spot_img
Home Blog Page 5835

ରାଜ୍ୟରେ ଏପର୍ଯ୍ୟନ୍ତ ଚିହ୍ନଟ ହୋଇନି ଆନ୍ଧ୍ର ଷ୍ଟ୍ରେନ୍‌, ସ୍ୱାସ୍ଥ୍ୟ ବିଭାଗ କହିଲା ଭୟଭୀତ ହେବାର ଆବଶ୍ୟକତା ନାହିଁ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଦୁର୍ବଳ ହେଉନଥିବା ବେଳେ ଏବେ ଚିନ୍ତା ବଢାଇଲା ନୂଆ ଷ୍ଟ୍ରେନ୍‌। ଆନ୍ଧ୍ର ପ୍ରଦେଶରେ ଚିହ୍ନଟ ହୋଇଛି ଏହି ନୂଆ ଷ୍ଟ୍ରେନ୍‌। ରାଜ୍ୟରେ କରୋନା ବଢ଼ୁଥିବା ସ୍ଥିତିରେ ନୂଆ ରୂପ ଏବେ ଲୋକଙ୍କ ମନରେ ଭୟ ଶ୍ରୁଷ୍ଟି କରିଛି। ସବୁଠାରୁ ବଡ଼ କଥା ହେଉଛି ଓଡ଼ିଶାରେ ଏଯାଏଁ ଆନ୍ଧ୍ର ଷ୍ଟ୍ରେନ ଚିହ୍ନଟ ହୋଇନି। ତେବେ ଏହାକୁ ନେଇ ଭୟଭୀତ ହେବାର ନାହିଁ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ଏଥିପାଇଁ ରାଜ୍ୟସରକାର ସବୁ ପ୍ରକାର ପ୍ରସ୍ତୁତି କରିଛନ୍ତି। ଆନ୍ଧ୍ରରେ ନୂଆ ରୂପ ଆସିବା ପରେ ଏବେ ୬ଟି ସୀମାବର୍ତ୍ତୀ ଜିଲ୍ଲାରେ କଡ଼ାକଡ଼ି ଯାଞ୍ଚ କରାଯାଉଛି। ନିୟମ ଅନୁସାରେ ସାମ୍ପୁଲ ଟେଷ୍ଟ ହେଉଛି।

ଆନ୍ଧ୍ର ଓ ତେଲେଙ୍ଗାନାରୁ ଆସୁଥିବା ଲୋକଙ୍କୁ ୧୪ ଦିନିଆ କ୍ୱାରେଣ୍ଟାଇନ ବାଧ୍ୟତାମୂଳକ କରାଇଛନ୍ତି ଏସଆରସି। ଯେହେତୁ ପଡୋଶୀ ରାଜ୍ୟରେ ଚିହ୍ନଟ ହୋଇଛି ଓଡ଼ିଶା ଗୁରୁତର ସହ ନେଇଥିବା ସ୍ୱାସ୍ଥ୍ୟବିଭାଗ ପକ୍ଷରୁ କୁହାଯାଇଛି। ୧୫ ଗୁଣା ଅଧିକ ସଂକ୍ରାମକ ଏହି ଷ୍ଟ୍ରେନ୍‌। ବୈଜ୍ଞାନିକଙ୍କ ଦାବି ଅନୁସାରେ ଅଧିକ ବିପଦଜନକ ଏହି ନୂଆ ଷ୍ଟ୍ରେନ୍‌। ୩ରୁ ୪ ଦିନରେ କରୋନା ରୋଗୀ ଗୁରୁତର ହେଉଛନ୍ତି। ଆନ୍ଧ୍ରପ୍ରଦେଶର କୁର୍ଣ୍ଣୁଲରେ ନୂଆ ଷ୍ଟ୍ରେନ୍‌ ଚିହ୍ନଟ ହୋଇଛି। ପୂର୍ବରୁ ଥିବା ଷ୍ଟ୍ରେନ୍‌ରୁ ବି ଏହା ଅଧିକ ଭୟଙ୍କର।

ଏମ୍.କେ.ସି ଉଚ୍ଚ ବିଦ୍ୟାଳୟରେ ନିଆଁ ଲଗାଇଲେ ଦୁର୍ବୃତ୍ତ, ଦିଆସିଲି ଓ ଦୁର୍ବୃତ୍ତର ଆଧାର କାର୍ଡ ଜବତ

ମୟୂରଭଞ୍ଜ: ମୟୂରଭଞ୍ଜ ଜିଲ୍ଲାର ସର୍ବପୁରାତନ ବିଦ୍ୟାଳୟ ଏମ୍.କେ.ସି ଉଚ୍ଚ ବିଦ୍ୟାଳୟରେ ନିଆଁ। ବିଦ୍ୟାଳୟର ମୁଖ୍ୟ କାର୍ଯ୍ୟାଳୟ କୋଠରୀ ସହିତ ପ୍ରଧାନ ଶିକ୍ଷକଙ୍କ କାର୍ଯ୍ୟାଳୟରେ ନିଆଁ ଲାଗିଥିବା ସୂଚନା ମିଳିଛି। କୌଣସି ଦୁର୍ବୃତ୍ତ କିରାସିନି ଢାଳି ନିଆଁ ଲଗାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଭାରପ୍ରାପ୍ତ ପ୍ରଧାନ ଶିକ୍ଷକ ଏଭଳି ସୂଚନା ଦେଇଛନ୍ତି।

