spot_img
Home Blog Page 5793

ଖଣ୍ଡଗିରି ପାହାଡ଼ ପାଦଦେଶର ଛାତିଥରା ଘଟଣା: ମାଆ କୋଳରୁ ଖସିଗଲା ଛୁଆ, ଆଉ ତା’ ପରେ..

ଭୁବନେଶ୍ୱର: ଖଣ୍ଡଗିରି ପାହାଡ଼ର ପାଦତଳେ ଘଟିଛି ଏକ ହୃଦୟବିଦାରକ ଘଟଣା । ଗଛରୁ ଡିଆଁ ମାରିବା ବେଳେ ମାଆ କୋଳରୁ ଖସିପଡ଼ିଲା ମାଙ୍କଡ଼ ଛୁଆ । ପେଟରେ ଲୁହା ଗ୍ରୀଲ ପଶି ରକ୍ତାକ୍ତ ହୋଇଯାଇଥିଲା କୁନି ମାଙ୍କଡ଼ । ଆଉ ଏହାର କିଛି ସମୟ ମେଡିକାଲ ଯିବା ବାଟରେ ଆଖି ବୁଜି ଦେଲା କୁନି ମାଙ୍କଡ଼ । ଛୁଆ ସିନା ମରିଗଲା ହେଲେ ଏଣେ ତେଣେ ଖୋଜିଚାଲିଥିଲା ମା’ ମାଙ୍କଡ଼ ।

ଭୂତାଣୁ ଭୟରେ ସମସ୍ତେ ଭୟଭୀତ । ଶୂନଶାନ ରାସ୍ତା ଘାଟ, ସବୁଠି ନିରବ । ହେଲେ ମାଙ୍କଡ଼ମାନଙ୍କ ଚାଲିଥିଲା ମଜା ମସ୍ତି । ଏ ଡାଳରୁ ସେ ଡାଳ ଡେଇଁ ମା କୋଳକୁ ଆସୁଥିଲା କୁନି ମାଙ୍କଡ଼ । କ୍ଷୀର ପିଇବ, ଆଉ ଘଡ଼ିଏ ଶୋଇଯିବ । ହେଲେ କିଏ ଜାଣିଥିଲା ମା’ କୋଳ ବଦଳରେ ମୃତ୍ୟୁ ଛକିଥିଲା ଲୁହା ଗ୍ରୀଲରେ । ମା’ ପାଖକୁ ଡେଉଁଥିବା ବେଳେ, ଖସିପଡ଼ିଥିଲା ଲୁହାର ଗ୍ରୀଲ ଉପରେ । ପେଟ ଖଣ୍ଡିଆ ହୋଇ ରକ୍ତ ଜୁଡ଼ବୁଡ଼ୁ ସହ ଯନ୍ତ୍ରଣା ପାଉଥିଲା କୁନି ମାଙ୍କଡ଼ । ଏଇଠି ଅଟକିନଥିଲା ମା’ର ମନ । ପିଲାକୁ କୋଳକୁ ନେଇ କାନ୍ଦୁଥିଲା, ଆଉ କେତେ କଥା କହିଯାଉଥିଲା । ମା ପାଖରୁ ମାଙ୍କଡ଼ ଛୁଆକୁ ଉଦ୍ଧାର କରି ନିଆଯାଇଥିଲା ହସ୍ପଟିଲା । ହେଲେ ଅଧାରାସ୍ତାରେ ସେ ମରିଯାଇଥିଲା

ଏ ହେଉଛି ମା’ଠୁ ତାର ଛୁଆକୁ ନେବା ସମୟର ଦୃଶ୍ୟ । ପିଲାକୁ ନପାଇ ଏପଟ ସେପଟ ହେଉଥିଲା ଆଉ କାନ୍ଦୁଥିଲା । କେତେବେଳେ ବନ୍ଦ ଦୋକାନ ତଳେ ଖୋଜୁଥିଲା ତୋ କେତେବେଳେ ଲୁହା ଖମ୍ବ ଉପରେ ଚଢ଼ି ଚାରିଆଡ଼କୁ ଦେଖୁଥିଲା । କାଳେ ତା ପିଲାକୁ ଏଇଠି କେଉଁଠି ଲୁଚାଯାଇଛି । ପାଖରେ ଥିବା ଲୋକଙ୍କ ଆଖିରୁ ବି ପାଣି ଜକେଇ ଆସୁଥିଲା ମା’ର ଏ ମମତାକୁ ଦେଖି । ଛୁଆ ମାଙ୍କଡ଼କୁ ବଞ୍ଚାଇବା ପାଇଁ ଶତ ଉଦ୍ୟମ କରି ବିଫଳ ହୋଇଥିଲେ । ପରେ ପରମ୍ପରା ଅନୁଯାୟୀ ପୂଜାର୍ଚ୍ଚନା କରି ଯୁବକମାନେ ତାର ସତ୍କାର କରିଛନ୍ତ ।

