ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାରେ 5T ସଚିବ । ବେଗୁନିଆ ପରେ ଚିଲିକା ନାଚୁଣି ଗୋଦାବରିଶ ବିଦ୍ୟାଳୟ ଖେଳ ପଡିଆରେ ଲୋକଙ୍କଠାରୁ ସମସ୍ୟା ଶୁଣିଛନ୍ତି 5T ସଚିବ ଭିକେ ପାଣ୍ଡିଆନ । ଏହି ସମୟରେ ମାଆମାନେ ହୁଳହୁଳି ସହିତ ଫୁଲ ପକାଇ ତାଙ୍କୁ ସ୍ବାଗତ କରିଥିଲେ । ସମସ୍ତଙ୍କ ପାଖକୁ ଯାଇ ହାତ ମିଳାଇବା ସହ ସମସ୍ୟା ଶୁଣିଥିଲେ 5T ସଚିବ । ନାଚୁଣି ଅଞ୍ଚଳରୁ ୩୭୦ଟି ଦରଖାସ୍ତ ଗ୍ରହଣ କରି ସମସ୍ତଙ୍କୁ ସମସ୍ୟାର ସମାଧାନ ପାଇଁ ସେ ପ୍ରତିଶ୍ରୁତି ଦେଇଛନ୍ତି । ଚାଷୀଙ୍କ ସମସ୍ୟାକୁ ଗୁରୁତ୍ବ ଦିଆଯିବା ସହିତ ଧାର୍ମିକ ଅନୁଷ୍ଠାନ ସମ୍ପର୍କିତ ସମସ୍ୟାର ୭ଦିନ ଭିତରେ ସମାଧାନ କରାଯିବ । ଆସନ୍ତା ୨୯ ତାରିଖ ସୁଦ୍ଧା ମୁଖ୍ୟମନ୍ତ୍ରୀ ଖୁସି ଖବର ଦେବେ ବୋଲି 5T ସଚିବ ପ୍ରତିଶ୍ରୁତି ଦେଇଛନ୍ତି । ପିଇବା ପାଣି ସମ୍ପର୍କିତ ସମସ୍ୟା ଥିଲେ କାଲି ସକାଳ ସୁଦ୍ଧା ଗାଁକୁ ଯନ୍ତ୍ରୀମାନେ ଯାଇ ସମସ୍ୟାର ସମାଧାନ କରିବେ । ବାଣପୁର ଓ ଚିଲିକା ବ୍ଲକର ଘରେଘରେ ପାଇପ ଯୋଗେ ପାଣି ପହଞ୍ଚାଇବାକୁ ୨୨୦ କୋଟି ଟଙ୍କା ଖର୍ଚ୍ଚ ହେବ । ଆସନ୍ତାବର୍ଷ ଫେବ୍ରୁଆରୀରେ କିଛି ଗାଁ ଓ ପରବର୍ତ୍ତୀ ୬ମାସରେ ସବୁ ଗାଁକୁ ପିଇବା ପାଣି ଯୋଗାଇ ଦିଆଯିବ । ବାଣପୁର ଏନଏସିରେ ୯ କୋଟି ଓ ବାଲୁଗାଁ NAC ପାଇଁ ୭ କୋଟି ଟଙ୍କାରେ ପିଇବା ପାଣି ପ୍ରକଳ୍ପର ବ୍ୟବସ୍ଥା କରାଯାଉଛି । ବାଲୁଗାଁ ଓ ବାଣପୁର NACରେ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିଅମ ଏହି ମାସରେ ଶେଷହେବ । ସେହିପରି ବାଣପୁର ସିଏଚସିର ଉନ୍ନତିକରଣ ପାଇଁ ୨ କୋଟି ଟଙ୍କା ଦିଆଯାଇଛି । ମତ୍ସ୍ୟଜୀବୀଙ୍କ ପାଇଁ ସୋରଣରେ ୧୮ କୋଟିରେ ଫିସ ଲ୍ୟାଣ୍ଡିଂ ସେଣ୍ଟର ନିର୍ମାଣ ଚାଲିଛି । ମାଆ ଭଗବତୀ ମନ୍ଦିର ରୂପାନ୍ତରଣ ପାଇଁ ୧୯ କୋଟି ଟଙ୍କା ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ । ଆସନ୍ତା ୭ରୁ ୮ ମାସରେ ଏହି କାମ ସରିବ ବୋଲି ଫାଇଭ-ଟି ସଚିବ କହିଥିଲେ
ନାଗୁଣୀ କ’ଣ ସତରେ ନାଗ ମୃ୍ତ୍ୟୁର ପ୍ରତିଶୋଧ ନିଏ ?
