spot_img
Home Blog Page 5814

ବାସୁଦେବପୁର: ଟିକା ପାଇଁ ରାତି ୨ରୁ ଲମ୍ବା ଲାଇନ, ବରିଷ୍ଠ ନାଗରିକ ମଧ୍ୟ ଧାଡ଼ିରେ

ଭଦ୍ରକ: ବାସୁଦେବପୁରରେ ଟିକା ପାଇଁ ରାତି ୨ରୁ ଲାଇନ୍ । ଟୀକା ପାଇଁ ୧୦ ରୁ ୧୫ କିଲୋମିଟର ଦୂରତାରୁ ଆସି ରାତିରୁ ଅପେକ୍ଷା କରି ବସିଛନ୍ତି ଲୋକ । ବରିଷ୍ଠ ନାଗରିକ ମଧ୍ୟ ଧାଡିରେ । ଦୀର୍ଘ ସମୟର ବ୍ୟବଧାନ ଠିଆ ହେବା କଷ୍ଟକର ହୋଇପଡୁଛି । କିଏ ଚେୟାର ପକାଇ ବସୁଛି ପୁଣି କିଏ ରାଜରାସ୍ତା ପ୍ରଶସ୍ତ ଚଟାଣ ଉପରେ ବସିପଡୁଛନ୍ତି । କିଏ ମାନୁଛି କୋଭିଡ ନିୟମ , ତ କାହା ମୁହାରେ ନାହିଁ ମାସ୍କ, ସାମାଜିକ ଦୂରତା ଭୂଲିଯାଇଛନ୍ତି କେହି କେହି । ଏ ହେଉଛି ଭଦ୍ରକ ଜିଲ୍ଲାର ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଦୃଶ୍ୟ ।

ଶହ ଶହ ମହିଳା ପୁରୁଷ ଟିକା ପାଇଁ ଲଗାଇଛନ୍ତି ଲମ୍ବା ଲାଇନ୍ । ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟଳୟର ହେଉଛି ଟୋକନ ବ୍ୟବସ୍ଥା । ଦାୟିତ୍ବରେ ରହି ନିରିକ୍ଷଣ କରୁଛନ୍ତି ବିଡିଓ ପ୍ରଣବ କୁମାର ବେହେରା, ତହସିଲଦାର ସୌମ୍ୟଶ୍ରୀ ପାଣିଗାହୀ ଓ ପୌରପାଳିକାର କାର୍ଯ୍ୟନିର୍ବାହୀ ଅଧିକାରୀ ଲଗ୍ନଜିତ ବେହେରା । ପୋଲିସ ଜଗି ବସିଛନ୍ତି । ଟୋକନ ପାଇ ପୁନଶ୍ଚ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଲାଇନ ଲଗାଇବା ଯୋଗୁଁ ଅସନ୍ତୋଷ ବ୍ୟକ୍ତ କରିଛନ୍ତି ଲାଇନରେ ମହିଳାମାନେ ।

ରାଜଧାନୀର ବିଭିନ୍ନ ହାଟରେ ପୋଲିସର ଚଢାଉ, ବାଇକ ଆରୋହୀଙ୍କୁ ମୋଟା ଜରିମାନା

ଭୁବନେଶ୍ୱର: ଅମାନିଆଙ୍କ ଉପରେ କଠୋର ହେଲା କମିଶନରେଟ୍ ପୋଲିସ । ରାଜଧାନୀର ବିଭିନ୍ନ ହାଟରେ ପୋଲିସର ଚଢାଉ । ଝାରପଡା, ବରଗଡ଼ ଓ ବ୍ରହ୍ମେଶ୍ୱର ହାଟରେ ଚଢାଉ । ବାଇକ ନେଇ ଆସୁଥିବା ଗ୍ରାହକଙ୍କ ଠାରୁ ଆଦାୟ ହେଲା ମୋଟାଅଙ୍କର ଫାଇନ୍ । ୧୫ରୁ ଅଧିକ ଗାଡି ସିଜ୍ କରିଥିବା ବେଳେ କ୍ରେନ୍ ସାହାର୍ଯ୍ୟରେ ଗାଡି ଉଠାଇନେଲା ପୋଲିସ । ଲୋକଙ୍କୁ ବାଇକରେ ନଆସିବାକୁ ଅପିଲ୍‌ କରାଯାଉଛି । ଘରଠାରୁ ୫ଶହ ମିଟର ଦୂରରେ ସଉଦା କରିବାକୁ ଅନୁରୋଧ କରାଯାଇଛି । ଡିସିପି ସିକ୍ୟୁରିଟି ନିର୍ମଳ ଶତପଥୀଙ୍କ ନେତୃତ୍ୱରେ ବିଭିନ୍ନ ଜୋନ୍ ଏସିପି, ଆଇଆଇସି ଚଢାଉରେ ସାମିଲ ।

