spot_img
Home Blog Page 5976

ନାମାଙ୍କନ ଭରିବେ ବିଜେଡିର ରୁଦ୍ର ଓ କଂଗ୍ରେସର ଅଜିତ୍

ପୁରୀ: ପିପିଲି ବିଧାନସଭା ଆସନ ଲାଗି ଆଜି ନାମାଙ୍କନ ଭରିବେ ବିଜୁ ଜନତା ଦଳ ପ୍ରାର୍ଥୀ ରୁଦ୍ର ପ୍ରତାପ ମହାରଥୀ । ପୁରୀ ଅତିରିକ୍ତ ଜିଲ୍ଲାପାଳଙ୍କ ନିକଟରେ ଦାଖଲ କରିବେ ନାମାଙ୍କନ ପତ୍ର  । ସକାଳ ସାଢେ ୯ଟାରେ ପିପିଲି ବିଜେଡି ଅଫିସରୁ ଏକ ବିଶାଳ ଶୋଭାଯାତ୍ରାରେ ବାହାରିବେ । ପିପିଲି ପାଇଁ ବିଜେଡିର ବ୍ଲୁ ପ୍ରିଣ୍ଟ ପ୍ରସ୍ତୁତ ସରିଛି । ପଞ୍ଚାୟତ, ବ୍ଲକ୍‌ ଏବଂ ଏନ୍‌ଏସି ଦାୟିତ୍ବ ମନ୍ତ୍ରୀ ଓ ବିଧାୟକଙ୍କୁ ଦିଆସରିଛି । ଦଳର ମହିଳା, ଛାତ୍ର ଓ ଯୁବ ସାମ୍ମୁଖ୍ୟକୁ ଏଥର ଦିଆଯାଇଛି ଅଧିକ ଗୁରୁତ୍ବ ।

ପିପିଲି ଉପ-ନିର୍ବାଚନ ନେଇ ବିଜେଡି ପକ୍ଷରୁ ରୁଦ୍ରଙ୍କ ନାମ ଘୋଷଣା ପରେ ଗତ ୨୮ ତାରିଖରେ ନବୀନ ନିବାସ ଯାଇ ଦଳୀୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରୁ ଟିକେଟ୍ ଗ୍ରହଣ କରିଥିଲେ । ତାଙ୍କ ସହ ଭଉଣୀ ଓ ଭିଣୋଇ ମଧ୍ୟ ନବୀନ ନିବାସ ଯାଇଥିଲେ । ବାପାଙ୍କ ଅଧୁରା ସ୍ୱପ୍ନକୁ ପୂରଣ କରିବେ ବୋଲି କହିଛନ୍ତି ରୁଦ୍ର । ଚାଷୀଙ୍କ ଉନ୍ନତି, ପାନୀୟ ଜଳ, ଜଳସେଚନ ଉପରେ ଧ୍ୟାନ ଦେବେ ବୋଲି ରୁଦ୍ର କହିଛନ୍ତି । ଏଥିସହ ପରିବାରରେ ଟିକେଟ୍ ପାଇଁ ମତଭେଦ ଉପରେ ପ୍ରତିକ୍ରିୟା ରଖି ରୁଦ୍ର କହିଛନ୍ତି ଏହା ବିରୋଧୀ ଦଳର ଏକ ଚାଲ୍ । ପରିବାର ସବୁବେଳେ ଏକାଠି ଅଛି ବୋଲି କହିଛନ୍ତି ରୁଦ୍ର ।

ଅପରପକ୍ଷରେ କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜ ମଧ୍ୟ ଆଜି ନାମାଙ୍କନ ଭରିବେ । ପୁରୀ ଅତିରିକ୍ତ ଜିଲ୍ଲାପାଳଙ୍କ ଅଫିସରେ ପ୍ରାର୍ଥିପତ୍ର ଦାଖଲ କରିବେ ଅଜିତ୍ । ତେବେ ଅଜିତ ମଙ୍ଗରାଜଙ୍କୁ କଂଗ୍ରେସ ପୁଣି ପ୍ରାର୍ଥୀ କରିବା ପରେ ପୁଣି ମୁଣ୍ଡ ଟେକିଛି ଦଳୀୟ କନ୍ଦଳ । ଅନ୍ୟତମ ଟିକେଟ ଆଶାୟୀ ଥିବା ପୂର୍ଣ୍ଣଚନ୍ଦ୍ର ସ୍ବାଇଁ ଖୋଲାଖୋଲି ଅସନ୍ତୋଷ ପ୍ରକାଶ କରିଛନ୍ତି । ତାଙ୍କୁ ଟିକେଟ ନମିଳିବା ପଛରେ ପିସିସି ସଭାପତିଙ୍କ ଷଡ଼ଯନ୍ତ୍ର ବାରିଛନ୍ତି ପୂର୍ଣ୍ଣ । ଗତ ନିର୍ବାଚନରେ ମାତ୍ର ୯ ହଜାର ୮୩୦ ଭୋଟ୍‌ ପାଇଥିବା ଅଜିତଙ୍କ ଉପରେ ଦଳ ପୁଣି ବିଶ୍ବାସ କରିବା, ପିପିଲି କଂଗ୍ରେସକୁ ଆଚମ୍ବିତ କରିଛି ।

