spot_img
Home Blog Page 5813

ମୃତ୍ୟୁ ପରେ ଆଙ୍ଗୁଠିର ଟିପ ଚିହ୍ନ ବଦଳିଯାଏ କି?

ମଣିଷ ବଂଚିଥିବା ସମୟରେ ତାର ପରିଚୟ ପତ୍ରର ଆବଶ୍ୟକତା ପଡିଥାଏ । ସେଥିପାଇଁ ଆଧାରକାର୍ଡ ହେଉ ଭୋଟର ଆଇଡି କାର୍ଡ ହେଉ କିମ୍ବା ବ୍ୟାଙ୍କ ର ଆକାଉଣ୍ଟକୁ ନେଇ ହେଉ ସବୁଥିରେ ଫିଙ୍ଗର ପ୍ରିଣ୍ଟ ଅର୍ଥାତ ଆଙ୍ଗୁଳିର ଟିପ ଚିହ୍ନ ଆବଶ୍ୟକ ହୋଇଥାଏ । ହେଲେ କଣ ଆପଣମାନେ ଜାଣନ୍ତି ସେହି ବ୍ୟକ୍ତି ମରିଗଲା ପରେ ତାର ଆଙ୍ଗୁଠିର ଟିପଚିହ୍ନ ବଦଳିଯାଏ ବୋଲି ? ଆଜ୍ଞା ହଁ ମରିଯିବା ପରେ ସେହି ମୃତ ବ୍ୟକ୍ତିଙ୍କର ଆଙ୍ଗୁଠିର ଟିପ ଚିହ୍ନ ପୂର୍ବ ଭଳି ନଥାଏ । କାହିଁକି ନା ମରିବା ବେଳେ ମଣିଷ ଶରୀରରେ ଥିବା ଇଲେକ୍ଟୋ ମ୍ୟାଗନେଟିକ୍ ଚାର୍ଜ ଶେଷ ହୋଇଯାଏ । ସେହି ଚାର୍ଜ ଯୋଗୁଁ ହିଁ ମଣିଷ ଶରୀରେ ଥିବା କୋଷିକା ତନ୍ତ୍ର କାର୍ଯ୍ୟକାରୀ ହୋଇଥାଏ । ଆଉ ମଣିଷ ବଂଚିଥିବା ସମୟରେ ହିଁ ଏସବୁ ସମ୍ଭବ ହୋଇଥାଏ । ଆପଣ ବେଳେ ଚଳଚିତ୍ର ମାନଙ୍କରେ ଦେଖିଥିବେ ଖଳନାୟକ ଜଣେ ବ୍ୟକ୍ତିଙ୍କୁ ମାରିଦେଇ ସେହି ବ୍ୟକ୍ତିର ଧନ ସଂମ୍ପତ୍ତିକୁ ହଡପ କରିବା ପାଇଁ କାଗଜପତ୍ରରେ ଆଙ୍ଗୁଠିର ଟିପ ଚିହ୍ନ ନେଇଯାଏ । ହେଲେ ପ୍ରକୃତରେ ଏହିଭଳି ହେଲେ ଏହା ଭୁଲ୍ ଟିପ୍ ଚିହ୍ନ ବୋଲି ପ୍ରମାଣିତ ହୋଇଯିବ । କାହିଁକି ନା ଜଣେ ବ୍ୟକ୍ତିର ମୃତ୍ୟୁ ପରେ ତାର ଆଙ୍ଗୁଠିର ଟିପଚିହ୍ନ ପୂର୍ବରୁ ଯେତେ ଭଲ ଭାବରେ ଦେଖାଯାଉଥିଲା ତାହା ଆଉ ସ୍ପଷ୍ଟ ଭାବେ ଦେଖାଯାଏ ନାହିଁ ।

ସାଧାରଣତଃ ମରିବା ପରେ ମୃତ ବ୍ୟକ୍ତିର ଆଙ୍ଗୁଳି ମୁଠା ହୋଇଯାଏ । ଯାହାକୁ ଖୋଲିବା ବି ସହଜରେ ସମ୍ବବ ହୋଇନଥାଏ । ମରିଯିବା ପରେ ଆଙ୍ଗୁଠିର ଟିପ ଚିହ୍ନ ବଦଳିଯିବା ହୁଏତ ଖୁବ୍ କମ୍ ଲୋକ ଜାଣିଥାନ୍ତି । କିନ୍ତୁ ଫରେନସିକ୍ ଡିପାର୍ଟମେଣ୍ଟ,ଡାକ୍ତର ଓ ବୈଜ୍ଞାନିକମାନେ ଏସବୁ ଭଲଭାବରେ ଜାଣନ୍ତି । କାହିଁକି ସେମାନଙ୍କ ଅନୁସାରେ ଅନେକ ଟିପ୍ ଚିହ୍ନର ପରୀକ୍ଷା କରେ ବହୁତ ଅପରାଧିକ ମାମଲରା ସମାଧାନ ସେମାନେ କରିଥାନ୍ତି । ବେଳେ ବେଳେ ମୃତ ବ୍ୟକ୍ତିଙ୍କର ପରିଚୟ ଜାଣିବା ପାଇଁ ଆଙ୍ଗୁଠିର ଟିପ ଚିହ୍ନ ହିଁ ସହାୟକ ହୁଏ । ଫରେନସିକ୍ ଡିମାଟମେଣ୍ଟ ଅନୁସାରେ ବଂଚିଥିବା ବ୍ୟକ୍ତିର ଟିପ ଚିହ୍ନ ମରିଯିବା ପରେ ସାମାନ୍ୟ ବଦଳିଯାଏ ସତ କିନ୍ତୁ ତାହା ପ୍ରକୃତ ଲୋକର ଚିହ୍ନଟ କରିବାରେ ସାହାର୍ଯ୍ୟ କରିଥାଏ ।

