spot_img
Home Blog Page 5620

ଜୁଲାଇ ୩୦ରୁ ଅଗଷ୍ଟ ୫ ଯାଏଁ ମାଟ୍ରିକ୍ ଅଫଲାଇନ୍ ପରୀକ୍ଷା

ଭୁବନେଶ୍ୱର: ଜୁଲାଇ ୩୦ରୁ ରାଜ୍ୟରେ ହେବ ମାଟ୍ରିକ୍ ଅଫଲାଇନ୍ ପରୀକ୍ଷା । ଅଗଷ୍ଟ ୫ ତାରିଖ ଯାଏ ଚାଲିବ ପରୀକ୍ଷା । ମାଟ୍ରିକ୍ ମୂଲ୍ୟାୟନ ନେଇ ଅସନ୍ତୋଷ ଛାତ୍ରଛାତ୍ରୀ ପରୀକ୍ଷା ଦେଇପାରିବେ । ତେବେ ସକାଳ ୧୦ଟାରୁ ପରୀକ୍ଷା ଆରମ୍ଭ ହୋଇ ୧୨ଟା ଯାଏ ଚାଲିବ। କେବଳ ଗଣିତ ପରୀକ୍ଷା ୧୨ଟା ୧୫ରେ ସରିବ । ଜୁଲାଇ ୩୦ରେ ପ୍ରଥମ ଭାଷା ଓଡ଼ିଆ, ବଙ୍ଗଳା, ଊର୍ଦ୍ଦୁ, ତେଲଗୁ ପରୀକ୍ଷା ହେବ ।

ସେହିପରି ଜୁଲାଇ ୩୧ରେ ଦ୍ୱିତୀୟ ଭାଷା ଇଂରାଜୀ, ହିନ୍ଦୀ ପରୀକ୍ଷା ହେବ । ୨ ଅଗଷ୍ଟରେ ଗଣିତ ପରୀକ୍ଷା ହେବ । ୩ ଅଗଷ୍ଟରେ ବିଜ୍ଞାନ ଓ ୪ଅଗଷ୍ଟରେ ସାମାଜିକ ବିଜ୍ଞାନ ପରୀକ୍ଷା କରାଯିବ । ୫ ଅଗଷ୍ଟରେ ତୃତୀୟ ଭାଷା ହିନ୍ଦୀ, ସଂସ୍କୃତ, ପାର୍ଶି ପରୀକ୍ଷା ହେବ । ଜୁଲାଇ ୫ରୁ ୧୪ ତାରିଖ ମଧ୍ୟରେ ଫର୍ମ ପୂରଣ ହେବ । ଏନେଇ ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସୂଚନା ଦିଆଯାଇଛି ।

ଓଡିଶା ମୋ ପରିବାର ଆନୁକୂଲ୍ୟରେ ଧର୍ମଶାଳାରେ ରକ୍ତଦାନ ଶିବିର

ଯାଜପୁର: ଓଡିଶା ମୋ ପରିବାର ଓ ଜୀବନ ବିନ୍ଦୁ ଆନୁକୂଲ୍ୟରେ ବିଜୁ ଛାତ୍ର ଜନତା ଦଳ ପକ୍ଷରୁ ରକ୍ତ ଦାନ ଶିବିର ଅନୁଷ୍ଠିତ ହୋଇ ଯାଇଛି । ଯାଜପୁର ଜିଲ୍ଲା ଧର୍ମଶାଳା ବିଜୁ ଛାତ୍ର ଜନତା ଦଳ ପକ୍ଷରୁ ଜାରକା ସ୍ଥିତ କଳ୍ପତରୁ ଦାସ ଷ୍ଟାଡିଅମ ପରିସରରେ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି  । କୋଭିଡ ମହାମାରୀ ସମୟରେ ରକ୍ତ ଭଣ୍ଡାର ରେ କେଉଁଭଳି ରକ୍ତର ଶଙ୍କଟ ଦେଖା ନ ଦିଏ ସେଥିପାଇଁ ମୁଖ୍ୟମନ୍ତ୍ରୀ ଆହ୍ୱାନ କ୍ରମେ ବିଭିନ୍ନ ସ୍ଥାନରେ ରକ୍ତ ଦାନ ଶିବିର ଅନୁଷ୍ଠିତ ହୋଇଛି  ।

