spot_img
Home Blog Page 5786

ମଙ୍ଗଳ ଗ୍ରହରେ ସ୍ଥାପନ ହେବ ଜନବସତି

ମା କୋଳରୁ ଆ ଜହ୍ନମାମୁ ଶରଗ ଶଶୀ ଗୀତ ଶୁଣିଥିବା ମଣିଷ ଆଜି ସତରେ ଜହ୍ନ ରାଇଜରେ ଜାଗା କିଣିଛି । ପୃଥିବୀରେ ଥାଇ ଆକାଶକୁ ଚାହିଁ ଚାହିଁ ମହାକାଶ ଭ୍ରମଣର ସ୍ୱପ୍ନ ବି ସତ ହୋଇଛି । ପୃଥିବୀ ବାହାରେ ସେ ଦେଖିଛି ଆଉ ଏକ ପୃଥିବୀ ଗଢିବାର ସ୍ବପ୍ନ । ତେବେ ସେ ସ୍ୱପ୍ନ ଆଉ ବେଶୀ ଦୂର ନୁହେଁ । କାରଣ ବର୍ତ୍ତମାନ ପୃଥିବୀ ବାହାରେ ଜୀବନ ସତ୍ତା ଖୋଜୁଛନ୍ତି ବୈଜ୍ଞାନିକ । ଏହି ସମୟରେ ଲାଲ ଗ୍ରହରେ ମଣିଷ ବସତି ସ୍ଥାପନ କରିବାର ଆଶା ସଞ୍ଚାର ହୋଇଛି । ସତରେ କଣ ପୃଥିବୀରୁ ମଙ୍ଗଳ ଗ୍ରହର ସ୍ୱପ୍ନ ସତ ହେବ ? କେମିତି ମହାକାଶ ଦେଇ ମଙ୍ଗଳରେ ପହଞ୍ଚିବ ମଣିଷ? ଆସନ୍ତୁ ଜାଣିବା

ଦୁନିଆର ଅନେକ ଶକ୍ତିଶାଳୀ ରାଷ୍ଟ୍ର ରେଡ୍ ପ୍ଲାନେଟରେ ଜୀବନ ସନ୍ଧାନରେ ଥିବା ବେଳେ ABIBOOS STUDIOS ଓ SONet ନାମକ ୨ଟି ବୈଜ୍ଞାନିକ ସଂସ୍ଥା ଏନେଇ ଆଉ ୨ପାଦ ଆଗକୁ ବଢିଛି । ମଙ୍ଗଳରେ ଜନବସତି ଓ ସ୍ଥାୟୀ ସହରସ୍ଥାପନ କରିବା ନେଇ ଏହି ସଂସ୍ଥାର ମୁଖ୍ୟ ଗିଲେମ ଅଙ୍ଗଲାଡା ସ୍ପଷ୍ଟ କରିଛନ୍ତି । ମଙ୍ଗଳ ଗ୍ରହରେ ପୃଥିବୀ ପରି ସହର ବା ମେଗାସିଟି ନିର୍ମାଣ ହେବ । ଯାହାର ନାଁ ନ୍ୟୁଆ (NUWA) ରହିବ ବୋଲି ଗିଲେମ କହିଛନ୍ତି । ABIBOOS ସଂସ୍ଥାର ସଂସ୍ଥାପକ ଓ ମୁଖ୍ୟ ଆର୍କିଟେକ୍ ଆଲଫ୍ରେଡୋ ମୁନୋଜ ଓ ତାଙ୍କ ଟିମ ଏହି ସହରର ଡିଜାଇନ ତିଆରି କରିଛନ୍ତି । ଯେଉଁଥିରେ ଆଉ ଏକ ପୃଥିବୀର ଭ୍ରମ ସୃଷ୍ଟି ହୋଇଛି । ଏହି ଡିଜାଇନ ନକ୍ସାରେ ହାଇଡ୍ରୋପୋନିକ ବଗିଚା ସହ ପାର୍କ ମଧ୍ୟ ପରିକଳ୍ପନା କରାଯାଇଛି । ନ୍ୟୁୱାର ଆଖପାଖରେ ୫ଟି ସହର ବସାଇବାର ଯୋଜନା କରାଯାଇଛି । ଉତ୍ତରରେ ଆବୋଲାସ ଯାହା ନର୍ଥ ପୋଲ୍ରୁ ବରଫ କାଢି ସେଥିରୁ ପାଣି ଓ ଅନ୍ୟ ନିର୍ମାଣ କାର୍ଯ୍ୟ କରିବାରେ ସାହାଯ୍ୟ କରିବ । ସେହିପରି ମ୍ୟାରିନେରିସ ସିଟି ସବୁଠୁ ବଡ ଭ୍ୟାଲିରେ ତିଆରି ହେବ । ଏହି ସହରଗୁଡିକର ରାଜଧାନୀ ନ୍ୟୁୱା ରହିବ ।
ସତରେ କଣ ମଙ୍ଗଳ ଗ୍ରହରେ ବସତି ସ୍ଥାପନ ହୋଇପାରବ? କେମିତି ସେଠାରେ ପୃଥିବୀ ପରି ପରିବେଶ ସୃଷ୍ଟି କରିହେବ ଆସନ୍ତୁ ଜାଣିବା ।
ମଣିଷ ବଞ୍ଚିବା ପାଇଁ ଏକ ତାକୁ ସୁହାଇଲା ଭଳି ପରିବେଶ ଆବଶ୍ୟକ । ତେବେ ମଙ୍ଗଳରେ ସେହି ପରିବେଶ ପ୍ରଥମେ ସୃଷ୍ଟି କରାଯିବ । ମଙ୍ଗଳରେ ସହର ନିର୍ମାଣ ପାଇଁ ଏମିତି କିଛି ସ୍ଥାନ ଚୟନ କରାଯିବ ଯେଉଁଠାରେ ଆବଶ୍ୟକ ଭିତ୍ତିଭୂମି ରହିଥିବ । ୨୦୫୪ ମସିହା ସୁଦ୍ଧା ରେଡ୍ ପ୍ଲାନେଟରେ ସହର ନିର୍ମାଣ କାମ ଆରମ୍ଭ ହେବ । ସହର ତିଆରି ପାଇଁ ଆବଶ୍ୟକୀୟ ସାମଗ୍ରୀ ମଙ୍ଗଳରୁ ହିଁ ଠାବ କରାଯିବ ବୋଲି ବୈଜ୍ଞାନିକ କହିଛନ୍ତି । ୨୧୦୦ମସିହା ସୁଦ୍ଧା ପ୍ରାୟ ଅଢେଇ ଲକ୍ଷ ଲୋକ ସେଠାରେ ବସତି ସ୍ଥାପନ କରିବେ । ଏହି ସହରରେ ଡିଜାଇନ ଦୁନିଆର ବିଶିଷ୍ଟ ବୈଜ୍ଞାନିକ ମିଶି ତିଆରି କରିଛନ୍ତି ।
ଆପଣ ଭାବୁଥିବେ ଏହି ସହରର ନାମକରଣ ନ୍ୟୁୱା ହେବା ପଛର କାରଣ କଣ?
ନ୍ୟୁୱା ନାଁଟି ଚୀନ ପୁରାଣରୁ ଆସିଛି । ନ୍ୟୁୱା ଚୀନ୍ ପୁରାଣର ସେହି ଚରିତ୍ର ବା ଭଗବାନ ଯାହାଙ୍କ ଦାୟିତ୍ୱ ହେଉଛି ବ୍ରହ୍ମାଣ୍ଡ ନିର୍ମାଣ ସହ ତାହାର ରକ୍ଷଣାବେକ୍ଷଣ । ଟିମ ଆଲୋଚନା କରିବା ବେଳେ ଏହା ଉପରେ ବେଶୀ ଧ୍ୟାନ ଦେଇଥିଲା । କାରଣ ପ୍ରତି ଦେଶରେ ବ୍ରହ୍ମାଣ୍ଡ ତିଆରି ପଛରେ ଦେବା ଦେବୀଙ୍କ ସଂଶ୍ଲିଷ୍ଟ ଥିବା ନଜିର ରହିଛି ।

