spot_img
Home Blog Page 5517

Tokyo Olympics 2020: ବ୍ରୋଞ୍ଜ ପାଇଁ ଆଜି ଲଢ଼ିବେ ସିନ୍ଧୁ

ଟୋକିଓ: ଆଜି ଅଲିମ୍ପିକ୍ସରେ ଦଶମ ଦିନରେ ବିଭିନ୍ନ ଇଭେଣ୍ଟରେ ଭାରତୀୟ ଖେଳାଳି ଦେଶ ପାଇଁ ପ୍ରତିନିଧିତ୍ୱ କରିବେ । ସକାଳ 9.36ରେ ବକ୍ସିଙ୍ଗ କ୍ୱାର୍ଟର ଫାଇନାଲ ଖେଳାଯିବ । ଭାରତୀୟ ବକ୍ସର ସତୀଶ କୁମାର ଓ ଉଜବେକିସ୍ଥାନର ଜେ ବାଖୋଧିରଙ୍କ ମଧ୍ୟରେ ଏହି ମ୍ୟାଚ ଖେଳାଯିବ । ତାଙ୍କ ଠାରୁ ପଦକ ଆଶା କରାଯାଉଛି । ସେହିପରି ଭାରତୀୟ ଷ୍ଟାର ବ୍ୟାଡ଼ମିଣ୍ଟନ ଖେଳାଳି ପିଭି ସିନ୍ଧୁ ବ୍ରୋଞ୍ଜ ପଦକ ପାଇଁ ସଂଧ୍ୟା 5ଟାରେ ଚୀନର ହେ ବିଙ୍ଗ ଜିଆଓଙ୍କୁ ଭେଟିବେ । ଏହା ବ୍ୟତୀତ ସଂଧ୍ୟା 5ଟା 30 ରେ ଭାରତୀୟ ପୁରୁଷ ହକି ଟିମ କ୍ୱାର୍ଟର ଫାଇନଲରେ ଗ୍ରେଟ ବ୍ରିଟେନକୁ ଭେଟିବ । ଏହି ମ୍ୟାଚ ଭାରତ ପାଇଁ ବେଶ ଗୁରୁତ୍ୱପୂର୍ଣ୍ଣ । ଏହି ମ୍ୟାଚ ଜିତିଲେ ଭାରତ ଆଉ ଏକ ପଦକ ନିକଟତର ହେବ ।

ଏଥିସହିତ ପଢ଼ନ୍ତୁ: ଜାତିସଂଘ ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ୱ ତୁଲାଇବ ଭାରତ

ଗତ ୨୪ ଘଣ୍ଟା ମଧ୍ୟରେ ୫୮ ଡେଙ୍ଗୁ ରୋଗୀ ଚିହ୍ନଟ

ଭୁବନେଶ୍ୱର: ରାଜଧାନୀରେ ଭୟ ବଢାଉଛି ଡେଙ୍ଗୁ । ଗତ ୨୪ଘଣ୍ଟାରେ ପୁଣି ୫୮ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଫଳରେ ମୋଟ ଭୁବନେଶ୍ୱରରେ ଡେଙ୍ଗୁ ରୋଗୀଙ୍କ ସଂଖ୍ୟା ୫୬୩କୁ ବୃଦ୍ଧି ପାଇଛି । ସଚେତନତା ଓ ସଫେଇ କାର୍ଯ୍ୟକ୍ରମକୁ ବ୍ୟାପକ କରାଯାଇ ୫ ହଜାର ୫ହ ୪୮ଟି ଘରେ ମୋଟ ୨୩ହଜାର ଲୋକଙ୍କ ଠାରୁ ତଥ୍ୟ ସଂଗ୍ରହ କରାଯାଇଛି । ୧୯ଶହ ୮୪ଟି ସମ୍ଭାବ୍ୟ ମଶା ବୃଦ୍ଧି ସ୍ଥାନକୁ ହଟେଇବା ସହ ୬୪୩ଟି ସ୍ଥାନରେ ଏଡିସ ମଶାର ଲାର୍ଭାକୁ ଚିହ୍ନଟ କରି ନଷ୍ଟ କରାଯାଇଥିବା ବିଏମସି ପକ୍ଷରୁ ସୂଚନା ମିଳିଛି ।