କୋଭିଡ ସମୟରେ ସହାୟତାର ହାତ ବଢ଼ାଇଲା ସନରାଇଜର୍ସ ହାଇଦ୍ରାବାଦ, ପ୍ରଦାନ କଲେ ୩୦ କୋଟି

ନୂଆଦିଲ୍ଲୀ: କରୋନା ମହାମାରୀର ୨ୟ ତରଙ୍ଗ ଭାରତରେ ଭୟଙ୍କର ପରିସ୍ଥିତି ସୃଷ୍ଟିକରିଛି। ଦେଶର ଏଭଳି ସଙ୍କଟ ସମୟରେ ବିଭିନ୍ନ ବର୍ଗର ବ୍ୟକ୍ତିବିଶେଷ ଓ ଅନୁଷ୍ଠାନ ସହଯୋଗର ହାତ ବଢ଼ାଇଛନ୍ତି। କୋଭିଡ଼ ଲଢ଼େଇରେ ସାମିଲ ହୋଇଛି ଆଇପିଏଲ ଦଳ ସନରାଇଜର୍ସ ହାଇଦରାବାଦ୍‍। ସନ୍‍ ଟିଭି ମାଲିକାନାରେ ଥିବା ସନରାଇଜର୍ସ କୋଭିଡ୍‌ ଲଢ଼େଇ ଲାଗି ୩୦ କୋଟି ଟଙ୍କା ପ୍ରଦାନ କରିଛି। ସନରାଇଜର୍ସ ପକ୍ଷରୁ ଉକ୍ତ ୩୦ କୋଟି ଟଙ୍କା ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ରିଲିଫ ପାଣ୍ଠି ସମେତ ବିଭିନ୍ନ ସ୍ୱେଚ୍ଛାସେବୀ ଅନୁଷ୍ଠାନ ଜରିଆରେ ପ୍ରଦାନ କରିଛନ୍ତି।

ଦେଶରେ କରୋନା ମହାମାରୀର ଦ୍ୱିତୀୟ ତରଙ୍ଗ ଭୟଙ୍କର ରୂପ ନେଇଥିବାବେଳେ କୋଭିଡ଼ ଲଢେଇରେ ସାମିଲ ହେବା ନେଇ ଆର୍ଥିକ ସହାୟତା ପ୍ରଦାନ କରାଯାଇଛି। ଉକ୍ତ ଅର୍ଥ କରୋନା ରୋଗୀଙ୍କ ଚିକିତ୍ସା ସହ ଅମ୍ଲଜାନ ଯୋଗାଣ କ୍ଷେତ୍ରରେ ବିନିଯୋଗ କରାଯିବ ବୋଲି ସନରାଇଜର୍ସ ପକ୍ଷରୁ କୁହାଯାଇଛି। ଏହା ସହ ସନ୍ ଟିଭି ଜରିଆରେ କୋଭିଡ୍‌ ସମ୍ପର୍କରେ ସଚେତନତା ସୃଷ୍ଟି କରାଯିବ ବୋଲି ଏହା ଘୋଷଣା କରିଛି। ସନ୍‌ ଟିଭିର ମାଲିକ କାଳାନିଧି ମାରାନ୍ ଥିବା ବେଳେ ତାଙ୍କ କନ୍ୟା କାବ୍ୟା ସନ୍‌ରାଇଜର୍ସ ଦଳର ପରିଚାଳନା ଦାୟିତ୍ବରେ ରହିଛନ୍ତି। କାବ୍ୟା ହିଁ କୋଭିଡ୍‌ ଲଢ଼େଇ ପାଇଁ ୩୦ କୋଟି ଟଙ୍କା ଦାନ କରିବାର ନିଷ୍ପତ୍ତି ନେଇଛନ୍ତି। ଖେଳାଳି ଓ ଅଣଖେଳାଳି କରୋନା ସଂକ୍ରମିତ ହେବା ପରେ ଚଳିତବର୍ଷର ଆଇପିଏଲ୍‌କୁ ସ୍ଥଗିତ ରଖାଯାଇଛି। ଫଳରେ ସମସ୍ତ ଫ୍ରାଞ୍ଚାଇଜି ଦଳ ବେଶ୍‌ କିଛି କ୍ଷତି ସହିବେ। ତଥାପି ଆଇପିଏଲ୍‌ ଫ୍ରାଞ୍ଚାଇଜି ଦଳମାନେ କରୋନା ପୀଡ଼ିତଙ୍କ ସହାୟତା ପାଇଁ ଆର୍ଥିକ ଅନୁଦାନ ପ୍ରଦାନ କରୁଛନ୍ତି।

