spot_img
Home Blog Page 5168

ବାଧୁଛି ଦରଦାମ, ଆଜିଠୁ ପ୍ରତିବାଦ କରିବ ବିଜେଡି

ଭୁବନେଶ୍ୱର: ଅସହ୍ୟ ହେଲାଣି ମହଙ୍ଗା ମାଡ଼ । ବଜାରକୁ ଯିବାକୁ ଡରିଲେଣି ଖାଉଟି । କେନ୍ଦ୍ର ସରକାରଙ୍କ ଭୂଲ ଅର୍ଥନୈତିକ ପରିଚାଳନା ଯୋଗୁଁ ପେଟ୍ରୋଲ, ଡିଜେଲ, ଖାଇବା ତେଲ ସହିତ ପନିପରିବାର ଦରରେ ଅହେତୁକ ବୃଦ୍ଧି ହୋଇଛି । ଏହାର ପ୍ରତିବାଦରେ ଆଜିଠୁ ରାଜରାସ୍ତାକୁ ଓହ୍ଲାଉଛି ବିଜେଡି । କେନ୍ଦ୍ର ବିରୋଧରେ ରାଜଭବନରୁ ରାଜ୍ୟବ୍ୟାପୀ ହେବ ବିକ୍ଷୋଭ । ଆଜି ରାଜଭବନ ଆଗରେ ଧାରଣା ଓ ପ୍ରତିବାଦ କରିବ ବିଜୁ ଜନତା ଦଳ । ଆସନ୍ତାକାଲିଠୁ ରାଜ୍ୟବ୍ୟାପୀ ଆନ୍ଦୋଳନ ହେବ ।

ଏଥିସହ ପଢ଼ନ୍ତୁ: ବିଜେପି ଉପରେ ବର୍ଷିଲା ବିଜେଡି, ‘ସାଧାରଣ ଜନତା ଭୋକରେ ରହିଲେ ବିକାଶ ହୁଏନି’

ଆସନ୍ତା ୫ରୁ ୭ ତାରିଖ ଯାଏଁ ବିଜୁ ଯୁବ ଓ ଛାତ୍ର ଜନତା ଦଳ ପକ୍ଷରୁ ସବୁ ବିଧାନସଭା ନିର୍ବାଚନୀ ମଣ୍ଡଳୀର ପେଟ୍ରୋଲ ପମ୍ପ ଆଗରେ ପ୍ରତିବାଦ କରାଯିବ । ରାଜ୍ୟରେ ଏବେ ପେଟ୍ରୋଲ, ଡିଜେଲ ୧୧୦ ଟଙ୍କା ହେଲାଣି । ଖାଇବା ତେଲ ଲିଟର ପ୍ରତି ୨୦୦ ଟଙ୍କା ଛୁଇଁଲାଣି । ଡାଲି ଠାରୁ ଆରମ୍ଭ କରି ପନିପରିବା ଦରରେ ପକେଟରେ ନିଆଁ ଲାଗିଛି । ସାଧାରଣ ଲୋକଙ୍କ ଠାରୁ ଆରମ୍ଭ କରି ଚାକିରିଆ ଯାଏଁ ସଭିଁଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ପଡ଼ିଛି । ଦରଦାମକୁ ନିୟନ୍ତ୍ରଣ କରିବାରେ କେନ୍ଦ୍ର ସରକାର ସମ୍ପୂର୍ଣ୍ଣ ବିଫଳ ହେବା ପରେ କେନ୍ଦ୍ର ବିରୋଧରେ ରଣହୁଙ୍କାର ଦେଇଛି ବିଜେଡି ।

ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ମହିଳା ସମ୍ମାନିତ

ଭୁବନେଶ୍ୱର: ନୂଆ ଓଡ଼ିଶାର ଅଭିବୃଦ୍ଧିର କାହାଣୀରେ ମହିଳାମାନେ ଗ୍ରହଣ କରିଛନ୍ତି ପ୍ରମୁଖ ଭୂମିକା । ମହିଳାମାନଙ୍କୁ ସଶକ୍ତ କରିବାକୁ ରାଜ୍ୟ ସରକାର ବ୍ୟାପକ ବ୍ୟବସ୍ଥା କରିଛନ୍ତି । ଗଣତାନ୍ତ୍ରିକ ଅନୁଷ୍ଠାନରେ ମହିଳାଙ୍କ ପ୍ରତିନିଧିତ୍ୱ ମୁଖ୍ୟମନ୍ତ୍ରୀଙ୍କ ପାଇଁ ଏକ ଗରୁତ୍ୱପୂର୍ଣ୍ଣ କ୍ଷେତ୍ର । ପଞ୍ଚାୟତ ଠାରୁ ଆରମ୍ଭ କରି ସଂସଦ ପର୍ଯ୍ୟନ୍ତ ମହିଳାମାନଙ୍କୁ ପ୍ରତିନିଧିତ୍ୱ କରିବା ଆବଶ୍ୟକ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଭୁବନେଶ୍ୱରରେ ଅନୁଷ୍ଠିତ ଟାଇମ୍ସ ପାୱାର ଓମେନର ପ୍ରଥମ ସଂସ୍କରଣରେ ଭର୍ଚୁଆଲ ମାଧ୍ୟମରେ ଯୋଗଦେଇ ମୁଖ୍ୟମନ୍ତ୍ରୀ କହିଛନ୍ତି ମହିଳାମାନଙ୍କୁ ପ୍ରତିନିଧିତ୍ୱ କରିବା ପାଇଁ ଓଡ଼ିଶା ସରକାର ପଞ୍ଚାୟତ ସ୍ତରରେ ୫୦ ପ୍ରତିଶତ ସଂରକ୍ଷଣ କରିଛନ୍ତି ।

