spot_img
Home Blog Page 5157

ସମ୍ବଲପୁରରେ ୧୫୫୩ କୋଟିରୁ ଅଧିକ ଟଙ୍କାର ପ୍ରକଳ୍ପ ଶୁଭାରମ୍ଭ ଓ ଉଦଘାଟନ କଲେ ମୁଖ୍ୟମନ୍ତ୍ରୀ

ସମ୍ବଲପୁର: ଆଜି ସମ୍ବଲପୁରରେ ୧୫୫୩ କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ ହେବା ସହ ସେଥିମଧ୍ୟରୁ ୩୫୦ କୋଟିରୁ ଅଧିକ ଟଙ୍କାର ପ୍ରକଳ୍ପକୁ ଉଦଘାଟନ କରାଯାଇଛି ବୋଲି ମୁଖ୍ୟମନ୍ତ୍ରୀ କହିଛନ୍ତି। ସମସ୍ତଙ୍କୁ ସୁସ୍ଥ ପାଣି ଯୋଗାଇବା ପାଇଁ ସରକାର ଅଧିକ ଉଦ୍ୟମ କରୁଛନ୍ତି। ସେଥିପାଇଁ ସମ୍ବଲପୁର ଜିଲ୍ଲାକୁ ଏକ ହଜାର କୋଟି ଟଙ୍କା ପାଣି ପାଇଁ ପ୍ରକଳ୍ପ ଯୋଗାଇ ଦିଆଯାଇଛି। ୨୦୨୨ରେ ଜିଲ୍ଲାର ସବୁ ପରିବାରକୁ ପାଇପ ପାଣି ଯୋଗାଇ ଦିଆଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ। ରାସ୍ତା କୋଠାବାଡ଼ି ଓ ସେତୁ ପାଇଁ ୩୧୫ କୋଟି ୨୮ ଲକ୍ଷ ଟଙ୍କାର ୫୭ଟି ପ୍ରକଳ୍ପ, ମହିଳା ଶିଶୁ ବିକାଶ ଏବଂ ମିଶନ ଶକ୍ତି ପାଇଁ ୯ କୋଟି ୧ ଲକ୍ଷ ଟଙ୍କାର ୯୯ଟି ପ୍ରକଳ୍ପ, ସେହିପରି ସହରାଞ୍ଚଳର ବିକାଶ ପାଇଁ ୧୪ କୋଟି ୧୭ ଲକ୍ଷ ଟଙ୍କାର ୭୩ଟି ପ୍ରକଳ୍ପ, ପାନୀୟ ଜଳ ଏବଂ ବିଦ୍ୟୁତ ଶକ୍ତି ଯୋଗାଣ ପାଇଁ ୧୩ କୋଟି ୭୪ ଲକ୍ଷ ଟଙ୍କାର ୫ଟି ପ୍ରକଳ୍ପକୁ ଆଜି ମୁଖ୍ୟମନ୍ତ୍ରୀ ଉଦଘାଟନ କରିଛନ୍ତି। ସେହିପରି ବିଭିନ୍ନ ପ୍ରକଳ୍ପର ଭିତ୍ତିପ୍ରସ୍ତର କରିଛନ୍ତି ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀ ୨୦୫ କୋଟି ୮୧ ଲକ୍ଷ ଟଙ୍କାର ୬୬ଟି ପ୍ରକଳ୍ପର ବିତ୍ତିପ୍ରସ୍ତର କରିଛନ୍ତି, ମିଶନ ଶକ୍ତି ଗୃହ ନିର୍ମାଣ ପାଇଁ ୫ କୋଟି ୫୦ ଲକ୍ଷ ଟଙ୍କାର ୧୦୨ଟି ପ୍ରକଳ୍ପ, ସହରାଞ୍ଚଳର ବିକାଶ ପାଇଁ ୧୪ କୋଟି ୪୧ ଲକ୍ଷ ଟଙ୍କାର ୩୬ଟି ପ୍ରକଳ୍ପ, ମେଗା ପାନୀୟ ଜଳ ଯୋଗାଣ ପାଇଁ ୯୭୩ କୋଟି ଟଙ୍କାର ୩ଟି ପ୍ରକଳ୍ପ, ଜଳସେଚନ ପାଇଁ ୩ କୋଟି ୫୦ ଲକ୍ଷ ଟଙ୍କାର ୭ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ମୁଖ୍ୟମନ୍ତ୍ରୀ ।

ଶୀତ ଦିନେ ଗରମ ପାଣିରେ ଗାଧୋଉଛନ୍ତି କି ? ସାବଧାନ ହୋଇପାରେ ଏହିସବୁ ସମସ୍ୟା

ଭୁବନେଶ୍ଵର: ପ୍ରତିଦିନ ଗାଧୋଇବା ଏକ ଭଲ ଅଭ୍ୟାସ। ପ୍ରତିଦିନ ଗାଧୋଇବା ଦ୍ଵାରା ଆପଣଙ୍କ ଚର୍ମରୁ ତୈଳାକ୍ତ ଅଂଶ ଏବଂ ବ୍ୟାକ୍ଟେରିଆ ସଫା ହୋଇଥାଏ। ହେଲେ କଣ ଆପଣ ଜାଣିଛନ୍ତି କି ? ଆବଶ୍ୟକତା ଠାରୁ ଅଧିକ ଗାଧୋଇବା ଦ୍ଵାରା ଆପଣଙ୍କ ଚର୍ମ ଶୁଷ୍କ ହୋଇଯାଏ ଏବଂ କୁଣ୍ଡେଇ ହୁଏ। ସେହିପରି ଶୀତ ଦିନେ ପ୍ରାୟ ସମସ୍ତେ ଗରମ ପାଣିରେ ଗାଧୋଇବା ପସନ୍ଦ କରନ୍ତି। ତେବେ ଆପଣ ଜାଣିଛନ୍ତି କି, ଯଦି ଆପଣ ଗରମ ପାଣିରେ ଗାଧୋଉଛନ୍ତି ତେବେ ଏହା ଆପଣଙ୍କ ଚର୍ମ ଉପରେ କଣ ପ୍ରଭାବ ପକାଇଥାଏ।