ହେଲମେଟ ଚେକିଂ ବେଳେ ପୋଲିସର ମାଡ଼ ଘଟଣା, ୨ ଜଣ ନିଲମ୍ବିତ

କରଞ୍ଜିଆ: ମୟୂରଭଞ୍ଜ କରଞ୍ଜିଆରେ ହେଲମେଟ୍‌ ଚେକିଂ ବେଳେ ପୋଲିସ ମାଡ଼ ମାରିବା ଘଟଣା । ୨ ଜଣଙ୍କୁ ନିଲମ୍ବନ କଲେ ମୟୂରଭଞ୍ଜ ଏସପି । ୪୭୪ ବାଟାଲିୟନର ସିପାହୀ ଆର.କେ ସିଂହ ଏବଂ କରଞ୍ଜିଆ ପୋଲିସ ଡ୍ରାଇଭର ତଥା ହୋମଗାର୍ଡ ମାନସ ରଞ୍ଜନ ସ୍ୱାଇଁଙ୍କୁ ନିଲମ୍ବିତ କରିଛନ୍ତି ମୟୂରଭଞ୍ଜ ଏସପି । ଏହି ଦୁଇ ଜଣଙ୍କ ମାଡ଼ରେ ଯୁବକ ଲହୁ ଲୁହାଣ ହୋଇଥିଲେ ।

 Police Attacks Youth While Helmet Checking In Karanjia

ଗୁରୁତର ଆହତ ଯୁବକଙ୍କ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି । ତାଙ୍କ କାନରେ ଗଭୀର ଆଘାତ ଲାଗିଥିବା ଜଣାପଡ଼ିଛି । କରଞ୍ଜିଆ ଶାହାରପଡ଼ା ବାଇପାସ ନିକଟରେ ହେଲମେଟ୍ ଚେକିଂ ବେଳେ ଏଭଳି ଘଟଣା ଘଟିଛି । ପୋଲିସର ମାଡ଼ ପ୍ରତିବାଦରେ କରଞ୍ଜିଆ ଥାନା ସମ୍ମୁଖରେ ସ୍ଥାନୀୟ ଲୋକ ଘେରାଉ କରିଥିଲେ । ଚାପା ଉତ୍ତେଜନା ଦେଖା ଦେଇଥିଲା ।

 Police Attacks Youth While Helmet Checking In Karanjia

ଏଥିସହ ପଢ଼ନ୍ତୁ- ଚେକିଂରେ ଅଟକିଲେନି ବୋଲି ମାଡ଼ ମାରିଲା ପୋଲିସ

ଏହା ପୂର୍ବରୁ ଗତ ଜାନୁଆରୀ ୧୪ରେ ମଧ୍ୟ ମୟୂରଭଞ୍ଜ ପୋଲିସ ବିରୋଧରେ ଅନୁରୂପ ଅଭିଯୋଗ ହୋଇଥିଲା । ଜାମଦା ଥାନା ଅଞ୍ଚଳରେ ହେଲମେଟ୍ ଚେକିଂ ବେଳେ ନ ଅଟକିବାରୁ ଜଣେ ଯୁବକଙ୍କୁ ପୋଲିସ ମାଡ଼ ମାରିଥିଲା । ଗତବର୍ଷ ମଧ୍ୟ ବାରିପାଦ ଟାଉନ୍ ଥାନା ଅଞ୍ଚଳରେ ଚେକିଂ ବେଳେ ପୋଲିସ ମାଡ଼ରେ ଯୁବକଙ୍କ ଆଖିରେ ଶକ୍ତ ଆଘାତ ଲାଗିଥିଲା । ବାରମ୍ବାର ମୟୂରଭଞ୍ଜ ପୋଲିସ ସମାନ ଆଚରଣ କରୁଥିବା ବେଳେ ସଚେତନତା ଦିଗରେ ଦୃଷ୍ଟି ଦେଉନଥିବାରୁ ଜନ ଅସନ୍ତୋଷ ବଢ଼ିବାରେ ଲାଗିଛି ।

