spot_img
Home Blog Page 5526

ସାଉଦି ଆରବର କଡ଼ା ନିଷ୍ପତ୍ତି: ଭାରତ ସମେତ ୧୬ ରାଷ୍ଟ୍ରକୁ ଯିବା ଉପରେ ନିଷେଧାଦେଶ

ନୂଆଦିଲ୍ଲୀ: କରୋନା ନେଇ ସାଉଦି ଆରବ ସରକାରଙ୍କ କଡା ନିଷ୍ପତ୍ତି । ଭାରତ ସମେତ ୧୬ଟି ରାଷ୍ଟ୍ରକୁ ଯିବା ଉପରେ ୩ ବର୍ଷ ଲାଗି ଲାଗିବ ନିଷେଧାଦେଶ । ସାଉଦିଆରବରେ ଯଦିଓ ଦିନକରେ ହାରାହାରି ୧୩୦୦ ପଜିଟିଭ ଚିହ୍ନଟ ହେଉଛନ୍ତି ତଥାପି ଦେଶକୁ କରୋନାମୁକ୍ତ କରିବା ଲାଗି ସରକାର ଏହି ପଦକ୍ଷେପ ନେଇଛନ୍ତି ।

ସାଉଦି ଆରବ ଜାରି କରିଥିବା ରେଡ ଲିଷ୍ଟରେ ରହିଛନ୍ତି ଭାରତ, ୟୁଏଇ, ଲିବିୟା, ସିରିଆ, ଲେବାନନ, ୟେମେନ, ଇରାନ, ତୁର୍କୀ, ଆର୍ମେନିଆ, ଇଥିଓପିଆ, ସୋମାଲିଆ, କଙ୍ଗୋ, ଆଫଗାନିସ୍ତା, ଭେନିଜୁଏଲା, ବେଲାରୁଷ, ଭିଏତନାମ ଆଦି ରାଷ୍ଟ୍ର । ସେପଟେ ଆମେରିକାର ବିଭିନ୍ନ ବଡ କମ୍ପାନୀ ନିୟମରେ ପରିବର୍ତ୍ତନ କରିଛନ୍ତି । କ୍ୟାମ୍ପସରେ ପ୍ରବେଶ କରିବା ପୂର୍ବରୁ ଟିକାକରଣକୁ ବାଧ୍ୟତାମୂଳକ କରାଯାଇଛି । ଦେଶରେ ଡେଲଟା ଭାରିଆଣ୍ଟର ମାତ୍ରାଧିକ ପ୍ରଭାବ ଯୋଗୁ ଏହି ପଦକ୍ଷେପ ନିଆଯାଇଛି । ଗୁଗୁଲ ଓ ଫେସବୁକ ସମେତ ସମସ୍ତ ବଡ କମ୍ପାନୀରେ ଏହି ନିୟମ ବାଧ୍ୟତାମୂଳକ ହୋଇଛି । ସେପଟେ ଏତିହାଦ ଏୟାରରଓ୍ବେଜ୍ ପକ୍ଷରୁ ମଧ୍ୟ ଭାରତରୁ ୟୁଏଇକୁ ବିମାନ ଚଳାଚଳ ବନ୍ଦ କରିଦିଆଯାଇଛି । ପରବର୍ତ୍ତି ନିର୍ଦ୍ଦେଶ ପର୍ଯ୍ୟନ୍ତ ଏହି ବିମାନ ଚଳାଚଳ ବନ୍ଦ ରହିବ ବୋଲି ଏୟାରଲାଇନ୍ସର ଜଣେ ଅଧିକାରୀ ସୂଚନା ଦେଇଛନ୍ତି ।

ଅନ୍ୟପଟେ ଦେଶରେ ପୁଣି ଦୈନିକ କରୋନା ସଂକ୍ରମଣ ମାମଲା ୪୦ହଜାର ଉପରେ ରହିଛି । ଗତ ୨୪ ଘଣ୍ଟା ମଧ୍ୟରେ ୪୩ ହଜାର ୫୦୯ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ଗତ ୨୪ ଘଣ୍ଟାରେ ୩୮ ହଜାର ୪୬୫ ସଂକ୍ରମିତ ସୁସ୍ଥ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି । ଦେଶରେ ମୋଟ୍ ଆକ୍ଟିଭ୍ କେସ୍ ରହିଛି ୪ଲକ୍ଷ ୩ ହଜାର ୮୪୦ ରହିଥିବା ବେଳେ ଦେଶରେ ସୁସ୍ଥତା ହାର ୯୭.୩୮%କୁ ବୃଦ୍ଧି ପାଇଛି । ତେବେ କରୋନାକୁ ମାତ୍ ଦେବାକୁ ଦେଶରେ ଟିକାକରଣକୁ ପ୍ରାଧାନ୍ୟ ଦିଆଯାଉଛି ।