ଗରମ ପାଣି ଆପଣଙ୍କ ଶରୀରକୁ ଉଷ୍ମ କରିବା ସହ ଏହା ଶରୀରକୁ ରିଲାକ୍ସ କରେ। ହେଲେ ଏହି ଗରମ ପାଣି ଆପଣଙ୍କ ଚର୍ମରୁ ସମ୍ପୂର୍ଣ୍ଣ ରୂପରେ ତୈଳ ଅଂଶ ଦୂର କରିଦିଏ। ଯାହା ଫଳରେ ଚର୍ମ ସମ୍ପୂର୍ଣ୍ଣ ରୂପରେ ଶୁଷ୍କ ହୋଇଯାଏ। ଏହା ଦ୍ଵାରା କୁଣ୍ଡେଇ ହୁଏ। ତେଣୁ ଆପଣ ଗରମ ପାଣିରେ ଅଧିକ ସମୟ ଯାଏଁ ଗାଧାନ୍ତୁ ନାହିଁ। ୫ ରୁ ୧୦ ମିନିଟ୍ ଯାଏଁ ଗରମ ପାଣିରେ ଗାଧୋଇ ପାରିବେ। ହେଲେ ଏହା ଠାରୁ ଅଧିକ ସମୟ ଯାଏଁ ଗରମ ପାଣିରେ ଗାଧୋଇବା ଦ୍ଵାରା ଆପଣଙ୍କ ଚର୍ମ ପାଇଁ ଏହା କ୍ଷତିକାରକ ହୋଇପାରେ।

ଗରମ ପାଣି ଦ୍ଵାରା ହେଉଥିବା କ୍ଷତି–

ସ୍କିନ୍ ଡ୍ୟାମେଜ୍– ଗରମ ପାଣି ଚର୍ମରେ ଥିବା ଚିକ୍କଣ ଅଂଶକୁ ସମ୍ପୂର୍ଣ୍ଣ ରୂପେ ସଫା କରିଦଏ। ଏହାଦ୍ଵାରା ଚର୍ମ ଶୁଷ୍କ ହୋଇଯାଏ।

କୁଣ୍ଡେଇ ହୁଏ– ସ୍କିନ୍ ଶୁଷ୍କ ହେବାପରେ ଏଥିରେ କ୍ରାକ୍ ସୃଷ୍ଟି ହୁଏ। ଏହା ଦେଖା ନଗଲେ ମଧ୍ୟ ଆପଣଙ୍କୁ କୁଣ୍ଡେଇ ହୁଏ।

ଚର୍ମ କୁଞ୍ଚନ– ଗରମ ପାଣିରେ ଆପଣ ନ ମୁଁହ ଧୋଇଲେ ମଧ୍ୟ ଗାଧୋଇବା ସମୟରେ ଏଥିରୁ ବାହାରୁଥିବା ବାଷ୍ପ ଆପଣଙ୍କ ମୁଁହରେ ବାଜିବ। ଏହାଦ୍ଵାରା ଚର୍ମ କୁଞ୍ଚିତ ହୋଇଥାଏ।

ବସ୍‌ଷ୍ଟାଣ୍ଡରେ ଡିଲ୍ ବେଳେ ମାଡ଼ି ବସିଲା ଏସ୍‌ଟିଏଫ୍: ବାଘ ଛାଲ ସହ ୨ ବେପାରୀ ଗିରଫ

ବାରିପଦା: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ବନଖଣ୍ଡ ଅଞ୍ଚଳରୁ କଲରାପତରିଆ ବାଘ ଛାଲ ଜବତ । ଚାଟଣି ବସଷ୍ଟାଣ୍ଡରେ ଡିଲ୍ ବେଳେ ୨ ବେପାରୀଙ୍କୁ ଧରିଲା କ୍ରାଇମବ୍ରାଞ୍ଚ ଏସଟିଏଫ । ଗିରଫ ଅଭିଯୁକ୍ତ ହେଲେ ରାଇରଙ୍ଗପୁର ପଲାସବାନିର ଅଜିତ କୁମାର ଗିରି ଓ ଖୁଣ୍ଟା ଜାଗୁଲାରଘର ଖୁଣ୍ଟାର ଚନ୍ଦ୍ରକାନ୍ତ କୁର୍ଜୀ । ବନ୍ୟଜନ୍ତୁ ଶିକାରୀଙ୍କ ବିରୋଧରେ ଅପରେସନ ଜାରି ରହିଥିବା ବେଳେ ଗତ ୧ବର୍ଷରେ ୧୯ଟି ବାଘଛାଲ, ୧୦ଟି ହାତୀ ଦାନ୍ତ, ୨ଟି ହରିଣ ଛାଲ, ୫ ବଜ୍ରକାପ୍ତା ଓ ୧୫ କେଜି ବଜ୍ରକାପ୍ତା କାତି ଜବତ କରିଛି ଏସଟିଏଫ୍ । ୩୯ ଅଭିଯୁକ୍ତଙ୍କୁ ଗିରଫ କରାଯାଇଛି ।

ପୂର୍ବରୁ କନ୍ଧମାଳ ବାଲିଗୁଡ଼ା ରେଞ୍ଜ ସିପତିଗୁଡ଼ାରୁ ବାଘଛାଲ ଜବତ କରିଥିଲା ଏସଟିଏଫ । ଘଟଣାରେ ଜଣେ ଅଭିଯୁକ୍ତଙ୍କୁ ଗିରଫ କରିଥିଲା ପୋଲିସ । ଅଭିଯୁକ୍ତ ହେଲେ ବାଲିଗୁଡ଼ା ହାଟପଡ଼ା ସାହିର ବିଦ୍ୟାଧର ନାୟକ । ତାଙ୍କ ଠାରୁ ବାଘ ଛାଲ ସମେତ ଶୀକାରରେ ବ୍ୟବହୃତ ସାମଗ୍ରୀ ଜବତ କରିଛି ଏସଟିଏଫ । ଗିରଫ ଅଭିଯୁକ୍ତଙ୍କୁ ବନବିଭାଗକୁ ହସ୍ତାନ୍ତର କରିଛି ଏସଟିଏଫ । ଏସଟିଏଫର ସ୍ପେଶାଲ ଡ୍ରାଇଭ ମାଧ୍ୟମରେ ଗତ ବର୍ଷକ ମଧ୍ୟରେ ୧୬ଟି କଲରାପତରିଆ ଛାଲ, ୯ଟି ହାତୀ ଦାନ୍ତ, ୨ଟି ହରିଣ ଛାଲ, ୪ଟି ଜୀବନ୍ତ ବଜ୍ରକାପ୍ତା ଓ ୧୫ କେଜି ବଜ୍ରକାପ୍ତା କାତି ଜବତ କରାଯାଇଛି । ମାମଲାରେ ୩୩ ଜଣ ଶିକାରୀ ଓ ଚୋରା ବେପାରୀଙ୍କୁ ଗିରଫ କରାଯାଇଥିବା ଏସଟିଏଫ କହିଛି ।

