spot_img
Home Blog Page 5166

ଶାଳନିଆ କେନାଲରେ ଅଘଟଣ, ଗାଧୋଇବା ବେଳେ ଭାସିଗଲେ ଛାତ୍ର

କେନ୍ଦୁଝର:  ଆନନ୍ଦପୁର ବିଦ୍ୟାଧରପୁର ଶାଳନିଆ କେନାଲରେ ଅଘଟଣ । ପନ୍ଦାଡ଼ ନିକଟରେ ଗାଧୋଇବା ସମୟରେ ବୁଡ଼ିଗଲେ ୨ ନାବାଳକ । କେନାଲରେ ଚାରି ଜଣ ଛାତ୍ର ଗାଧୋଉଥିବା ବେଳେ ଦୁଇ ଜଣ ଭାସିଯାଇ ନିଖୋଜ ଥିବା ଜଣାପଡ଼ିଛି ।  ସେପଟେ ଅଗ୍ନିଶମ ବିଭାଗ ପକ୍ଷରୁ ଜଣେ ନାବାଳକଙ୍କ ମୃତଦେହ ଉଦ୍ଧାର କରାଯାଇଛି ।

ମୃତକ ନାବାଳକ ହେଲେ ପଦରୁଖା ଗାଁର ବିଶ୍ୱନାଥ ରାଉତଙ୍କ ପୁଅ ହିମାଂଶୁ । ପନ୍ଦାଡ଼ ଗାଁର ବବୁଲ ଦାସ ଏବେବି ନିଖୋଜ ଥିବା ଜଣାପଡିଛି । ହାଟଡ଼ିହି ଓ ଆନନ୍ଦପୁର ଦମକଳ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।

ରାମ ମନ୍ଦିର ପାଇଁ ଚାନ୍ଦା ନଦେବାରୁ ସ୍କୁଲ ପ୍ରଧାନ ଶିକ୍ଷୟିତ୍ରୀ ହେଲେ ନିଲମ୍ବିତ ! ହାଇକୋର୍ଟ ଜାରି କଲେ ନୋଟିସ୍‌

ନୂଆଦିଲ୍ଲୀ: ଏକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଙ୍କ ତରଫରୁ ଦାଖଲ ହୋଇଥିବା ଆବେଦନ ଉପରେ ଦିଲ୍ଲୀ ହାଇକୋର୍ଟ ନୋଟିସ ଜାରି କରିଛନ୍ତି। ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଟଙ୍କା ଦାନ ନକରିବାରୁ ତାଙ୍କୁ ପ୍ରଶାସନ ପକ୍ଷରୁ ନିଲମ୍ବିତ କରାଯାଇଥିବା ନୋଟିସରେ ଅଭିଯୋଗ ହୋଇଥିଲା। ଦରମା ମଧ୍ୟ କମାଇ ଦିଆଯାଇଛି ବୋଲି ଶିକ୍ଷୟିତ୍ରୀ ଜଣକ ଅଭିଯୋଗ କରିଥିଲେ। ଅଭିଯୋଗରେ ପ୍ରରଧା ଶିକ୍ଷୟିତ୍ରୀ ତାଙ୍କ ନିଲମ୍ବନକୁ ରଦ୍ଧ କରିବା ଏବଂ ପୂର୍ଣ୍ଣ ଦରମା ସହିତ ଚାକିରିରେ ପୁନଃ ସ୍ଥାପିତ କରିବାକୁ ଦାବି କରିଥିଲେ।

ପ୍ରଧାନ ଶିକ୍ଷୟିତ୍ରୀ ଅଭିଯୋଗ କରିଛନ୍ତି ଯେ ମନ୍ଦିର ପ୍ରକଳ୍ପ ପାଇଁ ଟଙ୍କା ଦାନ କରି ନ ଥିବାରୁ ତାଙ୍କୁ ଦଣ୍ଡ ଦିଆଯାଉଛି। ଶିକ୍ଷୟିତ୍ରୀ ଦାବି କରିଛନ୍ତି ଯେ ଗତ ବର୍ଷ ଅଗଷ୍ଟରେ ବିନା କାରଣରେ ତାଙ୍କୁ ହଠାତ୍ ବିଦ୍ୟାଳୟର ଭଲସଓ୍ୱା ଶାଖାକୁ ସ୍ଥାନାନ୍ତର କରାଯାଇଥିଲା। ସ୍କୁଲରେ ତାଙ୍କର ସମସ୍ତ ଡାଏରୀ ଏବଂ ଅନ୍ୟାନ୍ୟ ଜିନିଷ ସଂଗ୍ରହ କରିବାକୁ ତାଙ୍କୁ ସମୟ ମଧ୍ୟ ଦିଆଯାଇନଥିବା ଅଭିଯୋରେ ଦର୍ଶାଯାଇଛି।

ଶିକ୍ଷୟିତ୍ରୀ କହିଛନ୍ତି ଯେ ଫେବୃଆରୀ ୨୦୨୧ ରେ ରାମ ମନ୍ଦିର ନିର୍ମାଣ ଉଦ୍ଦେଶ୍ୟରେ ସମସ୍ତ କର୍ମଚାରୀଙ୍କ ଠାରୁ ୭୦ ହଜାରରୁ ୧ ଲକ୍ଷ ଟଙ୍କା ସଂଗ୍ରହ କରିବାକୁ ସ୍କୁଲ ପକ୍ଷରୁ କୁହାଯାଇଥିଲା। ଏହି ଆବେଦନପତ୍ରରେ ଦର୍ଶାଯାଇଛି ଯେ ସ୍କୁଲ କର୍ମଚାରୀମାନେ ଛାତ୍ର କିମ୍ବା ସେମାନଙ୍କ ପିତାମାତା କିମ୍ବା ବଜାରକୁ ଯାଇ ଦୋକାନୀ କିମ୍ବା ସାଧାରଣ ଲୋକଙ୍କଠାରୁ ଟଙ୍କା ସଂଗ୍ରହ କରିବାକୁ ବାଧ୍ୟ କରାଯାଉଥିଲା। ପ୍ରଧାନ ଶିକ୍ଷୟିତ୍ରୀ ଆହୁରି ମଧ୍ୟ କହିଛନ୍ତି କି ସେ ୭୦ ହଜାର ଟଙ୍କା ଏକଜୁଟ କରିବାକୁ ଅସମର୍ଥ ହୋଇଥିବାରୁ ତାଙ୍କୁ ଏପରି ପରିସ୍ଥିତିର ସାମ୍ନା ହେବାକୁପଡ଼ିଛି।

