spot_img
Home Blog Page 5161

ଅନୁଗୁଳ ଓ ନୟାଗଡ଼ ଜିଲ୍ଲାର ଭର୍ଚୁଆଲ କୋର୍ଟରୁମ୍‌କୁ ଉଦ୍‌ଘାଟିତ କଲେ ସୁପ୍ରିମକୋର୍ଟ ବିଚାରପତି ଜଷ୍ଟିସ୍ ଡି.ଓ୍ୱାଇ.ଚନ୍ଦ୍ରଚୂଡ଼

0

ଅନୁଗୁଳ ଓ ନୟାଗଡ ଜିଲ୍ଲାରେ ଖୋଲିଲା ମଡେଲ ଭର୍ଚୁଆଲ କୋର୍ଟରୁମ । ଆଜି ସୁପ୍ରିମକୋର୍ଟ ବିଚାରପତି ଜଷ୍ଟିସ ଡି. ଓ୍ୱାଇ. ଚନ୍ଦ୍ରଚୂଡ଼ ଏହାକୁ ଉଦଘାଟନ କରିଛନ୍ତି । ଇ-କଷ୍ଟୋଡି ସାର୍ଟିଫିକେଟ ସିଷ୍ଟମ ଏବଂ କେସ୍ ସମ୍ପର୍କିତ ସୂଚନା ପ୍ରଦାନ ଲାଗି ଅଟୋମେଟେଡ ଇମେଲ ସର୍ଭିସର ଶୁଭାରମ୍ଭ କରିଛନ୍ତି । ଏହି ଅବସରରେ ଓଡିଶା ହାଇକୋର୍ଟ ମୁଖ୍ୟ ବିଚାରପତି ଡକ୍ଟର ଜଷ୍ଟିସ ଇ ମୁରଲିଧର ଓ ବିଚାରପତି ଜଷ୍ଟିସ ବିଶ୍ବଜିତ ମହାନ୍ତି, ହାଇକୋର୍ଟ ଆଇଟି ଓ ଆର୍ଟିଫିସିଆଲ ଇଣ୍ଟେଲିଜେନ୍ସି କମିଟି ଅଧ୍ୟକ୍ଷ ଜଷ୍ଟିସ ସଂଗ୍ରାମ କୁମାର ସାହୁ ଉପସ୍ଥିତ ଥିଲେ । ଭର୍ଚୁଆଲ ଜରିଆରେ ଏହି ଉଦଘଟନୀ କାର୍ଯ୍ୟକ୍ରମରେ ଓଡିଶା ଆଡଭୋକେଟ ଜେନେରାଲ ଅଶୋକ କୁମାର ପରିଜା, ଏସିଏସ ସଞ୍ଜୀବ ଚୋପ୍ରା, ଡିଜିପି ଅଭୟ, ଜେଲ ଡିଜି ସନ୍ତୋଷ ଉପାଧ୍ୟାୟ, ଡିସିଏସ ଭାଗ୍ୟଲକ୍ଷ୍ମୀ ରଥ, ଅନୁଗୁଳ ଜିଲ୍ଲା ଜଜ୍ ରୂପଶ୍ରୀ ଚୌଧୁରୀ ସାମିଲ ହୋଇଥିଲେ ।

 

 

ସମୁଦ୍ର ଯୁଦ୍ଧ ପାଇଁ ପ୍ରସ୍ତୁତ ହେଉଛି ଭାରତ, ନୌସେନାକୁ ମିଳିଳା ମହା ବିଧ୍ବଂସକ INS ବିଶାଖାପାଟନମ୍

ନୂଆଦିଲ୍ଲୀ: ସମୁଦ୍ରରେ ଚୀନକୁ ଟକ୍କର ଦେବାକୁ ଭାରତ କରୁଛି ପ୍ରସ୍ତୁତି । ହିନ୍ଦ ମହାସାଗରରେ ଭାରତର ନୌସେନାକୁ ବାଦଶାହ କହାଯାଇଥାଏ । ତଥାପି ଆମେରିକା ଓ ଚୀନ ପରି ଦେଶଙ୍କ ତୁଳନାରେ ଇଣ୍ଡିଆନ ନେଭି ଏବେ ବି ବହୁ ପଛରେ ରହିଛି । ହିନ୍ଦ ମହାସାଗରରେ ଚୀନର ଅନୁପ୍ରବେଶ ବଢ଼ିଯାଇଛି । ଚୀନର ମୁକାବିଲା ପାଇଁ ଭାରତୀୟ ନୌସେନା ବଳ ଗୋଟାଉଛି । ଏମିତି ସମୟରେ ନୌସେନାକୁ ମିଳିଛି ସ୍ବଦେଶୀ ଜ୍ଞାନକୌଶଳରେ ତିଆରି ପ୍ରଥମ ଗାଇଡେଡ ମିସାଇଲ ଡେଷ୍ଟ୍ରୟର INS ବିଶାଖାପାଟନମ୍ । ବିଧ୍ବଂସକ INS ବିଶାଖାପାଟନମ୍ ସମୁଦ୍ରରେ ରହି ଭାରତୀୟ ସୀମାକୁ ସୁରକ୍ଷିତ କରିବା ସହ ଶତ୍ରୁଙ୍କୁ ନିପାତ କରିବାକୁ ସକ୍ଷମ । ଚୀନ ସହ ଯୁଦ୍ଧ ଭଳି ସ୍ଥିତି ଲାଗି ରହିଥିବା ବେଳେ ଏହି ଡେଷ୍ଟ୍ରୟର ନୌସେନାକୁ ମିଳିବାକୁ ଗୁରୁତ୍ବର ସହ ଦେଖାଯାଉଛି ।

INS ବିଶାଖାପାଟନମ୍ ମାଜଗାଓଁ ଡକ୍ସରେ ନିର୍ମାଣ କରାଯାଇଛି । ୨୦୧୧ରେ ଏହାର କଣ୍ଟ୍ରାକ୍ଟ ଦିଆଯାଇଥିଲା । ୩ ବର୍ଷ ବିଳମ୍ବରେ ଗତ ଗୁରୁବାର INS ବିଶାଖାପାଟନମକୁ ନୌସେନାକୁ ପ୍ରଦାନ କରାଯାଇଛି ।