Times Power Women Odisha 2021

ସେହିପରି ମିଶନ ଶକ୍ତି ମାଧ୍ୟମରେ ମହିଳାମାନେ ସ୍ୱାବଲମ୍ବୀ ହୋଇପାରିଛନ୍ତି । ଏହି ଅବସରରେ ରାଜ୍ୟର ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ମହିଳାମାନଙ୍କୁ ପୁରସ୍କୃତ କରାଯାଇଥିଲା । ଓଡ଼ିଆ ଭାଷାର ଜୀବନବ୍ୟାପି ସାଧନା ପାଇଁ ପଦ୍ମଶ୍ରୀ ପ୍ରତିଭା ରାୟଙ୍କୁ ପୁରସ୍କୃତ କରାଯାଇଥିବା ବେଳେ ସାମାଜିକ କାର୍ଯ୍ୟ ପାଇଁ ଶାନ୍ତି ଦେବୀ, ଓଡ଼ିଶୀର ପ୍ରସାର ପ୍ରଚାର ପାଇଁ ଅରୁଣା ମହାନ୍ତି, ପୋଲିସ ବିଭାଗରେ ସଫଳତାର ସହ କାର୍ଯ୍ୟ କରିବା ପାଇଁ ଆଇପିଏସ୍ ସାରା ଶର୍ମା, ଓଟିଡିସି ଅଧ୍ୟକ୍ଷା ଶ୍ରୀମୟୀ ମିଶ୍ର, ମେଡିକାଲ ରିସର୍ଚ୍ଚରେ ଡାକ୍ତର ସଂଘମିତ୍ରା ପତିଙ୍କୁ ସମ୍ମାନିତ କରାଯାଇଥିଲା ।

Times Power Women Odisha 2021

ସେହିପରି କବି, ଲେଖିକା ଭାବରେ ଦେଶ ତଥା ରାଜ୍ୟରେ ଅନେକ ସଫଳତା ହାସଲ କରିଥିବା ଗାୟତ୍ରୀବାଳା ପଣ୍ଡାଙ୍କୁ ମଧ୍ୟ ଟାଇମ୍ସ ପକ୍ଷରୁ ସମ୍ମାନିତ କରାଯାଇଥିଲା । ଟାଇମ୍ସ ପକ୍ଷରୁ ପ୍ରଥମ ଥର ପାଇଁ ମହିଳାମାନଙ୍କୁ ଉତ୍ସାହିତ କରିବା ପାଇଁ ନିଆଯାଇଥିବା ଏଭଳି ପଦକ୍ଷେପ ପାଇଁ ସମସ୍ତେ ଟାଇମ୍ସକୁ ଧନ୍ୟବାଦ ଦେଇଛନ୍ତି । ପୁରସ୍କାର ଉତ୍ସବକୁ ବାଚସ୍ପତି ସୂର୍ଯ୍ୟନାରାୟଣ ପାତ୍ର, ସଚିବ ଅନୁଗର୍ଗ ଏବଂ ଉତ୍କଳ ବିଶ୍ୱବିଦ୍ୟାଳୟର କୁଳପତି ଡକ୍ଟର ସବିତା ଆାଚାର୍ଯ୍ୟ ଓ ବଲିଉଡ୍ ଅଭିନେତ୍ରୀ ଇଲିଆନା ଡିକ୍ରୁଜ ଉଦ୍‌ଘାଟନ କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମରେ ସମସ୍ତ ସଫଳ ମହିଳା ମାନଙ୍କୁ ଶୁଭେଚ୍ଛା ଜଣାଇଥିଲେ ।

