ଭୁବନେଶ୍ୱର: ସଟଡାଉନରେ ବାହାରେ ବୁଲୁଥିବା ବେଳେ ୬୫ ଜଣଙ୍କୁ ଉଠାଇ ନେଲା କମିଶନରେଟ୍ ପୋଲିସ । ୧୪ ଦିନ ଧରି ସେମାନଙ୍କୁ କ୍ୱାରେଣ୍ଟାଇନରେ ରଖାଯିବ । ବିନା କାରଣରେ କେହି ବି ଘରୁ ନ ବାହାରିବାକୁ ପୋଲିସର ତାଗିଦ୍ ।
ଏପ୍ରିଲ ୩୦ ପର୍ଯ୍ୟନ୍ତ ଏୟାର ଇଣ୍ଡିଆର ଘରୋଇ ଏବଂ ଆନ୍ତର୍ଜାତୀୟ ବିମାନର ବୁକିଂ ବନ୍ଦ
ନୂଆଦିଲ୍ଲୀ: ସାରା ବିଶ୍ୱରେ କରୋନା ଆତଙ୍କ ଖେଳାଇଛି । ଭାରତରେ କାୟା ବିସ୍ତାର କରିଚାଲିଛି କରୋନ ଭାଇରସ୍ । ସଂକ୍ରମଣକୁ ରୋକିବା ପାଇଁ ଭାରତରେ ୨୧ ଦିନି ଲକ୍ ଡାଉନ୍ ଘୋଷଣା କରାଯାଇଛି । ଏହି ସମୟ ମଧ୍ୟରେ ସମସ୍ତ ଘରୋଇ ଏବଂ ଅନ୍ତର୍ଜାତୀୟ ବିମାନ ଉଡ଼ାଣ ଉପରେ ପ୍ରତିବନ୍ଧକ ଲଗାଯାଇଛି ।
ଟ୍ରେନ୍, ମେଟ୍ରୋ, ବସ୍ ସମେତ ସମସ୍ତ ଯାନବାହାନ ଚଳାଚଳ ଉପରେ କଟକଣା ରହିଛି । ଏହା ସହ ଏୟାର ଇଣ୍ଡିଆ ମଧ୍ୟ ଏପ୍ରିଲ ୩୦ ପର୍ଯ୍ୟନ୍ତ ସମସ୍ତ ଘରୋଇ ଏବଂ ଅନ୍ତର୍ଜାତୀୟ ବିମାନର ବୁକିଂ ବନ୍ଦ କରିଦେଇଛି । ଶୁକ୍ରବାର ଦିନ ଏୟାର ଇଣ୍ଡିଆ ଏହି ସୂଚନା ଦେଇଛି ଯେ, ଏପ୍ରିଲ ୩୦ ପର୍ଯ୍ୟନ୍ତ ସମସ୍ତ ଉଡ଼ାଣ ବନ୍ଦ ରହିବ ।
https://youtu.be/_rTiBIqJXms
ସଂକ୍ରମଣ ଯୋଗୁଁ ବିଶ୍ୱରେ ମୃତ୍ୟୁ ସଂଖ୍ୟା ୫୩,୦୦୦ ଅତିକ୍ରମ କରିଛି । ଅଧିକାଂଶ ଲୋକଙ୍କ ମୃତ୍ୟୁ ଇଟାଲୀରେ ହୋଇଛି । ଇଟାଲୀରେ ୧୩,୦୦୦ ରୁ ଅଧିକ ଲୋକ ପ୍ରାଣ ହରାଇଛନ୍ତି । ଏଥି ସହିତ, ସର୍ବାଧିକ ଲୋକ ଆମେରିକାରେ ସଂକ୍ରମିତ ଅଛନ୍ତି । COVID-19 ମାମଲା ଆମେରିକାରେ ୨.୫ ଲକ୍ଷରେ ପହଞ୍ଚିବାକୁ ଯାଉଛି ।
କରୋନାକୁ ରୋକିବ ଭିଟାମିନ-ସି, ଆମେରିକା ଓ ଚୀନକୁ ମିଳିଲା ସଫଳତା