ଖୋଜୁଥିଲେ ମାଛ ମିଳିଲା କୁମ୍ଭୀର: ଘୋଡ଼ାହାଡ଼ ଡ୍ୟାମ୍‌ରେ ଛାଡ଼ିଲେ ବନ କର୍ମଚାରୀ

ଦିଗପହଣ୍ଡି: ଦିଗପହଣ୍ଡି ରେଞ୍ଜରେ ଏକ କୁମ୍ଭୀର ଉଦ୍ଧାର ହୋଇଥିବା ଜଣାପଡ଼ିଛି  । ଶଙ୍କରଖାଲି ବନ୍ଧରେ ମାଛ ଧରୁଥିବା ସମୟରେ ଜାଲରେ ଏକ ବୃହତ କୁମ୍ଭୀର ପଡିଯାଇଥିବା ଦେଖିବାକୁ ମିଳିଛି । ସୂଚନା ଅନୁସାରେ, ଶଙ୍କରଖାଲି ବନ୍ଧରେ କିଛି ଯୁବକ ମାଛ ଧରିବାକୁ ବନ୍ଧକୁ ଯାଇଥିଲେ । ହେଲେ ମାଛ ମାରୁଥିବା ସମୟରେ ଏକ କୁମ୍ଭୀର ଜାଲରେ ପଡ଼ିଯାଇଥିଲା । ପରେ ଏହାକୁ ଉଦ୍ଧାର କରି କୁମ୍ଭୀରଟିର ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା  । ଯାଞ୍ଚ ପରେ ସୁରକ୍ଷିତ ଭାବେ ଏହାକୁ ଘୋଡ଼ାହାଡ଼ ଡ୍ୟାମରେ ବନ କର୍ମଚାରୀ ଛାଡ଼ିଥିବା ଜଣାପଡ଼ିଛି । ଏନେଇ ଦିଗପହଣ୍ଡି ରେଞ୍ଜର କାହ୍ନୁ ଚରଣ ପଟ୍ଟନାୟକ ସୂଚନା ଦେଇଛନ୍ତି  ।

ଏଥିସହିତ ପଢ଼ନ୍ତୁ: ନିର୍ଯାତନାର ଶିକାର ପ୍ରବାସୀ ଶ୍ରମିକଙ୍କୁ ଉଦ୍ଧାର କଲେ ସବ୍ୟସାଚୀ: ମାଡ଼ ମାରୁଥିବା ବ୍ୟକ୍ତି ହେଲେ ଗିରଫ

