spot_img
Home Blog Page 5558

ବିଷାକ୍ତ ମଦ ପିଇ ବିହାରରେ ୪ ଜଣଙ୍କ ଦୃଷ୍ଟିଶକ୍ତି ନଷ୍ଟ, ୧୬ ମୃତ

ପାଟଣା: ବିହାରର ପଶ୍ଚିମ ଚମ୍ପାରଣରେ ବିଷାକ୍ତ ମଦ ପିଇ ଏଯାଏଁ ୧୬ ଜଣଙ୍କର ମୃତ୍ୟୁ ଘଟିଛି। ଏହାବ୍ୟତୀତ ୪ ଜଣଙ୍କର ଦୃଷ୍ଟିଶକ୍ତି ହରାଇଥିବା ବେଳେ ତଦନ୍ତ ଜାରି ରଖିଛି ପୋଲିସ।

ସୂଚନା ଅନୁଯାୟୀ, ବିହାରରେ ସରକାରଙ୍କ ପକ୍ଷରୁ ମଦ ପିଇବା ଓ ଏହାର ଉତ୍ପାଦନ ଉପରେ ପ୍ରତିବନ୍ଧକ ଲଗାଯାଇଛି। ତଥାପି ରାଜ୍ୟରେ ମଦର କଳାବଜାରୀ ହେଉଥିବା ନେଇ ଲଗାତାର ଅଭିଯୋଗ ହେଉଛି।

ମଦ ପିଇ ଆଖି ହରାଇଥିବା ଦେଓରବା ଗାଁର ବାସିନ୍ଦା  ୪୦ ବର୍ଷିୟ ମହମ୍ମଦ ଇଜହାର କହିଛନ୍ତି ଯେ ଚଳିତ ସପ୍ତାହ ଆରମ୍ଭରେ ଗାଁ ବାହାରେ ଥିବା ମଦ ଭାଟିରୁ ମଦ ପିଇଥିଲେ। ଯାହା ପରେ ସ୍ୱାସ୍ଥ୍ୟବସ୍ଥା ବିଗିଡିବା ସହ ଦୃଷ୍ଟି ଶକ୍ତି ଚାଲିଯାଇଥିଲା । ମଦ ପିଇବା ପୂର୍ବରୁ ସବୁ କିଛି ଦେଖାଯାଉଥିଲା ହେଲେ ଏବେ କିଛି ଦେଖିପାରୁନି ।

ସୂଚନା ଅନୁଯାୟୀ, ଚଳିତ ସପ୍ତାହର ଆରମ୍ଭରେ ଲୋରିଆ ଥାନା ଓ ରାମନଗର ଥାନା ଅଧିନରେ ୧୬ ଜଣଙ୍କ ମୃତ୍ୟୁ ହୋଇଥିବା ଖବର ଆସିଛି । ଏଥିସହିତ ୪ ଜଣଙ୍କ ଦୃଷ୍ଟି ଶକ୍ତି ଚାଲିଯାଇଥିବା ଜଣାପଡିଛି ।

ଏସମ୍ପର୍କରେ ପଶ୍ଚିମ ଚମ୍ପାରଣ ରେଞ୍ଜର ଡିଆଇଜି ଲଲନ ମୋହନ ପ୍ରସାଦ କହିଛନ୍ତି ଯେ ‘‘ ମଦ ଘଟଣାରେ ୧୬ ଜଣଙ୍କୁ ଗିରଫ କରାଯାଇଛି। ସେମାନଙ୍କ ମୃତ୍ୟୁ ମଦ ପିଇବା ଯୋଗୁଁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଏହାକୁ ଆଧାର କରି ପୋଲିସ ତଦନ୍ତ ଚଲାଇଛି ।

ତେବେ ଏହି ମାମଲାରେ ପୋଲିସ ଅବୈଧ ମଦ ଭାଟି ତଥା କାରବାର କରୁଥିବା ଲୋକଙ୍କୁ ଗିରଫ କରିଛି ।

ଶ୍ରୀମନ୍ଦିରରେ ଆରମ୍ଭ ହେଲା ୮ଟି ଦ୍ୱାରରେ ରୂପା ଛାଉଣି କାର୍ଯ୍ୟ

ପୁରୀ: ଶ୍ରୀମନ୍ଦିରର ଆଠଟି ଦ୍ୱାରରେ ରୂପା ଛାଉଣୀ କରାଯାଉଛି। ନୀଳାଦ୍ରି ବିଜେ ପୂର୍ବରୁ ବେହରଣ ଦ୍ୱାରର ରୂପା ଛାଉଣି କାର୍ଯ୍ୟ ସାରିବାକୁ ଲକ୍ଷ ରଖାଯାଇଥିବା ବେଳେ ଜୟବିଜୟ ଦ୍ୱାର, ଭୋଗମଣ୍ଡପ , ସାତପାହାଚ ଦ୍ୱାର କାର୍ଯ୍ୟ ସମ୍ପୂର୍ଣ୍ଣ କରାଯିବ। କଳାହାଟ ଦ୍ୱାର ଯଦି ସମ୍ଭବ ନହେବ ଆସନ୍ତା ବର୍ଷ ରଥଯାତ୍ରା ସମୟରେ କରାଯିବ। ରୂପା ଛାଉଣୀ କାର୍ଯ୍ୟ ପରବର୍ତ୍ତୀ ସମୟରେ କରାଯାଇପାରିବ। ଏଏସଆଇର ଆଲୋକୀକରଣକୁ ଅନୁମତି ମିଳିଛି। ତାହା ରଥଯାତ୍ରା ପରେ ବି ଜାରି ରହିବ ।

