ଭୁବନେଶ୍ବର: ସୋମବାରଠୁ ଟାଇଁ ଟାଇଁ ଖରା । ଉପାନ୍ତରୁ ଉପକୂଳ ସବୁଠି ବଢିବ ପାରଦ । ସ୍ବାଭାବିକ ଠାରୁ ୪ ରୁ ୬ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ୩ ଦିନ ପର୍ଯ୍ୟନ୍ତ ମିଳିବନି ନିସ୍ତାର । ୧୧, ୧୨ ଏବଂ ୧୩ ତାରିଖରେ ରାଜ୍ୟରେ ହଟ୍ ଓ୍ବେଦର କଣ୍ଡିସନ୍ ଦେଖାଦେବ । ବିଶେଷ କରି ଟୁଇନ୍ସିଟି କଟକ ଭୁବନେଶ୍ବର ସମେତ ବଲାଙ୍ଗୀର, ସମ୍ବଲପୁର, ବରଗଡ, ସୋନପୁର, ବୌଦ୍ଧ, କଳାହାଣ୍ଡି, ମାଲକାନଗିରି, ନବରଙ୍ଗପୁର, ଗଞ୍ଜାମ, ଗଜପତି, ଅନୁଗୁଳ, ଢେଙ୍କାନାଳ, ନୟାଗଡ ଆଦି ଜିଲ୍ଲାରେ ତାପମାତ୍ରା ୩୮ ରୁ ୪୦ ଡିଗ୍ରୀ ପର୍ଯ୍ୟନ୍ତ ଛୁଇଁବା ସମ୍ଭାବନା ରହିଛି । ମେଘମୁକ୍ତ ଆକାଶ ସହ ବାୟୁମଣ୍ଡଳରେ ଶୁଷ୍କତା ବୃଦ୍ଧି ପାଉଥିବାରୁ ରାଜ୍ୟରେ ଏଭଳି ହଟ୍ ଓ୍ବେଦର କଣ୍ଡିସନ୍ ଦେଖାଦେବ ବୋଲି ପାଣିପାଗ କେନ୍ଦ୍ର କହିଛି । ଏଥିପାଇଁ ରାଜ୍ୟର ଅଧିକାଂଶ ଜିଲ୍ଲାକୁ ରେଡ୍ ଏବଂ ଅରେଞ୍ଜ ମାର୍କ ଜାରି କରାଯାଇଛି । ତେବେ ୧୪ ତାରିଖ ବେଳକୁ ରାଜ୍ୟରେ ପୁଣି ବର୍ଷା ହେବା ନେଇ ଆକଳନ କରାଯାଇଛି । ପଶ୍ଚିମା ଝଡ ପ୍ରଭାବରେ ଉତ୍ତର ଅଭ୍ୟନ୍ତରୀଣ ଓଡ଼ିଶାର ବାଲେଶ୍ବର, ଭଦ୍ରକ, କେନ୍ଦୁଝର, ମୟୁରଭଞ୍ଜ, ସୁନ୍ଦରଗଡ, ଝାରସୁଗୁଡା, ଯାଜପୁର ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ହେବ । ଏହି ବର୍ଷା ୧୬ ତାରିଖ ପର୍ଯ୍ୟନ୍ତ ଜାରି ରହିବ । ବାକି ଓଡ଼ିଶାରେ ପାଗ ଶୁଖିଲା ରହିବ । ୧୬ ତାରିଖ ପରେ ପୁଣି ଫେରିବ ତାତି ।
ଏଥର ରାତିରେ ବି ନନ୍ଦନକାନନ ମଜା, ଆଜିଠୁ ନାଇଟ ଆଉଟ ଆଟ୍ ଜୁ
ଭୁବନେଶ୍ବର: ଏଥର ରାତିରେ ବି ନନ୍ଦନକାନନ ମଜା । ଆଜିଠୁ ନନ୍ଦନକାନନରେ ଆରମ୍ଭ ହେଉଛି `ନାଇଟ ଆଉଟ ଆଟ୍ ଜୁ’ । ନନ୍ଦନକାନନ ପକ୍ଷରୁ ନୂଆ ଶୈକ୍ଷିକ କାର୍ଯ୍ୟକ୍ରମ ଆରମ୍ଭ ହେଉଛି । କେବଳ ରବିବାର ରାତିରେ ବୁଲିହେବ ନନ୍ଦନକାନନ । ୨୦ ଦର୍ଶକ ବୁଲିବାକୁ ବ୍ଯବସ୍ଥା କରାଯାଇଛି । ପର୍ଯ୍ୟଟକମାନେ ଅନଲାଇନରେ ଟିକେଟ କିଣି ନନ୍ଦନକାନନ ବୁଲିପାରିବେ । ଏଥିପାଇଁ ଜଣପିଛା ଟିକେଟ ମୂଲ୍ଯ ୨୫୦ ଟଙ୍କା ରହିଛି । ବ୍ଯାଟେରି ଗାଡିରେ ପର୍ଯ୍ୟଟକମାନେ ସଂଧ୍ୟା ସାଢ଼େ ୬ରୁ ରାତି ୮ଟା ଯାଏ ପ୍ରାଣୀ ଉଦ୍ଯାନ ବୁଲିପାରିବେ । ଏହି ସମୟରେ ରାତ୍ରିଚର ପ୍ରାଣୀଙ୍କ ଜୀବନଶୈଳୀର ଅଧ୍ୟୟନ କରିବାକୁ ସୁଯୋଗ ମିଳିବ ।
ରାଜନୀତି ଡେବ୍ୟୁରେ କେମିତି ରହିବ ୟୁସୁଫଙ୍କ ପ୍ରଦର୍ଶନ ?