ସମର୍ପଣ ନାମରେ ବାର୍ଷିକ ଦାନ ରାଶି ବ୍ୟତୀତ ଏହି ରାଶି ରହିଛି ବୋଲି ଆବେଦନପତ୍ରରେ ଦର୍ଶାଯାଇଛି। ଆବେଦନକାରୀ ରାମ ମନ୍ଦିର ପାଇଁ ୭୦ ହଜାର ଟଙ୍କା ଏବଂ ଉତ୍ସର୍ଗ ପାଇଁ ୧୫ ହଜାର ଟଙ୍କା ଦେବାକୁ ବାଧ୍ୟ କରାଯାଇଥିଲା। ପ୍ରଧାନ ଶିକ୍ଷୟିତ୍ରୀଙ୍କ କହିବାନୁସାରେ, ସେ ମାର୍ଚ ୩ ତାରିଖରେ ରାମ ମନ୍ଦିର ପାଇଁ ୨୧୦୦ ଟଙ୍କା ଦାନ କରିଥିଲେ। ହେଲେ ସେ ଏହା ପରେ ସମର୍ପଣରେ କୌଣସି ରାଶି ଦେବାକୁ ମନା କରିଦେଇଥିଲେ।

ଘାଇରେ ବସ୍ ଗଳି ୧୫ ଲୋକଙ୍କ ମୃତ୍ୟୁ

0

ଉତ୍ତରାଖଣ୍ଡ : ଡେରାଡୁନର ବିକାଶନଗର ନିକଟ ବୁଲାଡ଼ ବାୟଲ ରୋଡରେ ଏକ ବସ୍ ଘାଇରୁ ଗଳି ୧୫ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି  । ଗୁରୁତର ଆହତ ଥିବା ବ୍ୟକ୍ତିଙ୍କୁ ନିକଟସ୍ଥ ଡାକ୍ତରଖାନାକରେ ଭର୍ତ୍ତି କରାଯାଇଛି  । ବସିରେ ଥିବା ପ୍ରତ୍ୟେକ ବ୍ୟକ୍ତି ଗୋଟିଏ ଗ୍ରାମର ବୋଲି ସୂଚନା ମିଳୁଛି  । ଏସଡିଆରଏଫ୍ ଟିମ୍ ସେଠାରେ ପହଞ୍ଚି ମୃତ ବ୍ୟକ୍ତି ଏବଂ ଆହତ ଥିବା ବ୍ୟକ୍ତିଙ୍କୁ  ଉଦ୍ଧାର କରିବାରେ ଲାଗିଛି ବୋଲି ଚକରାତା ଏସଡିଏମ କହିଛନ୍ତି  ।

ବସରେ ଯେତିକି ଯାତ୍ରୀ ଯିବା କଥା ତା ଠୁ ଅଧିକା ବ୍ୟକ୍ତି ଥିବାରୁ ବସିଟି ଭାରସାମ୍ୟ ହରାଇ ଓଲଟିପଡ଼ିଥିବା  ଜଣେ ପୋଲିସ ଅଧିକାରୀ କହିଛନ୍ତି  । ବସଟି ଛୋଟ ଥିବାବେଳେ ଏଥିରେ ୨୫ ଜଣ ଯାତ୍ରୀ ଥିଲେ  । କୁହାଯାଉଛି କି ଏହି ରାସ୍ତାରେ ଲୋକଙ୍କ ଗମନାଗମନ ପାଇଁ କେବଳ ଗୋଟିଏ ବସର ସୁବିଧା ରହିଛି  । ଯାତ୍ରୀ ଅନ୍ୟ କେଉଁ ଉପାୟ ନ ପାଇ ବାଧ୍ୟ ହୋଇ ଏହି ଗୋଟିଏ ବସରେ  ଯିବା ଆସିବା କରିଥାନ୍ତି  । ଏଠାରେ ଅନ୍ୟ କୈାଣସି ବସର ସୁବିଧା ଥିଲେ କିମ୍ବା ଆଉ କେତୋଟି ବସ ଚଳାଚଳ କରୁଥିଲେ ଏଭଳି ଦୁର୍ଘଟଣା ହେବାର ସମ୍ଭାବନା ହୋଇନଥାନ୍ତା ବୋଲି ପାଖ ଅଞ୍ଚଳର ଲୋକ ମତ ପ୍ରକାଶ କରିଛନ୍ତି  । ଦୁର୍ଘଟଣା ପରେ ଏଠାରେ ଆଉ ୩-୪ ଟି ବସର ସୁବିଧା କରାଯାଉ ବୋଲି ଆଖପାଖ ଗ୍ରାମବାସୀ ଦାବି କରିଛନ୍ତି  ।