ଏଥିସହିତ ପଢ଼ନ୍ତୁ: ଖାଇବାକୁ ଆସି କଲେ ଗୁଳିମାଡ଼, ମେଡିକାଲରେ ମାଲିକଙ୍କ ମୃତ୍ୟୁ

 

ଖାଇବାକୁ ଆସି କଲେ ଗୁଳିମାଡ଼, ମେଡିକାଲରେ ମାଲିକଙ୍କ ମୃତ୍ୟୁ

ନୂଆପଡା: ଖଡ଼ିଆଳ ଥାନା ଅନ୍ତର୍ଗତ ଡୁଆଝର ଗାଁରେ ଥିବା ବାସନ୍ତୀ ଢ଼ାବାରେ ଫୁଟିଲା ଗୁଳି । ଯୁବକଙ୍କ ଗୁଳି ମାଡ଼ରେ ହୋଟେଲ ମାଲିକଙ୍କ ମୃତ୍ୟୁ ହୋଇଛି ।
ହୋଟେଲ ମାଲିକ ବାସନ୍ତୀ ମେହେରଙ୍କ ଛାତିରେ ଗୁଳି ବାଜିଥିବା ବେଳେ ଗୁରୁତର ଅବସ୍ଥାରେ ଖଡ଼ିଆଳ ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । ହେଲେ ସେଠାରେ ତାଙ୍କର ମୃତ୍ୟ ହୋଇଛି ।

ସୂଚନା ମୁତାବକ ହୋଟେଲକୁ ୮ ଟା ସମୟରେ ଦୁଇ ଯୁବକ ଖାଇବାକୁ ଆସିଥିଲେ । ପରେ ଯୁବକ ଦ୍ୱୟ ହୋଟେଲରେ ମହିଳାଙ୍କୁ  ସିଗାରେଟ ମାଗିଥିଲେ । ଏହି ସମୟରେ ଜଣେ ଯୁବକ ମହିଳାଙ୍କୁ ଗୁଳି କରିଥିଲେ । ଗୁଳିମାଡ଼ କରିବା ପରେ ଦୁଇ ଯୁବକ ଘଟଣା ସ୍ଥଳରୁ ଫେରାର ହୋଇଯାଇଥିଲେ । ଖଡ଼ିଆଳ ପୋଲିସ ପହଂଚି ଘଟଣାସ୍ଥଳରେ ତଦନ୍ତ ଆରମ୍ଭ କରିଛି ।

ଜାମିନ ନାମଞ୍ଜୁର ପରେ ଝାରପଡ଼ା ଜେଲ ଗଲେ କୋଟିପତି ପିଏସ ବିରଞ୍ଚି ନାରାୟଣ

ଭୁବନେଶ୍ୱର: ଝାରପଡ଼ା ଜେଲ ଗଲେ କୁବେର ପିଏସ  । ଆଜି ଗିରଫ ହେବା ପରେ ଭିଜିଲାନ୍ସ କୋର୍ଟରେ  ହଜାର  ହୋଇଥିଲେ । ଜାମିନ ନାମଞ୍ଜୁର ହେବାରୁ ଜେଲ ଗଲେ ବିରଞ୍ଚି । ଆସନ୍ତା ତେର ତାରିଖ ଯାଏଁ ବିଚାର ଭିବାଗୀୟ ହାଜତରେ ରହିବେ ବିରଞ୍ଚି ନାରାୟଣ  । ସେପଟେ ଭିଜିଲାନ୍ସ ବିଭାଗରେ ଖୋଳତାଡ଼ ବେଳେ ମିଳିଛି 25ରୁ ଅଧିକ  ଅଶାୟୀଙ୍କ ଆଡ଼ମିଟ କାର୍ଡ  ।

ସେପଟେ ବିରଞ୍ଚି ନାଁ ରେ କେତେ source of income ବାହାରିଛି ତା ଉପରେ ଆମେ ବିଚାର ବିମର୍ଶ କରୁଛୁ ଓ ବେଲ୍ ପାଇଁ ଆବେଦନ କରିଥିଲୁ  । କିନ୍ତୁ ମାନ୍ୟବର କୋର୍ଟ ବେଲ ରିଜେକ୍ଚ କରିଛନ୍ତି ।  ବିରଞ୍ଚି ଜେଲ ଯିବା ପରେ ପ୍ରତିକ୍ରିୟା ରଖି କହିଛନ୍ତି ତାଙ୍କ ଓକିଲ  । ଗତକାଲି ରାତି ରେ ରେଡ଼ ବେଳେ ବିରଞ୍ଚିଙ୍କ ଘର ଉପରକୁ କିଛି ଯୁବକ ପଥର ମାଡ଼ କରିଥିବା ସୂଚନା ରଚିଛି। ଭିଜିଲାନ୍ସ ଅଧିକାରୀ ପାଟି କରିବାରୁ ଛତ୍ର ଭଙ୍ଗ ଦେଇଥିବା ସୂଚନା ମିଳିଛି  ।