ବେଜିଂ: କରୋନା ସଂକ୍ରମଣ ଯୋଗୁ ସାରା ପୃଥିବୀରେ ଅଚଳାବସ୍ଥା ସୃଷ୍ଟି ହୋଇଛି। ଏହାକୁ ରୋକିବାରେ କେଉଁ ଔଷଧ ସଫଳ ହେଉ ନ ଥିବାବେଳେ ଏବେ ଭିଟାମିନ୍-ସି’ର ଉପଯୋଗ ବେଶ୍ ସଫଳ ରହିଛି।
ଚାଇନା ଏହାର ପ୍ରୟୋଗ ପ୍ରଥମେ ଉହାନ୍ର ଝୋଙ୍ଗନନ୍ ହସ୍ପିଟାଲର ଡାକ୍ତରମାନଙ୍କ ଦ୍ୱାରା ଆରମ୍ଭ କରାଯାଇଥିଲା। କିଛି ସଂକ୍ରମିତଙ୍କଠାରେ ଏହାଦ୍ୱାରା ସୁଫଳ ମିଳିବାରୁ ଏହାକୁ ଅନ୍ୟ ରୋଗୀଙ୍କୁ ମଧ୍ୟ ଦିଆଯାଇଥିଲା। ସାଧାରଣତଃ ଦିନ ପିଛା ଜଣେ ସୁସ୍ଥ ପୁରୁଷଙ୍କୁ ୯୦ ମିଲିଗ୍ରାମ୍ ଏବଂ ମହିଳାଙ୍କୁ ୭୫ ମିଲିଗ୍ରାମ୍ ର ଭିଟାମିନ୍-ସି ଦିଆଯାଇଥାଏ। ତେବେ ଏହାର ୧୬ଗୁଣା ଭିଟାମିନ୍-ସି ଦିଆଗଲେ ଏହା କରୋନାଠାରୁ ଦୂରେଇ ରଖିବାକୁ ସକ୍ଷମ ହୋଇଥାଏ।
ସେହିପରି କମଳା ରସ ମଧ୍ୟ ସଂକ୍ରମିତଙ୍କୁ ଦିଆଗଲେ ସୁଫଳ ମିଳିଥାଏ। ଭିଟାମିନ୍-ସି ସହିତ କରୋନା ସଂକ୍ରମିତଙ୍କୁ ମ୍ୟାଲେରିଆ ଔଷଧ ହାଇଡ୍ରୋକ୍ସି କ୍ଲୋରୋକ୍ୱିନ୍ ଏବଂ ଆଜିଥ୍ରୋମାଇସିନ୍ ଆଣ୍ଟିବାୟୋଟିକ୍ସ୍ ଦିଆଗଲେ ସୁଫଳ ମିଳୁଛି ବୋଲି ଓ୍ବେବର କହିଛନ୍ତି।
୫ବର୍ଷ ଆଗରୁ ଲେଖିଥିଲେ କରୋନା ବ୍ୟାପିବା କାହାଣୀ ! ଦାବି କଲେ ଅଭିନେତ୍ରୀ ଟ୍ୱିଙ୍କଲ ଖାନ୍ନା
ମୁମ୍ବାଇ: କରୋନା ଭାଇରସ୍ ସାରା ବିଶ୍ୱରେ ହୁ ହୁ ହୋଇ ମାତୁଛି । ଏପର୍ଯ୍ୟନ୍ତ ହଜାର ହଜାର ଲୋକ ପ୍ରାଣ ହରାଇସାରିଛନ୍ତି । ସାରା ଦେଶରେ ଏବେ ଲକ୍ ଡାଉନ୍ ପାଳନ କରୁଛି । କରୋନା ଭାଇରସ୍ ଯୋଗୁଁ ଲୋକେ ଆତଙ୍କିତ ହେଉଛନ୍ତି । ଏଥିପାଇଁ ଏହି ଭାଇରସ୍ ସହ ଜଡିତ ଛୋଟ ଛୋଟ ଜିନିଷ ମଧ୍ୟ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ କରୋନା ନେଇ ଅନେକ ବାର୍ତ୍ତା ସାମ୍ନାକୁ ଆସୁଛି ।
