spot_img
Home Blog Page 5836

ଆହାର କେନ୍ଦ୍ରରେ ପଲିଥିନ ମନା, ଜାଣନ୍ତୁ କେମିତି ନେବେ ପାର୍ସଲ…

ଭୁବନେଶ୍ୱର: ଲକଡାଉନରେ ଖୋଲା ରହିବ ଆହାର କେନ୍ଦ୍ର । ଖାଇ ହେବନି, କିନ୍ତୁ ପାର୍ସଲ ନେଇ ପାରିବେ । ତେବେ ରାଜ୍ୟରେ ସିଙ୍ଗଲ୍ ୟୁଜ ପ୍ଲାଷ୍ଟିକ୍ ଏବଂ ପଲିଥିନ୍ ବ୍ୟାନ କରାଯାଇଥିବାରୁ କୌଣସି ଆହାର କେନ୍ଦ୍ରରେ ଏଥିରେ ଖାଦ୍ୟ ଦିଆଯିବ ନାହିଁ । ଏନେଇ ଜିଲ୍ଲା ଆଧାର ସୋସାଇଟିକୁ ଓଏସଡି ଆହାର ଚିଠି ଲେଖି ଜଣାଇଛନ୍ତି ।

ରାଜ୍ୟରେ ମେ ୫ରୁ ୧୯ ଯାଏ ଲକଡାଉନ୍ ଲାଗୁ ହେବ । ଏହି ସମୟରେ ଆହାର କେନ୍ଦ୍ର ଖୋଲା ରହିବ । ସାମାଜିକ ଦୂରତା ରକ୍ଷା କରି ଆହାର କେନ୍ଦ୍ର ଗୁଡ଼ିକରେ ଖାଦ୍ୟ ପାର୍ସଲ୍ ଦେବାକୁ କୁହାଯାଇଛି । ପଲିଥିନ ନିଷିଦ୍ଧ ଥିବାରୁ ଖାଦ୍ୟ ନେବାକୁ ଆସୁଥିବା ବ୍ୟକ୍ତିଙ୍କୁ ନିଜର ଟିଫିନ୍ କ୍ୟାରିଅର ଆଣିବାକୁ ପଡ଼ିବ । ନଚେତ୍ ଖାଦ୍ୟ ମିଳିବ ନାହିଁ । ଏଥିସହ ଲକଡାଉନକୁ ଦୃଷ୍ଟିରେ ରଖି ଆହାର କେନ୍ଦ୍ରରେ ମିଲ୍ ସଂଖ୍ୟା ହ୍ରାସ୍ କରାଯାଇଛି ।

ଲକଡାଉନରେ ବାଇକରେ ଯାଇପାରିବେନି ୨ଜଣ

ଭୁବନେଶ୍ୱର: କରୋନା ଚେନରେ ବ୍ରେକ୍ ଲଗାଇବା ପାଇଁ ଆସନ୍ତାକାଲିଠୁ ଆରମ୍ଭ ହେଉଛି ରାଜ୍ୟବ୍ୟାୀ ୧୪ ଦିନିଆ ଲକଡାଉନ୍। ଏହି ସମୟରେ ଅଟୋ, ବସ୍ ଟ୍ୟାକ୍ସି ଓ ରିକ୍ସା ଚଳାଚଳ ସମ୍ପୂର୍ଣ୍ଣ ବନ୍ଦ ରହିବ। ସମସ୍ତ ଗାଡ଼ି ଚଳାଚଳ ବନ୍ଦ ରହିବ। ତେବେ ଯଦି ଆପଣ ରେଳ ଷ୍ଟେସନ, ମେଡିକାଲ ଯିବା ପାଇଁ ନିଜର କିମ୍ବା ଭଡ଼ା ଗାଡ଼ିରେ ଯାଉଛନ୍ତି ତେବେ ସେଥିପାଇଁ ମଧ୍ୟ କିଛି ନିୟମ ଜାରି କରିଛନ୍ତି ରାଜ୍ୟ ସରକାର।

ବାଇକରେ କେବଳ ଜଣେ ଯାଇପାରିବେ। ସେହିଭଳି ଅଟୋ, କାର୍, ଟ୍ୟାକ୍ସି, ଭଡ଼ା କ୍ୟାବରେ ଯାଉଥିଲେ, ଡ୍ରାଇଭରଙ୍କ ସହ ପଛ ସିଟରେ ମାତ୍ର ୨ ଜଣ ଯାତ୍ରା କରିପାରିବେ।  ତେବେ ଏମାନଙ୍କୁ କେବଳ କୋଭିଡ ପରୀକ୍ଷା କେନ୍ଦ୍ର, ଡାକ୍ତରଖାନା, ଏୟାରପୋର୍ଟ, ରେଳ ଷ୍ଟେସନ, ବାହାଘର ଓ ଶୁଦ୍ଧ କ୍ରିୟାରେ ଯିବାକୁ ଅନୁମତି ମିଳିବ।

