ଆଜିଠୁ ସାରା ଓଡ଼ିଶାରେ ରାତ୍ରୀକାଳୀନ କର୍ଫ୍ୟୁ: ଜାଣନ୍ତୁ କ’ଣ ରହିବ ଖୋଲା ଓ କ’ଣ ବନ୍ଦ
ଭୁବନେଶ୍ୱର: ରାଜ୍ୟରେ ବଢିଚାଲିଛି କରୋନା ସଂକ୍ରମଣ । ଏହାର ମୁକାବିଲା ପାଇଁ ସଜାଗ ହୋଇଛନ୍ତି ରାଜ୍ୟ ସରକାର । ଆଜି ଓଡ଼ିଶାରେ ଲାଗୁ ହେବ ନାଇଟ କର୍ଫ୍ୟୁ । ସୀମାବର୍ତ୍ତୀ ୧୦ ଜିଲ୍ଲାରେ କଟକଣା ହେବ ଅଧିକ କଡ଼ାକଡ଼ି । ଏହି ସମସ୍ତ ଜିଲ୍ଲାରେ ନାଇଟ କର୍ଫ୍ୟୁ ସମୟ ବଢ଼ାଯାଇଛି । ପୂର୍ବରୁ ରାତି ୧୦ରୁ କଟକଣା ଆରମ୍ଭ ହେଉଥିଲା । ଆଜିଠାରୁ ସଂଧ୍ୟା ୬ଟାରୁ ସକାଳ ୫ଟା ଲଗୁ ହେବ । ସେହିଭଳି ଏ ସମସ୍ତ ଜିଲ୍ଲାରେ ସପ୍ତାହାନ୍ତ ସଡଡାଉନ୍ ମଧ୍ୟ ଆଜିଠୁ ଆରମ୍ଭ ହୋଇଛି । ଶନି ଓ ରବିବାର ହେବ ସଟଡାଉନ । ଅନ୍ୟ ୨୦ ଜିଲ୍ଲାର ସହରାଞ୍ଚଳରେ ଆଜିଠାରୁ ନାଇଟ୍ କର୍ଫ୍ୟୁ ରାତି ୯ଟାରୁ ସକାଳ ୫ଟା ପର୍ଯ୍ୟନ୍ତ ଜାରି ରହିବ । ତେବେ ଏହି ସମୟରେ ମେଡିକାଲ, ଅଗ୍ନିଶମ, ପାନୀୟଜଳ ଯୋଗାଣ, ପେଟ୍ରୋଲ, ଗ୍ୟାସ ଯୋଗାଣ ଆଦି ଜାରି ରହିବ । ୫୦ ପ୍ରତିଶତ କର୍ମଚାରୀଙ୍କୁ ନେଇ ଚାଲିବ ଅଫିସ । ଧାର୍ମିକ ଅନୁଷ୍ଠାନରେ ସୀମିତ ସେବାୟତଙ୍କୁ ନେଇ ନୀତିକାନ୍ତି ହେବ । ହାଟ ବଜାର ପାଇଁ ମଧ୍ୟ କଟକଣା ଜାରି ହୋଇଛି । ଦୋକାନ ମଧ୍ୟରେ ୩୦ ଫୁଟର ଦୂରତା ରହିବ । ଗାଇଡଲାଇନ୍ ନମାନିଲେ ଦୋକାନ ଲାଇସେନ୍ସ ରଦ୍ଦ କରାଯିବ । ବାର ଓ ରେଷ୍ଟୁରାଣ୍ଟ, ୫୦ ପ୍ରତିଶତ ଗ୍ରାହକଙ୍କୁ ନେଇ ବ୍ୟବସାୟ କରିବେ । ଫିଲ୍ମହଲ ମଧ୍ୟ ୫୦ ପ୍ରତିଶତ ଦର୍ଶକଙ୍କୁ ନେଇ ଚାଲିପାରିବ । ପାର୍କରେ ଦୁଇ ଶହ ଜଣ ରହିପାରିବେ । ଯାତ୍ରା ଓ ଅପେରାରେ ହଜାରେ ଜଣ ଉପସ୍ଥିତ ରହିବ । ସୋମବାରଠାରୁ ରାଜ୍ୟ ବାହାରକୁ ବସ୍ ଚଳାଚଳ ବନ୍ଦ ରହିବ । ବସ୍ରେ ଯେତିକି ସିଟ୍ ସେତିକି ଯାତ୍ରୀ ଯିବେ । ଟ୍ୟାକ୍ସି, ଅଟୋରେ ଦୁଇ ଜଣ ପାସେଞ୍ଜର ଯାଇପାରିବେ । ବିବାହ କାର୍ଯ୍ୟରେ ୫୦ଜଣ ଓ ଶୁଦ୍ଧିକ୍ରିୟା ପାଇଁ ୨୦ ଜଣଙ୍କୁ ଅନୁମତି ଦିଆଯାଇଛି । ବିବାହ କାର୍ଯ୍ୟରେ ପ୍ରସେସନକୁ ଅନୁମତି ମିଳିନଥିବା ବେଳେ ମାସ୍କ ଓ ସାମାଜିକ ଦୂରତାକୁ ଗୁରୁତ୍ବ ଦିଆଯାଇଛି । ସେପଟେ ଛତିଶଗଡ଼ ସୀମାନ୍ତ ୧୦ ଜିଲ୍ଲାରେ ଶନି ଓ ରବିବାର ସଟଡାଉନ ଯୋଗୁ ବନ୍ଦ ରହିବ ଟିକାକରଣ ।
ନିର୍ବାଚନୀ ପ୍ରଚାର ଉପରେ ECଙ୍କ କଟକଣା
ନୂଆଦିଲ୍ଲୀ: କରୋନା ପାଇଁ ନିର୍ବାଚନୀ ପ୍ରଚାର ଉପରେ କଟକଣା ଲଗାଇଲେ ନିର୍ବାଚନ ଆୟୋଗ । ସନ୍ଧ୍ୟା ୭ଟାରୁ ସକାଳ ୧୦ଟା ମଧ୍ୟରେ ପ୍ରଚାର ଉପରେ ରୋକ୍ । ଏଥିସହ ଭୋଟିଂର ୭୨ ଘଣ୍ଟା ପୂର୍ବରୁ ପ୍ରଚାର ଉପରେ ରୋକ୍ ଲଗାଇଲେ ନିର୍ବାଚନ ଆୟୋଗ । ପଶ୍ଚିମବଙ୍ଗରେ ଆଉ ୩ଟି ପର୍ଯ୍ୟାୟ ମତଦାନ ଥିବା ବେଳେ ପ୍ରଚାର ଉପରେ କଟକଣା ଲଗାଯାଇଛି ।
