spot_img
Home Blog Page 5838

ଅନଲାଇନ୍ ପାଠପଢ଼ା ଯୋଗୁଁ କମିଛି ସ୍କୁଲ୍ ଖର୍ଚ୍ଚ, ଫି’ କମାଇବାକୁ ସୁପ୍ରିମକୋର୍ଟଙ୍କ ପରାମର୍ଶ

ନୂଆଦିଲ୍ଲୀ: କରୋନା ସଂକ୍ରମଣ ଯୋଗୁଁ ସ୍କୁଲ୍ ଖୋଲୁନାହିଁ । ଏବେ ଅନଲାଇନ୍ କ୍ଲାସ୍ ଚାଲିଛି । ଏହାରି ଭିତରେ ଅଭିଭାବକଙ୍କ ପାଇଁ ଆଶ୍ୱସ୍ତିର ନିଷ୍ପତ୍ତି ନେଇଛନ୍ତି ସୁପ୍ରିମକୋର୍ଟ । କୋର୍ଟ କହିଛନ୍ତି, ସ୍କୁଲ୍ ବନ୍ଦ ରହିଛି । କ୍ୟାମ୍ପସରେ ଦିଆଯାଉଥିବା ସୁବିଧା ଲାଗି ଖର୍ଚ୍ଚ କରିବାକୁ ପଡ଼ୁନାହିଁ । ଏଥିପାଇଁ ପରିଚାଳନା ଖର୍ଚ୍ଚ କମ୍ ହୋଇଛି । ଏଥିପାଇଁ ସ୍କୁଲକୁ ଅନଲାଇନ୍ କ୍ଲାସେସ୍ ଫି’ ହ୍ରାସ୍ କରିବା ଉଚିତ୍ ।

ରାଜସ୍ଥାନ ସରକାର ଘରୋଇ ସ୍କୁଲକୁ ୩୦ ପ୍ରତିଶତ ଫି’ ଛାଡ଼ କରିବା ପାଇଁ ନିର୍ଦ୍ଦେଶ ଦେଇଥିଲେ । ଏହାକୁ ବିରୋଧ କରି କେତେକ ସ୍କୁଲ୍ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଜଷ୍ଟିସ୍ ଏଏମ୍ ଖାନାବିଲକର ଓ ଜଷ୍ଟିସ୍ ଦିନେଶ ମାହେଶ୍ୱରୀ ଖଣ୍ଡପୀଠ ଆବେଦନର ଶୁଣାଣି କରି କହିଛନ୍ତି- ଏମିକି କୌଣସି ଆଇନ୍ ନାହିଁ, ଯାହା ରାଜ୍ୟ ସରକାରଙ୍କୁ ଏମିତି ଆଦେଶ ଜାରି କରିବାକୁ ଅନୁମତି ଦେଉଛି । ତେବେ, ଆମେ ଭାବୁଛୁ ସ୍କୁଲି ଫି’ ହ୍ରାସ୍ ହେବା ଆବଶ୍ୟକ ।

Schools Must Reduce Fees For Online Classes Supreme Court

ଖଣ୍ଡପୀଠ କହିଛନ୍ତି, ଶିକ୍ଷାନୁଷ୍ଠାନ ପରିଚାଳନା କରୁଥିବା କର୍ତ୍ତୃପକ୍ଷ ସମ୍ବେଦନଶୀଳତା ଦେଖାଇବା ଦରକାର । ଲୋକ ମହାମାରୀ ଯୋଗୁଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସ୍କୁଲ ଗୁଡ଼ିକ ଅଭିଭାବକ ଓ ଛାତ୍ରଛାତ୍ରୀଙ୍କୁ ଆଶ୍ୱସ୍ତି ଦେଲା ଭଳି ପଦକ୍ଷେପ ନେବା ଉଚିତ୍ ।

ଏଥିସହ ସୁପ୍ରିମକୋର୍ଟ କହିଛନ୍ତି, କ୍ୟାମ୍ପସରେ ଛାତ୍ରଛାତ୍ରୀଙ୍କୁ ମିଳୁଥିବା ସୁବିଧା ଏବେ ମିଳୁନାହିଁ । କିନ୍ତୁ ସେନେଇ ମିଳୁଥିବା ଦେୟରୁ ସ୍କୁଲକୁ ଲାଭ ମିଳୁଛି । ଆଇନ୍ ଅନୁସାରେ ଛାତ୍ରଛାତ୍ରୀଙ୍କୁ ମିଳୁନଥିବା ସୁବିଧା ପାଇ ସ୍କୁଲ୍ ଟଙ୍କା ନେଇ ପାରିବ ନାହିଁ ।

କାଳବୈଶାଖୀ ନେଇ ଆସନ୍ତାକାଲି ସକାଳ ଯାଏ ୧୯ ଜିଲ୍ଲାକୁ ୟେଲୋ ୱାର୍ଣ୍ଣିଂ

ଭୁବନେଶ୍ୱର: ତାତିରୁ ଆଶ୍ୱସ୍ତି ମିଳିଥିବା ବେଳେ ରାଜ୍ୟରେ କାଳବୈଶାଖୀ ଲାଗି ରହିଛି । ୫ ତାରିଖ ସକାଳ ୮ଟା ୩୦ ଯାଏ ୧୯ ଜିଲ୍ଲାକୁ କାଳବୈଶାଖୀ ନେଇ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଘଣ୍ଟା ପ୍ରତି ୪୦ରୁ ୫୦ କିମି ବେଗରେ ପବନ ବହିବା ସହ ବଜ୍ରପାତ ସମ୍ଭାବନା ରହିଛି । ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି, କେନ୍ଦୁଝର, ମୟୂରଭଞ୍ଜ, ଢେଙ୍କାନାଳ, ଅନୁଗୁଳ, କନ୍ଧମାଳ, ରାୟଗଡ଼ା, କୋରାପୁଟ ଓ ମାଲକାନଗିରି ଜିଲ୍ଲାର ଗୋଟିଏ କିମ୍ବା ୨ଟି ସ୍ଥାନରେ କାଳବୈଶାଖୀ ହେବ । ଏଥିସହ ଗଜପତି, ମୟୂରଭଞ୍ଜ ଓ ବାଲେଶ୍ୱର ଜିଲ୍ଲାରେ ପ୍ରବଳ ବର୍ଷା ହୋଇପାରେ ।

ସେହିଭଳି ୬ ତାରିଖ ସକାଳ ୮ଟା ୩୦ ଯାଏ ସୁନ୍ଦରଗଡ଼, କେନ୍ଦୁଝର, ମୟୂରଭଞ୍ଜ, ଢେଙ୍କାନାଳ, ଦେବଗଡ଼, କୋରାପୁଟ, ରାୟଗଡ଼ା, ମାଲକାନଗିରି, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ ଓ ଗଜପତି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । କାଳବୈଶାଖୀ ସହ ଘଣ୍ଟାପ୍ରତି ୪୦ରୁ ୫୦ କିମି ବେଗରେ ପବନ ବହିବା ସମ୍ଭାବନା ରହିଛି ।

୭ ତାରିଖ ସକାଳ ୮ଟା ୩୦ ଯାଏ କାଳବୈଶାଖୀ ନେଇ ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ଝାରସୁଗୁଡ଼ା, ସୁନ୍ଦରଗଡ଼, ଦେବଗଡ଼, ଅନୁଗୁଳ, କେନ୍ଦୁଝର, ମୟୂରଭଞ୍ଜ, କୋରାପୁଟ, ମାଲକାନଗିରି, ରାୟଗଡ଼ା ଓ କନ୍ଧମାଳ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏହି ସମୟରେ ଘଣ୍ଟାପ୍ରତି ୪୦ରୁ ୫୦ କିମି ବେଗରେ ପବନ ବହିପାରେ ।