ନନ୍ଦିଘୋଷ ବ୍ୟୁରୋ: କ୍ରିକେଟ ମଇଦାନରେ କରିଥିଲେ ପାସ୍? ରାଜନୀତି ଡେବ୍ୟୁ କେମିତି ରହିବ ପ୍ରଦର୍ଶନ । ଟିମ ଇଣ୍ଡିଆର ପୂର୍ବତନ ଖେଳାଳି ୟୁସୁଫ ପଠାନ ପଶ୍ଚିମବଙ୍ଗ ନିର୍ବାଚନ ହେଉଛନ୍ତି ପ୍ରାର୍ଥୀ । ଟିଏମସି ବହରାମପୁର ଲୋକସଭା ଆସନରୁ ପ୍ରାର୍ଥୀ ହୋଇଛନ୍ତି ୟୁସୁଫ । କ୍ରିକେଟ ମଇଦାନରେ ଡେବ୍ୟୁରେ ରେକର୍ଡ କରିଥିବା ୟୁସୁଫ ନିର୍ବାଚନୀ ରାଜନୀତିରେ ଡେବ୍ୟୁରେ କିଭଳି ପ୍ରଦର୍ଶନ କରିବେ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ୟୁସୁଫଙ୍କ ଘର ଗୁଜୁରାଟରେ ହୋଇଥିବାବେଳେ ସେ ଆଇପିଏଲରେ କୋଲକାତା ନାଇଟ ରାଇଡର୍ସ ପକ୍ଷରୁ ଦୀର୍ଘଦିନ ଧରି ଖେଳିଥିଲେ । ବୋଧହୁଏ ଏହି କାରଣରୁ ମମତା ବାନାର୍ଜୀ ତାଙ୍କୁ ପ୍ରାର୍ଥୀ କରିଥାଇପାରନ୍ତି । ସେପଟେ ୨୦୦୭ ଟି-୨୦ ବିଶ୍ବକପରେ ଡେବ୍ୟୁ କରିଥିଲେ ୟୁସୁଫ । ଦଳରେ ସ୍ଥାନ ପାଇଥିଲେ ସୁଦ୍ଧା ସେ ଟୁର୍ଣ୍ଣାମେଣ୍ଟରେ ବସିଥିଲେ । ମାତ୍ର ବିରେନ୍ଦ୍ର ସେହଓ୍ବାଗ ଆହତ ହେବା ପରେ ତାଙ୍କୁ ଦଳରେ ସ୍ଥାନ ମିଳିଥିଲା । ଫାଇନାଲରେ ଖେଳିବାର ସୁଯୋଗ ମିଳିଥିବାବେଳେ ଦଳ ଚାମ୍ପିୟନ ହୋଇଥିଲା । ଡେବ୍ୟୁରେ ବିଜୟୀ ଦଳର ସଦସ୍ୟ ହୋଇଥିବା ୟୁସୁଫ ୨୦୧୧ ଦିନିକିଆ ବିଶ୍ବକପରେ ଭାରତ ଚାମ୍ପିୟନ ହୋଇଥିବା ଦଳର ସଦସ୍ୟ ମଧ୍ୟ ରହିଥିଲେ । ଏହାସହ ବହୁ ସିରିଜରେ ମଧ୍ୟ ଦମଦାର ପାଳି ଖେଳି ନିଜର ଛାପ ଛାଡ଼ିଥିବା ୟୁସୁଫ ଏବେ ରାଜନୀତି ମଇଦାନରେ ପ୍ରାର୍ଥୀ ହୋଇଥିବାବେଳେ ସେ ବିଜୟରୁ ଅଭିଯାନ ଆରମ୍ଭ କରିବେ ବୋଲି ଟିଏମସି ପକ୍ଷରୁ ଆଶା ରଖାଯାଇଛି ।
୨୦୨୪ ଆଇପିଏଲ ଖେଳିବେ ତ ପନ୍ଥ? ଏବେ ଯାଏଁ ପାଇନାହାନ୍ତି ଫିଟନେସ ସାର୍ଟିଫିକେଟ୍
ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ଓ୍ବିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ଥ ଦୀର୍ଘ ଦେଢ଼ ବର୍ଷରୁ ଅଧିକ ସମୟ ହେବ କ୍ରିକେଟର େକୗଣସି ସିରିଜ ଖେଳିନାହାନ୍ତି । ତେବେ ଆଶା କରାଯାଉଛି କି, ୨୦୨୪ ଆଇପିଏଲ ସିଜିନରେ ଦଳକୁ ଫେରିବେ ପନ୍ଥ । ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଆଇପିଏଲ ଖେଳୁଥିବା ପନ୍ଥ କେବଳ ବ୍ୟାଟିଂ କରିବେ ଏବଂ ଓ୍ବିକେଟ କିପିଂ କରିବେ ନାହିଁ ବୋଲି କୁହାଯାଇଥିଲା । ମାତ୍ର ଏଯାବତ ନ୍ୟାସନାଲ କ୍ରିକେଟ ଏକାଡେମୀ ନିଜର ଫିଟନେସ ସାର୍ଟିଫିକେଟ ପାଇନାହାନ୍ତି ପନ୍ଥ । ନିକଟରେ ଦିଲ୍ଲୀ କ୍ୟାପିଟାଲର ଡାଇରେକ୍ଟର ସୌରଭ ଗାଙ୍ଗୁଲି କହିଥିଲେ କି, ମାର୍ଚ୍ଚ ୫ ତାରିଖରେ ପନ୍ଥଙ୍କୁ ଫିଟନେସ ସାର୍ଟଫିକେଟ ମିଳିବ । ମାତ୍ର ଏଯାବତ ତାଙ୍କୁ ସାର୍ଟିଫେକଟ ମିଳିନାହିଁ । ପ୍ରଶଂସକମାନେ ପନ୍ଥ କେବେ କ୍ରିକେଟ ମଇଦାନକୁ ଓହ୍ଲାଇବେ ଏହା ଉପରେ ନଜର ରଖିଛନ୍ତି ।
୩୦ ଡିସେମ୍ବର ୨୦୨୨ ମସିହାରେ ପନ୍ଥଙ୍କ ସଡ଼କ ଦୁର୍ଘଟଣା ଘଟିଥିଲା । ଯେଉଁ କାରଣରୁ ସେ ମଇଦାନରୁ ଦୂରରେ ଥିଲେ । ମାତ୍ର ଫିଟନେସ ସାର୍ଟିଫିକେଟ ପାଇଁ ପନ୍ଥ କ୍ଲିୟର କରିବାର ନଥିଲା । ମାତ୍ର ଏଯାବତ ତାଙ୍କୁ କ୍ଲିୟରାନ୍ସ ମିଳିନାହିଁ । ମାର୍ଚ୍ଚ ୨୨ରୁ ଆଇପିଏଲ ମହାସମର ଆରମ୍ଭ ହେବାକୁ ଥିବାବେଳେ ପନ୍ଥ ଖେଳିବେ କି ନାହିଁ ତାହା ସ୍ପଷ୍ଟ ହୋଇନାହିଁ । ଗତ ସିଜିନରେ ଦିଲ୍ଲୀ କ୍ୟାପିଟାଲ୍ସର ପ୍ରଦର୍ଶନ ନୈରାଶ୍ୟଜନକ ଥିବାବେଳେ ଏଥରକ ପନ୍ଥ ଫେରିବେ ଏବଂ ଦଳ ଭଲ ପ୍ରଦର୍ଶନ କରିବ ବୋଲି ପ୍ରଶଂସକମାନେ ଆଶା ରଖିଛନ୍ତି । ମାତ୍ର ପନ୍ଥଙ୍କୁ ଫିଟନେସ ସାର୍ଟିଫିକେଟ ମିଳିନାହିଁ ।
ସହର ଭିତରେ ଜଙ୍ଗଲର ମଜା ଦେଉଛି ଆନନ୍ଦବନ
ଭୁବନେଶ୍ବର: ଭୁବନେଶ୍ବର ସହର ଭିତରେ ଜଙ୍ଗଲୀ ମଜା। ରାତି ପାହିଲେ ହେବ ଉଦଘାଟନ। ଓଡିଶାବାସୀଙ୍କ ଉଦ୍ଦେଶ୍ଯରେ ଉଦଘାଟନ କରିବେ ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ। ଆନନ୍ଦ ଦେବ ଆନନ୍ଦବନ। କ୍ରଙ୍ଗିଟ ସହର ଭିତରେ ଜଙ୍ଗଲର ମଜା ଦେଉଛି ଆନନ୍ଦବନ । ବୃକ୍ଷ ଲତାରେ ପରିପୂର୍ଣ ଏହି ଜଙ୍ଗଲରେ ପକ୍ଷୀଙ୍କର କିଚିରିମିଚିରି ଶବ୍ଦ ମନକୁ ଟାଣି ଆଣୁଛି। ପ୍ରାକୃତିକ ପରିବେଶ ମଧ୍ୟରେ ରହିଛି ଔଷଧୀୟ ବୃକ୍ଷ ସାଙ୍ଗକୁ ଫୁଲଗଛର ସମ୍ଭାର । ଶଙ୍କରପୁର ମୌଜା ମାଳାର କଳିଙ୍ଗନଗର କେ-୭ ଅଂଚଳରେ ୯୦ ଏକର