ପିମ୍ପୁଡ଼ି ଖାଉଥିବା ମୃତଦେହକୁ ରାସ୍ତାକଡ଼ରୁ ଉଦ୍ଧାର କଲା ସଂକଳ୍ପ ପରିବାର

ବରଗଡ଼: କରୋନା ବେଳର ଆଉ ଏକ କରୁଣ କାହାଣୀ । ବରଗଡ଼ ଜିଲ୍ଲା ଭଟଲି ଅଞ୍ଚଳରେ ଘଟିଛି ଏକ ହୃଦୟ ବିଦାରକ ଘଟଣା । ଯାହା ଜାଣିଲେ ଆପଣଙ୍କ ଆଖି ବି ଓଦା ହୋଇଯିବ । କରୋନା ଭୟରେ ଲୋକେ ନିଜ ସମ୍ପର୍କୀୟଙ୍କ ଶବ ଛୁଇଁବାକୁ କୁଣ୍ଠା ପ୍ରକାଶ କରୁଥିବା ବେଳେ ୨୦ ରୁ ୩୦ ଘଣ୍ଟା ପର୍ଯ୍ୟନ୍ତ ଶବ ପଡ଼ିରହିଥିବା ଦେଖିବାକୁ ମିଳିଛି । ଯାହା ଅମାନବିକତାର ଏକ ନିର୍ଦ୍ଦଶନ । ଆଜି ବରଗଡ଼ ଜିଲ୍ଲା ଭଟଲି ଅମ୍ବାଭନା ରାସ୍ତାକଡ଼ ଗୋଟିଏ ବୁଦା ମଧ୍ୟରେ ଏକ ମଧ୍ୟ ବୟସ୍କ ବ୍ୟକ୍ତିଙ୍କ ଶବ ପଡ଼ିରହିଥିବା ଦେଖିବାକୁ ମିଳିଥିଲା । କରୋନା ଭୟରେ ଲୋକେ ପାଖ ମାଡୁନଥିଲେ । ଶବଟି କାହାର, ଶବଟି କେଉଁଠୁ ଆସିଲା, ପ୍ରକୃତରେ ପଡ଼ିରହିଥିବା ଲୋକଟି ମୃତ ନା ଜୀବିତ ଏକଥା ଜାଣିବା ପାଇଁ ସୁଦ୍ଧା କେହି ଇଛା ପ୍ରକାଶ କରୁନଥିଲେ । ପରେ ଭଟଲି ପୋଲିସ ବିଭାଗଠୁ ଖବର ପାଇଁ ସଂକଳ୍ପ ପରିବାରର ସଦସ୍ୟ ନିଧାନ ଦନ୍ତା ଓ ଜି. ରମେଶ ଘଟଣାସ୍ଥଳକୁ ଯାଇ ଶବଟିକୁ ଉଦ୍ଧାର କରିଥିଲେ । ବର୍ତମାନ ମୃତ ବ୍ୟକ୍ତିଙ୍କ ଶବ ବରଗଡ଼ ଶବ ସଂରକ୍ଷଣ ଗୃହରେ ରଖାଯାଇଛି ।

ଏଥିସହିତ ପଢ଼ନ୍ତୁ: ପାଟପୁରିଆ ଗାଁରୁ ମାଆ-ଝିଅଙ୍କ ଝୁଲନ୍ତା ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାର ଲୋକେ

ଦେଶର ସବୁଠୁ ଉଚ୍ଚ ଶିବ ମନ୍ଦିର, ପଥରକୁ ବାଡେଇଲେ ଡମ୍ବରୁ ଶବ୍ଦ ଶୁଣାଯାଏ..

ଭାରତରେ ରହସ୍ୟମୟ ଏବଂ ପ୍ରାଚୀନ ମନ୍ଦିରଗୁଡ଼ିକର କୌଣସି ଅଭାବ ନାହିଁ। ଦେଶର କୋଣ ଅନୁକୋଣରେ ପ୍ରସିଦ୍ଧ ମନ୍ଦିର ରହିଛି। ଆଉ ସବୁ ମନ୍ଦିରର କିଛି ନା କିଛି ରହସ୍ୟ ରହିଥାଏ। ତେବେ ଆଜି ଆମେ ଆପଣଙ୍କୁ ଏପରି ଏକ ମନ୍ଦିର ବିଷୟରେ କହିବୁ, ଯାହା ଭିତରେ ଲୁଚି ରହିଛି ଅନେକ ରହସ୍ୟ। ଏମିତିକି ଏହି ମନ୍ଦିରର ପଥରେ ବି ଲୁଚି ରହିଛି ଏକ ରହସ୍ୟ, ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଏହି ପଥରଗୁଡ଼ିକୁ ବାଡେଇଲେ ସେଥିରୁ ମହାଦେବଙ୍କ ଡମ୍ବରୁର ଶବ୍ଦ ଶୁଣାଯାଏ। କୁହାଯାଏ ଯେ ମନ୍ଦିରର ପ୍ରତିଟି କୋଣ ଏଠି ମହାଦେବଙ୍କ ଉପସ୍ଥିତିର ଆଭାସ ଦେଇଥାଏ।

ଏହି ମନ୍ଦିର ଦେବଭୂମି ହିମାଚଳ ପ୍ରଦେଶର ସୋଲାନରେ ଅବସ୍ଥିତ, ଯାହା ଜାଟୋଲି ଶିବ ମନ୍ଦିର ଭାବରେ ଜଣାଶୁଣା। ଦ୍ରାବିଡ଼ ଶୈଳୀରେ ନିର୍ମିତ ଏହି ମନ୍ଦିରର ଉଚ୍ଚତା ପାଖାପାଖି ୧୧୧ ଫୁଟ। ଯାହାକୁ ଏସିଆର ସବୁଠାରୁ ଉଚ୍ଚ ଶିବ ମନ୍ଦିର ବୋଲି ମଧ୍ୟ କୁହାଯାଏ।

ପୂରାଣରେ ଏହି ମନ୍ଦିର ନେଇ ଅନେକ କଥା ପ୍ରଚଳନ ରହିଛି । କୁହାଯାଏ ଯେ ଭଗବାନ ଶିବଙ୍କର ପାଦ ଏହି ମନ୍ଦିରରେ ପଡ଼ିଥିଲା ଆଉ ସେ ଏଠି କିଛି ସମୟ ମଧ୍ୟ ବିତାଇଥିଲେ। ୧୯୫୦ ଦଶକରେ କୃଷ୍ଣାନନ୍ଦ ପରମହଂସ ନାମକ ଜଣେ ବାବା ଏଠାକୁ ଆସିଥିଲେ। ଯାହାଙ୍କ ମାର୍ଗଦର୍ଶନ ଏବଂ ନିର୍ଦ୍ଦେଶନାରେ ଜଟୋଲି ଶିବ ମନ୍ଦିରର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା। ୧୯୭୪ ମସିହାରେ ସେ ଏହି ମନ୍ଦିରର ଭିତ୍ତିପ୍ରସ୍ତର ସ୍ଥାପନ କରିଥିଲେ। ୧୯୮୩ ମସିହାରେ ତାଙ୍କ ଦେହାନ୍ତ ହେବା ପରେ ମଧ୍ୟ ମନ୍ଦିରର ନିର୍ମାଣ କାର୍ଯ୍ୟ ବନ୍ଦ ହୋଇନଥିଲା । ମନ୍ଦିର ପରିଚାଳନା କମିଟି ଦ୍ୱାରା ଏହାର କାର୍ଯ୍ୟ ସମ୍ପନ୍ନ ହୋଇଥିଲା ।