ସେପଟେ ଗର୍ଭଗୃହକୁ ଛାଡ଼ି ଜଗମୋହନ, ଭୋଗମଣ୍ଡପ, ନାଟମଣ୍ଡପର ଲେଜର ସ୍କାନିଂ ଶେଷ ହୋଇଛି। ବୈଷୟିକ ଓ ବୈଜ୍ଞାନିକ ଅଧ୍ୟୟନ ପରେ କେଉଁ ସ୍ଥାନରେ ଫାଟ ସୃଷ୍ଟି ହୋଇଛି କି ନାହିଁ ତାହା ସ୍ପଷ୍ଟ ହେବା ପରେ ଆବଶ୍ୟକ ପଦକ୍ଷେପ ନିଆଯିବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତି।

ଆସନ୍ତାକାଲି ଶ୍ରୀଜିଉଙ୍କ ବାହୁଡା, ଆଜି ରାତିରୁ ପୁରୀରେ ଲାଗୁ ହେବ କର୍ଫ୍ୟୁ

ପୁରୀ: ଆସନ୍ତାକାଲି ଶ୍ରୀଜିଉଙ୍କ ବାହୁଡା ଯାତ୍ରା। କିପରି ବାହୁଡ଼ା ଯାତ୍ରା, ସୁନାବେଶ ଓ ନୀଳାଦ୍ରି ବିଜେକୁ ଶୃଙ୍ଖଳିତ କରାଯାଇପାରିବ ସେନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ବୈଠକ ବସିଥିଲା। କ’ଣ ବ୍ୟବସ୍ଥା କରାଯାଇଛି, ଆଉ କ’ଣ କରାଯିବ ସେନେଇ ସମୀକ୍ଷା ହୋଇଛି। ଆଜି ରାତି ୮ଟାରୁ ବୁଧବାର ରାତି ୮ଟା ପର୍ଯ୍ୟନ୍ତ ପୁରୀରେ କର୍ଫ୍ୟୁ ଲାଗୁ ହେବ। ପ୍ରାୟ ସମସ୍ତ ସରକାରୀ କର୍ମଚାରୀ ମାନଙ୍କର ଦ୍ୱିତୀୟ ପର୍ଯ୍ୟାୟ ଆରଟିପିସିଆର ଟେଷ୍ଟ ଚାଲିଛି।

ଅଧିକାଂଶ କର୍ମଚାରୀଙ୍କ ଟେଷ୍ଟ ସରିଥିବା ବେଳେ ଆଜି ଟେଷ୍ଟିଂ ସରିବ। ସେବାୟତଙ୍କର ଦ୍ୱିତୀୟ ପର୍ଯ୍ୟାୟ ଆରଟିପିସିଆର ଟେଷ୍ଟ କରାଯାଇଛି। ଡିଡି ତରଫରୁ ବାହୁଡା ଓ ସୂନାବେଶ ପାଇଁ ଲାଇଭ୍ ଟେଲିକାଷ୍ଟ କରାଯିବ। ବାହୁଡାଯାତ୍ରାରେ ରଥଟଣା ସମୟରେ ଅଗ୍ନିଶମ ବିଭାଗ ଦ୍ୱାରା ଜଳସିଞ୍ଚନ ହେବ, ପ୍ରଚୁର ପାନୀୟ ଜଳ ବ୍ୟବସ୍ଥା କରାଯାଇଛି। ଜିଲ୍ଲାପାଳ, ଏସପିଙ୍କ ସହ ବିଭିନ୍ନ ବିଭାଗର ଅଧିକାରୀ ଉପସ୍ଥିତ ଥିଲେ।

ନିୟମ କିପରି ଉଲ୍ଲଂଘନ ନହେବ, ସେନେଇ ପୁରୀ ଏସପିଙ୍କ ତତ୍ତ୍ୱାବଧାନରେ ଶ୍ରୀମନ୍ଦିରଠାରୁ ଶ୍ରୀଗୁଣ୍ଡିଚା ମନ୍ଦିର ପର୍ଯ୍ୟନ୍ତ ବଡ଼ଦାଣ୍ଡର ଉଭୟ ପାର୍ଶ୍ୱରେ ଥିବା ଘର, ଲଜିଂ, ହୋଟେଲ ଓ ବେସରକାରୀ ପ୍ରତିଷ୍ଠାନଗୁଡ଼ିକର ସର୍ଭେ କରାଯାଇଛି। ନିଜେ ଏସ୍‌ପି ଅନ୍ୟ ବିଭାଗ ଅଧିକାରୀଙ୍କ ସହ ବୁଲି ଯାଞ୍ଚ କରିଥିଲେ। ଅନ୍ୟପଟେ ଶ୍ରୀଗୁଣ୍ଡିଚା ମନ୍ଦିର ଆଡ଼ପ ମଣ୍ଡପରେ ଶୃଙ୍ଖଳିତ ଭାବେ ଚାଲିଛି ମହାପ୍ରଭୁଙ୍କ ନୀତିକାନ୍ତି। ଆଜି ସଂଧ୍ୟା ଦର୍ଶନ ଓ ଏବର୍ଷର ଶେଷ ଆଡ଼ପ ଅବଢ଼ା ମିଳିବ।