ପିକଅପ୍ ଭ୍ୟାନ୍ ସହ ୭୦ ପ୍ୟାକେଟ୍ ଆଳୁ ଜବତ

ଖୋର୍ଦ୍ଧା: ଲକଡାଉନ୍ ଭୟରେ ବଜାରରେ ଭିଡ଼ । ଫାଇଦା ନେଉଛନ୍ତି ଅସାଧୁ ବ୍ୟବସାୟୀ । ବଜାରରେ ପରିବା ପାଇଁ ଲୋକଙ୍କ ଭିଡ଼ ଦେଖି ପନିପରିବାର ଦର ବଢ଼ିଛି । ଅନ୍ୟପଟେ କିଛି ଅସାଧୁ ବ୍ୟବସାୟୀ ବଜାରରେ କୃତ୍ରିମ ଅଭାବ ସୃଷ୍ଟି କରୁଛନ୍ତି । ଆଳୁ, ପିଆଜ ଭଳି ପରିବାକୁ ବେଆଇନ୍ ଭାବେ ଗଚ୍ଛିତ ରଖି କଳାବଜାରୀ କରିବାକୁ ଚେଷ୍ଟା କରୁଛନ୍ତି ।

ଖୋର୍ଦ୍ଧା ଯୋଗାଣ ବିଭାଗ ପକ୍ଷରୁ ସହରରେ ବିଭିନ୍ନ ଦୋକାନରେ ଚଢ଼ାଉ  ବେଳେ ଏକ ଆଳୁ ବୋଝେଇ ମିନି ଟ୍ରକ ଯୋଗେ ଧରାପଡ଼ିଛି । ଆଳୁ ବୋଝେଇ ଗାଡ଼ିଟି ଦ୍ରୁତଗତିରେ ପଳାଉଥିଲା । ଯୋଗାଣ ବିଭାଗ ପକ୍ଷରୁ ଗାଡ଼ିଟିକୁ ଅଟକାଇ କାଗଜ ପତ୍ର, ବିଲ୍ ଯାଞ୍ଚ କରାଯାଇଥିଲା । ଗାଡ଼ିରେ ପ୍ରାୟ ୭୦ ପ୍ୟାକେଟ ଆଳୁ ଥିବାବେଳେ କୌଣିସ ବିଲ୍ ନଥିଲା । ଫଳରେ ୭୦ ପ୍ୟାକେଟ ଆଳୁ, ସହ ଟ୍ରକ ଜବତ କରି ବିଭାଗ ତଦନ୍ତ ଚଳାଇଛି ।

ଦୀପିକାଙ୍କ ପୂରା ପରିବାରକୁ କରୋନା, ଡାକ୍ତରଖାନାରେ ଭର୍ତ୍ତି ହେଲେ ପିତା ପ୍ରକାଶ ପାଦୁକୋନ

ମୁମ୍ବାଇ: କରୋନା ଭାଇରସର ଦ୍ୱିତୀୟ ଲହର ଭାରତରେ ନିଜର କରାଳ ରୂପ ଦେଖାଉଛି। ପ୍ରତ୍ୟେକ ଦିନ ଲକ୍ଷୀଧିକ ଲୋକ ସଂକ୍ରମିତ ହେବା ସହ ହଜାର ହଜାରଲୋକଙ୍କ ମୃତ୍ୟୁ ହେଉଛି। ଏହାର ପ୍ରଭାବ ବଲିଉଡରେ ବି ପଡ଼ିଛି। ଅନେକ ବଲିଉଡ ସେଲେବ୍ରିଟି ସଂକ୍ରମିତ ହୋଇଛନ୍ତି । ତେବେ ବର୍ତ୍ତମାନ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ପଜିଟିଭ ଚିହ୍ନଟ ହୋଇଛନ୍ତି।

 

View this post on Instagram

 

A post shared by Deepika Padukone (@deepikapadukone)