ଜଟୋଲି ଶିବ ମନ୍ଦିରର କାର୍ଯ୍ୟ ସମ୍ପନ୍ନ ହେବା ପାଇଁ ପ୍ରାୟ ୩୯ ବର୍ଷ ସମୟ ଲାଗିଥିଲା। କୋଟି କୋଟି ଟଙ୍କା ବ୍ୟୟରେ ନିର୍ମିତ ଏହି ମନ୍ଦିର ବିଷୟରେ ସବୁଠାରୁ ବିଶେଷ କଥା ହେଉଛି ଯେ, ଏହା ଦେଶ ତଥା ବିଦେଶର ଭକ୍ତଙ୍କ ଦ୍ୱାରା ଦାନ କରାଯାଇଥିବା ଟଙ୍କାରେ ନିର୍ମାଣ କରାଯାଇଛି। ସେଥିପାଇଁ ମନ୍ଦିର ନିର୍ମାଣ ହେବାକୁ ତିନି ଦଶନ୍ଧିରୁ ଅଧିକ ସମୟ ଲାଗିଥିଲା ।

ଏହି ମନ୍ଦିରର ବିଭିନ୍ନ ସ୍ଥାନରେ ବିଭିନ୍ନ ଦେବାଦେବୀଙ୍କ ପ୍ରତିମୂର୍ତ୍ତି ସ୍ଥାପିତ ହୋଇଥିବାବେଳେ ମନ୍ଦିର ଭିତରେ ଏକ ସ୍ଫଟିକ୍ ରତ୍ନ ଶିବଲିଙ୍ଗ ଲଗାଯାଇଛି। ଏହା ବ୍ୟତୀତ ଭଗବାନ ଶିବ ଏବଂ ଦେବୀ ପାର୍ବତୀଙ୍କ ମୂର୍ତ୍ତି ମଧ୍ୟ ଏଠାରେ ସ୍ଥାପନ କରାଯାଇଛି। ଏଥି ସହିତ, ମନ୍ଦିରର ଉପର ମୁଣ୍ଡରେ ୧୧ ଫୁଟ ଉଚ୍ଚର ଏକ ବିରାଟ ସୁନା ପାତ୍ର ମଧ୍ୟ ସ୍ଥାପିତ ହୋଇଛି, ଯାହା ଏହାର ସୌନ୍ଦର୍ଯ୍ୟ ଓ ବିଶେଷତ୍ୱକୁ ଆହୁରି ବଢାଇଦିଏ ।

 

ଗଙ୍ଗା କୂଳରେ ଟାୟାର-ଡିଜେଲ୍ ପକାଇ ଜାଳିଦେଲେ ଶବ, ୫ ପୋଲିସ ବାବୁ ନିଲମ୍ବିତ

ଲକ୍ଷ୍ନୗେ: ଉତ୍ତରପ୍ରଦେଶର ବଲିଆ ଜନପଦରେ ପୋଲିସ କର୍ମୀ ମାନେ ଗଙ୍ଗା ଘାଟରେ କିଛି ମୃତଦେହର ଅନ୍ତିମ ସଂସ୍କାର କରୁଥିବା ଭିଡ଼ିଓ ଭାଇରାଲ୍ ହେଉଛି । ଯେଉଁ ଭିଡ଼ିଓରେ ମୃତଦେହ ସହ ଟାୟାର ଜଳୁଥିବାର ନଜର ଆସୁଛି । ଏଥିରେ ପେଟ୍ରାେଲ୍ ଓ ଡିଜେଲର ବ୍ୟବହାର କରାଯାଉଥିବା ଦେଖିବାକୁ ମିଳିଛି ।

ଦୁଇ ଦିନ ପୂର୍ବରୁ ପାଣିରେ ଭାସିଆସିଥିବା ଏହି ଶବ ଗୁଡିକୁ ପୋଲିସ ମାନେ ସ୍ଥାନୀୟ ଶବଦାହକଙ୍କ ସହଯୋଗରେ ଅନ୍ତିମ ସଂସ୍କାର କରିଥିଲେ । ଏଭଳି ଭିଡ଼ିଓ ସାମ୍ନାକୁ ଆସିବା ପରେ ପୋଲିସ ଅଧିକ୍ଷକ ବିପିନ୍ ତାଡା ସମ୍ପୃକ୍ତ ୫ ଜଣ ପୋଲିସ କର୍ମୀଙ୍କୁ ନିଲମ୍ବିତ କରିଛନ୍ତି । ତେବେ ଏହି ମାମଲାର ଯାଞ୍ଚ ଏଡିସନ୍ ଏସପି ଙ୍କ ଦ୍ୱାରା କରାଯାଉଥିବା ଜଣାପଡିଛି ।

ସୁତ୍ରରୁ ପ୍ରକାଶ ଯେ ଉକ୍ତ ମୃତଦେହ ଅଧିକ ଦିନର ହୋଇପଡିଥିବା ବେଳେ ସେଥିରୁ ଦୁର୍ଗନ୍ଧ ବାହାରୁଥିଲା । ଆଉ ସଂସ୍କାର ପାଇଁ କାଠ ମିଳିପାରିନଥିଲା । ଯେଉଁଥିପାଇଁ ପୋଲିସ କର୍ମୀ ମାନଙ୍କୁ ଏଭଳି କରିବାକୁ ପଡିଥିଲା ।

ତେବେ ସରକାରଙ୍କ ପକ୍ଷରୁ ମୃତଦେହର ଅନ୍ତିମ ସଂସ୍କାର ସମ୍ମାନ ଜନକ ଭାବେ କରାଯିବ ବୋଲି ନିର୍ଦ୍ଦେଶ ଦିଆଯାଇଥିଲା । ମିଡିଆ ରିପୋର୍ଟ ମୁତାବକ ଗଙ୍ଗା ନଦୀର ଗୋଟିଏ ଗୋଟିଏ ଘାଟରେ ୪୦୦ରୁ ୫୦୦ ଶବ ପୋତା ଯିବାର ଖବର ଆସୁଛି ।