ଏହି ଘଟଣାକୁ ନେଇ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ଧାମୀ ନିଜ ଟ୍ବିଟରେ ଚକରାତା କ୍ଷେତ୍ର ଅନ୍ତର୍ଗତ ବୁଲାଡ଼ ବୟାଲ ମାର୍ଗରେ ହୋଇଥିବା ହୃଦୟବିଦାରକ ଘଟଣା ଉପରେ ଶୋକ ପ୍ରକାଶ କରିଛନ୍ତି  । ସେ ଆହୁରି ଲେଖିଛନ୍ତି ଇଶ୍ବର ମୃତ ବ୍ୟକ୍ତିଙ୍କ ଆତ୍ମାକୁ ଶାନ୍ତି ଦେବା ସହ ସେମାନଙ୍କ ପରିବାରକୁ ଏଭଳି ଦୁଃଖ ସହିବାକୁ ଶକ୍ତି ପ୍ରଦାନ କରନ୍ତୁ  । ଏଥିସହ ମୃତ ବ୍ୟକ୍ତିଙ୍କୁ ଯଥାଶୀଘ୍ର ଉଦ୍ଧାର କରିବା ସହ ଆହତ ଥିବା ବ୍ୟକ୍ତିଙ୍କୁ ଉପଚାରରେ କୈାଣସି ବିଳମ୍ବ ନ ହେବା ପାଇଁ ଜିଲ୍ଲା ପ୍ରଶାସନଙ୍କୁ ପରାମର୍ଶ ଦେଇଛନ୍ତି  ।

ସାମ୍ନାକୁ ଆସିଲା ତାଲିବାନର ସୁପ୍ରିମ ଲିଡର ହୈବିତୁଲ୍ଲା ଅଖୁନ୍ଦଜାଦା

କାବୁଲ: ପୁଣି ଚର୍ଚ୍ଚାରେ ତାଲିବାନ ସୁପ୍ରିମ ଲିଡର ହୈବିତୁଲ୍ଲା ଅଖୁନ୍ଦଜାଦା । ସେ ଆଜି ସର୍ବସାଧାରଣ ଆଗରେ ନିଜକୁ ଉପସ୍ଥାପିତ କରିବା ସହ ଉଦବୋଧନ ଦେଇଛନ୍ତି । ଦକ୍ଷିଣ ଆଫଗାନିସ୍ତାନର କାନ୍ଦହାରରରେ ସେ ପ୍ରଥମ ଥର ଲାଗି ଲୋକଙ୍କୁ ଉଦବୋଧନ ଦେଇଥିବା ଜଣାପଡ଼ିଛି । ୨୦୧୬ ମସିହାରୁ ସେ ଇସଲାମିକ ଆନ୍ଦୋଳନର ଧର୍ମଗୁରୁ ଭାବେ ଘୋଷିତ ହୋଇଥିଲେ । ମାତ୍ର ସେ ଜୀବିତ ନା ମୃତ ସେ ନେଇ ସନ୍ଦେହ ଲାଗି ରହିଥିଲା । ଏପରିକି ଗତ ଅଗଷ୍ଟରେ ତାଲିବାନ ଶାସନ କ୍ଷମତାକୁ ଆସିବା ପରେ ଅଖୁନ୍ଦଜାଦାଙ୍କୁ ସର୍ବୋଚ୍ଚ ଶାସକ ଭାବେ ଘୋଷଣା କରାଯାଇଥିଲା । କିନ୍ତୁ ଏହା ପରେ ସେ ମୃତ ନେଇ ଖବର ପ୍ରସାରିତ ହୋଇଥିଲା ।

ଗତ ଶନିବାର ସେ ଦାରୁଲ ଜୋଲମ ହାକିମା ମାଦ୍ରାସାକୁ ପରିଦର୍ଶନ କରିଥିଲେ ବୋଲି କୁହାଯାଇଛି । ଏହି ସମୟରେ ସେ ତାଙ୍କ ସୈନିକ ଓ ଛାତ୍ରମାନଙ୍କ କଥା ହୋଇଥିଲେ । ଏହି ସମୟରେ ସେଠାକର ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରାଯାଇଥିଲା ।  ଏପରିକି କାହାକୁ ଫଟୋ କିମ୍ବା ଭିଡିଓ ନେବାକୁ ମଧ୍ୟ ସୁଯୋଗ ଦିଆଯାଇନଥିଲା । ତେବେ ତାଲିବାନ ସୋସିଆଲ ମିଡିଆରେ ଏକ ଦଶ ମିନିଟର ଅଡିଓ କ୍ଲିପ୍ ସେୟାର କରିଛି । ଏହି କ୍ଲିପରେ ଅଖୁନ୍ଦାଜାଦା ‘ଅମିରୁଲ ମୋମିନିନ’ ଅର୍ଥାତ ବିଶ୍ବସ୍ଥଙ୍କୁ ମୁଖିଆ କହି ନିଜ ସୈନିକଙ୍କୁ ସମ୍ବୋଧନ କରିଥିଲା । ଏହି ସମୟରେ ଅଖୁନ୍ଦାଜାଦା ଧାର୍ମିକ ଭାଷଣ ଦେଇଥିଲା । ଏହି ଭାଷଣରେ ସେ ରାଜନୀତି ଉପରେ କିଛି କହିନଥିଲେ ।  କିନ୍ତୁ ତାଲିବାନଙ୍କ ଉପରେ ଆଲ୍ଲାଙ୍କ ଦୟା ଥିବା ସେ କହିଛନ୍ତି ।