ଗତକାଲି ଠାରୁ ପ୍ରାୟ ୨୦ଘଣ୍ଟା ଧରି ମାରାଥନ ରେଡ୍‌ ପରେ ରାତି ସାଢ଼େ ୨ଟାରେ ସରିଥିଲା ରେଡ଼ । ସ୍ଥାବର ଅସ୍ଥାବର ସମ୍ପତ୍ତିର ହିସାବ କରିଛି ଭିଜିଲାନ୍ସ । ବିରଞ୍ଚିଙ୍କ ଘରୁ ଦେଢ କେଜି ସୁନା ଓ ଅଳଙ୍କାର ଜବତ ହୋଇଛି । ଜବତ ସୁନାର ମୂଲ୍ୟ ୬୦ ଲକ୍ଷରୁ ଅଧିକ ଟଙ୍କା ହେବ । ଏହା ସହିତ ୫୬ ଲକ୍ଷ ଟଙ୍କାର ଜୀବନବୀମା, ନଗଦ ୨୫ଲକ୍ଷ ଟଙ୍କା ଓ ବିପୁଳ ପରିମାଣର ବ୍ୟାଙ୍କ ଡିପୋଜିଟ୍ ଜବତ କରିଛି ଭିଜିଲାନ୍ସ ।

ଏଥିସହିତ ନିଯୁକ୍ତି ସମ୍ବନ୍ଧୀୟ ଆଡମିଟ୍ କାର୍ଡ, ଦାମୀ କାର ଏବଂ ବାଇକ ଜବତ କରାଯାଇଛି । ସେହିପରି ନୀଳାଦ୍ରିବିହାରରେ ୨ମହଲା କୋଠା, ଭକ୍ତିବିହାରରେ କୋଠା ସମେତ ଭୁବନେଶ୍ୱର, ଖୋର୍ଦ୍ଧା ଓ ପୁରୀରେ ୧୪ଟି ପ୍ଲଟ ଠାବ ହୋଇଛି । ବର୍ତ୍ତମାନ ସୁଦ୍ଧା ବିରଞ୍ଚିଙ୍କ ନିକଟରୁ ୩କୋଟି ୭୯ଲକ୍ଷର ସମ୍ପତ୍ତି ଠାବ ହୋଇଥିବା ସୂଚନା ମିଳିଛି ।

ଘରକୁ ଫେରୁଥିବାବେଳେ କୂଅରେ ପଡି ଦୁଇ ନାବାଳିକାଙ୍କ ମୃତ୍ୟୁ

କାମାକ୍ଷାନଗର: କୂଅରେ ପଡି ଦୁଇ ନାବାଳିକାଙ୍କ ମୃତ୍ୟୁ  । ମୃତକ ହେଲେ ଭୁବନ ଥାନା କହେଁଇପାଳ ଗ୍ରାମର ପ୍ରଦୀପ ପାତ୍ରଙ୍କ 6 ବର୍ଷର ଝିଅ ପ୍ରିୟଙ୍କା ଓ ଶେଷ ପାତ୍ରଙ୍କ 5ବର୍ଷର ଝିଅ ସ୍ମୃତି  । ଉଭୟ ସମ୍ପର୍କୀୟ ଭଉଣୀ  । ଦୁଇଜଣ ଆଜି ସନ୍ଧ୍ୟାରେ ଦୋକାନରୁ ଘରକୁ ଫେରୁଥିବାବେଳେ ଗ୍ରାମ ନିକଟରେ ଥିବା ଏକ କୂଅରେ ଖସି ପଡ଼ିଥିଲେ  ।

ପରିବାର ଲୋକ ଖୋଜାଖୋଜି କରି ଉଭୟଙ୍କୁ କୂଅରୁ ଉଦ୍ଧାର କରି କାମାକ୍ଷାନଗର ମେଡିକାଲ ନେଇଥିଲେ  । ତେବେ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ  । ଦୁଇ ଶିଶୁକନ୍ୟାଙ୍କ ମୃତ୍ୟୁକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି  ।