Election Commission (EC) curtails the timing of the campaign up to 7 PM. There shall not be any campaign between 7 PM and 10 AM on campaign day. Silence period extended from 48 hours to 72 hours in each of the remaining three phases in West Bengal: EC pic.twitter.com/anHbexpNqG
— ANI (@ANI) April 16, 2021
ପଞ୍ଚମ ପର୍ଯ୍ୟାୟ ମତଦାନ ପାଇଁ ପ୍ରଚାର ସରିଥିବା ବେଳେ ଷଷ୍ଠ ପର୍ଯ୍ୟାୟ ପ୍ରଚାର ଠାରୁ ଏହି କଟକଣା ଲାଗିବ । କରୋନା ସଂକ୍ରମଣ ବଢୁଥିବାରୁ ଏଭଳି କଟକଣା ଲଗାଯାଇଛି । ରାଲି ଆୟୋଜକଙ୍କୁ ମଧ୍ୟ ନିର୍ବାଚନ ଆୟୋଗ ବିଭିନ୍ନ ପରାମର୍ଶ ଦେଇଛନ୍ତି । ରାଲିରେ ଯୋଗ ଦେଉଥିବା ଲୋକଙ୍କୁ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବା ଉପରେ ଆୟୋଜକ ଗୁରୁତ୍ବ ଦେବେ ।
ଭାରତ ଫେରିବେ ପଳାତକ ନିରବ ମୋଦି
ନୂଆଦିଲ୍ଲୀ: ଭାରତ ଫେରିବେ ପଳାତକ ନିରବ ମୋଦି । ଇଂଲଣ୍ଡ ଗୃହ ମନ୍ତ୍ରଣାଳୟର ମଞ୍ଜୁରୀ ପରେ ନିରବ ମୋଦି ଭାରତ ଫେରିବା ସମ୍ଭାବନା ବଢିଛି । ପୂର୍ବରୁ ନିରବଙ୍କ ଭାରତ ପ୍ରତ୍ୟାବର୍ତ୍ତନ ନେଇ ୟୁକେର ୱେଷ୍ଟ ମିନିଷ୍ଟର କୋର୍ଟ ମଞ୍ଜୁରୀ ପ୍ରଦାନ କରିଥିଲେ । ଏହାର ଦୁଇ ମାସ ପରେ ଅର୍ଥାତ୍ ଆଜି ଇଂଲଣ୍ଡ ଗୃହ ମନ୍ତ୍ରଣାଳୟ ଏଥିଲାଗି ଗ୍ରୀନ୍ ସିଗନାଲ ଦେଇଛନ୍ତି । ପଞ୍ଜାବ ନ୍ୟାସନାଲ ବ୍ୟାଙ୍କରୁ ପ୍ରାୟ ୧୪ ହଜାର କୋଟି ଠକେଇ କରି ଭାରତରୁ ପଳାଇଥିଲେ ହୀରା ବ୍ୟବସାୟୀ ନିରବ ମୋଦି ।
United Kingdom's Home Minister has approved the extradition of Nirav Modi: CBI official pic.twitter.com/cdqLHDYM92
— ANI (@ANI) April 16, 2021
ଇଂଲଣ୍ଡରୁ ତାଙ୍କୁ ଭାରତ ଫେରାଇ ଆଣିବା ଲାଗି ସରକାର ପ୍ରକ୍ରିୟା ଆରମ୍ଭ କରିଥଲେ । ମାମଲା କୋର୍ଟରେ ଚାଲିଥିବା ବେଳେ ନିରବଙ୍କ ପ୍ରତ୍ୟାବର୍ତ୍ତନକୁ ସେଠାକାର ସରକାର ମଞ୍ଜୁରୀ ଦେଇଛନ୍ତି । ନିରବ ଏବେ ଇଂଲଣ୍ଡର ଏକ ଜେଲରେ ଅଛନ୍ତି । ଭାରତରେ ନିରବ ମୋଦିଙ୍କ ନାଁରେ ଠକେଇ ଓ ମନି ଲଣ୍ଡରିଂ ମାମଲା ରହିଛି । ସିବିଆଇ ଠକେଇ ମାମଲରେ ତଦନ୍ତ କରୁଥିବା ବେଳେ ମନି ଲଣ୍ଡରିଂ ମାମଲାର ତଦନ୍ତ ଭାର ନେଇଛି ଇଡି ।