ଏବେ ଷ୍ଟିଭେନ୍ ସୋଡରବର୍ଗଙ୍କ ଫିଲ୍ମ Contagion ହଠାତ୍ ଟ୍ରେଣ୍ଡ୍ କରିବା ଆରମ୍ଭ ହୋଇଛି । ୨୦୧୧ ମସିହାରେ ମୁକ୍ତିଲାଭ ହୋଇଥିବା ଏହି ଚଳଚ୍ଚିତ୍ରରେ ସମାନ ପରିସ୍ଥିତି ରହିଥିଲା ଯେଉଁଭଳି ବିଶ୍ୱରେ ଆଜି କରୋନା ସ୍ଥିତି ରହିଛି । ଅପରପକ୍ଷରେ ବର୍ତ୍ତମାନ ଅଭିନେତ୍ରୀ ତଥା ଲେଖିକା ଟ୍ୱିଙ୍କଲ ଖାନ୍ନା ମଧ୍ୟ ଏକ ଦାବି କରିଛନ୍ତି। ନିକଟରେ ଟ୍ୱିଙ୍କଲ ଟ୍ୱିଟରରେ ଦୁଇଟି ଫଟୋ ପୋଷ୍ଟ କରିଛନ୍ତି । ଏହି ଫଟୋଗୁଡିକରେ ଟ୍ୱିଙ୍କଲଙ୍କ ନୋଟ୍ ଦେଖିବାକୁ ମିଳିଛି । ଏହି ନୋଟରେ ଏକ କାହାଣୀ ଲେଖାଯାଇଛି । ଏନେଇ ସେ କହିଛନ୍ତି ଯେ, ୫ ବର୍ଷ ତଳେ କରୋନା ପରି ଏକ କାହାଣୀ ସେ ଲେଖିଥିଲେ ।
ଏହି କାହାଣୀରେ ଏକ ପରିବାର ବିଷୟରେ ଲେଖା ଯାଇଛି । କାହାଣୀ ଅନୁଯାୟୀ, ଦେଶ ଏକ ଭାଇରସ୍ କାରଣରୁ କ୍ୱାରେଣ୍ଟାଇନରେ ରହିଛି । ବିମାନ ବନ୍ଦର ବନ୍ଦ କରାଯାଇଛି । ସେନା ଘରେ ଘରେ ଯାଞ୍ଚ କରୁଛନ୍ତି । ଲୋକମାନେ ସେମାନଙ୍କର ସଂକ୍ରମିତ ପଡୋଶୀଙ୍କ ସଂପର୍କରେ ରିପୋର୍ଟ କରୁଛନ୍ତି ।
ଏହି ଲୋକଙ୍କୁ କ୍ୟାମ୍ପକୁ ନିଆଯାଉଛି ଏବଂ ସେମାନଙ୍କୁ ମରିବାକୁ ଛାଡି ଦିଆଯାଇଛି । ବୈଜ୍ଞାନିକମାନେ ଏହି ଭାଇରସ୍ ମୁକାବିଲା ପାଇଁ ସବୁପ୍ରକାରର ଚେଷ୍ଟା କରୁଛନ୍ତି, କିନ୍ତୁ ଏହି ଭାଇରସ୍ ବ୍ୟାପିବାରେ ଲାଗିଛି । ଏହି ଭାଇରସ୍ ବାୟୁରେ ମଧ୍ୟ ବ୍ୟାପିଥାଏ । ଏହି ଭାଇରସ୍ ରେ ସଂକ୍ରମିତ ଲୋକମାନେ ବାନ୍ତି କରନ୍ତି, ଥଣ୍ଡା ଅନୁଭବ କରନ୍ତି, ତାପରେ ଧୀରେ ଧୀରେ ବ୍ୟକ୍ତି ସ୍ୱାଦ କ୍ଷମତା ହରାନ୍ତି ଏବଂ ତିନି ଦିନ ମଧ୍ୟରେ ମଣିଷର ମୃତ୍ୟୁ ହୋଇଯାଇଥାଏ ।