କୋଭିଡ ନିୟମ ଭାଙ୍ଗି ପପୁ ଯାଦଭ ଗିରଫ

ପାଟଣା: ବିହାରର ପୂର୍ବତନ ସାଂସଦ ତଥା ଜନ ଅଧିକାର ପାର୍ଟି ନେତାମ ପପୁ ଯାଦବଙ୍କୁ ପାଟଣା ପୁଲିସ୍ ଗିରଫ କରିଛି। ଏ ନେଇ ସେ ନିଜେ ଟ୍ୱିଟ୍ କରି ସୂଚନା ଦେଇଛନ୍ତି। ସେ ଏହି ଟ୍ୱିଟରେ ଲେଖିଛନ୍ତି ଯେ ମୋତେ ପୋଲିସ୍ ଗିରଫ କରି ପାଟଣାର ଗାନ୍ଧୀ ମୈଦାନକୁ  ନେଇ ଆସିଛି।

ସୂଚନା ଅନୁଯାୟୀ, ପପୁ ଯାଦବ ସରକାରୀ କାର୍ଯ୍ୟରେ ବାଧା ସୃଷ୍ଟି କରିବା ଏବଂ ଲକଡାଉନର ନିୟମ ଉଲ୍ଲଂଘନ କରିଥିବା ଅଭିଯୋଗରେ ପୋଲିସ୍ ତାଙ୍କୁ ଗିରଫ କରିଛି। ଅମନୌରର ସିଏ କୋଭିଡ୍‌-୧୯ ଉଲ୍ଲଙ୍ଘନ କରିବା ମାମଲାରେ ଶନିବାର ଦିନ ପପୁ ଯାଦବଙ୍କ ବିରୋଧରେ ଏଫଆଇଆର୍ ଦାୟର କରିଥିଲେ। ଏହାସହ ମଧେପୁରା ସହ ଜଡିତ ଅନ୍ୟ କିଛି ମାମଲା ମଧ୍ୟ ରହିଛି । ପପୁ ଯାଦବ ବିନା ପାସରେ ମଙ୍ଗଳବାର ସକାଳେ ପିଏମସିଏଚର କୋଭିଡ୍ ୱାର୍ଡରେ ପଶି ଯାଇଥିଲେ। ଏହାସହ ସେ ନିଜ ଅଞ୍ଚଳ ମଧେପୁର ଯିବା ପାଇଁ ମଧ୍ୟ କାର୍ଯ୍ୟକ୍ରମ କରିଥିଲେ ।

ପପୁ ଯାଦବ ଆଉ ଏକ ଟ୍ୱିଟରେ ଲେଖିଛନ୍ତି, ‘କରୋନା କାଳରେ ଲୋକଙ୍କ ଜୀବନ ବଞ୍ଚାଇବା ପାଇଁ ନିଜ ଜୀବନକୁ ବାଜି ଲଗାଇବା ଯଦି ଅପରାଧ, ତାହେଲେ ହଁ ମୁଁ ଅପରାଧୀ । ପିଏମ୍ ସାହେବ, ସିଏମ୍ ସାହେବ ମୋତେ ଫାଶୀ ଦେଇ ଦିଅ, ନହେଲେ ଜେଲ୍ ପଠାଇ ଦିଅ । ମୁଁ ମୁଣ୍ଡ ନୁଆଁଇବି ନାହିଁ, ଅଟକିବି ନାହିଁ । ଲୋକଙ୍କୁ ବଞ୍ଚାଇବି। ବେଇମାନଙ୍କ ମୁଖା ଖୋଲିବା ମୁଁ ଜାରି ରଖିବି।’