ଏହି ରକ୍ତଦାନ ଶିବିର କୁ ଅନୁଷ୍ଠାନିକ ଭାବେ ଧର୍ମଶାଳା ବ୍ଲକ ଅଧକ୍ଷ ପ୍ରଭାତ ବଳବନ୍ତରାୟ ଉଦଘାଟନ କରିଥିଲେ  । ଶିବିରରେ  50 ୟୁନିଟ ରୁ ଅଧିକ ରକ୍ତ ସଂଗ୍ରହ ପାଇଁ ଲକ୍ଷ୍ୟ ରଖା ଯାଇଛି.କୋଭିଡ କଟକଣା କୁ ପାଳନ କରାଯାଇ ରକ୍ତଦାନ ଶିବିର ଅନୁଷ୍ଠିତ ହୋଇଛି  । ଏଥିରେ ବହୁ ଛାତ୍ର ଛାତ୍ରୀ ପହଂଚି ରକ୍ତଦାନ କରିଥିବା ବେଳେ ଉପସ୍ଥିତ ଅତିଥି ରକ୍ତଦାତା ଙ୍କୁ ଉତ୍ସାହିତ କରିଥିଲେ  ।

ବିଜେପି ପ୍ରତିବାଦରେ ଫସିଗଲା ଆମ୍ବୁଲାନ୍ସ

ଯାଜପୁର: ବିଭିନ୍ନ ଦାବି ନେଇ ବିଜେପି ପକ୍ଷରୁ ରାଜ୍ୟ ବ୍ୟାପି ପ୍ରତିବାଦ କରି ଜାତୀୟ ରାଜପଥ ଅବରୋଧ କରାଯାଇଛି ।  ଯାଜପୁର ଜିଲ୍ଲା ଧର୍ମଶାଳା ବ୍ଲକ ବିଜେପି ପକ୍ଷରୁ ମଧ୍ୟ 16 ନମ୍ବର ଜାତୀୟ ରାଜପଥ ପ୍ରତିବାଦ କରାଯାଇ ଥିଲା  । ଧର୍ମଶାଳା ବିଜେପି ନେତ୍ରୀ ସ୍ମୃତିରେଖା ପହି ଙ୍କ ନେତୃତ୍ୱ ରେ ବହୁ ବିଜେପି କର୍ମୀ ସାମିଲ ହୋଇ ରାସ୍ତା ରୋକ କରିଥିଲେ ଯାହା ଫଳରେ ବହୁ ଗାଡି ମଟର ଅଟକି ରହିଥିଲା  । ଏବଂ ସବୁଠାରୁ ବଡ଼ କଥା ହେଉଛି ଏହି ପ୍ରତିବାଦ ଭିତରେ ଫସିଯାଇଥିଲା ଏକ ଆମ୍ବୁଲାନ୍ସ  ।

ପ୍ରତିବାଦ ଯୋଗୁଁ ରାସ୍ତା ଘାଟ ବନ୍ଦ ହୋଇଥିବାବେଳେ ଗାଡ଼ି ମଟର ଯିବା ଆସିବାରେ ବାଧା ସୃଷ୍ଟି ହୋଇଥିଲା  ।   ଯାହା ଫଳରେ ଏକ ଆମ୍ବୁଲାନ୍ସ ସେବା ମଧ୍ୟ ବାଧାପ୍ରାପ୍ତ ହୋଇଛି  । ଆମ୍ବୁଲାନ୍ସ ଟି ଜାରକା ରୁ ଜାତୀୟ ରାଜପଥ ଦେଇ ଯାଉଥିବା ବେଳେ ଗାଡି ଜାମ୍ ହେତୁ କିଛି ସମୟ ଅଟକି ରହିଥିଲା  । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଏହାକୁ ନିନ୍ଦା କରାଯାଇଛି  ।

ଭୁବନେଶ୍ୱରରେ ବ୍ୟାଙ୍କକ୍ ମାହୋଲ, ସ୍ମାର୍ଟ ହେଉଛନ୍ତି ଦେହ ଦଲାଲ୍

ଭୁବନେଶ୍ୱର: ରାଜଧାନୀରେ ବ୍ୟାଙ୍କକ୍ ମାହୋଲ  । ବଡି ମସାଜ ସାଙ୍ଗକୁ ସେକ୍ସର ମଜ୍ଜା  । ଟାଇମ ପାସ ପାଇଁ ପେଡ ଗାର୍ଲଫ୍ରେଣ୍ଡ  ।  ଭୁବନେଶ୍ବର ସିଟି ସ୍ମାର୍ଟ ହେଉଛି, ଦେହ ଦଲାଲ ବି ସ୍ମାଟ ହେଉଛନ୍ତି । ନିଜ ବ୍ୟବସାୟ ପାଇଁ ଆପଣାଉଛନ୍ତି ନୂଆ ତରିକା । ଅନଲାଇନ ମାଧ୍ୟମରେ ଏବେ ଚାଲୁଛି ବେପାର । ଓ୍ବେବସାଇଟ ଜରିଆରେ ହେଉଛି ସେକ୍ସ ଡିଲ । ବିଗତ ୬ ବର୍ଷରେ ରାଜଧାନୀରେ ୭୭ ସେକ୍ସ ରାକେଟ ଠାବ ହୋଇଛି । ୨୫୪ ଜଣ ଗରାଖ ଓ ମାଲିକଙ୍କୁ ଗିରଫ କରାଯାଇଥିବା ବେଳେ ୨୦୭ ରୂପଜୀବୀଙ୍କୁ ସର୍ଟ ଷ୍ଟେହୋମ କୁ ପଠାଯାଇଛି ।

