ଭୁବନେଶ୍ୱର: ରାଜ୍ୟରେ ଆସନ୍ତା ୪୮ ଘଣ୍ଟାରେ ସୃଷ୍ଚି ହେବ ଲଘୁଚାପ । ଆସନ୍ତା ୧୩ ତାରିଖ ସୁଦ୍ଧା ଆନ୍ଧ୍ର ଉପକୂଳ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ଏକ ଲଘୁଚାପ ବଳୟ ସୃଷ୍ଟି ହେବାର ସମ୍ଭାବନା ରହିଛି । ଏହା ପ୍ରଭାବରେ ରାଜ୍ୟରେ ଆସନ୍ତା ଚାରିଦିନ ଯାଏଁ ବର୍ଷା ଜାରି ରହିବ । ଏ ନେଇ ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ସତର୍କ ସୂଚନା ଜାରିକରିଛି । ଆସନ୍ତା ୧୨ ଘଣ୍ଟା ମଧ୍ୟରେ କୋରାପୁଟ, ମାଲକାନଗିରି, ନବରଙ୍ଗପୁର, କେଉଁଝର, ମୟୂରଭଂଜ ଜିଲ୍ଲାରେ ପ୍ରବଳ ବର୍ଷା ବର୍ଷା ହେବ । ଗଜପତି, ରାୟଗଡା, କନ୍ଧମାଳ, କଳାହାଣ୍ଡି, ବଲାଙ୍ଗିର, ଝାରସୁଗୁଡା, ସୁନ୍ଦରଗଡ, ବାଲେଶ୍ବର, ଭଦ୍ରକ ଓ ଯାଜପୁର ଜିଲ୍ଲାରେ ଘଡଘଡି ସହ ବଜ୍ରପାତ ହେବା ନେଇ ଆଶଙ୍କା କରିଛି ପାଣୁପାଗ କେନ୍ଦ୍ର । ଏସବୁ ଜିଲ୍ଲାକୁ ୟୋଲୋ ଓ୍ବାର୍ଣ୍ଣିଂ ଜାରି କରାଯାଇଛି । ତେବେ ୧୫ତାରିଖରୁ ବର୍ଷା ପରିମାଣ କମିବା ସହ ପାଗରେ ପରିବର୍ତ୍ତନ ହେବାର ସମ୍ଭାବନା ରହିଛି ।
JEE Mains Result 2020: ବାହାରିଲା ଫଳ, ଲିଙ୍କ୍ କ୍ଲିକ୍ କରି ଦେଖନ୍ତୁ ମାର୍କ
ନୂଆଦିଲ୍ଲୀ: ଜେଇଇ ରେଜଲ୍ଟ ପ୍ରକାଶିତ ହୋଇଛି । ନ୍ୟାସନାଲ ଟେଷ୍ଟିଂ ଏଜେନ୍ସି ଅଫିସିଆଲ୍ ୱେବସାଇଟରେ ଫଳାଫଳ ଘୋଷଣା କରିଛି । ୨୪ ଜଣ ପରୀକ୍ଷାର୍ଥୀ ୧୦୦ ପ୍ରତିଶତ ମାର୍କ ପାଇଛନ୍ତି ।
କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଗତ ସପ୍ତାହରେ କଡ଼ା ନିୟମ ଭଥିରେ ଜେଇଇ ମେନ୍ ପରୀକ୍ଷା ଅନୁଷ୍ଠିତ ହୋଇଥିଲା । ଦେଶରେ ୮.୫୮ ଲକ୍ଷ ଛାତ୍ରଛାତ୍ରୀ ପରୀକ୍ଷା ପାଇଁ ରେଜିଷ୍ଟ୍ରେସନ୍ କରିଥିଲେ । ତେବେ, ୨୫ ପ୍ରତିଶତ ଛାତ୍ରଛାତ୍ରୀ ପରୀକ୍ଷା ଦେଇନଥିଲେ । ମନ୍ତ୍ରାଳୟ ସୂଚନା ଅନୁସାରେ ୮.୫୮ ଲକ୍ଷ ଛାତ୍ରଛାତ୍ରୀଙ୍କ ମଧ୍ୟରୁ ୬.୩୫ ଲକ୍ଷ ପରୀକ୍ଷା ଦେଉଥିଲେ । ରାଜ୍ୟରେ ୩୮ ହଜାର ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।
ଏହି ଲିଙ୍କ୍ କ୍ଲି କରି ଜାଣନ୍ତୁ ରେଜଲ୍ଟ
କେମିତି କରିବେ ଚେକ୍ ?