ଗାଜିପୁର ଗଙ୍ଗା ନଦୀ କୂଳରେ ମଧ୍ୟ ଭାସୁଛି ମୃତଦେହ: ସ୍ଥାନୀୟ ଗ୍ରାମବାସୀଙ୍କ ମଧ୍ୟରେ କୋକୁଆ ଭୟ

ଗାଜିପୁର: ବିହାରର ବକ୍ସର ପରେ ଏବେ ଉତ୍ତରପ୍ରଦେଶର ଗାଜିପୁରର ଗଙ୍ଗା ନଦୀରେ ଭାସୁଛି ମୃତଦେହ । ଜିଲ୍ଲାର ଗହମର ଥାନା ଅଞ୍ଚଳରେ ନରବା, ସୋଝବା ଏବଂ ବୁଲାକିଦାସ ବାବା ଘାଟରେ କୁଢ଼ କୁଢ଼ ଶବ ଭାସୁଥିବା ଦେଖିବାକୁ ମିଳିଛି । ଏହା ବ୍ୟତୀତ କରଣ୍ଡା କ୍ଷେତ୍ରର ବହୁ ଘାଟରେ ମଧ୍ୟ ମୃତଦେହ ଭାସୁଥିବା ଦେଖିବାକୁ ମିଳିଛି । ଏହି ମୃତଦେହ ଗୁଡ଼ିକ ଦେଖିବାକୁ ମିଳିବା ପରେ ଗ୍ରାମବାସୀଙ୍କ ମଧ୍ୟରେ କୋକୁଆ ଭୟ ଖେଳିଯାଇଛି । ମୃତଦେହ ଗୁଡ଼ିକ କରୋନା ସଂକ୍ରମିତ ହୋଇଥିବା ଆଶଙ୍କାରେ ଗ୍ରାମବାସୀ ଭୟଭୀତ ହୋଇଯାଇଛନ୍ତି । ଅପରପକ୍ଷରେ ଘଟଣା ନେଇ ଅବଗତ ହେବା ପରେ ତଦନ୍ତ ନେଇ ଉଚ୍ଚସ୍ତରୀୟ କମିଟି ଗଠନ କରିଛନ୍ତି ଜିଲ୍ଲାପାଳ ।

ଗାଜିପୁର ଜିଲ୍ଲାପାଳ ଏମ୍‌ପି ସିଂହ କହିଛନ୍ତି ଯେ, ଘଟଣା ସମ୍ପର୍କରେ ଆମେ ଅବଗତ ଅଛୁ । ଆମର ଅଧିକାରୀ ଘଟଣାସ୍ଥଳରେ ଉପସ୍ଥିତ ଅଛନ୍ତି ଏବଂ ତଦନ୍ତ ଚାଲିଛି । ମୃତଦେହ କେଉଁଠୁ ଆସିଲା ଏ ନେଇ ତନାଘନା ଆରମ୍ଭ ହୋଇଛି । ଏଥିଲାଗି ଟିମ୍ ଗଠିତ ମଧ୍ୟ ହୋଇସାରିଛି ।

        ସୂଚନା ଯୋଗ୍ୟ ଯେ, ବକ୍ସର ଜିଲ୍ଲାର ଚୌସା କ୍ଷେତ୍ରର ମହାଦେବ ଘାଟ ଉପରେ ସୋମବାର ମୃତଦେହ ମିଳିବା ପରେ ସ୍ଥାନୀୟ ଅଞ୍ଚଳରେ କୋକୁଆ ଭୟ ଖେଳିଯାଇଛି । ଚୈସା ଜିଲ୍ଲା ପ୍ରଶାସନ ପ୍ରଶାସନର ସନ୍ଦେହ କରୁଛି ଯେ, ଏହି ମୃତଦେହ ୟୁପିରୁ ଭାସି ଆସିଛି ।

ମୃତଦେହ ଗୁଡ଼ିକ କରୋନା ସଂକ୍ରମିତଙ୍କ ହୋଇଥିବ ବୋଲି ଆଶଙ୍କା କରାଯାଉଥିବାବ ବେଳେ ଜିଲ୍ଲା ପ୍ରଶାସନର ଅଧିକାରୀ ଏହାକୁ ଅସ୍ୱୀକାର କରିଛନ୍ତି ।ଜିଲ୍ଲାଧିକାରୀ ଜ୍ଞାନେଶ୍ୱର ତ୍ରିପାଠୀ କହିଛନ୍ତି ଯେ, କରୋନା ସଂକ୍ରମିତଙ୍କ ମୃତଦେହ ପ୍ୟାକିଂ ହୋଇଥାଏ କିନ୍ତୁ ଏହି ମୃତଦେହ ଗୁଡ଼ିକରେ ସେଭଳି କିଛି ଦେଖିବାକୁ ମିଳିନାହିଁ ।

ଏଥିସହିତ ପଢ଼ନ୍ତୁ: ଚିନ୍ତା ବଢ଼ାଇଲା ଭାରତର ଡବଲ ମ୍ୟୁଟାଣ୍ଟ ଭାଇରସ୍

ଦିଲ୍ଲୀ ଏନସିଆରରେ ଭ୍ୟାକସିନ ପାଇଁ ମାରପିଟ..