କାରଣ ଘଟଣାସ୍ଥଳରୁ ଦିଆସିଲି ଓ ଦୁର୍ବୃତ୍ତର ଆଧାର କାର୍ଡ ଜବତ ହୋଇଛି। ସକାଳୁ ବିଦ୍ୟାଳୟ ଖୋଲିବାକୁ ଆସିଥିବା କର୍ମଚାରୀ ନିଆଁ ଲାଗିଥିବା ଦେଖିବାକୁ ପାଇଥିଲେ। ଏହାପରେ ସଙ୍ଗେସଙ୍ଗେ ଏ ସମ୍ପର୍କରେ ପ୍ରଧାନ ଶିକ୍ଷକଙ୍କୁ ଅବଗତ କରାଇଥିଲେ। ବାରିପଦା ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। କାର୍ଯ୍ୟାଳୟ ମଧ୍ୟରୁ ବହୁ ଜରୁରୀ କାଗଜପତ୍ର ପୋଡ଼ି ନଷ୍ଟ ହୋଇଥିବା ଜଣାପଡ଼ିଛି।

ମାଛ ବଦଳରେ ଜାଲରେ ପଡ଼ିଲା ବିରାଟ କୁମ୍ଭୀର

ଆରଡ଼ି: ମାଛ ବଦଳରେ ଜାଲରେ ପଡ଼ିଲା ବିରାଟ କୁମ୍ଭୀର। ବଡ଼ ମାଛ ପଡ଼ିଛି ଭାବି ଖୁସିରେ ଜାଲ ଉଠାଇଲା ବେଳାକୁ ଦେଖିଲେ ଜାଲରେ କୁମ୍ଭୀର ଲାଗିଛି। ଏଭଳି ଏକ ଘଟଣା ଦେଖିବାକୁ ମିଳିଛି  ଭଦ୍ରକ ଜିଲା ଆରଡି ନିକଟସ୍ଥ ନାନ୍ଦପୁର ଗାଁ ଦେଇ ପ୍ରବାହିତ ହେଉଥିବା ସାଳନ୍ଦୀ ନଦୀର ଶାଖା ନଦୀ ହଂସଦୀଆ ନଦୀରେ। ଗତକାଲି ରାତିରେ ଜଣେ ମତ୍ସ୍ୟଜୀବୀ ମାଛ ଧରିବା ପାଇଁ ଉକ୍ତ ନଦୀକୁ ଯାଇଥିଲା। ପ୍ରଥମେ ଥରେ ଦୁଇଥର ଜାଲରେ ମାଛ ପଡ଼ିଥିଲା କିନ୍ତୁ ପରେ ଆଉଥରେ ଜାଲ ଟାଣୁଥିବା ବେଳେ ଏକ ୪ଫୁଟିଆ ହିଂସ୍ର କୁମ୍ଭୀର ଜାଲର ଫାସରେ ପଡ଼ିଥିଲା।

ବଡ଼ ମାଛ ଭାବି ଡଙ୍ଗା ଦ୍ୱାରା ମତ୍ସ୍ୟଜୀବୀ ଜଣକ ନଦୀକୂଳକୁ ଜାଲ ଆଣିଥିଲେ। ଜାଲକୁ ଉପରକୁ ଆଣିବା ପରେ ଜାଲରେ କୁମ୍ଭୀର ଲାଗିଛି ବୋଲି ଦେଖିବାକୁ ପାଇଥିଲେ। ଏହା ଦେଖିବା ପରେ ଭୟରେ ଜାଲ ଡଙ୍ଗା ଛାଡ଼ି ଦୌଡି ପଳାଇଥିଲେ ମତ୍ସ୍ୟଜୀବୀ ଜଣକ। ପରେ ଗ୍ରାମବାସୀ କୁମ୍ଭୀରକୁ ଉଦ୍ଧାର କରିବା ସହ ଆରଡି ପୁଲିସ ଓ ଧାମନଗର ବନଖଣ୍ଡ ବିଭାଗକୁ ଖବର ଦେବା ପରେ ବନଖଣ୍ଡ ଅଧିକାରୀ କୁମ୍ଭୀରକୁ ନେଇ ଅନ୍ୟତ୍ର ଛାଡିଥିଲେ। ଏପରି ହିଂସ୍ର କୁମ୍ଭୀରକୁ ନେଇ ଗ୍ରାମବାସୀ ଭୟଭିତ ହୋଇପଡ଼ିଥିଲେ। ଏହି ନଦୀରେ ସ୍ଥାନୀୟ ଅଞ୍ଚଳର ଲୋକମାନେ ଗାଧୋଇବା ସହ ଘରର ନିତ୍ୟ ବ୍ୟବହାର ପାଇଁ ପାଣି ଆଣିଥାନ୍ତି।