ଜାତିସଂଘ ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ୱ ତୁଲାଇବ ଭାରତ

ନୂଆଦିଲ୍ଲୀ: ଅନ୍ତର୍ଜାତୀୟ ସ୍ତରରେ ଭାରତକୁ ବଡ ସଫଳତା । ଆସନ୍ତା କାଲିଠାରୁ ଜାତିସଂଘ ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ବ ତୁଲାଇବ ଭାରତ । ସାମୁଦ୍ରିକ ନିରାପତ୍ତା, ଶାନ୍ତି ପ୍ରତିଷ୍ଠା ଓ ଆତଙ୍କବାଦର ମୁକାବିଲା କ୍ଷେତ୍ରରେ ଭାରତ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ । ସେପଟେ ଚୀନ, ଆଫଗାନିସ୍ତାନ ଓ ପାକିସ୍ତାନକୁ ଲାଗିଛି ବଡ ଝଟକା । ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ଟି.ଏସ. ତିରୁମୂର୍ତ୍ତି କହିଛନ୍ତି- ନିରାପତ୍ତା ପରିଷଦରେ ଭାରତର ଅଧ୍ୟକ୍ଷତା ଏକ ଗୁରୁତ୍ବପୂର୍ଣ୍ଣ ଘଟଣା । ଭାରତ ୭୫ତମ ସ୍ବାଧୀନତା ଦିବସ ପାଳନ କରିବାକୁ ଯାଉଥିବାବେଳେ ନିରାପତ୍ତା ପରିଷଦରେ ଅଧ୍ୟକ୍ଷ ଦାୟିତ୍ବ ଗ୍ରହଣ କରିବା ଅତ୍ୟନ୍ତ ମହତ୍ବପୂର୍ଣ୍ଣ ।

ଶକ୍ତିଶାଳୀ ୧୫ଟି ରାଷ୍ଟ୍ରକୁ ନେଇ ଗଠିତ ଜାତିସଂଘର ଅଧ୍ୟକ୍ଷ ଦାୟିତ୍ବ ନେବା ପ୍ରଥମ । ଆସନ୍ତା ୨ ତାରିଖରେ ତିରୁମୂର୍ତ୍ତି ଏକ ସାମ୍ବାଦିକ ସମ୍ମିଳନୀରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ନିରାପତ୍ତା ପରିଷଦର ଅସ୍ଥାୟୀ ସଦସ୍ୟ ଭାବେ ଭାରତ ଦୁଇ ବର୍ଷ ଲାଗି ମନୋନୀତ ହୋଇଛି । ଗତ ଜାନୁଆରୀ ୧ରୁ ଭାରତ ଏହି ସଦସ୍ୟତା ଲାଭ କରିଛି । ଏକ ଅସ୍ଥାୟୀ ସଦସ୍ୟ ରାଷ୍ଟ୍ର ଭାବେ ଭାରତ ପ୍ରଥମ ଥର ଲାଗି ନିରାପତ୍ତା ପରିଷଦର ଅଧ୍ୟକ୍ଷ ଦାୟିତ୍ବ ଗ୍ରହଣ କରିଛି । ଆସନ୍ତାବର୍ଷ ଡିସେମ୍ବରରେ ଭାରତ ପୁଣି ନିରାପତ୍ତା ପରିଷଦର ଅଧ୍ୟକ୍ଷତା ଗ୍ରହଣ କରିବ ।