ଏଥିସହିତ ପଢ଼ନ୍ତୁ: ଧଳା ଜହର କବଳରେ ରାଜଧାନୀ ଭୁବନେଶ୍ୱର, ଜବତ ହେଲା ୧୦୦ ଗ୍ରାମ୍‌ ବ୍ରାଉନସୁଗର

ନବମ ଶ୍ରେଣୀ ଛାତ୍ରୀକୁ ଅପହରଣ ଅଭିଯୋଗ: ନୃତ୍ୟ ଶିକ୍ଷକଙ୍କ ଠାରୁ ଅଣ୍ଡର ଟେକିଂ ଲେଖି ଛାଡ଼ିଦେଲା ପୋଲିସ

ଭୁବନେଶ୍ୱର: ରାଜଧାନୀରେ ନବମ ଶ୍ରେଣୀ ଛାତ୍ରୀଙ୍କୁ ଅପହରଣ ଅଭିଯୋଗ । ୧୩ ବର୍ଷର ନାବାଳିକା ଝିଅ ସ୍କୁଲକୁ ଯିବା ବାଟରେ ଦୁର୍ବୃତ୍ତମାନେ ଉଠାଇ ନେଇଥିବା ଅଭିଯୋଗ ଆଣିଛନ୍ତି ପରିବାର ଲୋକେ । ଘଟଣାଟି କ୍ୟାପିଟାଲ ଥାନା ଅନ୍ତର୍ଗତ ୟୁନିଟ ୬ ଅଞ୍ଚଳରେ ଘଟିଛି । ଗତ ୨୭ ତାରିଖ ଦିନ ୟୁନିଟ ୬ ବାଳିକା ହାଇସ୍କୁଲକୁ ଯାଇ ନାବାଳିକା ଜଣଙ୍କ ଆଉ ଘରକୁ ଫେରିନାହାନ୍ତି । ଏ ନେଇ କ୍ୟାପିଟାଲ ଥାନାରେ ଅଭିଯୋଗ ହୋଇଛି । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ୟୁନିଟ ୬ରେ ରହୁଥିବା ଜଣେ ନୃତ୍ୟ ଶିକ୍ଷକ ନାବାଳିକା ଜଣଙ୍କୁ କେଉଁଆଡ଼େ ନେଇଯାଇଛନ୍ତି । ଅଭିଯୋଗ ପରେ ପୋଲିସ ନୃତ୍ୟ ଶିକ୍ଷକ ଜଣଙ୍କୁ ଅଟକ ରଖିଥିଲେ ମଧ୍ୟ ଅଣ୍ଡରଟେକିଂ ଲେଖି ଛାଡ଼ି ଦେଇଛି। ଏଣୁ ଝିଅ ନ ମିଳିଲେ ଆଜି ପୋଲିସ କମିଶନରଙ୍କ ଦ୍ୱାରସ୍ତ ହେବାକୁ କହିଛନ୍ତି ପରିବାରବର୍ଗ ।

ଗତକିଛି ଦିନ ହେବ ଅଶାନ୍ତ ହୋଇପଡ଼ିଛି ରାଜଧାନୀ । ଦିନକୁ ଦିନ ଅପରାଧୀକ ଗତିବିଧି ବଢ଼ିଚାଲିଛି । ଅପରାଧ ନିୟନ୍ତ୍ରଣ ପୋଲିସ ପାଇଁ ବଡ଼ ଆହ୍ୱାନ ସୃଷ୍ଟି କରିଛି ।ଭୁବନେଶ୍ୱର ଶୈଳଶ୍ରୀ ବିହାରରେ ଘଟିଛି ଜଘନ୍ୟ କାଣ୍ଡ  । ମହିଳା ବେଶରେ ଆସି ମରଣାନ୍ତକ ଆକ୍ରମଣ କରିଛନ୍ତି ଯୁବକ । ଘରେ ପଶି ଛୁରାମାଡ଼ କରିଛନ୍ତି ଜଣେ ଯୁବକ । ଏଥିରେ ୩ଜଣ ଆହତ ହୋଇଛନ୍ତି । ମିଳିଥିବା ସୂଚନା ମୁତାବକ ଜଣେ ମହିଳା, ଜଣେ ଯୁବତୀ ଓ ଜଣେ ଯୁବକ ଆହତ ହୋଇଛନ୍ତି । ତିନି ଜଣଙ୍କୁ ଉଦ୍ଧାର କରି  କ୍ୟାପିଟାଲ୍‌ ହସପିଟାଲ୍‌ରେ ଭର୍ତ୍ତି କରାଯାଇଛି ।

ଏଥିସହିତ ପଢ଼ନ୍ତୁ: ମହିଳା ବେଶରେ ଆସି ମାଆ-ଝିଅକୁ ମରଣାନ୍ତକ ଆକ୍ରମଣ କଲେ ଯୁବକ

ଏଥିସହିତ ପଢ଼ନ୍ତୁ: ରାଜସ୍ୱ ନିରୀକ୍ଷକ ମନୋଜ ପରିଡ଼ା କାର୍ଯ୍ୟରୁ ନିଲମ୍ୱିତ: ବିଜେପି ରାଲିରେ ସାମିଲ ହୋଇଥିଲେ

BSKY ସ୍ମାର୍ଟ ହେଲ୍‌ଥ କାର୍ଡ ପାଇଲା ସମ୍ବଲପୁର, ୨୦୨୨ ସୁଦ୍ଧା ସମ୍ବଲପୁରର ପ୍ରତିଟି ଘରେ ପହଞ୍ଚିବ ବିଶୁଦ୍ଧ ପାଣି