ଏମିତି ଦେଖାଯାଏ ଦ୍ୱିତୀୟ ପ୍ରବାହରେ ତାଣ୍ଡବ ରଚିଥିବା କରୋନାର ନୂଆ ରୂପ

ନୂଆଦିଲ୍ଲୀ: ଭାରତରେ ଏବେ କରୋନାର ଦ୍ୱିତୀୟ ପ୍ରବାହ ତାଣ୍ଡବ ରଚିଛି। ପ୍ରତିଦିନ ୪ ଲକ୍ଷରୁ ଅଧିକ ସଂକ୍ରମିତ ଦେଶରୁ ଚିହ୍ନଟ ହେଉଛନ୍ତି। ଆଉ ଏଥିପାଇଁ ଦାୟୀ ଥିବା କରୋନା ଭାରିଏଣ୍ଟ B.୧.୧.୭ ର ପ୍ରଥମ ଚିତ୍ର ପ୍ରକାଶ ପାଇଛି। ଏହି ଚିତ୍ରେ ସ୍ପଷ୍ଟ ଭାବରେ ଦେଖାଯାଇଛି ଯେ କରୋନା କିପରି ଶରୀରର କୋଷ ଗୁଡ଼ିକରେ ଲାଗି ରହିଥାଏ। ଏହି ଷ୍ଟ୍ରେନ୍ ଅନେକ ଦେଶରେ କରୋନା ସଂକ୍ରମଣର ଦ୍ୱିତୀୟ ଲହରୀ ସୃଷ୍ଟି କରିଛି। କାନାଡର ଅନୁସନ୍ଧାନକାରୀମାନେ ଏହି ପ୍ରକାରର ପ୍ରଥମ ମଲିକୁଲାର ଚିତ୍ର ପ୍ରକାଶ କରିଛନ୍ତି। ଗତ ବର୍ଷ ଡିସେମ୍ବର ମଧ୍ୟଭାଗରେ, ବିଶ୍ୱ ସ୍ୱାସ୍ଥ୍ୟ ସଂଗଠନ WHO, B.୧.୧.୭ ପ୍ରକାର ବିଷୟରେ ସୂଚନା ଦେଇଥିଲା।

ବିସି ବିଶ୍ୱବିଦ୍ୟାଳୟ କହିଛି  ଅନୁସନ୍ଧାନକାରୀ ଦଳ  SARS-CoV-2 ସ୍ପାଇକ୍ ପ୍ରୋଟିନର ଏକ ଅଂଶରେ ମିଳୁଥିବା ଏକ ଗଠନମୂଳକ ଚିତ୍ରକୁ ପ୍ରକାଶ କରିଥିବା ଏକ ଦଳ । ସ୍ପାଇକ୍ ପ୍ରୋଟିନ୍ ଭୂତାଣୁ ଏତିଏକ ଅଂଶ ଯାହା ସଂକ୍ରମଣ ପାଇଁ ଦାୟୀ। ଏବଂ ମ୍ୟୁଟେସନ୍ ହେଉଛି ଏମିତି ଏକ ପରିବର୍ତ୍ତନ ଯାହା ପରେ ଭୂତାଣୁ ଶୀଘ୍ର ବିସ୍ତାର ହୋଇଥାଏ ।

କରୋନାର ଭାରିଏଣ୍ଟ କାହିଁକି ଏତେ ସଂକ୍ରାମକ ?

ବ୍ରିଟିଶ କଲମ୍ବିଆ ବିଶ୍ୱବିଦ୍ୟାଳୟ ଏକ ବିବୃତ୍ତିରେ କହିଛି ଯେ B.୧.୧.୭ ଏକ ଚିତ୍ର ଦର୍ଶାଇଛି ଯେ ଏହା କାହିଁକି ଏତେ ସଂକ୍ରାମକ ? ଏହା କାହିଁକି ଭାରତ, ବ୍ରିଟେନରେ ହଇଚଇ ସୃଷ୍ଟି କଲା ଏବଂ ବର୍ତ୍ତମାନ କାନାଡାରେ ମଧ୍ୟ ସମସ୍ୟା ବଢ଼ାଉଛି। ୟୁବିସି କହିଛି ଯେ ଏହି ଚିତ୍ରଗୁଡ଼ିକ ପରମାଣୁ ରିଜୋଲ୍ୟୁସନ୍ର ନିକଟତର ଅଟେ, ଅର୍ଥାତ୍ ଚିତ୍ରରେ ରିଜୋଲୁସନରେ ଭୂତାଣୁର କଣିକା ମଧ୍ୟ ରହିଛି।

