବିଭିନ୍ନ ଥାନାରେ ଅନେକ ଅପରାଧିକ ମାମଲା ଦାଏର ହୋଇଛି । ମାଓ ଦମ୍ପତି ସମାଜର ମୁଖ୍ୟସ୍ରୋତକୁ ଫେରିଥିବାରୁ ଥଇଥାନ ନିୟମ ଅନୁଯାୟୀ ସେମାନଙ୍କୁ ସମସ୍ତ ପ୍ରକାର ସୁବିଧା ଯୋଗାଇ ଦିଆଯିବ ବୋଲି କହିଛନ୍ତି ବସ୍ତର ଆଇଜି ।

କାଳବୈଶାଖୀ ନେଇ ୧୪ ଜିଲ୍ଲାକୁ ଆଗାମୀ ୩ ଘଣ୍ଟା ଯାଏ ସତର୍କତା

ଭୁବନେଶ୍ୱର: କାଳବୈଶାଖୀ ନେଇ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି । ୧୪ ଜିଲ୍ଲାକୁ ସତର୍କତା ଜାରି କରାଯାଇଛି । ଆଗାମୀ ୩ ଘଣ୍ଟା ମଧ୍ୟରେ ଏସବୁ ଜିଲ୍ଲାରେ କାଳବୈଶାଖୀ ବର୍ଷା ସହ ଘଡ଼ଘଡ଼ି ହେବ । ପୁରୀ, ଖୋର୍ଦ୍ଧା, ନୟାଗଡ଼, ବଲାଙ୍ଗିର ଓ ଗଞ୍ଜାମ ଜିଲ୍ଲାରେ ମଧ୍ୟମଧରଣର କାଳବୈଶାଖୀ ଆଶଙ୍କା ରହିଛି । ଏହି ସମୟରେ ପବନର ବେଗ ଘଣ୍ଟା ପ୍ରତି ୪୦ରୁ ୫୦ କିମି ରହିବ ।

ସେହିଭଳି ହାଲୁକା କାଳବୈଶାଖୀ ଓ ବଜ୍ରପାତ ନେଇ କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର, ଢେଙ୍କାନାଳ, ଅନୁଗୁଳ, ବୌଦ୍ଧ, କନ୍ଧମାଳ, ଗଜପତି ଓ କଟକ ଆଦି ୮ଟି ଜିଲ୍ଲାକୁ ସତର୍କ ସୂଚନା ଜାରି କରାଯାଇଛି । ପାଗକୁ ଦେଖି ବଜ୍ରପାତରୁ ରକ୍ଷା ପାଇବା ପାଇଁ ସୁରକ୍ଷିତ ସ୍ଥାନକୁ ଯିବା ଲୋକଙ୍କୁ ପରାମର୍ଶ ଦେଇଛି ପାଣିପାଗ ବିଭାଗ ।

ସାମୂହିକ ଇଦ୍ ପ୍ରାର୍ଥନା ଉପରେ କଟକଣା

ଖୋର୍ଦ୍ଧା: କରୋନା ସଂକ୍ରମଣକୁ ଦେଖି ସାମୂହିକ ‘ଇଦ୍’ ପ୍ରାର୍ଥନା ଉପରେ କଟକଣା ଲଗାଯାଇଛି । ଏନେଇ ଖୋର୍ଦ୍ଧା ଜିଲ୍ଲାପାଳଙ୍କ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ଜାରି ନିର୍ଦ୍ଦେଶନାମା ପ୍ରକାରେ କୌଣସି ଧର୍ମାନୁଷ୍ଠାନ ଭିତରେ କିମ୍ବା ବାହାରେ ଭକ୍ତଙ୍କୁ ବାରଣ କରାଯାଇଛି ।

ଆସନ୍ତାକାଲି ଇଦ୍ ପର୍ବ ଥିବାବଳେ ଏନେଇ ପ୍ରଶାସନ ନିର୍ଦ୍ଦେଶନାମା ଜାରି କରିଛି । ମସଜିଦ୍, ଇଦଗାହରେ ସାମୂହିକ ପ୍ରାର୍ଥନା ହୋଇ ପାରିବ ନାହିଁ । ମସଜିଦରେ ହେଉଥିବା ନିୟମିତ ରୀତିକାନ୍ତି ସର୍ବାଧିକ ୫ ଜଣଙ୍କୁ ନେଇ କରାଯାଇ ପାରିବ ।

ଓଡ଼ିଶା କୋଭିଡ୍-୧୯ ନିୟମାବଳୀ ଅନୁଯାୟୀ ସମସ୍ତେ ମାସ୍କ ପିନ୍ଧିବେ ସାମାଜିକ ଦୂରତା ରକ୍ଷା କରିବେ । ଘରେ ରହି ଇଦ୍ ପାଳନ କରିବାକୁ ପ୍ରଶାସନ ପରାମର୍ଶ ଦେଇଛି । କେହି ବ୍ୟକ୍ତି ନିର୍ଦ୍ଦେଶନାମା ଉଲ୍ଲଂଘନ କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି ।

ଇଦ୍‌ରେ ଭାଇଜାନଙ୍କ ଭେଟି, ଓଟିଟି ପ୍ଲାଟଫର୍ମରେ ରିଲିଜ୍ ହେଲା ‘ରାଧେ’