ଭୁବନେଶ୍ବର: ଭାରତୀୟ ସମାଜରେ ସାପକୁ ପୂଜା କରାଯାଏ । ନାଗକୁ ଦେବତା ତୁଲ୍ୟ ମାନିଥାନ୍ତି ଲୋକେ । କିଏ ଦୁଧ ପିଆଏ ତ କିଏ ସେମାନଙ୍କ ରହିବା ସ୍ଥାନରେ ପୂଜାର୍ଚ୍ଚନା କରିଥାଏ । ନାଗ ସାପକୁ ନେଇ ଭାରତୀୟ ସମାଜରେ ବହୁତ କିଛି ମାନ୍ୟତା ରହିଛି । ବିଶ୍ବାସ ରହିଛି ନାଗ ସାପକୁ ମାରିବାର ଅର୍ଥ ମୃତ୍ୟୁକୁ ଆମନ୍ତ୍ରଣ କରିବା । କାରଣ ନାଗକୁ ହତ୍ୟା କରିବା ପରେ ନାଗୁଣୀ ଏହାର ପ୍ରତିଶୋଷ ନେଇଥାଏ ଓ ହତ୍ୟାକାରୀକୁ ଖୋଜି ଖୋଜି ମାରିଥାଏ ।

ଅଷ୍ଟ୍ରେଲିଆର ପ୍ରସିଦ୍ଧ ଭିକ୍ଟୋରିଆ ମ୍ୟୁଜିୟମରେ ରହିଛି ସବୁଠାରୁ ଅଧିକ ପ୍ରଜାତୀର ସପା । ବହୁ ସମୟରେ ସାପକୁ ନେଇ ଏଠାରେ ସର୍ଭେ କରାଯାଇଥାଏ । ଯାହାର ରିପୋର୍ଟ ଏହାର ଓ୍ବେବସାଇଟରୁ ଆପଣଙ୍କୁ ମିଳିଯିବ । ମ୍ୟୁଜିୟମ ପକ୍ଷରୁ ନାଗ ହତ୍ୟାର ନାଗୁଣୀ ପ୍ରତିଶୋଧ ନେବାକୁ ନେଇ ମଧ୍ୟ ସର୍ଭେ କରାଯାଇଛି । ଯେଉଁଥିରେ ଏପରି ଭାବନାକୁ ସମ୍ପୂର୍ଣ୍ଣ ଭାବେ ଭୁଲ ବୋଲି କୁହାଯାଇଛି । ସର୍ଭେ ରିପୋର୍ଟ ଅନୁସାରେ, ସାପଙ୍କ ମଧ୍ୟରେ ସାମାଜିକ ସମ୍ପର୍କ ନଥାଏ । ସେମାନଙ୍କ ପାଖରେ ହତ୍ୟାକାରୀକୁ ଚିହ୍ନିବା ଭଳି ମେମୋରୀ ପାଓ୍ବାର ନଥାଏ ।
କେବଳ ସାପଙ୍କୁ ନେଇ ଏହି ଗୋଟିଏ ବିଶ୍ବାସ ନୁହେଁ, ଅନେକ କଥା ରହିଛି । ଯାହା ଉପରେ ମ୍ୟୁଜିୟମ ପକ୍ଷରୁ ସର୍ଭେ କରାଯାଇ ରିପୋର୍ଟ ପ୍ରକାଶ କରାଯାଇଛି । ଆସନ୍ତୁ ଜାଣିବା ସାପକୁ ନେଇ ଲୋକଙ୍କ ମଧ୍ୟରେ ଥିବା ବିଶ୍ବାସ, କେତେ ସତ କେତେ ମିଛ ।
ସାପ ଖିର ପିଇଥାଏ

କେବଳ ଭାରତ ନୁହେଁ ସାରା ଦୁନିଆରେ ବିଶ୍ବାସ ରହିଛି ସାପ ଖିର ପିଇଥାଏ । ବାସ୍ତବରେ ଏହା ସମ୍ପୂର୍ଣ୍ଣ ମିଛ । ରିପୋର୍ଟ ଅନୁସାରେ ସାପଙ୍କ ପାଖରେ ଦୁଗ୍ଧ ଜାତୀୟ ପଦାର୍ଥ ହଜମ କରିବାର ଶକ୍ତି ନଥାଏ । ସେମାନେ ଏହାକୁ ହଜମ କରିପାରି ନଥାନ୍ତି । ତେଣୁ ସେମାନେ ଦୁଗ୍ଧ ଜାତୀୟ ପାନୀୟ ପିଇବାକୁ ଇଚ୍ଛା କରିନଥାନ୍ତି । ହେଲେ ଯଦି ସେମାନେ ଶୋଷିଲା ଥିବେ ଯାହା ମିଳେ ପିଇ ନେଇଥାନ୍ତି ।