ୟୁବିସିର ମେଡିସିନ୍ ବିଭାଗର ବାୟୋକେମେଷ୍ଟ୍ରି ଏବଂ ମଲିକୁଲାର ବାୟୋଲୋଜି ବିଭାଗର ପ୍ରଫେସର ଡକ୍ଟର ଶ୍ରୀରାମ ସୁବ୍ରମଣ୍ୟମଙ୍କ ନେତୃତ୍ୱରେ ଏକ ଟିମ୍ କହିଛନ୍ତି ଯେ ଫଟୋଗ୍ରାଫରେ ଦର୍ଶାଯାଇଛିଯେ ଏହା ମଣିଷ ଶରୀରର କୋଷରେ ଅତି ସହଜରେ ପ୍ରବେଶ କରିପାରେ। PLOS ବାୟୋଲୋଜିରେ ପ୍ରକାଶିତ ଦଳର ବିଶ୍ଳେଷଣରୁ ଜଣାପଡିଛି ଯେ ଟିକା ମାଧ୍ୟମରେ ଭୂତାଣୁ ମାନଙ୍କୁ ନଷ୍ଟ କରାଯାଇପାରିବ।

କରୋନାକୁ ବ୍ରେକ୍‌ ଦେବା ପାଇଁ ରାଜ୍ୟରେ ଆଜିଠାରୁ ଲକ୍‌ଡାଉନ୍‌

ଭୁବନେଶ୍ୱର: ଦିନକୁ ଦିନ ରାଜ୍ୟରେ କରୋନା ସଂକ୍ରମଣ ବଢ଼ିବାକୁ ଲାଗୁଛି। ପ୍ରତିଦିନ ରାଜ୍ୟରୁ ୯ ହଜାରରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି। କରୋନାକୁ ମାତ ଦେବାକୁ ଆଜିଠୁ ଘରେ ରହୁଛି ପୁରା ରାଜ୍ୟ। କରୋନାକୁ କଣ୍ଟ୍ରୋଲକୁ ଆଣିବ ଲକଡାଉନ। ରାଜ୍ୟରେ ଆଜିଠୁ ଲାଗୁ ହୋଇଛି ୧୪ଦିନିଆ ଲକ୍‌ଡାଉନ୍। ଶୂନଶାନ ହୋଇଛି ରାସ୍ତାଘାଟ ସହର ବଜାର। ସବୁଠି ନିରବତାର ରାଜୁତି। ସବୁଠି କଡ଼ା କଟକଣା। ଅତ୍ୟାବଶ୍ୟକ ସେବା ବ୍ୟତିତ ଅନ୍ୟ ସବୁକିଛି ବନ୍ଦ ରହିଛି ।

ମେ ୧୯ ତାରିଖ ଯାଏଁ ଲକଡାଉନ କଟକଣା ବଳବତ୍ତର ରହିବ। ଏହି ସମୟରେ ସପ୍ତାହାନ୍ତ ସଟ୍‌ଡାଉନ୍ ବି ଲାଗୁ ହେବ। କଟକଣା ସମୟରେ ସ୍ୱାସ୍ଥ୍ୟସେବା ଓ ଜରୁରୀ ସେବାକୁ ଅନୁମତି ମିଳିଛି। ଲକ୍‌ଡାଉନ୍ ବେଳେ ଘରଠାରୁ ୫ଶହ ମିଟର ଭିତରେ ସକାଳ ୬ଟାରୁ ୧୨ଟା ମଧ୍ୟରେ ଚାଲି ଚାଲି ଯାଇ ପରିବା କିଣିପାରିବେ ଜନସାଧାରଣ। ଗାଇଡଲାଇନରେ ସାମାନ୍ୟ ପରିବର୍ତ୍ତନ ଆଣି SRC। ଅତ୍ୟାବଶ୍ୟକ ହେଲେ ବାଇକରେ ଜଣେ ଯାଇପାରିବେ।

କାର, ଅଟୋ, ଓବେର, ଓଲାରେ ଯାଉଥିଲେ ଡ୍ରାଇଭର ସହ ୨ଜଣ ଯାଇପାରିବେ। ଜରୁରୀ ଚିକିତ୍ସା ସେବା ପାଇଁ ୨ଜଣ ପଛ ସିଟରେ ବସି ମଧ୍ୟ ଯାଇପାରିବେ। CRUT ପକ୍ଷରୁ କେବଳ ଏୟାରପୋର୍ଟ, ରେଲଓ୍ୱେ ଷ୍ଟେସନରୁ ମୋ ବସ୍‌ ସେବା ଜାରି ରହିବ। ୨ଟି ସ୍ଥାନ ବ୍ୟତୀତ ଅନ୍ୟ କେଉଁଠି ବି ରହିବନି ମୋ ବସ୍। ଯାତ୍ରାବେଳେ ବସ’ରେ ଛିଡା ହୋଇ କେହି ଯାଇପାରିବେ ନାହିଁ।