ଭାରତ-ଚୀନ ମଧ୍ୟରେ ଚାଲିଥିବା ସୀମା ବିବାଦ, ପାକିସ୍ତାନର ଆତଙ୍କବାଦୀ କାର୍ଯ୍ୟକଳାପ ତଥା ଆଫଗାନିସ୍ତାନରେ ଅସ୍ଥିରତା ପରିପ୍ରେକ୍ଷୀରେ ଭାରତର ଅଧ୍ୟକ୍ଷତା ଗୁରୁତ୍ବପୂର୍ଣ୍ଣ ସାବ୍ୟସ୍ତ ହେଉଛି । ଜାତିସଂଘ ନିରାପତ୍ତା ପରିଷଦରେ ଚୀନ, ଫ୍ରାନସ, ରୁଷ, ବ୍ରିଟେନ ଓ ଆମେରିକା ଅଛନ୍ତି ସ୍ଥାୟୀ ସଦସ୍ୟ । ସେପଟେ ଭାରତ, ଏସ୍ତୋନିଆ, ଆୟାରଲ୍ୟାଣ୍ଡ, କେନିଆ, ମେକ୍ସିକୋ, ନାଇଜର, ନରଓ୍ବେ, ସେଣ୍ଟ ଭିନସେଣ୍ଟ, ଟ୍ୟୁନିସିଆ, ଭିଏତନାମ ଆଦି ରାଷ୍ଟ୍ର ସମେତ ୧୫ ରାଷ୍ଟ୍ର ଅଛନ୍ତି ଅସ୍ଥାୟୀ ସଦସ୍ୟ ।

ସୋମବାରଠୁ ସମସ୍ତ ୨୫ଟି ରୁଟରେ ଗଡ଼ିବ ୧୯୪ଟି ମୋ ବସ

ଭୁବନେଶ୍ୱର: ଆସନ୍ତା ସୋମବାରଠୁ ସମସ୍ତ ରୁଟରେ ଗଡ଼ିବ ମୋ ବସ । ସମସ୍ତ ୨୫ଟି ରୁଟରେ ୧୯୪ଟି ବସ ଯାତାୟତ କରିବ । ସକଳା ୭ଟାରୁ ସଂଧ୍ୟା ୭ଟା ପର୍ଯ୍ୟନ୍ତ ଚାଲିବ ବସ । ଶନିବାର ରବିବାର ସପ୍ତାହାନ୍ତ ସଟଡାଉନ ଥିବାରୁ ଏହି ଦୁଇଦିନ କେବଳ ବସ ଚଲାଚଲ ବନ୍ଦ ରହିବା ନେଇ କ୍ରୁଟ ପକ୍ଷରୁ ସୂଚନା ଦିଆୟାଇଛି  । ରାଜ୍ୟରେ ଅଗଷ୍ଟ ଗାଇଡଲାଇନ ଆସି ସାରିଛି  ।

କଟକଣା ମୁତାବକ ରାଜ୍ୟରେ ସପିଂ ମଲ, ହଲ, ସୁଇମିଂ ପୁଲ ସମେତ ହାଟ ବଜାର ଆଦି କୋଲିବା ନେଇ ଅନୁମତି ଦେଇଛନ୍ତି  । ତେଣୁ ଏଭଳି ସ୍ଥିତିରେ ଦୀର୍ଘ ଦିନ ଧରି ବନ୍ଦ ରହିଥିବା ମୋ ବସ  ସେବାକୁ ପୁନର୍ବାର କାର୍ଯ୍ୟକ୍ଷମ କରିବା ଆରମ୍ଭ କରିବାକୁ ଯାଉଛନ୍ତି ସରକାର  । ଏନେଇ ସୂଚନା ଦେଇଛନ୍ତି କ୍ରୁଟର ସାଧାରଣ ପରିଚାଳକ ଦିପ୍ତି ମହାପାତ୍ର । ତେବେ ବସରେ ଯାତାୟତ ସମୟରେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି ।

ବସ ଚଳାଚଳ ସମୟରେ କୋଭିଡ ଗାଇଡଲାଇନ ପାଳନ କରିବାକୁ କୁହାଯାଇଛି  ।  ସେହିପରି ବସରେ ଯାତ୍ରା କରୁଥିବା ସମୟରେ ମାସ୍କ ପରିଧାନ କରିବା ବାଧ୍ୟତାମୂଳକ କରାଯାଇଛି  । ଯେଉଁଯାତ୍ରୀ ବସରେ ଯାତ୍ରା କରୁଥିବା ସମୟରେ ମାସ୍କ ପିନ୍ଧିନଥିବେ, ତାଙ୍କୁ ଅନୁମତି ମିଳିବ ନାହିଁ ବୋଲି ସ୍ପଷ୍ଟ ଭାବେ ଉଲ୍ଲେଖ କରିଛନ୍ତି କ୍ରୁଟ କର୍ତ୍ତୁପକ୍ଷ  । ସିଟ ଅନୁସାରେ ହିଁ କେବଳ ଯାତ୍ରୀ ବସରେ ଯାତ୍ରା କରିପାରିବେ । ଠିଆ ହୋଇ କୌଣସି ଯାତ୍ରୀ ?-