ନିଜ ନିର୍ବାଚନ ମଣ୍ଡଳୀର ବିଭିନ୍ନ କାର୍ଯ୍ୟକ୍ରମରେ ଯୋଗଦେଲେ ମନ୍ତ୍ରୀ କ୍ୟାପଟେନ୍ ଦିବ୍ୟ ଶଙ୍କର

ଧର୍ମଗଡ଼: ଗୃହରାଷ୍ଟ୍ର ତଥା ଶକ୍ତିମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ର ନିଜ ନିର୍ବାଚନ ମଣ୍ଡଳୀରେ ବିଭିନ୍ନ କାର୍ଯ୍ୟକ୍ରମରେ ଯୋଗଦେଇଛନ୍ତି । ଶତାଧିକ ମହିଳାକର୍ମୀ ଶୋଭାଯାତ୍ରାରେ ମନ୍ତ୍ରୀଙ୍କୁ ଜୁନାଗଡ଼ ବିଜୁ ପଟ୍ଟନାୟକ ଷ୍ଟାଡିୟମକୁ ପାଛୋଟି ନେଇଥିଲେ । ଏହାପରେ ମନ୍ତ୍ରୀ ମହିଳା ଓ ଶିଶୁ ଉଦ୍ୟାନ ସ୍ଥାନ ନିରୁପଣ କରିବା ସହ, ସ୍ୱୟଂସହାୟକ ଭବନ ନିର୍ମାଣ ସ୍ଥାନ ନିରୁପଣ କରିଥିଲେ । ରାଜ୍ୟସରକାର ସବୁବେଳେ ମହିଳାଙ୍କ ବିକାଶ ଦିଗରେ କାମ କରୁଥିବା ବେଳେ ଜୁନାଗଡରେ ମଧ୍ୟ ମହିଳାଙ୍କ ବିକାଶକୁ ଅଗ୍ରାଧିକାର ଦିଆଯାଇଛି । ଆସନ୍ତାଦିନରେ ଜୁନାଗଡ ସମେତ କଳାହାଣ୍ଡି ଜିଲ୍ଲାରେ ବିକାଶ କାର୍ଯ୍ୟକୁ ତ୍ୱରାନ୍ୱିତ କରାଯିବ ବୋଲି ମନ୍ତ୍ରୀ ଶ୍ରୀ ମିଶ୍ର କହିଛନ୍ତି ।

ଏଥିସହିତ ପଢ଼ନ୍ତୁ: ବିଜେଡିରେ ମିଶିଲେ କଂଗ୍ରେସ ଓ ସିପିଆଇ ନେତା

ଆଉ ରହିବନି ବୁଲା ଷଣ୍ଢଙ୍କ ଦୌରାତ୍ମ୍ୟ: ୫ କୋଟି ଟଙ୍କାରେ ନିର୍ମିତ ହେବ ଦ୍ୱିତୀୟ କାଞ୍ଚିଆହୁଦା ଓ ଗୋଶାଳା

ଭୁବନେଶ୍ୱର: ରାଜଧାନୀର ରାଜରାସ୍ତାରେ ବୁଲା ଷଣ୍ଢଙ୍କ ଦୌରାତ୍ମ୍ୟ । ଷଣ୍ଢଙ୍କ ଯୋଗଁ ଉପୁଜୁଛି ଟ୍ରାଫିକ ସମସ୍ୟା । ସମସ୍ୟାର ସମାଧାନ ପାଇଁ ପଦକ୍ଷେପ ନେବ ବିଏମସି । ଖୁବଶୀଘ୍ର ସ୍ଥାପନ ହେବ ଦ୍ୱିତୀୟ କାଞ୍ଜିଆହୁଦା ଓ ଗୋଶାଳା । ବିନିଯୋଗ ହେବ ପ୍ରାୟ ୫ କୋଟି ଟଙ୍କା ।  ସ୍ମାର୍ଟସିଟିରେ ବଢୁଛି ଷଣ୍ଢ ଉପଦ୍ରବ । ସୃଷ୍ଟି ହେଉଛି ଟ୍ରାଫିକ ସମସ୍ୟା । ସ୍ଥାୟୀ ସମାଧାନ ପାଇଁ ଅଣ୍ଟା ଭିଡ଼ିଛି ବିଏମସି । ଦ୍ୱିତୀୟ କାଞ୍ଜିଆ ହୁଦା ସହ ବିକାଶ ହେବ ଜାମୁକୋଳି ଗୋଶାଳା । ରାଜଧାନୀ ରାଜରାସ୍ତାରେ ବୁଲୁଛି ଗୋରୁଗାଈ ଓ ଷଣ୍ଢ ।

ଉପଦ୍ରବ ଯୋଗୁଁ ଟ୍ରାଫିକ ସମସ୍ୟା ଉପୁଜିବା ସହ ଅତିଷ୍ଠ ହେଲେଣି ରାଜଧାନିବାସୀ । ଅନେକ ସମୟରେ ଷଣ୍ଢଙ୍କ ଆକ୍ରମଣର ଶିକାର ହେଉଛନ୍ତି ଲୋକେ । ସମସ୍ୟାର ସମାଧାନ ପାଇଁ ବିଏମସିର ଷଣ୍ଢଧରା ଅଭିଯାନକୁ ବ୍ୟାପକ କରିବାକୁ ଦାବି ହୋଇଛି । ଅଧିକ ସଂଖ୍ୟାରେ କାଞ୍ଜିଆହୁଦା ଓ ଗୋଶାଳା ନିର୍ମାଣ କରି ସମସ୍ୟାର ସ୍ଥାୟୀ ସମାଧାନ କରିବାକୁ ମତ ଦେଇଛନ୍ତି ଲୋକେ ।