କିଛିଦିନ ପୂର୍ବରୁ ତାଙ୍କ ପିତା ପୂର୍ବତନ ବ୍ୟଡମିଣ୍ଟନ ଚାମ୍ପିୟନ ପ୍ରକାଶ ପାଦୁକୋନ ମଧ୍ୟ ପଜିଟିଭ ଚିହ୍ନ ହୋଇଥିଲେ । ନିକଟରେ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ବର୍ତ୍ତମାନ ଦୀପିକା ମଧ୍ୟ ପଜିଟିଭ ଚିହ୍ନଟ ହୋଇଛନ୍ତି। ତେବେ ସୂଚନା ମୁତାବକ ପ୍ରକାଶ ପାଦୁକୋନ ବେଙ୍ଗାଲୁରୁର ଏକ ଘରୋଇ ଡାକ୍ତର ଖାନାରେ ଚିକିତ୍ସିତ ହେଉଛନ୍ତି। ବର୍ତ୍ତମାନ ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ତେବେ ୨-୩ ଦିନ ଭିତରେ ସେ ଡାକ୍ତରଖାନାରୁ ଡିସଚାର୍ଯ ହୋଇପାରନ୍ତି।

ତେବେ କବଳ ଏହି ଦୁହେଁ ନୁହଁ ଦୀପିକାଙ୍କ ମାଆ ଓ ଭଉଣୀ ମଧ୍ୟ କରୋନା ପଜିଟିଭ ଚିହ୍ନଟ ହୋଇଛନ୍ତି। ବର୍ତ୍ତମାନ ଦୀପିକା ନିଜ ପରିବାର ସହ ବେଙ୍ଗାଲୁରୁରେ ଅଛନ୍ତି । ଫ୍ୟାନମାନେ ଦୀପିକା ଓ ତାଙ୍କ ପରିବାରର ଆଶୁଆରୋଗ୍ୟ କାମନା କରିଛନ୍ତି। ଦୀପିକାଙ୍କ ପୂର୍ବରୁ ଆଲିଆ ଭଟ୍ଟ, ଭୁମି ପେଡନେକର, ବିକି କୌଶଲ, କ୍ୟାଟ୍ରିନା କୈଫ, ଅକ୍ଷୟ କୁମାର ଏବଂ ସୋନୁ ସୁଦଙ୍କ ଭଳି ତାରକା କରୋନା ସଂକ୍ରମିତ ହୋଇଛନ୍ତି।

ତେଲଙ୍ଗାନା ଓ ଆନ୍ଧ୍ରପ୍ରଦେଶରୁ ଓଡ଼ିଶା ଆସିଲେ ୧୪ ଦିନିଆ କ୍ୱାରେଣ୍ଟାଇନ୍

ଭୁବନେଶ୍ୱର: ପଡ଼ୋଶୀ ତେଲଙ୍ଗାନା ଓ ଆନ୍ଧ୍ରପ୍ରଦେଶରେ କରୋନା ଭୂତାଣୁର ନୂଆ ରୂପ ସାମ୍ନାକୁ ଆସିଛି । କରୋନାର ଭିରୁଲେଣ୍ଟ ଭାରିଆଣ୍ଟ ତେଲଙ୍ଗାନା ଓ ଆନ୍ଧ୍ରପ୍ରଦେଶରେ ଚିହ୍ନଟ ପରେ ସତର୍କ ହୋଇଛି ଓଡ଼ିଶା । ରାଜ୍ୟରେ ନୂଆ ଭୂତାଣୁର ପ୍ରବେଶ ରୋକିବାକୁ ଏସଆରସି କଟକଣା ଜାରି କରିଛନ୍ତି । ସୀମାବର୍ତ୍ତୀ ଜିଲ୍ଲା ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ, ମାଲକାନଗିରି ଏବଂ ନବରଙ୍ଗପୁର ଜିଲ୍ଲାପାଳଙ୍କୁ ନିର୍ଦ୍ଦେଶନାମା ଜାରି କରିଛନ୍ତି ଏସଆରସି ।

ତେଲଙ୍ଗାନା ଓ ଆନ୍ଧ୍ରପ୍ରଦେଶକୁ ଲାଗି ରହିଥିବା ୬ ଜିଲ୍ଲାର ସୀମାରେ ବର୍ଡର ଚେକ୍ ପୋଷ୍ଟ କରିବାକୁ ଜିଲ୍ଲାପାଳମାନଙ୍କୁ କୁହାଯାଇଛି । ଏଥିସହ ଉଭୟ ରାଜ୍ୟରୁ ଓଡ଼ିଶା ଆସୁଥିବା ସମସ୍ତଙ୍କ ଉପରେ ନଜର ରଖାଯିବ । ଯିଏ କେହି ବି ତେଲଙ୍ଗାନା କିମ୍ବା ଆନ୍ଧ୍ରପ୍ରଦେଶରୁ ଆସିବେ, ସେମାନଙ୍କୁ କ୍ୱାରେଣ୍ଟାଇନରେ ରଖାଯିବ । ୧୪ ଦିନ ଲାଗି ବାଧ୍ୟତାମୂଳକ ଗୋଷ୍ଠୀ ସଂଗରୋଧରେ ରଖିବା ନେଇ ଏସଆରସି ନିର୍ଦ୍ଦେଶ ଦେଇଛନ୍ତି ।

ଅନ୍ୟ ରାଜ୍ୟରୁ ତେଲଙ୍ଗାନା ଓ ଆନ୍ଧ୍ରପ୍ରଦେଶ ଦେଇ ଓଡ଼ିଶାକୁ ଆସି ହେବ । ୨ ରାଜ୍ୟରୁ ଆସୁଥିବା ସମସ୍ତ ଯାତ୍ରୀ ୧୪ ଦିନିଆ କ୍ୱାରେଣ୍ଟାଇନରେ ରହିବ । ଯାତ୍ରାର ୪୮ ଘଣ୍ଟା ପୂର୍ବର ଆରଟି-ପିସିଆର୍ କୋଭିଡ୍ ନେଗେଟିଭ୍ ସାର୍ଟିଫିକେଟ୍ କିମ୍ବା ୨ଟି ଡୋଜ୍ ଟିକା ନେଇଥିବା ପ୍ରମାଣପତ୍ର ଥିଲେ ୭ ଦିନ ଲାଗି ହୋମ୍ ଆଇସୋଲେସନରେ ରହିବାକୁ ଅନୁମତି ମିଳିବ । ହୋମ୍ କ୍ୱାରେଣ୍ଟାଇନରେ ରହିବା ବେଳେ ନିୟମ ନମାନିଲେ ତାଙ୍କୁ ଗୋଷ୍ଠୀ ସଂଗରୋଧ କେନ୍ଦ୍ରରେ ୭ ଦିନ ରଖାଯିବ ।

ଭ୍ୟାକ୍ସିନ୍ ଅଭାବ, ବୁଧବାର ୧୫ ଜିଲ୍ଲାରେ ଦିଆଯିବ ନାହିଁ କୋଭିଡ୍ ଟିକା

ଭୁବନେଶ୍ୱର: ଦେଶରେ ତୃତୀୟ ପର୍ଯ୍ୟାୟ କୋଭିଡ୍ ଟିକାକରଣ ଆରମ୍ଭ ହୋଇ ସାରିଥିବା ବେଳେ ଭ୍ୟାକ୍ସିନ୍ ଅଭାବ ଟଳୁନିଷ । ଆସନ୍ତାକାଲି ରାଜ୍ୟରେ ୧୪ ଦିନିଆ ଲକଡାଉନ୍ ଆରମ୍ଭ ହେବ । ଲକଡାଉନ୍ ସମୟରେ କୋଭିଡ୍ ଟିକାକରଣ ଜାରି ରହିବ । ହେଲେ ରାଜ୍ୟକୁ କେନ୍ଦ୍ର ପର୍ଯ୍ୟାପ୍ତ ପରିମାଣର କୋଭିଡ୍ ଟିକା ଦେଉନାହିଁ । ଫଳରେ ବୁଧବାର ରାଜ୍ୟର ୧୫ଟି ଜିଲ୍ଲାର କୌଣସି ସ୍ଥାନରେ କୋଭିଡ୍ ଟିକା ଦିଆଯିବ ନାହିଁ ।

Vaccine Shortage, No Vaccination Planned In 15 District Of Odisha Tomorrow

ଅନୁଗୁଳ, ବାଲେଶ୍ୱର, ବରଗଡ଼, ବୌଦ୍ଧ, କଟକ, ଦେବଗଡ଼, ଗଞ୍ଜାମ, ଜଗତସିଂପୁର, କନ୍ଧମାଳ, କେନ୍ଦୁଝର, କୋରାପୁଟ, ନବରଙ୍ଗପୁର, ରାୟଗଡ଼ା, ସମ୍ବଲପୁର ଓ ସୋନପୁର ଜିଲ୍ଲାର କୌଣସି ବି ଟିକାକରଣ କେନ୍ଦ୍ରରେ ଭ୍ୟାକ୍ସିନ୍ ଦିଆଯିବ ନାହିଁ । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି ।