ମୁମ୍ବାଇ: ଇଦ୍‌ରେ ଭାଇଜାନଙ୍କ ଭେଟି । ଫ୍ୟାନଙ୍କ ପାଇଁ ସଲମାନ ଆଣିଛନ୍ତି ମୁଭି ରାଧେ । ଆକ୍ସନ ଡ୍ରାମା ଓ କ୍ରାଇମ ଥ୍ରିଲରରେ ଭରପୁର ରହିଛି ମୁଭିର ଷ୍ଟୋରୀ । ଓଟିଟି ପ୍ଲାଟଫର୍ମରେ ସିନେମାଟି ରିଲିଜ୍ ହେଉଛି । ସିନେମାକୁ ନେଇ ସଲମାନ ଫ୍ୟାନଙ୍କ ମଧ୍ୟରେ ଉତ୍ସୁକତା ଭରି ରହିଛି । ପ୍ରତିବର୍ଷ ବଳି ଚଳିତଥର ଇଦରେ ନିଜ ଫ୍ୟାନ୍‌ଙ୍କୁ ଉପହାର ଦେଉଛନ୍ତି ସଲ୍ଲୁ ମିଆଁ । ପୂର୍ବରୁ ଫିଲ୍ମର ଟିଜର ଓ ଟ୍ରେଲର ହିଟ୍ ହୋଇଥିଲା ।

Salman Khan Radhe Movie Trailer At 11 am. Direct YouTube link here - Movies  News

ସିନେମାର ସବୁ ଗୀତ ଦର୍ଶକଙ୍କ ମନକୁ ଛୁଇଁଥିଲା । ସିଟି ମାର୍ ହେଉ କି ରାଧେ ଟାଇଟଲ ଟ୍ରାକ୍ ମ୍ୟୁଜିକ୍ ଚାଟରେ ହିଟ୍ହୋ ଇସାରିଛି । ସଲମାନଙ୍କ ସହ ଫିମେଲ ଲିଡରେ ଅଛନ୍ତି ବାଗି ବ୍ୟୁଟି ଦିଶା ପଟାନି । ଅନ୍ୟାନ୍ୟ ରୋଲରେ ଭର୍ସାଟାଇଲ ଆକ୍ଟର ରଣଦୀପ ହୁଡ୍ଡା, ସୁଧୀର ବାବୁ ପ୍ରମୁଖ ନଜର ଆସିଛନ୍ତି । ଏହି ଫିଲ୍ମର ପ୍ରଡକ୍ସନ ଡିଜାଇନ କରିଛନ୍ତି ଜଣେ ଓଡ଼ିଆ ପୁଅ । ନୟାଗଡ଼ର ଦୁର୍ଗା ମହାପାତ୍ର ଏହି ଚଳଚିତ୍ରରେ ପ୍ରଡକ୍ସନ ଡିଜାଇନ୍ କରି ଚର୍ଚ୍ଚାରେ ରହିଛନ୍ତି ।

ସୂଚନା ଓ ଲୋକ ସମ୍ପର୍କ ବିଭାଗର ଦାୟିତ୍ୱ ନେଲେ ବିଷ୍ଣୁପଦ ସେଠୀ

ଭୁବନେଶ୍ୱର: ସୂଚନା ଓ ଲୋକ ସମ୍ପର୍କ ବିଭାଗର ପ୍ରମୁଖ ଶାସନ ସଚିବ ଦାୟିତ୍ୱ ଗ୍ରହଣ କରିଛନ୍ତି ବିଷ୍ଣୁପଦ ସେଠୀ   । ଆଜି ନିଜର ଦାୟିତ୍ୱ ଗ୍ରହଣ କରିବା ପରେ ବିଭାଗୀୟ ନିର୍ଦେଶକ କୃପାସିନ୍ଧୁ ମିଶ୍ର ଓ ବୈଷୟିକ ନିର୍ଦେଶକ ନିରଞ୍ଜନ ସେଠିଙ୍କ ସହ ଆଲୋଚନା କରିଛନ୍ତି  । ବରିଷ୍ଠ ଆଇଏଏସ ତଥା ରାଜସ୍ୱ ବିଭାଗର ପ୍ରମୁଖ ସଚିବ ଭାବେ କାର୍ଯ୍ୟରତ ଥିଲେ ବିଷ୍ନୁପଦ ସେଠୀ   । ଆଜି  ସୂଚନା ଓ ଲୋକ ସମ୍ପର୍କ ବିଭାଗର ପ୍ରମୁଖ ସଚିବ ଭାବେ ଅତିରିକ୍ତ ଦାୟିତ୍ୱ ଗ୍ରହଣ କରିଛନ୍ତି। ବରିଷ୍ଠ ଆଇଏଏସ ତଥା ରାଜସ୍ବ ବିଭାଗର ପ୍ରମୁଖ ସଚିବ ବିଷ୍ନୁପଦ ସେଠୀ @BPSethi ସୂଚନା ଓ ଲୋକ ସମ୍ପର୍କ @IPR_Odisha ବିଭାଗର ପ୍ରମୁଖ ସଚିବ ଭାବେ ଅତିରିକ୍ତ ଦାୟିତ୍ୱ ଗ୍ରହଣ କରିଛନ୍ତି। ଦାୟିତ୍ୱ ଗ୍ରହଣ କରିବା ପରେ ବିଭାଗୀୟ ନିର୍ଦେଶକ କୃପାସିନ୍ଧୁ ମିଶ୍ର ଓ ଅନ୍ୟ ଅଧିକାରୀଙ୍କ ସହ ଆଲୋଚନା କରୁଛନ୍ତି।

