spot_img
Home Blog Page 5801

ରାଜ୍ୟରେ ପ୍ରଥମ, ଘରେ ବସି ଲୋକେ ମୋବାଇଲରେ ପାଇପାରିବେ RT-PCR ରିପୋର୍ଟ

କେନ୍ଦୁଝର: କେନ୍ଦୁଝର ଜିଲ୍ଲାରେ କରୋନା ଅକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ଚାଲିଛି । ସଂକ୍ରମଣ ରୋକିବାକୁ ସରକାର ଓ ଜିଲ୍ଲା ପ୍ରଶାସନ ଗୋଟିଏ ପରେ ଗୋଟିଏ ପଦେକ୍ଷପ ନେଉଛନ୍ତି । ଏହି କ୍ରମରେ ଆଜି ରାଜ୍ୟରେ ପ୍ରଥମ କରି ଏକ ୱେବସାଇଟ୍ ମାଧ୍ୟମରେ ଘରେ ବସି ଲୋକେ କରୋନାର ଆରଟି-ପିସିଆର ରିପୋର୍ଟ ପାଇ ପାରିବେ ବୋଲି ଜିଲ୍ଲା ପ୍ରଶାସନ ସୂଚନା ପ୍ରଦାନ କରିଛି ।

କୋଭିଡ୍ ପାଇଁ ଆରଟିପିସିଆର ଦେଇଥିବା ବ୍ୟକ୍ତିମାନେ dmfkeonjhar.in/covidresult.aspx ରେ ମୋବାଇଲ ନମ୍ବର ଏସିଆରଏଫ ଆଇଡିକୁ ଦେଇ କ୍ଲିକ୍ କଲେ ସେମାନଙ୍କର ଆରଟିପିସିଆର ପରୀକ୍ଷାଫଳ ଜାଣିପାରିବେ । ଏନେଇ ଜିଲ୍ଲା ପ୍ରଶାସନ ଟ୍ଵିଟ୍ ଯୋଗେ ସୂଚନା ପ୍ରଦାନ କରିଛି ।

ୱେବସାଇଟି ଶୁକ୍ରବାରଠାରୁ ଆରମ୍ଭ ହୋଇଥିବାବେଳେ ମେ ୧୧ ତାରିଖ ପର୍ଯ୍ୟନ୍ତ ଯେଉଁମାନେ ଆରଟିପିସିଆର ଟେଷ୍ଟ ପାଇଁ ଦେଇଛନ୍ତି ସେମାନେ ଏହି ୱେବସାଇଟ୍ ମାଧ୍ୟମରେ ଘରେ ବସି ରିପୋର୍ଟ ପାଇପାରିବେ । ଏଭଳି ବ୍ୟବସ୍ଥା ରାଜ୍ୟରେ ପ୍ରଥମ ହୋଇଥିବାବେଳେ ଜନସଧାରଣ ଏହାର ସୁଫଳ ପାଇପାରିବେ ବୋଲି ଆଶା କରାଯାଉଛି ।

ପିଏମ୍ କିଷାନରେ ଓଡ଼ିଶା ଚାଷୀଙ୍କୁ ସହାୟତା ନଗଣ୍ୟ

ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିଏମ କିଷାନ ସହାୟତା ରାଶି ପ୍ରଦାନ କରିଛନ୍ତି ।  ଦେଶର ୯କୋଟି ୫୦ ଲକ୍ଷ ୬୭ ହଜାର ୬୦୧ ଜଣ ଚାଷୀଙ୍କୁ ମୋଟ ୨୦ହଜାର ୬୬୭ କୋଟି ୭୫ ଲକ୍ଷ ୬୬ ହଜାର ଟଙ୍କା ପ୍ରଦାନ କରାଯାଇଛି । ଏଥିରେ ଓଡ଼ିଶାର ଭାଗ ଅତ୍ୟନ୍ତ ନଗଣ୍ୟ ଥିବା ବେଳେ ଦେଶର କୌଣସି ଭାଗଚାଷୀ କିମ୍ବା ଭୂମିହୀନ ଚାଷୀ ଏହି ଯୋଜନାରୁ ଲାଭ ପାଉନାହାଁନ୍ତି ।