୨୦୧୬ରେ ତାଲିବାନ ଧର୍ମଗୁରୁ ମୁଲ୍ଲା ଅଖତାର ମନସୁରଙ୍କ ମୃତ୍ୟୁ ପରେ ତାଙ୍କୁ ସୁପ୍ରିମ ଲିଡର ଘୋଷଣା କରାଯାଇଥିଲା । ନେତା ଭାବରେ ନିଯୁକ୍ତି ହେବା ପରେ ଅଖୁନ୍ଦାଜାଦା ଅଲ-କଏଦା ମୁଖ୍ୟ ଆୟମାନ ଅଲ-ଜାଓ୍ବାହିରିଙ୍କ ସମର୍ଥନ ହାସଲ କରିଥିଲେ । ଅଖୁନ୍ଦାଜାଦାଙ୍କୁ ତାଲିବାନ ଆନ୍ଦୋଳନକୁ ଏକୀକରଣ କରିବା ଦାୟିତ୍ବ ଦିଆଯାଇଥିଲା ।  ଯାହା ଅଖତାରଙ୍କ ହତ୍ୟା ପରେ ତିକ୍ତ ଶକ୍ତି  ଭାଙ୍ଗି ଯାଇଥିଲା ।  ତେବେ ଗତ ସପ୍ତାହରେ କାନ୍ଦାହାରର ତାଲିବାନ ଗଭର୍ଣ୍ଣର ତଥା ଅଖୁନ୍ଦାଜାଦାର ଘନିଷ୍ଠ ସହଯୋଗୀ ମଲ୍ଲିକ ୟୁସୁଫ ଓ୍ବାଫା AFPକୁ କହିଥିଲେ ଯେ ସେ ତାଙ୍କର ରହସ୍ୟମୟ ମୁଖିଆଙ୍କ ସହ ନିୟମିତ ଯୋଗାଯୋଗରେ ଅଛନ୍ତି । ଏକ ସାକ୍ଷାତାକାରରେ ସେ କହିଥିଲେ କି ଆଫଗାନିସ୍ତାନର ପରିସ୍ଥିତିକୁ ନିୟନ୍ତ୍ରଣ କରିବ ଏବଂ କିପରି ଭଲ ସରକାର ଗଠନ କରାଯିବ ସେ ନେଇ ତାଙ୍କ ସହ ନିୟମିତ ବୌଠକ କରୁଛନ୍ତି ।  ସେ ଆହୁରି ମଧ୍ୟ କହିଛନ୍ତି କି ସେ ଆମର ଶିକ୍ଷକ ଏବଂ ସମସ୍ତଙ୍କର ଶିକ୍ଷକ । ଆମେ ତାଙ୍କଠାରୁ କିଛି ଶିଖିବାକୁ ଚେଷ୍ଟା କରୁଛୁ  ବୋଲି କହିଛନ୍ତି ମଲ୍ଲିକ ୟୁସୁଫ ଓ୍ବାଫା ।

 

କାହା ମଧ୍ୟରେ ହେବ T20 WC ଫାଇନାଲ ମ୍ୟାଚ୍,ଏହି ବରିଷ୍ଠ ଖେଳାଳି କଲେ ଭବିଷ୍ୟବାଣୀ..

ଦୁବାଇ: ଚଳିତ ଟି-୨୦ ବିଶ୍ବକପ ଫାଇନାଲକୁ ନେଇ ବଡ଼ ଭବିଷ୍ୟବଣୀ କରିଛନ୍ତି ଅଷ୍ଟ୍ରେଲିଆର ଲିଜେଣ୍ଡ ସ୍ପିନର ସେନ ଓ୍ବାର୍ଣ୍ଣେ । ଚଳିତ ଟି-୨୦ ଓ୍ବାର୍ଲ୍ଡକପରେ ଦମଦାର ଫର୍ମ  ଜାରି ରହିଛି ଇଂଲଣ୍ଡ । ଗତକାଲି ଖେଳାଯାଇଥିବା ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ମ୍ୟାଚରେ ଅଷ୍ଟ୍ରେଲିଆ ବିପକ୍ଷରେ ଇଂଲଣ୍ଡ ଏକ ବଡ଼ ବିଜୟ ଲାଭ କରିଛି । ଏହି ବିଜୟ ସହ ଚଳିତ ବିଶ୍ବକପରେ ଇଂଲଣ୍ଡ ଲଗାତର ଭାବରେ ତିନୋଟି ମ୍ୟାଚରେ ବିଜୟ ଲାଭ କରି ସେମିଫାଇନାଲରେ ନିଜ ସ୍ଥାନ ଏକ ପ୍ରକାର ପକ୍କା କରିସାରିଛି ।

ଅଷ୍ଟ୍ରେଲିଆ ବିପକ୍ଷରେ ଇଂଲଣ୍ଡର ଏହି ବଡ଼ ବିଜୟ ପରେ ଅଷ୍ଟ୍ରେଲିଆ ଲିଜେଣ୍ଡ ସ୍ପିନର ସେନ ଓ୍ବାର୍ଣ୍ଣେ ଚଳିତ ଟି୨୦ ବିଶ୍ବକପକୁ ନେଇ ଏକ ବଡ଼ ଭବିଷ୍ୟବାଣୀ କରିଛନ୍ତି । ଓ୍ବାର୍ଣ୍ଣେ କହିଛନ୍ତି କି ଦୁବାଇରେ ହେବାକୁ ଥିବା ଟି-୨୦ ଫାଇନାଲ ଭାରତ-ପାକିସ୍ତାନ କିମ୍ବା ଅଷ୍ଟ୍ରେଲିଆ-ଇଂଲଣ୍ଡ ମଧ୍ୟରେ ହୋଇପାରେ । ଓ୍ବାର୍ଣ୍ଣେ ଟୁଇଟ କରି କହିଛନ୍ତି କି ଗ୍ରୁପ୍-୧ରୁ ସେମିଫାଇନାଲ ପାଇଁ ଅଷ୍ଟ୍ରେଲିଆ, ଇଂଲଣ୍ଡ ଯିବେ ଏବଂ ଗ୍ରୁପ୍-୨ରୁ ଭାରତ, ପାକିସ୍ତାନ ଯିବେ । ପ୍ରଥମ ସେମିଫାଇନାଲରେ ଇଂଲଣ୍ଡକୁ ଭାରତ ଭେଟିବ ଏବଂ ଦ୍ବିତୀୟ ସେମିଫାଇନାଲରେ ଅଷ୍ଟ୍ରେଲିଆକୁ ଭେଟିବ ପାକିସ୍ତାନ । ଏପରି ସ୍ଥିତିରେ ଟି-୨୦ ବିଶ୍ବକପ ଫାଇନାଲରେ ଭାରତ-ପାକିସ୍ତାନ  କିମ୍ବା ଅଷ୍ଟ୍ରେଲିଆ-ଇଂଲଣ୍ଡ ମଧ୍ୟରେ ହୋଇପାରେ ବୋଲି କହିଛନ୍ତି ଓ୍ବାର୍ଣ୍ଣେ ।