ଡିଜିପିଙ୍କୁ ଭେଟିଲେ ସୌମ୍ୟଙ୍କ ବାପା, କହିଲେ ବୋହୂ, ଡିଏଫ୍‌ଓ ଓ ରୋଷେୟାର ଲାଏ ଡିଟେକ୍ସନ ଟେଷ୍ଟ କର…

ଭୁବନେଶ୍ୱର: ଡିଜିପିଙ୍କୁ ଭେଟିଲେ ସୌମ୍ୟଙ୍କ ବାପା। ଡିଜିପିଙ୍କୁ ଦାବିପତ୍ର ପ୍ରଦାନ କଲେ ସୌମ୍ୟଙ୍କ ବାପା ଅଭିରାମ। ବୋହୂ, ଡିଏଫଓ ଓ ରୋଷେୟାର ଲାଏ ଡିଟେକସନ ଟେଷ୍ଟ କରିବାକୁ ଦାବି କରିଛନ୍ତି। ଘଟଣାଦିନ ଡିଏଫଓଙ୍କ ସରକାରୀ କ୍ୱାର୍ଟର ଆଗରେ ଦେଢ଼ ଘଣ୍ଟା ଅଟକିଥିଲା ଆମ୍ବୁଲାନ୍ସ। ଆମ୍ବୁଲାନ୍ସ କାହିଁକି ଅଟକାଯାଇଥିଲା, ତାର ବିଧିବଦ୍ଧ ତଦନ୍ତ ଦାବି କରିଛନ୍ତି ବାବା। ପାରଳାଖେମୁଣ୍ଡିରୁ କଟକ ୪ଶହରୁ ଅଧିକ କିଲୋମିଟର।

ସେପଟେ ପାରଳାଖେମୁଣ୍ଡିରୁ ବିଶାଖାପାଟଣା ୨୦୦ କିଲୋମିଟର ହେବ। ମୁର୍ମୁସୁ ଅବର୍ସ୍ଥାରେ କାହିଁକି ସୌମ୍ୟଙ୍କୁ କଟକ ଅଣାଗଲା ବୋଲି ପ୍ରଶ୍ନ କରିଛନ୍ତି ବାପା। ସଫା ସଫା ସେ ବୋହୂ ବିଦ୍ୟା ଏବଂ ଡିଏପ୍‌ଓଙ୍କ ଉପରେ ଆରୋପ ଲଗାଇଛନ୍ତି। ଦୁହିଁଙ୍କ ମଧ୍ୟ ଅନୈତିକ ସମ୍ପର୍କ ଥିବା ସୌମ୍ୟଙ୍କ ବାପା ଅଭିଯୋଗ କରିଛନ୍ତି। ଏହା ହେଉଛି ସମ୍ପୂର୍ଣ୍ଣ ହତ୍ୟା କାରଣ ଘରେ ସୌମ୍ୟଙ୍କର ପୋଡ଼ିଯିବାର କୌଣସି ଚିହ୍ନ ନଥିବା କହିଛନ୍ତି ସୌମ୍ୟଙ୍କ ବାପା। ଘରେ ରୋଷେୟା ରହିଛି ରୋଷେଇ କରିବା ପାଇଁ। ସେ କାହିଁକି ପୋଡ଼ିବ। କିଛି ଦିନ ପୂର୍ବରୁ ଭଲ ଲାଗୁନି ବୋଲି ବାପାଙ୍କୁ କହିଥିଲେ ସୌମ୍ୟ।

ୟୁରୋ କପ୍ ଜିତିବା ଖୁସିରେ ମାନିଲେନି କଟକଣା, ଇଟାଲୀରେ ବଢୁଛି ସଂକ୍ରମଣ

ରୋମ୍: ୟୁରୋ କପ୍ ୨୦୨୦ ଜିତିବା ଖୁସିରେ ଇଟାଲୀରେ କୋଭିଡ଼ ନିୟମ ଉଲ୍ଲଂଘନ ହୋଇଛି। ୧୨ ଜୁଲାଇରେ ୟୁରୋକପରେ ଇଂଲଣ୍ଡକୁ ହରାଇ ଜିତିଥିଲା ଇଟାଲୀ। ଜିତିବା ଖୁସିରେ ବହୁଦିନ ପରେ ରୋମ୍, ମିଲାନ୍ ଫ୍ଲୋରେନ୍ସର ରାସ୍ତାଘାଟ ଗଳିକନ୍ଦିରେ ଦେଖିବାକୁ ମିଳିଥିଲା ସେଲିବ୍ରେସନର ମାହୋଲ। ଫଳରେ ଇଟାଲୀରେ ତୃତୀୟ ଲହର ଆଶଙ୍କା ସୃଷ୍ଟି ହୋଇଛି।

 ସୂଚନା ଅନୁଯାୟୀ, ଜିତ୍ ଖୁସିରେ କୋଭିଡ ନିୟମ ମାନିବାକୁ ଭୁଲି ଯାଇଥିଲେ ଇଟାଲୀ ବାସୀ । ଏପରିକି ବିନା ମାସ୍କରେ ଲୋକେ ମଜା ମସ୍ତି କରିବାକୁ ଲାଗିପଡିଥିଲେ। ଯାହା ପରେ ଗତ ୬ଦିନ ହେବ ଇଟାଲୀରେ ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା। ଏବେ ସେଲିବ୍ରେସନ ନିଶା ଖସିଲା ବେଳକୁ ଇଟାଲୀରେ ବଢୁଛି କରୋନା ସଂକ୍ରମଣ ।