ରାଜ୍ୟରେ ଥମୁନି କରୋନା ସଂକ୍ରମଣ, ୨୪ ଘଣ୍ଟାରେ ୯ହଜାର ୮୮୯ ନୂଆ ପଜିଟିଭ୍ ଚିହ୍ନଟ

ଭୁବନେଶ୍ୱର: ରାଜ୍ୟରେ କରୋନା ସ୍ଥିତି ଏବେ ସଂଙ୍ଗିନ। ଦିନକୁ ଦିନ କରୋନା ସଂକ୍ରମଣ ରାଜ୍ୟରେ ତାର କାୟା ଅଧିକରୁ ଅଧିକ ବିସ୍ତାର କରିବାରେ ଲାଗିଛି । ରାଜ୍ୟରେ କମୁନି କରୋନା ଗ୍ରାଫ୍। ଆଜି ରାଜ୍ୟରେ ଆଉ ୯ହଜାର ୮୮୯ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି। ଲଗାତାର ଖୋର୍ଦ୍ଧାରୁ ସର୍ବାଧିକ ପଜିଟିଭ୍ ଚିହ୍ନଟ ହୋଇଛନ୍ତି । ଖୋର୍ଧାରୁ ସର୍ବାଧିକ ୧୩୩୧ ଚିହ୍ନଟ  । ସେହିପରି ସୁନ୍ଦରଗଡ଼ରୁ ୧୧୩୭ ଓ କଟକରୁ ୭୯୦ଆକ୍ରାନ୍ତ ଚିହ୍ନଟ ହୋଇଛନ୍ତି।

ସେହିପରି ଅନୁଗୁଳରୁ ୪୪୩, ବାଲେଶ୍ୱରରୁ ୧୫୧, ବରଗଡ଼ରୁ ୪୮୩, ଭଦ୍ରକରୁ ୫୨, ବଲାଙ୍ଗୀରରୁ ୩୨୬, ବୌଦ୍ଧରୁ ୧୨୯, ଦେବଗଡ଼ରୁ ୭୫, ଢ଼େଙ୍କାନାଳରୁ ୯୦, ଗଜପତିରୁ ୧୧୭, ଗଞ୍ଜାମରୁ ୩୧୦, ଜଗତସିଂହପୁରରୁ ୧୫୬, ଯାଜପୁରରୁ ୨୮୨, ଝାରସୁଗୁଡ଼ାରୁ ୩୮୬, କଳାହାଣ୍ଡିରୁ ୪୧୪, କନ୍ଧମାଳରୁ ୫୨, କେନ୍ଦ୍ରାପଡ଼ାରୁ ୧୩୩, କେନ୍ଦୁଝରରୁ ୧୯୫, କୋରାପୁଟରୁ ୯୪, ମାଲକାନାଗିରିରୁ ୮୬, ମୟୂରଭଞ୍ଜରୁ ୨୪୩, ନବରଙ୍ଗପୁରରୁ ୪୧୪,  ନୟାଗଡ଼ରୁ ୨୨୩, ନୂଆପଡ଼ାରୁ ୩୩୫, ପୁରୀରୁ ୪୩୬, ରାୟଗଡ଼ାରୁ ୧୨୯, ସମ୍ବଲପୁରରୁ ୪୭୦, ସୋନପୁରରୁ ୧୫୮ ଜଣ କରୋନା ରୋଗୀ ଚିହ୍ନଟ ହୋଇଥିବା ବେଳେ ଷ୍ଟଟ ପୁଲର ରହିଛନ୍ତି ୨୪୯ ଜଣ କରୋନା ରୋଗୀ ।

 

ପଶ୍ଚିମବଙ୍ଗ ପରେ ଉତ୍ତରପ୍ରଦେଶ ନିର୍ବାଚନରେ ମାଟି କାମୁଡ଼ିଛି ବିଜେପି

ଗେରୁଆର ବାନା ଉଡାଇ ଭଗବାନଙ୍କୁ ରାଜନୀତିର ପଶାପାଲି କରି ପଲିଟିକ୍ସ କରୁଥିବା ବିଜେପିକୁ ଶକ୍ତ ଧକ୍କା ।ପଶ୍ଚିମବଙ୍ଗ ପରେ ଉତ୍ତରପ୍ରଦେଶ ପଞ୍ଚାୟତ ନିର୍ବାଚନରେ ବ୍ୟାକଫୁଟ୍‌ରେ ବିଜେପି। ରାମ ଜନ୍ମ ଭୂମି ଅଯୋଧ୍ୟାରୁ ବିଜେପିକୁ ପରାଜୟର ସମ୍ମୁଖୀନ ହେବାକୁ ପଡିଛି। ଖାଲି ଅଯୋଧ୍ୟା ନୁହେଁ  ମଥୁରା ଓ କାଶୀର ପଞ୍ଚାୟତ ନିର୍ବାଚନରେ ବି ମାଟି କାମୁଡିଛି ବିଜେପି।