ରାଜ୍ୟରେ ଆଜି ମୋଟ ୧୧୯ଟି କେନ୍ଦ୍ରରେ ୨୫ ହଜାର ୨୧୧ ଜଣଙ୍କୁ ଟିକା ଦିଆଯାଇଛି । ଏଯାବତ୍ ରାଜ୍ୟରେ ୫୯ ଲକ୍ଷ ୨୯ ହଜାର ୫୨୫ ଡୋଜ୍ ଟିକା ଦିଆଯାଇ ସାରିଲାଣି । ଏବେ ରାଜ୍ୟ ପାଖରେ କେନ୍ଦ୍ର କୋଟାରେ ୧ ଲକ୍ଷ ୯ ହଜାର ୫୭୦ ଡୋଜ୍ କୋଭିସିଲ୍ଡ ରହିଥିବା ବେଳେ ୩ ଲକ୍ଷ ୯ ହଜାର ୫୦ ଡୋଜ୍ କୋଭାକ୍ସିନ୍ ରହିଛି । ସେହିଭଳି ରାଜ୍ୟ କିଣିଥିବା କୋଭାକ୍ସିନ୍ ମଧ୍ୟରୁ ୧ ଲକ୍ଷ ୩୫ ହଜାର ୮୪୦ ଡୋଜ୍ ଥିବା ଜଣାପଡ଼ିଛି ।

କରୋନାର ନୂଆ AP ଷ୍ଟ୍ରେନ୍ ଚିହ୍ନଟ, ୧୫ ଗୁଣା ଅଧିକ ମାରାତ୍ମକ

ଭାରତରେ କରୋନା ସଂକ୍ରମଣ ପ୍ରତିଦିନ ଏକ ନୂଆ ରେକର୍ଡ଼ କରୁଛି। ଅକ୍ସିଜେନ ଅଭାବରୁ ପ୍ରତ୍ୟେକ ଦିନ ହଜାର ହଜାର ଲୋକଙ୍କ ମୃତ୍ୟୁ ହେଉଛି । ତେବେ ଏହାରି ଭିତରେ ଭାରତରେ କରୋନା ଭାଇରସର ଆଉ ଏକ ନୂଆ ଭ୍ୟାରିୟାଣ୍ଟ ଚିହ୍ନଟ ହୋଇଛି। ଯାହାର ନାଁ ହେଉଛି AP ଷ୍ଟ୍ରେନ୍। ଏହା ଆନ୍ଧ୍ରପ୍ରଦେଶରେ ଚିହ୍ନଟ ହୋଇଛି। ବୈ଼ଜ୍ଞାନିକ ବା ମେଡିକାଲ୍ ଭାଷାରେ ଏହାକୁ N440K ଭ୍ୟାରିୟାଣ୍ଟ କୁହାଯାଉଛି। ଏହାକୁ ସେଣ୍ଟର ଫର୍ ସେଲ୍ୟୁଲର ଆଣ୍ଡ ମଲିକ୍ୟୁଲର ବାୟୋଲୋଜିର ବୈଜ୍ଞାନିକମାନେ ଚିହ୍ନଟ କରିଛନ୍ତି।

କୁହାଯାଉଛି ଯେ ଏହି ଭ୍ୟାରିୟାଣ୍ଟ ବର୍ତ୍ତମାନର ଭ୍ୟାରିୟାଣ୍ଟଠୁ ୧୫ ଗୁଣା ଅଧିକ ମାରାତ୍ମକ। ଏହି ଭ୍ୟାରିୟାଣ୍ଟ ସଂକ୍ରମଣ ହେଲେ ରୋଗୀ ୩ ରୁ ୪ ଦିନ ମଧ୍ୟରେ ଅସୁସ୍ଥ ହୋଇପଡ଼ୁଛନ୍ତି। ଏହି ଭ୍ୟାରିୟାଣ୍ଟ B1.617 ଓ B1.618 ଭ୍ୟାରିୟାଣ୍ଟଠୁ ବି ଅଧିକ କ୍ଷତିକାରକ। ଏହି ଏପି ଷ୍ଟ୍ରେନ୍ ବହୁତ ଶୀଘ୍ର ବିସ୍ତାର ହେଉଛି ଏବଂ ଅଧିକ ଲୋକଙ୍କୁ ସଂକ୍ରମିତ କରୁଛି ।  ଏହି ଷ୍ଟ୍ରେନ୍‌ରେ ସଂକ୍ରମିତ ଲୋକମାନଙ୍କ ସ୍ୱାସ୍ଥ୍ୟାବସ୍ଥା ୩ ରୁ ୪ ଦିନ ମଧ୍ୟରେ ବହୁତ ଗମ୍ଭୀର ହୋଇଯାଉଛି ।