୮ ତାରିଖ ସକାଳ ୮ଟା ୩୦ ଯାଏ ବରଗଡ଼, ଝାରସୁଗୁଡ଼ା, ସୁନ୍ଦରଗଡ଼, ସମ୍ବଲପୁର, ଦେବଗଡ଼, ଅନୁଗୁଳ, କେନ୍ଦୁଝର, ମୟୂରଭଞ୍ଜ, ନୂଆପଡ଼ା, ନବରଙ୍ଗପୁର, କଳାହାଣ୍ଡି, କନ୍ଧମାଳ, କୋରାପୁଟ ଓ ରାୟଗଡ଼ା ଜିଲ୍ଲାକୁ କାଳବୈଶାଖୀ ନେଇ ୟେଲୋ ୱାର୍ଣ୍ଣିଂ ଦିଆଯାଇଛି । ଘଣ୍ଟାପ୍ରତି ୪୦ରୁ ୫୦ କିମି ବେଗରେ ପବନ ସମ୍ଭାବନା ରହିଛି । ସେହିଭଳି ୯ ତାରିଖ ସକାଳ ୮ଟା ୩୦ ଯାଏ କୋରାପୁଟ, ରାୟଗଡ଼ା, ଗଜପତି, କନ୍ଧମାଳ, ନୟାଗଡ଼, ବୌଦ୍ଧ, କଟକ, ଅନୁଗୁଳ, ଢେଙ୍କାନାଳ, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ଯାଜପୁର, ଭଦ୍ରକ ଓ କେନ୍ଦ୍ରାପଡ଼ା ଜିଲ୍ଲାକୁ କାଳବୈଶାଖୀ ନେଇ ୟେଲୋ ୱାର୍ଣ୍ଣିଂ ଜାରି ହୋଇଛି । ୪୦ରୁ ୫୦ କିମି ବେଗରେ ପବନ ବହିବା ସମ୍ଭାବନା ରହିଛି ।

ଭ୍ୟାକସିନ ନେବା ସମୟରେ ଏମିତି ନଖରା କଲେ ଯୁବତୀ, ଡାକ୍ତର କହିଲେ ‘ଚାଲିଯାଅ ଏଠୁ’…

ନୂଆଦିଲ୍ଲୀ: ଭାରତରେ କରୋନା ଭାଇରସର ଦ୍ୱିତୀୟ ଲହର ଜାରି ରହିଛି । ପ୍ରତିଦିନ ୩ ଲକ୍ଷରୁ ଅଧିକ ନୂଆ ସଂକ୍ରମଣ ମାମଲା ସାମ୍ନାକୁ ଆସିଛି । ଏହାରି ଭିତରେ ମେ’ ୧ରୁ ୧୮ ବର୍ଷରୁ ଅଧିକଙ୍କୁ ଭ୍ୟାକସିନ ଦେବା ପ୍ରକ୍ରିୟା ଆରମ୍ଭ ହୋଇଯାଇଛି । ଏସବୁ ଭିତରେ ଇଞ୍ଜକେ୍ସନ ନବୋ ପାଇଁ ଡରୁଥିବା ଲୋକଙ୍କ ଭିଡିଓ ମଧ୍ୟ ସାମ୍ନାକୁ ଆସିଛି। ଜଣେ ଯୁବତୀ ଭ୍ୟାକସିନ ନେବା ପାଇଁ ଏମିତି ନାଟକ କରିଥିଲେ ଯେ, ଡାକ୍ତର ମଧ୍ୟ ରାଗି ଯାଇଥିଲେ। ଯୁବତୀ ଜଣକ ବାରମ୍ବାର ମମି ମମି ବୋଲି ଚିତ୍କାର କରିବା ସହ ସଠୋରୁ ପଳାଇ ଯିବା ପାଇଁ ଚଷ୍ଟା କରୁଥିଲେ। ଯାହାର ଭିଡିଓ ସୋସିଆଲ ମିଡିଆରେ ବଶେ ଭାଇରାଲ ହେବାରେ ଲାଗିଛି।

ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଯୁବତୀ ଜଣଙ୍କ ଚେୟାର ଉପରେ ବସିଛନ୍ତି । ଏହି ସମୟରେ ଡାକ୍ତର ହାତରେ ଇଞ୍ଜକେ୍ସନ ଧରି  ତାଙ୍କ ନିକଟକୁ ଆସିଥିଲେ । ଇଞ୍ଜକେ୍ସନ ଦଖେି ସମ୍ପୃକ୍ତ ଯୁବତୀ ଡରି ଯାଇ ଗୋଟିଏ ମିନିଟ ଗୋଟିଏ ମିନିଟ ରୁହନ୍ତୁ ବୋଲି ଡାକ୍ତରଙ୍କୁ କହିଥିଲେ। ର୍ନସ ଆସି ତାଙ୍କୁ ଧରିପକାଇଲେ । ଏହାପରେ ଯୁବତୀ ଜଣକ ମମି ମମି ବୋଲି ଚିତ୍କାର କରିଥିଲେ। ଏଥିରେ ରାଗିଯାଇ ଚାଲି ଯିବାକୁ ଡାକ୍ତର ତାଙ୍କୁ କହିଥିଲେ । ଏହାପରେ ସେ ଡାକ୍ତରଙ୍କୁ ଭ୍ୟାକସିନ ଲଗାଇବା ଲାଗି କହିଥିଲେ। ଡାକ୍ତର ବି ତାଙ୍କୁ ପାଟି ଚୁପ କରି ବସିବାକୁ କହିଥିଲେ । ଡାକ୍ତର ଯମେିତି ତାଙ୍କୁ ଇଞ୍ଜକେ୍ସନ ଲଗାଇଥିଲେ, ଯୁବତୀ ଜଣକ କହିଥିଲେ, ‘ମମି ତ ଡାକିପାରିବି’ ନା । ଏହାଶୁଣି ଡାକ୍ତର କହିଥିଲେ, ‘କିଛି କୁହ ନାହିଁ, ଆରାମରେ ବସ’। ଭ୍ୟାକସିନ ଲଗାଇ ସାରିବା ପରେ ରାଗି ଯାଇ ଡାକ୍ତର କହିଥିଲେ, ଏଠାରୁ ଚାଲି ଯାଅ ।

ଟ୍ୱିଟରରେ ଲଜିକାଲ ଥିଙ୍କର ନାମରେ ଏକ ଆକାଉଣ୍ଟ ଏହି ଭିଜିଓକୁ ମେ ୩ ତାରିଖ ଦିନ ସେୟାର କରିଛନ୍ତି । ଯାହାକୁ ଏଯାବତ ଏକ ଲକ୍ଷରୁ ଅଧିକ ୟୁଜର୍ସ ଦେଖି ସାରିଛନ୍ତି । ଏହା ସହ ୭ ଜହାରରୁ ଅଧିକ ଲାଇକ୍ସ ଏବଂ ୩ ହଜାରରୁ ଅଧିକ ରି ଟ୍ୱିଟ କରାଯାଇଛି ।