ସମ୍ବଲପୁର: ସୁସ୍ଥ ସମ୍ବଲପୁର ପାଇଁ ସ୍ମାର୍ଟ ବ୍ଲୁପ୍ରିଣ୍ଟ। ମୁଖ୍ୟମନ୍ତ୍ରୀ ନିଜ ହାତରେ ସ୍ମାର୍ଟ ହେଲ୍‌ଥ କାର୍ଡ ବାଣ୍ଟିଛନ୍ତି। ଉନ୍ନତି ପଥରେ ଆଉ ପାଦେ ଆଗେଇଲା ସମ୍ବଲପୁର। ଆଜି ସମ୍ବଲପୁର କୁଚିଣ୍ଡାରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। କୁଚିଣ୍ଡାରେ ମୁଖ୍ୟମନ୍ତ୍ରୀ ବାଣ୍ଟିଛନ୍ତି ହେଲଥ କାର୍ଡ। ସ୍ମାର୍ଟ ହେଲ୍‌ଥ କାର୍ଡରେ ରାଜ୍ୟର ୯୬ ଲକ୍ଷ ପରିବାରର ସାଢେ ୩ କୋଟି ଲୋକ ଉପକୃତ ହେବେ। ଏହାଦ୍ୱାରା ଗରିବ ଲୋକେ ମାଗଣାରେ ଉତ୍ତମ ସ୍ୱାସ୍ଥ୍ୟ ସେବା ପାଇପାରିବେ। ଗୋଟିଏ କାର୍ଡରେ ଦେଶର ୨୦୦ ବଡ ବଡ ହସ୍‌ପିଟାଲରେ ଭଲ ଚିକିତ୍ସା ପାଇପାରିବେ। ଏଥିପାଇଁ କୌଣସି ଡକ୍ୟୁମେଣ୍ଟ ନେଇ ଯିବାକୁ ପଡ଼ିବାନାହିଁ। କେବଳ କାର୍ଡ ନେଲେ ହୋଇପାରିବ ଚିକିତ୍ସା। ସମ୍ବଲପୁରର ପ୍ରତି ବ୍ଲକରେ ଜଣେ ଲେଖାଏଁ ମନ୍ତ୍ରୀଙ୍କୁ ସ୍ମାର୍ଟକାର୍ଡ ବଣ୍ଟନ ପାଇଁ ଦାୟିତ୍ୱ ଦିଆଯାଇଛି। ୯ଟି ବ୍ଲକ ସହିତ ମହାନଗର ନିଗମ ଅଞ୍ଚଳର ମୋଟ ୨ଲକ୍ଷ ୨୮ହଜାର ୨୧୩ ଜଣ ବିଏସକେଓ୍ୱାଇ କାର୍ଡ ପାଇବେ।

ନିଜ ଉଦବୋଧନରେ ନବୀନ ମାଆ ସମଲେଶ୍ୱରୀଙ୍କ ପୀଠକୁ ଆସି ଆଜି ବହୁତ ଖୁସି ଥିବା କହିଛନ୍ତି। ଇତିହାସ, ଅର୍ଥନୀତି, ରାଜନୀତି ଶିକ୍ଷା, ସଂସ୍କୃତିରେ ସମ୍ବଲପୁରର ବିଶେଷ ଅବଦାନ ରହିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି। ସମ୍ବଲପୁରୀ ଭାଷା ପରି ସମ୍ବଲପୁରର ଗୀତ ଏବଂ ଶାଢ଼ି ସାରା ବିଶ୍ୱରେ ବେଶ ଆଦର ସାଉଣ୍ଟିଛି। ବିଶ୍ୱ ଦରବାରରେ ଆଜି ଶାଢ଼ି ପାଇଁ ସମ୍ବଲପୁର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି। ସେପଟେ ମାଆ ସମଲେଶ୍ୱରୀଙ୍କ ସୌନ୍ଦର୍ଯ୍ୟକରଣ ଏବଂ ବିକାଶମୂଳକ କାର୍ଯ୍ୟକୁ ସରକାର ନିଜ ହାତକୁ ଦେଇଛନ୍ତି। ଯାହାଦ୍ୱାରା ଏଠାରୁ ଆସୁଥିବା ପର୍ଯ୍ୟଟକ ବେଶ ସୁବିଧା ପାଇପାରିବେ।

ଆଜି ସମ୍ବଲପୁରରେ ୧୫୫୩ କୋଟିର ପ୍ରକଳ୍ପର ଶିଳାନ୍ୟାସ ହେବା ସହ ସେଥିମଧ୍ୟରୁ ୩୫୦ କୋଟିରୁ ଅଧିକ ଟଙ୍କାର ପ୍ରକଳ୍ପକୁ ଉଦଘାଟନ କରାଯାଇଛି ବୋଲି ମୁଖ୍ୟମନ୍ତ୍ରୀ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ସମସ୍ତଙ୍କୁ ସୁସ୍ଥ ପାଣି ଯୋଗାଇବା ପାଇଁ ସରକାର ଅଧିକ ଉଦ୍ୟମ କରୁଛନ୍ତି। ସେଥିପାଇଁ ସମ୍ବଲପୁର ଜିଲ୍ଲାରୁ ଏକ ହଜାର କୋଟି ଟଙ୍କା ପାଣି ପାଇଁ ପ୍ରକଳ୍ପ ଯୋଗାଇ ଦିଆଯାଇଛି। ୨୦୨୨ ସୁଦ୍ଧା ଜିଲ୍ଲାର ସବୁ ପରିବାରକୁ ପାଇପ ପାଣି ଯୋଗାଇ ଦିଆଯିବ।  ମୁଖ୍ୟମନ୍ତ୍ରୀ କହିଛନ୍ତି ଆଜି ସମ୍ବଲପୁର ଏହି କାର୍ଡ ପାଉଥିବାରୁ ସେ ବହୁତ ଖୁସି। ସମ୍ବଲପୁରର ୭ ଲକ୍ଷ ୭୦ ହଜାର ଲୋକ ଏହି ସୁବିଧା ପାଇବେ।  ଏହି ହେଲ୍ଥ ସେବା ହେଉଛି ଦେଶର ସ୍ୱାସ୍ଥ୍ୟସେବା କ୍ଷେତ୍ରରେ ଏକ ମାଇଲ ଷ୍ଟୋନ୍‌। ସ୍ୱାସ୍ଥ୍ୟ ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ। ସେଥିପାଇଁ ପରିବାରର କେହି ଅସୁସ୍ଥ ହେଲେ ଟେନସନ ବଢ଼ିଯାଏ। ଚିକିତ୍ସା ପାଇଁ କିଏ ଜମି ତ କିଏ ଗହଣା ବିକି ଅର୍ଥ ଯୋଗାଡ଼ କରିଥାନ୍ତି। ଏପରିକି ପିଲାଙ୍କ ପାଠପଢ଼ାରେ ବି ଡୋରି ଲାଗିଯାଏ। ଯାହା ତାଙ୍କୁ ଖୁବ ଦୁଃଖ ଦିଏ ବୋଲି କହିଛନ୍ତି ମୁଖ୍ୟମନ୍ତ୍ରୀ। ଏଣିକି ଆଉ କାହାକୁ ଏପରି ଅସୁବିଧା ଭୋଗିବାକୁ ପଡ଼ିବନି। ସ୍ମାର୍ଟ କାର୍ଡରେ ସୁବିଧାରେ ମିଳିବ ସମସ୍ତ ଚିକିତ୍ସା ସହାୟତା।