ଟ୍ୱିଙ୍କଲ ଏହି ଟ୍ୱିଟର କ୍ୟାପସନରେ ଲେଖିଛନ୍ତି, ‘ଏହା ଏକ କାହାଣୀ ଚିନ୍ତାଧାରା ଯାହା ସେ ତାଙ୍କ ସମ୍ପାଦକଙ୍କୁ କହିଥିଲେ । ପୋଷ୍ଟ କରାଯାଇଥିବା ଏହି ଫଟୋରେ ତାରିଖ ମଧ୍ୟ ଲେଖାଯାଇଛି । ଏହା ଅକ୍ଟୋବର ୨୦୧୫ ମସିହାର କଥା । ବର୍ତ୍ତମାନ ସେ ୫ ବର୍ଷ ତଳର କଥା ଅନୁଭବ କରୁଛନ୍ତି ଯେ ତାଙ୍କ କାହାଣୀ ସତ୍ୟତାରେ ପରିବର୍ତ୍ତନ ହୋଇଛି ।
୫ମିନିଟରେ ସମ୍ଭବ ହେବ କରୋନା ନମୂନା ପରୀକ୍ଷା, ଏପ୍ରିଲ ୧୮ ସୁଦ୍ଧା ଭାରତକୁ ଆସିବ ରାପିଡ କିଟ୍
ନୂଆଦିଲ୍ଲୀ: କରୋନା ସଂକ୍ରମଣ ଭାରତରେ ବଢ଼ିଚାଲିଥିବା ବେଳେ ଏକ ଖୁସି ଖବର ମିଳିଛି । ଏବେ କରୋନା ସଂକ୍ରମିତଙ୍କ ନମୁନା ପରୀକ୍ଷା ମାତ୍ର ୫ମିନିଟ୍ରେ ସମ୍ଭବ ହୋଇପାରିବ । ଆମେରିକାର ଏଡ଼ୋବ କମ୍ପାନୀ ପକ୍ଷରୁ ନିର୍ମାଣ କରାଯାଇଥିବା ଏକ ର୍ୟାପିଡ୍ କିଟ୍ ଦ୍ୱାରା ସମ୍ପନ୍ନ ହୋଇପାରିବ ।
ତେବେ ଏହି କିଟ୍ ଭାରତକୁ ଏପ୍ରିଲ୍ ୧୮ ସୁଦ୍ଧା ଆସିବ ବୋଲି କୁହାଯାଉଛି । ଏହା ପଜିଟିଭ୍ ରିପୋର୍ଟ ମାତ୍ର ୫ ମିନିଟ୍ରେ ଦେବାକୁ ସକ୍ଷମ ହୋଇଥିବାବେଳେ ନେଗେଟିଭ୍ ରିପୋର୍ଟ ଦେବାକୁ ୧୩ ମିନିଟ୍ ସମୟ ନେଇଥାଏ । ଚଳିତ ମାସରେ ଏବୋଟ୍ କମ୍ପାନୀ ଏହି କିଟ୍ରୁ ୫୦ ଲକ୍ଷ ଭାରତକୁ ଯୋଗାଇବାର ଯୋଜନା କରିଛି । ଏନେଇ ଭାରତ ସରକାରଙ୍କ ପକ୍ଷରୁ ଅର୍ଡର ଦିଆଯାଇଥିବା କୁହାଯାଉଛି ।
ଭଦ୍ରକ: ସଟଡାଉନ ନିୟମ ଉଲ୍ଲଂଘନ କରିବାରୁ ୪ ଜଣଙ୍କୁ କ୍ୱାରେଣ୍ଟାଇନରେ ରଖିଲା ପ୍ରଶାସନ । କଟକଣା ସତ୍ତ୍ୱେ ସହରର ବିଭିନ୍ନ ୱାର୍ଡରେ ବୁଲୁଥିବା ବେଳେ ଧରିଲା ପ୍ରଶାସନ ।
ଭଦ୍ରକ: ସଟଡାଉନ ନିୟମ ଉଲ୍ଲଂଘନ କରିବାରୁ ୪ ଜଣଙ୍କୁ କ୍ୱାରେଣ୍ଟାଇନରେ ରଖିଲା ପ୍ରଶାସନ । କଟକଣା ସତ୍ତ୍ୱେ ସହରର ବିଭିନ୍ନ ୱାର୍ଡରେ ବୁଲୁଥିବା ବେଳେ ଧରିଲା ପ୍ରଶାସନ ।