ମହାରାଷ୍ଟ୍ରରେ ଜୁନ୍ ପହିଲା ପର୍ଯ୍ୟନ୍ତ ବଢିଲା ଲକଡାଉନ୍ ଅବଧି

ମୁମ୍ବାଇ: ମହାରାଷ୍ଟରେ ସଂକ୍ରମଣର ଭୟାବହତାକୁ ଦୃଷ୍ଟିରେ ରଖି ବଢାଯାଇଛି ଲକଡାଉନ୍ ଅବଧି। ଜୁନ୍ ୧ ପର୍ଯ୍ୟନ୍ତ ଏହି କଟକଣାକୁ  ବଢାଇଛନ୍ତି ରାଜ୍ୟ ସରକାର ।

ସୂଚନା ଅନୁଯାୟୀ, ଚଳିତ ଥର କଡାକଡି ଭାବେ ପାଳନ ହେବ ଲକଡାଉନ୍ କଟକଣା । ଏଣିକି ରାଜ୍ୟକୁ ପ୍ରବେଶ କରିବାକୁ ହେଲେ ୪୮ ଘଣ୍ଟା ପୂର୍ବର ଆରଟିପିସିଆର ରିପୋର୍ଟ ବାଧ୍ୟତାମୂଳକ କରିଛି ପ୍ରଶାସନ । ପୂର୍ବରୁ ଅଧିକ କରୋନା ସଂକ୍ରମିତ ରାଜ୍ୟରୁ ଆସୁଥିବା ବ୍ୟକ୍ତିଙ୍କ ପାଇଁ ଏହି ନିୟମ ଲାଗୁ ଥିଲା । ଏବେ କିନ୍ତୁ ସମସ୍ତଙ୍କ ପାଇଁ ଏହି ନିୟମ ଲାଗୁ କରିଛନ୍ତି ମହାରାଷ୍ଟ୍ର ସରକାର ।

 

ତେବେ ମାଲବାହୀ ଗାଡିରେ କେବଳ ଡ୍ରାଇଭର ଏବଂ ହେଲପର ଯାତାୟାତକୁ ଅନୁମତି ଦିଆଯାଇଛି । ଅପରପକ୍ଷେ ବାହାର ରାଜ୍ୟର ମାଲବାହୀ ଗାଡି ହୋଇଥିଲେ ସେମାନଙ୍କ ପାଇଁ ଆରଟିପିସିଆର ନେଗଟିଭ୍ ରିପୋର୍ଟ ବାଧ୍ୟତାମୂଳକ କରାଯାଇଛି । ସେହିପରି ରାଜ୍ୟ ଭିତରେ ଚାଲୁ ରହିଥିବା ଜରୁରୀକାଳିନ ସେବା ଉପରେ କୌଣସି ପ୍ରତିବନ୍ଧକ ଲଗାଯାଇନାହିଁ ବୋଲି ସରକାରଙ୍କ ପକ୍ଷରୁ ସୂଚନା ଦିଆଯାଇଛି।

ଭୟାବହ ସ୍ଥିତିରେ ଓଡ଼ିଶାର କୋଭିଡ୍ ସଂକ୍ରମଣ: ଆହୁରି କଠୋର ହୋଇପାରେ ଲକ୍ ଡାଉନ

ଭୁବନେଶ୍ବର: ରାଜ୍ୟରେ କରୋନା ସଂକ୍ରମଣ ଉଗ୍ର ରୂପ ନେଉଛି। ଜଙ୍ଗଲ ନିଆଁ ଡେଇଁଲା ଭଳି କରୋନା ଭୂତାଣୁ ଗୋଟିଏ ଲୋକରୁ ଆଉ ଏକ ଲୋକଙ୍କୁ ସଂକ୍ରମିତ କରୁଛି। ଗଲା ୭ ଦିନର କୋଭିଡ୍ ସଂକ୍ରମଣ ପରିସଂଖ୍ୟାନକୁ ଲକ୍ଷ୍ୟ କଲେ ଏହା ସ୍ପଷ୍ଟ ହେଉଛି। ଅର୍ଥାତ୍ ଯେଉଁଭଳି ଭାବେ ଲକା୍ଡାଉନ୍ ଓ ସଟଡାଉନ କାର୍ଯ୍ୟକାରୀ କରାଯାଉଛି ତାହା ସଂକ୍ରମଣର ବେଗକୁ ପ୍ରତିରୋଧ କରିପାରୁ ନାହିଁ। ଏବେ ପ୍ରତି ଦିନ ସଂକ୍ରମଣ ହାର ସମୁଦାୟ ନମୁନା ପରୀକ୍ଷଣର ୨୦ ପ୍ରତିଶତ ଉପରେ ରହୁଛି। ଏଣୁ ରାଜ୍ୟ ସରକାର ଆଗକୁ କଡ଼ା ଆଭିମୁଖ୍ୟ ନେଇପାରନ୍ତି, ଅର୍ଥାତ୍ ଲକଡାଉନ ଆସନ୍ତା ଦିନରେ ଅଧିକ କଠୋର ହୋଇପାରେ।