ଜଙ୍ଗଲରେ ନିଆଁ ଲିଭାଉଥିବା ବେଳେ ଜଳିଗଲେ ୱାଚର୍

ବାରିପଦା: ନିଆଁ ଲିଭାଇବା ବେଳେ ଅଘଟଣ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ବାଦାମପାହାଡ଼ ରେଞ୍ଜ ଉକାମପାହାଡ଼ ଜଙ୍ଗଲରେ ନିଆଁ ଲାଗିଥିଲା । ଜଙ୍ଗଲର ୩ଟି ସ୍ଥାନରେ ନିଆଁ ଲାଗିବା ଖବର ପାଇ ଟିଆକାଠି ଡୁଙ୍ଗୁରୀ ସାହି ବନ ସୁରକ୍ଷା ସମିତି ନିଆଁ ଲିଭାଇବା ପାଇଁ ଯାଇଥିଲା । ନିଆଁ ଲିଭାଉଥିବା ବେଳେ ହଠାତ ସାମନା ପଟୁ ପବନ ହେବା ଫଳରେ ଜଣଙ୍କର ଦେହରେ ନିଆଁ ଲାଗିଯାଇଥିଲା ।

Watcher Brunt While Defusing Forest Fire Baripada

ସହଯୋଗୀ ମାନେ ତାଙ୍କୁ ଉଦ୍ଧାର କରି ରାଇରଙ୍ଗପୁର ହସ୍ପିଟାଲରେ ଭର୍ତ୍ତି କରିଛନ୍ତି । ଗୁରୁତର ଯୁବକ ଜଣକ ବନ ବିଭାଗର ଟିଆକାଠି ବନ ସୁରକ୍ଷା ସମିତିର ୱାଚର ଭାବେ କାର୍ଯ୍ୟରତ ବୋଲି ଜଣାପଡିଛି । ଯୁବକ ଜଣକ ହେଲେ ବିଶୋଇ ବ୍ଲକ ଟିଆକାଠି ଗାଁର ଗୋବିନ୍ଦ ଟୁଡୁ । ବନ ସୁରକ୍ଷା ସମିତିର ସହାୟତାରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

୩୨ ପଜିଟିଭ୍ ଚିହ୍ନଟ ପରେ ପ୍ରଗତି କଲେଜକୁ କଣ୍ଟେନମେଣ୍ଟ ଜୋନ୍ ଘୋଷଣା କଲା ପ୍ରଶାସନ

ଭବାନୀପାଟଣା/ରାଉରକେଲା: ଭବାନୀପାଟଣାର ପ୍ରଗତି କଲେଜକୁ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଛି । କଲେଜରୁ ୩୨ ଜଣ ଛାତ୍ରଛାତ୍ରୀ ପଜିଟିଭ୍ ଚିହ୍ନଟ ପରେ କଣ୍ଟେନମେଣ୍ଟ ଜୋନ୍ ଘୋଷଣା କରାଯାଇଛି । ଏନେଇ କଳାହାଣ୍ଡିର ଭାରପ୍ରାପ୍ତ CDMO ସୂଚନା ଦେଇଛନ୍ତି । କଲେଜ ଭିତରକୁ ବାହାର ଲୋକଙ୍କୁ ପ୍ରବେଶ ବାରଣ କରାଯାଇଛି ।

Bhawanipatana Pragati College Declared As Containment Zone

କଲେଜ ଭିତରେ ଥିବା ସମସ୍ତଙ୍କର କୋଭିଡ୍ ଟେଷ୍ଟ ହେବ ବୋଲି ପ୍ରଶାସନ କହିଛି । ପଜିଟିଭ୍ ଚିହ୍ନଟ ଛାତ୍ରଛାତ୍ରୀ ସଂଗରୋଧରେ ରହିଛନ୍ତି । ପଜିଟିଭ୍ ଚିହ୍ନିଟ ଛାତ୍ରଛାତ୍ରୀ କଲେଜ ହଷ୍ଟେଲରେ ରହୁଥିଲେ ।

ଏଥିସହ ପଢ଼ନ୍ତୁ- ଶିକ୍ଷାନୁଷ୍ଠାନରେ ବ୍ୟାପୁଛି କରୋନା, ଘରୋଇ କଲେଜରେ ୩୨ ପଜିଟିଭ୍

Bhawanipatana Pragati College Declared As Containment Zone

ଅନ୍ୟପଟେ ରାଉରକେଲା NITରେ ଆଜି ୭ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ୬ ଛାତ୍ର ଓ ଜଣେ କର୍ମଚାରୀ କରୋନାରେ ଆକ୍ରାନ୍ତ ଚିହ୍ନଟ ହୋଇଥିବା ନେଇ NIT ରେଜିଷ୍ଟ୍ରାର ସୂଚନା ଦେଇଛନ୍ତି । ପୂର୍ବରୁ ରାଉରକେଲା NITରୁ ୭ ଜଣ ପଜିଟିବ୍ ଚିହ୍ନଟ ହୋଇଥିଲେ । ଏହାକୁ ମିଶାଇ ରାଉରକେଲା NITରେ ମୋଟ ୧୪ଜଣ ଆକ୍ରାନ୍ତ ହେଲେଣି ।