ସେପଟେ ଦେହଜୀବୀକୁ ଧରି ପୋଲିସ ଛାତି କୁଣ୍ଢେମୋଟ କରି ବୁଲୁଥିବା ବେଳେ ରାଣୀ ମହୁମାଛି ପାଖରେ କିନ୍ତୁ ପହଞ୍ଚି ପାରୁନାହିଁ । କୋଲକତାରୁ ସେକ୍ସ ଟ୍ରେଡ଼ କଣ୍ଟ୍ରୋଲ ହେଉଛି । ସହରର କିଛି ହୋଟେଲରେ ଲେଟ ନାଇଟ ପାର୍ଟି ଆଳରେ ଦେହର ଆସର ଜମୁଛି । ଭୁବନେଶ୍ୱର ସେକ୍ସ ସିଟି ପାଲଟି ଯାଇଥିବା କହିଛନ୍ତି ବରିଷ୍ଠ ଆଇନଜୀବୀ । ୨୦୧୪ରୁ ୨୦୧୬ ମଧ୍ୟରେ କ୍ୟାପିଟାଲ ଥାନା ଅନ୍ତର୍ଗତ ନିର୍ମଳ ପ୍ୟାଲେସ,ଜନ୍ନତ ପ୍ୟାଲେସ, ଚନ୍ଦ୍ରଶେଖରପୁର ଥାନାର ମୈତ୍ରୀ ଗେଷ୍ଟ ହାଉସ, ଲକ୍ଷ୍ମୀସାଗର ଥାନା ଅଧିନ ଖୁସବୁ ବିଉଟି ପାର୍ଲର,ୱାନଷ୍ଟାର ବିୟୁଟି ପାର୍ଲର ଓ ବୃନ୍ଦାବନ ଏନକ୍ଲେବ୍ ପ୍ରମୁଖ ୧୨ ଟି ଘରକୁ ବେଶ୍ୟାଳୟ ଘୋଷଣା କରାଯାଇଥିଲା ।

ପରେ ଖାରବେଳ ନଗର ଥାନା ଅଞ୍ଚଳରେ ଥିବା ହେଭେନ୍ ଥାଇ ସ୍ପା ଓ ବାପୁଜିନଗର ରେ ଥିବା ‘ଏଚ୍‌ ଟୁ ସ୍ପା’ରେ ଛାପା ମାରି ପୋଲିସ କିଛି ଥାଇଲାଣ୍ଡ ଯୁବତୀଙ୍କୁ ଉଦ୍ଧାର କରିଛି । ମାମଲାରେ ସମ୍ପୃକ୍ତ ଯୁବତୀଙ୍କ ଭିସା କୁ କଳା ତାଲିକା ଭୁକ୍ତ କରିବା ପାଇଁ ଗୃହ ବିଭାଗକୁ ଚିଠି ଲେଖିଥିଲା । କିନ୍ତୁ ଘରମାଲିକ ଅଧିକାଂଶ କ୍ଷେତ୍ରରେ ଶିଳ୍ପପତି, ପ୍ରତିପତ୍ତିଶାଳୀ ଓ ରାଜନେତା ହୋଇଥିବାରୁ ହାତବାନ୍ଧି ବସିପଡିଛି କମିଶନରେଟ ପୋଲିସ।