ଜାଗାରେ ପରିବ୍ଯାପ୍ତ ଏହି ଜଙ୍ଗଲ। ଗୋଟିଏ ପାର୍ଶ୍ବରେ ୬୦ ଏକର। ରାସ୍କାର ଅନ୍ଯ ପାଶ୍ବରେ ୩୦ ଏକର ଜଙ୍ଗଲ। ଉଭୟ ପାର୍ଶ୍ବକୁ ଯୋଡିବା ପାଇ ନିର୍ମାଣ ହୋଇଛି ଫୁଟ ଓଭର ବ୍ରିଜ। କୃତ୍ରିମ ଉପାୟରେ ଏହାର ଉନ୍ନତୀକରଣ ଓ ସୌନ୍ଦର୍ଯ୍ଯକରଣ କରାଯାଇଛି। ଏହାରି ଭିତରେ ସାଇକେଲ ପଥ, ରଙ୍ଗଭୂମି,ଜଳାଶୟ, ଗଜିବୋ, କାଠ ପୋଲ, ଶୌଚାଳୟ,ଖୁସିର ଆଧାର, ବର୍ଷା ଆଶ୍ରୟସ୍ଥଳ, କଙ୍କର ପଥ, ବାଖ୍ଯାଳକେନ୍ଦ୍ର,ମିୟଵାକ ବୃକ୍ଷରୋପଣ,ସୁଗନ୍ଧଭରା ପଥ, ହିଲ ପ୍ଳେ ମଣ୍ଡପ, ଯୋଗମଣ୍ଡପ, ଫୁଡଜୋନ, ପାର୍କିଂ,ମାଟି ପଥ, ସାଇକେଲ ଟ୍ରାକ ରହିଛି। ନଗର ବନଖଣ୍ଡ,ଭୁବନେଶ୍ଵର ଉନ୍ନୟନ କର୍ତ୍ତୃପକ୍ଷ ଓ ଓଏମସିର ମିଳିତ ସହଯୋଗରେ ଏହାର ଭିନ୍ନତୀକରଣ କାର୍ଯ୍ୟ ହୋଇଛି। ଆନନ୍ଦବନରେ ୫ ଟି ଗେଟ ରହିଛି। ଜଙ୍ଗଲର ସୁରକ୍ଷା ଲାଗି ବ୍ଯାପକ ପରମାଣର ସିସିଟିଭି ଲାଗିବା ସହତି ସୁରକ୍ଷାକର୍ମୀ ନିୟୋଜିତ ହେବ। ୨୦୧୧-୧୨ ମସିହାରେ ବୃକ୍ଷ ରୋପଣ କରିଥିଲା ନଗର ବନଖଣ୍ଡ। ସକାଳ ୫ଟାରୁ ୧୧ଟା ଏବଂ ଅପରାହ୍ନ ୩ଟାରୁ ସନ୍ଧ୍ଯା ୬ ପର୍ଯ୍ଯନ୍ତି ଲୋକଙ୍କ ପାଇଁ ଖୋଲା ରହିବ।
ନିର୍ବାଚନ ପୂର୍ବରୁ ମହିଳାଙ୍କୁ କେଜ୍ରିଓ୍ବାଲଙ୍କ ଗୁରୁମନ୍ତ୍ର, ଭାଷଣ ଭାଇରାଲ
ନନ୍ଦିଘୋଷ ବ୍ୟୁରୋ: ନିର୍ବାଚନ ଯେତିକି ପାଖଉଛି ରାଜନୈତିକ ମଇଦାନ ସେତିକି ଉଷ୍ମ ହେବାରେ ଲାଗିଛି । ଧର୍ମ, ଜାତି, ସେଲିବ୍ରେଟୀଙ୍କ ନେଇ ରାଜନୈତିକ ଦଳମାନେ କାର୍ଡ କରୁଥିବାବେଳେ ସେସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ମହିଳାଙ୍କୁ ଗୁରୁମନ୍ତ୍ର ଦେଉଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ। ସେ କହିଛନ୍ତି ଅଧିକାଂଶ ଲୋକେ ମୋଦିଙ୍କ ନାମ ଜପୁଛନ୍ତି । ଯଦି ଆପଣଙ୍କ ସ୍ବାମୀ ଏଭଳି ଜପନ୍ତି ତାହେଲେ ରାତିରେ ଖାଇବାକୁ ଦେବନାହିଁ । ଦିଲ୍ଲୀରେ ଏକ ମହିଳା ସମ୍ମାନ ସମାରୋହ ଆୟୋଜନ ହୋଇଥିବାବେଳେ ଏଭଳି କିଛି କହୁଥିଲେ କେଜ୍ରିଓ୍ବାଲ ମହିଳାଙ୍କୁ ସମ୍ବୋଧନ କରିବା ଅବସରରେ ଏଭଳି ତିନୋଟି ପଏଣ୍ଟ କହିଛନ୍ତି । ଏହାସହ କେଜ୍ରିଓ୍ବାଲ କହିଛନ୍ତି କି, ପରିବାର ଲୋକଙ୍କୁ ଶପଥ କରାନ୍ତୁ ସେମାନେ ଆପକୁ ସମର୍ଥନ କରିବେ । କେବଳ କେଜ୍ରିଓ୍ବାଲ ଆପଣଙ୍କ ସହ ଛିଡ଼ା ହେବ । ମୁଁ ମାଗଣା ବିଜୁଳି ଦେଉଛି, ବସ ଟିକେଟ ଫ୍ରି କରିଛି । ମହିଳାଙ୍କୁ ୧୦୦୦ ଟଙ୍କା ଲେଖାଏଁ ମିଳୁଛି । ବିଜେପି କଣ କରିଛି ? ସେମାନେ ମହିଳା ସଶକ୍ତିକରଣ ନାଁରେ ଠକେଇ କରୁଛନ୍ତି । କେଜ୍ରିଓ୍ବାଲ କୌଣସି ଠକେଇ କରିନାହିଁ । ସରକାରୀ ଟଙ୍କାକୁ ଲୋକଙ୍କୁ ଦେଉଛି । ଏଭଳି ଅନେକ କଙଥା କହିଥିବାବେଳେ ଏହା ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ये वीडियो ज़रूर-ज़रूर देखें। सभी माताओं-बहनों से मेरी अपील… pic.twitter.com/hvBjjj9FAt
— Arvind Kejriwal (@ArvindKejriwal) March 9, 2024
ପିପିଲି ବ୍ଲକ୍ କାର୍ଯ୍ଯାଳୟର ୩ କୋଟି ୭୦ ଲକ୍ଷ ଟଙ୍କା ହଡ଼ପ ମାମଲାରେ ଜଣେ ମହିଳା ଗିରଫ
ପୁରୀ: ପୁରୀ ଜିଲ୍ଲା ପିପିଲି ବ୍ଲକ୍ କାର୍ଯ୍ଯାଳୟର ୩ କୋଟି ୭୦ ଲକ୍ଷ ଟଙ୍କା ହଡ଼ପ ମାମଲାରେ ମୁଖ୍ୟ ଅଭିଯୁକ୍ତ ସହ ଜଣେ ମହିଳା ଗିରଫ। ଏହି ଦୁଇଜଣଙ୍କୁ କ୍ରାଇମବ୍ରାଞ୍ଚ ଇଓଡବ୍ଲୁ ଗିରଫ କରିଛି । ଦୁଇ ଅଭିଯୁକ୍ତ ହେଲେ ପିପିଲି ଦାଣ୍ଡମୁକୁନ୍ଦପୁର IDBI ବ୍ୟାଙ୍କର ପୂର୍ବତନ ମ୍ୟାନେଜର ସରୋଜକାନ୍ତ ମହାପାତ୍ର ଓ ସହଯୋଗୀ ଆଞ୍ଜେଲ ମିଶ୍ର । ଏହି ମାମଲାରେ ଗତ ଗୁରୁବାର ବ୍ୟାଙ୍କର ଆସେଟସ୍ ଅଫିସର ତନ୍ମୟ ମହାରଣାଙ୍କୁ ଗିରଫ କରାଯାଇଥିଲା। ୨-୧୮ ମସିହାରୁ ଏହି ଠକେଇ ଆରମ୍ଭ ହୋଇଥିଲା। ବ୍ଲକ କାର୍ଯ୍ୟାଳୟର ଫନି ଆକାଉଣ୍ଟରୁ ୩ କୋଟି ୭୦ ଲକ୍ଷ ଟଙ୍କା ହଡ଼ପ କରିଥିଲେ ତିନି ଅଭିଯୁକ୍ତ। ତିନି ଅଭିଯୁକ୍ତ ନିଜ ପରିବାର ସଦସ୍ୟ ଓ ସାଙ୍ଗମାନଙ୍କ ନାଁରେ ବ୍ୟାଙ୍କରୁ ୩୫ଟି ମୁଦ୍ରା ଋଣ ଜରିଆରେ ଟଙ୍କା ହଡ଼ପ କରିଥିଲେ। ସେହି ଟଙ୍କା ଶୁଝିବା ପାଇଁ ଫନି ଆକାଉଣ୍ଟ ଟଙ୍କାକୁ ହଡ଼ପ କରି ବ୍ୟାଙ୍କରେ ଜମା କରିଥିଲେ । ଏନେଇ ତତ୍କାଳୀନ ବ୍ୟାଙ୍କ ମ୍ୟାନେଜର ଅଭିଯୋଗ କରିଥିଲେ। ଏହି ମାମଲାରେ ୩ ଜଣଙ୍କୁ ଇଓଡବ୍ଲୁ ଗିରଫ କରିଛି।