କେବଳ ବଡ଼ ବଡ଼ ଜମି ମାଲିକମାନେ ହିଁ ଏହି ଯୋଜନାରୁ ଲାଭବାନ ହେଉଛନ୍ତି । କିନ୍ତୁ ରାଜ୍ୟର ସବୁ ବର୍ଗର ଚାଷୀଙ୍କ ସାମାଜିକ ଓ ଆର୍ଥିକ ବିକାଶ ପାଇଁ ୨୦୧୯ରେ କାଳିଆ ଯୋଜନା ଆରମ୍ଭ ହୋଇଛି । ଏହି ଯୋଜନାରେ କ୍ଷୁଦ୍ର ଓ ନାମମାତ୍ର ଚାଷୀଙ୍କ ସହ ଭୂମିହୀନ ଓ ଭାଗଚାଷୀଙ୍କୁ ସାମିଲ କରାଯାଇଛି । ୨୦୧୯ରେ ଆରମ୍ଭ ହୋଇଥିବା ଏହି ଯୋଜନାରେ ୪୨ ଲକ୍ଷରୁ ଅଧିକ ଚାଷୀ ଉପକୃତ ହେଉଛନ୍ତି ।

ବିଜେଡିର ସାଂଗନଠନିକ ସମ୍ପାଦକ ପ୍ରଣବ ପକାଶ ଦାସ ଟ୍ୱିଟ୍ କରି ଓଡ଼ିଶାର କାଳିଆ ଯୋଜନାରେ ଭୂମିହୀନ ଓ ଭାଗଚାଷୀଙ୍କୁ ଅନ୍ତର୍ଭୁକ୍ତ କରାଯାଇଛି । କାଳିଆ ଭଳି ପିଏମ୍ କିଷାନ ଯୋଜନାରେ ମଧ୍ୟ ଭୂମିହୀନ ଗରିବ ପରିବାରକୁ ସାମିଲ୍ କଲେ ସମସ୍ତ ଉପକୃତ ହେବେ ବୋଲି ଲେଖିଛନ୍ତି ପ୍ରଣବ ।

୨୧ ଦିନର ଚିକିତ୍ସା ପରେ କରୋନାକୁ ହରାଇଲା ମାସକର ଛୁଆ

ଭୁବନେଶ୍ୱର: କରୋନାକୁ ହରାଇଲା ମାସକର ଶିଶୁ ଗୁଡ଼ିଆ । ଜନ୍ମର ଦୁଇ ସପ୍ତାହ ମଧ୍ୟରେ ଗୁଡ଼ିଆ କରୋନା ସଂକ୍ରମିତ ହୋଇଥିଲା । ସଂକ୍ରମିତ ହେବା ପରେ ଶିଶୁକୁ କଳାହାଣ୍ଡିରୁ ଭୁବେନଶ୍ୱରକୁ ସ୍ଥାନାନ୍ତରିତ କରାଯାଇଥିଲା । ଏକ ଘରୋଇ ହସ୍ପିଟାଲରେ ନବଜାତକକୁ ଭର୍ତ୍ତି କରାଯିବା ପରେ ଆଇସିୟୁରେ ଭେଣ୍ଟିଲେଟରରେ ରଖାଯାଇଥିଲା । ପ୍ରଥମେ ୧୦ ଦିନ ଶିଶୁଟିକୁ ଭେଣ୍ଟିଲେଟରରେ ରଖାଯାଇଥିଲା । ଏପରିକି ଶିଶୁଟିକୁ ରେମଡିସିଭିର, ଷ୍ଟେରଏଡ ଓ ବିଭିନ୍ନ ଆଣ୍ଟିବାୟୋଟିକ ଦିଆଯାଇ ଚିକିତ୍ସା କରାଯାଇଥିଲା ।