ଏନସିପି ମୁଖ୍ୟ ଶରଦ ପାୱାର ଅସୁସ୍ଥ, ମେଡିକାଲରେ ଭର୍ତ୍ତି

ମୁମ୍ବାଇ: ହସ୍ପିଟାଲରେ ଏନସିପି ମୁଖ୍ୟ ଶରଦ ପାୱାର । ପେଟରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ମୁମ୍ବାଇର ବ୍ରିଚ କ୍ୟାଣ୍ଡି ହସ୍ପିଟାଲରେ ଭର୍ତ୍ତି କରାଯାଇଛି । ପରୀକ୍ଷା ପରେ ତାଙ୍କ ଗଲ ବ୍ଲାଡରରେ ସମସ୍ୟା ଥିବା ଜଣାପଡ଼ିଛି । ଡାକ୍ତରଙ୍କ ପରାମର୍ଶ କ୍ରମେ ଆସନ୍ତା ୩୧ ତାରିଖରେ ତାଙ୍କର ଏଣ୍ଡୋସ୍କୋପି ଏବଂ ଅସ୍ତ୍ରୋପଚାର କରାଯିବ ।

 NCP chief to undergo gallbladder surgery on March 31 in Mumbai

ପରବର୍ତ୍ତୀ ନୋଟିସ୍ ପର୍ଯ୍ୟନ୍ତ ପାୱାରଙ୍କ ସମସ୍ତ କାର୍ଯ୍ୟକ୍ରମ ବାତିଲ୍ କରାଯାଇଥିବା ସୂଚନା ଦିଆଯାଇଛି । ଏ ନେଇ ଦଳର ପ୍ରବକ୍ତା ନୱାବ ମଲ୍ଲିକ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ।

ଏବର୍ଷ ବାତ୍ୟା, ବନ୍ୟା ଓ ଅଧିକ ବୃଷ୍ଟିପାତର ଆଶଙ୍କା

ଯାଜପୁର: ପଣା ସଂକ୍ରାନ୍ତି ପରେ କମିବ କରୋନା । ବିରଜା ପାଞ୍ଜିରେ ଏହା ଉଲ୍ଲେଖ ରହିଛି । ଯାଜପୁରର ଦେବୀ ମା’ ବିରଜାଙ୍କ ନିକଟରେ ପାଞ୍ଜି ପାଠ କରାଯାଇଛି । ବର୍ଷ ତମାମ ଯାହା ଘଟିବ, ତାହା ପାଞ୍ଜିରେ ଉଲ୍ଲେଖ ଅଛି । ଏଥର ପାଞ୍ଜି ଗଣନାରେ ଆସିଛି ବଡ଼ ଆଶ୍ୱସ୍ତିକର ଭବିଷ୍ୟବାଣୀ । ଏବର୍ଷ ମହାମାରୀ କରୋନା ପ୍ରକୋପ କମିବା ସହ ଦେଶ ଓ ରାଜ୍ୟରେ କୃଷି ଉତ୍ପାଦନ ବୃଦ୍ଧି ପାଇବ । ହେଲେ ବାତ୍ୟା, ବନ୍ୟା ଓ ଅଧିକ ବୃଷ୍ଟିପାତର ଆଶଙ୍କା ଅଛି ବୋଲି ବିରଜା ପାଞ୍ଜିରେ ଭବିଷ୍ୟବାଣୀ କରାଯାଇଛି ।

What Will Happen This Year According Maa Biraja Panji Jajpur

ପଣା ସଂକ୍ରାନ୍ତି ପରେ ପରେ ଧିରେ ଧିରେ କରୋନା ମହାମାରୀର ପ୍ରକୋପ କମିଯିବ । ରାଜନୀତିକ ଅସ୍ଥିରତାର ସମ୍ଭାବନା ମଧ୍ୟ ନାହିଁ ବୋଲି ପାଞ୍ଜିରେ କୁହାଯାଇଛି । ଦୋଳ ପୂର୍ଣ୍ଣିମାରେ ବିରଜାଙ୍କ ଜ୍ୟୋତିଷ ସେବକମାନଙ୍କ ଦ୍ୱାରା ପ୍ରସ୍ତୁତ ନୂତନ ବିରଜା ପାଞ୍ଜିରେ ଏପରି ଗଣନା କରାଯାଇଛି । ମା’ ବିରଜାଙ୍କର ନୂଆ ପାଞ୍ଜି ଦୋଳ ପୂର୍ଣ୍ଣିମାରେ ପାଠ କରାଯାଉଛି । ଏଥିରେ ୧୨ଟି ରାଶିର ଗ୍ରହ ନକ୍ଷତ୍ର ଚଳନ ସହ ଦେଶ ଓ ରାଜ୍ୟର ଭବିଷ୍ୟତ ଗଣନା କରାଯାଇଛି । ମା’ ବିରଜାଙ୍କ ବିଜେ ପ୍ରତିମାଙ୍କୁ ଦୋଳ ମଣ୍ଡପରେ ସୂତନ୍ତ୍ର ପୂଜାର୍ଚ୍ଚନା କରାଯାଇ ବିରଜା ପାଞ୍ଜି ପାଠ କରାଯାଇଛି ।