ତେବେ ଜୁଲାଇ ୧ରେ ଇଟାଲୀରେ ଦିନକୁ ୮୭୯ କରୋନା ଆକ୍ରାନ୍ତ ଚିହ୍ନଟ ହେଉଥିଲେ । ରବିବାର ୩ହଜାର ୧୨୭ ଆକ୍ରାନ୍ତ ଚିହ୍ନଟ ହୋଇଛନ୍ତି । କରୋନା କେସ୍ ବୃଦ୍ଧି ଇଟଚାଲୀରେ ତୃତୀୟ ଲହରର ଏଣ୍ଟ୍ରି ନେଇ ଆଶଙ୍କା ସୃଷ୍ଟି କରିଛି ।

ସୂଚନାଯୋଗ୍ୟ, ଇଟାଲୀରେ ଏଯାବତ୍ କରୋନାରେ ୧,୨୭,୮୬୭ରୁ ଅଧିକ ଲୋକଙ୍କର ମୃତ୍ୟୁ ଘଟିଛି । ମୋଟ୍ ୪୨ ଲକ୍ଷ ଲୋକ କରୋନା ପଜିଟିଭ ଚିହ୍ନଟ ହୋଇଛନ୍ତି। ଗତ ଫେବୃଆରୀ, ମାର୍ଚ୍ଚ ଏବଂ ଏପ୍ରିଲ୍ ୨୦୨୧ରେ ଇଟାଲୀରେ ଦୖେନିକ ୩ ରୁ ୪ ହଜାର ଲୋକଙ୍କ ମୃତ୍ୟୁ ଘଟିଥିଲା । ପୁଣି ସଂକ୍ରମଣ ବୃଦ୍ଧି ପାଉଥିବା ଯୋଗୁଁ କରୋନାର ତୃତୀୟ ପ୍ରବାହ ଆଶଙ୍କାରେ ଲୋକମାନେ ଚିନ୍ତିତ ହୋଇପଡିଛନ୍ତି ।

’ଶଙ୍ଖା ସିନ୍ଦୁର ଓହ୍ଲାଇ ରାତିରେ ଘରୁ ପଳାଇଥିଲା, ସ୍ତ୍ରୀକୁ ଡିଏଫ୍ଓ ପାଖରେ ରାତିରେ ଦେଖିଥିଲା ସୌମ୍ୟ’

ସୋର: ଖୋଲୁଛି ସୌମ୍ୟଙ୍କ ମୃତ୍ୟୁର ଗୁମର। ପାରଳାଖେମୁଣ୍ଡିରୁ ଆସିଥିବା ସ୍ୱତନ୍ତ୍ର ତଦନ୍ତକାରୀ ଟିମ୍ ମୃତ ସୌମ୍ୟଙ୍କ ମା’ ଓ ମାମୁଙ୍କୁ ପଚରାଉଚରା କରିଛି। ପଚରାଉଚରା ପରେ ସାମ୍ନାକୁ ଆସିଛି ଚମକାଇଦେଲା ଭଳି ତଥ୍ୟ। ଯାହା ଶୁଣିଲେ ସୌମ୍ୟଙ୍କ ସ୍ତ୍ରୀଙ୍କ ଉପରକୁ ହତ୍ୟା ସନ୍ଦେହରେ ଆଙ୍ଗୁଠି ଉଠୁଛି। ପଚରାଉଚରା ବେଳେ, ପୋଲିସ ଆଗରେ ଚାଞ୍ଚଲ୍ୟକର ବୟାନ ଦେଇଛନ୍ତି ସୌମ୍ୟଙ୍କ ମା’। ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡା ହେଉଥିଲା ବୋଲି କହିଛନ୍ତି ସୌମ୍ୟଙ୍କ ମା’।

ମାନଙ୍କ ବୟାନ ପରେ ବିଦ୍ୟା ଏବଂ ଡିଏଫ୍‌ଓଙ୍କ ନାମ ଏବେ ଧିରେ ଧିରେ ପଦାକୁ ଆସିବାରେ ଲାଗିଛି। ସୌମ୍ୟଙ୍କ ମା’ଙ୍କ କହିବା ମୁତାବକ ଜାଗର ଆଗରୁ ପୁଅବୋହୂ ଭୁବନେଶ୍ୱର ଆସିଥିଲେ। ଭୁବନେଶ୍ୱରରୁ ଘରକୁ ଗଲାପରେ ଆରମ୍ଭ ହୋଇଥିଲା ସ୍ୱାମୀ ଏବଂ ସ୍ତ୍ରୀଙ୍କ ମଧ୍ୟରେ କଳହ। ଏମିତି କଥା ମା’ଙ୍କୁ ଫୋନକରି କହି ସବୁ ଦୁଃଖ ଜଣାଇଥିଲେ ବୋଲି ତାଙ୍କ ମା କହିଛନ୍ତି। ଦିନେ ରାତିରେ କଳି ଲଗାଇ ଶଙ୍ଖା ସିନ୍ଦୁର ଓହ୍ଲାଇ ବିଦ୍ୟା ଘର ଛାଡ଼ି ପଳାଇଥିଲେ  ବୋଲି ସୌମ୍ୟ ତାଙ୍କୁ କହିଥିବା ସେ ଦାବି କରିଛନ୍ତି ।