One Months Child Defeated Covid19 In Odisha Kalahandi

ଡାକ୍ତରଖାନାରେ ୩ ସପ୍ତାହ ଧରି ଚିକିତ୍ସିତ ହେବା ପରେ ଶିଶୁଟି ସମ୍ପୂର୍ଣ୍ଣ ଭାବେ ସୁସ୍ଥ ହୋଇଛି । ଏବେ ତାକୁ ଡାକ୍ତରଖାନାରୁ ଡିସଚାର୍ଜ କରାଯାଇଛି । ଶିଶୁର ପରିବାରର ଅନ୍ୟାନ୍ୟ ସଦସ୍ୟ ମାନେ ମଧ୍ୟ କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇଥିଲେ । ନବଜାତକର ଅବସ୍ଥା ଗୁରୁତର ହେବାରୁ ତାକୁ କଳାହାଣ୍ଡିରୁ ଭୁବନେଶ୍ୱରକୁ ସ୍ଥାନାନ୍ତର କରାଯାଇଥିଲା । ଏବେ ଶିଶୁଟି ସମ୍ପୂର୍ଣ୍ଣ ସୁସ୍ଥ ଅଛି ।

https://youtu.be/o5vcDEexays

କୋଭିସିଲ୍ଡ ପ୍ରଥମ ଡୋଜର ୮୪ ଦିନ ପରେ ନେବେ ଦ୍ୱିତୀୟ ଡୋଜ୍

ଭୁବନେଶ୍ୱର: ଆଜି ମଧ୍ୟରାତ୍ରରୁ ଲାଗୁ ହେବ କୋଭିସିଲ୍ଡ ଟିକାର ଦ୍ବିତୀୟ ଡୋଜର ନୂଆ ଅବଧି ନିୟମ । ଏଣିକି ୬ସପ୍ତାହ ପରିବର୍ତ୍ତେ ୧୨ ସପ୍ତାହ ପରେ ମିଳିବ କୋଭିସିଲ୍ଡର ଦ୍ୱିତୀୟ ଡୋଜ୍ । ଏନେଇ ସବୁ ଜିଲ୍ଲାପାଳ ଓ  ମ୍ୟୁନିସିପାଲ କମିଶନରଙ୍କୁ ଚିଠି ଲେଖି ଅବଗତ କରାଇଛି ରାଜ୍ୟ ସ୍ବାସ୍ଥ୍ୟ ବିଭାଗ ।

୬ ସପ୍ତାହ ପରିବର୍ତ୍ତେ ୧୨ସପ୍ତାହ ପରେ ମିଳିବ ଦ୍ୱିତୀୟ ଡୋଜ୍ । ୮୪ ଦିନରୁ କମ୍ ହେଲେ ଟିକା ନଦେବାକୁ ପରାମର୍ଶ ଦିଆଯାଇଛି । ଏନେଇ କୋୱିନ୍ ପୋର୍ଟାଲରେ ଆଜି ରାତିରେ ପରିବର୍ତ୍ତନ କରାଯିବ । ପୂର୍ବରୁ ଦ୍ୱିତୀୟ ଡୋଜ୍ ଟିକା ପାଇଁ କୋ-ୱିନରେ ସ୍ଲଟ ବୁକିଂ କରିଥିଲେ ପୁଣି ଥରେ ନିର୍ଦ୍ଧାରିତ ଦିନ ପରେ ବୁକିଂ ପାଇଁ ପରାମର୍ଶ ଦିଆଯାଇଛି ।

କୋଭିସିଲ୍ଡ ଦ୍ୱିତୀୟ ଡୋଜ୍ ଅବଧି ବଢ଼ିଛି । ଫଳରେ ପ୍ରଥମ ଡୋଜ୍ ଉପରେ ଗୁରୁତ୍ୱ ଦିଆଯିବ । ପ୍ରଥମ ଡୋଜ୍ ଟିକା ନେଇ ନଥିବା ସ୍ୱାସ୍ଥ୍ୟକର୍ମୀ, ସମ୍ମୁଖ ଯୋଦ୍ଧାଙ୍କ ସହ ୪୫ ବର୍ଷରୁ ଅଧିକ ବୟସ୍କଙ୍କୁ ଟିକା ଦେବାକୁ ପ୍ରାଥମିକତା ଦେଇଛି ସ୍ବାସ୍ଥ୍ୟ ବିଭାଗ ।