ଜଗମୋହନ: କାଶ୍ମୀର ଆତଙ୍କବାଦୀ ଯାହାଙ୍କୁ ଡରୁଥିଲେ, ପୁରୁଣା ଦିଲ୍ଲୀ ଲୋକ ଏବେବି ତାଙ୍କୁ କାହିଁକି ମନେ ପକାନ୍ତି

ନୂଆଦିଲ୍ଲୀ: ଜଗମୋହନ । ଏମିତି ଗୋଟିଏ ନାଁ ଯାହା ଏକାଥରକେ ପ୍ରସଂଶା ଓ ବିବାଦ ଦାବି କରିଥାଏ ଜମମୋହନ ଓ ବିବାଦ ଏକାଠି ଚାଲୁଥିଲେ । ଇନ୍ଦିରାଗାନ୍ଧୀଙ୍କ ଅମଳରେ ଜରୁରୀକାଳିନ ପରିସ୍ଥିତି କାଳରେ ଯଦି ପ୍ରଶାସନିକ ଅଧିକାରୀ ଜଗମୋହନଙ୍କ କଠୋରତାକୁ ସମାଲୋଚନା କରାଯାଏ ତେବେ ପ୍ରଶଂସା ମଧ୍ୟ କରାଯାଏ । ଜମ୍ମୁକାଶ୍ମୀର ଯେତେବେଳେ ରାଜ୍ୟ ଥିଲା,ସେତେବେଳେ ୧୯୯୦ ଦଶକର ଘଟଣାବହୁଳ,ଇତିହାସ ପରିବର୍ତ୍ତନକାରୀ ସମୟରେ ସେ ଥିଲେ ସେହି କନଫ୍ଲିକ୍ଟ ଜୋନର ରାଜ୍ୟପାଳ । ରାଜ୍ୟପାଳ ଭାବେ ମଧ୍ୟ ଜଗମୋହନଙ୍କ କାର୍ଯ୍ୟକୁ ନିଜ ନିଜ ହିସାବରେ ତଉଲନ୍ତି ସମୀକ୍ଷକ । କେହି କାଶ୍ମୀରରୁ ହିନ୍ଦୁ ପଣ୍ଡିତଙ୍କ ପଳାୟନ ପାଇଁ ଜଗମୋହନଙ୍କୁ ଦାୟୀ କରନ୍ତି ତ’ କାହା ନଜରରେ କାଶ୍ମୀର କେବଳ ତାଙ୍କ ପାଇଁ ରକ୍ଷା ପାଇଥିଲା । ତେବେ ଜଗମୋହନ କିଏ ? ପୁରା ନାମ ହେଉଛି ଜଗମୋହନ ମାଲହୋତ୍ରା । କିନ୍ତୁ ଦୁନିଆ ତାଙ୍କୁ କେବଳ ଜଗମୋହନ ଭାବେ ଜାଣେ । ମଙ୍ଗଳବାର ଦିନ ସେହି ଜଗମୋହନଙ୍କ ଦେହାନ୍ତ ହୋଇ ଯାଇଛି ।

ଜମ୍ମୁକାଶ୍ମୀରର ପୂର୍ବତନ ରାଜ୍ୟପାଳ ଜଗମୋହନ ମଧ୍ୟ ଦିଲ୍ଲୀର ଉପ ରାଜ୍ୟପାଳ ଥିଲେ । ଯେମିତି କାଶ୍ମୀରକୁ ନେଇ ତାଙ୍କର ବିବାଦୀୟ ଛବି ରହିଛି ସେମିତି ଦିଲ୍ଲୀରେ ମଧ୍ୟ ଜଗମୋହନଙ୍କ ଦୁଇଟି ବ୍ୟକ୍ତିତ୍ୱ ଦେଖିବାକୁ ମିଳେ । ଇନ୍ଦିରାଗାନ୍ଧୀଙ୍କ ପ୍ରଧାନମନ୍ତ୍ରିତ୍ୱ କାଳରେ ଦେଶରେ ଜରୁରୀକାଳିନ ପରିସ୍ଥିତି ଜାରି ହୁଏ । ଏହି ସମୟରେ ଦେଶର ପ୍ରକୃତ ଶାସନ ଡୋର ସଂଜୟ ଗାନ୍ଧୀଙ୍କ ହାତରେ ଥିଲା ବୋଲି କୁହାଯାଏ । ସଂଜୟ ଓ ତାଙ୍କ ୟୁଥ୍ ବ୍ରିଗେଡର ଇଶାରାରେ ଦେଶ ଚାଲୁଥିଲା । ସଂଜୟ ଦିଲ୍ଲୀର କାୟାକଳ୍ପ ଚାହୁଁଥିଲେ । ଦିଲ୍ଲୀ ବିକାଶ ପ୍ରାଧିକରଣ ବା ଡିଡିଏର ଚେୟାରମ୍ୟାନ୍ ଥିବା ଜଗମୋହନଙ୍କୁ ଏହି ଦାୟିତ୍ୱ ମିଳିଥିଲା । କାରଣ ଜଗମୋହନ ଥିଲେ ସଂଜୟଙ୍କ ଫେଭରେଟ୍ ଅଫିସରଙ୍କ ମଧ୍ୟରୁ ଜଣେ । ଏମରଜେନ୍ସୀ ପିକ୍ ଉପରେ ଥିବା ବେଳେ ସଂଜୟ ତାଙ୍କ ନିଜ ଅଫିସକୁ ଡାକିଥିଲେ । ଆଉ କହିଥିଲେ ,ମୁଁ ସଫାସୁତୁରା ଦିଲ୍ଲୀ ଚାହୁଁଛି । ଏହାପରେ ଜଗମୋହନ କାମକୁ ଓହ୍ଲାଇଥିଲେ । ଆଉ ଏପର୍ଯ୍ୟନ୍ତ ପୁରୁଣା ଦିଲ୍ଲୀର ଲୋକ ଜଗମୋହନଙ୍କୁ ମନେ ପକାଉଛନ୍ତି ।

ସାମ୍ବାଦିକ ତଲଭିନ୍ ସିଂହ ଏମରଜେନ୍ସୀ କାଳରେ ଜଗମୋହନଙ୍କ କାମ ବିଶୟରେ ଅନେକ କିଛି ଲେଖିଛନ୍ତି । ଦିଲ୍ଲୀର ପ୍ରସିଦ୍ଧ ଫ୍ଲୋର ରେସ୍ତୋରାଁ ତାଙ୍କରି ଆଦେଶରେ ଭାଙ୍ଗି ଦିଆଯାଇଥିଲା ।