Dhanbad Judge Death: ସୁପ୍ରିମକୋର୍ଟରେ ପହଞ୍ଚିଲା ଧନବାଦ ବିଚାରପତିଙ୍କ ମୃତ୍ୟୁ ମାମଲା

ଧନବାଦ: ମର୍ଣ୍ଣଂ ୱାକରେ ଯିବାବେଳେ ଜିଲ୍ଲା ଏବଂ ଦୌରା ଜଜ୍ ଙ୍କ ମୃତ୍ୟୁ ମାମଲା ଏବେ ସୁପ୍ରିମକୋର୍ଟରେ ପହଞ୍ଚିଛି । ଏହି ମାମଲାର ସ୍ୱତନ୍ତ୍ର ଯାଞ୍ଚ ପାଇଁ ନିର୍ଦ୍ଦେଶ ଦାବି କରିଛନ୍ତି ସୁପ୍ରିମକୋର୍ଟ ବାର ଆସୋସିଏସନ (SCBA) । ଯେଉଁଭଳି ଭାବେ ବିଚାରପତିଙ୍କ ମୃତ୍ୟୁ ଘଟିଛି ଏହା ପଛରେ ଏକ ବଡ଼ ଷଡ଼ଯନ୍ତ୍ରର ସନ୍ଦେହ କରି SCBA ସୁପ୍ରିମକୋର୍ଟକୁ ଏହାର କଡ଼ାକଡ଼ି ଯାଞ୍ଚ କରିବା ପାଇଁ ଦାବି କରିଛି ।

ମୁଖ୍ୟ ବିଚାରପତି ଏନ.ବି ରମଣା ଝାଡ଼ଖଣ୍ଡର ମୁଖ୍ୟ ବିଚାରପତିଙ୍କ ସହ ଏ ମାମଲା ଆଲୋଚନା କରିଛନ୍ତି । ଏହି ଘଟଣା ସହ ଯଡ଼ିତ ସମସ୍ତ ତଥ୍ୟ ଗ୍ରହଣ କରି ହାଇକୋର୍ଟ ଧନବାଦର ପୋଲିସ ଅଧିକାରୀଙ୍କୁ ଡକାଇଛନ୍ତି। ହାଇକୋର୍ଟ ଏହି ମାମଲା ଉପରେ ଦୃଷ୍ଟି ରଖିଛନ୍ତି । ସୂଚନା ଅନୁଯାୟୀ, ଦୁର୍ଘଟଣାରେ ମର୍ଣ୍ଣିଂ ୱାକ୍ ପାଇଁ ବାହାରକୁ ଆସିଥିବା ଜିଲ୍ଲା ତଥା ଦୌରା ଜଜ୍ ଉତ୍ତମ ଆନନ୍ଦଙ୍କ ମୃତ୍ୟୁର ସିସିଟିଭି ଫୁଟେଜରୁ ଏହା ସ୍ପଷ୍ଟ ହୋଇଛି ଯେ ଅଟୋ ଚାଳକ ଜଣଙ୍କ ଉଦ୍ଦେଶ୍ୟମୂଳକ ଭାବେ ଦୁର୍ଘଟଣା ଘଟାଇଛି ।

ପୂର୍ବ ବିଧାୟକଙ୍କ ଖାସ ଲୋକ ସଞ୍ଜୟ ହତ୍ୟାକାଣ୍ଡ ଭଳି ଅନେକ ଗୁରୁତ୍ୱପୂର୍ଣ୍ଣ ମାମଲାର ଶୁଣାଣି କରିଥିବା ବିଚାରପତିଙ୍କ ମୃତ୍ୟୁକୁ ହତ୍ୟା ବୋଲି ମାନି ପୋଲିସ ପ୍ରତ୍ୟେକ ଦିଗରୁ ଅନୁସନ୍ଧାନ କରୁଛି । ଏହି ଘଟଣାର ଖୁଲାସା ପରେ ଦୋଷୀମାନଙ୍କୁ ଦଣ୍ଡ ଦିଆଯିବ ବୋଲି ବରିଷ୍ଠ ପୋଲିସ ଅଧିକାରୀ କହିଛନ୍ତି। ଏଥି ସହ ବିଧାୟକ ଏହି ମାମଲାରେ ସିବିଆଇ ତଦନ୍ତ ଦାବି କରିଛନ୍ତି।

ସୂଚନା ଅନୁଯାୟୀ, ଧନବାଦର ଜିଲ୍ଲା ଏବଂ ଦୌରା ବିଚାରପତି ଉତ୍ତମ ଆନନ୍ଦ ବିଧବାର ମର୍ଣ୍ଣିଂ ୱାକ ପାଇଁ ଘରୁ ବାହାରିଥିଲେ, ରଣଧୀର ବର୍ମା ଛକ ପାଖରେ ଏକ ଅଟୋ ଆସି ତାଙ୍କୁ ଯୋଜନାବଦ୍ଧ ଭାବରେ ଧକ୍କା ଦେଇ ଫେରାର ହୋଇଯାଇଥିଲା ।