ବ୍ରହ୍ମୋସ୍ ସୁପରସୋନିକ ମିସାଇଲରେ ଲେସ INS ବିଶାଖାପାଟନମ୍

INS ବିଶାଖାପାଟନମ୍ ପରି ଆଉ ୩ଟି ଗାଇଡେଡ ମିସାଇଲ ଡେଷ୍ଟ୍ରୟର ତିଆରି କରୁଛି ଭାରତ । ଏସବୁର ଓଜନ ୭୪୦୦ ଟନ୍ ଲେଖାଏଁ ରହିବ ।  ଯାହାର ନାଁ INS ମୁରଗାଓଁ, INS ଇମ୍ଫଲ ଓ INS ସୁରତ ରଖାଯାଇଛି । କିଛି ବର୍ଷ ମଧ୍ୟରେ ଏହା ଭାରତୀୟ ନୌସେନାରେ ସାମିଲ ହୋଇଯିବେ । ଏସବୁ ୪ ଯୁଦ୍ଧ ଜାହାଜ ବ୍ରହ୍ମୋସ୍ ସୁପରସୋନିକ କ୍ରୁଜ୍ ମିସାଇଲ ଓ ଇଜରାଇଲର ବାରକ ମିସାଇଲରେ ଲେସ ହେବେ । ଯାହା ନିମିଷକରେ ଭାରତୀୟ ଜଳସୀମାରୁ ଶତ୍ରୁଙ୍କ ଚିହ୍ନବର୍ଣ୍ଣ ଲିଭାଇ ଦେବାକୁ ସକ୍ଷମ ହେବେ । ଏଗୁଡ଼ିକୁ ନିର୍ମାଣ କରିବାରେ ୩୫ ହଜାର କୋଟିରୁ ଅଧିକ ଟଙ୍କା ବ୍ୟୟ ଅଟକଳ କରିଛି ।

ଭାରତ ଚାହୁଁଛି ଅଧିକ ଏୟାରକ୍ରାପ୍ଟ

ଡେଷ୍ଟ୍ରୟର ଶକ୍ତିଶାଳୀ ହୋଇଥିଲେ ବି ଆକାର ଓ ଯୁଦ୍ଧ କ୍ଷମତାରେ ଏୟାରକ୍ରାପ୍ଟ କ୍ୟାରିୟର ଆଗରେ ତିଷ୍ଟିବା ଅସମ୍ଭବ । ଗୋଟିଏ ଦିନରେ ୫୦୦ ନଟିକଲ ମିଲ୍ରୁ ଅଧିକ ଯାଇ ପାରୁଥିବା ଏହି ଏୟାରବେସ୍ ଜରିଆରେ ଶତ୍ରୁ ଉପରେ ଭୟଙ୍କର ଆକ୍ରମଣ କରି ନିଜର ଶକ୍ତି ଦେଖାଇ ହେବ । ଏୟାରକ୍ରାପ୍ଟ କଥା କହିଲେ ଭାରତ ଏବେ ବି ବହୁ ପଛରେ ରହିଛି । ଆମେରିକା ପାଖରେ ଏୟାରକ୍ରାପ୍ଟ କ୍ୟାରିୟରର ସମୂହ ରହିଛି । ଆମେରିକା, ଚୀନ ଭଳି ଶକ୍ତିଶାଳୀ ଦେଶଙ୍କଠାରୁ ଆମେ ଏବେ ବି ପଛରେ ଅଛନ୍ତି ।

ଆମେରିକା ପାଖରେ ପ୍ରାୟ ୨୦ଟି ଏୟାରକ୍ରାପ୍ଟ କ୍ୟାରିୟର ରହିଛି । ଏଗୁଡ଼ିକ ଏତେ ଶକ୍ତିଶାଳି ଯେ ଏକା ଏକା କୌଣସି ଦେଶ ସହ ଯୁଦ୍ଧ କରି ଜିତି ପାରିବେ । ସେହିପରି ଜାପାନ ଓ ଫ୍ରାନ୍ସ ପାଖରେ ୪ଟି ଲେଖାଏଁ ଏୟାରକ୍ରାପ୍ଟ କ୍ୟାରିୟର ରହିଛି । ଚୀନ ପାଖରେ ଦୁଇଟି ଥିବା ବେଳେ ସେ ଆଉ ଦୁଇଟି ତିଆରି କରୁଛି । ଏମାନଙ୍କ ସହ ଭାରତକୁ ତୁଳନା କଲେ, ଆମେ କେତେ ପଛରେ ରହିଛନ୍ତି ଜାଣି ପାରିବେ ।

INS ବିକ୍ରମାଦିତ୍ୟ ଏବେ ଭାରତୀୟ ନୌସେନାରେ ଏକମାତ୍ର ଏୟାରକ୍ରାପ୍ଟ ଭାବେ ସେବା ଦେଉଛି । ୪୪ ହଜାର ୫୦୦ ଟନ୍ ଓଜରର ଏହି ଏୟାରକ୍ରାପ୍ଟକୁ ୨୦୧୩ରେ ୨.୩୩ ବିଲିୟନ ଡରାର ଦେଇ ଭାରତ ରୁଷ ପାଖରୁ କିଣିଥିଲା । ଏହାର ଡେକ୍ ଅପରେଟ ପାଇଁ ୨ ବିଲିୟନ ଡଲାରରେ ୪୫ଟି MIG-29K କିଣା ଯାଇଥିଲା । ଭାରତ ଏବେ INS ବିକ୍ରାନ୍ତ ଉପରେ କାମ କରୁଛି । ସ୍ବଦେଶୀ ଜ୍ଞାନ କୌଶଳରେ ନିର୍ମିତ INS ବିକ୍ରାନ୍ତର ଓଜନ ୪୦ ହଜାର ଟନ ରହିଛି । ଯାହାର ଦ୍ବିତୀୟ ପ୍ରର୍ଯ୍ୟାୟ ଟ୍ରାଏଲ ଚାଲିଛି ।