ବିଦ୍ୟା ଘର ଛାଡି ପଳେଇବା ପରେ ସୌମ୍ୟ ତାଙ୍କୁ ବହୁତ ଖୋଜାଖୋଜି କରିଥିଲେ ହେଲେ ପାଇନଥିଲେ। ତାପରେ ରାତିରେ ଡିଏଫ୍ଓଙ୍କ ଘରେ ବିଦ୍ୟାଙ୍କୁ ଦେଖିବାକୁ ପାଇଥିଲେ ସୌମ୍ୟ। ଏହାପରେ ଡିଏଫ୍‌ଓଙ୍କ ସହ ବିଦ୍ୟାଭାରତୀଙ୍କ ସମ୍ପର୍କ ଥିବା ମାଆଙ୍କୁ କାନ୍ଦିକାନ୍ଦି କହିଥିଲେ ସୌମ୍ୟ। ବିଦ୍ୟା ସବୁବେଳେ ଏକୁଟିଆ ରହିବାକୁ ବସନ୍ଦ କରୁଥିଲେ । ଘରେ ସୌମ୍ୟଙ୍କ ସହ କଥା ହେଉନଥିଲେ କିନ୍ତୁ ଡିୟୁଟିରେ ଥିବେ ବେଳେ କଥା ହେଉଥିଲେ।  ଭୋଜିଭାତ ବାହାନାରେ ଘରକୁ  ଡିଏଫ୍‌ଓ ଆସୁଥିଲେ ବୋଲି କହିଛନ୍ତି ସୌମ୍ୟଙ୍କ ମାଆ। ଏମିତି କିଛି ତଥ୍ୟ ଦେଇଛନ୍ତି ବିଦ୍ୟାଙ୍କ ମାଆ। ଏମିତି ତଥ୍ୟ ପରେ ଏବେ ବୋହୁ ବିଦ୍ୟା ଏବଂ ଡିଏଫ୍‌ଓ ଙ୍କ ମଧ୍ୟରେ ଅନୈତିକ ସମ୍ପର୍କ ଥିବା ସନ୍ଦେହ ଘେରକୁ ଆସିଛି।

ସୌମ୍ୟ-ବିଦ୍ୟା ବିବାହ ଥିଲା କଣ୍ଟ୍ରାକ୍ଟ ମ୍ୟାରେଜ୍, ବାହାଘରର ବର୍ଷେ ପର୍ଯ୍ୟନ୍ତ ରହିନଥାନ୍ତା ସମ୍ପର୍କ !

ସୋର: ଏସିଏଫ୍ ସୌମ୍ୟ କେମିତି ମଲେ ? ତାଙ୍କୁ ହତ୍ୟା କରାଯାଇଥିଲା ନା ସେ ଆତ୍ମହତ୍ୟା କରିଥିଲେ ? ଏହି ପ୍ରଶ୍ନର ଉତ୍ତର ଏବେ ପୋଲିସ ଖୋଜୁଛି । କିନ୍ତୁ ଏହା ଭିତରେ ସୌମ୍ୟଙ୍କ ବୈବାହିକ ଜୀବନ ସୁଖଦ ନଥିଲା ଏହାର ପ୍ରମାଣ ଧିରେ ଧିରେ ମିଳିବାରେ ଲାଗିଲାଣି । ସୌମ୍ୟଙ୍କ ପରିବାର ଓ ସମ୍ପର୍କୀୟ ଆଗରୁ ଏହି ଅଭିଯୋଗ କରି ଆସୁଥିବା ବେଳେ ଏବେ ମାମୁ ଓ ମା’ ଦେଇଛନ୍ତି ବିସ୍ଫୋରକ ବୟାନ ।

ସୌମ୍ୟଙ୍କ ମାମୁଏବେ ଭଣଜାର  ବିବାହକୁ ହିଁ ନେଇ ପ୍ରଶ୍ନ ଉଠାଇଛନ୍ତି। ତାଙ୍କ ଅନୁସାରେ ଭାଣିଜି ବୋହୁ ଓ ଭଣଜା ମଧ୍ୟରେଗୋଟିଏ ଚୁକ୍ତି ହୋଇଥିଲା। ଏହି ଚୁକ୍ତି ଅନୁସାରେ ବାହାଘରର ବର୍ଷକ ପର୍ଯ୍ୟନ୍ତ ଉଭୟଙ୍କ ମଧ୍ୟରେ ସ୍ୱାମୀ-ସ୍ତ୍ରୀର ସମ୍ପର୍କ ରହିବ ନାହିଁ। ଦୁହେଁ ସାଙ୍ଗ ଭାବରେ ଏକାଠି ରହିବେ। ବର୍ଷେ ପରେ ଦୁହିଁଙ୍କ ମଧ୍ୟରେ ସ୍ୱାମୀ ସ୍ତ୍ରୀର ସମ୍ପର୍କ ରହିବ। ଏହି କଣ୍ଟ୍ରାକୁ ନେଇ ସୌମ୍ୟଙ୍କ ମାମୁ କ୍ୟାମେରା ଆଗରେ ଏମିତି ବୟାନ ଦେଇଛନ୍ତି। ତାଙ୍କ ଅଭିଯୋଗ ଯେ, ବିଦ୍ୟା ଭାରତୀଙ୍କର ଡିଏଫଓଙ୍କ ସହ ଅନୈତିକ ସମ୍ପର୍କ ଥିଲା।