୫୬ ବରିଷ୍ଠ ଇକୋନୋମିକ ଇନଭେଷ୍ଟିଗେଟରଙ୍କୁ ନିଯୁକ୍ତି ଦେଲେ ସରକାର

ଭୁବନେଶ୍ୱର: ଯୋଜନା ଓ ସଂଯୋଜନ ବିଭାଗରେ ବରିଷ୍ଠ ଇକୋନୋମିକ ଇନଭେଷ୍ଟିଗେଟରଙ୍କୁ ନିଯୁକ୍ତି । କାର୍ଯ୍ୟରେ ଯୋଗଦେଲେ ୫୬ ବରିଷ୍ଠ ବିତ୍ତୀୟ ଅନୁସନ୍ଧାନକାରୀ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ସରକାର ସମତୁଲ ଆଞ୍ଚଳିକ ବିକାଶରେ ଗୋଷ୍ଠୀର ଯୋଗଦାନକୁ ଗୁରୁତ୍ୱ ଦେଇଆସୁଛନ୍ତି । ଆଞ୍ଚଳିକ ଯୋଜନା ସମ୍ପର୍କୀତ ତଥ୍ୟ ଅନୁସନ୍ଧାନ ସହ ଯାଞ୍ଚ କରିବେ ଏହି ବିତ୍ତୀୟ ଅନ୍ୱେଷକ । ଜିଲ୍ଲାସ୍ତରୀୟ ଯୋଜନା ପ୍ରସ୍ତୁତିରେ ମଧ୍ୟ ଏମାନଙ୍କ ଗୁରୁତ୍ବପୂର୍ଣ୍ଣ ସହଯୋଗ ରହିବ ।

ଏହା ନ୍ୟାୟୋଚିତ ଓ ସମତୁଲ ବିକାଶକୁ ସୁନିଶ୍ଚିତ କରିବ ବୋଲି ମୁଖ୍ୟମନ୍ତ୍ରୀ ଆଶା କରିଛନ୍ତି । ବିକାଶ ଲକ୍ଷ୍ୟ ହାସଲ କରିବାକୁ ନିର୍ଦ୍ଦିଷ୍ଟ ଯୋଜନା କରାଗଲେ ଏହାଦ୍ୱାରା ଆଞ୍ଚଳିକ ବୈଷମ୍ୟ ଦୂର ହେବ । ଦକ୍ଷତାର ସହ ରାଜ୍ୟର ବିକାଶ ପାଇଁ କାର୍ଯ୍ୟକରିବା ସହ ଫଳପ୍ରଦାନକାରୀ ଯୋଜନା ପ୍ରସ୍ତୁତ କରିବାକୁ ନୂତନ ଅଧିକାରୀମାନଙ୍କୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି । କାର୍ଯ୍ୟକ୍ରମକୁ 5T ସଚିବ ପରିଚାଳନା କରିଥିଲେ ।

ଚୋର ଖୋଜିବାକୁ ଯାଇଥିବା ପୋଲିସକୁ ଆକ୍ରମଣ, ଘରେ ପୋଲିସ କୁକୁର ପଶିବାରୁ ଗୋଡ଼ାଇ ଗୋଡ଼ାଇ ମାଡ଼

ଜଗତସିଂହପୁର: ଚୋର ଖୋଜିବାକୁ ଯାଇଥିବା ପୋଲିସକୁ ଆକ୍ରମଣ  ।   ତିର୍ତ୍ତୋଲ ଥାନା ତେରମାଣପୁର ବାଲିସାହିର ତୋଟାସାହି ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା  । ସୂଚନା ମୁତାବକ ଗାଁ ମନ୍ଦିରର ଗ୍ରାମ ଦେବତୀଙ୍କ ମନ୍ଦିରରୁ ଗତ କାଲି ବିଲମ୍ବିତ ରାତ୍ରରେ କେହି ଦୁର୍ବୁତ୍ତ ଘଣ୍ଟ,ହୁଣ୍ଡି,ପଇସା,ସୁନାରୁପା ଚୋରି ହୋଇଥିବା ନେଇ ଗ୍ରାମବାସୀଙ୍କ ଦ୍ୱାରା ଅଭିଯୋଗ ହୋଇଥିଲା  । ଏହି ଘଟଣାକୁ ନେଇ ଆଜି ତିର୍ତ୍ତୋଲ ଥାନା ପୋଲିସ ଘଟଣା ସ୍ଥଳକୁ ତଦନ୍ତ କରିବାକୁ ଯାଇଥିଲେ। ହେଲେ ଯାହା ଘଟିଥିଲା ତାହା ଥିଲା ସାଂଘାତିକ  ।

ପୋଲିସ ସେଠାରେ ପହଁଚିବାପରେ ଡ୍ରଗ୍ସ ସ୍କ୍ୱାର୍ଡ ପହଞ୍ଚି ଥିଲା। ପୋଲିସ କୁକୁର ଯୁଆଡେ ଗଲା ପୋଲିସ ତା ପଛ ପଛ ଚାଲିଲା। ଏହି ସମୟରେ ଉକ୍ତ ଗ୍ରାମର ନନ୍ଦୁ ବରାଳ ଘରେ କୁକୁର ପଶିଥିଲା  । ସେପଟେ କୁକୁର ନନ୍ଦୁ ଘରେ ପଶିବାରୁ ପୋଲିସ ତାଙ୍କ କବାଟ ବାଡେଇଲା ଘରୁ ନନ୍ଦୁ କରୋନା ହୋଇଥିବା କହି ପ୍ରଥମେ କବାଟ ଖୋଲି ନଥିଲେ  । ପରେ କବାଟ ଖୋଲିବା ସହ ପୋଲିସ ବେକରେ ଖଣ୍ଡା ଲଗାଇଥିଲେ ଏବଂ ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିବା ଜଣାପଡ଼ିଛି।