ଦେଶରେ ୮୫.୬%ରେ ପହଞ୍ଚିଲା ସୁସ୍ଥତା ହାର: ସ୍ୱାସ୍ଥ୍ୟ ମନ୍ତ୍ରଣାଳୟ

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣର ଦ୍ୱିତୀୟ ପ୍ରବାହ ଧିରେ ଧିରେ କମୁଥିବାର ନଜର ଆସୁଛି । ଏମିତିକି ଦେଶରେ କୋଭିଡ ସୁସ୍ଥତା ହାର ବର୍ତ୍ତମାନ ୮୫.୬% ରେ ପହଞ୍ଚିଛି ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ମଙ୍ଗଳବାର ଦିନ ସୂଚନା ଦିଆଯାଇଛି । ଯେଉଁ ହାର ମେ ୩ ବେଳକୁ ୮୧.୭ ପ୍ରତିଶତ ଥିଲା।

ଏଥିସହିତ ଗତ ୨୪ ଘଣ୍ଟା ମଧ୍ୟରେ ୪,୨୨,୪୩୬ ବ୍ୟକ୍ତି ସଂକ୍ରମିତ ହୋଇଛନ୍ତି । ଯାହା ଆଜି ପର୍ଯ୍ୟନ୍ତ ସବୁଠାରୁ ଅଧିକ ସୁସ୍ଥତା ମାମଲା ହାେଇଛି । ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରୱାଲ କହିଛନ୍ତି ଯେ ଏହା ଏକ ପଜିଟିଭ୍ ଟ୍ରେଣ୍ଡ୍।

ମନ୍ତ୍ରଣାଳୟ ଦେଇଥିବା ସୂଚନା ଅନୁଯାୟୀ, କେବଳ ଏଭଳି ୮ଟି ରାଜ୍ୟ ଅଛନ୍ତି ଯେଉଁଠି ପ୍ରତିଦିନ ୧୦,୦୦୦ ରୁ ଅଧିକ ପଜିଟିଭ୍ ମାମଲା ଚିହ୍ନଟ ହେଉଛି । ଅପରପକ୍ଷେ ଏମିତି ୨୬ ରାଜ୍ୟ ଅଛନ୍ତି, ଯେଉଁଠି ପଜିଟିଭ ତୁଳନାରେ ଅଧିକ ସୁସ୍ଥ ହେଉଛନ୍ତି ।

ଦେଶର ସମୁଦାୟ ଜନସଂଖ୍ୟାର ୧.୮ ପ୍ରତିଶତ ବର୍ତ୍ତମାନ ପର୍ଯ୍ୟନ୍ତ କରୋନା ସଂକ୍ରମିତ ହୋଇଛନ୍ତି। ଆମେ ଏପର୍ଯ୍ୟନ୍ତ ଜନସଂଖ୍ୟାର ୨ ପ୍ରତିଶତରୁ କମ୍ ସଂକ୍ରମଣ ରୋକିବାରେ ସଫଳ ହୋଇଛୁ। ଦେଶରେ ପଜିଟିଭିଟି ହାର ଖସିକି ୧୪.୧୦% ରେ ପହଞ୍ଚିଛି ।

ଆମେରିକାରେ ଏହି ସଂଖ୍ୟା ୧୦ ଦଶମିକ ୧ ପ୍ରତିଶତ, ବ୍ରାଜିଲରେ ୭ ଦଶମିକ ୩ ପ୍ରତିଶତ ଓ ଫ୍ରାନ୍ସରେ ୯ ଦଶମିକ ୦ ପ୍ରତିଶତ ରହିଛି । ଆଗକୁ ଟେଷ୍ଟିଂ ଜୋରଦାର ହେଲେ ଓ କଟକଣା ମାନିଲେ ଆହୁରି ସଂକ୍ରମଣ କମିବ ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟର ଯୁଗ୍ମ ସଚିବ ଲବ ଅଗ୍ରଓ୍ବାଲ କହିଛନ୍ତି ।

 

କରୋନାରୁ କେମିତି ସୁସ୍ଥ ହେଲେ କଙ୍ଗନା, ଦେଲେ ଟିପ୍ସ

ମୁମ୍ବାଇ: କଣ୍ଟ୍ରୋଭର୍ସି କୁଇନ୍ ଭାବେ ଖୁବ୍ ପରିଚିତ କଙ୍ଗନା ରଣାୱତ । ନିଜର ବିବାଦୀୟ ବୟାନ ପାଇଁ ଅନେକ ସମୟରେ ଚର୍ଚ୍ଚାରେ ରହିଥାନ୍ତି।  ନିକଟରେ କରୋନା ସଂକ୍ରମିତ ହୋଇଥିବା କଙ୍ଗନା ଏବେ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି । ଏନେଇ ସେ ସୋସିଆଲ୍ ମିଡିଆରେ ପୋଷ୍ଟ କରି ଫ୍ୟାନ୍ସଙ୍କୁ ଜଣାଇଛନ୍ତି ।

‘ସମସ୍ତଙ୍କୁ ମୋର ନମସ୍କାର । ଆପଣଙ୍କ ପ୍ରେମ ଓ ଶୁଭେଚ୍ଛା ଯୋଗୁଁ ମୁଁ ବର୍ତ୍ତମାନ ସଂକ୍ରମଣ ମୁକ୍ତ । ମୁଁ କିପରି କୋଭିଡ଼କୁ ପରାସ୍ତ କଲି ସେ ବିଷୟରେ ବହୁତ କିଛି କହିବାକୁ ଚାହୁଁଛି କିନ୍ତୁ ମୋତେ କୋଭିଡ ଫ୍ୟାନ କ୍ଲବକୁ ଆଘାତ ନକରିବାକୁ କୁହାଯାଇଛି। ତଥାପି ଆପଣଙ୍କ ଭଲ ପାଇବା ଏବଂ ଶୁଭେଚ୍ଛା ପାଇଁ ଧନ୍ୟବାଦ। ମେ ୮ରେ ସଂକ୍ରମିତ ଚିହ୍ନଟ ହେବା ପରେ ହୋମ୍ ଆଇସୋଲେସନରେ ରହୁଥିଲେ।