କରୋନା ସହ ଲଢିବା ପାଇଁ ଦେଶରେ ଆରମ୍ଭ ହୋଇଥିଲା ଭ୍ୟାକସିନ୍ ଅଭିଯାନ । ସେଥିପାଇଁ ପ୍ରଥମେ ବୟସ୍କ ନାଗରିକଙ୍କୁ ଆଉ ଏବେ ୧୮ ବର୍ଷରୁ ୪୫ବର୍ଷ ପର୍ଯ୍ୟନ୍ତ ଥିବା ନାଗରିକଙ୍କୁ ଦିଆଯାଉଛି ଭ୍ୟାକସିନ୍ । କିନ୍ତୁ ଟିକା ଅଭାବ କାରଣରୁ ଦେଶରେ କିଛି କିଛି ସ୍ଥାନରେ ଏହି ଟିକାକରଣ ଅଭିଯାନ ଏଯାଏଁ ଆରମ୍ଭ ହିଁ ହୋଇନାହିଁ । ଏହିଭଳି ସମୟରେ ଦିଲ୍ଲୀର ଏନସିଆରର ଅନେକ ସ୍ଥାନରେ ସ୍ଥିତି ବିଗିଡିବାରେ ଲାଗିଛି । ଏଠାରେ ଟିକା ଅଭିଯାନ ତ ଆରମ୍ଭ ହୋଇଯାଇଛି କିନ୍ତୁ ଘୋର ଅବ୍ୟବସ୍ଥା ଯୋଗୁଁ ଲୋକେ ଟିକା ପାଇଁ ଲମ୍ବା ଲାଇନରେ ଛିଡାହେଉଛନ୍ତି । ଲୋକଙ୍କ ପାଖରେ ସିରିଅଲ ନମ୍ବର ସ୍ଲଟ ନମ୍ବର ଥାଇ ବି ସେମାନଙ୍କ ନମ୍ବର ପଡୁନି । ସରକାର ଅନଲାଇନ ରେଜିଷ୍ଟ୍ରେସନ ପ୍ରକ୍ରିୟା ଆରମ୍ଭ କଲେ କିନ୍ତୁ କୋୱିନରେ ରେଜିଷ୍ଟ୍ରେସନ ଓ ଆପୋଏଣ୍ଟମେଣ୍ଟ ଥିବା ସତ୍ୱେ ବି ଲୋକେ ନିରାସ ହୋଇ ଘରକୁ ଫେରୁଛନ୍ତି । ଲୋକଙ୍କର ଅଭିଯୋଗ ଯେ ଆମକୁ ଆପୋଏଣ୍ଟମେଣ୍ଟ ତାରିଖ ମିଳିବା ପରେ ବି କୋଭିଡ କେନ୍ଦ୍ରରେ ସେମାନଙ୍କର ନାଁ ନାହିଁ ବୋଲି କୁହାଯାଉଛି । ଦିଲ୍ଲୀର ୍‌ଦାଦରୀ ଏନଟିପିସି ଭ୍ୟାକସିନେସନ ସେଣ୍ଟରେ ଏହିଭଳି ଘଟଣା ଦେଖିବାକୁ ମିଳୁଛି । ଲୋକେ ଉତ୍ତେଜିତ ହୋଇ ମାରପିଟ ମଧ୍ୟ ଆରମ୍ଭ କଲେଣି ।

ଯେଉଁମାନଙ୍କ ପାଖରେ ସ୍ଲୋଟ ଅଛି ସେମାନେ ଫେରିଯାଉଥିବାରୁ ତାଙ୍କ ଭିତରେ ଅସନ୍ତୋଷ ଦେଖିବାକୁ ମିଳୁଛି । ଜିଲ୍ଲା ଚିକିତ୍ସା ଅଧିକାରୀଙ୍କ କହିବା କଥା ଯେ ପ୍ରତ୍ୟେକ ଦିିନ ଏହି ସେଣ୍ଟରରେ ୧୩୦ ରୁ ୧୫୦ ଜଣ ଭ୍ୟାକସିନ ଦେବାର କ୍ଷମତା ରହିଛି । ତାପରେ ଅନେକ ଲୋକ ବିନା ରେଜିଷ୍ଟ୍ରେସନରେ ବି ସେଣ୍ଟରକୁ ଆସୁଛନ୍ତି । ତେଣୁକରି କିଛି ଲୋକ ନିରାଶ ହୋଇ ଫେରୁଛନ୍ତି । ହେଲେ ଫେରିଯାଉଥିବା ଲୋକଙ୍କୁ ଚିକିତ୍ସା ଅଧିକାରୀଙ୍କ ନମ୍ବର ଦିଆଯାଉଛି । ଯେମିତିକି ସେମାନେ ପରବର୍ତୀ ସମୟରେ ଯୋଗାଯୋଗ କରି ନିଜର ସ୍ଲୋଟ ପ୍ରସ୍ତୁତ କରିପାରିବେ । ହେଲେ ଏହିଭଳି ସ୍ଥିତିକୁ କେଉଁ ହିସାବରେ ଆୟତ୍ତ କରିହେବ ତାହା ଚିନ୍ତାର ବିଷୟ । କାହିଁକି ନା ଅନେକ ଭ୍ୟାକସିନ ସେଣ୍ଟରରେ ଏବେ ହଜାର ହଜାର ସଂଖ୍ୟାରେ ଭିଡ ଜମୁଛି । ତାସହ ସେଣ୍ଟରେ ଭ୍ୟାକସିନର ଅଭାବ ମଧ୍ୟ ରହିଛି । କେମିତି ପ୍ରତ୍ୟେକ ଲୋକଙ୍କୁ ଭ୍ୟାକସିନ ମିଳିବ ଓ ସମସ୍ତେ କୋଭିଡକୁ ହରାଇବେ ତାହା ହିଁ ଚିନ୍ତା ।