କେରଳରେ ଚିନ୍ତା ବଢ଼ାଉଛି କରୋନା: ସମ୍ପୂର୍ଣ୍ଣ ଲକ୍‌ଡାଉନ୍ ଘୋଷଣା

ତାମିଲନାଡ଼ୁ: କେରଳରେ ଚିନ୍ତା ବଢାଇଲା ଭାଇରସ । ସାରା ଦେଶରେ ଯେତିକି ପଜିଟିଭ ଠାବ ହେଉଛନ୍ତି ତାହାର ଅଧା ରହିଛନ୍ତି କେରଳରେ । ବୁଧବାର ରାଜ୍ୟରେ ଠାବ ହୋଇଛନ୍ତି ୨୨ ହଜାରରୁ ଅଧିକ ପଜିଟିଭ । ଫଳରେ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ହୋଇଛି ୩୩ ଲକ୍ଷ ୨୭ ହଜାରରୁ ଅଧିକ । ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୧୬ହଜାର ୪୫୭ ବୋଲି କୁହାଯାଉଥିଲେ ବି ବାସ୍ତବ ମୃତ୍ୟୁ ସଂଖ୍ୟା ଯଥେଷ୍ଟ ବୋଲି କୁହାଯାଉଛି । ଅନ୍ୟାନ୍ୟ ପ୍ରାୟ ସମସ୍ତ ରାଜ୍ୟରେ କରୋନା ଏକପ୍ରକାର ନିୟନ୍ତ୍ରଣ ସ୍ଥିତିରେ ଥିବାବେଳେ କେରଳରେ କ୍ରମବର୍ଦ୍ଧିଷ୍ଣୁ ସଂକ୍ରମଣ ନେଇ ଚିନ୍ତାରେ ରାଜ୍ୟ ଓ କେନ୍ଦ୍ର ସରକାର । ରାଜ୍ୟରେ ସବୁଠାରୁ ଅଧିକ ପ୍ରଭାବିତ ଜିଲ୍ଲାଗୁଡିକ ହେଉଛନ୍ତି ମାଲାପୁରମ, ତ୍ରିସୁର, କୋଝିକୋଡ, ଏର୍ଣ୍ଣାକୁଲମ, ପାଲାକାଡ, କୋଲ୍ଲମ, କାନ୍ନୁର, ଥିରୁବନନ୍ତପୁରମ ଓ କୋଟ୍ଟାୟମ । ସ୍ୱାସ୍ଥ୍ୟକର୍ମୀମାନେ ମଧ୍ୟ ଅଧିକ ସଂଖ୍ୟାରେ ସଂକ୍ରମିତ ହେଉଥିବାରୁ ଟେଷ୍ଟିଂ ଓ ଟ୍ରାକିଂ ନେଇ ସମସ୍ୟାରେ ପଡୁଛନ୍ତି ସରକାର । ସେପଟେ ଭାରତୀୟ ମେଡିକାଲ ଗବେଷଣା ପରିଷଦ ବା ଆଇସିଏମଆରର ପରାମର୍ଶରେ ଅଧିକରୁ ଅଧିକ ସେରୋସର୍ଭେ କରିବା ଲାଗି ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ପରାମର୍ଶ ଦେଇଛି କେନ୍ଦ୍ର ।

ଏଥିସହିତ ପଢ଼ନ୍ତୁ: ଇନ୍‌ସାଇଡର ଟ୍ରେଡିଂ ଅଭିଯୋଗରେ ରାଜ କୁନ୍ଦ୍ରା ଓ ଶିଳ୍ପା ସେଟ୍ଟୀଙ୍କୁ ୩ଲକ୍ଷ ଟଙ୍କାର ଜରିମାନା ଲଗାଇଲେ SEBI

ଇନ୍‌ସାଇଡର ଟ୍ରେଡିଂ ଅଭିଯୋଗରେ ରାଜ କୁନ୍ଦ୍ରା ଓ ଶିଳ୍ପା ସେଟ୍ଟୀଙ୍କୁ ୩ଲକ୍ଷ ଟଙ୍କାର ଜରିମାନା ଲଗାଇଲେ SEBI