କଶ୍ମୀର କୁଲଗାମରେ ଏନକାଉଣ୍ଟର, ୩ ଆତଙ୍କବାଦୀ ସଫା
ଶ୍ରୀନଗର: ଜମ୍ମୁ କଶ୍ମୀର କୁଲଗାମରେ ଶନିବାର ସକାଳୁ ଗୁଳିବିନିମୟ ହୋଇଛି । ଏନକାଉଣ୍ଟରରେ ୩ ଆତଙ୍କବାଦୀ ନିହତ ହୋଇଛନ୍ତି । ନିହତ ଆତଙ୍କବାଦୀଙ୍କ ପରିଚୟ ମିଳିନି । କୁଲଗାମର ହର୍ଦମାଙ୍ଗୁରି ଖୁର ବାତପୋରା ଅଞ୍ଚଳରେ ୪ ଜଣ ଆତଙ୍କବାଦୀ ଛପିଥିବା ପୋଲିସକୁ ସୂଚନା ମିଳିଥିୱା । ତାପରେ ପୋଲିସ ଓ ୩୪ ରାଷ୍ଟ୍ରୀୟ ରାଇଫଲ୍ସ ଆରମ୍ଭ କରିଥିଲେ ସର୍ଚ୍ଚ ଅପରେସନ୍ । ସୁରକ୍ଷାକର୍ମୀ-ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏଥିରେ ୩ ଜଣ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି । ଏବେବି ସର୍ଚ୍ଚ ଅପରେସନ୍ ଜାରି ରହିଛି ।
ପୋଲିସ ଅନୁଯାୟୀ, ସେଠାରେ ୪ଜଣ ଆତଙ୍କବାଦୀ ଛପିଥିବା ଖବର ମିଳିଥିଲା । ଯାହାପରେ ସମ୍ପୃକ୍ତ ଅଞ୍ଚଳକୁ ଚାରିପଟୁ ଘେରି ଯାଇଥିଲେ ସୁରକ୍ଷାକର୍ମୀ । ୩ ଜଣ ନିହତ ହୋଇଥିବା ବେଳେ ଅନ୍ୟ ଜଣେ ଲୁଚି ରହିଥିବା କୁହାଯାଇଛି । ସୂଚନା ମୁତାବକ ବୁଧବାର ବିଳମ୍ବିତ ରାତିରେ ଏହି ଆତଙ୍କବାଦୀ ମାନେ କୁଲଗାମରେ ୨ ଜଣ ନାଗରିକଙ୍କୁ ଗୁଳି ମାରି ହତ୍ୟା କରିଥିଲେ । ଯାହାପରେ ସମ୍ପୃକ୍ତ ଅଞ୍ଚଳରେ ସର୍ଚ୍ଚ ଅପରେସନ୍ ଚାଲିଥିଲା ।
ପ୍ରାଥମିକ ସୂଚନା ଅନୁଯାୟୀ ଆତଙ୍କବାଦୀମାନେ ନନ୍ଦିମର୍ଗର ସିରାଜ ଅହମଦ ଗୋରେସ ଓ ଗୁଲାମ ହସନ ବାଗୟଙ୍କୁ ଗୁଳି କରି ହତ୍ୟା କରିଥିଲେ । ପୋଲିସ ଏହାର ତଦନ୍ତ କରୁଛି । ଏହା ପୂର୍ବରୁ ମାର୍ଚ୍ଚ ୧୫ରେ ଅନନ୍ତନାଗରେ ସୁରକ୍ଷାକର୍ମୀ-ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଯେଉଁଥିରେ ହିଜବୁଲ୍ ନିଜାମୁଦ୍ଦିନ ଓ ଲସ୍କର ଏ ତୋଇବା ଆତଙ୍କୀ ସଙ୍ଗଠନର ୪ ଆତଙ୍କବାଦୀ ନିହତ ହୋଇଥିଲେ । ଏଥିରେ ହିଜବୁଲ୍ କମାଣ୍ଡର ତାରିକ ଅହମଦ ମଧ୍ୟ ନିହତ ହୋଇଥିଲା ।