ଦିଲ୍ଲୀରେ ସୁଧୁରୁଛି କରୋନାର ସ୍ଥିତି, ଦୈନିକ ମୃତ୍ୟୁ ହାର ୩ଶହରୁ କମିଲା

ନୂଆଦିଲ୍ଲୀ: କରୋନା କବଳରୁ ଧିରେ ଧିରେ ମୁକୁଳୁଛି ରାଜଧାନୀ ଦିଲ୍ଲୀ। ଦିଲ୍ଲୀରେ କରୋନାରୁ ଦୈନିକ ମୃତ୍ୟୁ ସଂଖ୍ୟା କମିବାରେ ଲାଗିଛି । ଗତ ୨୪ ଘଣ୍ଟା ମଧ୍ୟରେ ଏହି ମହାମାରୀ ଯୋଗୁଁ ୨୬୨ ଜଣଙ୍କର ମୃତ୍ୟୁ ହୋଇଛି। ଏହାରି ଭିତରେ କରୋନାର୬,୪୫୬ ନୂଆ ମାମଲା ଚିହ୍ନଟ କରାଯାଇଛି। ଗତ ୨୪ ଘଣ୍ଟା ମଧ୍ୟରେ ୯ ହଜାର ୭୦୬ ଜଣ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି। ସବୁଠାରୁ ବଡ଼ କଥା ହେଉଛି ରାଜ୍ୟରେ କରୋନା ସଂକ୍ରମିତ ହାର ୧୦.୪୦ ପ୍ରତିଶତକୁ ଖସି ଆସିଛି। ଏହି ସୂଚନା ଦିଲ୍ଲୀ ସରକାରଙ୍କ ହେଲ୍ଥ ବୁଲେଟିନରୁ ଜାରି କରାଯାଇଛି । ଏହାପୂର୍ବରୁ ମେ ୧୪ରେ ଦିଲ୍ଲୀର କରୋନାରେ ମୃତ୍ୟୁ ସଂଖ୍ୟା ୩୦୦ ରୁ କମ୍ ଆସିଥିଲା। ସେତେବେଳେ ୨୮୯ ଜଣଙ୍କର ମୃତ୍ୟୁ ହୋଇଥିଲା। ଏହାପରେ ୧୫ ମେରେ ୩୩୭, ୧୩ ମେରେ ୩୦୮  ଏବଂ ୧୨ ମେରେ ୩୦୦ ଲୋକଙ୍କର ମୃତ୍ୟୁ ଘଟିଥିଲା।

ଅନ୍ୟପଟେ ଦିଲ୍ଲୀରେ କ୍ରମାଗତ ଭାବେ ଏବେ କରୋନା ସଂକ୍ରମିତଙ୍କ ସଂଖ୍ୟା ହ୍ରାସ ପାଉଛି। ମେ ୧୨ରେ ପଜିଟିଭ ହାର ୧୭.୦୩ ପ୍ରତିଶତ ଥିଲା। ମେ ୧୩ ରେ ଏହା ୧୪.୨୪ ପ୍ରତିଶତ ଏବଂ ମେ ୧୫ରେ ୧୧.୩୨ ପ୍ରତିଶତକୁ ହ୍ରାସ ପାଇଛି। ସର୍ବଶେଷ ଆକଳନ ପରେ, ଦିଲ୍ଲୀର ମୋଟ ସକ୍ରିୟ ମାମଲା ବର୍ତ୍ତମାନ ୬୨ ହଜାର ୭୮୩ ରେ ପହଞ୍ଚିଛି। ଏପର୍ଯ୍ୟନ୍ତ ୧୩ ଲକ୍ଷ ୯ ହଜାର ୫୭୮ କରୋନା ରୋଗୀଙ୍କୁ ଡିସଚାର୍ଜ କରାଯାଇଛି। ଏଥି ସହିତ ରାଜଧାନୀରେ ଏପର୍ଯ୍ୟନ୍ତ ୨୧ ହଜାର ୫୦୬ ଜଣଙ୍କର ମୃତ୍ୟୁ ଘଟିଛି।

ତେବେ ଦିଲ୍ଲୀରେ ଗତ ୨୪ ଘଣ୍ଟା ମଧ୍ୟରେ ୧ ଲକ୍ଷ ବ୮ ହଜାର ୮୭ ଜଣଙ୍କୁ ଟିକା ଦିଆଯାଇଛି। ଏହି ସମୟ ମଧ୍ୟରେ ଟିକାର ପ୍ରଥମ ଡୋଜ୍‌ ୮୦ ହଜାର ୨୯୨ ଜଣଙ୍କୁ ଦିଆଯାଇଛି। ୩୭ ହଜାର ୭୯୫ ଲୋକଙ୍କୁ ଦ୍ୱିତୀୟ ଡୋଜ୍‌ ଦିଆଯାଇଛି ।

 

ଅଗ୍ନିଶମ ବିଭାଗର ଆଗୁଆ ପ୍ରସ୍ତୁତି: ଦୁର୍ଘଟଣା ଏଡ଼ାଇବାକୁ କୋଭିଡ ହସ୍ପିଟାଲରେ ମୁତୟନ ହେଲେ ଅଗ୍ନିଶମ କର୍ମଚାରୀ

ଭୁବନେଶ୍ୱର: କୋଭିଡ ହସ୍ପିଟାଲ ଗୁଡ଼ିକରେ ଅଗ୍ନିକାଣ୍ଡ ଜନିତ ଦୁର୍ଘଟଣା ଏଡ଼ାଇବାକୁ ଅଗ୍ନିଶମ ବିଭାଗର ଆଗୁଆ ପ୍ରସ୍ତୁତି ।  ନିକଟ ଅତୀତରେ ବିଭିନ୍ନ କୋଭିଡ ହସ୍ପିଟାଲରେ ଘଟିଯାଇଥିବା ଭୟାବହ ଅଗ୍ନିକାଣ୍ଡକୁ ଆଖି ଆଗରେ ରଖି ଓଡ଼ିଶାରେ କାର୍ଯ୍ୟ କରୁଥିବା ୬୨ ଗୋଟି ଉତ୍ସର୍ଗିକୃତ କୋଭିଡ ହସ୍ପିଟାଲ ଗୁଡ଼ିକରେ କୌଣସି ଅଗ୍ନିକାଣ୍ଡ ଜନିତ ଦୁର୍ଘଟଣା ଏଡ଼ାଇବା ପାଇଁ ମହାନିର୍ଦ୍ଦେଶକ ଅଗ୍ନିଶମସେବାଙ୍କ ନିର୍ଦ୍ଦେଶକ୍ରମେ ସମସ୍ତ ୬୨ ଗୋଟି କୋଭିଡ ହସ୍ପିଟାଲରେ ୩୮୪ ଜଣ ଅଗ୍ନିଶମ କର୍ମଚାରୀଙ୍କୁ ୨୪ ଘଣ୍ଟା କାର୍ଯ୍ୟରେ ମୁତୟନ କରାଯାଇଛି । ଏଥିସହିତ ଅଧିକ କୋଭିଡ ସଂକ୍ରମିତ ରୋଗୀ ରହିଥିବା ବଡ଼ ବଡ଼ ହସ୍ପିଟାଲମାନଙ୍କରେ ଫାୟାର ଟେଣ୍ଡର ମଧ୍ୟ ମୁତୟନ କରାଯାଇଛି ।