ଚିନ୍ତା ବଢ଼ାଇଲା ଭାରତର ଡବଲ ମ୍ୟୁଟାଣ୍ଟ ଭାଇରସ୍

ନୂଆଦିଲ୍ଲୀ: ଭାରତରେ କରୋନା ସଂକ୍ରମଣ ବୃଦ୍ଧି ନେଇ ସାରା ବିଶ୍ୱ ଚିନ୍ତାରେ ପଡ଼ିଛି। ବିଶେଷକରି ଭାରତରେ ଯେଉଁ ଡବଲ୍ ମ୍ୟୁଟାଣ୍ଟ ଭାଇରସ୍ ଦେଖାଦେଇଛି, ତାହା ସାରା ବିଶ୍ୱ ପାଇଁ ଚିନ୍ତାର ବିଷୟ ବୋଲି ବିଶ୍ୱ ସ୍ୱାସ୍ଥ୍ୟ ସଙ୍ଗଠ କହିଛି । WHOର ବୈଷୟିକ ମୁଖ୍ୟ ଡକ୍ଟର ମାରିଆ ଭାନ କେରକୋଭେ  କହିଛନ୍ତି ଯେ ଭାରତରେ ଚିହ୍ନଟ ହୋଇଥିବା B-1617 ଭାରିଆଣ୍ଟ ସମଗ୍ର ବିଶ୍ୱ ପାଇଁ ଚିନ୍ତା ବଢ଼ାଇଛି ।

ଭାରତରେ ଚିହ୍ନଟ ହୋଇଥିବା B-1617 ଭାରିଆଣ୍ଟ ଦ୍ରୁତଗତିରେ ମାଡ଼ିଚାଲିଛି। ଏହି ନୂଆ ଭାରିଆଣ୍ଟ ସଂକ୍ରମଣକୁ ଆଗକିୁ ବଢ଼ିବାରେ ସହାୟକ ହେଉଛି। ତେବେ ଭାରତରେ ଯେଉଁ ଟିକା ଏବେ ଦେଶବାସୀଙ୍କୁ ଦିଆଯାଉଛି, ତାହା ଏହି ଭାରିଆଣ୍ଟକୁ ମାତ୍ ଦେବାରେ ସକ୍ଷମ। ବ୍ରିଟେନ୍, ବ୍ରାଜିଲ୍ ଓ ଦକ୍ଷିଣ ଆଫ୍ରିକା ପରେ ଭାରତ ହେଉଛି ଚତୁର୍ଥ ଦେଶ ଯେଉଁଠି ଦ୍ରୁତଗତିରେ ସଂକ୍ରମଣ ମାଡ଼ିଚାଲିଛି।

ଭାରତରେ ବଢୁଥିବା ସଂକ୍ରମିତଙ୍କ ସଂଖ୍ୟା ଓ ମୃତ୍ୟୁସଂଖ୍ୟାକୁ ନେଇ ସନ୍ଦେହ ପ୍ରକଟ କରିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ। ଏଥିପ୍ରତି ଧ୍ୟାନ ଦେବା ସହ ଲୋକ ଆହୁରି ସଚେତନ ହେବା ଆବଶ୍ୟକ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି।

ପୁରୀରେ ଆରମ୍ଭ ହେଲାଣି ଚନ୍ଦନଯାତ୍ରା ପ୍ରସ୍ତୁତି, ଆଜି ବସିବ ଛତିଶାନିଯୋଗ ବୈଠକ

ପୁରୀ: ପୁରୀରେ ଆରମ୍ଭ ହେଲାଣି ଚନ୍ଦନଯାତ୍ରା ପ୍ରସ୍ତୁତି । କିପରି ସୁରୁଖୁରୁରେ କୋଭିଡ୍‌ କଟକଣାରେ ମହାପ୍ରଭୁଙ୍କ ଚନ୍ଦନଯାତ୍ରା ହେବ, ସେନେଇ ତତ୍ପରତା ପ୍ରକାଶ ପାଇଛି । ଏଥିପାଇଁ ଆଜି ଛତିଶାନିଯୋଗ ବୈଠକ ବସିବ । ଏହା ପୂର୍ବରୁ ଜିଲ୍ଲାପାଳ ସମର୍ଥ ବର୍ମା ରଥଖଳା ଓ ଚନ୍ଦନ ପୋଖରୀ ବୁଲି ଅନୁଧ୍ୟାନ କରିଛନ୍ତି । କିପରି ସୀମିତ ସେବାୟତ କରୋନା କଟକଣାରେ ଚନ୍ଦନଯାତ୍ରା ନୀତିକାନ୍ତି କରିବେ, ତା’ର ସମୀକ୍ଷା କରିଛନ୍ତି । ଚନ୍ଦନଯାତ୍ରାର ଅପୂର୍ବ ଦୃଶ୍ୟର ଲାଇଭ ଫିଡ୍ ଦେବା ବ୍ୟବସ୍ଥା ହେବ ବୋଲି କହିଛନ୍ତି ଜିଲ୍ଲାପାଳ ସମର୍ଥ ବର୍ମା ।

ଚନ୍ଦନଯାତ୍ରାରେ ନିୟୋଜିତ ହେବାକୁ ଥିବା ସେବାୟତ ୭୨ ଘଣ୍ଟା ପୂର୍ବରୁ କରୋନା ନେଗେଟିଭ ରିପୋର୍ଟ ଦେଖାଇବା ବାଧ୍ୟତାମୂଳକ କରାଯାଇଛି। ସେପଟେ ଅକ୍ଷୟତୃତୀୟାରୁ ଆରମ୍ଭ ହେବାକୁ ଥିବା ରଥ ନିର୍ମାଣ କାମର ମଧ୍ୟ ଜିଲ୍ଲାପାଳ ସମୀକ୍ଷା କରିଛନ୍ତି । ରଥ ନିର୍ମାଣରେ ନିୟୋଜିତ ହେବାକୁ ଥିବା ସେବାୟତଙ୍କର ଆସନ୍ତାକାଲିଠୁ ଆରଟି-ପିସିଆର ଟେଷ୍ଟ ହେବ । ପ୍ରତ୍ୟେକ ଦିନ ଥର୍ମାଲ ସ୍କ୍ରିନିଂ ହେବ ।

ଅକ୍ଷୟ ତୃତୀୟାରେ ଶସ୍ତାହେବ ସୁନା ଓ ରୂପାର ଦରଦାମ୍..