ପଶ୍ଚିମବଙ୍ଗରେ ଲାଗୁ ହେବ କି ରାଷ୍ଟ୍ରପତି ଶାସନ ? ଶୁଣାଣି କରିବେ ସୁପ୍ରିମକୋର୍ଟ

କୋଲକାତା: ସୁପ୍ରିମକୋର୍ଟରେ ପହଁଚିଥିବା ମାମଲାର ଶୁଣାଣି  ଜାରି ରହିଛି  । ପଶ୍ଚିମବଙ୍ଗରେ ଜାରି ରହିଥିବା ହିଂସାକୁ ନେଇ ସୁପ୍ରିମକୋର୍ଟରେ ପହଁଚିଥିଲା ମାମଲା  । ରାଜ୍ୟରେ ରାଷ୍ଟ୍ରପତି ଶାସନ ଲାଗୁ କରିବା ନେଇ ଯାଚିକା ଦାଖଲ ହୋଇଥିବାବେଳେ ଆଜି ଶୁଣାଣୀ ହୋଇଛି  । ନିର୍ବାଚନ ପରେ ରାଜ୍ୟରେ ଯେଉଁଭଳି ହିଂସା ଦେଖିବାକୁ ମିଳିଛି ତାହାକୁ ନେଇ କ୍ଷୋଭ ପ୍ରକାଶ କରିଛନ୍ତି ଅଦାଲତ  । ସେପଟେ ଏହି ମାମଲାରେ ରାଜ୍ୟରେ ରାଷ୍ଟ୍ରପତି ଶାସନ ଲାଗୁ କରିବା ପ୍ରସଙ୍ଗରେ ଶୁଣାଣି କରିବା ନେଇ ସହମତି ପ୍ରକାଶ କରିଛନ୍ତି ସୁପ୍ରିମକୋର୍ଟ  । ଯାହା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପ୍ରତି ଅଡୁଆ ପରିସ୍ଥିତି ସୃଷ୍ଟି କରିବା ନେଇ ଅନୁମାନ କରାଯାଉଛି  ।

ସେପଟେ ଆଜି ସୁପ୍ରିମକୋର୍ଟ ପଶ୍ଚିମବଙ୍ଗ ହିଂସାକୁ ନେଇ କେନ୍ଦ୍ର,ରାଜ୍ୟ ଏବଂ ନିର୍ବାଚନ ଆୟୋଗକୁ ଚିଠି ଲେଖିଛନ୍ତି ସୁପ୍ରିମକୋର୍ଟ  । କିଭଳି ପରିସ୍ଥିତିରେ ହିଂସକାଣ୍ଡ ଘଟିଲା ତାହା ଜାଣିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି । ପଶ୍ଚିମବଙ୍ଗ ହିଂସାକାଣ୍ଡକୁ ନେଇ ସୁପ୍ରିମକୋର୍ଟରେ ଆବେଦନ ଦାୟର କରିଥିଲେ ରଞ୍ଜନ ଅଗ୍ନିହୋତ୍ରି ଓ ଅନ୍ୟ ଜଣେ ବ୍ୟକ୍ତି । ମେ ୨ ତାରିଖରେ ପଶ୍ଚିମବଙ୍ଗରେ ହୋଇଥିବା ହିଂସାକାଣ୍ଡର ଏସଆଇଟି ତଦନ୍ତ କୋର୍ଟଙ୍କ ତତ୍ତ୍ବାବଧାନରେ କରିବା ପାଇଁ ଆବେଦନରେ ଦର୍ଶାଯାଇଛି ।

ଏଭଳିକି କେନ୍ଦ୍ର ସରକାର ପଶ୍ଚିମବଙ୍ଗରେ ରାଷ୍ଟ୍ରପତି ଶାସନ ଲାଗୁ କରିବା ସହ କେନ୍ଦ୍ରୀୟ ସୁରକ୍ଷା ବଳ ନିୟୋଜିତ କରିବା ପାଇଁ କୋର୍ଟରେ କହିଛନ୍ତି ଆବେଦନକାରୀ । ନିର୍ବାଚନ ପରେ ପଶ୍ଚିମବଙ୍ଗରେ ହୋଇଥିବା ହିଂସାକାଣ୍ଡକୁ ନେଇ ରାଜନୀତି ଜାରି ରହିଥିବାବେଳେ ସୁପ୍ରିମକୋର୍ଟ ଏବେ ନୋଟିସ୍ ଜାରି କରିଛନ୍ତି ।