ଆସିଲା +2 ରେଜଲ୍ଟ: ବିଜ୍ଞାନରେ ୯୫.୧୫ ପ୍ରତିଶତ, ବାଣିଜ୍ୟରେ ୯୪.୯୬ ପ୍ରତିଶତ ମାର୍କ

ଭୁବନେଶ୍ୱର: ପ୍ରକାଶ ପାଇଲା ଯୁକ୍ତ ଦୁଇ ବିଜ୍ଞାନ ଏବଂ ବାଣିଜ୍ୟ ରେଜଲ୍ଟ  । ଗଣଶିକ୍ଷା ମନ୍ତ୍ରୀ ସମୀର ଦାସ ସାମ୍ବାଦିକ ସମ୍ମିଳନୀ ଜରିଆରେ ଫଳ ଘୋଷଣା କରିଛନ୍ତି  । ବିଜ୍ଞାନରେ ଚଳିତବର୍ଷ ୯୫.୧୫ ପ୍ରତିଶତ ରେଜଲ୍ଟ ହୋଇଛି  । ସେହିପରି ବାଣିଜ୍ୟରେ ମଧ୍ୟ ୯୪.୯୩ ପ୍ରତିଶତ ମାର୍କ ହୋଇଥିବା ନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାସ  ।

ଚଳିତବର୍ଷ ବିଜ୍ଞାନରେ ମୋଟ ୮୯ ହଜାର ୯୫୧ ଜଣ ଛାତ୍ରଛାତ୍ରୀ ପାସ  ହୋଇଛନ୍ତି । ଏଥି ମଧ୍ୟରୁ ୫୦୧୯୮ ଜଣ ଛାତ୍ର ରହିଥିବାବେଳେ ୩୯୭୫୩ ଜଣ ଛାତ୍ରୀ ରହିଛନ୍ତି  । ସେହିପରି ସମୁଦାୟ ୫୫୪୬୮ ଜଣ ଛାତ୍ରଛାତ୍ରୀ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି  । ଦ୍ୱିତାୟ ଶ୍ରେଣୀରେ ୧୬, ୯୪୩ ରହିଥିବାବେଳେ ତୃତୀୟ ଶ୍ରେଣୀରେ ୧୪ ୬୩୧ ରହିଛନ୍ତି  । ବିଜ୍ଞାନରେ ରେଗୁଲାର ପାସ ହାର ରହିଛି ୯୯.୮୮, ଏକ୍ସ ରେଗୁଲାର ପାସହାର ୭୧.୨୭ ରହିଛି  ।

ଅନ୍ୟପଟେ ବାଣିଜ୍ୟରେ ସମୁଦାୟ ୨୩ ହଜାର ୨୯୨ ଛାତ୍ରଛାତ୍ରୀ ଉତୀର୍ଣ୍ଣ ହୋଇଥିବା ନେଇ ଘୋଷଣା କରିଛନ୍ତି ଗଣଶିକ୍ଷା ମନ୍ତ୍ରୀ  । ବାଣିଜ୍ୟରେ ପ୍ରଥମ ଶ୍ରେଣିରେ ପାସ କରିଛନ୍ତି ୮ ହଜାର ୩୫୫ ଜଣ, ଦ୍ୱିତାୟ ଶ୍ରେଣିରେ ପାସ କରିଛନ୍ତି ୫ ହଜାର ୬୯୨ ଜଣ ଏବଂ ତୃତୀୟ ଶ୍ରେଣୀରେ ପାସ କରିଛନ୍ତି ୯ ହଜାର ୬୬ ଜଣ  ।  ଚଳିତବର୍ଷ +2 ପାଇଁ ଫର୍ମଫିଲାପ କରିଥିଲେ ୩ ଲକ୍ଷ ୫୦ ହଜାର ଛାତ୍ରଛାତ୍ରୀ । 55 ହଜାରରୁ ଅଧିକ ଛାତ୍ରଛାତ୍ରୀ ବିଜ୍ଞାନ ପାଇଁ ଫର୍ମଫିଲାପ କରିଥିଲେ । ଉଭୟ ବିଷୟରେ 12,3,508 ଜଣ ପରୀକ୍ଷାର୍ଥୀ ରହିଛନ୍ତି ।