ବର୍ତ୍ତମାନ କୋରନା ଭାଇରସର ପ୍ରଭାବ ମହାରାଷ୍ଟ୍ରରେ ସବୁଠୁ ଅଧିକ ଦେଖିବାକୁ ମିଳୁଛି। ଏଠି B.1.617 ଭ୍ୟାରିୟଣ୍ଟ ଅଧି୍କ ଦେଖିବାକୁ ମିଳୁଛି। ହେଲେ ଏବେ ଏଠାରେ ବି AP ଷ୍ଟ୍ରେନ୍ ବା N440K ଭ୍ୟାରିୟାଣ୍ଟ ଦେଖିବାକୁ ମିଳିଲାଣି। ବର୍ତ୍ତମାନ ମହାରାଷ୍ଟ୍ରର ଲୋକମାନେ ପାଖାପାଖି ୬ଟି ଷ୍ଟ୍ରେନରେ ପିଡ଼ୀତ ଅଛନ୍ତି। ଏହି ନୂଆ ଷ୍ଟ୍ରେନ୍ ଯୋଗୁ ଗତ କିଛି ଦିନ ମଧ୍ୟରେ ମହାରାଷ୍ଟ୍ର, ୟୁପି, ଆନ୍ଧ୍ରପ୍ରଦେଶ, କର୍ଣ୍ଣାଟକା ଓ କେରଳରେ କୋରନା ସଂକ୍ରମଣ ଅଧିକ ବଢ଼ିଯାଇଛି।

 

କୋଭିଡ୍ ଟିକା ନେଲେ ମିଳିବ ମାଗଣା ବିୟର୍

ୱାଶିଂଟନ୍: ବିଶ୍ୱ ମହାମାରୀ କରୋନା ସହ ଯୁଝୁଛି । କରୋନାରୁ ରକ୍ଷା ପାଇବା ପାଇଁ ଟିକାକରଣ ଚାଲିଛି । ଆମେରିକା ତାର ପ୍ରତିଟି ନାଗରିକଙ୍କୁ ଟିକା ଦେବା ପାଇଁ ପ୍ରୟାସ କରୁଛି । ଏହାରି ଭିତରେ ଲୋକଙ୍କୁ ବିଶେଷକରି ଯୁବବର୍ଗଙ୍କୁ କୋଭିଡ୍ ଟିକା ନେବା ପାଇଁ ଆକୃଷ୍ଟ ପାଇଁ ଆମେରିକାର ନ୍ୟୁ ଜର୍ସି ରାଜ୍ୟର ରାଜ୍ୟପାଳ ଅଜବ ଘୋଷଣା କରିଛନ୍ତି ।

ଯେଉଁମାନେ ମେ’ ମାସରେ କୋଭିଡ୍ ଟିକାର ପ୍ରଥମ ଡୋଜ୍ ନେବେ, ସରକାର ତାଙ୍କୁ ମାଗଣାରେ ବିୟର ଦେବେ ବୋଲି ଘୋଷଣା କରିଛନ୍ତି । ତେବେ, ୨୧ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ କେବଳ ଏହି ସୁବିଧା ମିଳିବ । ଚାହିଦାକୁ ରଖି ସରକାର ୧୩ ପ୍ରକାର ବିୟର୍ ଅଫର ଦେଇଛନ୍ତି । ମେରେ ପ୍ରଥମ ଡୋଜ୍ ଟିକା ନେବା ପରେ ଯୁବକ ନିଇ ମନ ପସନ୍ଦ କମ୍ପାନୀର ବିୟର ବାଛି ପାରିବେ ।

ଏଯାବତ୍ ଆମେରିକା ଜନସଂଖ୍ୟାର ୨୯ ପ୍ରତିଶତ ଟିକା ନେଇ ସାରିଛନ୍ତି । ଆଉ ଅନେକ ଟିକା ନେବାକୁ ଇଚ୍ଛା ପ୍ରକାଶ କରୁନାହାଁନ୍ତି । ୫ ଜଣରୁ ଜଣେ ଆମେରିକୀୟ ଟିକା ନେବାକୁ ମନା କରୁଛନ୍ତି । ଏସବୁକୁ ଦେଖି ସରକାର ଟିକା ନେଲେ ଯୁବଗୋଷ୍ଠୀଙ୍କୁ ଆକୃଷ୍ଟ ପାଇଁ ବିୟର୍ ଦେବେ ବୋଲି କହିଛନ୍ତି ।