କଙ୍ଗନାଙ୍କ ଏଭଳି ପୋଷ୍ଟରୁ ଜଣାପଡିଥିଲା ଯେ ସେ ଯେମିତି ଏ ସମ୍ପର୍କରେ କହିବା ପାଇଁ ମନା କରିଛନ୍ତି । କିନ୍ତୁ କିଛି ଘଣ୍ଟା ପରେ ସେ ଫେସବୁକରେ ଏକ ଭିଡିଓ ସେୟାର କରିଥିଲେ । ୧୦ ଦିନ ମଧ୍ୟରେ ସେ କିପରି  କରୋନାକୁ ପରାସ୍ତ କରିଛନ୍ତି ତାହା କହିଥିବା ନଜର ଆସିଥିଲା।

ଭିଡ଼ିଓରେ ସେ କହିଛନ୍ତି ଯେ ଆଜି ମୋର କରୋନା ରିପୋର୍ଟ ଆସିଛି, ଯାହା ନେଗେଟିଭ୍ ବାହାରିଛି। ମୁଁ ସାତ-ଆଠ ଦିନରେ ଭାଇରସକୁ ଠିକ୍ କରିଛି ।

ଭଦ୍ରକର ଗଡ଼ଗଡ଼ି ଗାଁ: ବର୍ଷ ତମାମ ହୁଏ ପରିବା ଚାଷ, ପଡ଼ୋଶୀ ଜିଲ୍ଲାରେ ମଧ୍ୟ ହୁଏ ବିକ୍ରି

ଭଦ୍ରକ: ମହାମାରୀ କରୋନାକୁ ନେଇ ସାରା ଦେଶ ଓ ରାଜ୍ୟରେ ଜୀବନ ଜୀବିକା ପ୍ରଭାବିତ ହୋଇଛି । ବହୁ ଲୋକ ହାତ ବାନ୍ଧି ଘରେ ବସି ରହିଛନ୍ତି । ମାନବ ଜାତି ନା ନା ସମସ୍ୟା ଓ ଦୁଶ୍ଚିନ୍ତା ଦେଇ ଗତି କରୁଛନ୍ତି । ଏଭଳି ଏକ ଅନିଶ୍ଚିତତା ଭାରା ସମୟରେ ଭିତରେ ଚାଷୀ କୂଳ କିନ୍ତୁ ଯଥା ପୂର୍ବଂ ତଥା ପରଂ । ଗୋଟିଏ ପଟେ ଏହି ଭୟଙ୍କର ଭୂତାଣୁ ବିରୋଧରେ ଲଢ଼େଇ ଜାରି ରହିଥିବା ବେଳେ ଏପଟେ ଲଙ୍ଗଳ ଧରି ଚାଷ କ୍ଷେତକୁ ବାହାରି ପଡ଼ୁଛି ଚାଷୀ । ବର୍ଷକ ୧୨ ମାସ ଅମଳ କରୁଛି ସୁନାର ଫସଲ । ବାଇଗଣ, ଟମାଟ, ଭେଣ୍ଡି, କୋବି, କାକୁଡି, ଝୁଡଙ୍ଗ ଭଳି ଭଳି ଫସଲ ଅମଳ କରୁଛନ୍ତି ଭଦ୍ରକ ଜିଲ୍ଲା  ଗଡ଼ଗଡ଼ି ଗାଁର ଚାଷୀ ।

    ଏହି ଗାଁରେ ବସବାସ କରୁଥିବା ୮୦ରୁ ଊର୍ଦ୍ଧ୍ୱ ପରିବାର ବର୍ଷ ତମାମ ଭଳିକି ଭଳି ପରିବା ଚାଷ କରିଥାନ୍ତି। ପ୍ରତିଦିନ ଅମଳ ହେଉଥିବା କ୍ୱିଣ୍ଟାଲ କ୍ୱିଣ୍ଟାଲ ପରିବା ନିକଟସ୍ଥ ଆରଡି, ବେତାଳିଗାଁ, ଧୁଷୁରୀ, ଭଦ୍ରକ ସମେତ ପଡ଼ୋଶୀ ଜିଲ୍ଲା ଯାଜପୁର ବଜାରରେ ବିକ୍ରି କରିଥାନ୍ତି । ତେବେ ସରକାରୀ  ସୁବିଧା ନଥିବାରୁ ବେଳେ ବେଳେ ଅଭାବି ବିକ୍ରି ମଧ୍ୟ ହୋଇଥାଏ। ଫଳରେ ଚାଷୀ ତା’ର ଠିକ ଅର୍ଥ ପାଇବାରୁ ବଞ୍ଚିତ ହୋଇଥାଏ ।

କାଳବୈଶାଖୀ ଝଡ଼ବର୍ଷା ହେଉ କିମ୍ବା ବନ୍ୟାରେ କ୍ଷତି ହେଉଥିବା ପରିବା ଚାଷ ବାବଦକୁ କୌଣସି ପ୍ରକାର ସହାୟତା ପାଇପାରନ୍ତି ନାହିଁ । ହେଲେ ଏହାକୁ ଖାତିରି ନକରି ଲୋକଙ୍କ ଚାହିଦା ମୁତାବକ ବର୍ଷ ସାରା ବିଭିନ୍ନ ପନିନରିବା ଚାଷ କରିଥାନ୍ତି।