ମୁମ୍ୱାଇ: ପୁଣି ଅଡୁଆରେ ରାଜ କୁନ୍ଦ୍ରା ଓ ଶିଳ୍ପା ସେଟ୍ଟୀ । ନିର୍ଦ୍ଦେଶନାମା ଉଲ୍ଲଂଘନ ଅଭିଯୋଗରେ କୁନ୍ଦ୍ରା ଦମ୍ପତିଙ୍କ ଉପରେ ଜୋରିମନା । ନିୟମ ଉଲ୍ଲଂଘନ କରି ଭାୟାନ ଇଣ୍ଡଷ୍ଟ୍ରିଜ ଜରିଆରେ ଇନସାଇଡର ଟ୍ରେଡିଂ କରୁଥିବାରୁ ସିକ୍ୟୁରିଟିଜ ଆଣ୍ଡ ଏକ୍ସଚେଞ୍ଜ ବୋର୍ଡ ଅଫ ଇଣ୍ଡିଆ ବା ସେବି ପକ୍ଷରୁ ଭାୟାନ ଇଣ୍ଡଷ୍ଟ୍ରିଜ ଓ ଦମ୍ପତିଙ୍କ ଉପରେ ୩ ଲକ୍ଷ ଟଙ୍କାର ଅର୍ଥ ଜରିମାନା ଲଗାଯାଇଛି । ଏହି କମ୍ପାନୀରେ ଶିଳ୍ପା ନିର୍ଦ୍ଦେଶକ ମଣ୍ଡଳୀର ଜଣେ ସଦସ୍ୟ ଥିଲେ ଏବଂ ସେ ଗତବର୍ଷ ଇସ୍ତଫା ଦେଇଥିଲେ । ଅର୍ଥ ପରିଚାଳନାରେ ଅନିୟମିତତା ନେଇ ସେବି ପକ୍ଷରୁ ଖୋଳତାଡ ଜାରି ରହିଥିଲା । ଭାୟାନ ଇଣ୍ଡଷ୍ଟ୍ରିଜ ପୂର୍ବରୁ ହିନ୍ଦୁସ୍ତାନ ସେଫଟି ଗ୍ଲାସ ଇଣ୍ଡଷ୍ଟ୍ରିଜ ଲିମିଟେଡ ନାଁରେ ପରିଚାଳିତ ହେଉଥିଲା । ୨୦୧୩ ସେପ୍ଟେମ୍ୱର ୧ରୁ ୨୦୧୫ ଡିସେମ୍ବର ୨୩ ଯାଏଁ ଏହି ଅନିୟମିତତା ହୋଇଥିଲା । ଏହି ସମୟକାଳରେ ବମ୍ବେ ଷ୍ଟକ ଏକ୍ସଚେଞ୍ଜରେ କମ୍ପାନୀର ସେୟାର ତାଲିକାଭୁକ୍ତ ହୋଇଥିଲା ଏବଂ ରିପୁ ସୁଦାନ ଓରଫ ରାଜ କୁନ୍ଦ୍ରା ଓ ଶିଳ୍ପା କୁନ୍ଦ୍ରା ଓରଫ ଶିଳ୍ପା ସେଟ୍ଟୀ ଏହାର ପ୍ରମୋଟର ଥିଲେ । ୨୦୧୫ ଅକ୍ଟୋବରରେ ସେବି ପକ୍ଷରୁ ଜାରି ଆଦେଶନାମା ଅନୁସାରେ ଭାୟାନ ଇଣ୍ଡଷ୍ଟ୍ରିଜ ଲିମିଟେଡ ୪ ଜଣଙ୍କୁ ୫ ଲକ୍ଷ ଇକ୍ୟୁଟି ସେୟାର ପ୍ରଦାନ କରିଥିଲା । ଏଥିରୁ କୁନ୍ଦ୍ରା ଦମ୍ପତିଙ୍କୁ ୧ ଲକ୍ଷ ୨୮ ହଜାର ୮୦୦ ଲେଖାଁଏ ସେୟାର ଆଲଟମେଣ୍ଟ ହୋଇଥିଲା । ଏହି ଆଲଟମେଣ୍ଟ ହେବା ପରେ କମ୍ପାନୀ ସମ୍ପର୍କରେ ସବିଶେଷ ବିବରଣୀ ସେବି ନିକଟରେ ଦାଖଲ କରିବା କଥା । ମାତ୍ର ତାହା ଘଟି ନଥିଲା । ୧୦ ଲକ୍ଷରୁ ଅଧିକ ଟଙ୍କାର କାରବାର ହେଉଥିବାରୁ ଏ ବିଷୟରେ ସେବି ନିକଟରେ ଘୋଷଣାନାମା ଦାଖଲ ହେବାର ଆବଶ୍ୟକତା ଥିଲା ।

ଏଥିସହିତ ପଢ଼ନ୍ତୁ: ପର୍ଣ୍ଣ ଇଣ୍ଡଷ୍ଟ୍ରିରୁ ରାଜଙ୍କ ଫ୍ୟୁଚର ପ୍ଲାନ୍, ହାତେଇଥାନ୍ତେ ଏତିକି ପ୍ରଫିଟ୍…

 

 

ଗାଁ ଦାଣ୍ଡରେ ଶିଶୁକୁ ଗୋଡ଼ାଇ ଗୋଡ଼ାଇ ହାଣିଲା, ବଡ଼ ଭାଇ ଆଟକାଇବାରୁ ତାକୁ ମଧ୍ୟ ମାରିଲା ଦୁର୍ବୃତ୍ତ