        ରବିବାର ଏମ୍ ଅକ୍ଷୟ ମହାନିର୍ଦ୍ଦେଶକ ଅଗ୍ନିଶମ ସେବା , ଅନ୍ୟ ବରିଷ୍ଠ ଅଗ୍ନିଶମ ଅଧିକାରୀମାନଙ୍କ ସହ ବହ୍ମପୁର ମହାନଗରରେ କୋଭିଡ ସଂକ୍ରମିତଙ୍କ ପାଇଁ କାର୍ଯ୍ୟ କରୁଥିବା ୬ ଗୋଟି କୋଭିଡ କେୟାର ହସ୍ପିଟାଲ ଯଥା ଏମ୍‌କେସିଜି କୋଭିଡ ମେଡିକାଲ କଲେଜ -୧, ଏମ୍‌କେସିଜି କୋଭିଡ ମେଡିକାଲ କଲେଜ ୨, ଉତ୍ସର୍ଗୀକୃତ  କୋଭିଡ ହସ୍ପିଟାଲ ଏମ୍‌କେସିଜି ମେଡିକାଲ କଲେଜ, ଅଶ୍ୱିନୀ କୋଭିଡ ହସ୍ପିଟାଲ , ଟାଟା କୋଭିଡ ହସ୍ପିଟାଲ ଶୀତଳାପଲ୍ଲୀ, ସିଟି କୋଭିଡ ହସ୍ପିଟାଲ ପରିଦର୍ଶନ କରିଥିଲେ  । ଏହି ଅବସରରେ ମୁତୟନ ଥିବା କର୍ମଚାରୀ ଓ ହସ୍ପିଟାଲ କର୍ମଚାରୀମାନଙ୍କ ସହିତ ଉକ୍ତ ହସ୍ପିଟାଲମାନଙ୍କରେ ଥିବା ଅଗ୍ନିନିର୍ବାପକ ବ୍ୟବସ୍ଥା ଓ ଅଗ୍ନିଶମ ବିଭାଗ ତରଫରୁ ନିଆଯାଇଥିବା ଅଗ୍ନିନିରାପତା ପଦକ୍ଷେପ  ଓ ପ୍ରସ୍ତୁତି ସମ୍ଭନ୍ଧରେ ପୁଙ୍ଖାନୁପୁଙ୍ଖ ଆଲୋଚନା କରିବା ସହ ସମସ୍ତ କର୍ମଚାରୀଙ୍କୁ ଯେ କୌଣସି ଜରୁରୀକାଳୀନ ପରିସ୍ଥିତିକୁ ମୁକାବିଲା କରିବା ପାଇଁ ପ୍ରସ୍ତୁତ ରହିବା ପାଇଁ ସଚେତନ କରାଇଥିଲେ । ଏହା ବ୍ୟତୀତ ଅସିତ ପାଣିଗ୍ରାହୀ ଅଗ୍ନିଶମ ଆରକ୍ଷୀ ମହାନିରୀକ୍ଷକ ଯାଜପୁର ଜିଲ୍ଲାରେ ଥିବା ଟାଟା  କୋଭିଡ ହସ୍ପିଟାଲ ମଧ୍ୟ ପରିଦର୍ଶନ କରି କର୍ମଚାରୀମାନଙ୍କୁ ସହ ଅଗ୍ନିନିରାପତ୍ତା ସମ୍ୱନ୍ଧରେ  ଆଲୋଚନା କରିଥିଲେ । ଏତତ୍ ଭିନ୍ନ ମହାନିର୍ଦ୍ଦେଶକ ଅଗ୍ନିଶମ ସେବା ଉପରୋକ୍ତ କୋଭିଡ ହସ୍ପିଟାଲ ଏବଂ କୋଭିଡ କେୟାର କେନ୍ଦ୍ର ଗୁଡ଼ିକରେ ନିୟମିତ ବ୍ୟବଧାନରେ ପ୍ରତିଦିନ ମକ୍ ଡ୍ରିଲ କରାଯାଇ ହସ୍ପିଟାଲ ପରିଚାଳନା କର୍ତ୍ତୃପକ୍ଷ ଓ କର୍ମଚାରୀମାନଙ୍କୁ ତାଲିମ୍ ଦେବା ସହ ଅଗ୍ନିଦୁର୍ଘଟଣା ବାବଦରେ ସଚେତନତା କରାଇବା ପାଇଁ ନିର୍ଦ୍ଦେଶ ଦେଇଥିଲେ ।