ଧର୍ମକୁ ନେଇ ରାଜନୀତି କରୁଥିବା ଦଳକୁ ପ୍ରତ୍ୟାଖାନ କରି ଲୋକେ ବିକାଶକୁ ପ୍ରାଧାନ୍ୟ ଦେଇଛନ୍ତି। ଏହି ତିନୋଟିଯାକ ଅଞ୍ଚଳରେ ସମାଜବାଦୀ ପାର୍ଟି ବିଜୟ ପତାକା ଉଡାଇଛି। ତଥାପି ବିଜେପି କିନ୍ତୁ ଏହି ପରାଜୟକୁ ମାନିବାକୁ ନାରାଜ। ବିଜେପିର କହିବା କଥା ଜିତିଥିବା ଅଧାରୁ ଅଧିକ ପ୍ରାର୍ଥୀ ତାଙ୍କ ଦଳର। ୩ ହଜାର ୫୧ ଜଣ ସମର୍ଥିତ ପ୍ରାର୍ଥୀଙ୍କ ମଧ୍ୟରୁ ୯୧୮ ଜଣ ବିଜୟ ହାସଲ କରିଥିବା ବେଳେ ୪୫୬ ଜଣ ପ୍ରାର୍ଥୀ ଗଣତିରେ ଆଗରେ ଅଛନ୍ତି। ଅନ୍ୟପଟେ ସମାଜବାଦୀ ପାର୍ଟିର କହିବା କଥା ୫୦ ପ୍ରତିଶତରୁ ଅଧିକ ବିଜେତା ପ୍ରାର୍ଥୀ ତାଙ୍କ ଦଳ ସହ ସମ୍ପର୍ଥନରେ ନିର୍ବାଚନ ଲଢ଼ିଥିଲେ।

କେବଳ ସହର ନୁହେଁ ଗ୍ରାମାଞ୍ଚଳରେ ମଧ୍ୟ ବିଜେପିର ଶାସନ ଫେଲ ମାରିଛି। କରୋନା ସମୟରେ ବିଜେପିର ବିଫଳତା ପଦାକୁ ଆସିଛି ବୋଲି ସମାଜବାଦି ପାଟି କହିଛି। ଅଯୋଧ୍ୟା ପଞ୍ଚାୟତ ନିର୍ବାଚନରେ ୪୦ଟି ଆସନରେ ଭୋଟିଂ ହୋଇଥିବା ବେଳେ ସମାଜବାଦି ପାର୍ଟି ୨୪ଟି ଆସନରେ ବିଜୟ ଲାଭ କରିଛି। ଏଥିସହ ୧୨ ଜଣ ନିର୍ଦଳିୟ ପ୍ରାର୍ଥିଙ୍କର ବିଜୟ ହୋଇଛି। ସେମାନେ ବିଜେପି ଉପରେ ଅସନ୍ତୋଷ ହୋଇ ନିର୍ଦଳୀୟ ନିର୍ବାଚନ ଲଢିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ କ୍ଷେତ୍ରରେ ମଧ୍ୟ ବିଜେପିକୁ ଶକ୍ତ ଧକ୍କା ମିଳିଛି। ବିଧାନ ପରିଷଦ ନିର୍ବାଚନରେ ବାରାଣାସିରୁ ପରାଜୟର ସମ୍ମୁଖିନ୍ନ କରିଥିବା ଦଳକୁ ପଞ୍ଚାୟତ ନିର୍ବାଚନରେ ମଧ୍ୟ ଶକ୍ତ ଧକ୍କା ମିଳିଛି । ବାରାଣାସିର ୪୦ଟି ଆସନରୁ ବିଜେପି ମାତ୍ର ୮ଟି ଆସନରେ ବିଜୟ ହାସଲ କରିଛି।

ନବୀନଙ୍କ ରାସ୍ତାରେ ଷ୍ଟାଲିନ୍, ସାମ୍ବାଦିକଙ୍କୁ ଘୋଷଣା କଲେ ସମ୍ମୁଖ ଯୋଦ୍ଧା

ନୂଆଦିଲ୍ଲୀ: ବାଟ ଦେଖାଇଲେ ନବୀନ, ଅନୁସରଣ କରୁଛି ସାରା ଦେଶ। କାଲି ମଧ୍ୟପ୍ରଦେଶ ପରେ ଆଜି ତାମିଲନାଡୁ ଓ କର୍ଣ୍ଣାଟକ ନିଜ ରାଜ୍ୟର ସାମ୍ବାଦିକଙ୍କୁ ସମ୍ମୁଖ ଯୋଦ୍ଧା ଘୋଷଣା କରିଛନ୍ତି। ତାମିଲନାଡୁରେ ସାମ୍ବାଦିକଙ୍କୁ କୋଭିଡ ଯୋଦ୍ଧା ମାନ୍ୟତା ଦେଇଛନ୍ତି ଡିଏମକେ ଅଧ୍ୟକ୍ଷ ଏମକେ ଷ୍ଟାଲିନ୍।