 

 

ଟି-୨୦ ବିଶ୍ବକପର ପଏଣ୍ଟ ଟେବୁଲ କଥା ଯଦି କହିବା ତାହାଲେ ଗ୍ରୁପ୍-୧ରେ ଲଗାତର ଭାବରେ ତିନୋଟି ମ୍ୟାଚ ଜିତି ଇଂଲଣ୍ଡ ପ୍ରଥମ ସ୍ଥାନରେ ରହିଥିବାବେଳେ ସାଉଥ ଆଫ୍ରିକା ଦ୍ବିତୀୟ ଓ ଅଷ୍ଟ୍ରେଲିଆ ତୃତୀୟ ସ୍ଥାନରେ ରହିଛି । ୨୦୧୪ ବିଶ୍ବକପ ବିଜେତା ଶ୍ରୀଲଙ୍କା ଚତୁର୍ଥ ସ୍ଥାନରେ ଥିବାବେଳେ ଡିଫେଣ୍ଡଙ୍ଗ୍ ଚମ୍ପିଆନ ଓ୍ବେଷ୍ଟଇଣ୍ଡିଜ୍ ପଏଣ୍ଟ ଟେବୁଲର ପଞ୍ଚମ ସ୍ଥାନରେ ଥିବା ବେଳେ ବଙ୍ଗଳାଦେଶ ଶେଷ ସ୍ଥାନରେ ରହିଛି । ସେହିପରି ଭାବରେ ଗ୍ରୁପ-୨ କଥା ଯଦି କହିବା ତାହାଲେ ଲଗାତର ତିନୋଟି ମ୍ୟାଚ ଜିତି ପଏଣ୍ଟ ଟେବୁଲର ପ୍ରଥମ ସ୍ଥାନରେ ରହିଛି ପାକିସ୍ତାନ । ତେବେ ପାକିସ୍ତାନର ଆଉ ଦୁଇଟି ମ୍ୟାଚ ନାମବ୍ୟା ଓ ସ୍କଟଲାଣ୍ଡ ମଧ୍ୟରେ ହେବ । ତେଣୁ ଗ୍ରୁପ୍-୨ରେ ପାକିସ୍ତାନ ପ୍ରଥମ ସ୍ଥାନରେ ରହିବ ଏହା ଏକ ପ୍ରକାର ନିଶ୍ଚିତ । ଦ୍ବିତୀୟ ସ୍ଥାନରେ ଆଫଗାନିସ୍ତାନ, ତୃତୀୟରେ ନାମବ୍ୟା,ଚତୁର୍ଥରେ ନ୍ୟୁଜିଲାଣ୍ଡ ଏବଂ ପଞ୍ଚମରେ ରହିଛି ଭାରତ ।  ତେବେ ଆଜି ମ୍ୟାଚ ଭାରତ ପାଇଁ ବେଶ୍ ଗୁରୁତ୍ବବହନ କରୁଛି ।  ଏହି ମ୍ୟାଚକୁ ଜିତି ଭାରତ ପଏଣ୍ଟ ଟେବୁଲର ଉପରକୁ ଆସିବାକୁ ଚେଷ୍ଟା କରିବ । ନ୍ୟୁଜିଲାଣ୍ଡ ବ୍ୟତୀତ ଭାରତ ଆଉ ତିନୋଟି ମ୍ୟାଚ ଆପଗାନିସ୍ତାନ, ନମବ୍ୟା ଓ ସ୍କଟଲାଣ୍ଡ ବିପକ୍ଷରେ ଖେଳିବ । ଭାରତ ଯଦି ନ୍ୟୁଜିଲାଣ୍ଡ ବିପକ୍ଷରେ ବିଜୟ ଲାଭ କରେ ତାହାଲେ ଆଉ ତିନୋଟି ମ୍ୟାଚରେ ସହଜରେ ବିଜୟ ଲାଭ କରି ପଏଣ୍ଟ ଟେବୁଲର ଦ୍ବିତୀୟ ସ୍ଥାନକୁ ଯିବା ପାଇଁ ଚେଷ୍ଟା କରିବ ।

ଶ୍ରୀମନ୍ଦିର ଚାରିପାଖରୁ ପୁଣି ଉଚ୍ଛେଦ ଆରମ୍ଭ

ପୁରୀ: କିଛି ଦିନର ବ୍ୟବଧାନ ପରେ ଶ୍ରୀମନ୍ଦିର ଚାରିପାଖରୁ ପୁଣି ଉଚ୍ଛେଦ ଆରମ୍ଭ ହୋଇଛି । ଶ୍ରୀନହର ସମ୍ମୁଖରେ ଥିବା ଶ୍ରୀମନ୍ଦିର କାର୍ଯ୍ୟାଳୟର ପୁରାତନ କୋଠାକୁ ଜିଲ୍ଲା ପ୍ରଶାସନ ପକ୍ଷରୁ ଉଚ୍ଛେଦ କରାଯାଉଛି । ଶ୍ରୀମନ୍ଦିରର ୭୫ ମିଟର ଐତିହ୍ୟ କରିଡର ମଧ୍ୟରେ ବର୍ତ୍ତମାନ ସୁଦ୍ଧା ୯୬ ପ୍ରତିଶତ ଜମି ସରକାର ଅଧିଗ୍ରହଣ କରି ସାରିଛନ୍ତି । ଆଜି ଉପଜିଲ୍ଲାପାଳଙ୍କ ଉପସ୍ଥିତିରେ ଉଚ୍ଛେଦ ଜାରି ରହିଛି । ପୌରସଂସ୍ଥାର ଏନ୍‌ଫୋର୍ସମେଣ୍ଟ ଟିମ୍, ପୋଲିସ ଓ ଅଗ୍ନିଶମ ବାହିନୀ ଉପସ୍ଥିତରେ ଉଚ୍ଛେଦ ଚାଲିଛି ।

Eviction Again Start In Surrounding Of Puri Jagannath Temple

ଶ୍ରୀକ୍ଷେତ୍ର ଓ ଶ୍ରୀମନ୍ଦିରକୁ ଏକ ସ୍ୱତନ୍ତ୍ର ପରିଚୟ ଦେବା ଉଦ୍ଦ୍ୟେଶରେ ରାଜ୍ୟ ସରକାର ଶ୍ରୀମନ୍ଦିର ଐତିହ୍ୟ କରିଡର ନିର୍ମାଣ କାମ ଆରମ୍ଭ କରିଥିଲେ । ଯେଉଁଥିରେ ବଡ଼ ଦେଉଳ ଚାରିପାଖରୁ ୭୫ ମିଟର ମଧ୍ୟରେ ସମସ୍ତ ନିର୍ମାଣକୁ ଉଚ୍ଛେଦ କରାଯାଇଛି । ଆଉ ବିସ୍ଥାପନ ପଲିସି ଅନୁସାରେ କ୍ଷତି ପୂରଣ ଯୋଗାଇ ଦେଉଛି ପ୍ରଶାସନ । ଆଉ ନିଜ ଇଚ୍ଛା ମୁତାବକ ଜମି ବଦଳରେ ଜମି ପାଇଥିବାରୁ ସରକାରଙ୍କୁ ଧନ୍ୟବାଦ ଦେଇଛନ୍ତି ପୁରୀବାସୀ ।

Eviction Again Start In Surrounding Of Puri Jagannath Temple

ଶ୍ରୀକ୍ଷେତ୍ରକୁ ବିଶ୍ୱ ଐତିହ୍ୟ ନଗରୀରେ ପରିଣତ କରିବା ପାଇଁ ୫୯୦ କୋଟିର ୭ଟି ପ୍ରକଳ୍ପ ପାଇଁ ଘୋଷଣା କରିଥିଲେ ମୁଖ୍ୟମନ୍ତ୍ରୀ । ସେଥିରୁ ଦୁଇଟି ପ୍ରକଳ୍ପ କାମ ଆରମ୍ଭ ହୋଇଯାଇଛି । ଆଗକୁ ୫ଟି ପ୍ରକଳ୍ପର କାମ ଆରମ୍ଭ ହେବ । ଗତବର୍ଷ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରୀ ଯାଇ ଉନ୍ନୟନ କାମ ଦେଖିଥିଲେ । ଅଧଘଣ୍ଟାରୁ ଅଧିକ ସମୟ ଧରି ଚାଲି ଚାଲି ପ୍ରକଳ୍ପ କାମ ଅନୁଧ୍ୟାନ ଓ ସମୀକ୍ଷା କରିଥିଲେ ନବୀନ । ୭୫ ମିଟର ସୁରକ୍ଷା ଜୋନ ବୁଲିବା ସହିତ ଏହି କାମ ପାଇଁ ୩ ମାସରେ ଜମି ଅଧିଗ୍ରହଣ କାମ ସାରିବାକୁ ନିର୍ଦ୍ଦେଶ ଦେଇଥିଲେ ମୁଖ୍ୟମନ୍ତ୍ରୀ ।

ଆଧାରକାର୍ଡକୁ କରନ୍ତୁ ଅପଡେଟ୍ : ଡିଜିଟାଲି ହେବ ଇ-ସାଇନ୍

0

ବ୍ୟବସାୟ ହେଉ ଅବା ବ୍ୟାଙ୍କ ଆଜିକାଲି ପ୍ରତ୍ୟେକ କ୍ଷେତ୍ରରେ ଆଧାରକାର୍ଡର ଆବଶ୍ୟକତା ଥିବାବେଳେ ଏହା ଏକ ପ୍ରମୁଖ ଡକ୍ୟୁମେଣ୍ଚ୍ । କରୋନା ମହାମାରୀ କାଳ ପରେ କାଗଜପତ୍ର କାରବାର କମିଯାଇଥିବା ବେଳେ ଡିଜିଟାଲ ଯୁଗର ପ୍ରସାର ହେଉଛି । ଲୋକ କ୍ୟାସ୍ ବଦଳରେ ଅନଲାଇନ ପେମେଣ୍ଟର ଅଧିକ ବ୍ୟବହାର କରୁଛନ୍ତି  । ଏହି ସବୁ ଅନଲାଇନ କାମ ପାଇଁ ଡିଜିଟାଲ ଆଧାରକାର୍ଡର ଆବଶ୍ୟକତା ପଡ଼ିଥାଏ ଯେଉଁଥିରେ ଇ-ସାଇନ୍ର ଆବଶ୍ୟକତା ରହିଛି ।

ଏନଏସସିଏଲ୍-ଇ ଗଭରନାନ୍ସ ଇନଫ୍ରାଷ୍ଟକଚର ଲିମିଟେଡ ସୂଚନା ଅନୁଯାୟୀ ଇ-ସାଇନ୍ ଏକ ଅନଲାଇନ୍ ଇଲେକଟ୍ରୋନିକ ସାଇନ୍ ଯେଉଁଥିରେ ଜଣେ ଆଧାରକାର୍ଡଧାରୀ ଡିଜିଟାଲ ଡକ୍ୟୁମେଣ୍ଟରେ ନିଜର ହସ୍ତାକ୍ଷର କରିପାରିବେ  । ଅର୍ଥାତ୍ ବିନା କୈାଣସି କାଗଜପତ୍ରରେ ଡିଜିଟାଲି ଜଣେ ଏହି ସାଇନ୍ କରିପାରିବେ  ।