କୋଚିନ ସିପୟାର୍ଡ ପାଖାପାଖି ୨୩ ହଜାର କୋଟି ଟଙ୍କାରେ ଏହାକୁ ନିର୍ମାଣ କରିଛି । ୨୦୨୩ ଜୁନ, ଜୁଲାଇ ବେଳକୁ ଏହା ସମ୍ପୂର୍ଣ୍ଣ ଅପରେସନ ପାଇଁ ଫିଟ୍ ହୋଇଯିବ । ଏହାର ଡେକରେ MIG-29K ସୁପରସୋନିକ ଫାଇଟର ଜେଟ ଓ MH-60R ମଲଟି ରେଞ୍ଜ ହେଲିକପ୍ଟର ମୁତୟନ ହେବ ।

ସମ୍ୱଲପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ: BSKY ଯୋଜନାରେ ସ୍ମାର୍ଟକାର୍ଡ ବଣ୍ଟନ କରିବେ

ସମ୍ୱଲପୁର: ଆସନ୍ତାକାଲି ସମ୍ବଲପୁର ଜିଲ୍ଲା ଗସ୍ତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସମ୍ବଲପୁର ଜିଲ୍ଲା କୁଚିଣ୍ଡାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ନୂଆ ସ୍ମାର୍ଟକାର୍ଡ ବଣ୍ଟନ କରିବେ। ଜିଲ୍ଲାର ୨ଲକ୍ଷ ୨୮ହଜାର ୨୧୩ଜଣ ହିତାଧିକାରୀ ସ୍ମାର୍ଟ ହେଲ୍‌ଥ କାର୍ଡ ପାଇବେ। ଏହାଦ୍ୱାରା ମାଗଣାରେ ଉତ୍ତମ ସ୍ୱାସ୍ଥ୍ୟ ସେବା ମିଳିପାରିବ । ପ୍ରତି ପରିବାରକୁ ୫ଲକ୍ଷ ଓ ମହିଳାଙ୍କୁ ୧୦ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ମିଳିବ । ରାଜ୍ୟ ତଥା ରାଜ୍ୟ ବାହାରର ୨ଶହରୁ ଅଧିକ ହସପିଟାଲ୍‌ରେ ସ୍ମାର୍ଟ ହେଲ୍‌ଥ କାର୍ଡରେ ସ୍ୱାସ୍ଥ୍ୟ ସେବା ମିଳିବ । ଏହା ସହ ୭ଶହ କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିବାର କାର୍ଯ୍ୟକ୍ରମ ରହିଛି । ସେଥିପାଇଁ ଶେଷ ପଯ୍ୟାୟରେ ପହଞ୍ଚିଛି ପ୍ରସ୍ତୁତି । ମନ୍ତ୍ରୀ ସୁଶାନ୍ତ ସିଂ ଉପସ୍ଥିତ ରହି ପ୍ରସ୍ତୁତିର ତଦାରଖ କରୁଛନ୍ତି। ମାଲକାନଗିରି, ସୁନ୍ଦରଗଡ଼, ଗଜପତି, ବଲାଙ୍ଗୀର, ପୁରୀ, ଦେବଗଡ , ମୟୂରଭଞ୍ଜ ପରେ ସମ୍ବଲପୁରରେ ଲେଖାହେବ ସ୍ୱାସ୍ଥ୍ୟସେବାର ନୂଆ ଅଧ୍ୟାୟ।

ପୂର୍ବରୁ ମଧ୍ୟ ବିଭିନ୍ନ ଜିଲ୍ଲାଗସ୍ତରେ ଯାଇ ମୁଖ୍ୟମନ୍ତ୍ରୀ ବିଏସକେଓ୍ୱାଇ ଯୋଜନାରେ  ସ୍ମର୍ଟକାର୍ଡ ବଣ୍ଟନର ଶୁଭାରମ୍ଭ କରିଛନ୍ତି । ଏହା ଦ୍ୱାରା ବିିଭିନ୍ନ ଲୋକେ ଉପକୃତ ମଧ୍ୟ ହୋଇପାରିଛନ୍ତି । କଣ୍ଟାବାଞ୍ଜି ଏନଏସି ୧୨ ନମ୍ବର ଓ୍ୱାର୍ଡ ସିଙ୍ଗଲପଡ଼ାର କାଳିଆ ବେହେରା ପାଇଛନ୍ତି ଏହାର ସୁଫଳ । ରାୟପୁର ରାମକ୍ରିଷ୍ଣ ହସ୍ପିଟାଲରେ ବିଜୁ ସ୍ମାର୍ଟ କାର୍ଡରେ ଚିକିତ୍ସିତ ହୋଇଛନ୍ତି କାଳିଆ । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୋଟି କୋଟି ଧନ୍ୟବାଦ ଜଣାଇଛନ୍ତି । ସେହିଭଳି ରାସଗୋବିନ୍ଦପୁର ସ୍ଥିତ ରଙ୍ଗାମାଟିଆ ଠାରେ ଥିବା ମହାତ୍ମାଗାନ୍ଧୀ ଚକ୍ଷୁ ଚିକିତ୍ସାଳୟ ପକ୍ଷରୁ ଉକ୍ତ ସ୍ୱାସ୍ଥ୍ୟକାର୍ଡ଼ ଯୋଗେ ୭୫ ଜଣ ଚକ୍ଷୁ ପୀଡିତଙ୍କୁ ସ୍ୱାସ୍ଥ୍ୟସେବା ଯୋଗାଇ ଦିଆଯାଇଛି । ଏଭଳି ଅନେକ ହିତାଧିକାରୀ ଏହି ସ୍ମାର୍ଟ କାର୍ଡ ଯୋଗେ ନିଜର ମାଗଣା ଚିକିତ୍ସା କରାଇପାରିଛନ୍ତି ।

ଏଥିସହିତ ପଢ଼ନ୍ତୁ: BSKYରେ ଉପକୃତ ବିନିତା, ଖୁସି ପ୍ରକଟ କଲେ ମୁଖ୍ୟମନ୍ତ୍ରୀ

 

 

 