କେବଳ ସେତିକି ନୁହଁ ବିରଜା ପାଞ୍ଜି ଅନୁସାରେ ୧୨ଟି ରାଶି ମଧ୍ୟରୁ ମେଷ, ମିଥୁନ, କନ୍ୟା, ବିଛା ରାଶିରେ ଶୁଭ ଫଳ ଥିବା ବେଳେ ଅନ୍ୟ ରାଶିରେ ସେତେଟା ଭଲ ନାହିଁ । ଏବର୍ଷ ବାତ୍ୟା, ବନ୍ୟା ଓ ଅଧିକ ବୃଷ୍ଟିପାତ ସହ ପ୍ରବଳ ଗ୍ରୀଷ୍ଣ ପ୍ରବାହ ହେବ ।

What Will Happen This Year According Maa Biraja Panji Jajpur

ଆସନ୍ତା ପଣା ସଂକ୍ରାନ୍ତିରେ ମା’ ବିରଜାଙ୍କ ଏହି ନୂତନ ପାଞ୍ଜି ପ୍ରଚଳିତ କରାଯିବ । ଯାଜପୁର ଜିଲ୍ଲା ସମେତ କିଛି ପଡ଼ୋଶୀ ଜିଲ୍ଲାରେ ମା’ ବିରଜାଙ୍କ ପାଞ୍ଜି ପ୍ରଚଳିତ ହୋଇଥାଏ । ପୁରାଣର ବିଶ୍ୱାସ ଅନୁସାରେ ମା ବିରଜା ପାଞ୍ଜିରେ ଯାହା ଭବିଷ୍ୟତ ବାଣୀ ରହେ ତାହା ଦେଶ ଓ ରାଜ୍ୟରେ ଦେଖିବାକୁ ମିଳେ ।

ପ୍ରଶାସନ ପୋତି ଦେଲା କ୍ୱିଣ୍ଟାଲ୍ କ୍ୱିଣ୍ଟାଲ୍ ଚୁଡ଼ା

ଯାଜପୁର: ପଦାରେ ପଡ଼ିଲା ସ୍ଥାନୀୟ ପ୍ରଶାସନର ପାରିବାପଣିଆ । ଯାଜପୁର ଜିଲ୍ଲା ବରୀ ବ୍ଲକରେ ପୋତା ହୋଇଛି କ୍ୱିଣ୍ଟାଲ କ୍ୱିଣ୍ଟାଲ ଚୁଡ଼ା । ଯାହାକି ସ୍ଥାନୀୟ ଲୋକଙ୍କୁ ଚକିତ କରିଛି । ହୋଲି ପାଇଁ ସରକାରୀ ଛୁଟି ଥିବାବେଳେ କାହା ଅନୁମତିରେ ବ୍ଲକ ପରିସରରେ ଗଚ୍ଛିତ ଥିବା ପାଖାପାଖି ପାଞ୍ଚଶହ କ୍ୱିଣ୍ଟାଲ ଚୁଡ଼ା ପୋତା ଗଲା ? ତାହା ପ୍ରଶ୍ନବାଚୀ ସୃଷ୍ଟି କରିଛି ।

Several Bags Of Dehusked Rice Daumping In Jajpur

ଏନେଇ ବରୀ ବିଡିଓ ଶିବାନନ୍ଦ ସ୍ୱାଇଁ କହିଛନ୍ତି- ୧୦ ବର୍ଷ ପୂର୍ବରୁ ଏହି ଚୁଡ଼ା ଗଚ୍ଛିତ ଥିଲା । ଜିଲ୍ଲାପାଳଙ୍କ ଅନୁମତି କ୍ରମେ ଏହି ଚୁଡ଼ାକୁ ପୋତି ନଷ୍ଟ କରାଯାଇଛି । ବନ୍ୟା ସମୟରେ ଲୋକଙ୍କ ପାଖରେ ଚୁଡ଼ା, ଗୁଡ଼ ପହଞ୍ଚି ପାରିନଥିବା ବେଳେ ଏତେ ଚୁଡ଼ା କାହିଁକି ଗଚ୍ଛିତ ଥିଲା ବୋଲି ସାଧାରଣ ଲୋକ ପ୍ରଶ୍ନ କରିଛନ୍ତି ।