୨୪ ଘଣ୍ଟା ମଧ୍ୟରେ ରାଜ୍ୟର ୧୩ ଜିଲ୍ଲାରେ କାଳବୈଶାଖୀ ବର୍ଷା ନେଇ ୟେଲୋ ଆଲର୍ଟ

ଭୁବନେଶ୍ୱର: ରାଜ୍ୟରେ ଜାରି ରହିଛି କାଳବୈଶାଖୀ ସାଙ୍ଗକୁ ଅସହ୍ୟ ତାତି । ଟ୍ରପ୍‌ ଲାଇନ୍‌ ପ୍ରଭାବରେ ରାଜ୍ୟର ଅଧିକାଂଶ ଜିଲ୍ଲାରେ କାଳବୈଶାଖୀ ବର୍ଷା ଜାରି ରହିଛି । ଆସନ୍ତା ୨୪ ଘଣ୍ଟା ମଧ୍ୟରେ ରାଜ୍ୟର ୧୩ଟି ଜିଲ୍ଲାରେ କାଳବୈଶାଖୀ ବର୍ଷା ହେବା ନେଇ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ । ନୂଆପଡା, ବଲାଙ୍ଗୀର, କଳାହାଣ୍ଡି, ରାୟଗଡା, କନ୍ଧମାଳ, ବୌଦ୍ଧ, ଅନୁଗୁଳ, ଢେ଼ଙ୍କାନାଳ, କେନ୍ଦୁଝର, ମୟୂରଭଞ୍ଜ, ଭଦ୍ରକ, ଯାଜପୁର ଏବଂ ବାଲେଶ୍ବର ରେ କାଳବୈଶାଖି ବର୍ଷା ହେବା ନେଇ ୟେଲୋ ଆଲର୍ଟ ଜାରି କରାଯାଇଛି । ତେବେ ଆସନ୍ତା ୨ ଦିନ ପରେ ଆଭ୍ୟନ୍ତରୀଣ ଓଡ଼ିଶାର ଜିଲ୍ଲା ଗୁଡିକରେ ତାପମାତ୍ରା ବୃଦ୍ଧି ପାଇବ । ସ୍ବାଭାବିକ ଠାରୁ ୨ ରୁ ୩ ଡିଗ୍ରୀ ତାପମାତ୍ରା ବଢିବ ବୋଲି ଆକଳନ କରାଯାଇଛି ।

୧୭ କୋଟି ଟିକା ଦେବାରେ ଭାରତ ବିଶ୍ୱର ଦ୍ରୁତତମ ରାଷ୍ଟ୍ର

ନୂଆଦିଲ୍ଲୀ: କୋଭିଡ୍‌ ଦ୍ୱିତୀୟ ଲହର ସଂକ୍ରମଣ ଦ୍ୱାରା ବିଶ୍ୱର ସବୁଠୁ ଅଧିକ ଉପଦ୍ରୁତ ରାଷ୍ଟ୍ରର ଅପଯଶ ଆଦରିଥିବା ଭାରତ ଅନ୍ୟ ଏକ ଉପଲବଧି ପାଇଁ ଗୌରବାନ୍ୱିତ ହୋଇଛି। ଦେଶବାସୀଙ୍କୁ ୧୭ କୋଟି ଟିକା ଦେବାରେ ଭାରତ ବିଶ୍ୱର ଦ୍ରୁତତମ ରାଷ୍ଟ୍ର ହେବାର ବିରଳ କୀର୍ତ୍ତି ଅର୍ଜନ କରିଛି। ଟିକାକରଣ ଅଭିଯାନ ଆରମ୍ଭର ୧୧୪ ଦିନରେ ଭାରତ ଏହି ଲକ୍ଷ୍ୟ ହାସଲ କରିଛି। ବିଶ୍ବର ସର୍ବାଧିକ ଜନବହୁଳ ରାଷ୍ଟ୍ର ଚୀନ୍‌କୁ ଏଥିପାଇଁ ୧୧୯ ଦିନ ଲାଗିଥିବା ବେଳେ ବହୁ ଚର୍ଚ୍ଚିତ ଆମେରିକା ୧୧୫ ଦିନରେ ତାହା କରିପାରିଥିଲା।