କଳାହାଣ୍ଡି: ସିରିଜ୍ ଆଟାକ୍ । ଜମେ ମୃତ ୨ଗୁରୁତର ସୂଚନା । ୧୦ ବର୍ଷ ଶିଶୁକୁ ନିର୍ମମ ହତ୍ୟା ଅଭିଯୋଗ । କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଥୁଆମୂଳ ଭଟାଗୁଡା ଗାଁରେ ଘଟିଛି ଅଭାବନୀୟ ଘଟଣା । ୧୦ ବର୍ଷର ଶିଶୁକୁ ଗୋଡ଼ାଇ  ଗୋଡ଼ାଇ ନିର୍ମମ ଭାବେ ହତ୍ୟା ଅଭିଯୋଗ । ଘାସିରାମ ମାଝୀଙ୍କ ୧୦ ବର୍ଷର ପୁଅ ଅନୀଲ ଗାଁ ଦାଣ୍ଡରେ ଖେଳୁଥିବା ବେଳେ ଗାଁର ଜୟସିଂ ଜାନୀ ନାମକ ଜଣେ ବ୍ୟକ୍ତି ଟାଙ୍ଗିଆରେ ହାଣି ହତ୍ୟା କରିଥିବା ନେଇ ଥାନାରେ ଏତଲା ହୋଇଛି । ଏହି ସମୟରେ ଘାସିରାମଙ୍କ ବଡ଼ପୁଅ ଦେବାନନ୍ଦଙ୍କୁ ଅଟକାଇବାକୁ ଚେଷ୍ଟା କରିଥିଲେ । ତାଙ୍କୁ ମଧ୍ୟ ତୀର ମାଡ଼ କରିଛି ଅଭିଯୁକ୍ତ ଜୟସିଂ । ବଡ଼ପୁଅ ମଧ୍ୟ ଆହତ ହୋଇ ମେଡିକାଲରେ ଭର୍ତ୍ତି ହୋଇଛି । କେବଳ ସେତିକି ନୁହେଁ ଗାଁର ଜଣେ ବୃଦ୍ଧ ତାମା ଜାନୀକୁ ମଧ୍ୟ ଆକ୍ରମଣ କରିଛି ଜୟ ସିଂ । ସେ ମଧ୍ୟ ଆହତ ହୋଇଛନ୍ତି । ଏତଲା ପରେ ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରି ଥାନାରେ ଅଟକ ରଖି ତଦନ୍ତ କରୁଛି । ହତ୍ୟାର କାରଣ ଅସ୍ପଷ୍ଟ ରହିଛି ।

ଏଥିସହିତ ପଢ଼ନ୍ତୁ: ମହିଳାଙ୍କୁ କାମୁଡ଼ି ଧରିଛି କୁମ୍ଭୀର: ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ

ମହିଳାଙ୍କୁ କାମୁଡ଼ି ଧରିଛି କୁମ୍ଭୀର: ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ

ନିଆଳି: ନଦୀରେ ବୁଲୁଛି କୁମ୍ଭୀର । ଆଉ କୁମାରୀ ପାଟିରେ ଅଛି ଜଣେ ମହିଳାଙ୍କ ମୃତଦେହ । ଏମିତି ଏକ ଭିଡ଼ିଓ ଏବେ  ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ମୋବାଇଲ ରୁ ମୋବାଇଲ ଘୁରି ବୁଲୁଛି ଏହି ଭିଡ଼ିଓ । ଯାହା ସାରା ନିଆଳି ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ମହିଳା ଜଣଙ୍କ ପରିଚୟ ଜଣାପଡ଼ିନଥିବା ବେଳେ  କିଏ କହୁଛି କଣ୍ଟାପଡା ଅଞ୍ଚଳ ତ ଆଉ କିଏ କହୁଛି ନିଆଳି ଅଞ୍ଚଳ । ତେବେ ଏହି ଘଟଣାଟି କେଉଁ ଅଞ୍ଚଳର ତାହା ମଧ୍ୟ ସ୍ପଷ୍ଟ ହୋଇପାରିନି । ତେବେ କିଏ କାହିଁକି ଏପରି ଭିଡ଼ିଓ ଭାଇରାଲ୍ କରିଛି ତାହା ଜଣାପଡିନାହିଁ । ଗୋଟିଏ ପଟେ ଦେବୀ ଓ କନ୍ଦଳ ନଦୀର ବିଭିନ୍ନ ସ୍ଥାନରେ ନଦୀ ପାଣିରେ କୁମ୍ଭୀର ପହଁରୁଥିବା ଦେଖିବାକୁ ମିଳୁଥିବା ବେଳ ଏପରି ଭାଇରାଲ୍ ଭିଡ଼ିଓ ଅଞ୍ଚଳବାସୀଙ୍କ ମନରେ ଆତଙ୍କ ଖେଳାଇ ଦେଇଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧୬୧୫ ଜଣ କରୋନା ସଂକ୍ରମିତ ଚିହ୍ନଟ

