ତାଳଚେର: ବାଘମରାରେ ପୁଣି ମାତିଲେ ଲୁଟେରା । ଘରେ କେହି ନଥିବା ବେଳେ ଲୁଟି ନେଲେ ଭରି ଭରି ସୁନା ସହ ଲକ୍ଷାଧିକ ଟଙ୍କାର ସାମଗ୍ରୀ ଓ ନଗଦ ଟଙ୍କା । ଅଭିଯୋଗ ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଅଭିଯୋଗ ଅନୁସାରେ, ବାଘମରାର ମାନସ ବିଶ୍ବାଳ ମାଆଙ୍କ ଚିକିତ୍ସା ପାଇଁ ଭୁବନେଶ୍ବର ଯାଇଥିଲେ । ଏହାର ସୁଯୋଗ ନେଇ ଲୁଟେରା ଦଳ ଘରର କବାଟ ତାଡ଼ି ଲୁଟ କରିଛନ୍ତି । ଦୁଇଟି ଆଲମାରୀରୁ ଲୁଟେରା ଦଳ ୩୦ ଭରି ସୁନା ନେଇ ଯାଇଥିବା ବେଳେ ପ୍ରାୟ ୨୭ ହଜାର ଟଙ୍କା ଚଳୁ କରିଛନ୍ତି । ଏହାସହ ବହୁ ଆସବାବ ପତ୍ର ମଧ୍ୟ ଲୁଟି ନେଇଛନ୍ତି । ଯାହାର ଆନୁମାନିକ ମୂଲ୍ୟ ୨୪ ଲକ୍ଷରୁ ଊର୍ଦ୍ଧ୍ବ ଟଙ୍କା ହେବ ବୋଲି ମାନସ କହିଛନ୍ତି ।