ଆଧାରକାର୍ଡରେ ଇ-ସାଇନର ଲାଭ :

ଏହି ଇଲେକଟ୍ରୋନିକ ସାଇନ କାମ ସହଜ କରିବା ସହ ଶୀଘ୍ର ମଧ୍ୟ କରିଥାଏ  । ଅନଲାଇନରେ ସବୁ କାମ ହେଉଥିବାରୁ ଏହା ସୁରକ୍ଷିତ ମଧ୍ୟ  । ଏଥିରୁ ମିଳୁଥିବା ଲାଭ : ସମୟ ସହ ଖର୍ଚ୍ଚ ବଞ୍ଚାଏ  । ଏଥିସହ ସମସ୍ତ କାର୍ଯ୍ୟ ଆଇନଗତ ହୋଇଥିବା ବେଳେ ବ୍ୟକ୍ତିଗତ ମଧ୍ୟ ରଖିଥାଏ  ।

କେମିତି କରିବେ ଇ-ସାଇନ୍ :

  1. ପ୍ରଥମେ ଇଣ୍ଟରନେଟ୍ ବ୍ରାଉଜର ଖୋଲନ୍ତୁ  । ଏହାପରେ <https://uidai.gov.in/> or <https://eaadhaar.uidai.gov.in> ୱେବସାଇଟ୍ ଖୋଲନ୍ତୁ  ।
  2. ୱେବସାଇଟ୍ ଖୋଲିଯିବା ପରେ ସେଠାରେ ରାଇଟ୍ କ୍ଲିକ୍ କରି ଭାଲିଡିଟି ଅନନୋନ୍ ଆଇକନ୍ ଉପରେ କ୍ଲିକ୍ କରନ୍ତୁ ।
  3. ବର୍ତ୍ତମାନ ଆପଣ ସିଗନେଚର ଭେରିଫିକେସନ ଉଇଣ୍ଡୋ ଦେଖିବାକୁ ପାଇବେ ।
  4. ଏହାପରେ ସିଗନେଚର ପ୍ରପଟିଜ୍ ଉପରେ କ୍ଲିକ୍ କରନ୍ତୁ ।
  5. ସେଠାରେ ଦେଖାଯାଉଥିବା ସୋ ସାର୍ଟିଫିକେଟ୍ ଅପସନ୍ ଉପରେ କ୍ଲିକ୍ କରନ୍ତୁ ।
  6. ଟ୍ୟାବ୍ ରିଡିଙ୍ଗ୍ ପ୍ରେସ୍ କରିବା ପରେ ଏନଆଇସି-ସବ ସିଏ, ଏନଆଇସି ୨୦୧୧ ନେସନାଲ ଇନଫରମେସନ ସେଣ୍ଚର ଦେଖନ୍ତୁ ।
  7. ଏହାପରେ ଟ୍ରଷ୍ଟ ଟ୍ୟାବକୁ ଯିବା ପରେ ଆଡ ଟୁ ଟ୍ରଷ୍ଟ ଆଇଡେନଟିଟି ଅପସନ ଉପରେ କ୍ଲିକ୍ କରନ୍ତୁ ।
  8. ବର୍ତ୍ତମାନ ପରବର୍ତ୍ତୀ ପର୍ଯ୍ୟାୟ ଅନୁସରଣ କରିବା ପରେ ଭାଲିଡେଟ୍ ସିଗନେଚର ଉପରେ କ୍ଲିକ୍ କରନ୍ତୁ ।

 

ଯୁବକଙ୍କୁ ବିଭତ୍ସ ହତ୍ୟା; ଗୁଳି କଲେ, ହାଣିଲେ

ବାଲେଶ୍ୱର: ବାଲେଶ୍ୱରରେ ଫୁଟିଲା ଗୁଳି । କୁରୁଡ଼ା ଛକ ନିକଟରେ ଯୁବକଙ୍କୁ ନିର୍ମମ ଭାବେ ହତ୍ୟା କରାଯାଇଛି । ମୃତ ଯୁବକ ହେଲେ ସଦର ଥାନା ଜଗନ୍ନାଥପାଟଣା ଗାଁର ବିନୋଦ ବିହାରୀ ଦାସ । ବିନୋଦ ଗତକାଲି ରାତିରେ ଘରକୁ ବାଇକରେ ଫେରୁଥିବା ବେଳେ, ତାଙ୍କୁ କେହି ଦୁର୍ବୃତ୍ତ ପ୍ରଥମେ ଗୁଳିମାଡ଼ କରିଥିଲେ ।

Miscreants Fired Youth In Balasore

ସେ ତଳେ ପଡ଼ିଯିବା ପରେ ତାଙ୍କ ମୁହଁକୁ ଭୁଜାଲିରେ ହାଣି ହତ୍ୟା କରିଥିବା ଜଣାପଡ଼ିଛି । ପୂର୍ବ ଶତ୍ରୁତାକୁ କେନ୍ଦ୍ର କରି ବିନୋଦଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ମୃତ ବିନୋଦ ବାଲେଶ୍ୱର ସହରରେ ଭଡ଼ାଘରେ ରହୁଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ତଦନ୍ତ କରୁଛି ।

ଫୁଲବାଣୀରେ ଅସୁସ୍ଥ ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା, ଅଣାଯିବ ଭୁବନେଶ୍ୱର