ପ୍ରଥମେ jeemain.nta.nic.in ୱେବସାଇଟକୁ ଯାଆନ୍ତୁ
ଏହାପରେ JEE Main Result 2020ରେ କ୍ଲିକ୍ କରନ୍ତୁ
ଏହାପରେ ଆପଣଙ୍କୁ ସ୍କ୍ରିନରେ ରେଜଲ୍ଟ ଦେଖାଯିବ
ଏଥିରେ ଆପଣଙ୍କୁ ପରସେଣ୍ଟ ସ୍କୋର, ଅଲ ଇଣ୍ଡିଆ ରାଙ୍କ ଓ ଜେଇଇ ମେନ କଟଅଫ୍ ମିଳିଯିବ ।
ନିଟ୍ ପରୀକ୍ଷା ପାଇଁ ଗଡ଼ିବ ୪ ସ୍ୱତନ୍ତ୍ର ଟ୍ରେନ୍
ଭୁବନେଶ୍ୱର: ରାଜ୍ୟରେ ନିଟ୍ ପରୀକ୍ଷା ପାଇଁ ଚାଲିବ ୪ଟି ସ୍ୱତନ୍ତ୍ର ଟ୍ରେନ୍ । ଏନେଇ ପୂର୍ବତଟ ରେଳପଥ ପକ୍ଷରୁ ଘୋଷଣା କରାଯାଇଛି । ରାଜ୍ୟରେ ଖଇରା ରୋଡରୁ ସମ୍ୱଲପୁର ଭାୟା ଟିଟିଲାଗଡ଼, ରାୟଗଡ଼ାରୁ ସମ୍ୱଲପୁରକୁ ଚାଲିବ ସ୍ୱତନ୍ତ୍ର ଟ୍ରେନ୍ । ଏହା ସହିତ ଭଦ୍ରକ- ଭୁବନେଶ୍ୱର ଭାୟା କଟକ, କେନ୍ଦୁଝର- ଭୁବନେଶ୍ୱର, ଭାୟା କଟକ ହୋଇ ଟ୍ରେନ୍ ଚଳାଚଳ କରିବ । ତେବେ ଏଯାଏଁ ଟ୍ରେନ୍ ଚଳାଚଳ ନେଇ ସମୟ ଧାର୍ଯ୍ୟ କରାଯାଇନାହିଁ । ଖୁବ୍ ଶୀଘ୍ର ସମୟ ଜଣାଇଦିଆଯିବ ବୋଲି ପୂର୍ବତଟ ରେଳପଥ ପକ୍ଷରୁ କୁହାଯାଇଛି । ସୂଚନା ଯୋଗ୍ୟ ଯେ, ପୂର୍ବରୁ ଜେଇ ଓ ନିଟ୍ ପରୀକ୍ଷା ପାଇଁ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଥିଲା । ପରୀକ୍ଷାର୍ଥୀଙ୍କ ମାଗଣା ଯାତାୟତ ଓ ରହଣୀ ପାଇଁ ରାଜ୍ୟ ସରକାର ବ୍ୟବସ୍ଥା କରିଥିଲେ ।
JEE-NEET: ଶେଷ ହେଲା ପ୍ରଥମ ସିପ୍ଟ, ଆୟୋଜନକୁ ନେଇ ପରୀକ୍ଷାର୍ଥୀ ଓ ଅଭିଭାବକ ଖୁସି
ପରୀକ୍ଷାର୍ଥୀଙ୍କୁ ସବୁ ସୁବିଧା ମାଗଣାରେ ଯୋଗାଇ ଦେବାକୁ ମୁଖ୍ୟମନ୍ତ୍ରୀ ଆଦେଶ ଦେବା ପରେ ପ୍ରଶାସନ ତୃଣମୂଳ ସ୍ତରରେ କାମ କରିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହି ସମୟୋଚିତ ପଦକ୍ଷେପକୁ ସବୁ ମହଲରେ ପ୍ରଶଂସା କରାଯାଇଥିଲା । ଏଥିସହିତ ‘ଓଡିଶା ମୋ ପରିବାର’ ପକ୍ଷରୁ ପ୍ରତ୍ୟେକ ପରୀକ୍ଷା କେନ୍ଦ୍ର ନିକଟରେ ସହାୟତା କେନ୍ଦ୍ର ଖୋଲାଯାଇ ସାନିଟାଇଜ଼ର, ଖାଦ୍ୟ ଓ ପାଣିର ବ୍ୟବସ୍ଥା କରାଯାଇଥିଲା ।ଏବେ ପୂର୍ବତଟ ରେଳପଥ ପକ୍ଷରୁ ସ୍ୱତନ୍ତ୍ର ରେଳ ଚଳାଚଳ ବ୍ୟବସ୍ଥା କରାଯାଉଛି ।
ଅରୁଣାଚଳ ପ୍ରଦେଶର ନିଖୋଜ ଯୁବକଙ୍କୁ ଭାରତକୁ ହସ୍ତାନ୍ତର କରିବ ଚୀନ ସେନା
ନୂଆଦିଲ୍ଲୀ: ଶନିବାର ଭାରତ ଫେରିବେ ଅରୁଣାଚଳ ପ୍ରଦେଶର ୫ ନିଖୋଜ ଯୁବକ । ଚୀନ ସେନା କବଜାରେ ଥିବା ଅରୁଣାଚଳ ପ୍ରଦେଶର ୫ ଜଣ ଯୁବକ ଆସନ୍ତାକାଲି ଭାରତ ଫେରିବେ । ଚୀନର ପିପୁଲ ଲିବରେସନ୍ ଆର୍ମି ଭାରତୀୟ ସେନାଙ୍କୁ ସେମାନଙ୍କୁ ହସ୍ତାନ୍ତର କରିବ । ଏ ନେଇ କେନ୍ଦ୍ର କ୍ରୀଡ଼ା ଓ ଯୁବବ୍ୟାପାର ରାଷ୍ଟ୍ରମନ୍ତ୍ରୀ କିରଣ ରିଜିଜୁ ଟ୍ଵିଟ କରି ସୂଚନା ଦେଇଛନ୍ତି ।
China to handover the five Indian nationals missing from Arunachal Pradesh tomorrow.