ମହିଳା ବେଶରେ ଆସି ମାଆ-ଝିଅକୁ ମରଣାନ୍ତକ ଆକ୍ରମଣ କଲେ ଯୁବକ

ଭୁବନେଶ୍ୱର: ମହିଳା ବେଶରେ ଆସି ମରଣାନ୍ତକ ଆକ୍ରମଣ । ଭୁବନେଶ୍ୱର ଶୈଳଶ୍ରୀ ବିହାରରେ ଘଟିଛି ଜଘନ୍ୟ କାଣ୍ଡ  । ଘରେ ପଶି ଛୁରାମାଡ଼ କରିଛନ୍ତି ଜଣେ ଯୁବକ । ଏଥିରେ ୩ଜଣ ଆହତ ହୋଇଛନ୍ତି । ମିଳିଥିବା ସୂଚନା ମୁତାବକ ଜଣେ ମହିଳା, ଜଣେ ଯୁବତୀ ଓ ଜଣେ ଯୁବକ ଆହତ ହୋଇଛନ୍ତି । ତିନି ଜଣଙ୍କୁ ଉଦ୍ଧାର କରି  କ୍ୟାପିଟାଲ୍‌ ହସପିଟାଲ୍‌ରେ ଭର୍ତ୍ତି କରାଯାଇଛି ।

ତେବେ କେଉଁ କାରଣରୁ ଛୁରାମାଡ଼ ହୋଇଛି, ତାହା ଜଣାପଡ଼ିନି । ଘଟଣାସ୍ଥଳରେ ଛୁରି ପଡିଥିବା ବେଳେ ଘର ଭିତରେ ବନ୍ଧୁକ ପଡିଛି । ଯୁବକ ଜଣକ ମହିଳା ପୋଷାକ ଓ ହେଲମିଟ୍ ପିନ୍ଧି ଘରେ ପଶି ମାଆ, ଝିଅଙ୍କୁ ଆକ୍ରମଣ କରିଥିଲେ। ଆକ୍ରମଣ କରିଥିବା ଯୁବକ ନିଜେ ମଧ୍ୟ ଘଟଣାରେ ଆହତ ହୋଇଛନ୍ତି  । ସେପଟେ  ଘଟଣା ବିଷୟରେ ଖବର ପାଇ  ଚନ୍ଦ୍ରଶେଖପରପୁର ପୋଲିସ ପହଁଚି ଛାନବିନ୍ ଆରମ୍ଭ କରିଛି  ।

ଡିଭୋର୍ସ ପେପର୍, ଶିଶୁର ଜନ୍ମ ପ୍ରମାଣପତ୍ର ଏବଂ SC ସାର୍ଟିଫିକେଟ୍ ନେଇ SC-ST ଆୟୋଗରେ ପହଞ୍ଚିଲେ ସମୀର ୱାଙ୍ଖେଡେ

ମୁମ୍ବାଇ : ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନ୍‌ସିବି)ର ଜୋନାଲ ଡାଇରେକ୍ଟର ସମୀର ଓ୍ବାଙ୍ଖେଡେ ଦିଲ୍ଲୀ ସ୍ଥିତ ଅନୁସୂଚିତ ଜାତି-ଜନଜାତି ଆୟୋଗ କାର୍ଯ୍ୟାଳୟରେ ହାଜର ହୋଇଛନ୍ତି । ସେଠାରେ ସେ ଅନେକ ଗୁରୁତ୍ୱପୂର୍ଣ୍ଣ କାଗଜ ଦାଖଲ କରିଛନ୍ତି । ପୂର୍ବରୁ ସମୀରଙ୍କ ବିରୁଦ୍ଧରେ କରାଯାଇଥିବା ଅଭିଯୋଗକୁ ନେଇ ତାଙ୍କୁ ହାଜର ହେବାପାଇଁ କୁହାଯାଇଥିବା ବେଳେ ସମସ୍ତ ଦସ୍ତାବିଜ୍ ସହ ଦିଲ୍ଲୀରେ ପହଞ୍ଚିଛନ୍ତି ଏନ୍‌ସିବି ଅଧିକାରୀ । ସେଠାରେ ସମସ୍ତ କାଗଜପତ୍ର ଦାଖଲ କରିବ ପରେ ବାହାରକୁ ଆସି ସମୀର କହିଛନ୍ତି, ‘ଆବଶ୍ୟକୀୟ କାଗଜପତ୍ର କମିଶନଙ୍କୁ ଦେଇଛି । ସେଗୁଡିକର ଯାଞ୍ଚ କରିବା ପରେ ଅନୁସୂଚିତ ଜାତି-ଜନଜାତି ଆୟୋଗ ରିପୋର୍ଟ ଦେବେ ।’

ଅନୁସୂଚିତ ଜାତି-ଜନଜାତି ଆୟୋଗ ଅଧ୍ୟକ୍ଷ ବିଜୟ ସାଂପଲା କହିଛନ୍ତି, ‘ସମୀର ଓ୍ବାଙ୍ଖେଡେ କାଗଜପତ୍ର ଦାଖଲ କରିଛନ୍ତି । ଏବେ ତାଙ୍କର ସମସ୍ତ ଦସ୍ତାବିଜର ଯାଞ୍ଚ ଜାରି ରହିଛି’ । ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ବରିଷ୍ଠ ଏନ୍‌ସିପି ନେତା ନଓ୍ବାବ ମଲିକ, ସମୀର ଓ୍ବାଙ୍ଖେଡେଙ୍କ ବିରୁଦ୍ଧରେ ଅନେକ ଅଭିଯୋଗ ଆଣିଥିଲେ । ନଓ୍ବାବ ମଲିକ ଅଭିଯୋଗ କରିଥିଲେ ଯେ, ସମୀର ଓ୍ବାଙ୍ଖେଡେ ଜଣେ ମୁସଲମାନ । ଜାଲ ଜାତି ପ୍ରମାଣପତ୍ର ଦେଇ ସେ ଚାକିରି କରିଛନ୍ତି । ତେବେ ନଓ୍ବାବ ମଲିକଙ୍କ ଏହି ଅଭିଯୋଗକୁ ଦୃଢତାର ସହ ଖଣ୍ଡନ କରିଥିଲେ ସମୀର ଓ୍ବାଙ୍ଖେଡେ ।