ରାଜ୍ୟରେ କରୋନାରୁ ସୁସ୍ଥ ହେଲେ ଆଉ ୯ ହଜାର ୩୨୯ ଜଣ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର: ରାଜ୍ୟରେ ଦୈନିକ ସଂକ୍ରମଣ ଦ୍ୱିତୀୟ ଥର ପାଇଁ ୧୨ ହଜାର ଉପରେ ରହିଛି । ଅନ୍ୟପଟେ ଗତ ୨୪ ଘଣ୍ଟାରେ ରାଜ୍ୟରେ କରୋନାକୁ ହରାଇଛନ୍ତି ୯ ହଜାର ୩୨୯ ଜଣ । ଏଥିସହ ରାଜ୍ୟରେ କରୋନାରୁ ମୋଟ ୪ ଲକ୍ଷ ୯୧ ହଜାର ୬୭୪ ଜଣ ସୁସ୍ଥ ହୋଇଛନ୍ତି । ସଂକ୍ରମଣ ଭଳି ସୁସ୍ଥତାରେ ସବୁଠୁ ଉପରେ ରହିଛି ଖୋର୍ଦ୍ଧା ଜିଲ୍ଲା ।

ଖୋର୍ଦ୍ଧାରୁ ସର୍ବାଧିକ ୧୨୧୪ ଜଣ ସୁସ୍ଥ ହୋଇଥିବା ବେଳେ ସୁନ୍ଦରଗଡ଼ରୁ ୧୧୩୬, କଟକରୁ ୭୮୦, ବରଗଡ଼ରୁ ୪୮୭, ସମ୍ବଲପୁରରୁ ୪୭୦, ନୂଆପଡ଼ାରୁ ୪୩୪, କଳାହାଣ୍ଡିରୁ ୪୧୦, ଅନୁଗୁଳ ଓ ଝାରସୁଗୁଡ଼ାରୁ ୩୮୪ ଜଣ ଲେଖାଏଁ, ପୁରୀରୁ ୩୧୯, ବଲାଙ୍ଗିରରୁ ୩୧୩, ନବରଙ୍ଗପୁରରୁ ୩୧୨, ମୟୂରଭଞ୍ଜରୁ ୨୮୮, ଗଞ୍ଜାମରୁ ୨୬୧, ନୟାଗଡ଼ରୁ ୨୦୬, ବୌଦ୍ଧରୁ ୨୦୦ ଜଣ ଆରୋଗ୍ୟ ଲାଭ କରିଛନ୍ତି ।

ସେହିଭଳି ରାୟଗଡ଼ାରୁ ୧୯୯, କେନ୍ଦ୍ରାପଡ଼ାରୁ ୧୯୦, ବାଲେଶ୍ୱରରୁ ୧୫୧, ଜଗତସିଂହପୁରରୁ ୧୪୭, ସୋନପୁରରୁ ୧୨୩, ଗଜପତିରୁ ୧୧୬, କେନ୍ଦୁଝରରୁ ୧୧୩, ଢେଙ୍କାନାଳରୁ ୯୦, କୋରାପୁଟ ଓ ମାଲକାନଗିରିରୁ ୭୨ ଜଣ ଲେଖାଏଁ, ଯାଜପୁରରୁ ୭୧, କନ୍ଧମାଳରୁ ୫୩, ଭଦ୍ରକରୁ ୫୨, ଦେବଗଡ଼ରୁ ୩୩ ଏବଂ ଷ୍ଟେଟ ପୁଲରୁ ୨୪୯ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି ।

ଗଞ୍ଜାମର ଗୋଟିଏ ଗାଁରୁ ୨୪ କରୋନା ଆକ୍ରାନ୍ତ ଚିହ୍ନଟ

ଦିଗପହଣ୍ଡି: ରାଜ୍ୟରେ ବଢ଼ୁଛି ସଂକ୍ରମଣ । ଗୋଟିଏ ଗାଁରୁ ଚିହ୍ନଟ ହେଲେ ଏକାଧିକ କରୋନା ଆକ୍ରାନ୍ତ । କରୋନାର ପ୍ରକୋପ ଜାରି ରହିଥିବା ବେଳେ ଗଞ୍ଜାମର ଗୋଟିଏ ଗାଁରୁ ଏକାଧିକ ସଂକ୍ରମିତ ଚିହ୍ନଟ ହୋଇଛନ୍ତି । ସାନଖେମୁଣ୍ଡି ବ୍ଲକ ଟି.ଗୋବିନ୍ଦପୁର ପଞ୍ଚାୟତ ବେଲଗଡ଼ ଗାଁରୁ ଗୋଟିଏ ଦିନରେ ୨୪ ଜଣଙ୍କ ନମୁନା କରୋନା ପଜିଟିଭ୍ ଆସିଛି ।