ମୁଣ୍ଡକଟା ସାପ ସୂର୍ଯ୍ୟାସ୍ତ ପର୍ଯ୍ୟନ୍ତ ବଞ୍ଚିଥାଏ

ବିଶ୍ବାସ ରହିଛି, ସାପର ମୁଣ୍ଡ କାଟି ଦେଲେ ବି ସାପ ନ ମରି ସୂର୍ଯ୍ୟାସ୍ତ ପର୍ଯ୍ୟନ୍ତ ବଞ୍ଚି ରହିଥାଏ । ହେଲେ, ଏହି ବିଶ୍ବାସ ଠିକ ନୁହେଁ । ମୁଣ୍ଡ କାଟିବାର କିଛି ସମୟ ପରେ ହିଁ ସାପର ମୃତ୍ୟୁ ଘଟିଥାଏ । ସୂର୍ଯ୍ୟାସ୍ତ ପର୍ଯ୍ୟନ୍ତ ମୁଣ୍ଡକଟା ସାପ ବଞ୍ଚିବ ଅସମ୍ଭବ ।
ଛୁଆଙ୍କୁ ଗିଳି ସେମାନଙ୍କ ଜୀବନ ବଞ୍ଚାଏ

ବିପଦ ପଡ଼ିଲେ ମାଆ ସାପ ପିଲାଙ୍କୁ ଗିଳି ଦେଇ ସେମାନଙ୍କ ଜୀବନ ବଞ୍ଚାଇଥାଏ ବୋଲି ବିଶ୍ବାସ ରହିଛି । ହେଲେ ବାସ୍ତବରେ ଏହି ବିଶ୍ବାସରେ କୌଣସି ସତ୍ୟତା ନାହିଁ । ସତ ହେଲା, ବିଲୁପ୍ତ ହୋଇ ସାରିଥିବା ଗାଷ୍ଟ୍ରିକ ବ୍ରୋଡିଂ ବେଙ୍ଗ ଓ ମାଉଥ ବ୍ରୋଡିଂ ମାଛ ନିଜ ପିଲାଙ୍କୁ ଗିଳି ପାରୁଥିଲେ । ସାପ କାହାକୁ ଗିଳିଲେ ତାହା ପାଚକ ରସ ସମ୍ପର୍କରେ ଆସିବା ମାତ୍ରେ ତା’ର ମୃତ୍ୟୁ ଘଟିଥାଏ ।
ସାପ ଜୋଡ଼ାରେ ରୁହନ୍ତି

ବିଶ୍ବାସ ରହିଛି ସାପ ସବୁବେଳେ ଜୋଡ଼ାରେ ରହିଥାନ୍ତି । ହେଲେ ମ୍ୟୁଜିୟମ ରିପୋର୍ଟ ଅନୁସାରେ ଏଥିରେ କୌଣସି ସତ୍ୟତା ନାହିଁ । ସର୍ଭେ ରିପୋର୍ଟ ଅନୁସାରେ ସାପ ମିଳନ ସମୟରେ ଜୋଡ଼ାରେ ବୁଲିଥାନ୍ତି । ଅନ୍ୟ ସମୟରେ ସେମାନେ ଏକାଠି ରହି ନଥାନ୍ତି । ବଡ଼ ସାପ ସବୁ ବେଳେ ଛୋଟ ସାପକୁ ମାରି ଖାଇଯାଇଥାଏ ।
ସାପ ଶୁଣିପାରି ନଥାଏ

କୁହାଯାଏ ସାପର କାନ ନାହିଁ ଓ ସେ ଶୁଣିପାରି ନଥାଏ । ଯାହାକୁ ସମ୍ପୂର୍ଣ୍ଣ ରୂପେ ଅସ୍ବୀକାର କରିଛି ଭିକ୍ଟୋରିଆ ମ୍ୟୁଜିୟମର ସର୍ଭେ ରିପୋର୍ଟ । ରିପୋର୍ଟ ଅନୁସାରେ ସାପର କାନ ନାହିଁ କହିବା ଭୁଲ । ସାପର କାନ ଥାଏ । ଏହା ବାହାରକୁ ନ ବାହାରି ଭିତରେ ଥାଏ । ଉକ୍ତ କାନ ସାହାଯ୍ୟରେ ସାପ ମାଟିରେ ସୃଷ୍ଟି ହେଉଥିବା ସାମାନ୍ୟରୁ ସାମାନ୍ୟତମ କମ୍ପନକୁ ଜାଣିପାରିଥାଏ ।
ସମ୍ବଲପୁର ପୋଲିସକୁ ସଫଳତା