ସୂଚନା ଥାଉ କି, ଦେଶରେ ଏବେ ତୃତୀୟ ଦଫା ଟିକାକରଣ ଆରମ୍ଭ ହୋଇଥିବା ବେଳେ ଏଥିରେ ୧୮ରୁ ୪୪ ବର୍ଷର ହିତାଧିକାରୀମାନେ ସାମିଲ ହୋଇଛନ୍ତି। ଯଦିଓ ଟିକା ଅଭାବରୁ ସବୁ ରାଜ୍ୟରେ ଏହି ତୃତୀୟ ଦଫା ଟିକାକରଣ ପୂର୍ଣ୍ଣମାତ୍ରାରେ ଚାଲିପାରିନି, ତେବେ ଗତ ୨୪ ଘଣ୍ଟା ଭିତରେ ଦେଶରେ ଏହି ବର୍ଗର ପ୍ରାୟ ୨,୪୬,୦୦୦ ହିତାଧିକାରୀ ଟିକା ନେଇଥିବା ଜଣାଯାଇଛି। ସେହିପରି ଏହି ଦିନକ ମଧ୍ୟରେ ବିଭିନ୍ନ ବର୍ଗର ମୋଟ ୬.୮ ଲକ୍ଷ ଲୋକଙ୍କର ଟିକାକରଣ କରାଯାଇଛି।

କ୍ୟାବିନେଟ ବୈଠକରେ ୧୧ ପ୍ରସ୍ତାବକୁ ମଞ୍ଜୁରୀ, ଟିକାକରଣକୁ ଗୁରୁତ୍ୱ

ଭୁବନେଶ୍ୱର: ରାଜ୍ୟ କ୍ୟାବିନେଟ ବୈଠକରେ ୧୧ଟି ପ୍ରସ୍ତାବକୁ ମଞ୍ଜୁରୀ ମିଳିଛି । ଓଡ଼ିଶା ନର୍ସିଂ କଲେଜ ଶିକ୍ଷା ସେବାରେ ନିଯୁକ୍ତି ପାଇଁ କରାଯାଇଥିବା ନିୟମ ଉପରେ କ୍ୟାବିନେଟ ମୋହର ବାଜିଛି । ରିମୋଟ ଏରିଆରେ ବିଜୁ କୃଷକ ବିକାଶ ଯୋଜନା ଓ ଡିପ୍ ବୋରୱେଲ ସେଚ ଯୋଜନାରେ ନଳକୂପ ଖନନ କରି ଓ ସୋଲାର ପମ୍ପ ଜରିଆରେ ପାଣି ଯୋଗାଇ ଦେବା ସମ୍ପର୍କିତ ପ୍ରସ୍ତାବକୁ କ୍ୟାବିନେଟ ମଞ୍ଜୁର ମିଳିଛି ।

ସେହିଭଳି କଳିଙ୍ଗ ଷ୍ଟାଡିୟମ ଓ ରାଉରକେଲା ହକି ଷ୍ଟାଡିୟମର ଭିତ୍ତିଭୂମିର ବିକାଶ ପାଇଁ ଏକ ଟେଣ୍ଡରକୁ ମଞ୍ଜୁରି ମିଳିଛି । ରାଜ୍ୟ ଜଙ୍ଗଲ ଓ ପରିବେଶ ବିଭାଗର ନାଁକୁ ପରିବର୍ତ୍ତନ କରାଯାଇ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ରଖାଯିବା ପ୍ରସ୍ତାବ ଉପରେ ବାଜିଛି କ୍ୟାବିନେଟର ମୋହର । ସେହିଭଳି ଅନ୍ୟାନ୍ୟ ପ୍ରସ୍ତାବ ଉପରେ ମଧ୍ୟ କ୍ୟାବିନେଟର ମୋହର ବାଜିଛି ।

