ବ୍ୟୁରୋ ରିପୋର୍ଟ : ବଲିଉଡର ଫେମସ୍ ଅଭିନେତ୍ରୀଙ୍କ ତାଲିକାରେ ରିନା ରୟଙ୍କ ନାଁ ରହିଛି। ରିନା ରୟ ୭୦-୮୦ ଦଶକର ବଲିଉଡର ଗୋଟେ ଅତି ସୁନ୍ଦର ଚେହେରା ଯାହା କେହି ଭୁଲି ନାହାନ୍ତି। ସେହି ସମୟରେ ଦର୍ଶକ ତାଙ୍କ ଅଭିନୟ ଏବଂ ସୌନ୍ଦର୍ଯ୍ୟରେ ପାଗଳ ଥିଲେ। ତାଙ୍କ କ୍ୟାରିୟର ଯେତିକି ହିଟ୍ ଥିଲା ତାଙ୍କ ବ୍ୟକ୍ତିଗତ ଜୀବନ ମଧ୍ୟ ସେତିକି ଯନ୍ତ୍ରଣାଦାୟକ ଥିଲା। ସେହି ସମୟରେ ରିନାଙ୍କୁ ସାହାର୍ଯ୍ୟର ହାତ ବଢାଇଥିଲେ ଭେଟେରାନ ଅଭିନେତା ଶତ୍ରୁଘନ ସିହ୍ନା। ରିନାଙ୍କ ଜୀବନରେ ଅନେକ ଯନ୍ତ୍ରଣାଦାୟକ କାହାଣୀ ରହିଛି । ସେ ତାଙ୍କ ଜୀବନରେ ବହୁତ ସଂଘର୍ଷ କରି ଶେଷରେ ବଲିଉଡରୁ ଦୂରେଇ ଯାଇଥିଲେ।
ତେବେ ଆମେ ଆପଣଙ୍କୁ କହିରଖୁଛୁ ଯେ, ସେହି ସମୟରେ ଅଭିନେତା ଶତ୍ରୁଘନ ସିହ୍ନାଙ୍କ ସହ ରିନା ରୟଙ୍କ ନାଁ ଚର୍ଚ୍ଚା ହେଉଥିଲେ । ଉଭୟ ୭ ବର୍ଷ ପରସ୍ପରକୁ ଡେଟ୍ କରୁଥିଲେ । କିନ୍ତୁ କିଛି ସମସ୍ଯା ବା ନିଜ ନିଜ ଭିତରେ କୌଣସି କଥା ପାଇଁ ଉଭୟଙ୍କ ମଧ୍ୟରେ ବ୍ରେକଅପ୍ ହୋଇଥିଲା ।
ଶତ୍ରୁଘନଙ୍କ ସହ ବ୍ରେକଅପ୍ ପରେ ରିନାଙ୍କ ଜୀବନରେ ପାକିସ୍ତାନ କ୍ରିକେଟର ମୋହସିନ ଖାନ୍ ଆସିଥିଲେ । ୧୯୮୩ ମସିହାରେ ଉଭୟ ବିବାହ କରିଥିଲେ । ଏହାପରେ ରିନା ତାଙ୍କ ସ୍ୱାମୀ ମୋହସିନଙ୍କ ସହ ପାକିସ୍ତାନରେ ଖୁସିରେ ଜୀବନ ବିତାଇବାକୁ ଲାଗିଲେ।
ବାହାଘର ପରେ ରିନା ଏବଂ ମୋହସିନଙ୍କର ଏକ ଝିଅ ହୋଇଥିଲା। ଝିଅ ହେବାର କିଛି ବର୍ଷ ପରେ ୧୯୯୦ ମସିହାରେ ଉଭୟଙ୍କର ଛାଡପତ୍ର ହୋଇଥିଲା । ଝିଅର ହେପାଜତ ତାଙ୍କ ସ୍ୱାମୀଙ୍କୁ ମିଳିଥିଲା । କିନ୍ତୁ ରିନା ତାଙ୍କ ଝିଅକୁ ନିଜ ପାଖରେ ରଖିବା ପାଇଁ ଚାହୁଁଥିଲେ। କିନ୍ତୁ ତାଙ୍କ ଝିଅର ହେପାଜତ ରିନାଙ୍କୁ ମିଳିପାରୁନଥିଲା। ସେ ନିରାସ ହୋଇ ଭାରତକୁ ଏକା ଫେରିଥିଲେ। ସେହି ସମୟରେ ସହାୟତର ହାତ ବଢାଇଥିଲେ ଶତ୍ରୁଘନ। 
ମିଡିଆ ରିପୋର୍ଟ ଅନୁଯାୟୀ, ଶତ୍ରୁଘନ ସିହ୍ନା ପାକିସ୍ତାନର ପୂର୍ବତନ ରାଷ୍ଟ୍ରପତି ଜନରାଲ ଜିୟାଉଲଙ୍କ ଝିଅଙ୍କ ଭଲ ସାଙ୍ଗଥିଲେ । ଯେତେବେଳେ ଶତ୍ରୁଘନ ରିନାଙ୍କ ସମସ୍ୟା ବିଷୟରେ ଜାଣିବାକୁ ପାଇଥିଲେ ସେତେବେଳେ ସେ ଜିୟାଉଲଙ୍କ ସହ ଏହି ବିଷୟରେ ଆଲୋଚନା କରିଥିଲେ। ଏହା ପରେ ରିନାଙ୍କୁ ତାଙ୍କ ଝିଅର ହେପାଜତ ମିଳିଥିଲା । ସେ ତାଙ୍କ ଝିଅକୁ ଭାରତକୁ ଫେରାଇ ଆଣିଥିଲେ । ଏହାପରେ ସେ ବଲିଉଡକୁ ଫେରିଥିଲେ। କିନ୍ତୁ ତାଙ୍କର ଫିଲ୍ମ ଚାଲିପାରିଲା ନାହିଁ । ଯେଉଁଥିପାଇଁ ସେ ସବୁଦିନ ପାଇଁ ଫିଲ୍ମ ଦୁନିଆରୁ ଦୂରେଇ ଗଲେ । ଏହାପରେ ରିନା ତାଙ୍କ ଝିଅଙ୍କ ସହ ମିଶି ମୁମ୍ୱାଇରେ ଆକ୍ଚିଙ୍ଗ୍ କ୍ଲାସ ଖୋଲିଲେ।