ପ୍ରସିଦ୍ଧ ଲେଖକ ଦେବଦାସ ଛୋଟରାୟଙ୍କ ପୁସ୍ତକ “ବିଜୁବାବୁ”କୁ ଉନ୍ମୋଚନ କଲେ ରାଜ୍ୟପାଳ

ଭୁବନେଶ୍ୱର: ପ୍ରସିଦ୍ଧ ଲେଖକ ଦେବଦାସ ଛୋଟରାୟଙ୍କ ଲିଖିତ “ବିଜୁବାବୁ” ପୁସ୍ତକକୁ ଆଜି ଉନ୍ମୋଚନ କରିଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ। ରାଜଭବନ ପରିସରରେ ରାଜ୍ୟପାଳ ବହିଟିକୁ ଉନ୍ମୋଚନ କରିଛନ୍ତି। ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ, ବିଶିଷ୍ଟ ଜନନାୟକ ଓ ସ୍ୱପ୍ନଦ୍ରଷ୍ଟା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ସମ୍ପର୍କିତ କିଛି ରୋଚକ ଓ ପ୍ରେରଣାଦାୟୀ ସ୍ମୃତିକୁ ଏକାଠି କରି “ବିଜୁବାବୁ” ପୁସ୍ତକ ରଚନା କରିଛନ୍ତି କବି ଓ ଗୀତିକାର ଦେବଦାସ ଛୋଟରାୟ। କଟକରୁ ଧାନବାଦ ଯାଏଁ ବ୍ୟାପ୍ତ ଏ ପୁସ୍ତକରେ ରହିଛି ୬୦ ଦଶକରୁ ୯୦ ଦଶକ ପର୍ଯ୍ୟନ୍ତ ବିଜୁ ପଟ୍ଟନାୟକଙ୍କୁ ନେଇ ୪୫ଟି ଛୋଟ ସ୍ମୃତିକଥା ସହ ଚାରିଗୋଟି ବିରଳ ଫଟୋଚିତ୍ର। ଏଭଳି ବିରଳ ପୁସ୍ତକର ପ୍ରଶଂସା କରିବା ସହ ଲେଖକଙ୍କୁ ଅଭିନନ୍ଦନ ଜଣାଇଛନ୍ତି ରାଜ୍ୟପାଳ।

ଅଗ୍ରଣୀ ପ୍ରକାଶନ ସଂସ୍ଥା ପେନ୍‌ ଇନ୍‌ ବୁକ୍ସ ପକ୍ଷରୁ ପ୍ରକାଶିତ ଏ ପୁସ୍ତକ ଉଭୟ ପେପର୍‌ବ୍ୟାକ୍‌ ଓ ସୁଦୃଶ୍ୟ ବନ୍ଧେଇରେ ଉପଲବ୍ଧ ହେଉଥିବା ବେଳେ ଆମାଜନ୍‌ ମାଧ୍ୟମରେ ଆଗ୍ରହୀ ପାଠକ ଏହାକୁ କିଣିପାରିବେ ବୋଲି ସଂସ୍ଥାର ନିର୍ଦ୍ଦେଶକ ଶୁଭ୍ରାଂଶୁ ପଣ୍ଡା ସୂଚନା ଦେଇଛନ୍ତି । ପାଠକମାନେ ଏହି https://www.amazon.in/dp/8195123260   ଲିଙ୍କ୍‌ରେ ବହିଟି ପାଇପାରିବେ ।

ରାଜ୍ୟରେ ଆଉ ୧୬୧୫ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର:  ରାଜ୍ୟରେ ଆଉ ୧୬୧୫ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ କ୍ୱାରେଣ୍ଟାଇନ୍ ସେଣ୍ଟରରୁ ୯୩୭ ଏବଂ ସ୍ଥାନୀୟ ଅଞ୍ଚଳରୁ ୬୭୮ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୪୪୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ଅନୁଗୁଳରୁ ୭୨, ବାଲେଶ୍ୱରରୁ ୯୮, ବରଗଡ଼ରୁ ୫, ଭଦ୍ରକରୁ ୬୦, ବଲାଙ୍ଗୀର ୭, ବୌଦ୍ଧ ୧୧, କଟକ ୨୨୯, ଦେବଗଡ଼ ୯, ଢେଙ୍କାନାଳ ୩୦, ଗଜପତି ୨, ଜଗତସିଂହପୁର ୯୬, ଯାଜପୁର ୭୦, ଝାରସୁଗୁଡ଼ା ୧୦, କଳାହାଣ୍ଡି ୨, ମୟୂରଭଞ୍ଜ ୪୮, ନବରଙ୍ଗପୁର ୧୨, ନୟାଗଡ଼ ୪୨, ନୂଆପଡ଼ା ୫, ପୁରୀ ୧୨୩, ରାୟଗଡ଼ା ୯, ସମ୍ୱଲପୁର ୧୬, ସୋନପୁର ୯, ସୁନ୍ଦରଗଡ଼ରୁ ୩୦ ଓ ଷ୍ଟେଟ୍ ପୁଲରୁ ୯୪ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଗତ ୨୪ ଘଣ୍ଟା ମଧ୍ୟରେ ୧୬୯୯ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏବଂ ଏଯାବତ୍ ରାଜ୍ୟରେ ୧୭୨୬୨ କରୋନା ମାମଲା ସକ୍ରିୟ ରହିିଛି ।