ରାତି ୮ଟାରେ chseodisha.nic.in ଏବଂ orissaresults.nicରେ ରେଜଲ୍ଟ ଦେଖିପାରିବେ ପିଲା । କରୋନା ପାଇଁ ଏଥର ପରୀକ୍ଷା ହୋଇନଥିବା ବେଳେ ପୂର୍ବ ପରୀକ୍ଷା ଆଧାରରେ ପରୀକ୍ଷା ଫଳ ଘୋଷଣା କରାଯାଇଛି । ସେପଟେ ପରୀକ୍ଷା ଫଳରେ ସନ୍ତୁଷ୍ଟ ଥିବା ଛାତ୍ରଛାତ୍ରୀମାନେ ଅଫଲାଇନରେ ପରୀକ୍ଷା ଦେଇପାରିବେ । ତେବେ କଳା ଓ ଧନ୍ଦାମୂଳକ ପାଠ୍ୟକ୍ରମର ଫଳ ପରବର୍ତ୍ତି ପର୍ଯ୍ୟାୟରେ ପ୍ରକାଶ ପାଇବ ବୋଲି ଶିକ୍ଷା ବିଭାଗ ତରଫରୁ ଘୋଷଣା କରାଯାଇଛି  ।

ଜାପାନରେ ଜରୁରୀକାଳୀନ ସ୍ଥିତି, ଅଲମ୍ପିକ୍ସ ଉପରେ କରୋନାର କଳା ବାଦଲ

ଟୋକିଓ: କରୋନା ଭାଇରସ ସଂକ୍ରମଣ ମାମଲା ବୃଦ୍ଧି କାରଣରୁ ଜାପାନ ସରକାର ୩୧ ଅଗଷ୍ଟ ପର୍ଯ୍ୟନ୍ତ ନିଜ ଦେଶରେ ଜରୁରୀକାଳିନ ପରିସ୍ଥିତି ଲାଗୁ କରିଛନ୍ତି । ଏହି ଏମରଜେନ୍ସୀ ଟୋକିଓ,ସୈତମା,ଚିବା,କାନଗାବା,ଓସାକା ଓ ଓକିନାଭା ପ୍ରଦେଶରେ ଲାଗୁ ହେବ । ଏହି ରାଜ୍ୟ ସହିତ ହୋକ୍କାଇଡୋ,ଇଶିକାବା,କ୍ୟୋଟା,ହ୍ୟୁଗୋ ଓ ଫୁକୁଓକା ପ୍ରଦେଶରେ ମଧ୍ୟ କରୋନା ସଂକ୍ରମଣ ରୋକିବ ପାଇଁ ପ୍ରାଥମିକ ପଦକ୍ଷେପ ନିଆଯାଇଛି । ସୂଚନାଯୋଗ୍ୟ ଯେ, ବର୍ତ୍ତମାନ ଟୋକିଓରେ ଅଲମ୍ପିକ୍ସ ଆୟୋଜିତ ହେଉଛି । ଯେଉଁଥିରେ ବିଶ୍ୱର ହଜାର ହଜାର ଖେଳାଳି ଯୋଗ ଦେଉଛନ୍ତି ।

ଜାପାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ଟ୍ୱିଟ୍ ଜାପାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ ଏନେଇ ଟ୍ୱିଟ୍ ହୋଇଛି । ଅଗଷ୍ଟ ୩୧ ତାରିଖରୁ ଟୋକିଓ,ସୈତମା,ଚିବା,କାନଗାବା,ଓସାକା ଓ ଓକିନାଭାରେ ଏମରଜେନ୍ସି ଲାଗୁ ନେଇ ସୂଚନା ଦିଆଯାଇଛି । ସୂଚନାଯୋଗ୍ୟ ଯେ, ଟୋକିଓ ଓ ଓକିନାଭୋରେ ଆଗରୁ ଏମରଜେନ୍ସି ଲାଗୁ ହୋଇଥିଲା । ଯାହା ଅଗଷ୍ଟ ୨୨ ତାରିଖରେ ଶେଷ ହେବାର ଥିଲା । ରେକର୍ଡ ସ୍ତରରେ କରୋନା ସଂକ୍ରମଣ ଜାପାନୀ ମିଡିଆ ଏନଏଚକେ ୱାର୍ଲ୍ଡ ଅନୁସାରେ ଦେଶରେ ଦ୍ରୁତ ଗତିରେ ସଂକ୍ରମଣ ବୃଦ୍ଧି ପାଉଥିବାରୁ ସରକାର ଏହି ଘୋଷଣା କରିଛନ୍ତି ।