ବିଏମସିର ସ୍ୱତନ୍ତ୍ର ଟିମ ଜରିଆରେ ନିୟମିତ ଷଣ୍ଢଙ୍କୁ ଧରି ଭୁବନେଶ୍ୱର ଉପକଣ୍ଠ ଜାମୁକୋଳି ସ୍ଥିତ ଗୋଶାଳାରେ ରଖାଯାଉଛି । ତଥାପି ସେମାନଙ୍କ ଉପଦ୍ରବ ହ୍ରାସ ପାଉନାହିଁ । ଏହାକୁ ଦୃଷ୍ଟିରେ ରଖି ବିଏମସି ପକ୍ଷରୁ ଜାମୁକୋଳି ଗୋଶାଳାରେ ୨ କୋଟି ୮୦ଲକ୍ଷ ଟଙ୍କା ବିନିଯୋଗରେ ଅଧିକ ୫ଟି ସେଡ୍ ନିର୍ମାଣ କରାଯାଉଛି । ସେହିପରି ପାଇକରାୟପୁର ଅଞ୍ଚଳରେ ୧୫ଏକର ଜମି ଚିହ୍ନଟ କରାଯାଇଛି । ସେଠାରେ ଦ୍ୱିତୀୟ କାଞ୍ଜିଆହୁଦା ଓ ଗୋଶାଳା ନିର୍ମାଣ କରାଯିବ ବୋଲି ସୂଚନା ଦେଇଛନ୍ତି ବିଏମସି ଡେପୁଟି କମିଶନର । କେବଳ ଷଣ୍ଢ କିମ୍ବା ରାସ୍ତା ଉପରେ ବୁଲୁଥିବା ଗୋରୁଗାଈଙ୍କୁ ଉଠାଇ ନେଲେ ନୁହଁ ବରଂ ସେମାନଙ୍କ ମାଲିକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି ।

ରିଲ୍ ପାଇଁ ରିୟଲ ଗୁଣ୍ଡାଗିରି: ବନ୍ଧୁକ ଓ ମାରଣାସ୍ତ୍ର ଧରି ୧୫ରୁ ଅଧିକ ଯୁବକ କରୁଛନ୍ତି ଭିଡିଓ ସୁଟ୍

ଭୁବନେଶ୍ୱର: ରାଜଧାନୀରେ ରାତିରେ ଅପରାଧୀଙ୍କ ଆତଙ୍କରାଜ । ଅପରାଧୀଙ୍କ କବଜାରେ ଭୁବନେଶ୍ୱର । ସୋସିଆଲ ମିଡିଆରେ ରିଲ ପାଇଁ ନୁହେଁ ରିୟଲ ଗୁଣ୍ଡାଗିରି । ତେଲୁଗୁ ଫିଲ୍ମ ଷ୍ଟାଇଲରେ ହାତରେ ଖଣ୍ଡା, ଭୁଜାଲି ଓ ବନ୍ଧୁକ ଧରି ରାତିରେ ବିଚ ରାସ୍ତାରେ ବୁଲୁଛନ୍ତି । ପୂରା ଗୋଟିଏ ମିନିଟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଦାମୀ କାର ଓ ବାଇକରେ ୧୫ରୁ ଅଧିକ ଯୁବକ ଭିଡିଓ ସୁଟ କରିବା ସହ ମସ୍ତି କରୁଛନ୍ତି । ପୋଲିସ ପାଟ୍ରୋଲିଂକୁ ଖୋଲା ଚାଲେଞ୍ଜ ଦେଇ ସୋସିଆଲ ମିଡିଆରେ ମାତିଛନ୍ତି ଅପରାଧୀ । ଖୁଲମଖୁଲା ବନ୍ଧୁକ, ହତିଆର ଧରି ରାଜରାସ୍ତାରେ ମସଗୁଲ ଅପରାଧୀ ନାଚଗୀତ କରି କମିଶନରେଟ ପୋଲିସକୁ ଖୁଲମଖୁଲା ଚାଲେଞ୍ଜ ଦେଇ ଚାଲିଛନ୍ତି । ଖଣ୍ଡଗିରି ପୋଲିସ ଦ୍ୱାରା ଗିରଫ ରାହୁଲ ଜେନା ନାମକ ଜଣେ ଯୁବକ ଲାଇସେନ୍ସ ବନ୍ଧୁକ ଚୋରି କରି ସୋସିଆଲ ମିଡିଆରେ ପ୍ରଦର୍ଶନ କରିବା ପରେ ଏ କଥା ପଦାକୁ ଆସିଛି । ଭରତପୁର ଥାନା ଅଂଚଳରୁ ଜଣେ ଯୁବକଙ୍କୁ ଗିରଫ କରିଥିଲା ଖଣ୍ଡଗିରି ଥାନା ପୋଲିସ ।