ସଂକ୍ରମଣ ବଢିବାରୁ ବନ୍ଦ ରହିଲା ଶ୍ରୀମନ୍ଦିରରେ ସାଧାରଣ ଦର୍ଶନ

ପୁରୀ: କୋଭିଡ ସଂକ୍ରମିତ ବୃଦ୍ଧି ଯୋଗୁଁ ଜୁନ ୧୫ ଯାଏ ଜଗା ବନ୍ଦ ରହିଲା ଶ୍ରୀମନ୍ଦିରରେ ସାଧାରଣ ଦର୍ଶନ। କରୋନା ସଂକ୍ରମଣ ବୃଦ୍ଧି ପାଉଥିବାରୁ ଜୁନ ୧୫ ଯାଏ ସାଧାରଣ ଦର୍ଶନ ଉପରେ କଟକଣା ଲଗାଇଛି ଶ୍ରୀମନ୍ଦିର ପ୍ରଶାସନ । ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାରଙ୍କ ଅଧ୍ୟକ୍ଷତାରେ ବସିଥିବା ସମୀକ୍ଷା ବୈଠକରେ ଏନେଇ ନିଷ୍ପତ୍ତି ନିଆଯାଇଛି ।

ତେବେ ଶ୍ରୀଜୀଉଙ୍କ ଦୈନନ୍ଦିନ ନୀତିକାନ୍ତି ପୂର୍ବ ପରି ଚାଲୁ ରହିବା ନେଇ କହିଛି ଶ୍ରୀମନ୍ଦିର ପ୍ରଶାସନ । କୋଭିଡ ସଂକ୍ରମଣ ଜିଲ୍ଲାରେ ବୃଦ୍ଧି ଘଟୁଥିବାବେଳେ ଚନ୍ଦନ ଯାତ୍ରା ଆରମ୍ଭ ହୋଇଛି । ସେହିପରି ଗତକାଲି ଠାରୁ ଅର୍ଥାତ ଅକ୍ଷୟ ତୃତୀୟା ଠାରୁ ରଥ ନିର୍ମାଣ ମଧ୍ୟ ଆରମ୍ଭ କରାଯାଇଛି ।

ସେପଟେ ବିନା ଭକ୍ତ ଓ ସୀମିତ ସେବାୟତଙ୍କ ଚନ୍ଦନ ଯାତ୍ରା ଆୟୋଜନ କରାଯାଇଛି । ଆଗକୁ ମଧ୍ୟ କଟକଣା ଭିତରେ ସ୍ନାନଯାତ୍ରା ଓ ରଥଯାତ୍ରା ନୀତିକାନ୍ତି ହେବ । ବୈଠକରେ ଜିଲ୍ଲାପାଳ ସମର୍ଥ ବର୍ମା, ଅତିରିକ୍ତ ଏସପି ଉପସ୍ଥିତ ରହିଥିଲେ ।

ଶୁଦ୍ଧିକ୍ରିୟାରେ ଭୋଜି ଦେଲେନି, ମାଗଣାରେ ଔଷଧ ବାଣ୍ଟିଲେ

ସମ୍ବଲପୁର: ବାପାଙ୍କ ଶୁଦ୍ଧିକ୍ରିୟା ବଦଳରେ ନିଜ ଦୋକାନରୁ ମାଗଣାରେ ଔଷଧ ଦେଲେ ଯୁବକ । କରୋନା ମହାମାରୀ ସମୟରେ ମାନବିକତାର ପରିଚୟ ଦେଲେ ସମ୍ବଲପୁରର ଅକ୍ଷୟ ନାୟକ । ସମ୍ବଲପୁର ଜିଲ୍ଲା ଜାମପାଲି ଗାଁର ଅକ୍ଷୟଙ୍କ ବାପା ଗଣେଶ ନାଏକଙ୍କ ଗତ ୧୨ ତାରିଖରେ ହୃତଘାତରେ ଦେହାନ୍ତ ହୋଇଥିଲା ।

ରାଜ୍ୟରେ କରୋନା ମହାମାରୀ ଓ କଟକଣାକୁ ଦେଖି ଶୁଦ୍ଧିକ୍ରିୟା ନକରିବା ପାଇଁ ନିଷ୍ପତ୍ତି ନେଇଛନ୍ତି ଅକ୍ଷୟ । ଶୁଦ୍ଧିକ୍ରିୟା ପରିବର୍ତ୍ତେ ପରମାଣପୁର ଛକରେ ଥିବା ନିଜର ଔଷଧ ଦୋକାନରୁ ଗରିବ ଲୋକଙ୍କୁ ମାଗଣାରେ ଔଷଧ ଦେବାପାଇଁ ନିଷ୍ପତ୍ତି ନେଇଛନ୍ତି ।

୧୪ ତାରିଖରୁ ବାପାଙ୍କ ଏକାଦଶ, ଅର୍ଥାତ ମେ ୨୪ ତାରିଖ ପର୍ଯ୍ୟନ୍ତ ମାଗଣାରେ ଔଷଧ ଦେବେ ବୋଲି କହିଛନ୍ତି । ମାଗଣାରେ ୧୦ ଔଷଧ ଦେବା ନେଇ ସେ ବ୍ୟାନର ମାଧ୍ୟରେ ନିଜ ଦୋକାନ ଆଗରେ ଅବଗତ କରାଇଛନ୍ତି । ଔଷଧ ପାଇଁ ଲୋକଙ୍କ ସଂଖ୍ୟା ବଢୁଥିବାବେଳେ ଏଥିପାଇଁ ଅକ୍ଷୟଙ୍କ ପ୍ରଶଂସା କରିଛନ୍ତି ଲୋକେ ।