According to army sources, the handover will take place at Wacha near Kibithu border personnel meeting point
(Pic source: PRO Defence, Tezpur) pic.twitter.com/qLltuRwBex
— ANI (@ANI) September 11, 2020
ଏହି ଯୁବକମାନେ ନିଖୋଜ ହେବା ପରେ ଭାରତୀୟ ସେନା ପକ୍ଷରୁ ଚୀନ ସେନା ସହ ହଟଲାଇନ ସଂଯୋଗ କରାଯାଇଥିଲା । ଏହି ଯୋଗାଯୋଗର ଉତ୍ତର ଦେଇ ଚୀନ ସେନା ପକ୍ଷରୁ ସ୍ୱୀକାର କରାଯାଇଥିଲା ଯେ ଉକ୍ତ ଯୁବକମାନେ ସେମାନଙ୍କ ପାଖରେ ଅଛନ୍ତି । ଦୁଇଦିନ ତଳେ କେନ୍ଦ୍ରମନ୍ତ୍ରୀ ରିଜିଜୁ କହିଥିଲେ ଯେ, ଉକ୍ତ ଯୁବକମାନଙ୍କୁ ଭାରତକୁ ଫେରାଇଦେବାକୁ ଚୀନ ସେନା ରାଜି ହୋଇଛି ଓ ସେମାନଙ୍କୁ ଫେରାଇ ଆଣିବାକୁ ଅଧିକାରୀମାନେ ପ୍ରକ୍ରିୟା ଆରମ୍ଭ କରିଦେଇଛନ୍ତି । ନିଖୋଜ ୫ ଜଣ ଯୁବକ ଅରୁଣାଚଳର ଉପର ସୁବନସିରି ଜିଲ୍ଲାର ନାଚୋ ଅଞ୍ଚଳର ବୋଲି ଜଣାପଡ଼ିଛି । ସେମାନେ କୁଲି କାମ ଓ ବେଳେବେଳେ ଭାରତୀୟ ସେନା ପାଇଁ ଗାଇଡ କାମ କରନ୍ତି ବୋଲି ଜଣାପଡ଼ିଛି ।
ସେମାନେ ଗତ ସପ୍ତାହ ଶୁକ୍ରବାରଦିନ ଜଙ୍ଗଲକୁ ଶିକାର ପାଇଁ ଯାଇଥିଲେ । ସେମାନଙ୍କ ଦଳରେ ମୋଟ ୭ ଜଣ ଥିବାବେଳେ ସେମାନଙ୍କ ମଧ୍ୟରୁ ୨ ଜଣ ଘରକୁ ଫେରିଆସିଥିଲେ । ଏଠାରେ ଉଲ୍ଲେଖଯୋଗ୍ୟ ନାଚୋ ଅଞ୍ଚଳଟି ଭାରତ ଓ ଚୀନ ମଧ୍ୟରେ ଥିବା ମାକମୋହନ ଲାଇନ ନିକଟରେ ଅବସ୍ଥିତ ।
ଚିଠି ବିବାଦ ପରେ ବଦଳିଲା କଂଗ୍ରେସର କଳେବର, ଓଡ଼ିଶା ପ୍ରଭାରୀ ବି ବଦଳିଲେ
ନୂଆଦିଲ୍ଲୀ: ଶୁକ୍ରବାର କଂଗ୍ରେସ ଦଳରେ ବଡ଼ ସାଙ୍ଗଠନିକ ପରିବର୍ତ୍ତନା ହୋଇଛି । ଦଳର ମହାସଚିବ ପଦରୁ ଗୁଲାମ ନବି ଆଜାଦଙ୍କୁ ଅପସାରଣ କରାଯାଇଛି । ତାଙ୍କ ସ୍ଥାନରେ ରଣଦୀପ ସୁରଜେୱାଲାଙ୍କୁ ନିଯୁକ୍ତ କରାଯାଇଛି । ଏଥିସହ କଂଗ୍ରେସ ଅଧ୍ୟକ୍ଷଙ୍କୁ ପରାମର୍ଶ ଦେଉଥିବା ୬ ଜଣିଆ ବିଶେଷ ସଦସ୍ୟ କମିଟିରେ ସ୍ଥାନ ପାଇଛନ୍ତି ସୁରଜେୱାଲା । ରାହୁଲଙ୍କ ନିକଟତମ କୁହାଯାଉଥିବା ରଣଦୀପ ସୁରେଜୱାଲାଙ୍କୁ ବେଶ୍ ଗୁରୁତ୍ୱ ଦିଆଯାଇଛି ।
Congress President Smt. Sonia Gandhi has reconstituted the Congress Working Committee as follows: pic.twitter.com/Fti9oYxJUr
— Congress (@INCIndia) September 11, 2020