ଗତ ୨୧ ତାରିଖରେ ସିଆରପି ଛକରେ ବୁବୁ ଜେନା ନାମକ ଅପରାଧୀର ଗ୍ୟାଙ୍ଗ ଜଣେ ଲୋକକୁ ସଂଘବଦ୍ଧ ଭାବରେ ଆକ୍ରମଣ କରିଥିଲେ । ନୟାପଲ୍ଲୀ ଥାନା ପୋଲିସ ୩ ଜଣଙ୍କୁ ଗରିଫ କରିଥିଲା । ସେମାନଙ୍କ ଠାରୁ ବାଇକ ଓ କାର ଜବତ ହୋଇଥିଲା । ସୋସିଆଲ ମିଡିଆରେ ଭାଇରଲ ହୋଇଥିବା ଏହି ଗ୍ୟାଙ୍ଗର ଭିଡିଓରେ ବ୍ୟବହାର ହୋଇଥିବା କାର ଓ ବାଇକ ଗୁଡିକୁ ଜବତ କରିଥିଲା ପୋଲିସ । ଏବେ ଏହି ଭିଜୁଆଲ କମିଶନରେଟ ପୋଲିସ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି। ସେପଟେ ସୋସିଆଲ ମିଡିଆରେ ଭିଡିଓ ଭାଇରାଲ ହେବା ପରେ ୪ ଜଣଙ୍କୁ ଗିରଫ କରାଯାଇଥିବା ସୂଚନା ଦେଇଛନ୍ତି ଡିସିପି । ଭିଡିଓ ଫୁଟେଜ ଆଧାରରେ ଅନ୍ୟମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି ସେ ସୂଚନା ଦେଇଛନ୍ତି ।

ରାହୁଲ ଗାନ୍ଧିଙ୍କ ଗୋଆ ଗସ୍ତ: ବାଇକରେ ଗଲେ, ରାସ୍ତାପାର୍ଶ୍ବ ହୋଟେଲରେ ଖାଇଲେ

ଗୋଆ: ରାସ୍ତା ପାର୍ଶ୍ବ ହୋଟେଲରେ ଖାଇଲେ । ଫୁଟବଲ ଖେଲିଲେ । ହେଲମେଟ ପିନ୍ଧି ବାଇକରେ ବସି ଗଲେ ୫ କିଲୋମିଟର । କଂଗ୍ରେସ ନେତା ରାହୁଲ ଗାନ୍ଧି ଗୋଆ ଗସ୍ତରେ ଯାଇ ସେଠାରେ ସାଧାରଣ ଲୋକଙ୍କ ପରି ଦିନଟିଏ କଟାଇଛନ୍ତି । ଆସନ୍ତା ବର୍ଷ ରାଜ୍ୟରେ ନିର୍ବାଚନ ହେବାକୁ ଯାଉଥିବାବେଳେ ରାହୁଲଙ୍କ ଗସ୍ତ ରାଜନୈତିକ ଦୃଷ୍ଟିରୁ ଗୁରୁତ୍ବପୂର୍ଣ୍ଣ ହୋଇଛି । ଆଜି ରାହୁଲଙ୍କ ଥିଲା ଦିନିକିଆ ଗୋଆ ଗସ୍ତ । ସେ ସକାଳେ ପହଞ୍ଚି ଦକ୍ଷିଣ ଗୋଆରେ ପହଞ୍ଚି ଧୀବରମାନଙ୍କ ସହ ଆଲୋଚନା କରିଥିଲେ । ସେ ପାଣାଜି-ମାରଗାଓ ରାଜପଥରେ ଯିବାବେଳେ ବମ୍ବୋଲିମଠାରେ ଫୁଟପାଥରେ ଥିବା ଏକ ହୋଟେଲରେ ଖାଇଥିଲେ । ତାଙ୍କ ସହ ଥିଲେ ଗୋଆ ପିସିସି ସଭାପତି ଗିରୀଶ ଚୋଡାନକର ଓ ବିରୋଧୀଦଳ ନେତା ଦିଗମ୍ବର କାମତ । ମଧ୍ୟାହ୍ନ ଭୋଜନ ପରେ ରାହୁଲ ଏକ ଟୁ-ହ୍ବିଲର ଟାକ୍ସିରେ ବସି ଏକ ଖଣି ଶିଳ୍ପ ଅଞ୍ଚଳ ଗସ୍ତ କରିଥିଲେ । ବାଇକରେ ବସି ପ୍ରାୟ ୫ କିଲୋମିଟର ଯାଇଥିଲେ ରାହୁଲ ।

‘ମମିତା’ ମାମଲାରେ ବିଜେପି ଆଭିମୁଖ୍ୟ ନେଇ ପ୍ରଶ୍ନ ଉଠାଇଲେ ମେହର ସମ୍ପ୍ରଦାୟ: କହିଲେ ରାଜନୀତି ନହେଉ