ସେହିପରି ସାର୍ବଜନୀନ ଟୀକାକରଣ ପାଇଁ ରାଜ୍ୟ ସରକାରଙ୍କ ଉଦ୍ୟମରେ ଏହା ବିଶେଷ ସହାୟକ ହେବ । ସେହିପରି କେନ୍ଦ୍ର ସରକାର ବିଭିନ୍ନ ସେସ୍ ଓ ସରଚାର୍ଜ ଜରିଆରେ ଆଦାୟ କରୁଥିବା ଅତିରିକ୍ତ ସମ୍ବଳକୁ ରାଜ୍ୟ ମାନଙ୍କ ମଧ୍ୟରେ ଉପଯୁକ୍ତ ଭାବରେ ବଣ୍ଟନ କରାଯିବାର ଆବଶ୍ୟକତା ରହିଛି ବୋଲି କ୍ୟାବିନେଟ ଦାବି କରିଛି ।

ତଳମୁହାଁ କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ୯, ୭୯୩ ସଂକ୍ରମିତ

ଭୁବନେଶ୍ୱର: ରାଜ୍ୟରେ ତଳମୁହାଁ କରୋନା ଗ୍ରାଫ୍ । ଲଗାତାର ତୃତୀୟ ଦିନ ପାଇଁ ଖସିଲା ସଂକ୍ରମଣ । ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ଆଉ ୯ହଜାର ୭ଶହ ୯୩ ସଂକ୍ରମିତ । ଖୋର୍ଦ୍ଧାରୁ ସର୍ବାଧିକ ୧୫ ଶହ ୧୧ ଆକ୍ରାନ୍ତ ଚିହ୍ନଟ ହୋଇଥିବା ବେଳେ, ସୁନ୍ଦରଗଡ଼ରୁ ୧୦୧୮ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି କଟକରୁ ୬୪୧, ଅନଗୁଳରୁ ୫୨୬, ଝାରସୁଗୁଡ଼ାରୁ ୪୦୪, ନୂଆପଡ଼ାରୁ ୪୦୧ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ଯାଜପୁରରୁ ୩୭୬, ସମ୍ବଲପୁରରୁ ୩୫୬, ପୁରୀରୁ ୩୫୧, ବଲାଙ୍ଗୀରରୁ ୩୪୨, ବାଲେଶ୍ବରରୁ ୩୧୪, ନବରଙ୍ଗପୁରରୁ ୩୦୨, ଷ୍ଟେଟପୁଲରୁ ୨୮୦, ଗଂଜାମରୁ ୨୭୬, ବରଗଡ଼ରୁ ୨୭୦, ନୟାଗଡ଼ରୁ ୨୫୪, କେଉଁଝରରୁ ୨୪୪, ମୟୂରଭଂଜରୁ ୧୯୯, ଜଗତସିଂହପୁରରୁ ୧୮୯, କୋରପୁଟରୁ ୧୭୪, କେନ୍ଦ୍ରପଡ଼ାରୁ ୧୫୮, ବୌଦ୍ଧରୁ ୧୫୨, ରାୟଗଡ଼ାରୁ ୧୪୮, ସୋନପୁରରୁ ୧୪୦, ଦେବଗଡରୁ ୧୨୫, ଗଜପତିରୁ ୧୧୧, କନ୍ଧମାଳରୁ ୧୦୧, ଢେଙ୍କାନାଳରୁ ୨୯, ମାଲକାନଗିରିରୁ ୬୩ ଓ ଭଦ୍ରକରୁ ୫୨ ଜଣ ପଜିଟିଭ ଚିହ୍ନଟ ହୋଇଛନ୍ତି ।