କୁହାଯାଏ ଯେ, ସଂଜୟଙ୍କ ଆଦେଶର ଜଗମୋହନ ୧୯୭୫ରୁ ୧୯୭୭ ମଧ୍ୟରେ ଦିଲ୍ଲୀର ଅନେକ ମୁସଲିମ ବହୁଳ ବସ୍ତିକୁ ଉଛେଦ କରିଥିଲେ । ପରେ ନିର୍ବାଚନରେ ଏହା ସଂଜୟଙ୍କୁ ମହଙ୍ଗା ପଡିଥିଲା । ୧୯୭୭ ନିର୍ବାଚନରେ ଏଥିପାଇଁ କଂଗ୍ରେସ ମୁସଲିମ୍ ଭୋଟ୍ ହରାଇଥିଲା । ତେବେ ୧୯୮୨ ମସିହାରେ ଦିଲ୍ଲୀର ଉପରାଜ୍ୟପାଳ ଭାବେ ଏସିଆନ ଗେମ୍ସ ଆୟୋଜନରେ ତାଙ୍କ ଭୂମିକାକୁ ପ୍ରଶଂସା କରାଯାଇଥିଲା ।
ତେବେ ଜମ୍ମୁକାଶ୍ମୀରର ରାଜ୍ୟପାଳ ଭାବେ ତାଙ୍କର ଦୁଇଥରର କାର୍ଯ୍ୟକାଳ ବେସ ବିବାଦୀୟ ଥିଲା । ୧୯୮୪ ମସିହାରେ ଜମ୍ମୁକାଶ୍ମୀରର ରାଜ୍ୟପାଳ ଭାବେ ଜଗମୋହନ ପ୍ରଥମଥର ପାଇଁ କାର୍ଯ୍ୟଭାର ସମ୍ଭାଳିଥିଲେ । ଏହି ସମୟରେ ନ୍ୟାସନାଲ କନଫେରନ୍ସ ସୁପ୍ରିମୋ ତଥା ମୁଖ୍ୟମନ୍ତ୍ରୀ ଫରୁକ ଅବଦୁଲାଙ୍କ ବିରୋଧରେ ବିଦ୍ରୋହ କରିଥିଲେ ତାଙ୍କ ଭିଣୋଇ ଜି.ଏମ୍ ଶାହା । କଂଗ୍ରେସ ସମର୍ଥନରେ ଶାହା ,ଫାରୁକ ଅବଦୁଲାଙ୍କୁ ବିଦା କରି ନିଜେ ମୁଖ୍ୟମନ୍ତ୍ରୀ ହୋଇଥିଲେ । ଫାରୁକ ଏଥିପାଇଁ ଜଗମୋହନଙ୍କୁ କେବେ ମଧ୍ୟ କ୍ଷମା କରିନଥିଲେ । ଫାରୁକଙ୍କ ଅଭିଯୋଗ ଥିଲା ଯେ, କଂଗ୍ରେସ ହାଇକମାଣ୍ଡ୍ ଓ ଜଗମୋହନ ମିଶିକରି ପରିବାର ଭିତରେ ବିଦ୍ରୋହ କରାଇଥିଲେ । ତେବେ ଦୁଇ ବର୍ଷ ପରେ ଅନନ୍ତନାଗ ସାମ୍ପ୍ରଦାୟୀକ ଦଙ୍ଗା ରୋକିବାରେ ବିଫଳତା ଅଭିଯୋଗରେ ଶାହାଙ୍କ ସରକାରକୁ କେନ୍ଦ୍ର ବରଖାସ୍ତ କରିଥିଲା ।

ଶାହା ସରକାର ବରଖାସ୍ତ ପରେ ହୋଇଥିବା ନିର୍ବାଚନରେ ଫାରୁକ ଅବଦୁଲ୍ଲାଙ୍କ ଦଳ ବିଜୟୀ ହୋଇଥିଲା । କିନ୍ତୁ ମୁସଲିମ୍ ମୁତେହିଦା ମହଜ୍ ବା ମୁଫ୍ ଫଳାଫଳକୁ ପ୍ରତ୍ୟାଖାନ କରିଥିଲା । ନିର୍ବାଚନର ଗୋଟିଏ ବର୍ଷ ପରେ ମୁସଲିମ୍ ମୁତେହିଦାର କ୍ୟାଡର ପାକିସ୍ତାନକୁ ଟ୍ରେନିଂ ପାଇଁ ଯାଇଥିଲେ । ଏହାପରେ କାଶ୍ମୀରରେ ଧର୍ମ ଆଧାରରେ ବିଛିନ୍ନତାବାଦୀ ଆନ୍ଦୋଳନ ଆରମ୍ଭ ହୋଇଥିଲା । କାଶ୍ମୀରର ପରିସ୍ଥିତି ଦିନକୁ ଦିନ ବିଗିଡିବାର ଲାଗିଥିଲା । ଏହି ସମୟରେ ୧୯୯୦ ମସିହାରେ ଦ୍ୱିତୀୟ ଥର ପାଇଁ ଜଗମୋହନ କାଶ୍ମୀରର ରାଜ୍ୟପାଳ ହୋଇଥିଲେ ।
ଜଗମୋହନଙ୍କ ନିଯୁକ୍ତିକୁ ବିରୋଧ କରି ଅବଦୁଲ୍ଲା ଇସ୍ତାଫ ଦେଇଥିଲେ । ଜଗମୋହନ ରାଜଭବନ ମଧ୍ୟକୁ ପ୍ରବେଶ କରିବାର କେଇ ଘଣ୍ଟା ପରେ ସିଆରପିଏଫ୍ ଗୁଳିରେ ଅନେକ ବିକ୍ଷୋଭକାରୀ ପ୍ରାଣ ହରାଇଥିଲେ । କାଶ୍ମୀର ନେତା ଓ ବିଛିନ୍ନତାବାଦୀ ଏଥିପାଇଁ ଜଗମୋହନଙ୍କୁ ଦାୟୀ କରନ୍ତି । ସେମାନଙ୍କ ଅଭିଯୋଗ ଯେ, ଜଗମୋହନଙ୍କ ଆଦେଶରେ ସିଆରିପିଏଫ୍ ଗୁଳିମାଡ କରିଥିଲା ।

୧୯୯୦ ଦଶକର ଆରମ୍ଭ ଥିଲା କାଶ୍ମୀର ପାଇଁ ଘଟଣାବହୁଳ । ଆଫଗାନିସ୍ତାନରେ ସୋଭିଏତ ସଂଘର ପରାଜୟ ସହ ମୁଜାହିଦ୍ଦିନ ଏହି ସମୟରେ କାଶ୍ମୀର ମୁହାଁ ହୋଇଥିଲେ । ପାକିସ୍ତାନ କାଶ୍ମୀର ମୁସଲମାନଙ୍କୁ ଜିହାଦ ପାଇଁ ଉସକାଉଥିଲା । ଯାହାର ଶିକାର ହୋଇଥିଲେ କାଶ୍ମୀରର ସଂଖ୍ୟାଲଘୁ ହିନ୍ଦୁ ପଣ୍ଡିତ । ଏହି ସମୟରେ ମସଜିଦରୁ ହିନ୍ଦୁ ପଣ୍ଡିତ କାଶ୍ମୀର ଛାଡ ବୋଲି ଘୋଷଣା ହେଉଥିଲା । ଗୋଟିଏ ଦିନରେ କାଶ୍ମୀର ଘାଟି ହିନ୍ଦୁ ପଣ୍ଡିତ ଶୁନ୍ୟ ହୋଇଥିଲା ବୋଲି କୁହାଯାଏ । ତେବେ ଏଥିପାଇଁ କାଶ୍ମୀର ବିଛିନ୍ନତାବାଦୀ ଜଗମୋହନଙ୍କୁ ଦାୟୀ କରନ୍ତି । ସେମାନେ କୁହନ୍ତି ଯେ, ସେମାନଙ୍କ ପାଇଁ ନୁହେଁ ଜଗମୋହନଙ୍କ ପାଇଁ ହିନ୍ଦୁ କାଶ୍ମୀର ଛାଡିଥିଲେ । ଜଗମୋହନ ହିନ୍ଦୁ ପଣ୍ଡିତଙ୍କୁ ଡରାଇଥିଲେ ସେଥିପାଇଁ ସେମାନେ କାଶ୍ମୀର ଘାଟି ଛାଡି ପଳାୟନ କରିଥିଲେ । ତେବେ ଏସବୁକୁ ଖାରଜ କରୁଥିଲେ ଜଗମୋହନ । ନିଜ ପୁସ୍ତକ ମାଇ ଫ୍ରୋଜେନ୍ ଟ୍ରବ୍ୟୁଲାନ୍ସ ଇନ୍ କାଶ୍ମୀରରେ ଏବାବଦରେ ଆଲୋଚନା କରିଛନ୍ତି । ଜଗମୋହନଙ୍କ ଏହି ପୁସ୍ତକ ବେଷ୍ଟ୍ ସେଲର ମାନ୍ୟତା ପାଇଥିଲା ।