ଫୁଲବାଣୀ: ୪ ଦିନିଆ କନ୍ଧମାଳ ଗସ୍ତରେ ଥିବା ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା ଅସୁସ୍ଥ ହୋଇ ପଡ଼ିଛନ୍ତି । ଶନିବାର ସନ୍ଧ୍ୟାରୁ ମନ୍ତ୍ରୀଙ୍କୁ ଜର ଆସିଥିବା ବେଳେ ନିମ୍ନ ରକ୍ତଚାପ ରହିଛି । ବର୍ତ୍ତମାନ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟର ସ୍ୱତନ୍ତ୍ର ଡାକ୍ତରୀ ଦଳ ସର୍କିଟ୍ ହାଉସରେ ମନ୍ତ୍ରୀଙ୍କ ସ୍ୱାସ୍ଥ୍ୟ ଉପରେ ନଜର ରଖିଛନ୍ତି । ଡାକ୍ତରଙ୍କ ସୂଚନା ଅନୁସାରେ, ଏବେ ମନ୍ତ୍ରୀ ଶ୍ରୀ ଜେନାଙ୍କ ସ୍ୱାସ୍ଥ୍ୟାବସ୍ଥା ଭଲ ରହିଛି ।

ଏଥିସହ ପଢ଼ନ୍ତୁ: ଗ୍ୟାସ ସିଲିଣ୍ଡର ମୁଣ୍ଡାଇ, ରାସ୍ତା ଉପରେ ଚୂଳି ଜାଳି ବିଜେଡିର ପ୍ରତିବାଦ

ମନ୍ତ୍ରୀ ଶ୍ୱାସକ୍ରିୟାରେ ସାମାନ୍ୟ କଷ୍ଟ ଅନୁଭବ କରିଥିଲେ, ଜର ରହିଛି । କୋଭିଡ୍ ଆଣ୍ଟିଜେନ୍ ଟେଷ୍ଟ ନେଗେଟିଭ୍ ରହିଛି । ଆରଟି-ପିସିଆର୍ ଟେଷ୍ଟ ରିପୋର୍ଟ ଏଯାବତ୍ ଆସିନାହିଁ । ଜିଲ୍ଲା ମୁଖ୍ୟ ଚିକିତ୍ସାଧିକାରୀ ମନ୍ତ୍ରୀଙ୍କ ସ୍ୱାସ୍ଥ୍ୟାବସ୍ଥା ଅନୁଧ୍ୟାନ କରିଛନ୍ତି । ମନ୍ତ୍ରୀଙ୍କୁ ଭୁବନେଶ୍ୱର ଆଣିବା ଲାଗି ବ୍ୟବସ୍ଥା କରାଯାଉଛି ।

ମୁମ୍ବାଇ ଡ୍ରଗ୍ସ କେସ୍; ଜେଲରୁ ବାହାରିଲେ ମୁନମୁନ; ସନ୍ଧ୍ୟାରେ ବାହାରିବେ ଅରବାଜ

ମୁମ୍ବାଇ: ମୁମ୍ବାଇ କ୍ରୁଜ୍ ଡ୍ରଗ୍ସ କେସ୍ ମାମଲାରେ ବଲିଉଡ କିଙ୍ଗଖାନ ଶାହାରାଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ସହ ଅରବାଜ ମର୍ଚ୍ଚାଣ୍ଟ ଓ ମୁନମୁନ୍ ଧାମେଚାଙ୍କୁ ମଧ୍ୟ ଗିରଫ କରିଥିଲା NCB । ତେବେ ଏହି ମାମଲାରେ ଗୁରୁବାର ଆର୍ଯ୍ୟନ ସହ ଅରବାଜ ମର୍ଚ୍ଚାଣ୍ଟ ଓ ମୁନମୁନ ଧାମେଚା ବେଲ ପାଇଥିଲେ । ବେଲ ପାଇବା ପରେ ମଧ୍ୟ ଗତକାଲି ବି ଅରବାଜ ଓ ମୁନମୁନଙ୍କୁ ଜେଲରେ ରହିବାକୁ ପଡ଼ିଥିଲା । ତେବେ ଆଜି ସକାଳେ ମୁନମୁନ ଜେଲରୁ ବାହାରିଥିବା ବେଳେ ଅରବାଜ ମଧ୍ୟ ଆର୍ଥର ରୋଡ୍ ଜେଲରୁ ଶୀଘ୍ର ବାହାରିବାର ସମ୍ଭାବନା ରହିଛି ।

ତେବେ ଏହି ମାମଲାରେ ଅରବାଜଙ୍କ ପିତା ଅସଲମ ମର୍ଚ୍ଚାଣ୍ଟ କହିଛନ୍ତି କି ଆଜି ସନ୍ଧ୍ୟାରେ ଅରବାଜ ଜେଲରୁ ବାହାରିବେ । ତେବେ ଗତକାଲି ଆର୍ଯ୍ୟନ ଖାନ ଜେଲରୁ ବାହାରି ମନ୍ନତରେ ପହଞ୍ଚିଥିଲେ । କିନ୍ତୁ କାଗଜ ପତ୍ର କାମ ସମାପ୍ତ ନହେବାରୁ ଅରବାଜ ଓ ମୁନମୁନ ଜେଲରୁ ବାହାରି ପାରିନଥିଲେ । ତେବେ ଅକ୍ଟୋବର ୩୦ରେ ଅରବାଜ ତାଙ୍କ ପିତାଙ୍କୁ ଶୀଘ୍ର ଜେଲରୁ ମୁକ୍ତି କରିବା ପାଇଁ ଅନୁରୋଧ କରିଥିଲେ । ଅସଲମ ପୁଅକୁ ମଧ୍ୟ ଆଶ୍ବସନା ଦେଇଥିଲେ ଯେ ଆଜି ତାଙ୍କୁ ଜେଲରୁ ବାହାରିବାର ୯୦ ପ୍ରତିଶତ ସୁଯୋଗ ଅଛି । କିନ୍ତୁ ଗତକାଲି ତାହା ହୋଇପାରିଲା ନାହିଁ । ତେଣୁ ଆଜି ସନ୍ଧ୍ୟା ସୁଦ୍ଧା ଜେଲରୁ ବାହାରିବେ ଅରବାଜ ମର୍ଚ୍ଚାଣ୍ଟ ।