ଟୋକିଓ ଅଲିମ୍ପିକ୍ସରେ ଭାରତର ଭଲ ପ୍ରଦର୍ଶନ: କ୍ୱାର୍ଟର ଫାଇନାଲରେ ପହଞ୍ଚିଲେ ହକି ଟିମ୍ ଓ ପି.ଭି ସିନ୍ଧୁ

ଟୋକିଓ: ଭାରତୀୟ ବ୍ୟାଡମିଣ୍ଟନ ତାରକା ପି.ଭି ସିନ୍ଧୁଙ୍କୁ ଟୋକିଓ ଅଲିମ୍ପିକ୍ସରେ ଆଉ ଏକ ସଫଳତା । ମହିଳା ସିଙ୍ଗଲ୍ସ ବିଭଗରେ ଡେନମାର୍କ ପ୍ରତିଦ୍ୱନ୍ଦ୍ୱିଙ୍କୁ ୨-୦ ସେଟ୍‌ରେ ହରାଇ ପ୍ରି-କ୍ଟାର୍ଟରରୁ କ୍ୱାର୍ଟରକୁ ଉନ୍ନୀତ ହୋଇଛନ୍ତି । ସେ ୨୧-୧୫, ୨୧-୧୩ରେ ବିଜୟୀ ହୋଇଛନ୍ତି । ମାତ୍ର ୪୧ ମିନିଟରେ ଖେଳ ସମାପ୍ତ ହୋଇଥିବା ବେଳେ ପ୍ରଥମ ସେଟ ୨୨ ମିନିଟ ଓ ଦ୍ୱିତୀୟ ସେଟ୍‌ରେ ୧୯ ମିନିଟରେ ଖେଳ ସମାପ୍ତ ହୋଇଥିଲେ । ଏକାପାଖିଆ ଭାବେ  ସେ ଉଭୟ ସେଟ୍‌ରେ ବିଜୟୀ ହୋଇଥିଲେ । ସୂଚନା ଯୋଗ୍ୟ ଯେ, ରିଓ ଅଲିମ୍ପିକ୍ସରେ ପି.ଭି ସିନ୍ଧୁ ରୌପ୍ୟ ପଦକ ବିଜୟୀ ହୋଇଛନ୍ତି ।

ଅପରପକ୍ଷରେ ଭାରତୀୟ ହକି ଦଳ ମଧ୍ୟ ଭଲ ପ୍ରଦର୍ଶନ କରିଛି । ଆର୍ଜେଣ୍ଟିନା ବିପକ୍ଷ ପୋଲ ଏ ମ୍ୟାଚ୍‌ରେ ୩-୧ ଗୋଲ୍‌ରେ ବିଜୟୀ  ହୋଇଛି । ତେବେ ମ୍ୟାଚ୍‌ର ୪୧ ମିନିଟରେ ଭାରତୀୟ ଦଳ ୨ଟି ପେନାଲ୍ଟି କର୍ଣ୍ଣର ପାଇଥିଲା କିନ୍ତୁ ତାହାକୁ ସେ ଗୋଲରେ ପରିଣତ କରିପାରିନଥିଲା । କିନ୍ତୁ ତୃଥୀୟ କ୍ୱାର୍ଟର ଶେଷ ହେବାଥିବା ବେଳେ ଆଉ ଏକ ପେନାଲ୍ଟି କର୍ଣ୍ଣର ସୁଯୋଗ ପାଇଥିଲା ଯାହାକୁ ଗୋଲରେ ପରିଣତ କରିଥିଲେ ନବାଗତ ବରୁଣ ବର୍ମା । ଏଥିସହିତ ତୃତୀୟ କ୍ୱାର୍ଟରେ ଭାରତୀୟ ଦଳ ନିଜର ପ୍ରଥମ ଗୋଲ ହାସଲ କରିପାରିଥିଲା । ଏହା ପରେ ବିବେକ ସାଗର ପ୍ରତାପ ଓ ଦିଲପ୍ରୀତ ସିଂହଙ୍କ ଗୋଲ ବଳରେ ଭାରତୀୟ ଟିମ୍ ବିଗତ ଅଲିମ୍ପିକ୍ସର ଚାମ୍ପଅନ୍ ଆର୍ଜେଣ୍ଟିକାକୁ ୩-୧ ଗୋଲରେ ପରାସ୍ତା କରି କ୍ୱାର୍ଟରଫାଇନାଲରେ ପ୍ରବେଶ କରିଛି । ଅନ୍ୟପକ୍ଷରେ ପଦକ ନିକଟତର ହୋଇଛନ୍ତି ଭାରତୀୟ ତୀରନ୍ଦାଜ ଅତନୁ ଦାସ । ଟପ୍‌ ୧୬ରେ ତୀରନ୍ଦାଜରେ ପୂର୍ବ ଅଲମ୍ପିକରେ ସ୍ଵର୍ଣ ପଦକ ଜିତିଥିବା ସାଉଥ କୋରିଆକୁ ହରାଇଲେ ଅତନୁ । ତୀରନ୍ଦାଜରେ ଭାରତର ଅତନୁ ଆକର୍ଷଣୀୟ ପ୍ରଦର୍ଶନ କରି ପଦକ ରେସରେ ଆଉ ଏକ ପାଦ ଆଗକୁ ଯାଇଛନ୍ତି । ଗୋଟିଏ ଦିନରେ ଅତନୁଙ୍କ ୨ ଦୁଇଟି ବିଜୟ ହୋଇଛଥି । କ୍ୱାର୍ଟରରେ ପ୍ରବେଶ କରିଛନ୍ତି ଅତନୁ । ଏହାପୂର୍ବରୁ ଚୀନର ତାଇପେଇ ଖେଳାଳିଙ୍କୁ ହରାଇଥିଲେ ।