କୋଭିଡ ଓ ଅଣକୋଭିଡ ଚିକିତ୍ସା ବିନା କାଗଜପତ୍ରରେ ଅବିଳମ୍ବେ ଏହି ସୁବିଧା ମିଳିବ। ତେଣୁ ସଂଚିତ ଅର୍ଥ ରୋଗ ପାଇଁ ଖର୍ଚ୍ଚ ନହୋଇ ପିଲାଙ୍କ ପଢ଼ାରେ ଖର୍ଚ୍ଚ ହେବ ବୋଲି ମୁଖ୍ୟମନ୍ତ୍ରୀ ଆଶା କରିଛନ୍ତି। ପ୍ରତି ଜୀବନ ମୂଲ୍ୟବାନ ବୋଲି ନବୀନ କହିଥିବାବେଳେ ଗାଁ ହେଉ କି ସହର ସମସ୍ତେ ସୁସ୍ଥରେ ରୁହନ୍ତୁ ବୋଲି କହିଛନ୍ତି। ଚିକିତ୍ସା ପାଇଁ ଅର୍ଥ ବାଧକ ନ ହେଉ ବୋଲି କହିଛନ୍ତି। ସୁସ୍ଥ ରହି ନିଜ ପରିବାରର ଉନ୍ନତି ପାଇଁ କାମ କରନ୍ତୁ। ପରିବାରର ଉନ୍ନତି ହେଲେ ରାଜ୍ୟର ଉନ୍ନତି ହେବ ବୋଲି କହିଛନ୍ତି ନବୀନ।

ରାଜ୍ୟର ୯୬ ଲକ୍ଷ ପରିବାରର ସାଢେ ୩ କୋଟି ଲୋକ ସ୍ମାର୍ଟ ହେଲଥ କାର୍ଡ ଦ୍ୱାରା ଉପକୃତ ହେବେ। ପ୍ରତି ପରିବାରକୁ ୫ଲକ୍ଷ ଟଙ୍କା ଓ ମହିଳାଙ୍କୁ ୧୦ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସହାୟତା ମିଳିବ। ଜାତୀୟ ଖାଦ୍ୟ ସୁରକ୍ଷା ଓ ରାଜ୍ୟ ଖାଦ୍ୟ ସୁରକ୍ଷା ହିତାଧିକାରୀଙ୍କୁ ମିଳିବ ସ୍ମାର୍ଟ ହେଲଥ କାର୍ଡ। ଅନ୍ନପୂର୍ଣ୍ଣା, ଅନ୍ତୋଦୟ ହିତାଧିକାରୀଙ୍କୁ କାର୍ଡ ମିଳିବ। ରାଜ୍ୟ ସହ ଦେଶର ୨୦୦ଟି ହସପିଟାଲରେ କାର୍ଡ ଜରିଆରେ ଚିକିତ୍ସା ସୁବିଧା ମିଳିବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।

ଆୟ ସତ୍ତ୍ୱେ ପକେଟରେ ରହୁନି କି ଟଙ୍କା ? ଦୀପୀବଳି ପୂର୍ବରୁ ତୁରନ୍ତ ଘରୁ ବାହାର କରନ୍ତୁ ଏହି ଅଶୁଭ ଜିନିଷ

ଦୀପାବଳି ୨୦୨୧: ବର୍ତ୍ତମାନ ଦୀପାବଳି ଆସିବାକୁ ଆଉ କିଛି ସମୟ ବାକି ଅଛି । ଏଭଳି ପରିସ୍ଥିତିରେ ସମସ୍ତ ଲୋକ ଦୀପାବଳି ପର୍ବ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଲୋକମାନେ ଦୀପାବଳି ପୂର୍ବରୁ ନିଜ ଘର ସଫା କରନ୍ତି। ଅଧିକାଂଶ ଲୋକ ଦୀପାବଳି ପୂର୍ବରୁ ସେମାନଙ୍କ ଘରେ ନୂଆ ରଙ୍ଗ ମଧ୍ୟ କରନ୍ତି। କିନ୍ତୁ ଆପଣ ଜାଣନ୍ତି କି ଦୀପାବଳି ସଫା କରିବା ସମୟରେ ଘରୁ କିଛି ଜିନିଷ ବାହାର କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଲକ୍ଷ୍ମୀ, ଧନର ଦେବୀ, ଯେଉଁଠାରେ ଅଶୁଭ ଜିନିଷ ଥାଏ, ସେହି ଘରେ ରହନ୍ତି ନାହିଁ। ସେହି ଘରେ ଧନର ଅଭାବ ଅଛି ଏବଂ ଦାରିଦ୍ର୍ୟ ମଧ୍ୟ ଆସିଥାଏ। ଦୀପାବଳି ପୂର୍ବରୁ ଘରୁ କେଉଁ ଅପ୍ରୀତିକର ଜିନିଷ ବାହାର କରିବା ଆବଶ୍ୟକ ତାହା ଆସନ୍ତୁ ଜାଣିବା |

ବାସ୍ତୁ ଶାସ୍ତ୍ର ଅନୁଯାୟୀ, ଘରେ ବନ୍ଦ ବା ଖରାପ ହୋଇଯାଇଥିବା ଘଣ୍ଟା ରଖିବା ଅଶୁଭ ।  ଚାଲୁଥିବା ଘଣ୍ଟା ସୁଖ ଏବଂ ପ୍ରଗତିର ପ୍ରତୀକ। ଯଦି ଆପଣଙ୍କ ଘରେ ବନ୍ଦ କିମ୍ବା ଭଙ୍ଗା ଘଣ୍ଟା ଅଛି, ତେବେ ଦୀପାବଳି ପୂର୍ବରୁ ଏହାକୁ ଘରୁ ବାହାର କରନ୍ତୁ। ସେଭଳି ଘରେ ଭଙ୍ଗା ଫର୍ଣ୍ଣିଚର ଜିନିଷ ରଖିବା ଖୁବ୍ ଅଶୁଭ। ଏହାଦ୍ବାରା ଘର ଉପରେ ଖରାପ ପ୍ରଭାବ ପଡିଥାଏ। ଆପଣଙ୍କ ଘରେ ଯଦି କୌଣସି ଟେବଲ,ଚୌକି କିମ୍ବା ବେଡ୍ ଭାଙ୍ଗି ଯାଇଛି ତେବେ ତାକୁ ଘରୁ ବାହାର କରିଦିଅ। ଏହାଛଡା ଧ୍ୟାନ ଦିଅନ୍ତୁ ଯେ, ଘରେ ଫର୍ଣ୍ଣିଚର ସବୁବେଳେ ଠିକ୍ ସ୍ଥିତିରେ ରହିବା ଦରକାର।