ଟୋକିଓ ମେଟ୍ରୋପଲିଟାନ ସରକାର ଜୁଲାଇ ୨୯ ତାରିଖରେ ସଂକ୍ରମଣ ୩୮୬୫ ନୂଆ ମାମଲା ଚିହ୍ନଟ ହୋଇଥିବା ଘୋଷଣା କରିଥିଲା । ଅନ୍ୟପକ୍ଷରେ ପୁରା ଦେଶରେ ସେହି ଦିନ ୧୦ ହଜାର ୬୯୯ ସଂକ୍ରମଣ ମାମଲା ସାମ୍ନାକୁ ଆସିଥିଲା । ମହାମାରୀ ଆରମ୍ଭ ପରଠାରୁ ଗୋଟିଏ ଦିନରେ ଏହା ହେଉଛି ଜାପାନରେ ସର୍ବାଧିକ ସଂକ୍ରମଣ ମାମଲା । ସରକାରଙ୍କ ସବୁ ଚେଷ୍ଟା ସତ୍ୱେ ଜାପାନରା ସଂକ୍ରମଣ ମାମଲା ହ୍ରାସ ପାଉନାହିଁ । ଜାପାନା ପ୍ରଧାନମନ୍ତ୍ରୀ ୟୋସିହିଦେ ସୁଗା କହିଛନ୍ତି ଯେ, ୩୧ ଅଗଷ୍ଟ ପର୍ଯ୍ୟନ୍ତ ଆମେ ଟୋକିଓ,ସୈତାମା,ଚିବା,କାନାଗାବା,ଓସାକା ଓ ଓକିନାଭା ପ୍ରଦେଶରେ ଜରୁରୀକାଳିନ ପରିସ୍ଥିତି ଜାରି ରହିବ ।

ମୃତ ଓଡ଼ିଆ ଶ୍ରମିକଙ୍କ ପରିବାରକୁ ୩ଲକ୍ଷ ଲେଖାଏଁ ସହାୟତା ରାଶି ଦେବେ ଆନ୍ଧ୍ର ସରକାର

ଭୁବନେଶ୍ୱର: ଆନ୍ଧ୍ରପ୍ରଦେଶର ଗୁଣ୍ଟୁରର ଏକ ଚିଙ୍ଗୁଡ଼ି ଫ୍ୟାକ୍ଟ୍ରିରେ ଜୀବନ ହାରିଥିବା ୬ ଜଣ ଓଡ଼ିଆ ଶ୍ରମିକଙ୍କ ପରିବାରକୁ ସହାୟତା ରାଶି ଘୋଷଣା କରିଛନ୍ତି ଆନ୍ଧ୍ରପ୍ରଦେଶ ସରକାର । ଆନ୍ଧ୍ର ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ ମୃତକଙ୍କ ପରିବାରକୁ ସମବେଦନା ଜଣାଇବା ସହ ପ୍ରତ୍ୟକଙ୍କ ପରିବାରକୁ ୩ଲକ୍ଷ ଲେଖାଏଁ ଆର୍ଥିକ ସହାୟତା ରାଶି ଘୋଷଣା କରିଛନ୍ତି  ।

ଗତକାଲି ରାତିରେ ଗୁଣ୍ଟୁରରେ ଥିବା ଏହି ଚିଙ୍ଗୁଡ଼ି ଫ୍ୟାକ୍ଟିରେ ଘଟିଥିଲା ଅଘଟଣ  । ଫଳରେ ସେଠାରେ କାର୍ଯ୍ୟକରୁଥିବା ୬ ଜଣ ଓଡ଼ିଆ ଶ୍ରମିକଙ୍କ ମୃତ୍ୟୁ ଘଟିଥିଲା  । ଏହି ଖବର ପାଇବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୃତକଙ୍କ ପରିବାରକୁ ସମବେଦନା ଜଣାଇଥଲେ  । ସେହିପରି ମୃତକଙ୍କ ପରିବାର ପିଛା ୨ ଲକ୍ଷ ଲେଖାଏଁ ଆର୍ଥିକ ସହାୟତା ରାଶି ଘୋଷଣା କରିଥିଲେ  ।