ରାଜ୍ୟ ସରକାରାଙ୍କ କୋଭିଡ୍ ଡ୍ୟାଶ୍ ବୋର୍ଡ଼ରେ ଦିଆଯାଇଥିବା ତଥ୍ୟ ଅନୁସାରେ ମେ ୧୨ ତାରିଖର ମଙ୍ଗଳବାର ଦିନ ରାଜ୍ୟରେ ୫୧ ହଜାର ୪୫୧ଜଣଙ୍କ ନମୁନା ପରୀକ୍ଷଣ କରାଯାଇଥିଲା। ଏଥିରୁ ୧୦ହଜାର ୬୪୯ ଜଣ ପଜିଟିଭ୍ ଚିହ୍ନଟ ହୋଇଚନ୍ତି। ଅର୍ଥାତ୍ ଏହିଦିନ ପଜିଟିଭ୍ ହାର ୨୦.୬ ପ୍ରତିଶତ ରେକର୍ଡ଼ କରାଯାଇଛି। ଠିକ୍ ସେହିପରି ଲକଡାଉନ ଆରମ୍ଭ ଦିନର ତଥ୍ୟକୁ ଯଦି ଆକଳନ କରାଯାଏ ତେବେ ମେ ୫ ତାରିଖ ଦିନ ସମୁଦାୟ ସଂକ୍ରମଣ ହାର ଥିଲା ୨୧.୭ ପ୍ରତିଶତ। ଏହିଦିନ ବି ୧୮ହଜାର ୩୧୪ ନମୁନା ପରୀକ୍ଷଣ କରାଯାଇଥିଲା। ସେଥିରୁ ୧୦ହଜାର ୫୫୧ଜଣ କୋଭିଡ୍ ସଂକ୍ରମିତ ହୋଇଥିବା ଦର୍ଶାଯାଇଛି। ଏହି ସାତ ଦିନ ଭିତରେ ଯେତେବେଳେ ନମୁନା ପରୀକ୍ଷଣ ସଂଖ୍ୟା ବଢ଼ାଯାଉଛି ଯେତେବେଳେ ଅଧିକ ସଂଖ୍ୟାରେ ପଜିଟିଭ୍ ରୋଗୀଙ୍କୁ ଚିହ୍ନିଟ କରାଯାଉଥିବା ବେଳେ ଯେଉଁଦିନ କମ୍ ସଂଖ୍ୟାରେ ନମୁନା ପରୀକ୍ଷଣ କରାଯାଉଛି ସେଦିନ ପଜିଟିଭ୍ ସଂଖ୍ୟା ମଧ୍ୟ କମିଥିବା ଲକ୍ଷ୍ୟ କରାଯାଉଛି।

ଗଲା ସାତଦିନର ତଥ୍ୟକୁ ସମୀକ୍ଷା କଲେ ଜଣାଯାଏ ଯେ, ୬ ତାରିଖ ଦିନ ସବୁଠାରୁ ଅଧିକ ପଜିଟିଭ୍ ହାର ଲକ୍ଷ୍ୟ କରାଯାଇଛି। ଏହିଦିନ ରାଜ୍ୟରେ ସର୍ବାଧିକ କୋଭିଡ୍ ପଜିଟଭ୍ ହାର ୨୪.୯ ପ୍ରତିଶତ ରହିଥିବା ବେଳେ ୭ ତାରିଖ ଦିନ ପଜିଟିଭ୍ ହାର ୨୩.୩ ପ୍ରତିଶତ ରହିଥିଲ। ସେହିପରି ୮ ତାରିଖ ଦିନ ସଂକ୍ରମଣ ପଜିଟିଭ୍ ହାର ୨୧.୮ ପ୍ରତିଶତ, ୯ ତାରିଖରେ ୨୦.୭୩, ୧୦ ତାରିଖ ଦିନ ୨୧.୧ ପ୍ରତିଶତ ପଜିଟିଭ୍ ହାର ରେକର୍ଡ଼ କରାଯାଇଥିଲା।
ପୁଣି ଏହି କୋଭିଡ୍ ଡ୍ୟାଶ୍ ବୋର୍ଡ ତଥ୍ୟ ଅନୁସାରେ ଗଲା ଦୁଇମାସଭିତରେ ସଂକ୍ରମଣ ପଜିଟିଭ୍ ହାର ୯୦ ପ୍ରତିଶତରୁ ଅଧିକ ହୋଇଛି। ମାର୍ଚ୍ଚ ଆଠ ତାରିଖରେ ରାଜ୍ୟରେ ସମୁଦାୟ ୨୦ ହଜାର ୮୧ଟି ସାମ୍ପଲ୍ ପରୀକ୍ଷା ହୋଇଥିଲା। ହେଲେ ସେଥିରେ ପଜିଟିଭ୍ ଥିଲେ ମାତ୍ର ୫୭ ଜଣ। ଅର୍ଥାତ୍ ପଜିଟିଭ୍ ହାର ଥିଲା ୦.୨୮ ପ୍ରତିଶତ। ଏକ ମାସ ପରେ ଅର୍ଥାତ୍ ଏପ୍ରିଲ୍ ୮ ତାରିଖରେ ଏହି ସଂକ୍ରମଣ ହାର ୪.୪ ପ୍ରତିଶତ ହେଲା। ମେ ମାସ ୭ ତାରିଖକୁ ଏହି ପରିସଂଖ୍ୟାନ ସର୍ବକାଳୀନ ରେକର୍ଡ଼ ହୋଇଛି। ଯଦିଓ ରାଜ୍ୟ ସରକାର ଦୁଇଦିନ ହେଲା ଲକ୍ ଡାଉନ ଲାଗୁ କରିଛନ୍ତି କିନ୍ତୁ ପଜିଟିଭ୍ ସଂକ୍ରମଣ ହାର ଉପରେ ଏହାର କୌଣସି ସୁପ୍ରଭାବ ଏଯାଏ ଲକ୍ଷ୍ୟ କରାଯାଇ ନାହିଁ। ମେ ତାରିଖ ରିପୋର୍ଟ ଅନୁସାରେ ରାଜ୍ୟରେ ୫୦ହଜାର ୭୯୯ ଜଣ ସାମ୍ପଲ୍ ପରୀକ୍ଷା କରାଇଥିବା ବେଳେ ସେଥିରୁ ୧୨୨୩୮ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ଅର୍ଥାତ୍ ପଜିଟିଭ୍ ହାର ୨୪ ପ୍ରତିଶତ ହୋଇଛି।