ସୁନା କିଣିବାକୁ ମନ ବଳାଉଛନ୍ତି କି? ଆସୁଥିବା ଅକ୍ଷୟ ତୃତୀୟାରେ କିଣିବାକୁ ଚାହୁଁଛନ୍ତି କି ସୁନା ? ତେବେ ନିଶ୍ଚିତ ଏହା ଏକ ଭଲ ସୁଯୋଗ । ବର୍ତମାନ ସୁନା ଓ ଚାନ୍ଦୀର ଦାମ୍ ସାମାନ୍ୟ କମ୍ ହୋଇଛି । ମଲ୍ଟି କମୋଡିଟି ଏକ୍ସଚେଂଜରେ ଆଜି ସକାଳୁ ସୁନାର ଦରଦାମ କମିଛି ବୋଲି ସୂଚନା ରହିଛି । ଆଜି ଭାରତୀୟ ବଜାରରେ ୨୨ କ୍ୟାରେଟ ସୁନାଦର ଦଶ ଗ୍ରାମ ପ୍ରତି ୪୪,୯୧୦ ଟଙ୍କା ଥିବା ବେଳେ ୨୪ କ୍ୟାରେଟ ସୁନା ମୂଲ୍ୟ କିନ୍ତୁ ଦଶଗ୍ରାମ ପ୍ରତି ୪୫,୯୦୦ ଟଙ୍କା ଜଣାଯାଇଛି । ଓଡିଶା ରାଜଧାନୀ ଭୁବନେଶ୍ୱରରେ ଏବେ ୨୨ କ୍ୟାରେଟ ଓ ୨୪ କ୍ୟାରେଟ ସୁନା ମୂଲ୍ୟ ୧୦ଗ୍ରାମ ପ୍ରତି ୪୪,୬୧୦ଟଙ୍କା ଓ ୪୮,୬୭୦ଟଙ୍କା ରହିଛି । ଦେଶରେ ପ୍ରମୂଖ ସହର ମାନଙ୍କରେ ସୁନାର ଦରରେ କିଛିଟା ପରିବର୍ତ୍ତନ ଆସିଛି । ତେଣୁକରି ଆଶା କରାଯାଉଛି ଯେ ଅକ୍ଷୟ ତୃତୀୟାରେ ସୁନା ଓ ଚାନ୍ଦିର ଦରଦାମ୍‌ରେ ପରିବର୍ତ୍ତନ ହେବ । ଗ୍ରାହକମାନେ ସୁନା କିଣିବା ବେଳେ ନିଶ୍ଚିତ ରୂପେ ଶୁଦ୍ଦତା ଉପରେ ବିଶେଷ ଭାବେ ଧ୍ୟାନ ଦିଅନ୍ତି । ତେଣୁକରି ଗ୍ରାହକଙ୍କ ସଠିକ୍ ସୁନାର ଶୁଦ୍ଦତା ଜାଣିବା ପାଇଁ ସରକାରଙ୍କ ଦ୍ୱାରା ଏକ ଆପ୍ ମଧ୍ୟ ଜାରୀ କରାଯାଇଛି । ବିସ୍ କେୟାର ଆପ୍ ଜରିଆରେ ଗ୍ରାହକ ସୁନାର ଶୁଦ୍ଦତା ଭଲ ଭାବରେ ଜାଣିପାରିବେ ।

ସାଉଥ୍ ସୁପରଷ୍ଟାର ଜୁନିଅର ଏନ୍‌ଟିଆରଙ୍କୁ କରୋନା

କରୋନା କବଳରେ ଅନେକ ଅଭିନେତା । ଏଥି ମଧ୍ୟରୁ ତେଲୁଗୁ ସୁପରଷ୍ଟାର ଜୁନିଅର ଏନଟିଆର କରୋନା ଦ୍ୱାରା ହୋଇଛନ୍ତି ସଂକ୍ରମିତ । ନିଜ ଟୁଇଟର ମାଧ୍ୟମରେ ଏ ସଂପର୍କରେ ସୂଚନା ଦେଇଛନ୍ତି ଜୁନିଅର ଏନଟିଆର । ଆଗ ଅପେକ୍ଷା ତାଙ୍କ ସ୍ୱାସ୍ଥ୍ୟରେ ସୂଧାର ଅଛି ବୋଲି ସେ ସୂଚନା ମଧ୍ୟ ଦେଇଛନ୍ତି । ସେ କହିଛନ୍ତି-ମୋର କୋଭିଡ ନେଗେଟିଭ୍ ଆସିଛି,ମୁଁ ଆସୋଲେସନରେ ରହିଛି,ମୋ ପରିବାର ବି ବର୍ତମାନ ଆସୋଲେସନରେ ରହିଛନ୍ତି ତାସହ ଡାକ୍ତରଙ୍କ ପରାମର୍ଶ କର୍ମେ ସବୁ ନିୟମର ପାଳନ କରୁଛୁ । ତେଣୁ ମୋର ଅନୁରୋଧ ଯେ ମୋ ସମ୍ପର୍କରେ ଆସିଥିବା ଲୋକେ ନିଜର ଟେଷ୍ଟ କରାନ୍ତୁ ଓ ସୁରକ୍ଷିତ ରୁହନ୍ତୁ । ଜୁନିଅର ଏନଟିଆରଙ୍କ  ଏହି ପୋଷ୍ଟରେ, ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ଅନେକ ଷ୍ଟାର ଏବଂ ଫ୍ୟାନ୍ସ ତାଙ୍କର ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରିଛନ୍ତି । ଅଭିନେତା ମହେଶ ବାବୁ ଲେଖିଛନ୍ତି ଯେ ‘ଶୀଘ୍ର ଭଲ ହୋଇଯାଅ ଭାଇ। ଦୃଢ ରୁହ ଏବଂ ପ୍ରାର୍ଥନା କର ।’ସେହିପରି ଅଭିନେତ୍ରୀ ରକୁଲ ପ୍ରୀତ ସିଂହ ମଧ୍ୟ ଲେଖିଛନ୍ତି, ‘ଶୀଘ୍ର ଭଲ ହୋଇଯାଅ ।