କରୋନା ଭଳି ମହାମାରୀ ସମୟରେ ଲୋକଙ୍କ ପାଖରେ ସଠିକ ତଥ୍ୟ ପହଞ୍ଚାଉଛନ୍ତି ସାମ୍ବାଦିକ। ଲୋକଙ୍କୁ କରୋନା ସମ୍ପର୍କରେ ସଚେତନ କରାଉଛନ୍ତି। ତେଣୁ ସେମାନଙ୍କ ଗୁରୁତ୍ୱପୂର୍ଣ୍ଣ କାମକୁ ନଜରରେ ରଖି ତାମିଲନାଡ଼ୁରେ ସାମ୍ବାଦିକଙ୍କୁ ସମ୍ମୁଖ ଯୋଦ୍ଧାର ଆଖ୍ୟା ଦିଆଯାଇଛି। ଏଥିସହିତ ସାମ୍ବାଦିକଙ୍କୁ ଅଗ୍ରାଧିକାର ଭିତ୍ତିରେ ଟିକା ଦେବାକୁ ମଧ୍ୟ କହିଛନ୍ତି

ସେହିପରି କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ୍‌ ୟେଦୁରପ୍ପା ମଧ୍ୟ ସାମ୍ବାଦିକଙ୍କୁ ସମ୍ମୁଖ ଯୋଦ୍ଧା ଘୋଷଣା କରିଛନ୍ତି।  ସେହିଭଳି ଉତ୍ତରପ୍ରଦେଶ ସରକାର ମଧ୍ୟ ସାମ୍ବାଦିକଙ୍କୁ ଅଗ୍ରାଧିକାର ଭିତ୍ତିରେ ଟିକା ଦେବାକୁ ନିର୍ଦ୍ଦେଶ ଦେଇଛନ୍ତି। ଗତକାଲି ମଧ୍ୟପ୍ରଦେଶ ସରକାର ମଧ୍ୟ ସାମ୍ବାଦିକଙ୍କୁ କୋଭିଡ ସମ୍ମୁଖ ଯୋଦ୍ଧା ମାନ୍ୟତା ଦେଇଥିଲେ।

ଏହା ପୂର୍ବରୁ ଓଡ଼ଶାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାମ୍ବାଦିକଙ୍କୁ ସମ୍ମୁଖ ଯୋଦ୍ଧାର ମାନ୍ୟତା ଦେଇସାରିଛନ୍ତି। ସାମ୍ବାଦିକଙ୍କୁ କରୋନା ଯୋଦ୍ଧାର ମାନ୍ୟତା ଦେବାରେ ଓଡିଶା ପ୍ରଥମ ରାଜ୍ୟ ହୋଇଛି।

 

ରାଜ୍ୟରୁ ଆଉ ୯ ହଜାର ୮୮୯ ଜଣ କରୋନା ସଂକ୍ରମିତ ଚିହ୍ନଟ, ୨ ଜିଲ୍ଲାରେ ହଜାରେ ଉପରେ ଦୈନିକ ମାମଲା

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ମାମଲା ଥମିବାର ନାଁ ନେଉନି । ମେ’ ୪ ମଙ୍ଗଳବାର ଦିନକରେ ରାଜ୍ୟରୁ ଆଉ ୯ ହଜାର ୮୮୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୩୩୧ଟି କୋଭିଡ୍ ସଂକ୍ରମଣ ମାମଲା ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ ଜିଲଲାରୁ ୧୧୩୭ଟି ମାମଲା ଆସିଛି ।

ଅନୁଗୁଳରୁ ୪୪୩ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୧୫୧, ବରଗଡ଼ରୁ ୪୮୩, ଭଦ୍ରକରୁ ୫୨, ବଲାଙ୍ଗିରରୁ ୩୨୬, ବୌଦ୍ଧରୁ ୧୨୯, କଟକରୁ ୭୯୦, ଦେବଗଡ଼ରୁ ୭୫, ଢେଙ୍କାନାଳରୁ ୯୦, ଗଜପତିରୁ ୧୧୭, ଗଞ୍ଜାମରୁ ୩୧୦, ଜଗତସିଂହପୁରରୁ ୧୫୬, ଯାଜପୁରରୁ ୨୮୨, ଝାରସୁଗୁ଼ଡ଼ାରୁ ୩୮୬, କଳାହାଣ୍ଡିରୁ ୪୧୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କନ୍ଧମାଳରୁ ୫୨, କେନ୍ଦ୍ରାପଡ଼ାରୁ ୧୩୩, କେନ୍ଦୁଝରରୁ ୧୯୫, ଖୋର୍ଦ୍ଧାରୁ ୧୩୩୧, କୋରାପୁଟରୁ ୯୪, ମାଲକାନଗିରିରୁ ୮୬, ମୟୂରଭଞ୍ଜରୁ ୨୪୩, ନବରଙ୍ଗପୁରରୁ ୪୧୪, ନୟାଗଡ଼ରୁ ୨୨୩, ନୂଆପଡ଼ାରୁ ୩୩୫, ପୁରୀରୁ ୪୩୬, ରାୟଗଡ଼ାରୁ ୧୨୯, ସମ୍ବଲପୁରରୁ ୪୭୦, ସୋନପୁରରୁ ୧୫୮, ସୁନ୍ଦରଗଡ଼ରୁ ୧୧୩୭ ଏବଂ ଷ୍ଟେଟ୍ ପୁଲରୁ ୨୪୯ ଜଣ ପଜିଟିଭ୍ ଚିହ୍ନଟ ହୋଇଛନ୍ତି ।