ମହାଲିଙ୍ଗ: ରାଜନୀତିର ବାଟ ଅଲଗା, ନ୍ୟାୟପାଳିକାର ରାସ୍ତା ଅଲଗା । ପୋଲିସ ତଦନ୍ତ କରିବ ଆଇନ ଦଣ୍ଡ ଦେବ । ମଝିରେ ରାଜନୀତି ନହେଉ । ମମିତା ହତ୍ୟାକାଣ୍ଡରେ ମର୍ମାହତ ବଲାଙ୍ଗୀର ଓ କଳାହାଣ୍ଡିବାସୀ ବିଜେପିର ରାଜନୈତିକ ଷଡ଼ଯନ୍ତ୍ର ଗନ୍ଧ ବାରିବା ପରେ ଏପରି ପ୍ରତିକ୍ରିୟା ରଖୁଛନ୍ତି । ପ୍ରଥମ ଥର ପାଇଁ ଉଭୟ ଜିଲ୍ଲାର ମେହେର ସମ୍ପ୍ରଦାୟ ଲୋକେ ମୁହଁ ଖୋଲି ବିଜେପିର ଆଭିମୁଖ୍ୟ ଉପରେ ପ୍ରଶ୍ନ ଉଠାଇଛନ୍ତି । ଅନ୍ୟପଟେ ମମିତାଙ୍କ ବାପା ତଦନ୍ତ ପ୍ରକ୍ରିୟାରେ ସନ୍ତୁଷ୍ଟ ବୋଲି କହିବା ସତ୍ତ୍ୱେ, ବିରୋଧୀ ଆଉ କି ପ୍ରକାର ତଦନ୍ତ ଚାହାଁନ୍ତି ବୋଲି ଆଇନଜୀବୀ ପ୍ରଶ୍ନ କରିଛନ୍ତି ।

ମମିତା ମର୍ଡରରେ ମର୍ମାହତ ମେହେର କୁଳ । ବିରୋଧୀଙ୍କ ଆଭିମୁଖ୍ୟ ନେଇ ପ୍ରଶ୍ନ ଉଠାଇଲେ ବୁଣାକାର ସଂପ୍ରଦାୟ । ତଦନ୍ତ ଆଳରେ ଚରିତ୍ର ସଂହାର ନକରିବାକୁ ନିବେଦନ । ଶବ ଉପରେ ପଲିଟିକାଲ ମାଇଲେଜ ନିହାତି ଶସ୍ତା । କଳାହାଣ୍ଡି ମହାଲିଙ୍ଗ ସନସାଇନ ସ୍କୁଲ ଅଧ୍ୟକ୍ଷାଙ୍କ ହତ୍ୟାକାଣ୍ଡରେ ପୋଲିସ ଅଭିଯୁକ୍ତଙ୍କୁ ଧରିଛି । ଅଭିଯୁକ୍ତଙ୍କୁ ବିଚାର କରି ଦଣ୍ଡ ଦେବ ଅଦାଲତ । ହେଲେ ବିରୋଧୀ ଯେପରି ପ୍ରତିଦିନ ଅସହାୟ ପରିବାରକୁ ଭେଟିବା ଆଳରେ ପଲିଟିକାଲ ଷ୍ଟଣ୍ଟ କରୁଛନ୍ତି ତାକୁ ନେଇ କ୍ଷୁବ୍ଧ କଳାହାଣ୍ଡି ଓ ବଲାଙ୍ଗୀରବାସୀ । ତଦନ୍ତ ବାହାନାରେ ବିଜେପି ପୂରା ସମ୍ପ୍ରଦାୟର ଚରିତ୍ର ସଂହାର କରୁଥିବା ଅଭିଯୋଗ କରିଛି ପଶ୍ଚିମ ଓଡ଼ିଶାର ମେହେର ସମ୍ପ୍ରଦାୟ । ପୋଲିସ ତଦନ୍ତ ସଠିକ ଦିଗରେ ଅଛି ବୋଲି ବାପାଙ୍କ କହିବା ପରେ ବି ପଲିଟିକାଲ ଟୁରିଜିମରୁ ଓହରୁ ନାହାଁନ୍ତି ।

ଗୋବିନ୍ଦ ସାହୁଙ୍କ ବିରୋଧରେ କଠୋର ଦଣ୍ଡ ଦାବି କରିଥିବା ମେହେର ସମ୍ପ୍ରଦାୟ, ବଦନାମ ରଜନୀତି ନ କରିବାକୁ ବିରୋଧୀଙ୍କୁ ନିବେଦନ କରିଛନ୍ତି ।  ଗୋବିନ୍ଦ ଓ ତାଙ୍କ ସହଯୋଗୀଙ୍କୁ ଗିରଫ କରିଛି ପୋଲିସ । ରିମାଣ୍ଡରେ ବି ସତ ଉଗାରିଲା। ଆବଶ୍ୟକ ପଡ଼ିଲେ ପୁଣି ରିମାଣ୍ଡରେ ଆସି ପାରନ୍ତି। ଏ ହେଉଛି ତଦନ୍ତ ପ୍ରକ୍ରିୟା। ଯାହାକୁ ଖୋଲା ହୃଦୟରେ ସ୍ୱାଗତ କରିଛନ୍ତି ମୃତ ମମିତାଙ୍କ ବାପା। ହେଲେ ବିରୋଧୀ ବାରମ୍ବାର, ମମିତାଙ୍କ ପରିବାରିକୁ ଭେଟି ରାଜନୈତିକ ଗ୍ରୀଲିଂ କରୁଥିବାକୁ ବଲାଙ୍ଗୀର ଓ କଳାହାଣ୍ଡି ଆଇନଜୀବୀମାନେ ମଧ୍ୟ ନାପସନ୍ଦ କରିଛନ୍ତି । ବିରୋଧୀଙ୍କ ଦାବି ଅନୁସାରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟ ଶଙ୍କର ମିଶ୍ର ବିବୃତି ରଖିଲେ। ହେଲେ ବିରୋଧୀ ତା ଊର୍ଦ୍ଧ୍ୱରେ କି ତଦନ୍ତ ଦାବି କରୁଛନ୍ତି ବୋଲି ପ୍ରଶ୍ନ କରିଛନ୍ତି । ରାଜ୍ୟ ବିକାଶ ଦେଖି ବିରୋଧୀ ଜଳକା । ପଞ୍ଚାୟତ ନିର୍ବାଚନରେ ଗାଁ ଗାଁରେ କି ପ୍ରସଙ୍ଗ କରିବେ ତାକୁ ନେଇ ରାସ୍ତା ଖୋଜି ପାଉନାହାଁନ୍ତି । ଜର ବାଉଳାରେ ତାଟିଆ କାମୁଡା ପରି ବିରୋଧୀ ଏବେ ମମିତାଙ୍କ ମୃତ୍ୟୁ ହିଁ ମୁଦ୍ଦା ବୋଲି ଧରିନେଲେଣି । ହେଲେ ଅତିରୁ ଇତି ଭଳି ଏବେ ବିଜେପି ପାଇଁ ଏହା ବୁମେରାଂ ହୋଇଛି ।

ମମିତା ପ୍ରସଂଗରେ ରାଜନୈତିକ ଡ୍ରାମା କରୁଛି ବିଜେପି: ଦାମୋଦର ରାଉତ

ଭୁବନେଶ୍ୱର: ମମିତା ପ୍ରସଙ୍ଗରେ ରାଜ୍ୟ ବିଜେପି ପଲିଟିକାଲ ଡ୍ରାମା କରୁଛି ବୋଲି ଅଭିଯୋଗ କରିଛନ୍ତି ବରିଷ୍ଠ ନେତା ଦାମୋଦର ରାଉତ । ମାମଲାର ତଦନ୍ତ ଚାଲିଛି । ତଦନ୍ତରେ ପୀଡ଼ିତାଙ୍କ ପରିବାର ସନ୍ତୋଷ ପ୍ରକାଶ କରିଛନ୍ତି । ମାମଲା ପଛରେ ଷଡ଼ଯନ୍ତ୍ର ଅଭିଯୋଗର ତଦନ୍ତ କରୁଛି ରାଜ୍ୟ ପୋଲିସ । ପୋଲିସ ଡିଜିଙ୍କୁ ଦାୟିତ୍ୱ ଦେଇଛନ୍ତି ମୁଖ୍ୟମନ୍ତ୍ରୀ । ଅପରାଧ ଓ ଅପରାଧୀଙ୍କ ବିରୋଧରେ ମୁଖ୍ୟମନ୍ତ୍ରୀଙ୍କ କଡ଼ା ଆଭିମୁଖ୍ୟ ରାଜ୍ୟବାସୀ ଜାଣିଛନ୍ତି । ତଦନ୍ତ ସରିବା ପର୍ଯ୍ୟନ୍ତ ବିଜେପି ଅପେକ୍ଷା ନକରି ଅଯଥା ରାଜନୀତି କରୁଛି ବୋଲି ପୂର୍ବତନ ମନ୍ତ୍ରୀ ଦାମୋଦର ରାଉତ ଅଭିଯୋଗ କରିଛନ୍ତି ।

ଏଥିସହିତ ପଢ଼ନ୍ତୁ: ମମିତା ମୃତ୍ୟୁ ମାମଲାକୁ ନେଇ ସାଂଘାତିକ ଖୁଲାସା କଲେ ପୂର୍ବତନ ମନ୍ତ୍ରୀ ଦାମୋଦର ରାଉତ

ଜମ୍ମୁକାଶ୍ମୀରରେ ଲ୍ୟାଣ୍ଡମାଇନ ବିସ୍ପୋରଣରେ ୨ ଯବାନ ସହିଦ

0

 

ଶ୍ରୀନଗର : ଜମ୍ମୁକାଶ୍ମୀରର ନାଓସେରା ସୁନ୍ଦରବନୀ ସେକ୍ଟରରେ ଏଲଓସି ନିକଟରେ ଲ୍ୟାଣ୍ଡମାଇନ ବ୍ଲାଷ୍ଚ ଯୋଗୁଁ ୨ ଯବାନ ସହିଦ ହୋଇଥିବା ବେଳେ ଅନ୍ୟ ତିନି ଜଣ ଆହତ ହୋଇଛନ୍ତି  । ଅଧିକାରୀଙ୍କ ସୂଚନା ଅନୁଯାୟୀ ଏଲଓସିଠାରେ ଆରମି ଦଳ ଯିବା ସମୟରେ ଲ୍ୟାଣ୍ଡମାଇନ ଉପରେ ପାଦ ପଡ଼ିଯିବା ପରେ ବ୍ଲାଷ୍ଟ ହୋଇଥିଲା । ଯେଉଁଥିରେ ଜଣେ ସିନିୟର ଅଫିସରଙ୍କ ସମେତ ଜଣେ ଯବାନ ସହିଦ ହୋଇଥିଲେ  । ଦୁଇ ଜଣ ଗୁରୁତର ଆହତ ହେବା ସଙ୍ଗେ ସଙ୍ଗେ ଆହତ ଯବାନମାନଙ୍କୁ ସୈନିକ ଡାକ୍ତରଖାନା ପଠାଯାଇଥିଲା ।