ଅନ୍ୟପକ୍ଷରେ ସୌମ୍ୟଙ୍କ ମାମୁ ଭଣଜା ଓ ବିଦ୍ୟା ଭାରତୀଙ୍କ ମଧ୍ୟରେ  ଦରମା ଓ ସ୍ତାବର ତଥା ଅସ୍ତାବର ସମ୍ପତ୍ତିକୁ ନେଇ ଚୁକ୍ତି ହୋଇଥିବା ନେଇ ଅଭିଯୋଗ କରିଛନ୍ତି । ଚଳିତ ବର୍ଷ ଅର୍ଥାତ ଜୁଲାଇ ୯ ତାରିଖ ୨୦୨୧ର ଏହି ଚୁକ୍ତିପତ୍ର ସୌମ୍ୟ ଓ ବିଦ୍ୟା ଭାରତୀ ପଣ୍ଡାଙ୍କ ମଧ୍ୟରେ ହୋଇଥିଲା । ଚୁକ୍ତି ଅନୁସାରେ ସୌମ୍ୟଙ୍କ ଦରମା ତଥା ସ୍ତାବର ଓ ଅସ୍ତାବର ସମ୍ପତ୍ତି ଉପରେ ବିଦ୍ୟା ଭାରତୀଙ୍କ ଅଧିକାର ରହିବ । ଚୁକ୍ତିପତ୍ରର ନକଲ ମଧ୍ୟ ସେ ମିଡିଆକୁ ଦେଇଛନ୍ତି ।

ସୌମ୍ୟଙ୍କ ମାମୁ କେବଳ ଏତିକିରେ ଅଟକି ନାହାନ୍ତି । ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ,  ବ୍ୟାଚଲର ପାର୍ଟି ଦେବାକୁ କହି ସୌମ୍ୟଙ୍କୁ ବଲାଙ୍ଗୀର ନେଇଥିଲେ ବିଦ୍ୟାଭାରତୀ। ସେଠାରୁ ଫେରିବା ପରେ ସୌମ୍ୟଙ୍କ ପାଖକୁ ବିଦ୍ୟାଙ୍କର କିଛି ଅଶ୍ଲୀଳ ଫଟୋ ଆସିଥିଲା । ଏହି ଫଟୋ ଦେଖି ତାଙ୍କ ଭଣଜା ଚେତା ହରାଇଥିଲେ ଓ ତାଙ୍କୁ ମେଡିକାଲ ନିଆଯାଇଥିଲା ବୋଲି ସେ କହିଛନ୍ତି । ବ୍ୟାଚଲର ପାର୍ଟିରେ ଯୋଗ ଦେବାକୁ ବଲାଙ୍ଗୀରରେ ପହଂଚିବା ପରେ ସୌମ୍ୟଙ୍କୁ ସେଠାରୁ ଚାଲିଯିବାକୁ ବିଦ୍ୟା କହିଥିଲେ ବୋଲି ସେ କହିଛନ୍ତି । ସୌମ୍ୟ ବଲାଙ୍ଗୀରରୁ ଫେରିବା ପରେ ବିଦ୍ୟା ତାଙ୍କୁ ୩୦ ହଜାର ଟଙ୍କା ପଠାଇବାକୁ କହିଥିଲେ । କିନ୍ତୁ ସୌମ୍ୟ ପଠାଇ ନଥିଲେ ବୋଲି ତାଙ୍କ ମାମୁ କହିଛନ୍ତି ।

ସୌମ୍ୟଙ୍କ ମାମୁଁଙ୍କ ଅଭିଯୋଗ ଯେ, ତାଙ୍କ ଭଣଜାକୁ ଅନ୍ୟତ୍ର ମାରି ଘରକୁ ଅଣାଯାଇଥିଲା। କାରଣ ମୃତ ଦେହ ପଡ଼ିଥିବା ସ୍ଥାନରେ ଏମିତି କୌଣସି ଚିହ୍ନ ନଥିଲା ଯାହା ସେହିଠାରେ ମୃତ୍ୟୁ ହୋଇଥିବାକୁ ସନ୍ଦେହ କରାଯାଇପାରିବ। ଏହା ସମ୍ପୂର୍ଣ୍ଣ ହତ୍ୟା ବୋଲି ମାମୁଁ କହିଛନ୍ତି।

ମୗେସୁମୀ ଅଧିବେଶନରେ ବିରୋଧିଙ୍କ ହଟ୍ଟଗୋଳ, ଦିନ ୨ଟା ଯାଏଁ ଗୃହ ମୁଲତବି

ନୂଆଦିଲ୍ଲୀ: ସଂସଦର ମୗେସୁମୀ ଅଧିବେଶନ ଆରମ୍ଭରୁ ହଟ୍ଟଗୋଳ କରିଛନ୍ତି ବିରୋଧି । ଲୋକସଭାରେ କଂଗ୍ରେସ, ଟିଏମସି, ବିଏସପି ଏବଂ ଅକାଳୀ ଦଳ ସାଂସଦମାନେ ଦର ବୃଦ୍ଧି, କୃଷକ ଆନ୍ଦୋଳନ ତଥା ଅନ୍ୟାନ୍ୟ ପ୍ରସଙ୍ଗରେ ଗୃହରେ ନାରାବାଜି କରିଥିଲେ। ପ୍ରବଳ ହଟ୍ଟଗୋଳ ଯୋଗୁଁ ଲୋକସଭାକୁ ଦିନ ୨ଟା ଯାଏଁ ମୁଲତବି କରାଯାଇଛି।