ଦିଲ୍ଲୀ ସ୍ଥିତ ଅନୁସୂଚିତ ଜାତି-ଜନଜାତି ଆୟୋଗ କାର୍ଯ୍ୟାଳୟରେ ପହଞ୍ଚି ଜାତି ପ୍ରମାଣ ପତ୍ର, ପ୍ରଥମ ପତ୍ନୀଙ୍କ ଠାରୁ ହୋଇଥିବା ଛୁଆର ଜନ୍ମ ପ୍ରମାଣପତ୍ର ଏବଂ ଛାଡପତ୍ର ପ୍ରମାଣ ଦାଖଲ କରିଛନ୍ତି । ଏହା ସହିତ ଦ୍ବିତୀୟ ବିବାହର ପ୍ରମାଣପତ୍ର ମଧ୍ୟ ଦାଖଲ କରିଛନ୍ତି ସମୀର ଓ୍ବାଙ୍ଖେଡେ । କମିଶନ ଏବେ ଦସ୍ତାବିଜଗୁଡିକର ଯାଞ୍ଚ କରୁଛନ୍ତି ।

ସୂଚନାଯୋଗ୍ୟ, କ୍ରୁଜ୍‌ ଡ୍ରଗ୍ସ ଲିଙ୍କ ମାମଲାର ତଦନ୍ତ କରୁଛନ୍ତି ସମୀର ଓ୍ବାଙ୍ଖେଡେ । ଘଟଣାରେ ସଂପୃକ୍ତ ଥିବା ଅଭିଯୋଗରେ ଗିରଫ ହୋଇ ଏବେ ଜାମିନରେ ବାହାରକୁ ଆସିଥିବା ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନକୁ ଜେରା କରୁଥିଲେ ସମୀର । ତେବେ ଏହି ମାମଲାକୁ ନେଇ ତମ୍ବିତୋଫାନ ଲାଗି ରହିଥିଲା । ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ନଓ୍ବାବ ମଲିକ, ସମୀର ଓ୍ବାଙ୍ଖେଡେଙ୍କ ଜାତିକୁ ଆକ୍ଷେପ କରିବା ସହିତ ପ୍ରଥମ ପତ୍ନୀଙ୍କୁ ନେଇ ଆରମ୍ଭ କରିଥିଲେ ଘମାସନ । ଏଥିରେ ସଂପୃକ୍ତ ନଥିବା ଏବଂ କୌଣସି ଉପାୟ ନପାଇ ଫସାଇବାକୁ ଉଦ୍ୟମ କରାଯାଉଥିବା​‌ କହିଥିଲେ ଏନ୍‌ସିବି ଅଧିକାରୀ ସମୀର ଓ୍ବାଙ୍ଖେଡେ ।

ଦୀପାବଳିରେ ଫୁଟିବ ସବୁଜ ବାଣ, ଅନୁମତି ଦେଲେ ହାଇକୋର୍ଟ

କଟକ: ଦୀପାବଳିରେ ଫୁଟିବ ବାଣ  ।  କେବଳ ଗ୍ରୀନ କ୍ରାକର ଫୁଟାଇବାକୁ ଅନୁମତି ଦେଇଛନ୍ତି ରାଜ୍ୟ ଉଚ୍ଚ ନ୍ୟାୟାଳୟ  । ହାଇକୋର୍ଟଙ୍କ ମାର୍ଗଦର୍ଶିକା ଅନୁଯାୟୀ ବାଣ ଫୁଟାଇ ପାରିବେ  ।  ସରକାର ବାଣ ଫୁଟାଇବା ନେଇ ପ୍ରତିବନ୍ଧକ ଲାଗାଇଥିବାବେଳେ ହାଇକୋର୍ଟରେ ଏନେଇ ଏକ ଅଭିଯୋଗ ଦାଖଲ କରାଯାଇଥିଲା  । ଅଲ୍ ଓଡ଼ିଶା ଫାୟାର ୱାର୍କ୍ସ ଡିଲର୍ସ ଆସୋସିଏସନ୍ ପକ୍ଷରୁ କରାଯାଇଥିବା ଆବେଦନ ଉପରେ ଶୁଣାଣି କରି ରାୟ ଦେଇଛନ୍ତି ହାଇକୋର୍ଟ।

କିଛି ନିର୍ଦ୍ଦିଷ୍ଟ  ସର୍ତ୍ତ ଅନୁସାରେ ବିକ୍ରୀ ହୋଇ ପାରିବ ସବୁଜ ବାଣ। ବାଣ ଫୁଟାଇବାକୁ ଅନୁମତି ପ୍ରଦାନ କରିଛନ୍ତି ହାଇକୋର୍ଟ  । ପିଇଏସଓ ଅନୁମତି ପ୍ରାପ୍ତ ବାଣ ଫୁଟାଇବାକୁ ଅନୁମତି ପ୍ରଦାନ କରାଯାଇଛି  । କୋଭିଡ ସମୟରେ କଟକଣାକୁ ଅନୁପାଳନ କରିବା ଏବଂ ବାୟୁ ମଣ୍ଡଳ ପ୍ରଦୂଷିତ ହେଉଥିବାରୁ ଏହା ଉପରେ ପ୍ରତିବନ୍ଧକ ଜାରି କରିଥିଲେ ରାଜ୍ୟ ସରକାର  । ତେବେ ଯଦିବା ହାଇକୋର୍ଟ ବାଣ ଫୁଟାକୁ ଅନୁମତି ଦେଇଛନ୍ତି , କିନ୍ତୁ ଯେକୌଣସି ବାଣ ଫୁଟାଇପାରିବେ ନାହିଁ ଲୋକେ  । କେବଳ ସବୁଜ ବାଣକୁ ଅନୁମତି ଦେଇଛନ୍ତି ଅଦାଲତ  ।

 