Several Bags Of Dehusked Rice Daumping In Jajpur

ତେବେ ପୋତା ହୋଇଥିବା ଚୁଡ଼ା ଓ ଗୁଡ଼ ପ୍ରାୟ ବର୍ଷକ ତଳର ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ୧୦ ବର୍ଷ ଧରି ଏତେ ପରିମାଣର ଚୁଡ଼ା ଓ ଗୁଡ଼ ଗଛିତ ରଖିବାର କାରଣ କ’ଣ ବୋଲି ପ୍ରଶ୍ନ ପଚାରିଛନ୍ତି ସ୍ଥାନୀୟ ବାସିନ୍ଦା ।

ନୂତନ କରୋନା ସଂକ୍ରମଣ ମାମଲା ଓ ମୃତ୍ୟୁ ସପ୍ତାହକରେ ୫୧ ପ୍ରତିଶତ ବୃଦ୍ଧି

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ବଢ଼ିଥିବା ବେଳେ ସପ୍ତାହକର କରୋନା ଗ୍ରାଫ୍ ଚିନ୍ତା ବଢ଼ାଇ ଦେଇଛି । ଗତ ସପ୍ତାହକ ମଧ୍ୟରେ କରୋନା ମାମଲା ୫୧ ପ୍ରତିଶତ ବୃଦ୍ଧି ପାଇଛି । ଚଳିତ ସପ୍ତାହରେ ନୂଆ ସଂକ୍ରମଣ ମାମଲା ଗତ ସପ୍ତାହ ତୁଳନାରେ ୧.୩ ଲକ୍ଷ ଅଧିକ ରହିଛି । ମହାମାରୀ କରୋନା ବ୍ୟାପିବା ପରେ ଏହା ସବୁଠୁ ଅଧିକ ବୃଦ୍ଧି ବୋଲି ଜଣାପଡ଼ିଛି । କେବଳ ସଂକ୍ରମଣ ନୁହେଁ ମୃତ୍ୟୁ ମାମଲା ମଧ୍ୟ ବଢ଼ିଛି । ଗତ ସପ୍ତାହ ତୁଳନାରେ ଚଳିତ ସପ୍ତାହରେ ମୃତ୍ୟୁ ମାମଲା ୫୧ ପ୍ରତିଶତ ବଢ଼ିଛି ।

ଦେଶରେ ବିଗତ ୨୪ ଘଣ୍ଟାରେ କରୋନାର ୬୮ ହଜାର ୨୦ଟି ନୂଆ ମାମଲା ଚିହ୍ନଟ ହୋଇଛି । ମୋଟ ସଂକ୍ରମଣ ମାମଲା ୧ କୋଟି ୨୦ ଲକ୍ଷ ୩୯ ହଜାର ୬୪୪ରେ ପହଞ୍ଚିଛି । ୨୯୧ ଜଣଙ୍କ ମୃତ୍ୟୁ ସହ ସଂଖ୍ୟା ୧ ଲକ୍ଷ ୬୧ ହଜାର ୮୪୩ରେ ପହଞ୍ଚିଛି । ଦେଶରେ ଏବେ ୫ ଲକ୍ଷ ୨୧ ହଜାର ୮୦୮ଟି ସକ୍ରିୟ ମାମଲା ରହିଥିବା ବେଳେ ୧ କୋଟି ୧୩ ଲକ୍ଷ ୫୫ ହଜାର ୯୯୩ ଜଣ ସୁସ୍ଥ ହୋଇ ସାରିଛନ୍ତି ।

Coronavirus India Sees Biggest Jump In Cases Till Date

କେନ୍ଦ୍ର ସରକାରଙ୍କ ଅନୁସାରେ- ରବିବାର ଦେଶରେ କରୋନାର ୮୪.୫ ପ୍ରତିଶତ ନୂଆ ମାମଲା ୮ଟି ରାଜ୍ୟ ମହାରାଷ୍ଟ୍ର, କର୍ଣ୍ଣାଟକ, ପଞ୍ଜାବ, ମଧ୍ୟପ୍ରଦେଶ, ଗୁଜରାଟ, କେରଳ, ତାମିଲନାଡ଼ୁ ଓ ଛତିଶଗଡ଼ରୁ ଆସିଛି । ମହାରାଷ୍ଟ୍ର, କେରଳ, ପଞ୍ଜାବ, ଛତିଶଗଡ଼ ଓ କର୍ଣ୍ଣାଟକ ଆଦି ୫ଟି ରାଜ୍ୟରେ ଦେଶର ୮୦ ପ୍ରତିଶତ ମାମଲା ରହିଛି ।