ଜଗମୋହନ ପରେ ବିଜେପିରେ ସାମିଲ ହୋଇଥିଲେ । ୧୯୯୬ରେ ସେ ନୂଆ ଦିଲ୍ଲୀ ଲୋକସଭା ଆସନରୁ ସୁପରଷ୍ଟାର ରାଜେଶ ଖାନ୍ନାଙ୍କୁ ହରାଇ ନିର୍ବାଚିତ ହୋଇଥିଲେ । ଏହା ପରେ ୧୯୯୮ ଓ ୧୯୯୯ରେ ମଧ୍ୟ ସେ ଲୋକସଭାକୁ ନିର୍ବାଚିତ ହୋଇଥିଲେ । ତେବେ ୨୦୦୪ରେ ସେ କଂଗ୍ରେସର ଅଜୟ ମାକନଙ୍କଠାରୁ ହାରିଯାଇଥିଲେ ।

ଜଗମୋହନଙ୍କ ଜନ୍ମ ୧୯୨୭ ମସିହାରେ ପାକିସ୍ତାନର ହାଫିଜାବାଦରେ ହୋଇଥିଲା । ବିଭାଜନ କାଳରେ ତାଙ୍କ ପରିବାର ଭାରତକୁ ଚାଲିଆସିଥିଲେ । ୨୦୧୯ରେ ଧାରା ୩୭୦ ହଟିବା ପରେ କେନ୍ଦ୍ର ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହ ତାଙ୍କୁ ସାକ୍ଷାତ କରିଥିଲେ ।

କରୋନା ସମୟରେ ଏହି ଔଷଧର ବ୍ୟବହାର ହୋଇପାରେ କ୍ଷତିକାରକ

ନୂଆଦିଲ୍ଲୀ: କରୋନା ଭୂତାଣୁର ଦ୍ୱିତୀୟ ପର୍ଯ୍ୟାୟ ସମଗ୍ର ଦେଶରେ ହଇଚଇ ସୃଷ୍ଟି କରିଛି। ଅକ୍ସିଜେନ୍ ଅଭାବରୁ ଚାଲିଯାଉଛି ଅନେକ କରୋନା ରୋଗୀଙ୍କ ଜୀବନ । ଡାକ୍ତରଖାନାରେ ଆଇସିୟୁ, ଶଯ୍ୟା, ଅମ୍ଳଜାନ ଏବଂ ଔଷଧର ଅଭାବ ଯୋଗୁଁ  ମୃତ୍ୟୁର ତାଣ୍ଡବ ଥମିବାର ନାଁ ନେଉନାହିଁ । ଏଭଳି ପରିସ୍ଥିତିରେ ଡାକ୍ତରମାନେ ଲୋକଙ୍କୁ ସେଲ୍ଫ ଆଇସୋଲେସନରେ ରହି ଚିକିତ୍ସା କରିବାକୁ ପରାମର୍ଶ ଦେଉଛନ୍ତି। କିନ୍ତୁ କିଛି ଲୋକେ ଶୀଘ୍ର ସୁସ୍ଥ ହେବା ପାଇଁ ଔଷଧ କିମ୍ବା ଷ୍ଟେରଏଡର ଓଭରଡୋଜ୍ ନେଉଛନ୍ତି । ଏହା କିନ୍ତୁ ରୋଗୀଙ୍କ ପାଇଁ ହୋଇପାରେ ବିପଦଜନକ।

ଦିଲ୍ଲୀ AIIMSର ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆଙ୍କ କହିବା ଅନୁସାରେ, ସିଷ୍ଟମେଟିକ୍ ଷ୍ଟେରଏଡର ଓଭରଡୋଜ୍ ରୋଗୀମାନଙ୍କ ପାଇଁ ହୋଇପାରେ କ୍ଷତିକାରକ। ବିଶେଷକରି ଯେତେବେଳେ ଏହା ରୋଗର ପ୍ରାରମ୍ଭିକ ପର୍ଯ୍ୟାୟରେ ବ୍ୟବହାର କରାଯାଏ ସେତେବେଳେ ଏହା ଫୁସଫୁସ ଉପରେ ଖରାପ ପ୍ରଭାବ ପକାଇଥାଏ । କରୋନା ସଂକ୍ରମଣ ସମୟରେ ଔଷଧର ଅପବ୍ୟବହାର ନେଇ ଚେତାବନୀ ଦେଇଛନ୍ତି ଡାକ୍ତର ଗୁଲେରିଆ । ଔକ୍ଷଧ ବାବଦରେ ସବୁବେଳେ ଡାକ୍ତରଙ୍କ ପରାମର୍ଶ ନେବା ଉଚିତ୍ ବୋଲି ସେ ଜଣାଇଛନ୍ତି ।

କୋଭିଡ୍ ର ଦୁଇଟି ଷ୍ଟେଜ୍ ରହିଛି । ପ୍ରଥମେ, ଯେତେବେଳେ ଶରୀରରେ ଭୂତାଣୁ ଯୋଗୁଁ ଜ୍ୱର କିମ୍ବା ସଂକ୍ରମଣ ଜନିତ ସମସ୍ୟା ଦେଖାଯାଏ। ଅନେକ ଥର ଯେତେବେଳେ ଫୁସଫୁସରେ ଭୂତାଣୁ ବିସ୍ତାର ହେବା ଆରମ୍ଭ କରେ ଏବଂ ହଠାତ୍ ଅମ୍ଳଜାନ ସ୍ତର କମିଯାଏ, ସେତେବେଳେ ଆଣ୍ଟି-ଭାଇରାଲ୍ ଔଷଧ ଦିଆଯାଏ । ଅପରପକ୍ଷରେ ସଂକ୍ରମିତଙ୍କ ଶରୀରରେ ରୋଗ ପ୍ରତିରୋଧକ ଶକ୍ତି କମ ଥିବାରୁ ଇନଫ୍ଲାମେଟୋରି ରିଆକ୍ସନ ବଢିବାରେ ଲାଗେ ।

ବର୍ତ୍ତମାନ ଦେଖିବାକୁ ମିଳୁଛି ଯେ କରୋନା ସଂକ୍ରମିତ ହେବା ପରେ ଲୋକମାନେ ତୁରନ୍ତ ସିଟି ସ୍କାନ୍ କରାଉଛନ୍ତି। ତେବେ ଏନେଇ ଡକ୍ଟର ଗୁଲେରିଆ କହିଛନ୍ତି ଯେ, କୋଭିଡ ଆରମ୍ଭରେ ସିଟି ସ୍କାନ କରିବାର କୌଣସି ଆବଶ୍ୟକତା ନାହିଁ। ଗୋଟିଏ ସିଟି ସ୍କାନରେ ୩୦୦ ଏକ୍ସ-ରେ ଭଳି ରେଡିଏସନ୍ ହୋଇଥାଏ । ଏହା ଦ୍ୱାରା କର୍କଟ ରୋଗର ଆଶଙ୍କା ବଢିଥାଏ । ବାୟୋ ମାର୍କର ତଥା ରକ୍ତ ପରୀକ୍ଷା ମଧ୍ୟ ନିଜ ମନ ମୁତାବକ କରିବା ଅନୁଚିତ୍ ।