 24 Covid Positive Case In A Day From One Village Of Ganjam

ଏନେଇ ସାନଖେମୁଣ୍ଡି ବିଡିଓ ଗାୟତ୍ରୀ ଦତ୍ତ ନାୟକ ସୂଚନା ଦେଇଛନ୍ତି । କୋଭିଡ୍ ସଂକ୍ରମିତଙ୍କ ମଧ୍ୟରେ ୧୦ ଜଣ ମହିଳା ଅଛନ୍ତି । ୫ ଜଣଙ୍କ ବୟସ ୧୪ ବର୍ଷରୁ କମ୍ ଥିବା ଜଣାପଡ଼ିଛି । ଗଜପତି ସୀମାନ୍ତ ତପ୍ତପାଣି ନିକଟ ଟି.ଗୋବିନ୍ଦପୁରରୁ ଚିହ୍ନଟ ୨୪ ଆକ୍ରାନ୍ତଙ୍କ ପାଖରେ କରୋନାର କୌଣସି ଲକ୍ଷଣ ନାହିଁ । ସମସ୍ତେ ହୋମ୍ ଆଇସୋଲେସନରେ ଅଛନ୍ତି । ସମ୍ପୂର୍ଣ୍ଣ ଗାଁକୁ ସାନଖେମୁଣ୍ଡି ଅଗ୍ନିଶମ ବାହିନୀ ସାନିଟାଇଜ୍ କରିଛି ।

 24 Covid Positive Case In A Day From One Village Of Ganjam

କରୋନାର ଦ୍ୱିତୀୟ ଲହରରେ ସାନଖେମୁଣ୍ଡି ବ୍ଲକରେ ମୋଟ ୧୦୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ୪୭ ଜଣ କରୋନାରୁ ସୁସ୍ଥ ହୋଇଛନ୍ତି । ଅନ୍ୟମାନଙ୍କ ଚିକିତ୍ସା ଚାଲିଛି ।

ଶ୍ବଶୁର ଘରୁ ଅଳଙ୍କାର ଓ ଟଙ୍କା ନେଇ ପ୍ରେମିକ ସହ ଚମ୍ପଟ୍ ମାରିଲା ନବବଧୂ

ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । ବାସର ରାତିରେ ନବବଧୂ ଫେରାର । ଶ୍ବଶୁର ଘରୁ ଅଳଙ୍କାର ଓ ଟଙ୍କା ନେଇ ପ୍ରେମିକ ସହ ଚମ୍ପଟ ମାରିଲା ନବବଧୂ । ରିଲରେ ନୁହେଁ ରିୟଲରେ ଏଭଳି ଘଟଣା ରାଜଧାନୀର ଖଣ୍ଡଗିରି ଅଞ୍ଚଳରେ ଘଟିଛି । ଖଣ୍ଡଗିରି ଥାନାରେ ଅଭିଯୋଗ ଅନୁସାରେ ଡୁମୁଡୁମା ରଘୁନାଥ ନଗରରେ ଜଣେ ୨୩ ବର୍ଷର ଯୁବକ ଫୁଲେଶ୍ବରୀବସ୍ତିର ଜଣେ ୨ ୨ବର୍ଷୀୟା ଯୁବତୀଙ୍କୁ ଗତ ୭ ତାରିଖରେ ବିବାହ କରିଥିଲେ ।

ଗତ ୧୦ ତାରିଖ ରାତିରେ ନବବଧୂଙ୍କ ଚତୁର୍ଥୀ ଆୟୋଜନ ହୋଇଥିଲା । ଏତିକିବେଳେ ମୁଣ୍ଡ ବୁଲାଇବାର ଅଭିନୟ କରିଥିଲେ ବୋହୂ । ଏକାକୀ ରହିବାକୁ କହି କବାଟ ବନ୍ଦ କରି ଝରକା ଭାଙ୍ଗି ଚମ୍ପଟ୍ ମାରିଥିଲେ ।  ସକାଳୁ ଘର ଲୋକ କବାଟ ବାଡ଼େଇବା ପରେ ମଧ୍ୟ କବାଟ ଖୋଲି ନଥିଲେ ନବ ବଧୂ । କବାଟ ଭାଙ୍ଗିବା ପରେ ସମ୍ପୃକ୍ତ ନବବଧୂ ୩ ଭରି ସୁନାଗହଣା ଓ ୩୫ ହଜାର ବନ୍ଦାଣ ଟଙ୍କା ନେଇ ଘରୁ ଚମ୍ପଟ ମାରିଥିବା ଜଣାପଡ଼ିଥିଲା । ବୋହୂକୁ ଖୋଜାଖୋଜି କରି ନ ପାଇବା ପରେ ୧୧ ତାରିଖରେ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ପୋଲିସ ଘଟଣାର ତଦନ୍ତ ଚଳାଇଛି ।