ସେହିପରି ଟ୍ରାଜେଡି କିଙ୍ଗ ଦିଲୀପ କୁମାର ଏବଂ  କିମ୍ବଦନ୍ତୀ ଧାବକ ମିଲଖା ସିଂହଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା । ଯାହା ପରେ ରାଜ୍ୟସଭାକୁ ମଧ୍ୟ ଏକ ଘଣ୍ଟା ଲାଗି ସ୍ଥଗିତ କରିବାକୁ ପଡିଥିଲା।

ଲାେକସଭାରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ବିରୋଧୀଙ୍କ ଉପରେ ପ୍ରବଳ ବର୍ଷିଛନ୍ତି। ଏହି ଅବସରରେ ସେ କହିଛନ୍ତି ଯେ ସଦନରେ ନୂଆ ମନ୍ତ୍ରୀମାନଙ୍କୁ କଂଗ୍ରେସ ପରିଚିତ କରାଇଦେଲା ନାହିଁ । ୨୪ ବର୍ଷରେ ପ୍ରଥମ ଥର ପାଇଁ ଏଭଳି ଦେଖିଲି । ଆଜି ସଦନର ପରମ୍ପରାକୁ ଭଙ୍ଗା ଯାଇଛି ବୋଲି କହିଛନ୍ତି ସେ । ଏଥିସହିତ ଲୋକସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆ ମନ୍ତ୍ରୀମାନଙ୍କୁ ପରିଚିତ କରାଉଥିବାବେଳେ ହୋହାଲ୍ଲା କରିଛନ୍ତି ବିରୋଧୀ । ସ୍ଥିତି ଏପରି ହୋଇଥିଲା ଯେ ପ୍ରଧାନମନ୍ତ୍ରୀ କିଛି କହିବାକୁ ସୁଯୋଗ ପାଇ ନଥିଲେ ।

ଉଲ୍ଲେଖଯୋଗ୍ୟ, ଏସମ୍ପର୍କରେ ଗତକାଲି ପ୍ରଧାନମନ୍ତ୍ରୀ କହିଥିଲେ ଯେ, କୌଣସି ବିତର୍କକୁ ସମ୍ମୁଖୀନ କରିବା ଲାଗି ସରକାର ପ୍ରସ୍ତୁତ । ସଂସଦରେ ୩୮ଟି ପ୍ରସ୍ତାବ ପଡ଼ିରହିଥିବା ବେଳେ ଏଥିରୁ ୯ଟି ପାରିତ କରିବାକୁ ସରକାର ଯୋଜନା କରିଛନ୍ତି । ଏଥିସହ ଆଉ ୧୭ଟି ପ୍ରସ୍ତାବ ଆଗତ ସହ ପାରିତ କରିପାରନ୍ତି । ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା, ଜନସଂଖ୍ୟା ନିୟନ୍ତ୍ରଣ ଓ ୟୁନିଫର୍ମ ସିଭିଲ କୋଡ୍‌ ପ୍ରସଙ୍ଗ ଏଥର ସଂସଦକୁ ସରଗରମ କରିପାରେ । ଅଗଷ୍ଟ ୧୩ ପର୍ଯ୍ୟନ୍ତ ଚାଲିବ ସଂସଦର ମୌସୁମୀ ଅଧିବେଶନ । ଏଥର ମୋଟ ୧୯ଟି କାର୍ଯ୍ୟଦିବସ ରହିଛି । ଉଭୟ ଲୋକସଭା ଓ ରାଜ୍ୟସଭାର ଅଧିବେଶନ ସକାଳ ୧୧ରୁ ସନ୍ଧ୍ୟା ୬ ଯାଏଁ ଚାଲିବ ।

ଟିକା ନେଇ ସମସ୍ତେ ବାହୁବଳୀ: ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ସଂସଦର ମୗେସୁମୀ ଅଧିବେଶନ ସୋମବାର ଦିନଠାରୁ ଆରମ୍ଭ ହୋଇଛି । ଅଧିବେଶନର ଆରମ୍ଭରୁ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗଣମାଧ୍ୟମକୁ ସମ୍ବୋଧନ କରିଛନ୍ତି । ଏହି ଅବସରରେ ସେ କହିଛନ୍ତି ଯେ ବିରୋଧି ମାନେ ଜଟିଳ ରୁ ଅତି ଜଟିଳ ପ୍ରଶ୍ନ ପଚାରିକି ସରକାରଙ୍କୁ ଘେରି ଥିଲେ । ଏଥିସହିତ ସବୁ ପ୍ରଶ୍ନର ଜବାବ ଦେବାକୁ ସେମାନେ ସରକାରଙ୍କୁ ସୁଯୋଗ ମଧ୍ୟ ଦେଇଛନ୍ତି । ଯାହା ଦ୍ୱାରା ଜନତାଙ୍କ ପାଖରେ ସରକାରଙ୍କ ଆବାଜ ପହଞ୍ଚିପାରିବ ।

ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି, ମୁଁ ଆଶା କରୁଛୁ ଯେ ସମସ୍ତେ ଗୋଟିଏ ଡୋଜ୍ ଭ୍ୟାକ୍ସିନ ନେଇଥିବେ । ସବୁ ସଦସ୍ୟ ଓ ଅନ୍ୟ ଲୋକମାନେ କରୋନା ପ୍ରୋଟୋକଲ୍ ପାଳନ କରନ୍ତୁ । ଟିକା ବାହୁରେ ଲାଗିଥାଏ, ଫଳରେ ଆପଣ ବାହୁବଳୀ ହୋଇଥାନ୍ତି । ଏବେ ଯାଏଁ ୪୦ କୋଟିରୁ ଅଧିକ ଜନତା କରୋନା ବିରୋଧରେ ବାହୁବଳୀ ହୋଇସାରିଛନ୍ତି ।

କରୋନା ସଂକ୍ରମଣ ଏବେ ପୂରା ଦୁନିଆକୁ ନିଜ କବଳରେ ରଖିଛି । ଏହି ମହାମାରୀକୁ ନେଇ ସଂସଦରେ ସାର୍ଥକ ଆଲୋଚନା ହେବା ଉଚିତ୍ ବୋଲି ମୋଦି କହିଛନ୍ତି । ଏନେଇ ବିରୋଧି ମାନେ ଯାହା ପରାମର୍ଶ ଦେବେ, ତାକୁ କରୋନା ବିରୋଧି ଲଢେଇରେ ଉପଯୋଗ କରାଯିବ ।

ଫ୍ଲୋର ଲିଡର୍ସ ମାନଙ୍କ ସହ ଏହି ମାମଲାରେ ଆଲୋଚନା କରାଯିବ, କାରଣ ଏହି ମାମଲାରେ ମୁଁ ସବୁ ଲୋକମାନଙ୍କ ସହ ଲଗାତାର ଚର୍ଚ୍ଚା କରୁଛି । ଦେଶର ଜନତା ଯେଉଁ ବିଷୟରେ ପ୍ରଶ୍ନ ପଚାରିବାକୁ ଚାହୁଁଛନ୍ତି ସରକାର ସେସବୁର ଉତ୍ତର ଦେବାକୁ ସମ୍ପୂର୍ଣ୍ଣ ପ୍ରସ୍ତୁତ ରହିଛି ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି।

ସୂଚନାଯୋଗ୍ୟ, ସଂସଦର ମୗେସୁମୀ ଅଧିବେଶନରେ ବିରୋଧୀ ଦଳ ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରିବାକୁ ପ୍ରସ୍ତୁତ ରହିଛି । ଯେଉଁଥିରେ କରୋନା ସଙ୍କଟ, ଦର ବୃଦ୍ଧି, ତୈଳ ଦରରେ ବୃଦ୍ଧି ଭଳି ଅନେକ ସମସ୍ୟା ରହିଛି ।

ଭୁବନେଶ୍ୱରର ୩ଟି ଜୋନ୍‌ରେ ଚାଲିଛି କରୋନା ନେଇ ଯାଞ୍ଚ, କରୋନା କମୁନଥିବାରୁ BMCର ଦୃଢ଼ ପଦକ୍ଷେପ

ଭୁବନେଶ୍ୱର: ବିଏମସି ନର୍ଥ ଜୋନ ପକ୍ଷରୁ ଆରମ୍ଭ ହେଲା ଯାଞ୍ଚ। ବିଭିନ୍ନ ସଂସ୍ଥା ଓ କାର୍ଯ୍ୟାଳୟରେ ସ୍କ୍ୱାଡ ପକ୍ଷରୁ ହୋଇଛି ଅତର୍କିତ ଯାଞ୍ଚ। ସାମାଜିକ ଦୂରତା ରକ୍ଷା, ମାସ୍କ ପରିଧାନ ଓ ସାନିଟାଇଜର ବ୍ୟବହାର ହେଉଛି କି ନାହିଁ ସେନେଇ ତଦାରଖ କରାଯାଉଛି। ଭୁବନେଶ୍ୱରରେ ସଂକ୍ରମଣ କାହିଁକି ହ୍ରାସ ପାଉନାହିଁ, ତାର କାରଣ ଖୋଜିବା ଆରମ୍ଭ କରିଛି ବିଏମସି। ସେପଟେ ବସ୍ତି ଅଞ୍ଚଳରେ ମଧ୍ୟ ଘରକୁ ଘର ବୁଲି ନିଆଯାଉଛି ସ୍ୱାସ୍ଥ୍ୟ ସମ୍ପର୍କିତ ତଥ୍ୟ। ଲକ୍ଷଣ ନଲୁଚାଇବାକୁ ଦିଆଯାଉଛି ପରାମର୍ଶ। ବିଏମସି କମିଶନର ସଞ୍ଜୟ ସିଂଙ୍କ ନିର୍ଦ୍ଦେଶ କ୍ରମେ ୩ଟି ଯାକ ଜୋନରେ ଜାରି ରହିଛି ଯାଞ୍ଚ ପ୍ରକ୍ରିୟା। ସରକାରୀ ହେଉ ଅଥବା ବେସରକାରୀ ଯେଉଁଠି କଟକଣାରେ ଖିଲାପ ହେଉଥିବା ନଜରକୁ ଆସିବ, ଏହି ସଂସ୍ଥାକୁ ଅନିର୍ଦ୍ଧିଷ୍ଟ କାଳ ପାଇଁ ସିଲ୍ କରାଯିବ ।