ପଶ୍ଚିମବଙ୍ଗ, ମହାରାଷ୍ଟ୍ର, କଣ୍ଣାଟକ ଭଳି ରାଜ୍ୟ ଏବେ ୨୦ ପ୍ରତିଶତ ପଜିଟିଭ୍ ହାରଠୁ ଅଧିକ ରହିଛନ୍ତି। ଦିଲ୍ଲୀରେ ସଂକ୍ରମଣ ହାର ଗଲା ସପ୍ତାହରେ ଅଚାନକ କମିଥିଲେ ମଧ୍ୟ ଓଡ଼ିଶାରେ ତାହା ହୋଇପାରି ନାହିଁ। ଓଡ଼ିଶା ସରକାର ବଢ଼ୁଥିବା କୋଭିଡ୍ ସଂକ୍ରମଣକୁ ଆଖିରେ ରଖି କୋଭିଡ୍ ଚିକିତ୍ସା କେନ୍ଦ୍ରର ସଂଖ୍ୟା ବୃଦ୍ଧି କରିବା ସହ ଟିକାକରଣ କାର୍ଯ୍ୟକ୍ରମକୁ ବ୍ୟାପକ କରିଛନ୍ତି। ଭୁବନେଶ୍ବର ସମେତ ଅନ୍ୟ ମ୍ୟୁନିସିପାଲ୍ କର୍ପୋରେସନ୍ ଅଞ୍ଚଳରେ ସରକାର ଟିକାକରଣକୁ ଗୁରୁତ୍ବ ଦେଇଛନ୍ତି। ଏହା ସହ ରାଜ୍ୟକୁ କିପରି ଅଧିକ ଟିକା ଆସିପାରିବ ସେଥିଲାଗି ଅନ୍ତର୍ଜାତୀୟ ବଜାରରୁ ଟିକା କିଣିବାକୁ ଗ୍ଲୋବାଲ୍ ଟେଣ୍ଡର ଆହ୍ବାନ କରିବାକୁ ନିଷ୍ପତ୍ତି ନେଇଛନ୍ତି।

କିନ୍ତୁ ଏସବୁ ଯୋଜନା କାର୍ଯ୍ୟକାରୀ ହେବା ପୂର୍ବରୁ କରୋନା ସଂକ୍ରମଣର ଶୃଙ୍ଖଳକୁ ଭଙ୍ଗ କରିବା ନିହାତି ଆବଶ୍ୟକ ହେଉଥିବାରୁ ନିଆଯାଇଛି ୧୪ ଦିନିଆ ଲକ୍ଡାଉନ୍ ପଦକ୍ଷେପ। ଏହି ଲକ୍ଡାଉନ୍ ରେ ଲୋକଙ୍କ ସୁବିଧା ପାଇଁ ସକାଳ ୬ଟାରୁ ଦିନ ୧୨ଟା ଯାଏ କୋହଳ ଦିଆଯାଇଛି। ପନିପରିବା ଓ ଅତ୍ୟାବଶ୍ୟକ ସାମଗ୍ରୀ କିଣିବା ଲାଗି ଏହା ଉଦ୍ଦିଷ୍ଟ ଥିଲେ ମଧ୍ୟ ଯେଉଁ ଭାବରେ ଲୋକେ ସମସ୍ତ ନିୟମକୁ ଫୁ’ କରୁଛନ୍ତି ତାହା ଏବେ ସଂକ୍ରମଣ ସ୍ଥିତିକୁ ତଳକୁ ଖସାଇବାକୁ ଦେଉ ନାହିଁ। ଏହିପରି ପରିସ୍ଥିତିକୁ ଆୟତ୍ତ କରିବା ଲାଗି ଆହୁରି ଶକ୍ତ ପଦକ୍ଷେପ ନେବାକୁ କିଛି ବୁଦ୍ଧିଜୀବୀ ସରକାରଙ୍କୁ ସୋଶାଲ୍ ମିଡିଆରେ ପରାମର୍ଶ ଦେଇଛନ୍ତି। ସେମାନଙ୍କ ଭିତରେ ରହିଛନ୍ତି ବ୍ରହ୍ମପୁର ବିଶ୍ବବିଦ୍ୟାଳୟର ପୂର୍ବତନ କୁଳପତି ପ୍ରଫେସର ଜୟନ୍ତ ମହାପାତ୍ର।