ନବବଧୂ ଜଣକ ଯୁକ୍ତଦୁଇରେ ପଢୁଥିଲେ । କଲେଜ ପଢୁଆ ଝିଅ ହୋଇଥିବାରୁ ତାଙ୍କର କାହା ସହିତ ପ୍ରେମ ସମ୍ପର୍କ ଥିବା ସନ୍ଦେହ କରାଯାଉଥିଲା । ପରେ ଶ୍ବଶୂର ଘର ଲୋକେ ଛାନଭିନ୍ କରିବାରୁ ସେ ତାଙ୍କ ପ୍ରେମିକ ସହ ଫେରାର୍ ହୋଇଯାଇଥିବା ଜଣାପଡ଼ିଛି । ଘରଲୋକେ ବିବାହ ପାଇଁ ରାଜି ନଥିବାରୁ ଉଭୟ ଫେରାର ହୋଇଥିବା ସନ୍ଧେହ କରାଯାଉଛି। । ଏହି ସମସ୍ତ ତଥ୍ୟ ଆଧାରରେ ପୋଲିସ ତଦନ୍ତ ଜାରି ରଖିଛି । ଉଭୟ ପରିବାର ପକ୍ଷରୁ ପତିକ୍ରିୟା ମିଳି ପାରିନି ।

ଗଭୀର ଅବପାତର ରୂପ ନେଲା ବାତ୍ୟା, ୧୮ ସକାଳେ ଗୁଜରାଟ ଉପକୂଳ ଛୁଇଁବା ଆଶଙ୍କା

ନୂଆଦିଲ୍ଲୀ: ଆରବ ସାଗରରେ ଅବପାତ ଗଭୀର ଅବପାତରେ ପରିଣତ ହୋଇଛି । ଏହା ଲାକ୍ଷାଦ୍ୱୀପରୁ ଉତ୍ତର-ଉତ୍ତରପୂର୍ବ ଆଡ଼କୁ ଘଣ୍ଟା ପ୍ରତି ୧୯ କିମି ବେଗରେ ଗତ ୬ ଘଣ୍ଟା ହେଲା ଗତି କରୁଛି । ଏହା ଲାକ୍ଷାଦ୍ୱୀପ ଓ ତତସଂଲଗ୍ନ ଦକ୍ଷିଣପୂର୍ବ ଏବଂ ପୂର୍ବକେନ୍ଦ୍ରୀୟ ଆରବ ସାଗରରେ ଅମିନି ଡିବି ଠାରୁ ଉତ୍ତରପଶ୍ଚିମରେ ୫୦ କିମି ଦୂରରେ ରହିଛି । କନ୍ନୁରରୁ ପଶ୍ଚିମ-ଦକ୍ଷିଣପଶ୍ଚିମରେ ୩୧୦ କିମି, ଗୁଜରାଟର ଭେରାଭାଲ ଠାରୁ ଦକ୍ଷିଣ-ଦକ୍ଷିଣପୂର୍ବରେ ୧୦୬୦ କିମି ଦୂରରେ ରହିଛି ।

Pre Cyclone Watch For South Gujarat & Diu Coasts

ଆଗାମୀ ୧୨ ଘଣ୍ଟା ମଧ୍ୟରେ ଏହା ସାମୁଦ୍ରିକ ଘୂର୍ଣ୍ଣିଝଡ଼ରେ ପରିଣତ ହୋଇପାରେ । ପରବର୍ତ୍ତୀ ୨୪ ଘଣ୍ଟାରେ ଏହା ଆହୁରି ଶକ୍ତିଶାଳୀ ହେବ । ଏହା ଉତ୍ତକ-ଉତ୍ତରପଶ୍ଚିମକୁ ଗତି କରି ମେ ୧୮ ସକାଳେ ଗୁଜରାଟ ଉପକୂଳ ଅତିକ୍ରମ କରିବା ନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ ।