ବିବାଦ ପରେ ମଙ୍ଗଳସୂତ୍ର ବିଜ୍ଞାପନ ପ୍ରତ୍ୟାହାର କଲେ ସବ୍ୟସାଚୀ

ନୂଆଦିଲ୍ଲୀ: ଖ୍ୟାତନାମା ଫ୍ୟାଶନ ତଥା ଅଳଙ୍କାର ଡିଜାଇନର୍ ସବ୍ୟସାଚୀ ମୁଖାର୍ଜୀଙ୍କ ମଙ୍ଗଳସୂତ୍ରର ବିଜ୍ଞାପନ ସାରା ଦେଶରେ ତୀବ୍ର ସମାଲୋଚନା ହେଉଛି। ସୋସିଆଲ ମିଡିଆରେ ଟ୍ରୋଲ୍ ହେବା ପରେ ସବ୍ୟସାଚି ତାଙ୍କର ମଙ୍ଗଳସୂତ୍ର ବିଜ୍ଞାପନ ପ୍ରତ୍ୟାହାର କରି ନେଇଛନ୍ତି। ସେ ରବିବାର ଦିନ ନିଜର ବିଜ୍ଞାପନ ପ୍ରତ୍ୟାହାର କରି କହିଛନ୍ତି, ‘ବିଜ୍ଞାପନ ଦ୍ୱାରା ସମାଜର ଏକ ବର୍ଗକୁ ମିଳିଥିବା କଷ୍ଟ ପାଇଁ ମୁଁ ଦୁଃଖିତ।’

ସବ୍ୟସାଚୀ ଇନଷ୍ଟାଗ୍ରାମରେ ଲେଖିଛନ୍ତି, ‘ଐତିହ୍ୟ ଏବଂ ସଂସ୍କୃତି ଉପରେ ଜାରି ଆଲୋଚନା ପୃଷ୍ଠଭୂମିରେ ମଙ୍ଗଳସୁତ୍ର ଅଭିଯାନର ଉଦ୍ଦେଶ୍ୟ ସମାବେଶିତା ଏବଂ ସଶକ୍ତିକରଣ ବିଷୟରେ କହିବାର ଥିଲା। ଏହି ଅଭିଯାନର ଉଦ୍ଦେଶ୍ୟ ଥିଲା ଉତ୍ସବ ପାଳନ କରିବା ଏବଂ ଆମେ ଗଭୀର ଦୁଃଖିତ ଯେ ଏହି କାରଣରୁ ଆମ ସମାଜର ଏକ ବର୍ଗ କ୍ଷତିଗ୍ରସ୍ତ ହୋଇଛି। ସେଥିପାଇଁ ଆମେ ଏହି ଅଭିଯାନ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛୁ। ‘

ଏହି ବିଜ୍ଞାପନ ବିରୁଦ୍ଧରେ ସୋସିଆଲ ମିଡିଆରେ ଲୋକଙ୍କ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ଏହା ବ୍ୟତୀତ ଭାରତୀୟ ଜନତା ଦଳର କିଛି ନେତା ମଧ୍ୟ ଏହାକୁ ଖୋଲାଖୋଲି ସମାଲୋଚନା କରିଥିଲେ। ଏହାପୂର୍ବରୁ ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ସବ୍ୟସାଚୀଙ୍କୁ ମଙ୍ଗଳସୂତ୍ରର ‘ଆପତ୍ତିଜନକ ତଥା ଅଶ୍ଳୀଳ’ ବିଜ୍ଞାପନକୁ ହଟାଇବା ପାଇଁ ରବିବାର ଦିନ ୨୪ ଘଣ୍ଟା ‘ଅଲ୍ଟିମେଟମ୍’ ଦେଇ ଚେତାବନୀ ଦେଇଥିଲେ। ଯଦି ୨୪ ଘଣ୍ଟା ମଧ୍ୟରେ ଏହାକୁ ହଟାଇବେ ନାହିଁ ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଥିଲେ।

ବାରରେ ବାଉନ୍ସର ନିଯୁକ୍ତି ନେଇ କଟକଣା: ପଞ୍ଜୀକୃତ ସଂସ୍ଥାରୁ ଆଣିବେ, ପୋଲିସକୁ ଜଣାଇବେ

ଭୁବନେଶ୍ୱର: ଦ୍ୱୈତ ନଗରୀରେ ଥିବା ବାରରେ ଏବେ ନିଯୁକ୍ତ ହୋଇପାରିବେ ନାହିଁ ବାଉନ୍ସର  । ବାଉନ୍ସର  ନିଯୁକ୍ତ ନେଇ କଟକଣା ଲଗାଇଛନ୍ତି ପୋଲିସ କମିଶନର  । ନିଯୁକ୍ତି ପ୍ରକ୍ରିୟାରେ ୨ ମାସ ପାଇଁ କଟକଣା ଲଗାଇଛନ୍ତି କମିଶନରେଟ ପୋଲିସ  ।ଯେଉଁ ବାରରେ ବାଉନ୍ସର ଆବଶ୍ୟକ ହେଉଛନ୍ତି, ସେମାନେ କେବଳ ପଞ୍ଜୀକୃତ ସଂସ୍ଥାରୁ ଆଣିପାରେବେ  ।

ସୁରକ୍ଷା ଦାୟିତ୍ୱରେ ରଖୁଥିବା କର୍ମାଚାରୀଙ୍କୁ ଯଦି କୌଣସି ସଂସ୍ଥା ନିଯୁକ୍ତି ଦେବେ, ତାହା ପୂର୍ବରୁ ସ୍ଥାନୀୟ ପୋଲିସ ଷ୍ଟେସନରେ ଜଣାଇବାକୁ ନିର୍ଦ୍ଦେଶନାମା ଜାରି କରିଛନ୍ତି ପୋଲିସ କମିଶନର  । ସେହିପରି ବାଉନ୍ସର ନିଯୁକ୍ତି ପୂର୍ବରୁ ଚରିତ୍ର ପଞ୍ଜିକା ଦେଖିବା ବାଧ୍ୟତା ମୂଳକ  । କେବଳ ପଞ୍ଜୀକୃତ ସଂସ୍ଥାରୁ ନିରାପତ୍ତା କର୍ମାଚାରୀଙ୍କୁ ନିଯୁକ୍ତି ଦେଇପାରିବେ  । ଏନେଇ ଲିଖିତ ଭାବେ ସ୍ଥାନୀୟ ପୋଲିସକୁ ଜଣାଇବେ ବାର ମାଲିକ  । କାଲିଠୁ ଏହି କଟକଣା ବଳବତ୍ତର ନେଇ ପୋଲିସ କମିଶନର ନିର୍ଦେଶ ନାମା ଜାରି କରିଛନ୍ତି  ।