ଦ୍ୱିତୀୟଥର କରନ୍ତୁ ନାହିଁ RT-PCR ଟେଷ୍ଟ, ICMR ଜାରି କଲା ନୂଆ ଆଡଭାଇଜରି

ନୂଆଦିଲ୍ଲୀ: ଦେଶରେ କରୋନାର ଦ୍ୱିତୀୟ ଲହର ତାଣ୍ଡବ ରଚୁଛି । ପ୍ରତ୍ୟେକଦିନ ଲକ୍ଷାଧିକ ଲୋକ ସଂକ୍ରମିତ ଦେଉଛନ୍ତି। ତେବେ ଏଭଳି ସ୍ଥିତିରେ ଦେଶରେ ଟେଷ୍ଟିଂ ଓ ଟିକାକରଣ ମଧ୍ୟ ଜାରି ରହିଛି।  ତେବେ କୋଭିଡ ଟେଷ୍ଟିଂ ନେଇ ICMRପକ୍ଷରୁ ନୂଆ ଆଜଭାଇଜରି ଜାରି ହୋଇଛି। ଏହି ଆଡଭାଇଜରରେ ଆରଟିପିସିଆର୍ ଟେଷ୍ଟକୁ ସର୍ବନିମ୍ନ କରିବା ଓ ରାପିଡ୍ ଆଣ୍ଟିଜେନ୍ ଟେଷ୍ଟ ବଢ଼ାଇବା କଥା କୁହାଯାଇଛି।

ଆଡଭାଇଜରରେ କୁହାଯାଇଛି ଯେ ଆଇସୋଲେସନ ଓ ଘରେ ରହି ଚିକିତ୍ସା କଲେ ସଂକ୍ରମଣ ରୋକାଯାଇପାରିବ। ସାରା ଦେଶରେ ୩ଟି ସିଫ୍ଟରେ ଦୈନିକ ୧୫ଲକ୍ଷ ଟେଷ୍ଟିଂ କ୍ଷମତା ରହିଛି । ତେବେ ଥରେ ପଜିଟିଭ ହୋଇଥିଲେ ଠିକ୍‌ ହେବା ପରେ ଆଉଥରେ ରାପିଡ ଆଣ୍ଟିଜେନ ଟେଷ୍ଟ (RAT) କିମ୍ବା RT-PCR ଟେଷ୍ଟ କରନ୍ତୁ ନାହିଁ । ମେଡିକାଲରୁ ଡିସଚାର୍ଜ ହୋଇଥିଲେ ଆଉଥରେ ଟେଷ୍ଟ ଅନାବଶ୍ୟକ।

ଏଥିରେ ଆହୁରି କୁହାଯାଇଛି ଯେ MoH ଦ୍ୱାରା ଜାରି ଡିସଚାର୍ଜ କଟକଣା ମାନିଥିଲେ ଟେଷ୍ଟିଂ ଅନାବଶ୍ୟକ । ସଂକ୍ରମଣ ସନ୍ଦେହରେ RT-PCR ଟେଷ୍ଟ କରିଥିଲେ ସଙ୍ଗରୋଧରେ ରହିବେ। ସଂକ୍ରମଣ ଏଡାଇବା ପାଇଁ ଲକ୍ଷଣଯୁକ୍ତଙ୍କୁ ଯିବାଆସିବା ବାରଣ କରାଯାଇଛି। ଲକ୍ଷଣବିହୀନ ଟ୍ରାଭେଲ କରୁଥିଲେ ଅଣ୍ଡରଟେକିଂ ଦେବା ବାଧ୍ୟ। ରାଜ୍ୟମାନେ ମୋବାଇଲ RT-PCR ଟେଷ୍ଟିଂ ବଢାଇପାରିବେ।

ତେବେ ଏହା ବ୍ୟତୀତ ନୂଆ ଆଜଭାଇଜରିରେ ଘରୋଇ ଓ ସରକାରୀ ସ୍ୱାସ୍ଥ୍ୟକେନ୍ଦ୍ରରେ ଆଣ୍ଟିଜେନ୍(RAT) ଟେଷ୍ଟକୁ ଅନୁମତି ମିଳିଛି । ବିଭିନ୍ନ ସହର ଓ ଗାଁରେ RAT ଟେଷ୍ଟ ବୁଥ୍‌ କରିବାକୁ ପରାମର୍ଶ ଦିଆଯାଇଛି। ଦିନରାତି ୨୪ଘଣ୍ଟା ଏହି RAT ଟେଷ୍ଟିଂ ଜାରି ରଖିବାକୁ ନିର୍ଦ୍ଦେଶ ଦିଆଯାଇଛି।