ଅନେକ ଲୋକ ପ୍ରତି ତିନିମାସରେ ଥରେ ସିଟି ସ୍କାନ କରୁଛନ୍ତି, ଯାହା ଶରୀର ପାଇଁ କ୍ଷତିକାରକ ହୋଇଥାଏ। ଶିଶୁ ଏବଂ ୧୮ ବର୍ଷରୁ କମ୍ ବୟସର ଲୋକଙ୍କ ମଧ୍ୟରେ କରୋନାର ଦ୍ରୁତ ଗତିରେ ବଢୁଛି। ଏହି ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାର କୋଭିଡ୍ ମ୍ୟାନେଜମେଣ୍ଟ ଉପରେ ମଧ୍ୟ ଗାଇଡଲାଇନ୍ ଜାରି କରିଛନ୍ତି । ଦ୍ରୁତ ଗତିରେ ବଢୁଥିବା କରୋନା ମାମଲାରେ ରୋକ୍ ଲଗାଇବା ଜରୁରୀ। ଭାଇରସର ଚେନ୍ ଭାଙ୍ଗିବା ପାଇଁ ହେଲେ କରୋନା ସତର୍କତା ଓ ସଚେତନତା ଅବଲମ୍ୱନ କରିବା ଜରୁରୀ । ଏନେଇ ଡାକ୍ତରମାନଙ୍କୁ ମଧ୍ୟ ସ୍ପେଶାଲ ଟ୍ରେନିଂ ଦିଆଯିବା ଜରୁରୀ ।

କରୋନା କବଳରେ ସିଂହ: ଦେଶରେ ପ୍ରଥମ ଥର ପାଇଁ ସଂକ୍ରମିତ ଚିହ୍ନଟ ହେଲେ

ହାଇଦ୍ରାବାଦ: ମହାମାରୀ କବଳରେ ଜଙ୍ଗଲର ମହାରାଜ । ମଣିଷଙ୍କ ପରେ ଏବେ ପଶୁଙ୍କୁ କବଳିତ କରିଛି ଏହି ଭୟଙ୍କର ଭୂତାଣୁ । ଦେଶରେ ପ୍ରଥମ ପାଇଁ କରୋନା ସଂକ୍ରମିତ ହୋଇଛନ୍ତି ୮ ସିଂହ । ହାଇଦ୍ରାବାଦ  ସ୍ଥିତ ନେହେରୁ ପ୍ରାଣୀ ଉଦ୍ୟାନର ୮ ସିଂହ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।

             ମଣିଷ ତ ମଣିଷ ଏବେ ପଶୁ ବର୍ତ୍ତିଲେନି । ସମଗ୍ର ମାନବ ଜାତି ପାଇଁ ବିପଦ ସାଜିଥିବା ଏହି ଭୟଙ୍କର ଭୂତାଣୁ ପଶୁମାନଙ୍କ ପାଇଁ ମଧ୍ୟ ବିପଦ ସୃଷ୍ଟି କରିଛି । ଦେଶରେ ପ୍ରଥମ ଥର ଲାଗି କରୋନା ସଂକ୍ରମିତ ଚିହ୍ନଟ ହୋଇଛନ୍ତି ୮ ସିଂହ । ଗତ ଏପ୍ରିଲ ୨୯ ତାରିଖରେ ସେଣ୍ଟର ଫର୍ ସେଲୁଲାର ଆଣ୍ଡ ମଲିକୁଲାର ବାୟୋଲୋଜି (ସିସିଏମ୍‌ବି) ମୌଖିକ ଭାବେ ନେହେରୁ ପ୍ରାଣୀ ଉଦ୍ୟନର କର୍ତ୍ତୃପକ୍ଷଙ୍କୁ ସିଂହମାନେ ସଂକ୍ରମିତ ହୋଇଥିବା ନେଇ ସୂଚନା ଦେଇଥିଲେ । ଏହି ଘଟଣାକୁ ପ୍ରାଣୀ ଉଦ୍ୟାନ ନିର୍ଦ୍ଦେଶକ ଡ. ସିଦ୍ଦାନନ୍ଦ କୁର୍କେତ୍ତି ଘଟଣାକୁ ଅସ୍ୱୀକାର  କର ନଥିଲେ ମଧ୍ୟ ଠିକ୍ ବୋଲି ମଧ୍ୟ କହିନଥିଲେ ।  ସେ କହିଛନ୍ତି ଯେ, ସିଂହମାନଙ୍କ ଠାରେ କରୋନା ସଂକ୍ରମଣ ଦେଖିବାକୁ ମିଳିବା କଥା ସତ । କିନ୍ତୁ ଆରଟିପିସିଆର ରିପୋର୍ଟ ନ ମିଳିବା ଯାଏଁ ଏହା ଉପରେ ପ୍ରତିକ୍ରିୟା ରଖିବା ଉଚିତ୍ ନୁହେଁ । ତେବେ ବର୍ତ୍ତମାନ ସିଂହମାନେ ସୁସ୍ଥ ଥିବା ନିର୍ଦ୍ଦେଶକ କହିଛନ୍ତି ।

ଏଥିସହିତ ପଢ଼ନ୍ତୁ: ୪୦ ପ୍ରତିଶତ ଲୋକ କାହିଁକି ଟିକା ନେବାକୁ ଚାହୁଁନାହାଁନ୍ତି?

ଖେଳାଳି ସଂକ୍ରମିତ ଚିହ୍ନଟ ପରେ ଆଇପିଏଲ୍-୨୦୨୧କୁ ବାତିଲ କଲା ବିସିସିଆଇ

ନୂଆଦିଲ୍ଲୀ: ଆଇପିଏଲ୍ ୨୦୨୧କୁ ବାତିଲ କଲା ବିସିସିଆଇ । କିଛି ଖେଳାଳି କରୋନା ସଂକ୍ରମିତ ଚିହ୍ନଟ ପରେ ଏଭଳି ନିଷ୍ପତ୍ତି ନେଇଛି ବିସିସିଆଇ । କିଛି ଖେଳାଳି ସଂକ୍ରମିତ ଚିହ୍ନଟ ପରେ ୩୦ତମ ମ୍ୟାଚ୍କୁ ବାତିଲ କରିଥିଲା ବିସିସିଆଇ । ଏଣୁ ଗତକାଲିର କେକେଆର-ଆରସିବି ମ୍ୟାଚ୍ ବାତିଲ ହୋଇଥିଲା ।