ଲଗାତାର ପରାଜୟ ପରେ କୋହଲିଙ୍କ ପରିବାରକୁ ମିଳୁଛି ଧମକ

ଭାରତ ଲଗାତାର ଟି-ଟ୍ବଣ୍ଟି ୱାର୍ଲ୍ଡ କପ୍ ୨୦୨୧ର ଦୁଇଟି ମ୍ୟାଚ୍ ହାରିବା ପରେ ସେମିଫାଇନାଳକୁ ପହଁଚିବାକୁ ଭାରତ ପାଇଁ ହୋଇପାରେ କଷ୍ଟକର ବ୍ୟାପାର  । ସେମିଫାଇନାଲରେ ପହଁଚିବାକୁ ହେଲେ ଭାରତୀୟ ଖେଳାଳିମାନଙ୍କୁ କଠିନ ପରିଶ୍ରମ କରିବାକୁ ପଡ଼ିବ  । ପାକିସ୍ତାନ ସହ ପ୍ରଥମ ମ୍ୟାଚ୍ ୧୦ ୱିକେଟରେ ହାରିବା ପରେ ଗତକାଲି ଦ୍ବିତୀୟ ଥର ପାଇଁ ନ୍ୟୁଜିଲ୍ୟାଣ୍ଡ ସହ ୮ ୱିକେଟରେ ଭାରତ ପରାସ୍ତ ହୋଇଥିଲା  । ମ୍ୟାଚରେ ଭାରତ ଜିତିବାର ଆଶା ରଖିଥିଲେ ପ୍ରଶଂସକ  । ମାତ୍ର ଶେଷରେ ଏ ଆଶା ଆଶାରେ ହିଁ ରହିଗଲା  । ଗତକାଲି ଭାରତ ମ୍ୟାଚ୍ ହାରିବା ପରେ ଖେଳାଳିମାନେ ଦୁଃଖ ପ୍ରକାଶ କରିଥିବା ଜଣାପଡ଼ିଛି  ।

 

ଭାରତ ଏହି ମ୍ୟାଚ୍ ହାରିବା ପରେ କୋହଲିଙ୍କ ପରିବାରକୁ ଧମକଭରା ଫୋନ କଲ ଆସୁଛି ବୋଲି ଖବର ପାଇଛନ୍ତି ପାକିସ୍ତାନର ପୂର୍ବତନ କ୍ୟାପଟେନ୍ ଇମାମ ଉଲ୍  । ଇମାମ ନିଜ ୟୁଟୁବ ଚ୍ୟାନେଲ ‘ଦ ମ୍ୟାଚ୍ ୱିନରରେ’ ସୂଚନା ଦେଇଛନ୍ତି  । ସେ ଆହୁରି କହିଛନ୍ତି ଗତକାଲି ଟିଭି ଦେଖୁଥିବା ସମୟରେ କୋହଲିଙ୍କ ଝିଅଙ୍କ ପାଇଁ ଧମକଭରା ଫୋନ ଆସୁଛି ବୋଲି ଶୁଣିଥିଲେ  ।  କୋହଲିଙ୍କ କ୍ୟାପଟେନସିପ୍ ହେଉ କି ତାଙ୍କ ଖେଳ ପ୍ରଦର୍ଶନୀ ଏହା ଉପରେ ନିଶ୍ଚିତ ସମସ୍ତେ ନିଜ ମତାମତ ଦେଇପାରିବେ  । ମାତ୍ର ତାଙ୍କ ପରିବାରକୁ ଏଥିରେ ଜଡ଼ିତ କରିବା ଉଚିତ୍ ନୁହେଁ ।

ଇମାମ ଏହା ମଧ୍ୟ କହିଛନ୍ତି କିଛି ଦିନ ପୂର୍ବରୁ ମହମ୍ମଦ ସାମ୍ମୀଙ୍କ ସହ ଠିକ୍ ଏହିପରି ଘଟଣା ଘଟିଥିଲା  । ଏହା କେବଳ ଏକ ମ୍ୟାଚ୍ ଆଉ ଖେଳରେ ହାରିବା ଜିତିବା ଲାଗି ରହିଥାଏ  । ଭାରତୀୟ ଟିମ୍, ଖେଳାଳୀଙ୍କ ବ୍ୟାଟିଂ, ବୋଲିଂ ଏ ସବୁକୁ ନେଇ ଆପଣ ଆଲୋଚନା କରିପାରିବେ  । ଖେଳାଳୀମାନେ କେବେ ଭଲ ତ କେବେ ଖରାପ ପ୍ରଦର୍ଶନୀ କରିଥାନ୍ତି  । କାରଣ ଏହା କାହା ହାତର କଥା ନୁହଁ   । ଏ ସବୁକୁ ଖେଳ ଭିତରେ ହିଁ ସୀମିତ ରଖିବା ଉଚିତ୍  ବୋଲି ସେ କହିଛନ୍ତି  ।

ଫିଲ୍ମ କରିବାକୁ ନପଡ଼ୁ ବୋଲି ମଡେଲିଂରେ ମନ ଦେଇଥିଲେ ଐଶ୍ୱର୍ଯ୍ୟା, ନବମ ଶ୍ରେଣୀରେ କରିଥିଲେ ପ୍ରଥମ ଆଡ୍