ଦିନକରେ ୧୫ କରୋନା ସଂକ୍ରମିତଙ୍କ ମୃତ୍ୟୁ, ଦେଶରେ ୩ ହଜାର ଡେଇଁଲା ଆକ୍ରାନ୍ତଙ୍କ ସଂଖ୍ୟା
ନୂଆଦିଲ୍ଲୀ: ଶୁକ୍ରବାର ଦେଶରେ ୧୫ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏହା ହେଉଛି କରୋନା ସଂକ୍ରମଣରେ ଦେଶରେ ମୃତ୍ୟୁର ସର୍ବାଧିକ ମାମଲା । ଏଥିସହ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୩ ହଜାର ପାର କରି ସଂଖ୍ୟା ୩ ହଜାର ୮୨ରେ ପହଞ୍ଚିଛି । ସେହିଭଳି ମୃତ୍ୟୁ ସଂଖ୍ୟା ୮୫କୁ ବୃଦ୍ଧି ପାଇଛି । ଦିନକରେ ୫୦୦ରୁ ଅଧିକ କରୋନା ପଜିଟିଭ୍ ମାମଲା ମିଳିଛି । କିନ୍ତୁ, ସରକାରୀ ଭାବେ ଆକ୍ରାନ୍ତଙ୍କ ସଂଖ୍ୟା ୨୫୪୭ ଓ ମୃତ୍ୟୁ ସଂଖ୍ୟା ୬୨ ବୋଲି ସ୍ପଷ୍ଟ କରାଯାଇଛି ।
ତବଲିଗି ଜମାତର ମୌଲାନା ସାଦକୁ କ୍ରାଇମବ୍ରାଞ୍ଚର ନୋଟିସ୍, ପଚରାଗଲା ୨୬ ପ୍ରଶ୍ନ
ଶୁକ୍ରବାର ୫୦୨ ନୂଆ ମାମଲା
ମହାରାଷ୍ଟ୍ରରେ ୩, ଦିଲ୍ଲୀ ଓ ତେଲଙ୍ଗାନରେ ୨ଜଣ ଲେଖାଏଁ ୪ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଆନ୍ଧ୍ରପ୍ରଦେଶ, ଗୁଜରାଟ, ମଧ୍ୟ ପ୍ରଦେଶ, ହରିୟାଣା ଓ କର୍ଣ୍ଣାଟକରେ ଜଣେ ଲେଖାଏଁ କରୋନା ସଂକ୍ରମିତ ମୃତ୍ୟୁ ବରଣ କରିଛନ୍ତି । ଶୁକ୍ରବାର ମୋଟ ୫୦୨ଟି ପଜିଟିଭ୍ କେସ୍ ସାମନାକୁ ଆସିଛି । ଏହି ସଂଖ୍ୟା ଗୁରୁବାର ଠାରୁ ଅଳ୍ପ କମ୍ ରହିଛି । ଗୁରୁବାର ଦେଶରେ ୫୪୪ଟି କରୋନା ପଜିଟିଭ୍ ମାମଲା ମିଳିଥିଲା । ଶୁକ୍ରବାର ମିଳିଥିବା ୫୦୨ଟି କେସ୍ ମଧ୍ୟରେ ୨୮୦ଟି ମାମଲା ତବଲିଗି ଜମାତ ସହ ଜଡ଼ିତ ।