ମନୋଜ ଦାସଙ୍କ ସ୍ମୃତିରେ ଦିଆଯିବ ଆନ୍ତର୍ଜାତୀୟ ପୁରସ୍କାର ଓ ପ୍ରତିଷ୍ଠା ହେବ ଲାଇବ୍ରେରୀ

ଭୁବନେଶ୍ୱର: ଯଶସ୍ବୀ ସାରସ୍ବତ ସାଧକ ସ୍ବର୍ଗତ ମନୋଜ ଦାସଙ୍କୁ ସମ୍ମାନ । ତାଙ୍କ ସ୍ମୃତିରେ ‘ମନୋଜ ଦାସ ଆନ୍ତର୍ଜାତୀୟ ସାହିତ୍ୟ ପୁରସ୍କାର’ ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । ଇଂରାଜୀ ଭାଷାରେ ସୃଜନାତ୍ମକ ସାହିତ୍ୟ ସୃଷ୍ଟି କରୁଥିବା ଓଡ଼ିଆ ସାହିତ୍ୟିକ ମାନଙ୍କୁ ଏହି ପୁରସ୍କାର ଓଡ଼ିଶା ସରକାରଙ୍କ ପକ୍ଷରୁ ପ୍ରତିବର୍ଷ ଦିଆଯିବ । ପୁରସ୍କାର ରାଶି ବାବଦକୁ ୧୦ ଲକ୍ଷ ଟଙ୍କା ପ୍ରଦାନ କରାଯିବ ।

 An international Award Will Be Given In Memory Of Manoj Das

ଯୁବପିଢ଼ିଙ୍କ ମଧ୍ୟରେ ଉଭୟ ଇଂରାଜୀ ଓ ଓଡ଼ିଆ ସାହିତ୍ୟ ପ୍ରତି ଆଗ୍ରହ ସୃଷ୍ଟି ନିମନ୍ତେ ପ୍ରତିବର୍ଷ ହାଇସ୍କୁଲ ସ୍ତରରେ ଇଂରାଜୀ ଓ ସାହିତ୍ୟରେ ମୌଳିକ ରଚନା ପାଇଁ ‘ମନୋଜ-କିଶୋର ସାହିତ୍ୟ ପ୍ରତିଭା ସମ୍ମାନ’ ପ୍ରଦାନ କରାଯିବ । ଏଥିନିମନ୍ତେ ଉଭୟ ଓଡ଼ିଆ ଓ ଇରାଜୀ ଭାଷାରେ ଗୋଟିଏ ଗୋଟିଏ ପୁରସ୍କାର ପ୍ରଦାନ କରାଯିବ । ପୁରସ୍କାର ବାବଦ ଏକ ଲକ୍ଷ ଟଙ୍କା ପ୍ରଦାନ କରାଯିବ ।

ସେହିପରି ମନୋଜ ଦାସଙ୍କ ପରିବାର ସଦସ୍ୟ ମାନଙ୍କ ପ୍ରସ୍ତାବ କ୍ରମେ ରାଜ୍ୟ ସରକାର ତାଙ୍କର ଜନ୍ମ ସ୍ଥାନ ବାଲେଶ୍ବର ଜିଲ୍ଲା ଶଙ୍ଖାରୀ ଗାଁରେ ଥିବା ତାଙ୍କର ପୈତୃକ ବାସଭବନକୁ ହାତକୁ ନେବେ । ତାହାକୁ ପ୍ରଥିତଯଶା ଭାତୃଦ୍ବୟ ପ୍ରଫେସର ମନ୍ମଥ ନାଥ ଦାସ ଓ ମନୋଜ ଦାସ ଦୁଇ ଭାଇଙ୍କ ନାମରେ ‘ମନ୍ମଥ-ମନୋଜ ସ୍ମାରକୀ’ ଭାବରେ ଘୋଷଣା କରାଯିବ । ସେଠାରେ ଉଭୟ ମନ୍ମଥ ନାଥ ଦାସ ଓ ମନୋଜ ଦାସଙ୍କ ଦ୍ବାରା  ଇତିହାସ ଓ ସାହିତ୍ୟ ଉପରେ ଲିଖିତ ସମସ୍ତ ପୁସ୍ତକକୁ ରଖାଯାଇ ଏକ ଲାଇବ୍ରେରୀ ମଧ୍ୟ ସ୍ଥାପନ କରାଯିବ । ବାସଭବନ ପରିସରରେ ଥିବା ମନ୍ଦିରର ସଂରକ୍ଷଣ ମଧ୍ୟ କରାଯିବ ।