ଗଡଗଡି ଗାଁର ପରିବା ବିଭିନ୍ନ ବଜାରକୁ ଆସୁଥିବାରୁ ଖାଉଟିମାନେ ସୁବିଧାରେ ପାଇପାରୁଥିବା କହିଛନ୍ତି ଖାଉଟିମାନେ। ଏପଟେ ଚାଷୀଙ୍କ କହିବା ଅନୁଯାୟୀ ଯଦି ସରକାରଙ୍କ ତରଫରୁ ଶୀତଳ ଭଣ୍ଡାର ସହ ଅନ୍ଯାନ ସହଯୋଗ ମିଳି ପାରନ୍ତା ତାହାଲେ ଅମଳ ହେଉଥିବା ପନିପରିବା ଉଚିତ ମୂଲ୍ୟ ଚାଷୀ ପାଇପାରନ୍ତେ ।

ପାଟପୁରିଆ ଗାଁରୁ ମାଆ-ଝିଅଙ୍କ ଝୁଲନ୍ତା ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାର ଲୋକେ

ଖୋର୍ଦ୍ଧା: ମାଆ- ଝିଅଙ୍କ ଝୁଲନ୍ତା  ମୃତଦେହ ଉଦ୍ଧାର । ବାପଘର ଲୋକ ଆଣିଲେ ହତ୍ୟା ଅଭିଯୋଗ । ଖୋର୍ଦ୍ଧା ଥାନା ଅନ୍ତର୍ଗତ ପାଟପୁରିଆ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ଗାଁର ଶିବ ପ୍ରସାଦ ପତିଙ୍କ ପତ୍ନୀ ରାଜଶ୍ରୀ ଏବଂ ସାତ ବର୍ଷର କନ୍ୟା ସୁଶ୍ରୀ ଶ୍ୱେତାଙ୍କୁ ଝୁଲନ୍ତା ଅବସ୍ଥାରେ ପରିବାର ଲୋକ ଉଦ୍ଧାର କରି ଖୋର୍ଦ୍ଧା ମେଡିକାଲରେ ଭର୍ତ୍ତି କରିଥିଲେ । ଡାକ୍ତର ମୃତ ଘୋଷଣା କଲାପରେ ପୋଲିସ ଉଭୟ ମୃତଦେହକୁ ଜବତ କରି ତଦନ୍ତ ଚଳାଇଛି । ରାଜଶ୍ରୀଙ୍କ ବାପ ଘର ଲୋକ ଆସିଲା ପରେ ମୃତଦେହ ବ୍ୟବଚ୍ଛେଦ ହେବ ଏବଂ ଆତ୍ମହତ୍ୟାର କାରଣ ସ୍ପଷ୍ଟ ହେବ ବୋଲି ଖୋର୍ଦ୍ଧା ଆଦର୍ଶ ଥାନା ଇନଚାର୍ଜ ସୂଚନା ଦେଇଛନ୍ତି । ତେବେ ପାରିବାରିକ କଳହ ଯୋଗୁ ଝିଅକୁ ମାରି ରାଜଶ୍ରୀ ନିଜେ ଆତ୍ମହତ୍ୟା କରିଥିବା ଚର୍ଚ୍ଚା ହେଉଛି ।

ଏଥିସହିତ ପଢ଼ନ୍ତୁ: ନିର୍ଯାତନାର ଶିକାର ପ୍ରବାସୀ ଶ୍ରମିକଙ୍କୁ ଉଦ୍ଧାର କଲେ ସବ୍ୟସାଚୀ: ମାଡ଼ ମାରୁଥିବା ବ୍ୟକ୍ତି ହେଲେ ଗିରଫ

ଜନ୍ମ ହୋଇଥିଲେ ତିନି ମିନିଟ ବ୍ୟବଧାନରେ, ଚାଲିଗଲେ ୨୪ ଘଣ୍ଟା ଅନ୍ତରାଳରେ

ଲକ୍ଷ୍ନୌ: ସେମାନେ ଏକାଠି ଆସିଥିଲେ । ଏକାଠି ଚାଲିଗଲେ । ଦୁଇ ଭାଇ ତିନି ମିନିଟ୍ ବ୍ୟବଧାନରେ ଜନ୍ମ ହୋଇଥିଲେ । ଆଉ ୨୪ ଘଣ୍ଟାର ଅନ୍ତରାଳରେ ଆରପାରିର ଯାତ୍ରୀ ହୋଇଛନ୍ତି । ଏହା ହେଉଛି କରୋନା କାଳର କରୁଣ କାହାଣୀ । ଦେଶରେ କେବେ ଲିଭୁନଥିବା ଜୁଇ ଓ କବରସ୍ଥାନରେ ଅଭାବ ପଡୁଥିବା ଭୁଇଁ ଭିତରେ ଇଏ ହେଉଛି ଏମିତି ଗୋଟିଏ ପରିବାରର କାହାଣୀ ,ଯିଏ ମାତ୍ର ୨୪ ଘଣ୍ଟା ଭିତରେ ହରାଇଛି ଦୁଇ ପୁଅଙ୍କୁ । କରୋନା ମହାମାରୀ ଅନେକ ପରିବାରକୁ ଉଜାଡି ଦେଇଛି । କିନ୍ତୁ ଉତ୍ତରପ୍ରଦେଶର ମିରଟ ବାସିନ୍ଦା ରାଫେଲ ପରିବାରର କାହାଣୀ ବେଶ ବେଦନାଦାୟକ । ଏହି ପରିବାର ଦୁଇ ଜାଆଁଳା ଭାଇ ଜୋଫ୍ରେଡ୍ ଭର୍ଗୀସ ଗ୍ରେଗୋରୀ ଓ ରାଲଫ୍ରେଡ୍ ଜର୍ଜ୍ ଗ୍ରୋଗରି କରୋନା ସହ ଯୁଦ୍ଧ ହାରି ଯାଇଛନ୍ତି । ପେଶାରେ ଇଂଜିନିୟର ଏହି ଦୁଇ ଭାଇଙ୍କ ବୟସ ଥିଲା ମାତ୍ର ୨୪ ।

