ଅଲବର୍: କିଏ ଭାଙ୍ଗିଲା ୩ଶହ ବର୍ଷର ପୁରୁଣା ମନ୍ଦିର? କିଏ ଦେଇଥିଲା ଆଦେଶ ? ରାଜସ୍ଥାନରେ ଆଗାମୀ ବର୍ଷ ନିର୍ବାଚନ ଥିବାରୁ ଏତେ ବର୍ଷର ପୁରୁଣା ଶିବ ମନ୍ଦିର ଭାଙ୍ଗିବା ନେଇ ଏବେ ରାଜନୀତି ଆରମ୍ଭ ହୋଇଯାଇଛି । ଉଭୟ ବିଜେପି ଏବଂ କଂଗ୍ରେସ ମଧ୍ୟରେ ରାଜନୈତିକ ବୟାନବାଜି ଦେଖିବାକୁ ମିଳିଛି ।
ବିଜେପି ଉପରେ ହିନ୍ଦୁଙ୍କ ଭାବାବେଗ ଉପରେ ଆଘାତ ପହଞ୍ଚାଇବା ଆରୋପ ଲଗାଇଛି କଂଗ୍ରେସ । କଂଗ୍ରେସ ଆରୋପ ଲଗାଇଛି ଯେ, ଅଲବରର ଏହି ମନ୍ଦିର ଭାଙ୍ଗିବା ନିଷ୍ପତ୍ତି ନଗରପାଳିକା ନେଇଛି ଯେଉଁଠି ବିଜେପି ବହୁମତରେ ଜିତିଛି ।
ଅଲବର ଜିଲ୍ଲା ପ୍ରଶାସନର କହିବା କଥା ହେଲା ନଗରପାଳିକା ବୈଠକରେ ସର୍ବସମ୍ମତିରେ ଅବୈଧ ନିର୍ମାଣ ଭାଙ୍ଗିବାକୁ ନିଷ୍ପତ୍ତି ହୋଇଥିଲା । ଆଗକୁ ସହରରେ ମାଷ୍ଟର ପ୍ଲାନ୍ ଲାଗୁ ହେବ । ଏହି ପ୍ଲାନ କାର୍ଯ୍ୟକାରୀ ହେବା ନେଇ ଆସୁଥିବା ବାଧାକୁ ହଟେଇବାକୁ ନିଷ୍ପତ୍ତି ହୋଇଥିଲା । ଏହି ନିଷ୍ପତ୍ତିରେ ନଗରପାଳିକା ଅଧ୍ୟକ୍ଷ ସତିଶ ଦୁହାରିଆ ଏବଂ ଏଥିରେ ସାମିଲ ବୈଠକରେ ନିଆଯାଇଥିଲା ।
ଏଠାରେ ଆମେ କହି ରଖିବାକୁ ଚାହୁଁଛୁ ଯେ, ଗତକାଲି ରାଜସ୍ଥାନର ଅଲବର ଜିଲ୍ଲାରେ ଥିବା ଏକ ୩ ଶହ ବର୍ଷ ପୁରୁଣା ଶିବ ମନ୍ଦିରକୁ ବୁଲଡୋଜର ଚଢ଼ାଇ ମାଟିରେ ମିଶାଇ ଦିଆଯାଇଥିଲା । ଶିବ ମନ୍ଦିରରେ ଜୋତା ପିନ୍ଧି ମୂର୍ତ୍ତି ଉପରେ ମେସିନ୍ ଚଲାଇବା ଦ୍ୱାରା ହିନ୍ଦୁବାଦୀ ସଙ୍ଗଠନକୁ ଗଭୀର ଆଘାତ ପହଞ୍ଚିଥିଲା । ଏହାକୁ ବିରୋଧ କରି ନଗର ପାଳିକା ଇଓ,ଏସଡିଏମ ଏବଂ ରାଜଗଡ଼ ବିଧାୟକଙ୍କ ବିରୋଧରେ ଏତଲା ଦେବାକୁ ନିଷ୍ପତ୍ତି ନିଆଯାଇଥିଲା । ଏହାପରେ ମନ୍ଦିର ଭଙ୍ଗାକୁ ନେଇ ଆରମ୍ଭ ହୋଇଥିଲା ରାଜନୀତି ।