ଓଡ଼ିଶାର ୧୯ ଜିଲ୍ଲାରେ ବର୍ଷା ନେଇ ପାଣିପାଗ ବିଭାଗର ସତର୍କ ସୂଚନା

ଭୁବନେଶ୍ୱର: ରାଜ୍ୟରେ ଘଡଘଡି ସହ ବର୍ଷା ହେବା ନେଇ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି । ଆଗାମୀ ୩ ଘଣ୍ଟା ମଧ୍ୟରେ ରାଜ୍ୟର ୧୯ ଜିଲ୍ଲାରେ ଝଡବର୍ଷା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ।

୧୯ ଜିଲ୍ଲା ଭିତରେ ରହିଛି- ପୁରୀ, ଖୋର୍ଦ୍ଧା (ଭୁବନେଶ୍ୱର), ଯାଜପୁର, କଟକ (କଟକ ସିଟି), ନୟାଗଡ, ଜଗତସିଂହପୁର, ବଲାଙ୍ଗିର, ବରଗଡ଼, ଗଞ୍ଜାମ, କେନ୍ଦ୍ରାପଡା, ଭଦ୍ରକ, କନ୍ଧମାଳ, ଢେଙ୍କାନାଳ ଆଦି ଜିଲ୍ଲା । ଏହି ସବୁ ଜିଲ୍ଲା ଗୁଡିକରେ ମଧ୍ୟମରୁ ପ୍ରବଳ ବର୍ଷା ସହ ପବନ ବୋହିବାର ସମ୍ଭାବନା ରହିଛି । ଏହି ସମୟରେ ପବନର ବେଗ ୪୦ରୁ ୫୦ କିମି.ରହିବା ସହ ବଜ୍ରପାତ ଆଶଙ୍କା ରହିଛି ।

ସେହିପରି ମାଲକାନଗିରି, କୋରାପୁଟ, ରାୟଗଡା, କେନ୍ଦୁଝର, ମୟୁରଭଞ୍ଜ ଓ ସୋନପୁର ଆଦି ଜିଲ୍ଲାରେ ସାମାନ୍ୟରୁ ମଧ୍ୟମ ଧରଣର ବର୍ଷା ସାଙ୍ଗକୁ ଘଡଘଡି ନେଇ ଆଲର୍ଟ ଜାରି କରାଯାଇଛି ।

ତେବେ ପାଣିପାଗକୁ ଦୃଷ୍ଟିରେ ରଖି ତଦନୁଯାୟୀ ସୁରକ୍ଷିତ ସ୍ଥାନରେ ରହିବା ପାଇଁ ଜନସାଧାରଣଙ୍କୁ ପାଣିପାଗ ବିଭାଗ ପକ୍ଷରୁ ପରାମର୍ଶ ଦିଆଯାଇଛି ।

ଅଧିକ ପଢନ୍ତୁ- ରାଜ୍ୟର ଏହିସବୁ ଜିଳ୍ଲାରେ ଝଡ଼ବର୍ଷା ଆଶଙ୍କା

 