ମରକଜ ପାଇଁ ବଢ଼ୁଛି ସଂକ୍ରମଣ
କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଅନୁସାରେ ଗତ ୨ ଦିନରେ ୧୪ ରାଜ୍ୟରୁ ଆସିଥିବା ପ୍ରାୟ ୬୪୭ଟି ମାମଲା ତବଲିଗି ଜମାତ୍ ସହ ଜଡ଼ିତ । ଫଳରେ ଦେଶରେ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ସାମାଜିକ ଦୂରତା ଓ ଲକଡାଉନ୍ ଦ୍ୱାରା ମିଳିବାକୁ ଥିବା ଫାଇଦା ଜମାତ୍ ଦ୍ୱାରା ନଷ୍ଟ ହେବାରେ ଲାଗିଛି ।
ରାଜ୍ୟରେ ୨୦ କରୋନା ସଂକ୍ରମିତଙ୍କ ମଧ୍ୟରେ ୩ ନିଜାମୁଦ୍ଦିନ ଫେରନ୍ତା
ଭୁବନେଶ୍ୱର: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ୨୦କୁ ବୃଦ୍ଧି ପାଇଛି । ଆକ୍ରାନ୍ତଙ୍କ ମଧ୍ୟରେ ୩ ଜଣ ନିଜାମୁଦ୍ଦିନ ତବଲିଗି ମରକଜ ଫେରନ୍ତା ଅଛନ୍ତି । ସେଥିରୁ ଜଣେ କଟକର ହୋଇଥିବା ବେଳେ ଅନ୍ୟଜଣେ ଯାଜପୁର ବ୍ରହ୍ମବରଦା ଅଞ୍ଚଳର ଏବଂ ଆଉ ଜଣେ ପୁରୀର ବୋଲି ପ୍ରଶାସନ ପକ୍ଷରୁ କୁହାଯାଇଛି ।
ଏଯାବତ୍ ନିଜାମୁଦ୍ଦିନରୁ ଫେରିଥିବା ୨୮ ଜଣଙ୍କୁ ସରକାର ଚିହ୍ନଟ କରିଛନ୍ତି । ସେମାନଙ୍କ ନମୁନା ପରୀକ୍ଷା କରାଯାଇଥିବା ବେଳେ ୩ ଜଣଙ୍କ ରିପୋର୍ଟ ପଜିଟିଭ୍ ଆସିଥିବା ବେଳେ ୨୫ ଜଣଙ୍କ ରିପୋର୍ଟ ନେଗେଟିଭ୍ ରହିଛି । ସେମାନଙ୍କୁ ସରକାରୀ କ୍ୱାରେଣ୍ଟାଇନରେ ରଖାଯାଇଛି । ନିଜାମୁଦ୍ଦିନ ଲିଙ୍କ୍ ଥିବା ବ୍ୟକ୍ତିଙ୍କ ପରିବାର ମଧ୍ୟ କ୍ୱାରେଣ୍ଟାଇନରେ ରହିଛନ୍ତି ।
ଯାଜପୁର ବ୍ରହ୍ମବରଦାର ଜଣେ ବ୍ୟକ୍ତି ସଂକ୍ରମିତ ହେବା ପରେ ପ୍ରଶାସନ ସଟଡାଉନ୍ ଘୋଷଣା କରିଛି । ତାଙ୍କ ସମ୍ପର୍କରେ ଆସିଥିବା ଲୋକଙ୍କୁ ପ୍ରଶାସନ ଖୋଜୁଛି । ଆକ୍ରାନ୍ତଙ୍କୁ କଟକ ଅଶ୍ୱିନୀ ସ୍ଥିତ କୋଭିଡ୍-୧୯ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ବ୍ରହ୍ମବରଦା ଅଞ୍ଚଳ ରବିବାର ରାତି ୮ଟା ଯାଏଁ ସଟଡାଉନ୍ ରହିବ ।