ଗ୍ରାମାଞ୍ଚଳ ଓ ଆଦିବାସୀ ଅଞ୍ଚଳ ପାଇଁ କେନ୍ଦ୍ରର SOP

ନୂଆଦିଲ୍ଲୀ: ଫୋକସ୍‌ରେ ଗ୍ରାମାଞ୍ଚଳ । ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି ନୂଆ ଗାଇଡଲାଇନ ଜାରି କରିଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ । ଦେଶରେ କରୋନା ସ୍ଥିତି ଉଦବେଗଜନକ ରହିଥିବା ବେଳେ ଏବେ ସଂକ୍ରମଣ ଗ୍ରାମାଞ୍ଚଳକୁ ବ୍ୟାପିଲାଣି । ଗ୍ରାମାଞ୍ଚଳ ଓ ଆଦିବାସୀ ଅଞ୍ଚଳରେ କରୋନା ସଂକ୍ରମିତଙ୍କ ସଂଖ୍ୟା ବଢୁଥିବାରୁ କରୋନା ପରିଚାଳନା ଓ ସ୍ବାସ୍ଥ୍ୟ ଭିତ୍ତିଭୂମି ସୁଦୃଢ଼ କରିବାକୁ ନୂଆ SOP ଜାରି କରିଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ।

ଗ୍ରାମାଞ୍ଚଳ, ଆଦିବାସୀ ଅଞ୍ଚଳ ଓ ଅର୍ଦ୍ଧ-ସହରାଞ୍ଚଳରେ କଣ୍ଟେନମେଣ୍ଟ ଜୋନ୍ ଉପରେ ଗୁରୁତ୍ବ ଦିଆଯାଇଛି । କରୋନା ସ୍ଥିତି ତଦାରଖ ସହ ଡୋର ଡୁ ଡୋର ସ୍କ୍ରିନିଂ, ହୋମ୍‌ ଆଇସୋଲେସନ ଓ ସ୍ବାସ୍ଥ୍ୟ ଭିତ୍ତିଭୂମି ସଜାଡ଼ିବାକୁ ଗୁରୁତ୍ବ ଦିଆଯାଇଛି । ଟେଷ୍ଟିଂ ଉପରେ ଅଧିକ ଫୋକସ୍ ଓ ଗ୍ରାମାଞ୍ଚଳରେ ଅକ୍ସିଜେନ୍ ଯୋଗାଣ ଉପରେ ଗୁରୁତ୍ବ ଦିଆଯାଇଛି ।

କନୌଜ ଘାଟରେ ୨ଶହ ଶବ ସମାଧି, କିଏ ପୋତିଲା ?

ଲକ୍ଷ୍ନୌ: ଗଙ୍ଗା ନଦୀରେ ଭାସୁଛି ଶବ । ବିହାରରୁ ଉତ୍ତରପ୍ରଦେଶ ସବୁ ଘାଟରେ କୁଢ କୁଢ ମୃତ ଦେହ । ପ୍ରଶାସନର ଅଜାଣତରେ ଲୋକେ ମୃତ କରୋନା ରୋଗୀଙ୍କ ମୃତ ଦେହ ଭସାଇଦେଉଥିବା ଅଭିଯୋଗ ହୋଇଛି । କିନ୍ତୁ ଉତ୍ତରପ୍ରଦେଶର କନ୍ନାଉଜ ଗଙ୍ଗା ଘାଟରେ ଶହ ଶହ ଶବ ପୋତାଯାଇଛି । ଏତେ ସଂଖ୍ୟକ କରୋନା ଆକ୍ରାନ୍ତଙ୍କ କିପରି ମୃତ୍ୟୁ ଘଟିଲା ଏବଂ କିଏ ଗଙ୍ଗା ନଦୀରେ ଏମାନଙ୍କୁ ଭସାଇଛି, ତାହାକୁ ନେଇ ପ୍ରଶ୍ନ ଉଠିଛି । ବିଶେଶକରି ଏଠାରେ କିଏ ସମାଧି ଦେଇଛି ତାହା ସବୁଠାରୁ ବଡ଼ ପ୍ରଶ୍ନ ଭାବେ ଉଭା ହୋଇଛି  ।

ଖବର ମୁତାବକ ଉତ୍ତରପ୍ରଦେଶରେ ସମୁଦାୟ ୨୦୦୦ ପରେ ମୃତ ଦେହ ଜବତ ହେଲାଣି । ସେଥି ମଧ୍ୟରୁ ମାତ୍ରାଧିକ ମୃତବ୍ୟକ୍ତିଙ୍କ ଶରୀର ଗାଜିଆବାଦ, କାନପୁର, ଉନ୍ନାଓ, କନୌଜ ଘାଟରୁ ଉଦ୍ଧାର କରାଯାଇଛି । ସେଥି ମଧ୍ୟରୁ କନୌଜ ଘାଟରୁ ଦୁଇ ଶହରୁ ଅଧିକ ମୃତ ଶରୀରକୁ ଘାଟରେ ସମାଧି ଦିଆଯାଇଥିବା ଜାଣିବାକୁ ମିଳିଛି । ପ୍ରଶାସନ ମୃତକଙ୍କ ତାଲିକା ଲୁଚାଉଥିବା ଅଭିଯୋଗ ହେଉଛି ଅନ୍ୟପଟେ ଏତେ ସଂଖ୍ୟକ ଲୋକଙ୍କର ମୃତ୍ୟୁ ହୋଇନାହିଁ ବୋଲି କୁହାଯାଉଛି  । କିନ୍ତୁ ବାସ୍ତବରେ ସମାଧି ଦିଆଯାଇଥିବା ଲୋକ କିଏ ? ସେମାନଙ୍କର ମୃତ୍ୟୁ କରୋନାରେ ହୋଇ ନାହିଁ ତ ? ଯଦି ହୋଇଛି ତେବେ ଏହାର ତାଲିକା କାହିଁକି ପ୍ରଶାସନ ଲୁଚାଉଛି ବୋଲି ପ୍ରଶ୍ନ ଉଠିଛି  ।

ଜଣେ ସ୍ଥାନୀୟ ବ୍ୟକ୍ତିଙ୍କ କହିବା ମୁତାବକ ଘାଟରେ ପ୍ରତିଦିନ ଶବ ଭାସୁଥିବା ଦେଖିବାତକୁ ମିଳିଛି । କିନ୍ତୁ ପ୍ରଶାସନ ଏହି ତଥ୍ୟ ଲୁଚାଉଥିବା ଅଭିଯୋଗ ହୋଇଛି । ଖୋଦ ସ୍ଥାନୀୟ ଲୋକଙ୍କ ସହାୟତାରେ ଗଙ୍ଗା ଘାଟରୁ ଶବ ଉଦ୍ଧାର ହେଉଛି, ତେଣୁ କେତେ ଲୋକଙ୍କ ମୃତଦେହ ଏଠାରେ ସମାଧି ଦିଆଯାଇଛି ତାହା ପ୍ରଶାସନ ଠାରୁ ଭଳ ଭାବେ ସ୍ଥାନୀୟ ଲୋକ ଜାଣିଥିବା ଦାବି କରିଛନ୍ତି ।

PM କେୟାର୍ସରୁ ମିଳିଛି ଭେଣ୍ଟିଲେଟର: ଅଚଳ ଅଧିକ, ସଚଳ କମ

ନୂଆଦିଲ୍ଲୀ: ଅକ୍ସିଜେନ ଅଭାବରୁ ଜୀବନ ଯାଉଛି । ଗୋଟିଏ କିମ୍ବା ଦୁଇଟି ରାଜ୍ୟରେ ଏଭଳି ସ୍ଥିତି ଘଟିନାହିଁ । ସମ୍ଭବତଃ ଅଧିକାଂଶ ରାଜ୍ୟରେ ଅକ୍ସିଜେନ ଅଭାବ ଭଳି ପରିସ୍ଥିତି । କୋଭିଡର ଦିୱତୀୟ ଲହରରେ ଆକ୍ରାନ୍ତଙ୍କ ନିଶ୍ବାସ ନେବାରେ ସମସ୍ୟା ସୃଷ୍ଟି ହୋଇଛି । ଯେଉଁଥିପାଇଁ ପ୍ରାୟ କହିବାକୁ ଗଲେ ଅଧାରୁ ଅଧିକାଂଶ ଆକ୍ରାନ୍ତଙ୍କୁ ଆବଶ୍ୟକ ପଡୁଛି ଆକ୍ସିଜେନ । ଆଉ ଏପରି ସଙ୍କଟକୁ ଟାଳିବା ପାଇଁ କେନ୍ଦ୍ର ସରକାର ମଧ୍ୟ ଉଦ୍ୟମ ଆରମ୍ଭ କରିଛନ୍ତି । ମହାରାଷ୍ଟ୍ର, ଦିଲ୍ଲୀ, ଛତିଶଗଡ଼ ଭଳି ରାଜ୍ୟଗୁଡିକୁ ଅକ୍ସିଜେନ ସିଲିଣ୍ଡର ଏବଂ ଆବଶ୍ୟକୀୟ ସରଞ୍ଜାମ ବିତରଣ କରିଛନ୍ତି ।

କିନ୍ତୁ ଏବେ ଆସିଥିବା ଖବର କିଛି ଅଲଗା । କଥାରେ ଅଛି ଯେପରି ଆମ୍ବ ଦେଖାଇ ହାମ୍ବଡ଼ା ଖୁଆଇ ଦେଲେ, ଠିକ ସେହିଭଳି ସହାୟତା ଦେଇଛନ୍ତି କେନ୍ଦ୍ର ସରକାର । ଅର୍ଥାତ କେନ୍ଦ୍ର ସରକାର ଭେଣ୍ଟିଲେଟର, ଅକ୍ସିଜେନ ସିଲିଣ୍ଡର ଏବଂ ସରଞ୍ଜାମ ଦେଇଛନ୍ତି ସତ । କିନ୍ତୁ ତାହା କାର୍ଯ୍ୟକ୍ଷମ ହେଉନାହିଁ । ଅକ୍ଷମ ଭେଣ୍ଟିଲଟର ରୋଗୀଙ୍କ ଆବଶ୍ୟକତାରେ ଆସି ପାରୁନାହିଁ । ତେଣୁ ଏହାକୁ ନେଇ ବର୍ତ୍ତମାନ ପ୍ରଶ୍ଲବାଚୀ ସୃଷ୍ଟି ହୋଇଛି । ଅନେକ ରାଜ୍ୟ ଏନେଇ ଅଭିଯୋଗ କରିବା ପରେ କେନ୍ଦ୍ର ସରକାର ଏହାର ଅଡିଟ ରିପୋର୍ଟ ଦେବାକୁ ନିର୍ଦ୍ଦେଶ ଦେଇଛନ୍ତି ।

ପଞ୍ଜାବର ତିନୋଟି ମେଡିକାଲ କଲେଜକୁ ପିଏମ କେୟାର ଫଣ୍ଡରୁ ମିଳିଛି ୩୨୦ଟି ଭେଣ୍ଟିଲେଟର ମିଳିଛି । ଏହା ମଧ୍ୟରୁ କେବଳ ୮୩ ଟି କାର୍ଯ୍ୟକ୍ଷମ ଥିବାବେଳେ ଅନ୍ୟ ସମସ୍ତ ଭେଣ୍ଟିଲେଟର ଅଚଳ ବୋଲି ଅଭିଯୋଗ ହୋଇଛି । ସେହିପରି ବିହାରର ୧୩ଟି ଜିଲ୍ଲାକୁ ୧୦୯ଟି ଭେଣ୍ଟିଲେଟର ଯୋଗାଇ ଦିଆଯାଇଥିବାବେଳେ ସେଥିରୁ ମଧ୍ୟ ଅଧିକାଂଶ ଭେଣ୍ଟିଲେଟର ଅଚଳ । ଅନ୍ୟପଟେ ଉତ୍ତରପ୍ରଦେଶକୁ ପଠାଯାଇଥିବା ୨୦ ପ୍ରତିଶତ ଭେଣ୍ଟିଲେଟର କାର୍ଯ୍ୟ କରୁନଥିବା ଜଣା ପଡିଛି ।

ଉତ୍ତର ପ୍ରଦେଶ ସ୍ୱାସ୍ଥ୍ୟମନ୍ତ୍ରୀ ମଧ୍ୟ ଏକଥାକୁ ସ୍ୱୀକାର କରିଛନ୍ତି  । କିନ୍ତୁ ଟେକନିକସିଆନଙ୍କ ଅଭାବ ଯୋଗୁ ଏସବୁ ଅଚଳ ହୋଇଥିବା  କହିଛନ୍ତି ଉତ୍ତରପ୍ରଦେଶ ସ୍ୱାସ୍ଥ୍ୟ ମନ୍ତ୍ରୀ  । ସେପଟେ ପଞ୍ଜାବ ଏବଂ ରାଜସ୍ଥାନ ମଧ୍ୟ ସମାନ ଆରୋପ ଲଗାଇଛନ୍ତି  । ପିଏମ କେୟାର ଫଣ୍ଡ ନାମରେ ଘୋଟଲା ହୋଇଥିବା ଅଭିଯୋଗ ଆଣିଛନ୍ତି  । ଅଚଳ ଭେଣ୍ଟିଲେଟର ପଠାଯାଇଥିବା ଅଭିଯୋଗ ଆଣିଛନ୍ତି ଉଭୟ ରାଜ୍ୟ ସରକାର  ।

ପୁଅକୁ ବିକି ଦେଲା ବାପା: ମାଆର ଅଭିଯୋଗ ପରେ ଗିରଫ ହେଲା ଅଭିଯୁକ୍ତ

ଭୁବନେଶ୍ୱର: ରାଜଧାନୀରେ ଶିଶୁ ବିକ୍ରି ଅଭିଯୋଗରେ ଜଣେ ଗିରଫ । ୫୦ ହଜାର ଟଙ୍କା ପାଇଁ ଶିଶୁ ପୁତ୍ରକୁ ବିକ୍ରି କରାଯାଇଥିବା ଅଭିଯୋଗ । ଶିଶୁ ପୁତ୍ରକୁ କିଣିଥିବା ଶ୍ରୀନିବାସ ଜେନାଙ୍କୁ ଗିରଫ କଲା ପୋଲିସ । ଅଭିଯୁକ୍ତକୁ ନୟାଗଡ଼ରୁ ଗିରଫ କଲା ନୟାପଲ୍ଲୀ ପୋଲିସ । ୫୦ ହଜାର ଟଙ୍କାରେ ବାପା ପୁତ୍ରଟିକୁ ବିକ୍ରି କରିଥିବା ସୂଚନା ରହିଛି । ତେବେ ଏଯାଏଁ ବାପା ଫେରାର ଅଛି । ପୋଲିଓ ଟିକା ଦେବାକୁ ନେଇ ଦୁଇ ବର୍ଷ ତଳେ ବିକିଥିଲା ହୃଦୟହୀନ ବାପା । ଏ ନେଇ ଶିଶୁଟିର ମା’ ଥାନାରେ ଅଭିଯୋଗ କରିଥିଲା । ଅଭିଯୋଗ ପାଇବା ପରେ ତନାଘନା କରିଥିଲା  ପୋଲିସ । ଅଭିଯୁକ୍ତ ବାପା ତପନ ପଲେଇକୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି । ତେବେ ଏଯାଏଁ ଶିଶୁ ପୁତ୍ରଟି ଉଦ୍ଧାର ହୋଇପାରିନାହିଁ ।

ଏଥିସହିତ ପଢ଼ନ୍ତୁ: ଭୁବନେଶ୍ୱର ଝାରପଡ଼ା ଜେଲରେ ଜଣେ ବିଚାରାଧୀନ କଏଦୀଙ୍କର କୋଭିଡ୍‌ରେ ମୃତ୍ୟୁ

 

 

ଗଙ୍ଗାରେ ଶବ ଭାସୁଥିବା ଭିଡିଓ ସେୟାର କରିଥିବା ପୂର୍ବତନ IASଙ୍କ ବିରୁଦ୍ଧରେ ମାମଲା

ନୂଆଦିଲ୍ଲୀ: ଗଙ୍ଗାର କୂଳେକୂଳେ କୁଢକୁଢ ଶବ। କନୌଜରୁ କାନପୁର ପର୍ଯ୍ୟନ୍ତ ଶହ ଶହ ଶବ। କେଉଁଠି ମଣିଷ ଶବକୁ କୁକୁର, ବିଲୁଆ ଝୁଣି ଖାଉଛନ୍ତି ତ ପୁଣି କେଉଁଠି ମୃତଦେହର ଅଂଶ ବିଛାଡ଼ି ହୋଇପଡ଼ିଛି। ଜଳ ଜଳ ହୋଇ ବାରି ହୋଇପଡୁଛି କରୋନା ନିୟନ୍ତ୍ରଣରେ ବିଫଳତା। ଭାରତରେ ଏଭଳି ଦୃଶ୍ୟ ଅନ୍ତର୍ଜାତୀୟ ସ୍ତରରେ ଦେଶର ଭାବମୂର୍ତ୍ତିକୁ ମଳିନ କରିଛି। ଧୈର୍ଯ୍ୟ ହରା ହୋଇନଥିବା ଗଙ୍ଗାନଦୀ ଧୈର୍ଯ୍ୟର ବନ୍ଧକୁ ଭାଙ୍ଗି ଦେଇଛି କରୋନା। ଏଭଳି ଘଟଣା ସମସ୍ତଙ୍କୁ ବ୍ୟଥିତ କରିଛି। ତେବେ ଯିଏ ଏହି ସତକୁ ସାମ୍ନାକୁ ଆଣିବାକୁ ଚେଷ୍ଟା କରୁଛି ତାର କଣ୍ଠରୋଧ କରିଦେବାକୁ ଚେଷ୍ଟା କରାଯାଉଛି।