ଘରେ ଭଙ୍ଗା ବାସନ ରଖିବା ବାସ୍ତୁ ଶାସ୍ତ୍ର ଅନୁସାରେ, ଖୁବ୍ ଅଶୁଭ ବୋଲି କୁହାଯାଏ। ଦୀପାବଳି ପୂର୍ବରୁ ଘରୁ ଭଙ୍ଗା ବାସନ ହଟାଇ ଦିଅନ୍ତୁ। ନଚେତ୍ ମା’ ଲକ୍ଷ୍ମୀ ଅସନ୍ତୁଷ୍ଟ ହୋଇଥାନ୍ତି। ବାସ୍ତୁ ଅନୁସାରେ, ଘରେ ଭଙ୍ଗା ମୂର୍ତ୍ତି ରଖନ୍ତୁ ନାହିଁ। ଦୀପାବଳି ପୂର୍ବରୁ ଏସବୁ ଯାଞ୍ଚ କରିନିଅନ୍ତୁ। ଘରେ ଯେପରି ଭଗବାନଙ୍କ ମୂର୍ତ୍ତି ଭାଙ୍ଗିନଥାଏ। ଯଦି ଭାଙ୍ଗିଥାଏ ତେବେ ତାକୁ ହଟାଇ ନୂଆ ମୂର୍ତ୍ତୀ ସ୍ଥାପିତ କରନ୍ତୁ। ଏହା ଆପଣଙ୍କ ପରିବାର ପାଇଁ ଶୁଭ ହୋଇଥାଏ। ଘରେ ଯଦି ଭଙ୍ଗା କାଚ ରୁହେ ତେବେ ଏହା ଅଶୁଭ ହୋଇଥାଏ। ଘରେ କୌଣସି  ଦର୍ପଣ କିମ୍ବା କାଚର କୌଣସି ଜିନିଷ ଭାଙ୍ଗି ଯାଇଥାଏତେବେ ତାକୁ ତୁରନ୍ତ ହଟାଇ ଦିଅନ୍ତୁ। ଭଙ୍ଗା କାଚରେ ନକାରତ୍ମକ ଶକ୍ତି ସଞ୍ଚାର ହୋଇଥାଏ। ଏଥର ଦୀପାବଳୀରେ ଘରେ ପୁରୁଣା ଯୋତା-ଚପଲକୁ ମଧ୍ୟ ଫୋପାଡି ଦିଅନ୍ତୁ। ଏହା ରହିବା ଫଳରେ ଘରେ ନକାରତ୍ମକ ଶକ୍ତି ବଢିଥାଏ।

ଭାରତର ଏହି ସ୍ଥାନରେ ପାଳନ ହୁଏନି ଦୀପାବଳି, ଜଳେନାହିଁ ଦୀପ… କାରଣ ଜାଣିଲେ ହୋଇଯିବେ ଆଶ୍ଚର୍ଯ୍ୟ

ନୂଆଦିଲ୍ଲୀ: ଭାରତର ପ୍ରାୟ ସବୁ ସ୍ଥାନରେ ଦୀପାବଳିର ପର୍ବ ପାଳନ କରାଯାଏ । କିନ୍ତୁ ଏମିତି କିଛି ସ୍ଥାନ ରହିଛି ଯେଉଁଛି ଏହି ପର୍ବ ପାଳନ ହୁଏନାହିଁ । ଏହି ସ୍ଥାନ ଗୁଡ଼ିକରେ ନା ଲକ୍ଷ୍ମୀଙ୍କୁ ପୂଜା କରାଯାଏ ନା ଦୀପ ଜଳାଯାଏ । ଆଉ ସେହି ସ୍ଥାନ ହେଉଛି କେରଳ । ଆଜ୍ଞା ହଁ କେରଳ ରାଜ୍ୟରେ ଦୀପାବଳୀର ଫତ୍ସବ ଏତେଟା ଯାକଜକମରେ ପାଳନ କରାଯାଏ ନାହିଁ ।

ତେବେ ଆସନ୍ତୁ ଜାଣିବା ଏହାର ଏହାର କାରଣ ବିଷୟରେ, କେରଳରେ ଏନମଠୁ ଆରମ୍ଭ କରି ଶୁବରାତ୍ରୀ ପର୍ଯ୍ୟନ୍ତ ପର୍ବ ଖୁବ ଧୁମଧାମରେ ପାଳନ କରାଯାଏ । କିନ୍ତୁ ଆମେ ଯଦି ଦୀପାବଳି କଥା କହିବା, ତେବେ ଏହାର ଉତ୍ସାହ କେରଳରେ ଟିକେ କମ ଦେଖିବାକୁ ମିଳେ ।  କେରଳରେ କୋଚ୍ଚି ଅଞ୍ଚଳରେ ହିଁ ଦୀପାବଲୀ ପାଳନ କରାଯାଏ । ସେଠାରେ ହିଁ ଆପଣଙ୍କୁ ଘର ବାହାରେ ଦୀପ ଜଳୁଥିବାର ଦେଖିବାକୁ ମିଳିବ । ଏହା ବ୍ୟତୀତ ଆପଣଙ୍କୁ ଆଉ କେଉଁଛି ବି ଆଲୋକର ପର୍ବ ଦୀପାବଳୀ ପାଳନ ହେଉଥିବାର ଦେଖିବାକୁ ମିଳିବ ନାହିଁ ।