ସମ୍ବଲପୁର: ସମ୍ବଲପୁର ପୋଲିସକୁ ସଫଳତା । କ୍ଷେତରାଜପୁର ଅଞ୍ଚଳରେ ଫେକ ଆକାଉଣ୍ଟ ତିଆରି କରି ଜାଲିଆତି କରୁଥିବା ଅଭିଯୋଗରେ ୫ ଜଣଙ୍କୁ ଗିରଫ କରିଛି ପୋଲିସ । ଲୋକଙ୍କ ସହ ଠକୁଥିଲେ । ବିଲ୍ଡିଂ ପ୍ଲାନିଂ ଆପ୍ରୁଭାଲ ପାଇଁ କାଗଜପତ୍ର ଜାଲିଆତି କରି ଟଙ୍କା ନେଉଥିଲେ । ଏହାସହ ନକଲି ସିଲ୍ ତିଆରି କରି ବ୍ୟବହାର କରୁଥିଲେ । ୩ କୋଟି ୩୧ ଲକ୍ଷ ଜବତ କରିଛି ସମ୍ବଲପୁର ପୋଲିସ । ଏମାନେ ସମ୍ବଲପୁର ସହରର ୫୪ ଜଣଙ୍କୁ ଠକିଥିଲେ ।
କଟକ ମାଲଗୋଦାମରେ CMC ଏନଫୋର୍ସମେଣ୍ଟ ଟିମର ଚଢ଼ାଉ
କଟକ : କଟକ ମାଲଗୋଦାମରେ CMC ଏନଫୋର୍ସମେଣ୍ଟ ଟିମ କରିଛି ଚଢ଼ାଉ । ନକଲି ଓ ଅପମିଶ୍ରିତ ହଳଦୀ, ଲଙ୍କାଗୁଣ୍ଡ ମାନ ଜବତ ହୋଇଛି ।
ପ୍ରାୟ ୩ କୁଇଣ୍ଟାଲରୁ ଅଧିକ ଅପମିଶ୍ରିତ ସାମଗ୍ରୀ ଜବତ ହୋଇଛି । କଟକରେ ବି. ପାଣ୍ଡବ ନାମକ ବ୍ୟକ୍ତି ଜଣଙ୍କ ଏହି ନକଲି କାରବାର ଚଳାଇଥିଲେ। ନକଲି ଓ ଅପମିଶ୍ରିତ ହଳଦୀ, ଲଙ୍କାଗୁଣ୍ଡ ମାନ ଜବତ କରିବା ପରେ ଗୋଦାମକୁ ସିଲ କଲା ସିଏମସି ଏନଫୋର୍ସମେଣ୍ଟ ଟିମ୍ ।
ରାହୁଲଙ୍କ ଲଦାଖ ଟ୍ରିପ୍, ଆଜି ବୌଦ୍ଧ ଧର୍ମଗୁରୁ ଦଲାଇ ଲାମାଙ୍କୁ ଭେଟିବା କାର୍ଯ୍ୟକ୍ରମ
ଲଦାଖ: ଲଦାଖ ଗସ୍ତରେ କଂଗ୍ରେସ ସାଂସଦ ରାହୁଲ ଗାନ୍ଧୀ । ବାଇକର୍ସଙ୍କ ସହ ରାଇଡ ପରେ ଲେହ ମେନ୍ ମାର୍କେଟରେ ବୁଲିବା ସହ ସେନାର ବହୁ ପୂର୍ବତନ ଅଧିକାରୀଙ୍କୁ ଭେଟିଛନ୍ତି ରାହୁଲ । ସ୍ଥାନୀୟ ଏକ ରେଷ୍ଟୁରାଣ୍ଟରେ ପୂର୍ବତନ ସେନା ଅଧିକାରୀଙ୍କ ସହ ରାହୁଲ ତ୍ରିରଙ୍ଗା ଉଡାଇବା ପରେ ସ୍ଥାନୀୟ ଲୋକଙ୍କ ସହ ଆଲୋଚନା କରିଥିଲେ । ଲେହ ମାର୍କେଟରେ ପୂର୍ବତନ ସେନା ଅଧକାରୀଙ୍କୁ ଭେଟିବା ସହ ସ୍ଥାନୀୟ ଲୋକଙ୍କ ସହ ଆଲୋଚନା କରିବାର ଭିଡିଓ କଂଗ୍ରେସ ଅଫିସିଆଲ ସୋସିଆଲ ହ୍ୟାଣ୍ଡେଲରେ ପୋଷ୍ଟ କରାଯାଇଛି । ଆଜି ରାହୁଲ ଗାନ୍ଧୀ ବୌଦ୍ଧ ଧର୍ମଗୁରୁ ଦଲାଇ ଲାମାଙ୍କୁ ଭେଟିବା କାର୍ଯ୍ୟକ୍ରମ ରହିଛି । ଗତ ଗୁରୁବାରଠାରୁ ରାହୁଲ ଲଦାଖ ଗସ୍ତରେ ଯାଇଥିବା ବେଳେ ଆସନ୍ତା ୨୫ ତାରିଖରେ ଫେରିବା କାର୍ଯ୍ୟକ୍ରମ ରହିଛି ।