ଗଙ୍ଗାର ସତକୁ ସମସ୍ତଙ୍କ ସାମ୍ନାକୁ ଆଣିଥିବା ପୂର୍ବତନ IAS ଅଧିକାରୀ ଏସ୍‌ପି ସିଂଙ୍କ ଉପରେ ୟୁପି ପୋଲିସ୍‌ ମାମଲା ରୁଜୁ କରିଛନ୍ତି। ଏସ୍‌ପି ସିଂ ଗଙ୍ଗାରେ ଭାସୁଥିବା ଶବର ଏକ ଭିଡିଓକୁ ସୋସିଆଲ ମିଡିଆରେ ସେୟାର କରିଥିଲେ। ଅବସରପ୍ରାପ୍ତ IAS ଏସ୍‌ପି ସିଂ ଏକ ଟୁଇଟ ମାଧ୍ୟମରେ ଦେଶର ଜନତାଙ୍କୁ ଉସକାଉଥିବା ଅଭିଯୋଗ ହୋଇଛି। ଏସ୍‌ପି ସିଂ ଏକ ଭିଡିଓ ସେୟାର କରି ତାଙ୍କ ପୋଷ୍ଟରେ ଲେଖିଥିଲେ ଯେ ଏଭଳି ଅଭାବନୀୟ ଦୃଶ୍ୟ ହିନ୍ଦୁଙ୍କ ପାଇଁ କଳଙ୍କ। ଏହା ପରେ ଏସ୍‌ପି ସିଂ ଶନିବାର ଦିନ ଆଉ ଏକ ଭିଡିଓ ସେୟାର କରିଥିଲେ। ଯେଉଁଥିରେ ଉତ୍ତରପ୍ରଦେଶରେ ଏବେର କରୋନା ସ୍ଥିତିକୁ ନେଇ ସେ ଚିନ୍ତାବ୍ୟକ୍ତ କରିଛନ୍ତି। ସେ ଆହୁରି ମଧ୍ୟ ଲେଖିଛନ୍ତି ଯେଉଁମାନେ ଏବେ ସତ କହିବାକୁ ଚେଷ୍ଟା କରୁଛନ୍ତି ସେମାନଙ୍କ ବିରୁଦ୍ଧରେ ୟୁପି ପୋଲିସ ମାମଲା ରୁଜୁ କରୁଛି। ମୋ ବିରୁଦ୍ଧରେ ମଧ୍ୟ ୟୁପି ପୋଲିସ୍‌ ଏବେ ୨ ଟି ମାମଲା ରୁଜୁ କରିଛି ବୋଲି କହିଛନ୍ତି ଏସ୍‌ପି ସିଂ।

ସେ ଦୁଇଟି ଭିଡିଓ ସେୟାର କରିଥିଲେ ଯେଉଁ ୨ଟି ଭିଡିଓ ପାଇଁ ତାଙ୍କ ବିରୁଦ୍ଧରେ ମାମଲା ରୁଜୁ ହୋଇଛି। ପ୍ରଥମ ଭିଡିଓରେ ସେ ବନାରସରେ କରୋନା ସଂକ୍ରମିତଙ୍କ ଶବକୁ ନାଳରେ ଫିଙ୍ଗୁଥିବା ଭିଡିଓ ସେୟାର କରିଥିଲେ ଏବଂ ଏହା ପରେ ଦ୍ୱିତୀୟରେ ଗଙ୍ଗାରେ ଶବ ଭାସୁଥିବା ଭିଡିଓ ସେୟାର କରିଥିଲେ। ଏସ୍‌ପି ସିଂ କହିଛନ୍ତି ଦେଶରେ ଏତେ ସଂଖ୍ୟାରେ ଲୋକ ମରୁଛନ୍ତି ଯେ ଗୋଟିଏ ଗରିବ ଅନ୍ତିମ ସତ୍କାର ପାଇଁ ଶ୍ମଶାନ ପାଉନାହିଁ। ସରକାର କରୋନାରେ ମୃତ୍ୟୁର ହାରକୁ ଲୁଚାଇ ପାରନ୍ତି କିନ୍ତୁ ଶବକୁ କେମିତି ଲୁଚାଇବ ବୋଲି ପ୍ରଶ୍ନ କରିଛନ୍ତି ଏସ୍‌ପି ସିଂ ।

ପୂର୍ବତନ IAS ଅଧିକାରୀ କହିଛନ୍ତି ସରକାର ଏବେ ଭୁଲ ରାସ୍ତାକୁ ଆପଣେଇଛନ୍ତି। ଇଏ ହେଉଛି ଲୋକତନ୍ତ୍ରର ଦେଶ। ଏଠାରେ ବିରୋଧିଙ୍କର କଥାକୁ ଶୁଣିବା ଦରକାର। ବିରୋଧରେ କହୁଥିବା ଲୋକର ବିରୋଧର ମାମଲା ରୁଜୁ କଲେ କହିଛି ଲାଭ ନାହିଁ । କାରଣ ମାମଲା ରୁଜୁ କଲେ ମରିଯାଉଥିବା ଲୋକଟିଏ ଆସୁ ଫେରି ଆସିବ ନାହିଁ। ସେଥିପାଇଁ ଲୋକଙ୍କୁ ବଞ୍ଚାଇବା ପାଇଁ ସରକାରଙ୍କୁ ନିବେଦନ କରିଛନ୍ତି ପୂର୍ବତନ IAS ଅଧିକାରୀ ଏସ୍‌ପି ସିଂ ।