ଏହା ପଛରେ ଅନେକ କାରଣ ରହିଛି । ସେଥିମଧ୍ୟକୁ ମୁଖ୍ୟ କାରଣ ହେଉଛି, କେରଳରେ ମହାବଳୀ ଦ୍ୱାରା ଶାସନ ହେବା । ମହାବଳୀ ଜଣେ ଅସୂର ଥିଲେ ଏବଂ ତାଙ୍କୁ ହିଁ ସେଠାରେ ପୂଜା କରାଯାଏ । ରାମଙ୍କ ରାବଣ ଉପରେ ବିଜୟର ଉତ୍ସବ ପାଳନ କରିବା ପାଇଁ ଦୀପାବଳି ପାଳନ କରାଯାଏ । ଏମିତିରେ ଜଣେ ଅସୂରର ପରାଜୟକୁ କେରଳର ବାସିନ୍ଦା ପାଳନ କରନ୍ତି ନାହିଁ ।

କେରଳର ମୁଖ୍ୟ ଧର୍ମ ହିନ୍ଦୁ ନୁହେଁ । ସେଠାରେ ଖୁବ କମ ଲୋକ ହିନ୍ଦୁ ଧର୍ମର ଅଟନ୍ତି । ଏମିତିରେ ଏଟାରେ ଦୀପାବଳୀର ଉତ୍ସାବ ଖୁବ କମ ଦେଖିବାକୁ ମିଳିଥାଏ । ଅନ୍ୟପଟେ କେରଳରେ ଏହି ସମୟରେ ମନସୁନ ଲେଉଟିଥାଏ, ତେଣୁ ସେଠାରେ ପ୍ରାୟ ବର୍ଷାର ପାଗ ରହିଥାଏ । ଏହି କାରଣରୁ ବାଣ ଏବଂ ଦୀପ ଜଳାଯାଏ ନାହିଁ । କେରଳ ବ୍ୟତୀତ ତାମିଲନାଡୁରେ ମଧ୍ୟ ଦୀପାବଳିକୁ ଏତେ ଯାକଜକମରେ ପାଳନ କରାଯାଏନାହିଁ । ଦୀପାବଳି ପୂର୍ବରୁ ସେଠାରେ ନରକ ଚତୁର୍ଦଶୀ ପାଳନ କରାଯାଏ । ତାମିଲନାଡୁର ଲୋକମାନେ ଦୀପାବଳୀ ବଦଳରେ ନରକ ଚତୁର୍ଦଶୀ ଅଧିକ  ମାତ୍ରାରେ ପାଳନ କରନ୍ତି ।

ନ୍ୟୁଜିଲ୍ୟାଣ୍ଡ ବିପକ୍ଷ ଟି-୨୦ ସିରିଜ୍‌ରେ ଅଧିନାୟକତ୍ୱ କରିବେ କେଏଲ୍ ରାହୁଲ

0

ଦୁବାଇ: ଟି-୨୦ ବିଶ୍ୱକପ୍‌ରେ ନୈରାଶ୍ୟଜନକ ପ୍ରଦର୍ଶନ ପରେ ଭାରତୀୟ ଦଳରେ ଆମୂଳ ଚୂଳ ପରିବର୍ତ୍ତନର ସମ୍ଭାବନା ଦେଖାଯାଉଛି । ଖବର ସରବରାହ ସଂସ୍ଥା ଏଏନ୍‌ଆଇ ଅନୁଯାୟୀ ବବଲ ଲାଇଫ୍ ଯୋଗୁଁ ଖେଳାଳିମାନେ ଥକି ଯାଉଥିବାରୁ ନ୍ୟୁଜିଲ୍ୟାଣ୍ଡ ବିପକ୍ଷ ସିରିଜରେ କିଛି ବରିଷ୍ଠ ଖେଳାଳିଙ୍କୁ ବିଶ୍ରାମ ଦେବାର ଯୋଜନା କରାଯାଉଥିବା ସୂଚନା ମିଳିଛି । ଏହି ସର୍ଟ ଫର୍ମାଟ କ୍ରିକେଟ ଖେଳିବାକୁ ନ୍ୟୁଜିଲ୍ୟାଣ୍ଡ ଦଳ ଭାରତ ଆସିବାକୁ ଥିବା ବେଳେ ଏହି ସିରିଜିରେ କେଏଲ୍ ରାହୁଲ ଅଧିନାୟକତ୍ୱ କରିବେ । କେ. ଏଲ୍ ରାହୁଲ ଏଯାବତ୍ ମୋଟ ୫୦ଟି ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳିଥିବା ବେଳେ ୩୮.୪୯ର ଆଭେରେଜ୍ ସ୍କୋର ସହ ମୋଟ ୧୫୭୮ ରନ୍ ସଂଗ୍ରହ କରିଛନ୍ତି  । ସେ ମୋଟ ୨ ଶତକ ଓ ୧୨ଟି ଅର୍ଦ୍ଧ ଶତକ ହାସଲ କରିଛନ୍ତି ।

ଚଳିତ ଟି-୨୦ ବିଶ୍ୱକପ୍‌ରେ ଭାରତ ଏଯାବତ୍ ୨ ମ୍ୟାଚ୍ ଖେଳିଥିବା ବେଳେ ୨ଟି ଯାକ ମ୍ୟାଚ୍‌ ଏକତରଫା ପରାଜୟ ବରଣ କରିଛି । ଦଳର ଉଭୟ ବ୍ୟାଟିଂ ଓ ବୋଲିଂ ବିରୋଧୀ ଦଳର ଖେଳାଳିଙ୍କ ସମ୍ନାରେ ପ୍ରଭାବଶୂନ୍ୟ ରହିଥିଲା ।  ପାକିସ୍ତାନ ବିପକ୍ଷ ପ୍ରଥମ ମ୍ୟାଚ୍‌ରେ ଭାରତ ୧୦ ଓ୍ୱିକେଟରେ ପରାସ୍ତା ହୋଇଥିବା ବେଳେ ନ୍ୟୁଜିଲ୍ୟାଣ୍ଡ ବିପକ୍ଷ ମ୍ୟାଚ୍‌ରେ ୮ ଓ୍ୱିକେଟରେ ପରସ୍ତା ହୋଇଛି ଦଳ । ଏହା ପରେ ଦଳର ସେମିଫାଇନାଲ ଖେଳିବା ଆଶା କ୍ଷୀଣ ହୋଇଯାଇଛି ।