ପିଲାଙ୍କ ପାଇଁ କୋଭାକ୍ସିନ ପରୀକ୍ଷଣକୁ ମିଳିଲା ଅନୁମତି, ଜାଣନ୍ତୁ କେମିତି ହେବ ଟ୍ରାଏଲ

ନୂଆଦିଲ୍ଲୀ: ଡ୍ରଗ୍ କଣ୍ଟ୍ରୋଲର ଜେନରାଲ ଅଫ୍ ଇଣ୍ଡିଆ (DCGI) ଦୁଇ ବର୍ଷରୁ ୧୮ ବର୍ଷ ବୟସ୍କ ବର୍ଗ ପାଇଁ କୋଭାକ୍ସିନ୍ ଟିକାର ପରୀକ୍ଷଣକୁ ଅନୁମତି ଦେଇଛି । ଟିକା ଟ୍ରାଏଲ ପାଇଁ ଭାରତ ବାୟୋଟେକର ପ୍ରସ୍ତାବ ଉପରେ ଏକ୍ସପର୍ଟ କମିଟି ମଙ୍ଗଳବାର ଦିନ ଟ୍ରାଏଲ ପାଇଁ ସୁପାରିସ କରିଥିଲା । କଂପାନୀ ୫୨୫ ଜଣ ସ୍ୱେଛାସେବୀଙ୍କଠାରେ ନିଜ ଟିକାର ଫେଜ୍ ୨ ଓ ୩ ପରୀକ୍ଷଣ କରିବ ।
ମିଳୁଥିବା ସୂଚନା ଅନୁସାରେ ଏହି ଟ୍ରାଏଲ ଦିଲ୍ଲୀ ଓ ପାଟନା ସ୍ଥିତ ଏମସ ସହିତ ଅନ୍ୟକିଛି ମେଡିକାଲ ସଂସ୍ଥାନରେ ଚାଲିବ । କେନ୍ଦ୍ର ସରକାର କୋଭାକ୍ସିନକୁ ଚଳିତ ବର୍ଷ ଜାନୁଆରୀରେ ବୟସ୍କଙ୍କ ପାଇଁ ଜରୁରୀକାଳିନ ବ୍ୟବହାର ନିମନ୍ତେ ଅନୁମତି ଦେଇଥିଲେ । କୋଭାକ୍ସିନ୍ ସମ୍ପୂର୍ଣ୍ଣ ସ୍ୱେଦେଶୀ ଟିକା ଅଟେ ।

ପିଲାଙ୍କ ଉପରେ କେମିତି ହେବ ଟ୍ରାଏଲ ?
DCGI ଯେଉଁ ଟ୍ରାଏଲକୁ ଅନୁମତି ଦେଇଛି ତାହା ଅନୁସାରେ ପରୀକ୍ଷଣରେ ୫୧୫ ଜଣ ଭାଗ ନେବେ । ଯେଉଁମାନଙ୍କ ବୟସ ୨ରୁ ୧୮ ମଧ୍ୟରେ ରହିବ । ଇଂଜକ୍ସନ ଜରିଆରେ ଏହି ଭ୍ୟାକ୍ସିନର ଦୁଇ ଡୋଜ୍ ଦିଆଯିବ । ପ୍ରଥମ ଡୋଜର ୨୮ ଦିନ ପରେ ଦ୍ୱିତୀୟ ଡୋଜ୍ ଦିଆଯିବ । ସ୍ୱେଛାସେବୀ ମିଳିବା ପରେ କମ୍ପାନୀ ଆସନ୍ତା ସପ୍ତାହରୁ ଟ୍ରାଏଲ ଆରମ୍ଭ କଲେ ଜୁଲାଇ ସୁଧା ଟ୍ରାଏଲ ଶେଷ ହେବାର ସମ୍ଭାବନା ରହିଛି । ଏହା ପରେ ଟ୍ରାଏଲରୁ ମିଳିଥିବା ଡାଟାକୁ ରେଗୁଲେଟରଙ୍କ ସାମ୍ନାରେ ରଖାଯିବ ।ସବୁକିଛି ଯଦି ଆଶା ମୁତାବିକ ହୁଏ ତେବେ ଅଗଷ୍ଟ ଓ ସେପ୍ଟେମ୍ବର ମାସରେ ଭ୍ୟାକ୍ସିନକୁ ଜରୁରୀକାଳିନ ବ୍ୟବହାର ପାଇଁ ଅନୁମତି ଦିଆଯିବ । ସୂଚନାଯୋଗ୍ୟ ଯେ, ବୟସ୍କଙ୍କ ପାଇଁ ଭ୍ୟାକ୍ସିନକୁ ଅନୁମତି ଦିଆଯିବା ବେଳେ ଅନ୍ତିମ ଫଳାଫଳକୁ ଅପେକ୍ଷା କରାଯାଇ ନଥିଲା ।

କୋଭାକ୍ସିନ୍ ବାଜି ମାରିଛି-
ବୟସ୍କଙ୍କ ପାଇଁ ତିଆରି ହୋଇଥିବା ସ୍ୱେଦେଶୀ ଟିକା କୋଭାକ୍ସିନ୍ କୋଭିସିଲ୍ଡଠାରୁ ମଧ୍ୟ ପ୍ରଭାବୀ ବୋଲି କୁହାଯାଉଛି । ଏହା କରୋନା ସଂକ୍ରମଣ ବିରୋଧରେ ୭୮ ପ୍ରତିଶତ ପ୍ରଭାବି । କୋଭାକ୍ସିନ୍ ସାରସ ପରିବାରର ବାକି ପୁରୁଣା ଭୂତାଣୁଙ୍କ ସହ ମ୍ୟୁଟେଡ୍ ଷ୍ଟ୍ରେନ୍ସ ବିରୋଧରେ ମଧ୍ୟ ପ୍ରଭାବି । ଭାରତ ବାୟୋଟେକ୍ ଓ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ ରିସର୍ଚ୍ଚ ମିଳିତ ଉଦ୍ୟମରେ ତିଆରି କରିଥିବା ଏହି ଭ୍ୟାକ୍ସିନର ଦୁଇ ଡୋଜ୍ ମଧ୍ୟରେ ୪ରୁ ୬ ସପ୍ତାହର ବ୍ୟବଧାନ ରହୁଛି ।

କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ୧୨ରୁ ୧୬ ସପ୍ତାହ ବ୍ୟବଧାନ ପାଇଁ NTAGIର ସୁପାରିସ