ଲକଡାଉନରେ ଲୁଟ, ଜୁନ ମାସରେ ସାଇବର ଲୁଟେରା ଲୁଟିନେଲେ ଦେଢ କୋଟି ଟଙ୍କା

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଲକଡାଉନରେ କେତେ କମିଛି ସାଇବର ଅପରାଧ  । ଅପରାଧି ସକ୍ରୀୟ ଅଛନ୍ତି ନା ନିଷ୍କ୍ରୀୟ  । ଏହାରି ଭିତରେ ସାଇବର ହେଲ୍ପ ଡେସ୍କର ଜୁନ ମାସର ଠକେଇ ରିପୋର୍ଟ ପ୍ରକାଶ ପାଇଛି। ଗୋଟେପଟେ ରାଜଧାନୀରେ ପ୍ରତ୍ୟକ୍ଷ ଭାବେ ଅପରାଧ କମିଥିଲେ ସୁଦ୍ଧା ଅନଲାଇଲରେ ଜମିଛି ବେପାର  । କାରଣ ରାଜଧାନୀ ଭୁବନେଶ୍ୱରରୁ କେବଳ ଜୁନ ମାସରେ ସାଇବର ଲୁଟେରା ଲୁଟିନେଇଛନ୍ତି ୮୦ ଲକ୍ଷରୁ ଅଧିକ ଟଙ୍କା  । ଆଜି ଏନେଇ ସୂଚନା ପ୍ରଦେନ କରିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାସ  ।

ଡିସିପି ଦେଇଥିବା ସୂଚନା ଅନୁସାରେ ଜୁନ ମାସରେ ମୋଟ ୪୬୩ ଟି ମୋଟ କଲ ଆସିଛି। କେବଳ ଭୁବନେଶ୍ୱରରେ 229ଟି କଲ ଆସିଛି। ଓଡ଼ିଶାରୁ ମୋଟ ଏକ କୋଟି ୫୩ ଲକ୍ଷ ୨୯ ହଜାର ଟଙ୍କା ଠକେଇ ହୋଇଥିବା ବେଳେ ଭୁବନେଶ୍ୱର ରୁ ୮୩ ଲକ୍ଷ ୮ ହଜାର ଠକେଇ ହୋଇଛି। ସେପଟେ ପୋଲିସ  ସାଇବର ଅପରାଧୀଙ୍କ ଆକାଉଣ୍ଟାରୁ ୧୬ ଲକ୍ଷ ୫ ହାଜର ଫେରେଇ ଆଣିବାରେ ସକ୍ଷମ ହୋଇଛି । ଜୁନ ମାସରେ ସାଇବର ସେଫ ପୋର୍ଟାଲ ଦ୍ୱାରା ୬୭ଟି ନମ୍ବର ବ୍ଳକ କରଯାଇଛି। ୟୁପିଆଇ ଫ୍ରଡ଼, କ୍ରେଡ଼ିଟ ଓ ଡେବିଟ ଦ୍ୱାରା ଅଧିକ ଠକେଇ ହୋଇଥିବା କହିଛନ୍ତି ଜିସିପି  ।

Rauf Merchant: ଗୁଲଶନ କୁମାରଙ୍କ ହତ୍ୟାକାରୀକୁ ଆଜୀବନ କାରାଦଣ୍ଡ

ନୂଆଦିଲ୍ଲୀ: କ୍ୟାସେଟ୍ କିଙ୍ଗ ବୋଲାଉଥିବା ଗୁଲଶନ କୁମାରଙ୍କୁ ମାରିବା ଲାଗି ଦାଉଦ ଦୁଇ ସାର୍ପ ସୁଟରଙ୍କୁ ଠିକ୍ କରିଥିଲା। ମନ୍ଦିରରୁ ବାହାରିବା ବେଳେ ଗୁଲଶନଙ୍କ ଉପରେ ଆଖିବୁଜା ଗୁଳି ଚାଳନା ହୋଇଥିଲା। ଟି-ସିରିଜ୍ ମାଲିକ ଗୁଲଶନ କୁମାରଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ରଉଫ୍ ମର୍ଚାଣ୍ଟଙ୍କୁ ବମ୍ବେ ହାଇକୋର୍ଟରୁ ମଧ୍ୟ ନିରାଶ ହେବାକୁ ପଡିଛି । ୨୦୦୨ ମସିହାରେ ସେସନ କୋର୍ଟ ମର୍ଚାଣ୍ଟଙ୍କୁ ଆଜୀବନ କାରାଦଣ୍ଡାଦେଶ ଶୁଣାଇଥିଲେ। କିଛି ଏଭଳି ଥିଲା ଘଟଣା…