ରାଫେଲ ଭାଇଙ୍କ ଜନ୍ମ ୨୩ ଏପ୍ରିଲ ୧୯୯୭ରେ ହୋଇଥିଲା । ଦୁହିଁଙ୍କ ମଧ୍ୟରେ ଜନ୍ମର ବ୍ୟବଧାନ ମାତ୍ର ତିନି ମିନିଟର ଥିଲା । ରାଲଫ୍ରେଡ୍ ଥିଲେ ସାନ । ୨୩ ଏପ୍ରିଲରେ ସେମାନେ ଜନ୍ମଦିନ ପାଳନ କରିଥିଲେ । କିନ୍ତୁ ଜନ୍ମଦିନର ଗୋଟିଏ ଦିନ ପରେ ଉଭୟ ଘାତକ ଭାଇରସର ଶିକାର ହୋଇଥିଲେ । ଉଭୟ ବିଟେକ୍ ପରେ ହାଇଦ୍ରାବାଦରେ କାମ କରୁଥିଲେ । ଏପ୍ରିଲ ୨୪ରେ କରୋନା ଶିକାର ହେବା ପରେ ଉଭୟଙ୍କ ଅବସ୍ଥା ବିଗିଡିବାରେ ଲାଗିଥିଲା । ଶେଷରେ ୧୩ ଓ ୧୪ ମେ ଭିତରେ ମାତ୍ର ୨୪ ଘଣ୍ଟା ବ୍ୟବଧାନରେ ଉଭୟ ଦୁନିଆକୁ କହିଥିଲେ ଅଲବିଦା ।

ଦୁଇ ଭାଇ ଏମିତି ହଠାତ ଚାଲିଯିବାକୁ ପରିବାର ଏବେ ମଧ୍ୟ ବିଶ୍ୱାସ କରି ପାରୁନାହିଁ । ରାଫେଲ ଦୁଇ ଭାଇ କେବଳ ଏକାଠି ଜନ୍ମ ହୋଇନଥିଲେ । ସେମାନେ ଏକାଠି ଗୋଟିଏ ଆଖିରେ ଦୁନିଆକୁ ଦେଖୁଥିଲେ ବୋଲି କୁହନ୍ତି ମା’ । ଯାହା କରୁଥିଲେ ଏକାଠି କରୁଥିଲେ । ପିତା ଗ୍ରେଗୋରି ରେମଣ୍ଡ ରାଫେଲଙ୍କ ଅନୁସାରେ ସେ ଜାଣିଥିଲେ ଯେ,ତାଙ୍କ ଦୁଇ ପୁଅ ଯଦି ହସ୍ପିଟାଲରୁ ଫେରିବେ ତେବେ ଏକାଠି ଫେରିବେ ନହେଲେ ଫେରିବେ ନାହିଁ । ସେ କୁହନ୍ତି ଯେ, ଜଣଙ୍କ ସହିତ ଯାହା ଘଟେ ତାହା ଅନ୍ୟ ଜଣକ ସହିତ ଘଟୁଥିଲା । ସେମାନଙ୍କ ଜନ୍ମରୁ ଏମିତି ହେଉଥିଲା ।ଜୋଫ୍ରେଡର ମୃତ୍ୟୁ ଖବର ଶୁଣିବା ପରେ ମୁଁ ମୋ ପତ୍ନୀକୁ କହିଥିଲି ଯେ, ରାଲଫ୍ରେଡ୍ କେବେ ମଧ୍ୟ ଏକାକି ଫେରିବ ନାହିଁ । ୧୩ ଓ ୧୪ ମେ ମଧ୍ୟରେ କେଇ ଘଣ୍ଟା ଭିତରେ ଉଭୟ ଦୁନିଆ ଛାଡିକି ଚାଲିଗଲେ । ଗ୍ରେଗୋରିଙ୍କର ତିନି ପୁଅଙ୍କ ମଧ୍ୟରୁ ସଭା ସାନପୁଅ ଏବେ ତାଙ୍କ ପାଖରେ ରହୁଛନ୍ତି ।

କରୋନା ସଂକ୍ରମଣ ପରେ ଦୁଇ ଭାଇଙ୍କ ଚିକିତ୍ସା ଘରେ ଚାଲୁଥିଲା । ଗ୍ରେଗୋରିଙ୍କ ଅନୁସାରେ ଅକ୍ସିଜେନ୍ ସ୍ତର ୯୦ ହେବା ପରେ ସେମାନଙ୍କୁ ଡାକ୍ତରଖାନା ନେବାକୁ ଚିକିତ୍ସକ ପରାମର୍ଶ ଦେଇଥିଲେ । ଦୁହିଁଙ୍କର ପ୍ରଥମ ଆରଟିପିସିଆର ରିପୋର୍ଟ ପଜିଟିଭ୍ ଆସିଥିଲା କିନ୍ତୁ ପରବର୍ତ୍ତି ରିପୋର୍ଟ ନେଗେଟିଭ୍ ଆସିଥିଲା । ଗ୍ରଗୋରୀଙ୍କ ଅନୁସାରେ ରାଲଫ୍ରେଡ୍ ଶେଷଥର ପାଇଁ ନିଜ ମା’ ସହିତ ଫୋନରେ କଥା ହୋଇଥିଲା । ସେ ଭାଇ ଜୋଫ୍ରେଡ୍ ବାବଦରେ ପଚାରିଥିଲା । ମୁଁ ଭଲ ଅଛି ଭାଇ କେମିତି ଅଛି ବୋଲି ରାଲଫ୍ରେଡ୍ ପଚାରିଥିଲା । ତେବେ ସେତେବେଳକୁ ଜୋଫ୍ରେଡର ମୃତ୍ୟୁ ହୋଇ ସାରିଥିଲା । କିନ୍ତୁ ମା’ ଏକଥା ଲୁଚାଇ ଥିଲେ । ତାକୁ କହିଥିଲେ ଯେ, ଜୋଫ୍ରେଡକୁ ଦିଲ୍ଲୀ ପଠାଯାଇଛି । ଯାହାକୁ ଶୁଣି ରାଲଫ୍ରେଡ୍ କହିଥିଲା,ତୁମେ ମିଛ କହୁଛ । ଆଉ ଏହାପରେ ରାଲଫ୍ରେଡ୍ ବି ଭାଇ ପାଖକୁ ଚାଲିଯାଇଥିଲା ।