ଅନ୍ୟପଟେ ନିଜାମୁଦ୍ଦିନରୁ ଫେରିଥିବା ବ୍ୟକ୍ତିମାନଙ୍କୁ ୧୦୪ ନମ୍ବରରେ କଲ୍ କରି ପଞ୍ଜିକୃତ କରିବାକୁ ରାଜ୍ୟ ସ୍ୱାସ୍ଥ୍ୟ ବିଭାଗ ପୁଣି ଥରେ ଅନୁରୋଧ କରିଛି । ସମଗ୍ର ଦେଶରେ ନିଜାମୁଦ୍ଦିନ ଫେରନ୍ତାଙ୍କ ଠାରୁ ହିଁ କରୋନା ବ୍ୟାପିବାରେ ଲାଗିଛି ।
ତବଲିଗି ଜମାତର ମୌଲାନା ସାଦକୁ କ୍ରାଇମବ୍ରାଞ୍ଚର ନୋଟିସ୍, ପଚରାଗଲା ୨୬ ପ୍ରଶ୍ନ
ଶୁକ୍ରବାର ରାତି ୮ଟାରୁ ଭୁବନେଶ୍ୱର ମହାନଗର ସମେତ ସଂଲଗ୍ନ ୧୪ଟି ପଞ୍ଚାୟତକୁ ସଟଡାଉନ୍ ଘୋଷଣା କରାଯାଇଛି । କଟକ ସହର ମଧ୍ୟ ସଟଡାଉନ୍ ରହିଛି । ଭଦ୍ରକ ସହର ସମେତ ଚରମ୍ପା, ଏରେଇଁ ପଞ୍ଚାୟତ ଓ ଆରଡି ଛକକୁ ଜିଲ୍ଲାପାଳ ସଟଡାଉନ୍ ଘୋଷଣା କରିଛନ୍ତି । ଏହି ସବୁ ଅଞ୍ଚଳ ରବିବାର ରାତି ୮ଟା ଯାଏଁ ସଟଡାଉନ୍ ରହିବ ।
https://youtu.be/jlo3kJiIHrQ
ଭୁବନେଶ୍ୱର: କଟକ, ପୁରୀ ଓ ଯାଜପୁରରେ ଜଣେ ଲେଖାଏଁ ନିଜାମୁଦ୍ଦିନ ଫେରନ୍ତା କରୋନା ଆକ୍ରାନ୍ତ । ଯାଜପୁର ବ୍ରହ୍ମବରଦାକୁ ସଟଡାଉନ୍ ଘୋଷଣା କଲେ ଜିଲ୍ଲାପାଳ । ନିଜାମୁଦ୍ଦିନ ଲିଙ୍କରେ ଥିବା ବ୍ୟକ୍ତି ୧୦୪ ମାଧ୍ୟମରେ ପ୍ରଶାସନକୁ ଜଣାଇବାକୁ କହିଲା ରାଜ୍ୟ ସ୍ୱାସ୍ଥ୍ୟ ବିଭାଗ ।
ଭୁବନେଶ୍ୱର: କଟକ, ପୁରୀ ଓ ଯାଜପୁରରେ ଜଣେ ଲେଖାଏଁ ନିଜାମୁଦ୍ଦିନ ଫେରନ୍ତା କରୋନା ଆକ୍ରାନ୍ତ । ଯାଜପୁର ବ୍ରହ୍ମବରଦାକୁ ସଟଡାଉନ୍ ଘୋଷଣା କଲେ ଜିଲ୍ଲାପାଳ । ନିଜାମୁଦ୍ଦିନ ଲିଙ୍କରେ ଥିବା ବ୍ୟକ୍ତି ୧୦୪ ମାଧ୍ୟମରେ ପ୍ରଶାସନକୁ ଜଣାଇବାକୁ କହିଲା ରାଜ୍ୟ ସ୍ୱାସ୍ଥ୍ୟ ବିଭାଗ ।