KKRର ୨ ଜଣ ଖେଳାଳି କରୋନା ସଂକ୍ରମିତ ଚିହ୍ନଟ ହୋଇଥିଲେ ।  ଚେନ୍ନାଇ ସୁପରକିଙ୍ଗସ୍‌ର ସୋପର୍ଟ ଷ୍ଟାଫ୍‌ଙ୍କ ଭିତରୁ ୩ଜଣ କରୋନା ସଂକ୍ରମିତ ହୋଇଛନ୍ତି । ତେବେ ଟିମ୍‌ର ବାକି ସଦସ୍ୟଙ୍କ ରିପୋର୍ଟ ନେଗେଟିଭ୍ ଆସିଥିଲା । ୨ମେ’ରେ ହୋଇଥିବା ଟେଷ୍ଟିଂ ପରେ ଏହା ଜଣାପଡ଼ିଥିଲା ।  ଚେନ୍ନାଇ ଟିମର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) କାଶୀ ବିଶ୍ବନାଥନ୍‌, ବୋଲିଂ କୋଚ୍‌ ଏଲ୍‌ ବାଲାଜୀ ଏବଂ ବସ୍‌ର କ୍ଲିନର କରୋନା ସଂକ୍ରମିତ ହୋଇଛନ୍ତି । ଏଥିସହିତ କେକେଆରର ୨ ଖେଳାଳି ମଧ୍ୟ କରୋନା ସଂକ୍ରମିତ ଚିହ୍ନଟ ହୋଇଥିଲେ । ତେବେ ଆଜି ସନ୍‌ରାଇଜର୍ସ ହାଇଦ୍ରାବାଦର ମଧ୍ୟ କିଛି ଖେଳାଳି କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଋଦ୍ଧିମାନ ଶାହା ଏବଂ ଅମିତ ମିଶ୍ରା କରୋନା ସଂକ୍ରମିତ ଚିହ୍ନଟ ହୋଇଥିବା ସୂଚନା । ତେବେ ଟି-୨୦ ବିଶ୍ୱକପ୍ ପରେ ଆଇପିଏଲ୍ ଆୟୋଜନ ହୋଇପାରେ ।

ଏଥିସହିତ ପଢ଼ନ୍ତୁ: କୋଲକତା ନାଇଟ ରାଇଡରର୍ସ ପରେ ଚେନ୍ନାଇ ସୁପରକିଙ୍ଗସ୍‌ର ୩ଜଣଙ୍କୁ କରୋନା

ରୋଗୀଙ୍କ ହାର୍ଟକୁ କେମିତି ଆଟାକ୍ କରେ କରୋନା?

ନୂଆଦିଲ୍ଲୀ: କରୋନାର ଦ୍ୱିତୀୟ ପ୍ରବାହ ଯୁବ ପିଢିଙ୍କ ପାଇଁ ହାନିକାରକ ସାବ୍ୟସ୍ତ ହୋଇଛି । କରୋନା ବେଳେ ଅନେକ ସମୟରେ ସଂକ୍ରମିତ ଲୋକଙ୍କଠାରେ ହୃଦଘାତ ଏବଂ ବ୍ଲଡ୍ କ୍ଲଟିଂ ସମସ୍ୟା ଦେଖାଯାଇଛି। ଖାଲି ଏତିକି ନୁହେଁ ଅକ୍ସିଜେନ୍ ଓ ମେଡିସିନ୍ ଅଭାବ ସ୍ଥିତିକୁ ଆହୁରି ଖରାପ କରୁଛି । କରୋନା କୌଣସି ବୟସର ଲୋକମାନଙ୍କୁ ସଂକ୍ରମିତ କରିପାରେ । ନିକଟରେ ପ୍ରସିଦ୍ଧ ଟିଭି ଆଙ୍କର ରୋହିତ ସରଦାନାଙ୍କର ମଧ୍ୟ କରୋନା ଯୋଗୁଁ ମୃତ୍ୟୁ ହୋଇଥିଲା । ହେଲେ ସେ ମଧ୍ୟ ହୃଦଘାତର ଶିକାର ହୋଇଥିଲେ । କରୋନାରୁ ଧିରେ ଧିରେ ସୁସ୍ଥ ହୋଇଆସୁଥିବାବେଳେ ହୃଦଘାତରେ ତାଙ୍କର ମୃତ୍ୟୁ ହୋଇଥିଲା ।

Triple Mutant Coronavirus B1618 Reported In India

କରୋନା କାହିଁକି ଯୁବପିଢିଙ୍କୁ ନିଜର ଶିକାର କରୁଛି?

ଫୋର୍ଟିସ୍ ହସ୍ପିଟାଲର ଅଧ୍ୟକ୍ଷ ଡ଼. ଅଶୋକ ସେଠ କହିଛନ୍ତି, ‘ଗତଥର ଅପେକ୍ଷା ଏହି ମ୍ୟୁଟାଣ୍ଟ ଭାଇରସ୍ ୫୦ ପ୍ରତିଶତ ଅଧିକ ସଂକ୍ରାମକ । ଦ୍ୱିତୀୟରେ ଅଧିକାଂଶ ଯୁବକ ଚାକିରି କିମ୍ବା ଅନ୍ୟ ଗୁରୁତ୍ୱପୂର୍ଣ୍ଣ କାମ ଲାଗି ବାହାରକୁ ବାହାରୁଛନ୍ତି । ଫଳରେ ସେମାନେ ସଂକ୍ରମିତ ହେବାର ସମ୍ଭାବନା ମଧ୍ୟ ବଢୁଛି । ତେଣୁ, ଏଥର ସଂକ୍ରମିତ ଯୁବକମାନଙ୍କ ସଂଖ୍ୟା ଅଧିକ।

ଡକ୍ଟର ସେଠ ଆହୁରି କହିଛନ୍ତି, ବିଡମ୍ବନାର କଥା ଯେ, ଏହି ଭାଇରସ୍ ହାର୍ଟରେ ବ୍ଲଡ୍ କ୍ଲଟିଂ ସମସ୍ୟା ସୃଷ୍ଟି କରୁଛି । ଫଳରେ ଏହି ରକ୍ତ ଜମାଟ ଫୁସଫୁସ ଏବଂ ଧମନୀ ଉପରେ ପ୍ରଭାବ ପକାଇଥାଏ । ଏଭଳି ସ୍ଥଳେ ରୋଗୀଙ୍କ ଠାରେ ହୃଦଘାତର ଆଶଙ୍କା ବଢିଯାଇଥାଏ । ହାର୍ଟର ମାଂସପେଶୀ ଦୁର୍ବଳ ହେବା କାରଣରୁ ହାର୍ଟ ଫେଲୁଅର୍, ରକ୍ତ ଚାପ ଓ ହୃତ୍ ସ୍ପଦନ ବଢିବା କିମ୍ବା କମିବା ଭଳି ସମସ୍ୟା ଦେଖାଦେଇଥାଏ ।

କେତେ ଦିନ ଭିତରେ ବ୍ଲଡ୍ କ୍ଲଟିଂ ହୋଇଥାଏ?

ଡକ୍ଟର ସେଠ୍ କହିଛନ୍ତି ଯେ, କରୋନା ସଂକ୍ରମଣର ପଞ୍ଚମ ଦିନରେ ବ୍ଲଡ୍ କ୍ଲଟିଂ ସମ୍ଭାବନା ସବୁଠୁ ଅଧିକ। ଏହା ପୂର୍ବରୁ କାଶ, ଜ୍ୱର ଭଳି କିଛିଟା ସାମାନ୍ୟ ଲକ୍ଷଣ ଦେଖାଯାଇଥାଏ । ଏହାର ସିଧା ପ୍ରଭାବ ପଡୁନଥିବା ବେଳେ ଏହା ଏକ ଇନଫ୍ଲେମେଟରି ଓ ଇମ୍ୟୁନୋଲୋଜିକାଲ୍ ରିଆକ୍ସନ ।