ସୁରେଜୱାଲା ଦଳର ମହାସଚିବ ସହିତ କର୍ଣ୍ଣାଟକ ରାଜ୍ୟ ପ୍ରଭାରୀ ଭାବେ କାର୍ଯ୍ୟ କରିବେ । ମଧୁସୂଦନ ମିସ୍ତ୍ରୀଙ୍କୁ କେନ୍ଦ୍ରୀୟ ନିର୍ବାଚନ ସମିତିର ଅଧ୍ୟକ୍ଷ, ପିୟଙ୍କା ଗାନ୍ଧିଙ୍କୁ ଉତ୍ତରପ୍ରଦେଶ ପ୍ରଭାବରୀ କରାଯାଇଛି । ଏହାବାଦ୍ ବେଣୁଗୋପାଳଙ୍କୁ ସଂଗଠନ ଦାୟିତ୍ୱ ମିଳିଛି ।
Congress President Smt. Sonia Gandhi has reconstituted the AICC Central Election Authority. pic.twitter.com/BhfBnejk3P
— Congress (@INCIndia) September 11, 2020
କଂଗ୍ରେସ ମହାସଚିବ ମୁକୁଲ ବାସନିକଙ୍କୁ ମଧ୍ୟପ୍ରଦେଶ, ହରିଶ ରାୱତଙ୍କୁ ପଞ୍ଜାବ, ଔମାନ ଚାଣ୍ଡିଙ୍କୁ ଆନ୍ଧ୍ରପ୍ରଦେଶ, ତାରିକ ଅନୱରଙ୍କୁ କେରଳ ଓ ଲାକ୍ଷାଦ୍ୱୀପ, ଜିତେନ୍ଦ୍ର ସିଂହଙ୍କୁ ଆସାମ, ଅଜୟ ମାକେନଙ୍କୁ ରାଜସ୍ଥାନ ଦାୟିତ୍ୱ ଦିଆଯାଇଛି । ଜିତିନ ପ୍ରସାଦଙ୍କୁ ପଶ୍ଚିମବଙ୍ଗ ଓ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ ଦାୟିତ୍ୱ ମିଳିଛି । କଂଗ୍ରେସରେ ଏହି ଅଦଳବଦଳରୁ ସବୁଠୁ ବଡ଼ କୁହାଯାଉଛି । ସୂଚନାଯୋଗ୍ୟ ପୂର୍ବରୁ ଅଧ୍ୟକ୍ଷଙ୍କୁ ଦିଆଯାଇଥିବା ଚିଠିରେ ଜିତିନ ପ୍ରସାଦ ଦସ୍ତଖତ କରିଥିଲେ ।
AICC General Secretaries as appointed by Congress President Smt. Sonia Gandhi. pic.twitter.com/MyLVgg6ukU
— Congress (@INCIndia) September 11, 2020
ପବନ କୁମାର ବଂସଲ ସଚିବ ପ୍ରଭାରୀ ପ୍ରଶାସନ ଭାବେ କାମ କରିବେ । ଏହାବାଦ୍ ରାହୁଲଙ୍କ ନିକଟତର ମନକିମ୍ ଟ୍ୟାଗୋରଙ୍କୁ ତେଲଙ୍ଗାନା ପ୍ରଭାରୀ ଭାବେ ନିଯୁକ୍ତ କରାଯାଇଛି । ଓଡ଼ିଶା ପ୍ରଭାରୀ ଥିବା ଜିତେନ୍ଦ୍ର ସିଂହଙ୍କ ସ୍ଥାନରେ ଚେଲ୍ଲାକୁମାରଙ୍କୁ ନିଯୁକ୍ତି ଦିଆଯାଇଛି । ଭକ୍ତ ଦାସଙ୍କୁ ମିଜୋରାମ ଓ ମଣିପୁର ପ୍ରଭାରୀ ଦାୟିତ୍ୱ ମିଳିଛି ।
ନିରାଶ କଲା କୋଭିସିଲ୍ଡ,, ଆଶା ସଂଚାର କଲା କୋଭାକ୍ସିନ୍
ଭୁବନେଶ୍ୱର: ଆକ୍ରାନ୍ତ ସୁସ୍ଥ ହେଉଛନ୍ତି । କିନ୍ତୁ କରୋନା ଲଢ଼େଇ କେତେ ଦିନ ଚାଲିବ, ତା’ର କିଛି ନିର୍ଦ୍ଦିଷ୍ଟ ସମୟସୀମା ନାହିଁ । କୁହାଯାଉଥିଲା ଚଳିତବର୍ଷ ଶେଷଭାଗରେ ବଜାରକୁ କରୋନା ଟିକା ଆସିଯିବ। ହେଲେ ନିରାଶ କରିଛି ଅକ୍ସଫୋର୍ଡ ପ୍ରସ୍ତୁତ ଟିକା । ପାର୍ଶ୍ୱ ପ୍ରତିକ୍ରିୟା ଯୋଗୁ ଏହାର ବାକି ପରୀକ୍ଷା ବନ୍ଦ ଥିବାବେଳେ ଆଶା ସଞ୍ଚାର କରିଛି ଭାରତ ବାୟୋଟେକ୍ ଦ୍ୱାରା ପ୍ରସ୍ତୁତ କରାଯାଉଥିବା କୋଭାକ୍ସିନ । ଏହାର ପରୀକ୍ଷା ଭାରତରେ ଚାଲିବ ବୋଲି ସମ୍ ମାନବ ପରୀକ୍ଷଣର ମୁଖ୍ୟ ଇ. ଭେଙ୍କଟ ରାଓ କହିଛନ୍ତି ।