ପ୍ରଭାବରେ ଲାକ୍ଷାଦ୍ୱୀପରେ ୧୫ ଓ ୧୬ ତାରିଖରେ ପ୍ରବଳ ବର୍ଷା ହେବ । କେରଳରେ ୧୪ରୁ ବର୍ଷା ଆରମ୍ଭ ହୋଇ ୧୬ ଓ ୧୭ରେ ପ୍ରବଳ ବର୍ଷିବ । ଉପକୂଳ କର୍ଣ୍ଣାଟକ ଓ ଲାଗି ରହିଥିବା ଜିଲ୍ଲାରେ ୧୫ ଓ ୧୬ ତାରିଖ ପ୍ରବଳ ବର୍ଷା ଆଶଙ୍କା ରହିଛି । କୋଙ୍କଣ ଓ ଗୋଆରେ ୧୫ ଓ ୧୬ରେ ପ୍ରବଳ ବର୍ଷା ହେବ । ଗୁଜରାଟ ଉପକୂଳ ଜିଲ୍ଲା ଓ ସୌରାଷ୍ଟ୍ରରେ ୧୬ ତାରିଖରୁ ପ୍ରବଳ ବର୍ଷା ଆରମ୍ଭ ହୋଇ ୧୮ ତାରିଖ ଯାଏ ଜାରି ରହିବ । ୧୭ ଓ ୧୮ରେ ଦକ୍ଷିଣପଶ୍ଚିମ ରାଜସ୍ଥାନର କେତେକ ସ୍ଥାନରେ ସାମାନ୍ୟରୁ ମଧ୍ୟମଧରଣର ବର୍ଷା ହେବ ।

Pre Cyclone Watch For South Gujarat & Diu Coasts

ଏହି ସମୟରେ ପବନର ବେଗ ଘଣ୍ଟାପ୍ରତି ୫୦ରୁ ୬୦ କିମି ରହିବ । ୧୮ ସକାଳେ ପବନର ବେଗ ଘଣ୍ଟାପ୍ରତି ୯୦ରୁ ୧୦୦ କିମି ରହିବା ନେଇ ଆକଳନ କରାଯାଇଛି । ଏହି ସମୟରେ ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ବାରଣ କରାଯାଇଛି ।

‘କାଳିଆ’ ଯୋଜନା ଚାଷୀଙ୍କ ମୁହଁରେ ହସ ଆଣିଛି, ଋଣ ଭାର ଲାଘବ କରିଛି: ମୁଖ୍ୟମନ୍ତ୍ରୀ

ଭୁବନେଶ୍ୱର: ଆସନ୍ତାକାଲି ଅଷୟତୃତୀୟା । ରାଜ୍ୟର ଚାଷୀ ପରିବାର ପାଇଁ ଏକ ଆନନ୍ଦର ଦିନ । ଚାଷ କାମର ଅନୁକୂଳ କାଲି ଠାରୁ ଆରମ୍ଭ ହୋଇଥାଏ । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଚାଷୀ ଭାଇଭଉଣୀ ମାନଙ୍କୁ ଶୁଭେଛା ଜଣାଇଛନ୍ତି । ଏଥିସହ ରାଜ୍ୟର ୪୨ ଲକ୍ଷ ଚାଷୀ ପରିବାରର ବ୍ୟାଙ୍କ ଖାତାରେ ଖରିଫ ୨୦୨୧ ପାଇଁ କାଳିଆ ଯୋଜନାରେ ୯୨୦ କୋଟି ଟଙ୍କା ଜମା କରାଯାଇଥିବା ବିଷୟ ଘୋଷଣା କରିଥିଲେ । ରାଜ୍ୟର ଛୋଟ ଚାଷୀ, ନାମ ମାତ୍ର ଚାଷୀ ,ଓ ଭୂମିହୀନ ଚାଷୀ ପରିବାର ସମସ୍ତେ ଏହି କାଳିଆ ଯୋଜନାର ସହାୟତା ପାଇ ଏହାକୁ ଚାଷ କାମରେ ତଥା ଜୀବନ ଜୀବିକାର ଉନ୍ନତିରେ ଲଗେଇବେ ବୋଲି ମୁଖ୍ୟମନ୍ତ୍ରୀ ଆଶା ପ୍ରକାଶ କରିଛନ୍ତି ।