ପ୍ରଥମ ଚାରି ଦିନ ଚିନ୍ତାର ବିଷୟ ହୋଇନଥିବା ବେଳେ ୫ ରୁ ୧୨ଦିନ ମଧ୍ୟରେ ସ୍ଥିତି ଅଧିକ ଖରାପ ହୋଇଥାଏ । ସଂକ୍ରମଣ ପର୍ଯ୍ୟାୟର ପଞ୍ଚମ ଦିନରେ ରୋଗୀଙ୍କୁ ବ୍ଲଡ୍ ଥିନରର ଇଞ୍ଜେକ୍ସନ ଦିଆଯାଏ। ଚିକିତ୍ସା ଶେଷ ହେବାର କିଛି ସମୟ ଯାଏଁ ମେଡିସିନ୍ ଜାରି ରହିଥାଏ । ରୋଗୀର ଇନଫ୍ଲେମେଟରି ରିଆକ୍ସନ ସ୍ତର ଯାଞ୍ଚ କରିବା ପରେ ଯାଇ ରୋଗୀଙ୍କୁ ବ୍ଲଡ୍ ଥିନର ଦିଆଯାଇପାରେ ।

ଲଗାତାର ପାଞ୍ଚ ଦିନ ଯାଏଁ ଇନଫ୍ଲେମେଟରି ରିଆକ୍ସନ ରହିଲେ ଅକ୍ସିଜେନ୍ କମିବାର ଆଶଙ୍କା ରହିଥାଏ । ଭାଇରସ୍ ଇନଫେକ୍ସନ ସିଧାସଳଖ ଫୁସଫୁସ ଉପରେ ପ୍ରଭାବ ପକାଇନଥାଏ । ମାତ୍ର ଇନଫ୍ଲେମେସନ୍ ବଢିବା ଯୋଗୁଁ ଶ୍ୱାସ କ୍ରିୟା ଉପରେ ପ୍ରଭାବ ପଡ଼ିଥାଏ ବୋଲି କହିଛନ୍ତି ଡା. ସେଠ୍।

ଏନେଇ ମେଦାନ୍ତର ଚେୟାରମ୍ୟାନ୍ ଡକ୍ଟର ନରେଶ ଟ୍ରେହାନ କହିଛନ୍ତି, କରୋନାର ଦ୍ୱିତୀୟ ପ୍ରବାହରେ କମ୍ ବୟସର ଯୁବ ପିଢି ଅଧିକ ସଂକ୍ରମିତ ହୋଇଛନ୍ତି । ଡ. ଟ୍ରେହାନ କହିଛନ୍ତି ଯେ ଗତଥର ୧୦-୧୫ ପ୍ରତିଶତ ପୋଷ୍ଟ କୋଭିଡ-୧୯ ରୋଗୀଙ୍କ ମଧ୍ୟରେ ହାର୍ଟ ଇମଫ୍ଲେସନ୍ ସମ୍ବନ୍ଧୀୟ ସମସ୍ୟା ଦେଖିବାକୁ ମିଳିଥିଲା । କିନ୍ତୁ ଏଥର ଏହି ଇନଫ୍ଲେମେଟରି ରିଆକ୍ସନ ଅଧିକ ମାରାତ୍ମକ ବୋଲି ପ୍ରମାଣିତ ହେଉଛି । ଏଥିରେ ଅନେକ ରୋଗୀଙ୍କ ହାର୍ଟ ପମ୍ପିଂ ରେଟ୍ ୨୦-୧୫ ପ୍ରତିଶତ ଯାଏ ଚାଲୁଛି । ସିଟି ସ୍କାନକୁ ଆଧାର କରି ଡ. ଟ୍ରେହାନ କହିଛନ୍ତି ଯେ ଏହି ଭାଇରସ୍ ଏଥର ଲୋକଙ୍କ ଫୁସଫୁସକୁ ଅଧିକ କ୍ଷତି ପହଞ୍ଚାଉଛି।

ପୁଣି ବଲାଙ୍ଗୀର ବଜାରରେ ଅସମ୍ଭାଳ ଭିଡ଼

ବଲାଙ୍ଗୀର: ଲକ୍‌ଡାଉନ୍ ପାଇଁ ସଜବାଜ । ଗୋଟିଏ ପଟେ ସରକାର ଲକ୍‌ଡାଉନ୍ କାର୍ଯ୍ୟକାରୀ କରିବା ନେଇ ପ୍ରସ୍ତୁତ ହେଉଥିବା ବେଳେ ଅନ୍ୟପଟେ ସାଧାରଣ ଜନତା ମଧ୍ୟ ଏ ନେଇ ପ୍ରସ୍ତୁତି ଚଳାଇଛନ୍ତି । ସରକାର ସଂକ୍ରମଣରୁ ରୋକିବା ନେଇ ପ୍ରସ୍ତୁତ ହେଉଥିବା ବେଳେ ସାଧାରଣ ଲୋକଙ୍କ ପ୍ରସ୍ତୁତି ସଂକ୍ରମଣ ସାଉଁଟୁଥିବା ଭଳି ମନେ ହେଉଛି । ମଙ୍ଗଳବାର ବଲାଙ୍ଗୀର ବଜାରର ଦୃଶ୍ୟ ଦେଖିଲେ କିଛି ଏଭଳି ମନେ ହେଉଛି  । ଦେଖିଲେ ଲାଗୁଛି ନା ଅଛି ଭୂତାଣୁର ଭୟ, ନା ସାମାଜିକ ଦୂରତ୍ୱ ରକ୍ଷା ନେଇ ସତର୍କତା । ବଜାରରେ ଦେଖିବାକୁ ମିଳିଛି ହାଜର ହଜାର ଲୋକଙ୍କ ଗହଳି । ଲକଡାଉନ ପାଇଁ ମାର୍କେଟ ବନ୍ଦ ହୋଇଯିବା ନେଇ ନେଇ ଯିଏ ଯାହାର କିଣିବା ପାଇଁ ଆଜି ବାହାରି ପଡିଛନ୍ତି । ସହରର ମୁଖ୍ୟ ବଜାର, ଡେଲି ମାର୍କେଟ ସମେତ ପ୍ରତ୍ୟେକ ଛକରେ ଓ ରାସ୍ତାରେ ଭିଡ଼ ଯୋଗୁ ହଜାର ହଜାର ଯାନବାହନ ଅଟକି ରହିଛି । ଭିଡ଼ ଯୋଗୁ ଆମ୍ବୁଲାନ୍ସ ସେବା ମଧ୍ୟ ବାଧାପ୍ରାପ୍ତ ହୋଇଛି । ସଂକ୍ରମଣକୁ ଭୟ ନ କରି ଲୋକେ କିଣାକିଣି କରିବାରେ ବ୍ୟସ୍ତ ରହିଛନ୍ତି । ସଉଦା ବଜାର, ତେଜରାଜି ଦୋକାନ, କପଡା ଦୋକାନରେ ନାହିଁନଥିବା ଭିଡ଼ ଦେଖାଦେଇଛି । ଭିଡ଼ ନିୟନ୍ତ୍ରଣ କରିବା ପାଇଁ ଟ୍ରାଫିକ ପୋଲିସ ଫେଲ ମାରିଛି । ସକାଳ ୬ଟାରୁ ଭିଡ଼ ଦେଖାଦେଇଛି ଯାହା ଫଳରେ ପୋଲିସକୁ ନକେଦମ ହେବାକୁ ପଡିଛି ।

ଏଥିସହିତ ପଢ଼ନ୍ତୁ: ଲକଡାଉନରେ ଖୋଲା ରହିବ ଆହାର କେନ୍ଦ୍ର, ବନ୍ଦ ହେବନି ଆଇଆଇଟି, ଆଇଆଇଏମଏସ ହଷ୍ଟଲ