ଦ୍ୱିତୀୟ ଲହରରେ ସଂକ୍ରମିତ ଅଧିକ ମହିଳା, ୩୪ % ମହିଳା କରୋନା ଆକ୍ରାନ୍ତ

ଭୁବନେଶ୍ବର: କରୋନା ଦ୍ୱିତୀୟ ଲହରରେ ସଂକ୍ରମିତ ହେଉଛନ୍ତି ଅଧିକ ମହିଳା । ପ୍ରଥମ ଲହର ବେଳେ ଦେଶରେ ମହିଳା ଆକ୍ରାନ୍ତଙ୍କ ସଂଖ୍ୟା କମ୍ ଥିବା ବେଳେ ଦ୍ବିତୀୟ ଲହରରେ ଅଧିକ ମହିଳା ଆକ୍ରାନ୍ତ ହେଉଥିବା ରିପୋର୍ଟ ଦେଇଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ । ଗତବର୍ଷ ଜୁଲାଇ ସୁଦ୍ଧା ୩୪ % ମହିଳା କରୋନା ଆକ୍ରାନ୍ତ ହୋଇଥିବା ବେଳେ ଏବେ ଦେଶରେ ୩୮ ଦଶମିକ ୫ ପ୍ରତିଶତ ମହିଳା ସଂକ୍ରମିତ ହୋଇଛନ୍ତି ।

ହେଲେ ମୃତକ ସଂଖ୍ୟା ପୂର୍ବପରି ୫୦ ପ୍ରତିଶତ ରହିଛି । ମୃତକଙ୍କ ମଧ୍ୟରେ ପରୁଷ-ମହିଳା ୫୦ ପ୍ରତିଶତ ଲେଖାଏଁ ରହିଛନ୍ତି ବୋଲି ନିଜାମାବାଦ ସରକାରୀ ଜେନେରାଲ ହସ୍ପିଟାଲର ଆସୋସିଏଟ ପ୍ରଫେସର ଡା. କିରଣ ମାଦଳା ଏହି ସୂଚନା ଦେଇଛନ୍ତି । ପୂର୍ବରୁ ମହିଳା ସଂକ୍ରମିତଙ୍କ ମଧ୍ୟରୁ ୩୩ ପ୍ରତିଶତ ଆଇସିୟୁରେ ଭର୍ତ୍ତି ହେଉଥିବା ବେଳେ ଏବେ ଏହା ୩୯ ପ୍ରତିଶତ ହୋଇଛି ।

ପ୍ରାପ୍ତ ତଥ୍ୟ ଅନୁସାରେ, ବିହାରରେ ସବୁଠୁ ଅଧିକ ୪୨ ପ୍ରତିଶତ ମହିଳା କରୋନା ଆକ୍ରାନ୍ତ ହେଉଥିବା ବେଳେ ମହାରାଷ୍ଟ୍ରରେ ୩୮%, କର୍ଣ୍ଣାଟକରେ ୩୬ ଓ ତାମିଲନାଡୁରେ ୩୨ ପ୍ରତିଶତ ଆକ୍ରାନ୍ତ ଚିହ୍ନଟ ହେଉଛନ୍ତି । ଝାରଖଣ୍ଡରେ ସବୁଠ କମ୍ ୨୫ ପ୍ରତିଶତ ମହିଳା କରୋନା ଆକ୍ରାନ୍ତ ହେଉଥିବା ସୂଚନା ମିଳିଛି ।

ରାଜ୍ୟରେ ବ୍ଲାକ୍‌ ଫଙ୍ଗସ, ଭୁବନେଶ୍ୱରରେ ଭୂତାଣୁ

ଭୁବନେଶ୍ୱର: ରାଜ୍ୟରେ ଜଣଙ୍କଠାରେ ବ୍ଲାକ୍‌ ଫଙ୍ଗସ ଭୂତାଣୁ  । ଏନେଇ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ଲକ୍ଷଣଧାରୀ ଭୁବନେଶ୍ବର କଳିଙ୍ଗନଗର ଅଞ୍ଚଳର ଓ ୭୧ ବର୍ଷ ବୟସ୍କ। ସେ ଘରେ ଥିଲେ, ଏବେ ଘରୋଇ ହସପିଟାଲରେ ତାଙ୍କର ଚିକିତ୍ସା ଚାଲିଛି। ସେ ଉଚ୍ଚ ମଧୁମେହ ରୋଗରେ ପୀଡ଼ିତ ଥିଲେ। ତାଙ୍କର ପରିବାରରୁ ଜଣେ କରୋନା ସଂକ୍ରମିତ ହେବା ପରେ ତାଙ୍କର ସ୍ବାବ ନମୁନା ନିଆଯାଇଥିଲା । ଗତ ଏପ୍ରିଲ ୨୦ତାରିଖରେ ସେ କରୋନା ପଜିଟିଭ ଚିହ୍ନଟ ହୋଇଥିଲେ ।