ଭାରତରେ ଆଷ୍ଟ୍ରାଜେନିକା ଟିକା ପରୀକ୍ଷଣକୁ ସ୍ଥଗିତ ରଖାଯିବା ପରେ ଆଶା ସଂଚାର କରିଛି କୋଭାକ୍ସିନ । ଭାରତ ବାୟୋଟେକର କୋଭାକ୍ସିନ ଟିକାର ପରୀକ୍ଷଣ ଭାରତରେ ଜାରି ରହିବ ବୋଲି କୁହାଯାଇଛି । ଓଡିଶାରେ ଏହାର ପରୀକ୍ଷଣ ଚାଲୁ ରହିଥିବା ବେଳେ ଏହା ବନ୍ଦ ହେବ ନାହିଁ ବୋଲି ସମ୍ ମାନବ ପରୀକ୍ଷଣର ମୁଖ୍ୟ ଇ. ଭେଙ୍କଟ ରାଓ କହିଛନ୍ତି । ଆଷ୍ଟ୍ରାଜେନିକା ଅକ୍ସଫୋର୍ଡର । ତେଣୁ ଟିକା ପରୀକ୍ଷଣ ବନ୍ଦ ରହିଛି । ହେଲେ କୋଭାକ୍ସିନ ଭାରତ ବାୟୋଟେକର ଏବଂ ଏହି ଟିକାର ପରୀକ୍ଷାରେ କୌଣସି ଅସୁବିଧା ନାହିଁ ବୋଲି କହିଛନ୍ତି ସମ୍ ହସ୍ପିଟାଲ ଭାଇସ ଚାନ୍ସେଲର ଡାକ୍ତର ଅଶୋକ ମହାପାତ୍ର।
ଅକ୍ସଫୋର୍ଡ ବିଶ୍ୱବିଦ୍ୟାଳୟ ଦ୍ୱାରା ବିକଶିତ ତଥା ଭେଷଜ କମ୍ପାନୀ ଆଷ୍ଟ୍ରାଜେନିକା ଦ୍ୱାରା ପ୍ରସ୍ତୁତ ଏକ କୋଭିଡ୍ ଟିକାର ଚୂଡ଼ାନ୍ତ ନୈଦାନିକ ପରୀକ୍ଷଣକୁ ଅଧାରୁ ସ୍ଥଗିତ ରଖାଯାଇଛି । ଜଣେ ସ୍ୱେଚ୍ଛାସେବୀଙ୍କ ଠାରେ ଟିକାର ସନ୍ଦିଗ୍ଧ ପ୍ରତିକୂଳ ପ୍ରଭାବ ପରିଲକ୍ଷିତ ହେବାରୁ ଏପରି ନିଷ୍ପତ୍ତି ନିଆଯାଇଛି । ସେହିପରି କାହିଁକି ଭାରତର ଆଷ୍ଟ୍ରାଜେନିକା ଟିକା ପରୀକ୍ଷଣ ବନ୍ଦ ରହିଲା ଏନେଇ ଆଲୋଚନା ଜାରି ରହିଛି ବୋଲି କହିଛନ୍ତି ଆଇଏମଏର ସଭାପତି ସନ୍ତୋଷ ମିଶ୍ର । ଏଥିସହ କରୋନା ଟିକା ପରୀକ୍ଷଣରେ କୋଭାକ୍ସିନ ସବୁଠୁ ଆଗରେ ରହିଛି ବୋଲି କହିଛନ୍ତି ସନ୍ତୋଷ ।
ଭାରତରେ ୧୨ଟି ସେଣ୍ଟରରେ କୋଭାକ୍ସିନ ପରୀକ୍ଷଣ କରାଯାଉଛି । ଓଡିଶାରେ ପ୍ରଥମ ଦଫା ପରୀକ୍ଷଣ ଆରମ୍ଭ ହୋଇଛି ଯାହାକୁ ୪୨ ଦିନ ବିତି ସାରିଛି । କରୋନା ଟିକା ନେଇ କୋଭାକ୍ସିନର ପରୀକ୍ଷଣ କେତେ ଦୂର ଫଳପ୍ରଦ ହେଉଛି ତାହାକୁ ଏବେ ଅପେକ୍ଷା।
ସ୍ୱାମୀ ଅଗ୍ନିବେଶଙ୍କ ଦେହାନ୍ତ
ନୂଆଦିଲ୍ଲୀ: ଜଣାଶୁଣା ଆର୍ଯ୍ୟ ସମାଜ ନେତା ସ୍ୱାମୀ ଅଗ୍ନିବେଶଙ୍କ ଦେହାନ୍ତ । ଦିଲ୍ଲୀର ଏକ ଘରୋଇ ହସ୍ପିଟାଲରେ ହୃଦଘାତ ଯୋଗୁଁ ତାଙ୍କର ମୃତ୍ୟୁ ହୋଇଛି । ଯକୃତ ଜନିତ ସମସ୍ୟା ଯୋଗୁଁ ସେ ହସ୍ପିଟାଲରେ ଭର୍ତ୍ତି ହୋଇଥିଲେ । ପରେ ତାଙ୍କର ଏକାଧିକ ଅଙ୍ଗ ଖରାପ ହୋଇଯିବାରୁ ସେ ଭେଣ୍ଟିଲେଟରେ ଚିକିତ୍ସିତ ହେଉଥିଲେ । ଆଜି ସଂଧ୍ୟା ବେଳେ ତାଙ୍କ ଦେହ ଆହୁରି ଖରାପ ହୋଇଯାଇଥିଲା । ଏଥିସହ ତାଙ୍କର ହୃଦଘାତ ମଧ୍ୟ ହୋଇଥିଲା । ପରେ ଡାକ୍ତରଙ୍କ ଶତ ଚେଷ୍ଟା ସତ୍ତ୍ୱେ ସଂଧ୍ୟା ୬ଟା ୩୦ରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁ ବେଳକୁ ତାଙ୍କୁ ୮୦ ବର୍ଷ ବୟସ ହୋଇଥିଲା ।