ରଉଫ୍ ୨୦୦୯ ମସିହାରେ ନିଜ ଅସୁସ୍ଥ ମାଙ୍କୁ ଦେଖା କରିବାକୁ ପାରୋଲରେ ଯାଇଥିବା ବେଳେ ବାଂଲାଦେଶ ଫେରାର ହୋଇଯାଇଥିଲା। ହେଲେ ଏକ ନକଲି ପାସପୋର୍ଟ ମାମଲାରେ ବାଂଲାଦେଶ ପୋଲିସ ତାକୁ ଗିରଫ କରିଥିଲା ବେଳେ ନଭେମ୍ବର ୨୦୧୬ରେ ରାଉଫ ଭାରତୀୟ ପୋଲିସର ଅକ୍ତିଆରକୁ ଆସିଥିଲା।

ବାଂଲାଦେଶ ଯିବାକୁ ଦାଉଦ ଦେଇଥିଲା ନିର୍ଦ୍ଦେଶ-

ବାଂଲାଦେଶରୁ ଫେରିବା ପରେ ରଉଫକୁ ପଚରାଉଚରା କରାଯାଇଥିଲା । ଏହି ସମୟରେ ଫେରାର ହେବା ପାଇଁ ଦାଉଦ୍ ଇବ୍ରାହିମ କହିଥିବା ସ୍ପଷ୍ଟ କରିଥିଲା । ପାରୋଲ୍ ଶେଷ ହେବା ପରେ ଜେଲ ନଯାଇ ବାଂଲାଦେଶ ପଳାଇବାକୁ କହିଥିଲା। ୨୦୧୬ରେ ତାଙ୍କୁ ପଚରାଉଚରା କରିଥିବା କ୍ରାଇମବ୍ରାଞ୍ଚ ଟିମର ଜଣେ ଅଧିକାରୀ କହିଥିଲେ ଯେ ସେ ପ୍ରାୟ ୧୦ ଦିନ ପରିବାର ସହ ବିତାଇବା ପରେ ତାକୁ ଦୁବାଇରୁ କଲ ଆସିଥିଲା। ତା’ପରେ ସେ କୋଲକାତା ବାହାରି ଯାଇଥିଲା ଦାଉଦର ଆଉ ଏକ କାମକୁ ପୂରା କରିବା ପାଇଁ।

ନକଲି ପାସପୋର୍ଟ ମାମଲାରେ ଗିରଫ-

୨୦୧୬ ମସିହା ନଭେମ୍ବର ୧୬ ତାରିଖରେ ମିଡ୍ ଡେ’ରେ ପ୍ରକାଶିତ ଏକ ରିପୋର୍ଟ ଅନୁଯାୟୀ କୋଲକାତାକୁ ଯାଇ ଜଣେ ଏଜେଣ୍ଟକୁ ଦେଖାକରିବାକୁ ରଉଫକୁ ଫୋନ୍ କଲରେ ନିର୍ଦ୍ଦେଶ ଦିଆଯାଇଥିଲା । ନିର୍ଦ୍ଦେଶ ଅନୁସାରେ ସେ ତୁରନ୍ତ ସେଠାକୁ ଯାଇ ଏଜେଣ୍ଟକୁ ଭେଟିଥିଲା। ଯିଏ ତାକୁ ସୀମା ପାର୍ କରାଇବାରେ ସହଯୋଗ କରିଥିଲା। ସେଠାରେ ତାକୁ ସାହାଯ୍ୟ କରିଥିଲା ଆଉ ଜଣେ ଏଜେଣ୍ଟ, ଯିଏକି ନକଲି ପାସପୋର୍ଟ ତିଆରି କରିବା ସହ ଦୁବାଇ ପଠାଇଥିଲା ।

୨୦୧୬ରେ ବାଂଲାଦେଶରୁ ଭାରତ ଫେରିଥିଲା-
ପାରୋଲରୁ ଫେରାର ହେବା ଅଭିଯୋଗରେ ମୁମ୍ବାଇ ପୋଲିସ ମର୍ଚାଣ୍ଟ ବିରୋଧରେ ମାମଲା ରୁଜୁ କରିଥିଲା। ଏମିତିକି ଦୁବାଇ ଯିବାକୁ ଉଦ୍ୟମ କରୁଥିବା ରାଉତ ବାଂଲାଦେଶ ପୋଲିସର ହାତରେ ଧରାପଡିଥିଲା। ତାଙ୍କୁ ୫ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା। ପରେ ୨୦୧୪ ମସିହାରେ ଜେଲରୁ ବାହାରିଥିଲେ ମଧ୍ୟ ଆତଙ୍କବାଦୀଙ୍କ ସହ ଲିଙ୍କ୍ ନେଇ ପୁନର୍ବାର ତାକୁ ଗିରଫ କରାଯାଇଥିଲା। ସେପଟେ ରାଉଫ ଦୁଇ ବର୍ଷ ବାଂଲାଦେଶର ଜେଲରେ ରହିବା ପରେ ମୁକୁଳିଥିଲା । ହେଲେ ଦୁର୍ଭାଗ୍ୟବଶତଃ ଭାରତୀୟ ଏଜେନ୍ସି ହାତରେ ସା ଧରା ପଡିଥିଲା ।

ଲକଡାଉନରେ କମିଛି ଅପରାଧ, ସାବାଡ଼ ହୋଇଛନ୍ତି ଅମାନିଆ

ଭୁବନେଶ୍ୱର: ଲକଡାଉନରେ ଅପରାଧ ନିୟନ୍ତ୍ରଣ ଓ ଅମାନିଆକୁ ସାବାଡ଼ କରିବାରେ ସଫଳ ହୋଇଛି କମିଶରେଟ ପୋଲିସ। ଡିଜିଟାଲ ପଣ୍ଡା ଆପଣେଇ ସାଇବର କ୍ରାଇମ ହେଉ ବା ଅପରାଧକୁ ରୋକିବା ସବୁଥିରେ ସଫଳ ପୋଲିସ । ଜୁନ ମାସରେ ଅପାରାଧ ଓ ଅପରାଧୀ ଉପରେ ରୋକ ଲଗାଇଛି ପୋଲିସ। ଭୁବନେଶ୍ୱର ଗଠନ ହୋଇଥିବ popd ଓ ଟିମ 60କୁ ସଫଳତା ମିଳିଛି। ୧୩୯ ଜଣକୁ ଗିରଫ କରିଥିବା ବେଳେ ୨୧ ଜଣ ଦୁର୍ଦ୍ଦାନ୍ତଙ୍କୁ ୧୧୦ରେ ବୁକ କରିଛି ପୋଲିସ। ୬୨୩ ଗ୍ରାମ ବ୍ରାଉନସୁଗର ୧୫୭ ଗ୍ରାମ ଚୋରି ସୁନା, ୩୩ଟି ଯାନବାହନ, ୮୩ଟି ମୋବାଇଲ , ୯ଟି ଲାପଟପ,2 ଟି ଏସି , 207 ଲିଟର ବେଇଆନ ମଦ ଜବତ କରିଛି  ।

ସେହିପରି ୧୨ଟି ବେଟିରି ଓ ନଗଦ ୧୦ଲକ୍ଷ ୧୧ ହଜାର ଟଙ୍କା ଜବତ ହୋଇଛି। ଅପାରାଧୀ ମାନକୁ ରୋକ ଲଗେଇବାକୁ ଏବେ କୁଣ୍ଡଳୀ ଓ ସନ୍ଧାନ ଆପ ଲଞ୍ଚ ହୋଇଛି। ସେପଟେ ଲକଡାଉନର ଦୂତୀୟ ପର୍ଯ୍ୟୟରେ ଭୁବନେଶ୍ୱରରେ ଅମନିଆଙ୍କ ଠାରୁ ଅଧକୋଟି ଟଙ୍କାର ଫାଇନ ସଂଗ୍ରହ କରିଛି ଭୁବନେଶ୍ୱର ସହରାଂଚଳ ପୋଲିସ। ଗତ ମେ 5 ତାରିଖରୁ ଜୁନ 30 ତାରିଖ ପଯ୍ୟନ୍ତ ୪୭୬୫୮  ଜଣ ଉଲଙ୍ଘନକାରୀଙ୍କ ଠାରୁ ୪୯ଲକ୍ଷ୨୧ହଜାର ୩୫୦ଟଙ୍କ ଆଦାୟ କରାଯା୪ଇଥିବା ସୂଚନା ଦେଇଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାସ  ।

ସେହିଭଳି ଏକାଧିକ ଦୋକାନ ସିଲ କରାଯାଇଛି। କେବଳ ଜୁନ ମସାରେ 25397 ଜଣଙ୍କ ଠାରୁ 29 ଲକ୍ଷ 98 ହଜାର 300 ଟଙ୍କା ଫାଇନ ଆଦାୟ ହୋଇଛି। ଆଗକୁ ତୃତୀୟ ଲହର ଆସୁଥିବା ବେଳେ କଟକଣା କଡ଼କଡି କରିଛି ପୋଲିସ। ଆଗକୁ ପୋଲିସ ର ପାଟ୍ରୋଲିଂ ଜୋରଦାର କରାଯିବ  । ଯେଉଁମାନେ ଆଇନକୁ ଆବମାନନା କରୁଥିବେ ସେମାନଙ୍କର ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦେଇଛନ୍ତି ଜିସିପି ଉମାଶଙ୍କର ଦାସ  ।