ଏହାପରେ ସେ ହୋମ୍ ଆଇସୋଲେସନ୍‌ରେ ଥିଲେ । ଗତ ୮ତାରିଖରେ ତାଙ୍କ ଆଖି ଫୁଲିବା ସହ ନାକରୁ କଳାପାଣି ବାହାରିଥିଲା । ପୁରୁଣା ଏୟାର କୁଲର ବ୍ୟବହାର ସଂକ୍ରମଣର କାରଣ ବୋଲି ସନ୍ଦେହ କରାଯାଉଛି । ଦୀର୍ଘଦିନ ଧରି କୁଲରର ପାଣି ବଦଳା ଯାଇନଥିଲା । ଏବେ ଆକ୍ରାନ୍ତଙ୍କ ସ୍ବାସ୍ଥ୍ୟାବସ୍ଥା ସ୍ଥିର ରହିଛି । ତେବେ କରୋନା ପାଇଁ ବ୍ଲାକ ଫଙ୍ଗସ ହୋଇଥିବା ନେଇ ସ୍ପଷ୍ଟ ହୋଇନାହିଁ । ଏନେଇ ଡିଏମ୍‌ଇଟି ନିର୍ଦ୍ଦେଶକ ସିବିକେ ମହାନ୍ତି ସୂଚନା ଦେଇଛନ୍ତି ।

ଝାରପଡ଼ା ଜେଲରେ ଅପରାଧୀମାନଙ୍କ ପାଖରୁ ଜବତ ହେଲା ୯ଟି ମୋବାଇଲ

ଭୁବନେଶ୍ୱର: ଜେଲରେ ରହି ମଧ୍ୟ ଚାଲିଥିଲା ବାହାର ନେଟଓ୍ୱାର୍କ ସହ ଡିଲ। ଜେଲ ଭିତରେ ଅପରାଧୀମାନେ ରହି ମୋବାଇଲ ଦ୍ୱାରା ଚଳାଇଥିଲେ କଥାବାର୍ତ୍ତା। ଝାରପଡା ଜେଲରୁ ଜବତ ହେଲା ୯ଟି ମୋବାଇଲ। ଦୁର୍ଦ୍ଦାନ୍ତ ଅପରାଧୀଙ୍କ ନିକଟରୁ ମିଳିଲା ମୋବାଇଲ। ଡିଜିଙ୍କ ନେତୃତ୍ୱରେ ଜେଲରେ ହୋଇଥିଲା ଚଢ଼ାଉ। ମୋବାଇଲ ଗୁଡ଼ିକ କେଉଁଠି ମାଟି ତଳେ ତ କେଉଁଠି କାନ୍ଥ ଭିତରେ ମୋବାଇଲ ଲୁଚାଇ ରଖିଥିଲେ ଅପରାଧୀ।

୨ ହାର୍ଡକୋରଙ୍କ ବିରୋଧରେ ଲକ୍ଷ୍ମୀସାଗର ଥାନାରେ ଏତଲା। ତେବେ ଖୁବଶୀଘ୍ର ମୋବାଇଲ ରଖିଥିବା ଅନ୍ତେବାସୀଙ୍କୁ ଅନ୍ୟତ୍ର ବଦଳି କରାଯିବ। ହାର୍ଡକୋରଙ୍କ ଏରିଆ ଅଫ ଅପରେସନରେ ପରିବର୍ତ୍ତନ ହେବ। ଆଗାମୀ ଦିନରେ ଜେଲରେ ଚଢ଼ାଉ ବ୍ୟାପକ ହେବ। ଜେଲ ଡିଜି ସନ୍ତୋଷ ଉପାଧ୍ୟାୟଙ୍କ ସୂଚନା। ତେବେ ଜେଲ ଭିତରେ ଅପରାଧୀ ମାନଙ୍କ ପାଖକୁ ମୋବାଇଲ କେମିତି ଗଲା । ଜେଲରେ ଅଧିକାରୀ ମାନଙ୍କର ଏଥିରେ ଲିଙ୍କ୍‌ ରହୁଛି କି । ଏନେଇ ଜେଲ କର୍ତ୍ତୃପକ୍ଷଙ୍କୁ ନେଇ ପ୍ରଶ୍ନ ଉଠିଛି ।