ସୂଚନା ଯୋଗ୍ୟ ଯେ, ଗତ ୨୦୦୮ରେ କେତେକ ବିଜେପି ଓ ବିଶ୍ୱ ହିନ୍ଦୁ ପରିଷଦ କର୍ମୀଙ୍କ ଦ୍ୱାରା ତାଙ୍କ ଉପରେ ଆକ୍ରମଣ ହୋଇଥିଲା । ଏହାକୁ ନେଇ ସେ ଚର୍ଚ୍ଚାରେ ହୋଇଥିଲା । ଝାଡ଼ଖଣ୍ଡରେ ଖ୍ରୀଷ୍ଟିଆନ୍ ମିସନାରୀଙ୍କ ପ୍ରତି ତାଙ୍କ ସମର୍ଥନକୁ ନେଇ ଏହି ଆକ୍ରମଣ କରାଯାଇଥିବା ସୂଚନା । ଆନ୍ନା ହଜାରେଙ୍କ ଆନ୍ଦୋଳନରେ ମଧ୍ୟ ସେ ଜଡ଼ିତ ଥିଲେ । ସ୍ୱାମୀ ଅଗ୍ନିବେଶ ପୂର୍ବରୁ ଏକ ରାଜନୈତିକ ଦଳ ମଧ୍ୟ ପ୍ରତିଷ୍ଠା କରିଥିଲେ । ଯାହା ୧୯୭୦ ମସିହାରେ ଆର୍ଯ୍ୟ ସମାଜର ନୀତି ଆଦର୍ଶକୁ ନେଇ ଗଠିତ ହୋଇଥିଲା । ଏଥିସହିତ ସେ ହରିୟାଣାରୁ ବିଧାୟକଭାବେ ମଧ୍ୟ ନିର୍ବାଚିତ ହୋଇଥିଲେ ।
Social activist Swami Agnivesh (in file pic) passes away at the Institute of Liver and Biliary Sciences, Delhi. He was suffering from liver cirrhosis and was critically ill. pic.twitter.com/wZdK5i7mA1
— ANI (@ANI) September 11, 2020
କଙ୍ଗନା ଫେରିଥିବା ବିମାନରେ ସାମାଜିକ ଦୂରତ୍ୱ ଉଲ୍ଲଂଘନ ହୋଇଥିବା ନେଇ ’ଡିଜିସିଏ’ର ରିପୋର୍ଟ ତଲବ
ନୂଆଦିଲ୍ଲୀ: କଙ୍ଗନାଙ୍କୁ ନେଇ ମୁମ୍ୱାଇ ଆସିଥିବା ଇଣ୍ଡିଗୋ ଏୟାରଲାଇନ୍ସକୁ ଡାଇରେକ୍ଟର ଜେନେରାଲ୍ ଅଫ୍ ସିଭିଲ ଏଭିଏସନ୍ (ଡିଜିସିଏ) ରିପୋର୍ଟ ତଲବ । ଯାତ୍ରା ସମୟରେ ନିରାପତ୍ତା ଓ ସାମାଜିକ ଦୂରତ୍ୱ ରକ୍ଷା କରାଯାଇନଥିବାରୁ, ଏ ନେଇ ରିପୋର୍ଟ ତଲବ କରିଛନ୍ତି ଡିଜିସିଏ । ସୂଚନା ଯୋଗ୍ୟ ଯେ, ଗତ ୯ ତାରିଖ ଦିନ ଅଭିନେତ୍ରୀ କଙ୍ଗନା ରଣାୱତ୍ ଚଣ୍ଡିଗଡ଼-ମୁମ୍ବାଇ ବିମାନରେ କେତେକ ସାମ୍ବାଦିକ ନିରାପତ୍ତା ଏବଂ ସାମାଜିକ ଦୂରତ୍ବ ନିୟମ ଉଲ୍ଲଂଘନ କରିଥିବା ଏକ ଭିଡିଓ ସୋସିଆଲ୍ ମିଡିଆରେ ଭାଇରଲ ହୋଇଛି । ଯେଉଁଥିରେ କଙ୍ଗନାଙ୍କୁ ନେଇ ଆସୁଥିବା 6E264 ବିମାନରେ ସାମ୍ୱାଦିକମାନେ ପାଖାପାଖି ଠିଆ ହୋଇଥିବା ଦୃଶ୍ୟ ଦେଖିବାକୁ ମିଳିଛି । ଏହା ନିରାପତ୍ତା ଏବଂ ସାମାଜିକ ଦୂରତ୍ୱ ନିୟମ ଉଲ୍ଲଂଘନ ପରି ମନେହେଉଛି। ଏଣୁ ଘଟଣା ସମ୍ପର୍କରେ ରିପୋର୍ଟ ଦାଖଲ କରିବାକୁ ଇଣ୍ଡିଗୋକୁ କୁହାଯାଇଥିବା ‘ଡିଜିସିଏ’ର ଜଣେ ଅଧିକାରୀ ପ୍ରକାଶ କରିଛନ୍ତି । ‘ଡିଜିସିଏ’ର ଅନ୍ୟ ଜଣେ ଅଧିକାରୀ କହିଛନ୍ତି ଯେ, ଚଣ୍ଡିଗଡ଼-ମୁମ୍ବାଇ ବିମାନର ଆଗ ଧାଡ଼ିର ଗୋଟିଏ ସିଟ୍ରେ କଙ୍ଗନା ରଣାୱତ୍ ବସିଥିଲେ। କେତେକ ରାଜନୈତିକ ଦଳରୁ ଧମକ ପାଇବା ସତ୍ତ୍ୱେ ମୁମ୍ବାଇ ଯିବେ ବୋଲି ଘୋଷଣା କରି ସେପ୍ଟେମ୍ବର ୯ ତାରିଖ ଦିନ କଙ୍ଗନା ରଣାୱତ ତାଙ୍କ ମନାଲି ସ୍ଥିତ ବାସଗୃହରୁ ମୁମ୍ବାଇ ଯାତ୍ରା କରିଥିଲେ ।
ହିମାଚଳର ବିଜେପି ନେତାଙ୍କ ଧମକ: ଭାଙ୍ଗିପାରେ ପ୍ରିୟଙ୍କା ଗାନ୍ଧୀଙ୍କ ଶିମଲା ସ୍ଥିତ ବଙ୍ଗଳା
ଅପରପକ୍ଷରେ ଏ ନେଇ ଇଣ୍ଡିଗୋ ବିବୃତି ଜାରି କରି କହିଛି ଯେ, ସେପ୍ଟେମ୍ବର ୯ ତାରିଖ ଦିନ ଚଣ୍ଡିଗଡ଼ରୁ ମୁମ୍ବାଇ ଯାତ୍ରା କରିଥିବା ୬ଇ୨୬୪ ବିମାନ ସହ ସମ୍ପୃକ୍ତ ପ୍ରସଙ୍ଗରେ ଆମେ ‘ଡିଜିସିଏ’କୁ ବିବୃତି ପ୍ରଦାନ କରିସାରିଛୁ। ଆମେ ପୁଣି ଥରେ କହୁଛୁ ଯେ, ଫଟୋଉଠାଇବା କଟକଣା, ସାମାଜିକ ଦୂରତ୍ୱ ଅବଲମ୍ବନ ଏବଂ ସାମଗ୍ରିକ ନିରାପତ୍ତା ବଜାୟ ରଖିବା କଥା ଘୋଷଣା କରି ଆମ କ୍ୟାବିନ୍ କ୍ରୁ ତଥା କ୍ୟାପ୍ଟେନ୍ ଆବଶ୍ୟକ ନିୟମ ଅନୁସରଣ କରିଥିବା ସେ କହିଛନ୍ତି ।
ରାଜ୍ୟରେ ରେକର୍ଡ ସଂଖ୍ୟକ କରୋନା ସଂକ୍ରମିତ ସୁସ୍ଥ
ଭୁବନେଶ୍ୱର: ରାଜ୍ୟରେ ରେକର୍ଡ ସଂଖ୍ୟକ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ମୋଟ ୪୦୬୧ ଆକ୍ରାନ୍ତ ସୁସ୍ଥ ହୋଇଛନ୍ତି । ଖୋର୍ଦ୍ଧା ଜିଲ୍ଲାର ସର୍ବାଧିକ ୭୪୪ ଜଣ ସୁସ୍ଥ ହୋଇଥିବା ବେଳେ କଟକର ୪୨୫ ଜଣ, ସୁନ୍ଦରଗଡ଼ର ୨୬୭, ବରଗଡ଼ର ୨୪୪, ମୟୂରଭଞ୍ଜର ୨୪୦, ବାଲେଶ୍ୱରର ୧୮୭, ଯାଜପୁର ୧୮୫, କେନ୍ଦ୍ରାପଡ଼ା ୧୭୯, ଅନୁଗୁଳ ୧୬୭, ଗଞ୍ଜାମ ୧୫୭, ପୁରୀ ୧୩୨, ଭଦ୍ରକ ୧୩୦, ଜଗତସିଂହପୁର ୧୩୦, ଝାରସୁଗୁଡ଼ା ୧୩୦, କେନ୍ଦୁଝର ୭୮, ସମ୍ୱଲପୁର ୭୭, କୋରାପୁଟ ଓ ନୂଆପଡ଼ାର ୭୪ ଜଣ ଲେଖାଏଁ, ନବରଙ୍ଗପୁର ୫୦, ଢେଙ୍କାନାଳ ୫୦, ନୟାଗଡ଼ ୪୮, ରାୟଗଡ଼ା ୪୫, କଳାହାଣ୍ଡି ୩୭, ବଲାଙ୍ଗୀର ଓ ସୋନପୁରରୁ ୩୩ ଜଣ ଲେଖାଏଁ, କନ୍ଧମାଳ ୩୨, ବୌଦ୍ଧ ୩୧, ଦେବଗଡ଼ ୨୬, ମାଲକାନଗିରି ୨୪ ଓ ଗଜପତିରୁ ୨୩ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏଥିସହିତ ରାଜ୍ୟରେ ମୋଟ ୧ ଲକ୍ଷ ୧୨ ହଜାର ୬୨ ଜଣ କରୋନା ସଂକ୍ରମିତ ସୁସ୍ଥ ହୋଇଛନ୍ତି ।
Odisha reaches another high in the fight against Covid with the recovery of 4061 Covid patients today!