ନୂଆଦିଲ୍ଲୀ: ବଲିଉଡର ନୀଳନୟନୀ ତଥା ବିଶ୍ୱସୁନ୍ଦରୀ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ଆଜି ତାଙ୍କର ୪୮ତମ ଜନ୍ମଦିନ ପାଳନ କରୁଛନ୍ତି। ସେ ନଭେମ୍ବର ୧, ୧୯୭୩ ରେ ମାଙ୍ଗାଲୋରରେ ଜନ୍ମଗ୍ରହଣ କରିଥିଲେ। ତାଙ୍କ ବାପା କୃଷ୍ଣରାଜ ରାୟ ସେନାରେ ଜୀବବିଜ୍ଞାନୀ ଥିଲେ। ଐଶ୍ୱର୍ଯ୍ୟାଙ୍କ ଜନ୍ମ ପରେ ତାଙ୍କ ପରିବାର ମୁମ୍ବାଇ ଆସିଥିଲେ। ଏହା ପରେ ଅଭିନେତ୍ରୀ ମୁମ୍ବାଇରୁ ତାଙ୍କର ସମସ୍ତ ଶିକ୍ଷା ସମାପ୍ତ କରିଥିଲେ।

ଐଶ୍ୱର୍ଯ୍ୟା ତାଙ୍କ ସ୍କୁଲ୍ ସମୟରୁ ଡାକ୍ତରୀ ଅଧ୍ୟୟନ ପ୍ରତି ଅଧିକ ଆଗ୍ରହୀ ଥିଲେ ଏବଂ ତାଙ୍କର ପ୍ରିୟ ବିଷୟ ପ୍ରାଣୀ ବିଜ୍ଞାନ ଥିଲା। ସେ ନବମ ଶ୍ରେଣୀରେ ପଢୁଥିବା ସମୟରେ ଏକ ଟିଭି ବିଜ୍ଞାପନରେ ନଜର ଆସିଥିଲେ। ଏହା ପରେ ସେ ଜଣେ କଳାକାର ହେବାକୁ ମନସ୍ଥ କରିଥିଲେ ଏବଂ ସେ ଏଥିପାଇଁ ରଚନା ସଂସଦ ଏକାଡେମୀରେ ଆଡମିଶନ ନେଇଥିଲେ, କିନ୍ତୁ ଏହା ପରେ ତାଙ୍କ ମନ ମଡେଲିଂ କରିବାକୁ ଲାଗିଲା।

ଐଶ୍ୱର୍ଯ୍ୟା ତାଙ୍କ କଲେଜ ଶିକ୍ଷକଙ୍କ ଅନୁରୋଧ କ୍ରମେ ପ୍ରଥମ ଥର ପାଇଁ ମଡେଲିଂ କରିଥିଲେ। ପ୍ରକୃତରେ ଅଭିନେତ୍ରୀଙ୍କ ଜଣେ ଶିକ୍ଷକ ଫଟୋଗ୍ରାଫର ଥିଲେ। ତାଙ୍କର ଗୋଟିଏ ପ୍ରୋଜେକ୍ଟ ପାଇଁ ତାଙ୍କୁ କିଛି ଫଟୋସୁଟ୍ ଆବଶ୍ୟକ ଥିଲା। ତେଣୁ ସେ ଐଶ୍ୱର୍ଯ୍ୟାଙ୍କୁ ତାଙ୍କ ପତ୍ରିକା ପାଇଁ ଫଟୋସୁଟ କରିବାକୁ ଅନୁରୋଧ କରିଥିଲେ। ଏହି ଫଟୋସୁଟ ପରେ ତାଙ୍କ ମନ ଧୀରେ ଧୀରେ ମଡେଲିଂ ଆଡକୁ ଗଲା ଏବଂ ଦେଖୁ ଦେଖୁ ସେ କଳାକାର ଅଧ୍ୟୟନ ଛାଡି ମଡେଲିଂ ଆରମ୍ଭ କଲେ।

୧୯୯୪ ମସିହାରେ ଯେତେବେଳେ ସେ ‘ମିସ୍ ୱାର୍ଲ୍ଡ’ ଆଖ୍ୟା ଅର୍ଜନ କରିଥିଲେ ସେତେବେଳେ ଐଶ୍ୱର୍ଯ୍ୟା ସମଗ୍ର ବିଶ୍ୱରେ ଭାରତର ନାମ ଆଲୋକିତ କରିଥିଲେ। ଏହା ପରେ ସେ ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ପରିଚୟ ପାଇଲେ। ମଡେଲିଂ ପରେ ସେ ଅଭିନୟ ଜଗତରେ ପ୍ରବେଶ କରିବାକୁ ନିଷ୍ପତ୍ତି ନେଇଥିଲେ। ସେ ୧୯୯୭ ମସିହାରେ ମଣି ରତ୍ନମଙ୍କ ଫିଲ୍ମ ଇରୁଭର୍ ସହିତ ଡେବ୍ୟୁ କରିଥିଲେ। ଏହା ପରେ ସେ ନିଜ କ୍ୟାରିୟରରେ ଅନେକ ବଡ଼ ବଡ଼ ଫିଲ୍ମରେ କାମ କରିଥିଲେ।

୧୯୯୮ ଫିଲ୍ମ ‘ହମ୍ ଦିଲ୍ ଦେ ଚୁକେ ସନମ୍’ ସହିତ ଐଶ୍ୱର୍ଯ୍ୟା ବଲିଉଡରେ ତାଙ୍କର ବିଶେଷ ସ୍ଥାନ ସ୍ଥାପନ କରିଥିଲେ। ଏହି ଫିଲ୍ମରେ ତାଙ୍କ ସହ ମୁଖ୍ୟ ଭୂମିକାରେ ଅଭିନେତା ସଲମାନ ଖାନ ଏବଂ ଅଜୟ ଦେବଗନ ଥିଲେ। ଏହି ଫିଲ୍ମ ପାଇଁ ଐଶ୍ୱର୍ଯ୍ୟା ଫିଲ୍ମଫେୟାର ଶ୍ରେଷ୍ଠ ଅଭିନେତ୍ରୀ ପୁରସ୍କାର ମଧ୍ୟ ପାଇଥିଲେ। ଏହା ପରେ ସେ ତାଲ, ଜୋଶ, ହମାରା ଦିଲ ଆପକେ ପାସ ହୈ, ମୋହବତେଁ, ଦେବଦାସ, ଧୁମ ୨, ଗୁରୁ, ଯୋଦ୍ଧା ଆକବର, ଏବଂ ଗୁଜାରିଶ ଭଳି ଅନେକ ହିଟ୍ ଫିଲ୍ମରେ କାମ କରିଥିଲେ।