 An international Award Will Be Given In Memory Of Manoj Das

ସ୍ବର୍ଗତ ମନୋଜ ଦାସଙ୍କର ସ୍ମୃତିରେ ଉତ୍କଳ ପ୍ରସଙ୍ଗ, ଓଡ଼ିଶା ରିଭ୍ୟୁ ଏବଂ ଓଡ଼ିଶା ସାହିତ୍ୟ ଏକାଡେମୀ ପକ୍ଷରୁ ପ୍ରକାଶିତ କୋଣାର୍କ ପତ୍ରିକାର ସ୍ବତନ୍ତ୍ର ସଂଖ୍ୟା ପ୍ରକାଶ କରାଯିବ ।

ସୂଚନାଯୋଗ୍ୟ ଯେ ସ୍ବର୍ଗତ ମନୋଜ ଦାସଙ୍କର ବିୟୋଗ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ପରିବାରର ସଦସ୍ୟ ମାନଙ୍କ ସହିତ ଟେଲିଫୋନ ଯୋଗେ କଥା ହୋଇ ସମବେଦନା ଜଣାଇବା ସହିତ ସ୍ବର୍ଗତ ମନୋଜ ଦାସଙ୍କ ସ୍ମୃତି ରକ୍ଷା ସମ୍ପର୍କରେ ଆଲୋଚନା କରିଥିଲେ ।

ଭିଡ଼ ପାଇଁ ୟୁନିଟ୍-୧ ପରିବା ହାଟକୁ ସିଲ୍ କଲା ବିଏମସି

ଭୁବନେଶ୍ୱର: ଲକଡାଉନ୍ ଯୋଗୁଁ ହାଟରେ ଅସମ୍ଭାଳ ଭିଡ଼ । ବୁଧବାର ଆସନ୍ତାକାଲି ଠାରୁ ଲକଡାଉନ୍ ଲାଗୁ ହେଉଥିବା ବେଳେ ଆଜି ଦିନ ତମାମ୍ ୟୁନିଟ୍-୧ ହାଟରେ ଲୋକଙ୍କ ଅସମ୍ଭାଳ ଭିଡ଼ ଦେଖିବାକୁ ମିଳିଥିଲା । ସନ୍ଧ୍ୟାରେ ସ୍ଥିତି ଅଣାୟତ୍ତ ହେବାରୁ ପ୍ରଶାସନ ହାଟକୁ ସିଲ୍ କରି ଦେଇଛି । ପୋଲିସ ଉପସ୍ଥିତିରେ ବିଏମସି ଏକ ନମ୍ବର ହାଟକୁ ସିଲ୍ କରିବା ସହ ବ୍ୟବସାୟୀଙ୍କ ଠାରୁ ଫାଇନ୍ ଆଦାୟ କରିଛି । ପ୍ରବଳ ଭିଡ଼ ଯୋଗୁଁ ହାଟରେ ସାମାଜିକ ଦୂରତା ରହୁନଥିଲା ।

BMC Sealed Unit-1 Market For Flouting Covid Guidelines

ଲକଡାଉନ୍ ପାଇଁ ହାଟରେ ସକାଳ ଠାରୁ ଭିଡ଼ ଲାଗି ରହିଥିଲା । ଲକଡାଉନ୍ ପାଇଁ ଲୋକେ ଆବଶ୍ୟକତା ଠାରୁ ଅଧିକ ପନିପରିବା କିଣି ନେଉଥିଲେ । ଫଳରେ ବ୍ୟବସାୟୀ ପନିପରିବାର ଦରଦାମ ମଧ୍ୟ ବୃଦ୍ଧି କରିଥିଲେ । ହାଟରେ କୌଣସି ପରିବା ୩୦ ତଳେ ନଥିଲା ।

 BMC Sealed Unit-1 Market For Flouting Covid Guidelines

ହାଟରେ ଭିଡ଼ ନ କରିବା ଲାଗି ପ୍ରଶାସନ ପକ୍ଷରୁ ବାରମ୍ବାର ଅନୁରୋଧ କରାଯାଇଥିଲେ ମଧ୍ୟ ଲୋକ ଶୁଣି ନଥିଲେ । ଭିଡ଼ କରିବାରୁ ବିଏମସି ୟୁନିଟ୍ ୧ ପରିବା ହାଟକୁ ସିଲ୍ କରି ଦେଇଛି । ଲକଡାଉନ୍ ସମୟରେ ପାଦରେ ଚାଲି ଚାଲି ସକାଳ ୬ଟାରୁ ଦିନ ୧୨ଟା ମଧ୍ୟରେ ପନିପରିବା କିଣିବାକୁ ଅନୁମତି ଦିଆଯାଇଛି ।

ଏଥିସହ ପଢ଼ନ୍ତୁ- ଭିଡ଼ ବଢ଼ାଇଲା ଦର, ୩୦ ତଳେ ନାହିଁ କୌଣସି ପନିପରିବା