The total recovered cases of Odisha now stand at 112062.
744 from Khordha
425 from Cuttack
267 from Sundargarh
244 from Bargarh
240 from Mayurbhanj
187 from Baleswar— H & FW Dept Odisha (@HFWOdisha) September 11, 2020
45 from Rayagada
37 from Kalahandi
33 from Bolangir
33 from Sonepur
32 from Kandhamal
31 from Boudh
26 from Deogarh
24 from Malkangiri
23 from Gajapati— H & FW Dept Odisha (@HFWOdisha) September 11, 2020
ଖୋର୍ଦ୍ଧା ଜିଲ୍ଲାରେ ଅଣାୟତ ହେଉଛି କରୋନା, ରାଜ୍ୟରୁ ୩୯୯୬ ଜଣ କରୋନା ସଂକ୍ରମିତ ଚିହ୍ନଟ
ପରିମଳ କର୍ମଚାରୀଙ୍କ ପାଇଁ ମୁଖ୍ୟମନ୍ତ୍ରୀଙ୍କ ଐତିହାସିକ ନିଷ୍ପତ୍ତି
ଭୁବନେଶ୍ୱର: କୋର ସାନିଟାରୀ କର୍ମଚାରୀଙ୍କ ପାଇଁ ସରକାରଙ୍କ ନୂଆ କାର୍ଯ୍ୟକ୍ରମ ‘ଗରିମା’ର ଶୁଭାରମ୍ଭ ହୋଇଛି । ରାଜ୍ୟର ୧୧୪ଟି ଅର୍ବାନ ଲୋକାଲ ବଡିର ୨୦ ହଜାର ପରିବାରର ୧ ଲକ୍ଷ ଲୋକ ଲାଭବାନ ହେବେ । ପ୍ରାଥମିକ ଅବସ୍ଥାରେ ୫୦ କୋଟି ଟଙ୍କାର କର୍ପସ ପାଣ୍ଠି ସହିତ ସଫେଇ କର୍ମଚାରୀଙ୍କ ପାଇଁ ରାଜ୍ୟ କମିଶନ ଗଠନ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । ଏହି ଯୋଜନା ମାଧ୍ୟମରେ ସଫେଇ କର୍ମଚାରୀଙ୍କ ପିଲାମାନେ ପିଜି ପର୍ଯ୍ୟନ୍ତ ମାଗଣାରେ ପାଠ ପଢ଼ିପାରିବେ । କର୍ମଚାରୀଙ୍କୁ ଇପିଏଫ୍, ଅବସରକାଳୀନ ସୁବିଧା, ସ୍ୱାସ୍ଥ୍ୟ ପରୀକ୍ଷା ଓ ଜୀବନ ବୀମା ଯୋଗାଇ ଦିଆଯିବ ।
‘ଗରିମା’ ଯୋଜନା ଆରମ୍ଭ ସହ ରାଜ୍ୟ ସରକାର ଏକ ଐତିହାସିକ ପଦକ୍ଷେପ ନେଇଛନ୍ତି । ଏଥିରେ ଅନେକ ଜାତୀୟ ତଥା ରାଜ୍ୟ ଆଇନ ଅନ୍ତର୍ଭୁକ୍ତ ନିୟମକୁ କଡାକଡି ପାଳନ କରାଯିବ । ଯୋଜନା ମାଧ୍ୟମରେ ପରିମଳ କର୍ମଚାରୀଙ୍କୁ ଚିହ୍ନଟ କରାଯାଇ ସେମାନଙ୍କୁ ପଞ୍ଜିକରଣ କରାଯିବ । ସେମାନଙ୍କ କଠିନ ଓ ବିପଦପୂର୍ଣ୍ଣ କାମକୁ ସମ୍ମାନ ଜଣାଇ ସ୍ୱତନ୍ତ୍ର ଭତ୍ତା, ସ୍ୱାସ୍ଥ୍ୟ ସୁବିଧା, ଜୀବନ ବୀମା, ପିଲାଙ୍କ ପାଇଁ ଉଚ୍ଚଶିକ୍ଷା, ଗୃହ ନିର୍ମାଣ ଓ ଦୁଇ ଚକିଆ ଗାଡି ପାଇଁ ୯୦ପ୍ରତିଶତ ସହାୟତା, ବ୍ୟକ୍ତିଗତ ସୁରକ୍ଷା ଉପକରଣ, ଅନୁକମ୍ପାମୂଳକ ସହାୟତା, EPF, ESI ଏବଂ ପରିବାର ପେନ୍ସନ ଆଦି ବିଭିନ୍ନ କଲ୍ୟାଣମୂଳକ ଯୋଜନାରେ ସହାୟତା ଦିଆଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି ।