spot_img
Home Blog Page 5495

ଟୋକିଓ ଅଲିମ୍ପିକ୍ସରେ ସାମିଲ ତୀରନ୍ଦାଜ ପ୍ରବୀଣ ଯାଦବଙ୍କ ପରିବାରକୁ ଧମକ

ପୁଣେ: ଟୋକିଓ ଅଲିମ୍ପିକ୍ସରେ ଭାରତୀୟ ଦଳର ଅଂଶବିଶେଷ ତୀରନ୍ଦାଜ ପ୍ରବୀଣ ଯାଦବଙ୍କ ପରିବାରଙ୍କୁ ମିଳୁଛି ଧମକ। ପ୍ରବୀଣଙ୍କ ମାତାପିତା ତାଙ୍କ ଜୀବନ ପ୍ରତି ବିପଦ ରହିଥିବା କହିଛନ୍ତି। ସୂଚନା ଅନୁଯାୟୀ, ପ୍ରବୀଣଙ୍କ ମାତାପିତା ଗାଁରେ ଘର ନିର୍ମାଣ କାମ କରିବାକୁ ଚାହୁଁଛନ୍ତି। କିନ୍ତୁ ଗ୍ରାମବାସୀ ସେମାନଙ୍କୁ କାମ କରିବାକୁ ଦେଉନାହାଁନ୍ତି। ଏପରିକି ଧମକ ମଧ୍ୟ ଦେଉଛନ୍ତି। ଯାଦବଙ୍କ ପିତାମାତା କହିଛନ୍ତି ଯେ ଯଦି ସେମାନଙ୍କୁ ଘର ତିଆରି କରିବାକୁ ଅନୁମତି ନମିଳେ ତେବେ ସେମାନେ ନିଜ ଗାଁ ଛାଡିଦେବେବ।

ପ୍ରବୀଣ ଯାଦବଙ୍କ ପରିବାର ମହାରାଷ୍ଟ୍ରର ସାତାରା ଜିଲ୍ଲାର ସାରାଡେ ଗ୍ରାମରେ ରୁହନ୍ତି। ଏହି ଗାଁରେ ସେମାନଙ୍କର ଏକ ଛୋଟ ଘର ଅଛି, ଯାହାକୁ ସେମାନେ ବଢ଼େଇବାକୁ ଚାହୁଁଛନ୍ତି। ହେଲେ ପଡ଼ୋଶୀମାନେ ତାଙ୍କୁ ନିଜ ଜମିରେ ବି ଘର କରିବାକୁ ଦେଉନାହାଁନ୍ତି। ସେମାନେ କରିବାକୁ ଦେଉ ନାହାଁନ୍ତି ବୋଲି ଫ୍ରବୀଣଙ୍କ ପିତା ଅଭିଯୋଗ କରିଛନ୍ତି। ତେବେ ଯଦି ଏହି ବିବାଦ ତୁରନ୍ତ ନ ସୁଝେ ତେବେ ସେମାନେ ବାଧ୍ୟହୋଇ ଗାଁ ଛାଡିଦେବେ ବୋଲି ମଧ୍ୟ ସେ କହିଛନ୍ତି।

ଘଟଣା ସମ୍ପର୍କରେ ପ୍ରବୀଣ ଯାଦବ କହିଛନ୍ତି, “ମୋ ପିତା ରାଜ୍ୟ କୃଷି ନିଗମରେ ଚାକିରୀ କରନ୍ତି। ନିଗମ ତରଫରୁ ହିଁ ଆମକୁ ଏହି ଜମି ମିଳିଥିଲା। ସେନାରେ ଚାକିରି ପାଇବା ପରେ ଘରର ଆର୍ଥିକ ଅବସ୍ଥା ସୁଧୁରିଥିଲା ତେଣୁ ଆମେ ପ୍ରଥମେ ଦୁଇ କୋଠରୀ ବିଶିଷ୍ଟ ଘର ନିର୍ମାଣ କରିଥିଲୁ। ହେଲେ ବର୍ତ୍ତମାନ ଯେତେବେଳେ ଆମେ ଏକ ବଡ ଘର ନିର୍ମାଣ କରିବାକୁ ସ୍ଥିର କଲୁ, ପଡ଼ୋଶୀମାନେ ଏହାକୁ ବିରୋଧ କରୁଛନ୍ତି। ଆଉ ଦାବି କରୁଛନ୍ତି ଯେ, ସମଗ୍ର ଜମି ତାଙ୍କର।” ତେବେ ପ୍ରବୀଣଙ୍କ କହିବା ମୁତାବକ ନିଗମ ଦେଇଥିବା ଜମିର ପଟ୍ଟା ନଥିଲେ ବି ଏ ନେଇ ସେତବେଳେ ମୌଖୀକ ବୁଝାମଣା ହୋଇଥିଲା।

 

ଅଗଷ୍ଟ ୧୫ରୁ ବିଜୁ ସ୍ୱାସ୍ଥ୍ୟ କଲ୍ୟାଣ ହିତାଧିକାରୀଙ୍କୁ ମିଳିବ ସ୍ମାର୍ଟ କାର୍ଡ

ଭୁବନେଶ୍ୱର: ଆସନ୍ତା ଅଗଷ୍ଟ ୧୫ରୁ ରାଜ୍ୟର ସବୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ହିତାଧିକାରୀଙ୍କୁ ମିଳିବ ସ୍ମାର୍ଟ କାର୍ଡ । ରାଜ୍ୟର ଉଭୟ ଜାତୀୟ ଖାଦ୍ୟ ସୁରକ୍ଷା ଆଇନ ଓ ରାଜ୍ୟ ଖାଦ୍ୟ ସୁରକ୍ଷା ଆଇନ ଅନ୍ତର୍ଭୁକ୍ତ ୯୨ ଲକ୍ଷ ୫୦ ହଜାର ହିତାଧିକାରୀଙ୍କୁ ପର୍ଯ୍ୟାୟ କ୍ରମେ କାର୍ଡ ପ୍ରଦାନ କରାଯିବ । ପ୍ରଥମ ପର୍ଯ୍ୟାୟରେ ସ୍ୱାଧୀନତା ଦିବସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମାଲକାନଗିରି, ସୁନ୍ଦରଗଡ଼, ଗଜପତି, ବଲାଙ୍ଗୀର ଓ ମୟୂରଭଞ୍ଜ ଜିଲ୍ଲାର ହିତାଧିକାରୀଙ୍କୁ କାର୍ଡ ବାଣ୍ଟିବେ । ପରବର୍ତ୍ତୀ ପର୍ଯ୍ୟାୟରେ ନଭେମ୍ବର ୨୦୨୧ ସୁଦ୍ଧା ସବୁ ହିତାଧିକାରୀଙ୍କୁ ମିଳିବ ସ୍ମାର୍ଟ କାର୍ଡ ।

୨୦୧୮ ଅଗଷ୍ଟ ୧୫ ତାରିଖରେ ରାଜ୍ୟ ସରକାର ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଆରମ୍ଭ କରିଥିଲେ । ସାର୍ବଜନୀନ ସ୍ୱାସ୍ଥ୍ୟ ସେବାରେ ବାର୍ଷିକ ପରିବାର ପିଛା ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ସ୍ୱାସ୍ଥ୍ୟସେବା ଯୋଗାଇ ଦିଆଯାଉଛି । ମହିଳାଙ୍କ କ୍ଷେତ୍ରରେ ୧୦ ଲକ୍ଷ ଟଙ୍କାର ସହାୟତା ମିଳୁଛି । ଗ୍ରାମାଞ୍ଚଳରେ ବାର୍ଷିକ ଆୟ ୫୦ ହାଜାର ତଳକୁ ଥିବା ସବୁ ବିଜୁ କୃଷକ କଲ୍ୟାଣ ଯୋଜନା କାର୍ଡଧାରୀ, ବିପିଏଲ ପରିବାର, ଇନ୍ଦିରା ଆବାସ ହିତାଧିକାରୀଙ୍କୁ ଏହି ସୁବିଧା ମିଳୁଥିଲା । ସହରାଞ୍ଚଳରେ ବାର୍ଷିକ ଆୟ ୬୦ ହଜାର ତଳକୁ ଥିବା ହିତାଧିକାରୀଙ୍କୁ ଏହି ସୁବିଧା ଉପଲବ୍ଧ ହେଉଥିଲା । ଆସନ୍ତା ଅଗଷ୍ଟ ୧୫ରୁ ଏହି ଯୋଜନାର ସଂପ୍ରସାରଣ କରାଯିବା ସହ ଅଧିକ ହସପିଟାଲକୁ ସାମିଲ କରାଯିବ । ହିତାଧିକାରୀଙ୍କ ଯୋଗ୍ୟତା ମାପକାଠିରେ ମଧ୍ୟ ପରିବର୍ତ୍ତନ କରାଯିବ । ରାଜ୍ୟ ବାହାରର ପ୍ରତିଷ୍ଠିତ ଘରୋଇ ହସ୍ପିଟାଲ ଗୁଡିକୁ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାମିଲ କରାଯିବ । ନୂଆ ମାନଦଣ୍ଡ ଅନୁସାରେ ସବୁ ବିଜୁ କୃଷକ କଲ୍ୟାଣ ହିତାଧିକାରୀ ଅର୍ଥାତ୍ ବିଜୁ କୃଷକ କଲ୍ୟାଣ ଯୋଜନା-1ର ୨୫ ଲକ୍ଷ ୬୧ ହଜାର ୬୦୨ ହିତାଧିକାରୀ, ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା-୨ର ୪୪ ଲକ୍ଷ ୮ ହଜାର ୭୦ ସହ ୨ ଲକ୍ଷ ବିପିଏଲ୍, ଇନ୍ଦିରା ଆବାସ ଓ ସ୍ୱଳ୍ପ ଆୟକାରୀ ହିତାଧିକାରୀ ସ୍ମାର୍ଟ କାର୍ଡ ଯୋଜନାରେ ସାମିଲ ହେବେ । ଏଥିସହ ଅତିରିକ୍ତ ୨୦ ଲକ୍ଷ ୮୦ ହଜାର ୩୨୮ ପରିବାର ଏହାର ସୁଫଳ ପାଇବେ । ନୂଆ କାର୍ଡ ନମିଳିବା ପର୍ଯ୍ୟନ୍ତ ହିତାଧିକାରୀ ଜାତୀୟ ଖାଦ୍ୟ ସୁରକ୍ଷା କିମ୍ବା ରାଜ୍ୟ ଖାଦ୍ୟ ସୁରକ୍ଷା କାର୍ଡରୁ ଏହି ସୁବିଧା ପାଇପାରିବେ । ସେପ୍ଟେମ୍ବର ପହିଲାରୁ ଏହି ସୁବିଧା ଉପଲବ୍ଧ ହେବ । ଏବେ ରାଜ୍ୟର ୧୮୩ଟି ହସ୍ପିଟାଲରେ ମାଗଣା ସ୍ୱାସ୍ଥ୍ୟ ସୁବିଧା ମିଳିପାରୁଛି । ରାଜ୍ୟ ବାହାରର ୧୭ଟି ହସ୍ପିଟାଲରେ ମଧ୍ୟ ରାଜ୍ୟ ଚିକିତ୍ସା ପାଣ୍ଠିରୁ ସହାୟତା ଯୋଗାଇ ଦିଆଯାଉଛି । ରାଜ୍ୟ ବାହାରେ ଥିବା ଜାତୀୟ ସ୍ତରର ପ୍ରତିଷ୍ଠିତ ହସ୍ପିଟାଲ ଗୁଡିକୁ ମଧ୍ୟ ସାମିଲ କରିବାକୁ ଯୋଜନା କରାଯାଉଛି ।

ନକଲି ନୋଟ ରାକେଟର ପର୍ଦ୍ଦାଫାସ: ୧୩ ଲକ୍ଷ ଟଙ୍କାର ନକଲି ନୋଟ ଜବତ

ସମ୍ବଲପୁର:  ବଡ଼ ଧରଣର ନକଲି ନୋଟ୍ ରାକେଟର ପର୍ଦ୍ଦାଫାସ କରିଛି ସମ୍ୱଲପୁର ପୋଲିସ । ୭ ଦିନ ତଳେ ଟାଉନ୍‌ ଥାନା ଅଞ୍ଚଳରୁ ଏକ ନକଲି ନୋଟ୍‌ ମିଳିବା ଘଟଣାରେ ପୁଲିସ୍‌ ଖୋଳତାଡ଼ କରୁ କରୁ ପୋଲିସ ଏହି ରାକେଟର ପର୍ଦ୍ଦାଫାସ କରିଛି । ଏହି ଘଟଣାରେ ପୋଲିସ ୬ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରୁଥିବା ବେଳେ ସେମାନଙ୍କ ନିକଟରୁ ବିପୁଳ ନକଲି ନୋଟ୍‌ ଜବତ କରିଛି । ଏହି ନୋଟ୍‌ଗୁଡ଼ିକ ମଧ୍ୟରେ ୫ଶହ, ୨୦୦ ଓ ଶହେ ଟଙ୍କିଆ ନୋଟ୍‌ ରହିଛି । ତେବେ ଜବତ ନକଲି ନୋଟ୍‌ର ପରିମାଣ ପ୍ରାୟ ୧୩ ଲକ୍ଷ ଟଙ୍କାରୁ ଅଧିକ ।  ଘଟଣା ମୁତାବକ  କିଛି ଦିନ ପୂର୍ବେ ଲକ୍ଷ୍ମୀ ଟକିଜ ଛକରେ ଏକ ଚା’ ଦୋକାନରୁ ଗୋଟିଏ ନକଲି ନୋଟ୍‌ ମିଳିଥିଲା । ଏନେଇ ଥାନାରେ ଅଭିଯୋଗ ହୋଇଥିଲା । ଏହି ଘଟଣାରେ ପୁଲିସ୍‌ ଛାନ୍‌ଭିନ୍‌ କରୁ କରୁ ବରଗଡ଼ର ଭୁକ୍ତା ଦେଇ ଏହି ନୋଟ୍‌ ସମ୍ବଲପୁର ବଜାରକୁ ଆସୁଥିବା ତଦନ୍ତରୁ ଜଣାପଡ଼ିଥିଲା ।  ସୂଚନା ପାଇ ସମ୍ବଲପୁର ପୁଲିସ୍‌ ୨ଟି ଟିମ୍‌ ଗଠନ କରି ଭିନ୍ନ ଭିନ୍ନ ସ୍ଥାନରେ ଚଢ଼ଉ ଜାରି ରଖିଥିଲା । ଦୀର୍ଘ ୬ ଦିନ ପରେ ସମ୍ବଲପୁର ପୁଲିସ୍‌କୁ ଏହି ମିସନରେ ବଡ଼ ଧରଣର ସଫଳତା ମିଳିଛି । ଏହି ଘଟଣାରେ ପୁଲିସ୍‌ ବରଗଡ଼ର ୪ ଜଣ ଓ ଛତିଶଗଡ଼ର ୨ ଜଣ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା ଚଳାଇଛି । ସେପଟେ, ଅଭିଯୁକ୍ତଙ୍କ ନିକଟରୁ ମୋଟ ୧୩ ଲକ୍ଷ ଟଙ୍କା ଜବତ ହୋଇଛି ।

ଅସ୍ଥାୟୀ ଭାବେ ରାହୁଲ ଗାନ୍ଧୀଙ୍କ ଆକାଉଣ୍ଟକୁ ଲକ୍‌ କଲା ଟ୍ୱିଟର

ନୂଆଦିଲ୍ଲୀ: କଂଗ୍ରେସ ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀଙ୍କ ବିରୋଧରେ ମାଇକ୍ରୋ ବ୍ଳଗିଂ ସାଇଟ ଟ୍ୱିଟର କାର୍ଯ୍ୟାନୁଷ୍ଠାନ । ଅସ୍ଥାୟୀ ଭାବେ ରାହୁଲଙ୍କ ଟ୍ୱିଟର ଆକାଉଣ୍ଟକୁ ଲକ୍ କରିଛି ଟ୍ୱିଟର । ଶ୍ରୀ ଗାନ୍ଧୀ ଦିଲ୍ଲୀ ପୁଷ୍କର୍ମ ପୀଡ଼ିତାଙ୍କ ପିତା ମାତାଙ୍କ ସହ ସାକ୍ଷାତବେଳର ଫଟୋକୁ ଟ୍ୱିଟରେ ସେୟାର କରିବା ନେଇ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ପକ୍ଷରୁ ଟ୍ୱିଟରକୁ ନୋଟିସ୍ ଜାରି କରାଯିବା ପରେ ରାହୁଲଙ୍କ ଆକାଉଣ୍ଟକୁ ଲକ୍‌ କରିଛି ଟ୍ୱିଟର ।

ଏ ନେଇ କଂଗ୍ରେସ ପକ୍ଷରୁ ସୂଚନା ଦିଆଯିବା ସହ ଆଗାମୀ ରାହୁଲ ଗାନ୍ଧୀ ଅନ୍ୟ ସୋସିଆଲ ମିଡିଆ ପ୍ଳାଟଫର୍ମ ଜରିଆରେ ଲୋକଙ୍କ ସହ ଯୋଡ଼ିହୋଇ ରହିବେ ବୋଲି କୁହାଯାଇଛି । ଏବଂ ଟ୍ୱିଟର ଆକାଉଣ୍ଟକୁ ସ୍ୱାଭାବିକ କରିବା ନେଇ ପ୍ରକ୍ରିୟା ଆରମ୍ଭ ହୋଇଥିବା କୁହାଯାଇଛି ।

ସୂଚନା ଯୋଗ୍ୟ, ଦିଲ୍ଲୀରେ ଦୁଷ୍କର୍ମ ପରେ ହତ୍ୟା କରାଯାଇଥିବା ୯ ବର୍ଷର ଦଳିତ ନାବାଳିକାର ପରିବାର ଲୋକଙ୍କୁ ଭେଟି ଟ୍ୱିଟରରେ ଏହାର ଫଟୋ ସେୟାର କରିଥିଲେ ରାହୁଲ । ଦୁଷ୍କର୍ମ ପୀଡିତା କି ତାଙ୍କ ପରିବାର ଲୋକଙ୍କ ପରିଚୟ ସାର୍ବଜନୀନ କରିବା ନେଇ ମାନ୍ୟବର ସୁପ୍ରିମକୋର୍ଟ କଟକଣା ଜାରି କରିଛନ୍ତି । ଏଭଳି କି ଏସମ୍ପର୍କିତ ଖବର ଖବର ପ୍ରସାରଣ ବେଳେ ସତର୍କତା ଅବଲମ୍ୱନ କରିବାକୁ କୁହାଯାଇଛି ।

ଆତଙ୍କବାଦୀଙ୍କ ଧମକ: ୩ ଦିନ ମଧ୍ୟରେ ଇନ୍ଦିରାଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦର ଉଡ଼ାଇଦେବୁ

ନୂଆଦିଲ୍ଲୀ:ନୂଆଦିଲ୍ଲୀ ଇନ୍ଦିରାଗାନ୍ଧୀ ଆନ୍ତର୍ଜାତିକ ବିମାନ ବନ୍ଦର ଉଡାଇଦେବା ଲାଗି ଧମକ । ଧମକ ମିଳିବା ପରେ ବିମାନବନ୍ଦରର ସୁରକ୍ଷାକୁ ବଢାଇ ଦିଆଯାଇଛି । ଦିଲ୍ଲୀ ପୋଲିସ ନିକଟକୁ ବିମାନ ବନ୍ଦର ଉଡାଇଦେବା ଲାଗି ଏକ ଧମକପୂର୍ଣ୍ଣ ଇ-ମେଲ ଆସିବା ପରେ ସଜାଗ ହୋଇଛି ପୋଲିସ । ଅଲକାଏଦା ଆତଙ୍କବାଦୀ ସଂଗଠନ ବିମାନବନ୍ଦରକୁ ଉଡାଇଦେବା ଲାଗି ଯୋଜନା କରୁଛି ବୋଲି ସୂଚନା ମିଳିବା ପରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏହା ସହ ବିଭିନ୍ନ ନିରାପତ୍ତାମୂଳକ ପଦକ୍ଷେପ ନିଆଯାଇଛି । ଏହି ଧମକପୂର୍ଣ୍ଣ ମେଲ୍ ନେଇ ବିମାନବନ୍ଦର ପୋଲିସ ଷ୍ଟେସନ ପକ୍ଷରୁ ବିମାନବନ୍ଦରର ଏୟାରଲାଇନ ଅପରେସନସ କଣ୍ଟ୍ରୋଲ ସେଣ୍ଟର- ଏଓସିସିକୁ ସୂଚନା ଦିଆଯିବା ପରେ ଆତଙ୍କ ଖେଳିଥିଲା । ଏହି ମେଲର୍ ଦର୍ଶାଯାଇଥିଲା ଯେ, ବିମାନ ବନ୍ଦରକୁ ଅଲ କାଏଦା ସର୍ଗନା ସଂଗଠନ ପକ୍ଷରୁ ଉଡାଇ ଦେବା ଲାଗି ଯୋଜନା ହେଉଛନ୍ତି ଏବଂ କରନବୀର ସୁରି ଓରଫ ମହମ୍ମଦ ଜଲାଲ ଏବଂ ତାର ପତ୍ନୀ ଶୈଲୀ ଶାରଦା ଓରଫ ହାସିନା ସିଙ୍ଗାପୁରରୁ ଭାରତକୁ ଆସୁଛନ୍ତି ଏବଂ ତିନି ଦିନ ଭିତରେ ବିମାନ ବନ୍ଦରକୁ ଉଡାଇବା ଲାଗି ସେମାନେ ଯୋଜନା କରିଛନ୍ତି । ସୂଚନା ମିଳିବା ମାତ୍ରେ ସମସ୍ତ ଚେକ ପଏଣ୍ଟରେ ନାକାବନ୍ଦୀ କରାଯାଇ ବ୍ୟାପକ ଯାଞ୍ଚ କରାଯାଉଛି । ସମସ୍ତ ସମ୍ପୃକ୍ତ ବିଭାଗକୁ ଏସଓସିସି ପକ୍ଷରୁ ସୂଚନା ଦିଆଯିବା ପରେ ସମସ୍ତ ବିଭାଗ ଆଲର୍ଟ ଅଛନ୍ତି । ଇମେଲ ସମ୍ପର୍କରେ ଅଧିକ ଯାଞ୍ଚ କରୁଛି ଦିଲ୍ଲୀ ପୋଲିସ ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

କୋଭିଡ କଟକଣା ଉଲ୍ଲଂଘନ ଅଭିଯୋଗରେ ସିଲ୍ ହେଲା ମାଛ ମାର୍କେଟ

ଭୁବନେଶ୍ୱର: ୪ନମ୍ବର ମାଛ ମାର୍କେଟ୍ ସିଲ । କୋଭିଡ କଟକଣା ଉଲ୍ଲଂଘନ କରିଥିବାରୁ ସିଲ କଲା ବିଏମସି । ସଟଡାଉନରେ ମାଛ ମାର୍କେଟରେ ପ୍ରବଳ ଭିଡ଼ ଜମିଥିଲା ଏ ନେଇ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ୪ନମ୍ବର ମାଛ ମାର୍କେଟ୍ ସିଲ କଲା ବିଏମସି । ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରହିବ ମାଛ ମାର୍କେଟ । ବାରମ୍ବାର ତାଗିଦ ସତ୍ତ୍ୱେ ଅବମାନନା ଅଭିଯୋଗ । ମାଛ ବଜାର ସିଲ୍ କରାଯିବାର ନେଇ ସୂଚନା ଦେଇଛନ୍ତି ଜୋନାଲ ଡେପୁଟୀ କମିଶନର ଅଂଶୁମାନ ରଥ ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

ରାଜ୍ୟରେ ଆଉ ୧୨୪୩ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୧୨ଶହ୪୩ ଜଣ କରୋନା ସଂକ୍ରମିତ ଚିହ୍ନଟ । ୬୯ ଆକ୍ରାନ୍ତଙ୍କ ଜୀବନ ନେଇଛି କିଲର କରୋନା । ୨୯ଜିଲ୍ଲା ଓ ଷ୍ଟେଟପୁଲରୁ ସଂକ୍ରମିତ ଚିହ୍ନଟ ହୋଇଥିବା ବେଳେ କୋରାପୁଟରେ ଦୈନିକ ସଂକ୍ରମଣ ଶୂନ ରହିଛି । କ୍ୱାରେଣ୍ଟାଇନ୍‌ରୁ ୭୧୮, ଲୋକାଲ କେସ୍ ୫୨୫ । ୨୪ଘଣ୍ଟାରେ ସୁସ୍ଥ ହୋଇଛନ୍ତି ୧୫ଶହ୨୫ । ଖୋର୍ଦ୍ଧାରୁ ସର୍ବାଧିକ ୩୯୯, କଟକରୁ ୧୭୭, ଜଗତସିଂହପୁରରୁ ୮୮, ଷ୍ଟେଟପୁଲରୁ ୮୪, ପୁରୀରୁ ୬୯ ସଂକ୍ରମିତ ଚିହ୍ନଟ ହୋଇଛନ୍ତି । ନୟାଗଡ଼ରୁ ୫୬, ଅନୁଗୁଳରୁ ୫୩, ଯାଜପୁରରୁ ୫୦, ବାଲେଶ୍ବରରୁ ୪୯, ମୟୂରଭଞ୍ଜରୁ ୩୫, କେନ୍ଦ୍ରାପଡାରୁ ୩୨, ଢେଙ୍କାନାଳରୁ ୨୯, ଭଦ୍ରକରୁ ୨୨, କେନ୍ଦୁଝରରୁ ୧୫, ସୁନ୍ଦରଗଡ଼ରୁ ୧୪, ରାୟଗଡ଼ାରୁ ୧୩, ସମ୍ବଲପୁରରୁ ୧୦, ବରଗଡ଼ରୁ ୯, ବଲାଙ୍ଗୀରରୁ ୬, କନ୍ଧମାଳ ଓ ସୋନପୁରରୁ ୫ଜଣ ଲେଖାଏଁ, ବୌଦ୍ଧ ଓ ଝାରସୁଗୁଡାରୁ ୪ଜଣ ଲେଖାଏଁ, ଗଜପତି ଓ ମାଲକାନଗିରିରୁ ୩ଜଣ ଲେଖାଏଁ, ଗଞ୍ଜାମ, କଳାହାଣ୍ଡି, ନବରଙ୍ଗପୁର, ନୂଆପଡାରୁ ୨ଜଣ ଲେଖାଏଁ, ଦେବଗଡ଼ରୁ ଜଣେ ସଂକ୍ରମିତ ଚିହ୍ନଟ । ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୮୭ହଜାର ୭୦, ମୋଟ୍ ସୁସ୍ଥ ହେଲେଣି ୯ଲକ୍ଷ ୬୮ହଜାର ୪୫୩, ଆକ୍ଟିଭ କେସ୍ ୧୨ହଜାର ୧୨୯ ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ

ଭିଜିଲାନ୍ସ ଜାଲରେ ଜିଲ୍ଲା ପ୍ରାଣୀଧନ ଚିକିତ୍ସାଧିକାରୀ: ୨ଲକ୍ଷ ୨୭ ହଜାର ଟଙ୍କା ଜବତ

ଭିଜିଲାନ୍ସ ହାତରେ ଧରାପଡ଼ିଲେ ନୂଆପଡା ଜିଲ୍ଲା ପ୍ରାଣୀଧନ ଚିକିତ୍ସା ଅଧିକାରୀ ତ୍ରିଲୋଚନ ଧଳ । ୨ଲକ୍ଷ ୨୭ ହଜାର ଟଙ୍କା ଧରି ନିଜ ଗାଁ କଟକକୁ ଯାଉଥିବା ବେଳେ ଜିଲ୍ଲା ସଦରର ତାରିଣୀ ଛକଠାରେ ଭିଜଲାନ୍ସ ହାବୁଡ଼ରେ ଧାର ପଡିଛନ୍ତି । ତ୍ରିଲୋଚନଙ୍କୁ ଭିଜଲାନ୍ସ ଗିରଫ କରି କଳାହାଣ୍ଡି ଭିଜିଲାନ୍ସ କୋର୍ଟକୁ ନିଆଯାଇଛି । ତାଙ୍କ ସରକାରୀ ବାସଭବନ ଶହ ସରକାରୀ କାର୍ଯ୍ୟାଳୟ ଓ କଟକ ନରାଜ ଗାଁ ରେ ଏକକାଳୀନ ଚଢାଉ ଜାରି ରହିଥିବା ଭିଜିଲାନ୍ସ DSP ସୂଚନା ଦେଇଛନ୍ତି । ସରକାରୀ କାର୍ଯ୍ୟାଳୟରୁ ୫୦ହଜାର ଟଙ୍କା ଜବତ ।

ଏଥିସହତ ପଢ଼ନ୍ତୁ: ଆମ୍ୱୁଲାନ୍ସ ଆଡ଼ୁଆଳରେ ଚାଲିଛି ବ୍ରାଉନସୁଗାର ସେବନ

ଆମ୍ୱୁଲାନ୍ସ ଆଡ଼ୁଆଳରେ ଚାଲିଛି ବ୍ରାଉନସୁଗାର ସେବନ

ଭଦ୍ରକ: ଆମ୍ବୁଲାନ୍ସ ଭିତରେ ଟଣା ଚାଲିଛି ବ୍ରାଉନ ସୁଗାର । ରାତି ଅନ୍ଧାରରେ ପୋଲିସକୁ ଚକମା ଦେଇ ଚାଲିଛି ବେଆଇନ କାମ । ଆମ୍ବୁଲାନ୍ସକୁ ସୁରକ୍ଷା କବଚ ଭାବେ ବ୍ୟବହାର କରି, ତା ଭିତରେ ଏପରି ଅସାମାଜିକ କାମର ଭିଡିଓ ଭାଇରାଲ୍ ହେବାରେ ଲାଗିଛି । ଭିଡିଓଟି ଭଦ୍ରକ ଚରମ୍ପା ବଉଳପୋଖରୀ ଅଞ୍ଚଳର ବୋଲି ଜଣାପଡିଛି । ଏକ ଘରୋଇ ହସ୍ପିଟାଲର ଆମ୍ବୁଲାନ୍ସରେ ବେଆଇନ ନିଶା ସେବନର ଭିଡିଓ ଭାଇରାଲ ହୋଇଛି । ରୋଗୀ ସେବାରେ ଲାଗିଥାଏ ଆମ୍ବୁଲାନ୍ସ । ଗୁରୁତର ରୋଗୀଙ୍କୁ ଗୋଟିଏ ମେଡିକାଲରୁ ଅନ୍ୟ ଏକ ମେଡିକାଲକୁ ନେବାର ସାହାଯ୍ୟ କରିଥାଏ ଆମ୍ବୁଲାନ୍ସ । ହେଲେ ଆମ୍ବୁଲାନ୍ସକୁ ଚଳାଉଥିବା ଡ୍ରାଇଭର ଏବଂ ସହଯୋଗୀ ଆମ୍ବୁଲାନ୍ସ ଭିତରେ ହିଁ ବ୍ରାଉନସୁଗାର ଟାଣୁଥିବାର ଭିଡିଓ ଏବେ ଭାଇରଲ ହୋଇଛି । ପୋଲିସକୁ ଚକ୍‌ମା ଦେବାକୁ ଆମ୍ବୁଲାନ୍ସ ଭିତରେ ଚାଲିଥିଲା ଏହି ବେଆଇନ ନିଶା ସେବନ । ଏ ଦୃଶ୍ୟ ଦେଖିବା ପରେ ଆମ୍ବୁଲାନ୍ସରେ ରୋଗୀ କେତେ ସୁରକ୍ଷିତ ତାହା ପ୍ରଶ୍ନ ଘେରରେ ।

ଏଥିସହିତ ପଢ଼ନ୍ତୁ: ନୀରଜଙ୍କ ପଛରେ ଓଡ଼ିଆ ପ୍ରଶିକ୍ଷକ, ୧୦ ବର୍ଷ ଧରି ଦେଇଥିଲେ କୋଚିଂ

ଆଲମାରୀରୁ ବାହାରିଲା ୧୬୦ ପ୍ୟାକେଟ ଗଞ୍ଜେଇ

କୋରାପୁଟ: ଆଲମାରୀ ବୋଝେଇ ଗାଡ଼ିରୁ ଗଞ୍ଜେଇ ଜବତ, ୨ଗିରଫ । ପୋଲିସ ଆଖିରେ ଧୁଳି ଦେଇ ଅଭିନବ ଉପାୟରେ ଗଞ୍ଜେଇ ଚାଲାଣ କରୁଥିଲେ ଗଞ୍ଜେଇ ବେପାରୀ । କୋରାପୁଟ ଜିଲ୍ଲା ବାଡେଲ ଅଞ୍ଚଳରୁ ଉତ୍ତରପ୍ରଦେଶକୁ ଗଞ୍ଜେଇ ଚାଲାଣ ହେଉଥିବା ବେଳେ ଲମତାପୁଟ ଓ ମାଛକୁଣ୍ଡ ପୋଲିସ ଖବର ପାଇ ଲମତାପୁଟ ଠାରୁ ୪ କିଲୋମିଟର ଦୂର ଚାଙ୍ଗୁଡ଼ିପଡା ଛକ ନିକଟରେ ନାକାବନ୍ଦୀ କରି ଆଲମାରୀ ବୋଝେଇ ଗାଡିରୁ ଗଞ୍ଜେଇ ଜବତ କରିଛି । ଜବତ ୮ଗୋଟି ଆଲମାରୀରୁ ବାହାରିଥିବା ୧୬୦ଟି ପକେଟରୁ ୮ଶହ ୯ କେଜି ୬୦୦ଗ୍ରାମ ଗଞ୍ଜେଇ ସହ ଉତ୍ତରପ୍ରଦେଶ ପଞ୍ଜିକୃତ ଗାଡିରୁ ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୁଲ୍ୟ ୮୦ ଲକ୍ଷ ଟଙ୍କା ହେବ । ଏହି ମାମଲାରେ ମାଛକୁଣ୍ଡ ପୁଲିସ ଉତ୍ତରପ୍ରଦେଶ ଅଞ୍ଚଳର ଯଶବନ୍ତ ସିଂ ଓ ହରେନ୍ଦ୍ର ସିଂକୁ ଗିରଫ କରିଛି । ତାସହ ୨ଟିମୋବାଇଲ ଫୋନ ଓ ଆଧାର କାର୍ଡକୁ ମଧ୍ୟ ଜବତ କରିଛି ପୁଲିସ । ଏହି ଘଟଣାର ଅଧିକ ତଦନ୍ତ ଜାରି ରହିଥିବା ନନ୍ଦପୁର SDPO ସଞ୍ଜୟ ମହାପାତ୍ର କହିଛନ୍ତି ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସର ଆଜି ଉଦ୍‌ଯାପନୀ ସମାରୋହ: ଜାଣନ୍ତୁ କେଉଁ ଦେଶ ପାଇଛି କେତେ ପଦକ