ଦିଲ୍ଲୀରେ ବୋରୱେଲରେ ଖସି ପଡିଥିବା ଯୁବକଙ୍କ ମୃତ୍ଯୁ
ନନ୍ଦିଘୋଷ ବ୍ୟୁରୋ: ଦିଲ୍ଲୀରେ ବୋରୱେଲରେ ଖସି ପଡିଥିବା ଯୁବକଙ୍କ ମୃତ୍ଯୁ। ଯୁବକଙ୍କୁ ଉଦ୍ଧାର କରି ମେଡିକାଲ ଯାଞ୍ଚ ପରେ ତାଙ୍କର ମୃତ୍ଯୁ ହୋଇଥିବା ଜଣାପଡିଛି। ଦିଲ୍ଲୀ ଜଳ ବୋର୍ଡ ୱାଟର ଟ୍ରିଟମେଣ୍ଟ ପ୍ଲାଣ୍ଟରେ ଖୋଳାଯାଇଥିବା ଏକ ବୋରୱେଲ ମଧ୍ୟକୁ ଖସି ପଡିଥିଲେ ଜଣେ ଯୁବକ। ୪୦ ଫୁଟ ଗଭୀର ବୋରୱେଲରେ ଯୁବକ ଖସି ପଡିଥିବା ସୂଚନା ପରେ ସମାନ୍ତରାଳ ଭାବେ ଏକ ଗାତ ଖୋଳାଯାଇଥିଲା।ଯୁବକଙ୍କୁ ଉଦ୍ଧାର କରାଯାଇଥିଲେ ମଧ୍ଯ ତାଙ୍କର ମୃତ୍ଯୁ ହୋଇଛି। ଦିଲ୍ଲୀର କେଶୋପୁର ମଣ୍ଡି ଅଂଚଳରେ ଥିବା ଏହି ଟ୍ରିଟମେଣ୍ଟ ପ୍ଲାଣ୍ଟରେ ଖସି ପଡିଥିଲେ ଯୁବକ। ଉଦ୍ଧାରକାର୍ଯ୍ୟରେ ଅଗ୍ନିଶମ ବାହିନୀ, ଏନଡିଆରଏଫ ଓ ଦିଲ୍ଲୀ ପୋଲିସ ଲାଗି ପଡିଥିଲେ। ସମସ୍ତ ଉଦ୍ୟମ ସତ୍ତ୍ବେ ଯୁବକଙ୍କୁ ଜୀବୀତ ଉଦ୍ଧାର କରାଯାଇପାରିନାହିଁ। ଗତକାଲି ରାତିରେ ଯୁବକ ଜଣକ ଏହି ବୋରୱେଲ ମଧ୍ୟକୁ ଖସି ପଡିଥିଲେ। ରାତି ଗୋଟାଏବେଳେ ଯୁବକ ବୋରୱେଲ ମଧ୍ୟକୁ ଖସି ପଡିଥିବା ଜଣାପଡିଥିଲା।
ଏହାପରେ ଆରମ୍ଭ ହୋଇଥିଲା ଉଦ୍ଧାରକାର୍ଯ୍ୟ। ଦିଲ୍ଲୀ ସ୍ଵାସ୍ଥ୍ୟମନ୍ତ୍ରୀ ଅତିଶୀ ଘଟଣାସ୍ଥଳରେ ରହି ଉଦ୍ଧାରକାର୍ଯ୍ୟ ତଦାରଖ କରିଥିଲେ। ବୋରୱେଲର ଓସାର ୧ ଫୁଟ ଥିବା ଜଣାପଡିଛ। ବୋରୱେଲକୁ ଚାରିପଡୁ ଆବଦ୍ଧ କରାଯାଇଥିବା ଦିଲ୍ଲୀ ସରକାର କହିଛନ୍ତି। ଚୋରି କରିବାକୁ ଆସି ଯୁବକ ଜଣକ ବୋରୱେଲ ମଧ୍ୟକୁ ଖସି ପଡିଥିବା ପୋଲିସ ସନ୍ଦେହ କରୁଛି। ତେବେ ଯୁବକ ଜଣକ କେମିତି ବୋରୱେଲ ମଧ୍ୟକୁ ଖସି ପଡିଲେ ଏହାର ତନାଘନା ଆରମ୍ଭ କରିଛି ପୋଲିସ। ସେପଟେ ଘଟଣାରେ କୌଣସି ପ୍ରଶାସନିକ ଅବହେଳା ହୋଇଥିଲେ ଦୃଢ କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ଦିଲ୍ଲୀ ସକାର। ଆସନ୍ତା ୪୮ ଘଣ୍ଟା ମଧ୍ୟରେ ସମସ୍ତ ମୁକୁଳା ବୋରୱେଲ ଗୁଡିକୁ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି ।
ଟିଏମସି ଘୋଷଣା କଲା ଲୋକସଭା ନିର୍ବାଚନ ପାଇଁ ପ୍ରାଥୀ ତାଲିକା, ବରହାମପୁରରୁ ଲଢ଼ିବେ ୟୁସୁଫ ପଠାନ୍