ନୂଆ ସଂକ୍ରମଣ ମାମଲା ବିଗତ ୩ ସପ୍ତାହ ମଧ୍ୟରେ ତିନିଗୁଣ ହୋଇଛି । ମାର୍ଚ୍ଚ ୧ରୁ ୭ ମାର୍ଚ୍ଚ ମଧ୍ୟରେ ୧.୧୭ ଲକ୍ଷ ମାମଲା ଚିହ୍ନଟ ହୋଇଥିବା ବେଳେ ଚଳିତ ସପ୍ତାହରେ ୩ ଲକ୍ଷ ୯୩ ହଜାର ୫୬ଟି ମାମଲା ଅର୍ଥାତ୍ ଏକ ତୃତୀୟାଂଶରୁ କମ୍ । ମହାମାରୀର ଦ୍ୱିତୀୟ ଲହର ଆରମ୍ଭ ପରେ ଗତ ୩୫ ଦିନରେ ୧୦ ଲକ୍ଷ ମାମଲା ଆସିଛି । ତା’ପୂର୍ବରୁ କରୋନାର ୧୦ ଲକ୍ଷ ମାମଲା ଆସିବା ଲାଗି ୬୫ ଦିନ ଲାଗିଥିଲା ।

ସୁଏଜ କେନାଲରୁ ହଟିଲା ଟ୍ରାଫିକ୍ ଜାମ୍,୩ଶହରୁ ଅଧିକ ଜାହଜଙ୍କ ପାଇଁ ରାସ୍ତା ସଫା

କାଇରୋ: ସୁଏଜ କେନାଲରେ ଗତ ଏକ ସପ୍ତାହ ଧରି ଲାଗି ରହିଥିବା ଟ୍ରାଫିକ୍ ଜାମ ହଟିଛି । କେନାଲ କୁଳରେ ଲାଗି ରହିଥିବା ବିଶାଳକାୟ ବାଣିଜ୍ୟକ ପୋତ ଏଭର ଗିଭେନକୁ ସଫଳତାର ସହ ହଟାଯାଇଛି । ଫଳରେ କେନାଲର ଫଶି ରହିଥିବା ୩୬୭ ଜାହଜଙ୍କୁ ଆଗକୁ ବଢିବାକୁ ରାସ୍ତା ମିଳିଛି ।

ସୂଚନାଯୋଗ୍ୟ ଯେ, ଗତ ସପ୍ତାହରେ ତାଇୱାନର ଏଭରଗ୍ରୀନ୍ କମ୍ପାନୀ ମାଲିକାନାରେ ଥିବା ଏଭର ଗିଭେନ୍ ଜାହଜ ଭୀଷଣ ସାମୁଦ୍ରିକ ପବନ କାରଣରୁ କୁଳକୁ ଚାଲିଯାଇଥିଲା । ଫଳରେ କେନାଲର ମୁହାଁଣ ବନ୍ଦ ହୋଇଯାଇଥିଲା । ଏହି ଜାହାଜର ଆକାର ୪ଟି ଫୁଟବଲ ପଡିଆ ସହିତ ସମାନ । ଏତେବଡ ବିଶାଳ ଜାହଜ କେନାଲ ମୁହାଁଣରେ ତେରଛା ହୋଇ ଲାଗି ରହିଥିବା କାରଣରୁ ବାକି ଜାହଜଙ୍କୁ ଆଗକୁ ବଢିବାକୁ ରାସ୍ତା ମିଳୁନଥିଲା ।

୧୮୬୭ ମସିହାରେ ନିର୍ମିତ ସୁଏଜ କେନାଲ ଭୂମଧ୍ୟ ସାଗର ଓ ଲୋହିତ ସାଗରକୁ ଯୋଡିଥାଏ । ଏହି କେନାଲ କାରଣରୁ ଏସିଆ ଓ ୟୁରୋପ ମଧ୍ୟରେ ଦୂରତା କମିଥାଏ । ବିଶ୍ୱର ୧୨ ପ୍ରତିଶତ ସାମୁଦ୍ରିକ ବାଣିଜ୍ୟ ଏହି ରୁଟରେ ହୋଇଥାଏ । ୨୦୨୦ରେ ଏହି କେନାଲ ଦେଇ ୧୯ ହଜାର ଜାହଜ ଯାଇଥିଲେ । ଯାହାର ଅର୍ଥ ହେଉଛି ପ୍ରତ୍ୟହ ୫୧ରୁ ଅଧିକ ଜାହଜ ଏହି କେନାଲକୁ ଅତିକ୍ରମ କରିଥାନ୍ତି ।