Army officer, 2 soldiers, one BSF jawan martyred; 3 Pakistan Army backed terrorists killed in gunfight along LoC - The Statesman

କହିରଖୁ କି କିଛି ଦିନ ତଳେ ପୁଞ୍ଜ ଜଙ୍ଗଲରେ ଆତଙ୍କୀ ଆକ୍ରମଣ ହେତୁ ଜଣେ ଅଫିସରଙ୍କ ସମେତ ୯ ଜଣ ଯବାନ ସହିଦ ହୋଇଥିଲେ  । କୁହାଯାଉଛି କି ସେହି ଅଞ୍ଚଳର ଏହା ସବୁଠୁ ଲମ୍ବା ସମୟର ଆତଙ୍କୀବାଦ ଆକ୍ରମଣ  । ଆତଙ୍କବାଦୀମାନେ ଜଙ୍ଗଲ ମଧ୍ୟରେ ଲୁଚି ରହିଥିଲେ ବୋଲି ଜଣେ ଅଫିସର ସୂଚନା ଦେଇଛନ୍ତି  ।

2 terrorists killed, 1 jawan martyred in ongoing encounter in Jammu and Kashmir - The Financial Express

ସୂଚନାରୁ ପ୍ରକାଶଯେ ନାଓସେରା ସେକ୍ଟର ରାଜୋରି ଜିଲ୍ଲାସ୍ଥିତ ଜମ୍ମୁର ପିପଞ୍ଜଲ ଅଞ୍ଚଳରେ ଗତ ତିନି ସପ୍ତାହ ଧରି ଆରମି ଅପରେସନ ଚାଲିଥିଲା  । ଏହାର ଖବର ପାଇ ଆତଙ୍କବାଦୀ ଦଳ ସେଠାରେ ପହଞ୍ଚି ସୁଯୋଗ ଦେଖି ଯବାନଙ୍କ ଉପରେ ଆକ୍ରମଣ କରିଥିଲେ । ଯେଉଁଥିରେ ୨ ଯବାନଙ୍କ ସହ ତିନି ଜଣ ଆହତ ହୋଇଥିଲେ  ।

 

ଦରଦାମ ବୃଦ୍ଧି ବିରୋଧରେ ବିକ୍ଷୋଭ କରିବ ବିଜେଡି: ନଭେମ୍ୱର ପହିଲାରେ ହେବ ଆନ୍ଦୋଳନ

ଭୁବନେଶ୍ୱର: ଦରଦାମ ବୃଦ୍ଧି ବିରୋଧରେ ବିଜେଡିର ରଣହୁଙ୍କାର । ବିକ୍ଷୋଭ ଆନ୍ଦୋଳନ କରିବ ବିଜେଡି । କେନ୍ଦ୍ରର ନୀତି ଓ ଗତି ବିରୋଧରେ ସ୍ବର ଉଠାଇବ ବିଜୁ ଜନତା ଦଳ । କାଲି ରାଜଭବନ ଆଗରେ ବିଜେଡି ଗଣଧାରଣା ଦେବ । ରନ୍ଧନ ଗ୍ୟାସ୍ ଦର ବୃଦ୍ଧିର ପ୍ରତିବାଦରେ ନଭେମ୍ବର ୧ ତାରିଖରେ ହେବ ଆନ୍ଦୋଳନ । ସାରା ରାଜ୍ୟରେ ମହିଳା ବିଜେଡି ପ୍ରତିବାଦ କରିବ । ସେହିପରି ନଭେମ୍ବର ୫ରୁ ୭ ଯାଏ ବିଜୁ ଛାତ୍ର ଜନତା ଦଳ ସାରା ରାଜ୍ୟରେ କରିବ ପ୍ରତିବାଦ । ପେଟ୍ରୋଲ ଦରବୃଦ୍ଧି ପ୍ରତିବାଦରେ ଛାତ୍ର ଜନତା ଦଳ ରାଜ୍ୟର ସବୁ ପେଟ୍ରୋଲ ପମ୍ପ ଆଗରେ ବିକ୍ଷୋଭ ପ୍ରଦର୍ଶନ କରିବ । ପ୍ରେସମିଟ୍ କରି ବିଜେଡି ଏହି ସୂଚନା ଦେଇଛି ।

ଏଥିସହିତ ପଢ଼ନ୍ତୁ:ବିଜେପି ଉପରେ ବର୍ଷିଲା ବିଜେଡି, ‘ସାଧାରଣ ଜନତା ଭୋକରେ ରହିଲେ ବିକାଶ ହୁଏନି’