ଜୁନିଅର ଏନଟିଆରଙ୍କ ପରବର୍ତ୍ତୀ ଫିଲ୍ମ ହେଉଛି ଏସ୍ ରାଜାମୌଲିଙ୍କ RRR । ସେ ଏହି ଫିଲ୍ମରେ ରାମ ଚରଣ, ଅଜୟ ଦେବଗନ୍ ଏବଂ ଆଲିଆ ଭଟ୍ଟ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ଏହି ଫିଲ୍ମ ୧୩ ଅକ୍ଟୋବର ୨୦୨୧ ରେ ରିଲିଜ୍ ହେବ । ପୂର୍ବରେ କରୋନା ଦ୍ୱାରା ଆକ୍ରାନ୍ତ ହୋଇ ଅନେକ ଅଭିନେତାଙ୍କର ମୃତ୍ୟୁ ମଧ୍ୟ ହୋଇଛି । ଏବଂ ବର୍ତ୍ତମାନ କରୋନାର ଦ୍ୱିତୀୟ ଲହରୀରେ ବି ବିଭିନ୍ନ ଇଣ୍ଡଷ୍ଟ୍ରିର ଅଭିନେତା ମାନଙ୍କର ଜୀବନ ନେଉଛି ମହାମାରୀ କରୋନା ।

କରୋନା ଟିକା ପାଇଁ ଓଡ଼ିଶାର ଗ୍ଲୋବାଲ ଟେଣ୍ଡର ଆହ୍ୱାନକୁ କଂଗ୍ରେସ ନେତା ଅଭିଷେକ ସିଂହଭିଙ୍କ ପ୍ରଶଂସା

ଭୁବନେଶ୍ୱର: ବିଦେଶୀ କମ୍ପାନୀଠୁ ଟିକା କିଣିବ ଓଡ଼ିଶା । ଏଥିପାଇଁ ଗ୍ଲୋବାଲ ଟେଣ୍ଡର କରାଯିବ । ଏ ନେଇ ଗତକାଲି କ୍ୟାବିନେଟ ବୈଠକରେ ନିଷ୍ପତ୍ତି ହୋଇଛି । କରୋନା ଔଷଧ ପାଇଁ ଓଡ଼ିଶାର ଗ୍ଲୋବାଲ ଟେଣ୍ଡର ଆହ୍ୱାନକୁ ପ୍ରଶଂସା କରିଛନ୍ତି ବରିଷ୍ଠ କଂଗ୍ରେସ ନେତା ଅଭିଷେକ ମନୁ ସିଙ୍ଗଭି । ସେ କହିଛନ୍ତି, ୨୦୨୦ ଅକ୍ଟୋବରରେ କେନ୍ଦ୍ର ସରକାର ଏହା କରିବାର ଥିଲା । କିନ୍ତୁ ଏଭଳି ନକରି ବିଦେଶକୁ ଟିକା ରପ୍ତାନି କଲେ କେନ୍ଦ୍ର ସରକାର । ଯେଉଁଥିପାଇଁ ଟିକା ସମସ୍ୟା ଦେଖାଦେଉଛି । କିନ୍ତୁ ସ୍ବଳ୍ପ ସମ୍ବଳ ସତ୍ତ୍ୱେ ଓଡ଼ିଶା ରାଜ୍ୟ ଦେଖାଇଛି ବାଟ । ସମସ୍ତଙ୍କୁ ଟିକା ଦେବା ପାଇଁ ଓଡ଼ିଶା ସରକାରଙ୍କ ପଦକ୍ଷେପ ପ୍ରଶଂସନୀୟ ବୋଲି କହିଛନ୍ତି ଅଭିଷେକ ମନୁ ସିଙ୍ଗଭି ।