ନନ୍ଦିଘୋଷ ବ୍ୟୁରୋ: କ୍ରିକେଟ ମଇଦାନ ପରେ ନିର୍ବାଚନୀ ମଇଦାନରେ ଲଢ଼ିବେ ପୂର୍ବତନ ଭାରତୀୟ କ୍ରିକେଟର ୟୁସୁଫ୍ ପଠାନ । ପଶ୍ଚିମବଙ୍ଗ ଲୋକସଭା ନିର୍ବାଚନରେ ପ୍ରାଥୀ ହେବାକୁ ଯାଉଛନ୍ତି ୟୁସୁଫ ପଠାନ । ବରହାମପୁରରୁ ଟିକେଟ ପାଇଛନ୍ତି କ୍ରିକେଟର ୟୁସୁଫ ପଠାନ । ତେବେ ୨୦୧୧ ବିଶ୍ବକପରେ ଚାମ୍ପିୟନ ଭାରତ ଟିମର ସଦସ୍ୟ ରହିଥିବା ୟୁସୁଫ କ୍ରିକେଟ ମଇଦାନରେ ବଡ଼ ବଡ଼ ସଟ୍ ମାରି ରେକର୍ଡ କରିଥିବାବେଳେ ନିର୍ବାଚନୀ ମଇଦାନରେ କେତେ ସଫଳ ହେବେ ତାଙ୍କୁ ଏବେ ଏବେ ସବୁଠି ଚର୍ଚ୍ଚା ଆରମ୍ଭ ହୋଇଛି । କହି ରଖୁଛୁ କି, ପଶ୍ଚିବଙ୍ଗରେ ଟିଏମସିର ଟିକେଟ ଘୋଷଣା। ଆଗାମୀ ଲୋକସଭା ନିର୍ବାଚନରେ ୪୨ ଆସନ ଲାଗି ପ୍ରାର୍ଥୀ ତାଲିକା ପ୍ରକାଶ କରିଛି ତୃଣମୂଳ କଂଗ୍ରେସ। କୁଚବିହାର ଆସନରୁ ଜଗଦୀଶଚନ୍ଦ୍ର ବସୁନିଆ ଟିକେଟ ପାଇଛନ୍ତି। କଂଗ୍ରେସ ନେତା ଅଧୀର ରଂଜନ ଚୌଧରୀଙ୍କ ବିପକ୍ଷରେ ଲଢିବେ ଜଗଦୀଶ ଚନ୍ଦ୍ର ବସୁନିଆ। କୃଷ୍ଣାନଗର ଆସନରୁ ମହୁଆ ମୈତ୍ର ଟିକେଟ ପାଇଛନ୍ତି। ଦମଦମ ଆସନରୁ ସୌଗତ ରାୟ ଟିକେଟ ପାଇଛନ୍ତି। କୋଲସକାତା ଉତ୍ତର ଆସନରୁ ସୁଦୀପ ବନ୍ଦୋପାଧ୍ୟାୟ ଟିକେଟ ପାଇଛନ୍ତି। ହୁଗୁଳି ଆସନରୁ ରଚନା ବାନାର୍ଜୀ ଟିକେଟ ପାଇଛନ୍ତି। ବର୍ଦ୍ଧମାନ ଦୁର୍ଗାପୁର ଆସନରୁ ଭେଟେରାନ କ୍ରିକେଟର କୀର୍ତ୍ତି ଆଜାଦ ଟିକେଟ ପାଇଛନ୍ତି। ଆସନସୋଲ ଆସନରୁ ଶତୃଘ୍ନ ସିହ୍ନା ଟିକେଟ ପାଇଛନ୍ତି। ବୀରଭୂମ ଆସନରୁ ଶତାବ୍ଦୀ ରାୟ ଟିକେଟ ପାଇଛନ୍ତି ।
ବୈଜ୍ଞାନିକଙ୍କ ନିଆରା ଆବିଷ୍କାର : ଏପରି ଅବସ୍ଥାରେ ପାଇଲେ ୩୮ ନିୟୁତ ବର୍ଷ ପୂରଣା ପିମ୍ପୁଡି ଜୀବାଶ୍ମ
ବୈଜ୍ଞାନିକ ମାନେ ସମସ୍ତ ପ୍ରକାରର ଜୀବମାନଙ୍କୁ ନେଇ ଗଭୀର ଅଧ୍ୟୟନ କରନ୍ତି , ବେଳେ ବେଳେ ସେହି ଜୀବମାନଙ୍କ ବିଷୟରେ କିଛି ବିଶେଷ ସୂଚନା ଜାଣିବା ପାଇଁ ଗବେଷଣା କରୁଥିଲେ ମଧ୍ୟ ତାହା ଜାଣିବା ବୈଜ୍ଞାନିକଙ୍କ ପ୍ରତି କଷ୍ଟକର ହୋଇଯାଇଥାଏ । ଜୀବମାନଙ୍କ ପ୍ରଜନନ ବିଷୟରେ ସୂଚନା ପାଇବା ସେମାନଙ୍କ ପାଇଁ ପ୍ରାୟ ଅସମ୍ଭବ ହୋଇଥାଏ। ସେଥିରେ ପୁଣି କୈାଣସି ପୂରାତନ ପ୍ରାଣୀର ପ୍ରଜନନ ବିଷୟରେ ସୂଚନା ସଂଗ୍ରହ କରିବା ଆହୁରି କଷ୍ଟକର ବ୍ୟାପାର । କିନ୍ତୁ ଗୋଟିଏ ଘଟଣାରେ ବୈଜ୍ଞାନିକ ମାନେ ୩୮ ନିୟୁତ ବର୍ଷ ପୁରୁଣା ବିଲୁପ୍ତ ପ୍ରଜାତିର ପିମ୍ପୁଡିର ପ୍ରଜନନ କ୍ଷମତା ବିଷୟରେ ସୂଚନା ପାଇ ବହୁତ ଖୁସି ହୋଇଯାଇଛନ୍ତି।
ଯଦି ଆପଣ କେବେ ଜୁରାସିକ ପାର୍କ ଚଳଚ୍ଚିତ୍ର ଦେଖିଥିବେ ତ , ସେହି ଚଳଚ୍ଚିତ୍ରର ଗୋଟିଏ ସିନ୍ ରେ ଦେଖାଯାଇଥିଲା ଯେ, ଗୋଟିଏ ପଥରରେ ଏକ କୋଟି ବର୍ଷ ପୂର୍ବେ ଜମି ରହିଥିବା ମଶାର ଶରୀରରେ ଗୋଟିଏ ଡାଇନେସୋର୍ର ରକ୍ତକଣିକା ମିଳିଥିଲା ଯାହାକୁ ସେ ମଶା ନିଜେ ମରିବା ପୂର୍ବରୁ କାମୁଡି ଥିଲା । କିନ୍ତୁ ଏଥର ଘଟଣାରେ କୈାଣସି ମଶା ଜମିରହିଥିବାର ନୁହେଁ ଦୁଇଟା ପିମ୍ପୁଡି ପ୍ରଜନନ କରୁଥିବା ସମୟର ଜୀବାଶ୍ମ ମିଳିଛି । ଯାହାକି ଏବେ ବୈଜ୍ଞାନିକ ମାନଙ୍କୁ ଏତେ କୋଟି ବର୍ଷ ପୁରୁଣା ବିଲୁପ୍ତ ଜୀବ ବିଷୟରେ ଜାଣିବା ପାଇଁ ସହଜ ସାବ୍ୟସ୍ତ୍ୟ ହେବ। ଏହି ଜୀବାଶ୍ମ ଗଠନର କାହାଣୀ ମଧ୍ୟ କିଛି ଫିଲ୍ମ ଠାରୁ ନୁହେଁ। ପିମ୍ପୁଡିର ଏହି ପ୍ରଜାତି ପ୍ରାୟ ୩୮ ନିୟୁତ ବର୍ଷ ପୂର୍ବେ ପୃଥିବୀରେ ଦେଖାଯାଇଥିଲା । ଆର୍ବୁନ ବିଶ୍ବବିଦ୍ୟାଳୟର ଆସିଷ୍ଟାନ୍ସ ପ୍ରଫେସର୍ ନାବୁକି ମିଜୋମାଟୋଙ୍କ ନେତୃତ୍ବରେ ଏକ ଆର୍ନ୍ତଜାତୀୟ ଅନୁସନ୍ଧାନକାରୀ ଦଳ ଏକ ଅଠାରେ ଲାଗିରହିଥିବା ଦୁଇଟି ପିମ୍ପୁଡି ପ୍ରଜାତିର ବିଲୁପ୍ତ କୀଟ ବିଷୟରେ ଅଧ୍ୟୟନ କରିଛନ୍ତି। ଅମ୍ବର ଗଛରୁ ବାହାରୁଥିବା ଏକ ପ୍ରକାର ଅଠା ଯାହାକି ତଳେ ପଡିବା ମାତ୍ରେ ଜମିଯାଏ । ଏହି ଅମ୍ବର ଅଠାରେ ଦୁଇଟି ପିମ୍ପୁଡିଙ୍କର ପରସ୍ପର ସହିତ ଲାଗିରହିଥିବାର ଜୀବାଶ୍ମ ସଂରକ୍ଷିତ ଥିବା ଦେଖାଯାଇଥିଲା । ପରସ୍ପର ସହ ଲାଗିରହିବା ଆଚରଣ ପ୍ରାୟ ସମସ୍ତ କୀଟପତଙ୍ଗ ଠାରେ ଦେଖିବାକୁ ମିଳିଥାଏ । ବୈଜ୍ଞାନିକ ମାନେ କହିଛନ୍ତି ଯେ ଜୀବମାନଙ୍କ ଏପରି ଆଚରଣ ସମ୍ବନ୍ଧୀୟ ସୂଚନା ଏହି କୀଟ ମାନଙ୍କ ବିଷୟରେ ବହୁ ଗୁରୁତ୍ବପୂର୍ଣ୍ଣ ତଥ୍ୟ ବିଷୟରେ ଅନୁସନ୍ଧାନ କରିବାରେ ସହଜ ହେବ ।