ତେବେ ଟିମ୍ ଇଣ୍ଡିଆ ଆହୁରି ୩ଟି ମ୍ୟାଚ୍‌ ଖେଳିବାର ଅଛି କିନ୍ତୁ କୌଣସି ପ୍ରକାର, ଚମତ୍କାର ହିଁ ଭାରତକୁ ସେମିଫାଇନାଲରେ ପହଞ୍ଚାଇପାରେ । ତେବେ ମୋଟା ମୋଟି ଦେଖାଗଲେ ଆଫଗାନିସ୍ତାନ ନ୍ୟୁଜିଲ୍ୟାଣ୍ଡକୁ ବଡ଼ ବ୍ୟବଧାନରେ ପରାସ୍ତ କଲେ ହିଁ ଭାରତର ସେମିଫାଇନାଲ ଖେଳିପାରିବ ।

ଏଥିସହିତ ପଢ଼ନ୍ତୁ: ସେମିଫାଇନାଲରେ ପହଁଚିପାରିବ ଭାରତ, ଜାଣନ୍ତୁ କେମିତି…

ସକାଳୁ ସକାଳୁ ଫାଣ୍ଡି ଅଧିକାରୀଙ୍କ ଘରେ ଭିଜିଲାନସ ଟିମ୍‌ର ଚଢ଼ାଉ

ଢେଙ୍କାନଳ: ଢେଙ୍କାନାଳ ପରଜଙ୍ଗ ମହାବୀର ରୋଡ ଫାଣ୍ଡି ଅଧିକାରୀ ସମରେନ୍ଦ୍ର ସାମଲଙ୍କ ଘରେ ଭିଜିଲାନସ ଚଢ଼ାଉ। ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଏକକାଳୀନ ୭ଟି ସ୍ଥାନରେ ରେଡ୍ ଜାରି ରହିଛି। ସରକାରୀ ଅଫିସ, ସରକାରୀ କ୍ୱାର୍ଟର, ଢେଢ଼ଙ୍କାନାଳ ସହର ବନମାଳିପ୍ରସାଦର ଦୁଇଟି ୨ମହଲା କୋଠା, ଗନ୍ଦିଆ ଥାନା ଅନ୍ତର୍ଗତ ପୈତୃକ ଘର, କେ.ନଗର ଥାନା ଅଧିନ କାନପୁରରେ ଥିବା ଶ୍ୱଶୁର ଘର ଓ ମହାପଡାରେ ଥିବା ଫାର୍ମ ହାଉସରେ ରେଡ୍ ଜାରି ରହିଛି।

ଚଢାଉ ବେଳେ ୩୦୦ ଗ୍ରାମ୍ ସୁନା ଓ ୧ ଲକ୍ଷ ନଗଦ ଟଙ୍କା ଜବତ ହୋଇଛି। ଚଢାଉରେ ୮ଟି ଟିମ୍ ସାମିଲ ହୋଇଥିବା ବେଳେ, ୩ ଡିଏସପି ଓ ୭ଜଣ ଇନସ୍ପେକ୍ଟର ଚଢାଉରେ ସାମିଲ ହୋଇଛନ୍ତି। ଫାଣ୍ଡି ଅଧିକାରୀ ଲାଞ୍ଚ ନେଇ କେସ୍‌କୁ ରଫାଦଫା କରୁଥିଲେ ଏବଂ ବିଭିନ୍ନ ଆଇନ ବିରୋଧୀ କରାର୍ଯ୍ୟ ପାଇଁ ଟଙ୍କ ନେଇ କାର୍ଯ୍ୟ କରିବାକୁ ଅନୁମତି ଦେଉଥିଲେ ବୋଲି ଅଭିଯୋଗ ହୋଇଥିଲା। ତେବେ ଅଭିଯୋଗ ପରେ ଆଜି ସକାରୁ ସକାରୁ ରେଡ କରିଥିଲା ଭିଜିଲାନ୍ନ ବିଭାବ।

ଧଳା ଜହର କବଳରେ ରାଜଧାନୀ ଭୁବନେଶ୍ୱର, ଜବତ ହେଲା ୧୦୦ ଗ୍ରାମ୍‌ ବ୍ରାଉନସୁଗର

ଭୁବନେଶ୍ୱର: କରୋନା କାଳରେ ବଢ଼ି ଚାଲିଛି ନିଶାଖୋର ମାଫିଆଙ୍କ ରାଜ। ପୋଲିସ୍‌ କୁ ଚ୍ୟାଲେଞ୍ଜ ଦେଉଛନ୍ତି ଧଳା ଜହର ବେପାରୀ। ଗିରଫ ପରେ ମଧ୍ୟ ସୁଧୁରୁ ନାହାଁନ୍ତି। ରାଜଧାନୀରୁ ପୁଣି ଜବତ ହୋଇଛି ବ୍ରାଉନସୁଗର। ଭୁବନେଶ୍ୱର ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ଚନ୍ଦ୍ରଶେଖର ପୁର ସ୍ଥିତ ପଣ୍ଡା ପାର୍କ ବସ୍ତିରୁ ଶହେ ଗ୍ରାମ ବ୍ରାଉନସୁଗର ଜବତ ହୋଇଛି। କୌଣସି ସୂତ୍ରରୁ ପୋଲିସ୍‌ ଖବର ପାଇ ଚଢ଼ାଉ କରିଥିଲା। ବସ୍ତିରେ ପାଉଡର ବିକୁଥିବା ଦୁଇ ଜଣଙ୍କୁ ଗିରଫ ମଧ୍ୟ କରାଯାଇଛି।

ତେବେ ସେମାନେ କେଉଁଠାରୁ ବ୍ରାଉନସୁଗର ଆଣୁଥିଲେ ସେ ନେଇ ଅଧିକ ତଦନ୍ତ ଚଳାଇଛି ଭୁବନେଶ୍ୱର ଅବକାରୀ ବିଭାଗ। ୨୦୨୦ରୁ ଆଜି ଯାଏଁ ନିଶା ବେପାର ବିରୋଧରେ ଦୃଢ଼ ଆକ୍ସନ ନେଇଛି ସ୍ପେଶାଲ ଟାସ୍କଫୋର୍ସ। ବର୍ତ୍ତମାନ ସୁଦ୍ଧା ୪୧କେଜି ରୁ ଅଧିକ ବ୍ରାଉନସୁଗର ଜବତ କରାଯାଇଥିବା ବେଳେ ୮୬ କୁଇଣ୍ଟାଲରୁ ଅଧିକ ଗଞ୍ଜେଇ ଜବତ କରାଯାଇଛି। ଆଗକୁ ଏହି ଡ୍ରାଇଭ ଆହୁରି ବ୍ୟାପକ କରାଯିବ ବୋଲି ଏସ୍ ଟିଏଫ ପକ୍ଷରୁ ସୂଚନା ମିଳିଛି।