ଟିକା ଯେପରି ଓଡ଼ିଶାର ଲୋକ ସୁବିଧାରେ ପାଇ ପାରିବେ ସେଥିପାଇଁ ବିଶ୍ଵର ବିଭିନ୍ନ ଟିକା କମ୍ପାନୀରୁ ଟିକା ସଂଗ୍ରହ ପାଇଁ ପଦକ୍ଷେପ ନିଆଯିବ । ଏଣିକି ଓଡ଼ିଶା ସରକାର ବିଦେଶୀ କମ୍ପାନୀଙ୍କଠାରୁ ଟିକା କିଣିବା ନେଇ ନିଷ୍ପତ୍ତି ନେଇଛନ୍ତି । ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟଲାୟକ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ ନିଷ୍ପତ୍ତି ହୋଇଛି । ଏହାସହ କ୍ୟାବିନେଟ ବୈଠକରେ କୋଭିଡ଼ ଯୋଦ୍ଧାଙ୍କ କାମର ଉଚ୍ଚ ପ୍ରଶଂସା କରାଯାଇ ସଂକଳ୍ପ ଗୃହୀତ ହୋଇଛି ।

ଓଡ଼ିଶାବାସୀଙ୍କ ପାଇଁ ଟିକା ସଂଗ୍ରହ ନିମନ୍ତେ ସର୍ବୋତ୍ତମ ଚେଷ୍ଟା କରାଯିବ । ଶୀଘ୍ର ରାଜ୍ୟରେ ସ୍ୱାଭାବିକ ଅବସ୍ଥା ଫେରାଇ ଆଣିବା ପାଇଁ ରାଜ୍ୟ ସରକାର ସଂକଳ୍ପବଦ୍ଧ । ସେଥିପାଇଁ ବିଶ୍ୱର ବିଭିନ୍ନ ପ୍ରମୁଖ ଟିକା କମ୍ପାନୀରୁ ଟିକା ସଂଗ୍ରହ ନିମନ୍ତେ ଏକ ଗ୍ଲୋବାଲ ଟେଣ୍ଡର ଜାରି କରିବାକୁ ରାଜ୍ୟ କ୍ୟାବିନେଟ ନିଷ୍ପତ୍ତି ନେଇଛନ୍ତି । ଶୀଘ୍ର ଟୀକାକରଣ ଏବଂ ମୂଲ୍ୟବାନ ଜୀବନର ସୁରକ୍ଷା ସହିତ ଲୋକଙ୍କ ଜୀବନ ଜୀବିକାର ପୁନସ୍ଥାପନ ପାଇଁ ଏକ ବୈଷୟିକ କମିଟି ଗଠନ କରାଯିବ ।

ଏଥିସହିତ ଟୀକା ଉପରୁ ସମସ୍ତ ପ୍ରକାର ଟିକସ ଉଠାଇ ଦେବା ପାଇଁ ରାଜ୍ୟ ସରକାର କେନ୍ଦ୍ର ସରକାରଙ୍କ ନିକଟରେ କ୍ୟାବିନେଟ ଦାବି ଜଣାଇଛି । ଏହା ଫଳରେ ରାଜ୍ୟ ଅର୍ଥନୀତି ଉପରେ କମ୍ ଚାପ ପଡ଼ିବ ଏବଂ ସାର୍ବଜନୀନ ଟୀକାକରଣ ପାଇଁ ରାଜ୍ୟ ସରକାରଙ୍କ ଉଦ୍ୟମରେ ଏହା ବିଶେଷ ସହାୟକ ହେବ । ସେହିପରି କେନ୍ଦ୍ର ସରକାର ବିଭିନ୍ନ ସେସ୍ ଓ ସରଚାର୍ଜ ଜରିଆରେ ଆଦାୟ କରୁଥିବା ଅତିରିକ୍ତ ସମ୍ବଳକୁ ରାଜ୍ୟ ମାନଙ୍କ ମଧ୍ୟରେ ଉପଯୁକ୍ତ ଭାବରେ ବଣ୍ଟନ କରାଯିବାର ଆବଶ୍ୟକତା ରହିଛି ବୋଲି କ୍ୟାବିନେଟ ଦାବି କରିଛି ।

ଦେଶରେ ୨୪ ଘଣ୍ଟାରେ ୩ଲକ୍ଷ ୨୯ହଜାର ୯୪୨ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ୨୪ ଘଣ୍ଟାରେ ୩ଲକ୍ଷ ୨୯ହଜାର ୯୪୨ ସଂକ୍ରମିତ ଚିହ୍ନଟ ହୋଇଥିବା ବେଳେ ୩ହଜାର ୮୭୬ସଂକ୍ରମିତଙ୍କ ଜୀବନ ନେଇଛି କିଲର କରୋନା । ଦିନକରେ ୩ଲକ୍ଷ ୫୬ହଜାର ୮୨ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ମୋଟ୍ କେରାନା କେସ୍ ହେଉଛନ୍ତି ୨କୋଟି ୨୬ଲକ୍ଷ ୯୨ହଜାର ୫୭୫, ମୋଟ୍ କରୋନାରୁ ସୁସ୍ଥ ହେଲେଣି କୋଟିଏ ୯୦ଲକ୍ଷ ୨୭ହଜାର ୩୦୪ । ମୋଟ୍ କରୋନା ମୃତ୍ୟୁସଂଖ୍ୟା ୨ଲକ୍ଷ ୪୯ହଜାର ୯୯୨ରେ ପହଞ୍ଚିଥିବା ବେଳେ ଆକ୍ଟିଭ କେସ୍ ୩୭ଲକ୍ଷ ୧୫ହଜାର ୨୨୧ ରହିଛି ।