ଏଥିସହିତ ପଢ଼ନ୍ତୁ: ଗୁରୁବାର ଦୌଡ଼ିବେ ଦୂତୀ, ଅଲମ୍ପିକ ଆଶାରେ ଓଡ଼ିଶା

ଆସନ୍ତାକାଲି ଆସିପାରେ ଅଗଷ୍ଟ ଗାଇଡଲାଇନ୍: ‘ଏ’ କ୍ୟାଟାଗୋରୀ ଜିଲ୍ଲାରେ ଆହୁରି କୋହଳ ହୋଇପାରେ ନିୟମ

ଭୁବନେଶ୍ୱର: ରାଜ୍ୟରେ ଲଗାତାର କମିବାରେ ଲାଗିଛି କରୋନା ସଂକ୍ରମଣ  । ଆସନ୍ତାକାଲି ଆସିପାରେ ଅଗଷ୍ଟ ଗାଇଡଲାଇନ  । ସଂକ୍ରମଣକୁ ନଜରରେ ରଖି କଟକଣା କୋହଳ କରାଯିବା ନେଇ ବିଚାରବିମର୍ଷ କରୁଛନ୍ତି ସରକାର । ସାମଗ୍ରିକ ସ୍ଥିତିକୁ ଦେଖି ନିଆଯିବ ନିଷ୍ପତ୍ତି । ତେବେ ଅଗଷ୍ଟ ମାସରେ ସମ୍ପୂର୍ଣ୍ଣ ଅନଲକ ପ୍ରକ୍ରିୟାକୁ ଯାଇପାରେ ଓଡି଼ଶା । କିଛିଟା କଟକଣା ଲାଗୁ କରି ୩୦ଟି ଜିଲ୍ଲାରେ କୋଭିଡ କଟକଣାକୁ ପୂରା ହଟାଇବେ ରାଜ୍ୟ ସରକାର । ଜୀବନ ଜୀବିକା ପାଇଁ ନିୟମ କୋହଳ ହେବ । ବି-କ୍ୟାଟେଗୋରୀର ୧୦ ଜିଲ୍ଲାରେ ସକାଳ ୬ରୁ ସଂଧ୍ୟା ୫ ବଦଳରେ ରାତି ୯ଟା ପର୍ଯ୍ୟନ୍ତ ବଜାର ଖୋଲିବା ପାଇଁ ଅନୁମତି ଦିଆଯିବ । ସେହିପରି ଏ-କ୍ୟାଟାଗୋରୀର ଅଧିକାଂଶ ଜିଲ୍ଲାରେ ସଂକ୍ରମଣ ହାର ୧ପ୍ରତିଶତ ରହୁଥିବାରୁ ଏଠାରେ ସମ୍ପୂର୍ଣ୍ଣ ଅନଲକ ହୋଇପାରେ । ମଲ୍, ରେଷ୍ଟୁରାଣ୍ଟ, ସିନେମା ହଲ, ବିବାହ, ଶୁଦ୍ଧିକ୍ରିୟା ପାଇଁ କୋହଳ ହେଇପାରେ ନିୟମ ।  ସପ୍ତାହାନ୍ତ ସଟଡାଉନ ହଟାଇବା ସହ ନାଇଟ କର୍ଫ୍ୟୁ ବଳବତ୍ତର ରହିପାରେ । କିଛି ଜିଲ୍ଲାରେ ସଂକ୍ରମଣ ହାର ୫ ପ୍ରତିଶତ ଉପରେ ରହୁଥିବାର କୋଭିଡ୍ ଗାଇଡ ଅନୁପାଳନ, ସଂକ୍ରମଣ ହାର, କେସ ଲୋଡ୍ ଦେଖି ଅନଲକ ନିଷ୍ପତ୍ତି ନିଆଯିବ ।

ଏଥିସହିତ ପଢ଼ନ୍ତୁ: ଖୋଲିବ ସମସ୍ତ ମେଡିକାଲ କଲେଜ , ୫୦% ପିଲାଙ୍କୁ ନେଇ ହେବ ପ୍ରାକ୍ଟିକାଲ ଓ କ୍ଲିନିକାଲ କ୍ଲାସ