ତାଇୱାନ କମ୍ପାନୀ ଏଭରଗ୍ରୀନ ମରିନର ଏହି ଜାହଜ ୨୦୧୮ ମସିହାରେ ତିଆରି ହୋଇଥିଲା । ଯାହାର ଲମ୍ବ ୪ଶହ ମିଟର(୧୩୧୨ ଫୁଟ) ଓ ଓସାର ୫୦ ମିଟର । ଏହାର ମାଲବହନ କ୍ଷମତା ହେଉଛି ୧,୧୯,୦୦୦ ଟନରୁ ଅଧିକ । ୪ଟି ଫୁଟବଲ ପଡିଆକୁ ମିଶାଇଲେ ଯେତିକି ହେବ ଏଭର ଗିଭେନର ଆକାର ସେତିକି । ଅନେକ ପ୍ରକାରର ମାଲବାହକ ଜାହଜ ରହିଛନ୍ତି । ଯାହାମଧ୍ୟରୁ ପୈନାମାକ୍ସ ଶ୍ରେଣୀର ଜାହଜଙ୍କ ଲମ୍ବ ୩ଶହ ମିଟରରୁ ଅଧିକ ହୋଇଥାଏ । ସେହିଭଳି ଅଲ୍ଟ୍ରା ଲାର୍ଜ କଣ୍ଟେନର ସିପ୍ ଗୁଡିକଙ୍କ ଲମ୍ବ ୩୬୬ ମିଟର ହୋଇଥାଏ ।ଯେତେବେଳେକି ଏଭର ଗିଭନ ଅଲ୍ଟ୍ରା ଲାର୍ଜ ସିପ୍ ଠାରୁ ୪୦ ମିଟର ଅଧିକ ଲମ୍ବ । ୨୦ଫୁଟ ଲମ୍ବ ବିଶିଷ୍ଟ ୨୦ ହଜାର ସିପିଂ କଣ୍ଟେନରକୁ ବହନ କରିବାର କ୍ଷମତା ଏହି ଜାହଜର ରହିଛି ।

ପାକିସ୍ତାନରେ ଶହେ ବର୍ଷ ପୁରୁଣା ମନ୍ଦିର ଉପରେ ଆକ୍ରମଣ, ହୋଲି ପାଳନ ବନ୍ଦ

ଇସଲାମାବାଦ: ଇମ୍ରାନ ଖାନଙ୍କ ନୂଆ ପାକିସ୍ତାନରେ ବି ହିନ୍ଦୁ ମନ୍ଦିର ଉପରେ ଥମୁନି ଆକ୍ରମଣ । ପାକିସ୍ତାନର ରାୱଲପିଣ୍ଡି ସହରରେ ଥିବା ୧୦୦ ବର୍ଷରୁ ଅଧିକ ପୁରୁଣା ଏକ ମନ୍ଦିର ଉପରେ ଅଜଣା ଗୋଷ୍ଠୀ ଆକ୍ରମଣ କରିଛନ୍ତି । ଅଭିଯୋଗ ଅନୁସାରେ, ଶନିବାର ସନ୍ଧ୍ୟା ପ୍ରାୟ ସାଢ଼େ ୭ଟା ବେଳେ ୧୦ରୁ ୧୫ ଜଣ ଲୋକ ମନ୍ଦିର ଉପରେ ଆକ୍ରମଣ କରିଛନ୍ତି । ପୋଲିସରେ ଏନେଇ ଅଭିଯୋଗ ହୋଇଥିବା ବେଳେ ମନ୍ଦିରର ନବୀକରଣ ଚାଲିଥିବା ବେଳେ ଆକ୍ରମଣ କରାଯାଇଛି ।

ଆକ୍ରମଣକାରୀ ମନ୍ଦିରର ଉପର ମହଲାର ମୁଖ୍ୟ ଦ୍ୱାର ଓ ଅନ୍ୟ ଦ୍ୱାର ସହ ସିଡ଼ି ଗୁଡ଼ିକ ଭାଙ୍ଗି ଦେଇଛନ୍ତି । ବିଗତ ମାସେ ହେଲା ମନ୍ଦିରର ନବୀକରଣ ଚାଲିଥିବା ବେଳେ ଆକ୍ରମଣ ହୋଇଛି । ମନ୍ଦିର ଉପରେ ଆକ୍ରମଣ କରିଥିବା ଲୋକଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । ଏହା ପୂର୍ବରୁ କିଛି ଲୋକ ମନ୍ଦିର ନିକଟ ରାସ୍ତାରେ ଦୋକାନ କରି ଦୀର୍ଘ ସମୟ ଧରି କବଜା କରି ରଖିଥିଲେ ।

ପରେ ଜିଲ୍ଲା ପ୍ରଶାସନ ପୋଲିସ ସହଯୋଗରେ ଜବରଦଖଲ ଉଚ୍ଛେଦ ହୋଇଥିଲା । ଜବରଦଖଲ ଉଚ୍ଛେଦ ପରେ ନବୀକରଣ କାର୍ଯ୍ୟ ଆରମ୍ଭ ହୋଇଛି । ମନ୍ଦିର ସହ ସମ୍ପୃକ୍ତ ଲୋକଙ୍କୁ ମଧ୍ୟ ସୁରକ୍ଷା ଯୋଗାଇ ଦିଆଯାଉଥିବା ପୋଲିସ କହିଛି । ତେବେ, ମନ୍ଦିରରେ ହୋଲି ଉତ୍ସବ ପାଳନ ହେବ ନାହିଁ ବୋଲି ଜଣାପଡ଼ିଛି ।