ନୂଆଦିଲ୍ଲୀ: ଦେଶରେ କୋଭିସିଲ୍ଡ ଟିକାର ଅଭାବ ଭିତରେ ଏହି ଟିକାର ଦୁଇ ଡୋଜ ମଧ୍ୟରେ ୧୨ରୁ ୧୬ ସପ୍ତାହ ବ୍ୟବଧାନ ପାଇଁ ସୁପାରିସ କରିଛି NTAGI(ରାଷ୍ଟ୍ରୀୟ ପ୍ରଯୁକ୍ତି ପରାମର୍ଶଦାତ୍ତା ଗ୍ରୁପ୍) । ଏହା ସହିତ କରୋନା ପଜିଟିଭ ହୋଇଥିବା ବ୍ୟକ୍ତିଙ୍କୁ ଠିକ୍ ହେବାର ୬ ମାସ ପରେ ଟିକା ଦେବା ପାଇଁ ମଧ୍ୟ NTAGI ପରାମର୍ଶ ଦେଇଛି ।

NTAGI ୧୨ରୁ ୧୬ ସପ୍ତାହ ବ୍ୟବଧାନ ସହିତ ଅନ୍ୟକିଛି ସୁପାରିସ କରିଛନ୍ତି । ଯେମିତି ଗର୍ଭବତୀ ମହିଳାଙ୍କୁ ଟିକା ଚୟନର ସୁବିଧା ଅର୍ଥାତ ସେମାନଙ୍କୁ କୋଭାକ୍ସିନ୍ କିମ୍ବା କୋଭିସିଲ୍ଡ ମଧ୍ୟରୁ ଗୋଟିଏ ବାଛିବା ସୁବିଧା ଦେବା ପାଇଁ ପରାମର୍ଶ ଦେଇଛି । ସେହିଭଳି ପ୍ରସବ ପରେ ମହିଳା ଯେକୌଣସି ସମୟରେ ଟିକା ନେଇ ପାରିବେ । ସଂକ୍ରମିତ ସମ୍ପୂର୍ଣ୍ଣ ଠିକ୍ ହେବାର ୬ ମାସ ପରେ ଟିକା ନେଇପାରିବେ ବୋଲି NTAGI କହିଛି । ୬ ମାସ ଭିତରେ ସେମାନେ ଟିକ ନନିଅନ୍ତୁ ବୋଲି ଏହା ସୁପାରିସ କରିଛି । ପୂର୍ବରୁ ସଂକ୍ରମିତ ଭଲ ହେବାର ୩ ମାସ ପରେ ଟିକା ନେଇ ପାରିବେ ବୋଲି ଡାକ୍ତର କହୁଥିଲେ । ସୂଚନାଯୋଗ୍ୟ ଯେ, ସିଡିସି ୟୁଏସ ନିଜ ଦେଶର ସଂକ୍ରମିତଙ୍କୁ ଭଲ ହେବାର ୯୦ ଦିନ ପରେ ଟିକା ନେବାକୁ କହୁଛି । ଆମେରିକାରେ ଏପର୍ଯ୍ୟନ୍ତ ଏହି ନିୟମରେ କୌଣସି ପରିବର୍ତ୍ତନ ହୋଇ ନାହିଁ ।

Again Odisha Writes Centre To Provide 25 Lakhs Covid Vaccine

କୋଭିସିଲଡର ଦୁଇ ଡୋଜ୍ ମଧ୍ୟରେ ୧୨ରୁ ୧୬ ସପ୍ତାହ ବ୍ୟବଧାନ
NTAGI କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ୧୨ରୁ ୧୬ ସପ୍ତାହ ବ୍ୟବଧାନ ପାଇଁ ସୁପାରିସ କରିଛି । ଏହା ଅନୁସାରେ କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ଅଧିକ ବ୍ୟବଧାନ ରହିଲେ ମୃତ୍ୟୁହାର କମିବ । ସୂଚନାଯୋଗ୍ୟ ଯେ ,କାନାଡା ଭଳି ଦେଶରେ କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ୧୨ରୁ ୧୬ ସପ୍ତାହ । ଭାରତରେ କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ୪ରୁ ୮ ସପ୍ତାହ ରହିଛି । ତେବେ NTAGI କୋଭାକ୍ସିନର ଦୁଇ ଡୋଜ୍ ମଧ୍ୟରେ ବ୍ୟବଧାନ କମ କରିବାକୁ କୌଣସି ସୁପାରିସ କରିନାହିଁ ।

କୋଭିସିଲ୍ଡର ଦ୍ୱିତୀୟ ଡୋଜ୍ ବିଳମ୍ବ ହେଲେ ମୃତ୍ୟୁହାର କମିବ
ଏକ ଗବେଷଣା ଅନୁସାରେ କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ଅଧିକ ହେଲେ ମୃତ୍ୟୁହାର କମିବ । ତେବେ ଏହା ୬୫ ବର୍ଷରୁ କମ ବୟସ୍କଙ୍କ କ୍ଷେତ୍ରରେ ପ୍ରଜୁଜ୍ୟ । ଅବଶ୍ୟ ଏହା ମଧ୍ୟ କୁହାଯାଉଛି ଏହା କେବଳ ଏକ ଅନୁମାନ ମାତ୍ର ।