CM Naveen Distributed 920 Core Financial Assistance To Farmer Under Kalia Scheme

ମୁଖ୍ୟମନ୍ତ୍ରୀ କହିଛନ୍ତି, ଚାଷୀଙ୍କ ପାଇଁ ସାରା ଦେଶରେ କାଳିଆ ଯୋଜନା ସବୁଠାରୁ ଭଲ । ଏହି ଯୋଜନା ଚାଷୀ ମୁହଁରେ ହସ ଆଣିଛି । ଚାଷୀର ଋଣ ଭାର ଲାଘବରେ ମଧ୍ୟ ଏହା ସହାୟକ ହୋଇଛି । ଚାଷୀଙ୍କ ତ୍ୟାଗର ଉଚ୍ଚ ପ୍ରଶଂସା କରି ମୁଖ୍ୟମନ୍ତ୍ରୀ କହିଛନ୍ତି, ଚାଷୀ ଆମର ଗର୍ବ ଓ ଗୌରବ । ଦେଶ ଓ ସମାଜ ପାଇଁ  ଚାଷୀଙ୍କ ତ୍ଯାଗର ତୁଳନା ନାହିଁ । ଗତବର୍ଷ କୋଭିଡ଼ ସମୟରେ ଚାଷୀ ହିଁ ଅର୍ଥନୀତିକୁ ସଞ୍ଜିବନୀ ପରି ଶକ୍ତି ଦେଇଥିଲା । ତେଣୁ ଚାଷୀର ତ୍ଯାଗର ମୂଲ୍ୟ କେହି ଦେଇ ପାରିବ ନାହିଁ ବୋଲି ମୁଖ୍ୟମନ୍ତ୍ରୀ ମତ ଦେଇଛନ୍ତି ।

ମୁଖ୍ୟମନ୍ତ୍ରୀ କହିଛନ୍ତି, ‘ମୋ ରାଜ୍ୟର ଚାଷୀ, ଭଲରେ ରହୁ । ତା’ର ରୋଜଗାର ବଢୁ, ତା’ ପରିବାରରେ ସମୃଦ୍ଧି ଆସୁ ।ଏଥିପାଇଁ ମୁଁ କାମ କରୁଛି ଓ କରି ଚାଲିବି ।’

କୋଭିଡ଼ ସମ୍ପର୍କରେ ସଚେତନ କରି ମୁଖ୍ୟମନ୍ତ୍ରୀ କହିଛନ୍ତି, ଏବେ ଆମେ କୋଭିଡ୍ ସଂକ୍ରମଣର ଦ୍ଵିତୀୟ ଲହରର ସାମନା କରୁଛେ । ସଂକ୍ରମଣକୁ ନିୟନ୍ତ୍ରଣ କରିବାକୁ ଲକଡାଉନ ଚାଲିଛି । କିନ୍ତୁ କୃଷି ଷେତ୍ର ପାଇଁ  କୌଣସି ଲକଡାଉନ ନାହିଁ । ତେଣୁ ଚାଷୀ ଭାଇମାନେ କୋଭିଡ୍ ନିୟମ ମାନି ଚାଷ କାମ ଜାରି ରଖିବା  ସହିତ ସରକାରଙ୍କ ବିଭିନ୍ନ କୃଷି ବିକାଶ ଯୋଜନାର ସୁଯୋଗ ନେବା ପାଇଁ ସେ ଆହ୍ଵାନ ଜଣାଇଛନ୍ତି । ଶେଷରେ ଚଳିତ ବର୍ଷ ପାଇଁ ଭଲ ପାଗ, ଭଲ ଫସଲ ଓ ଚାଷୀ ପରିବାରର ସମୃଦ୍ଧି ପାଇଁ ମହାପ୍ରଭୁଙ୍କ ନିକଟରେ ପ୍ରାର୍ଥନା କରିଛନ୍ତି ମୁଖ୍ୟମନ୍ତ୍ରୀ । ସରକାରଙ୍କ କୋଭିଡ୍ ନିୟମକୁ କଡ଼ାକଡ଼ି ଭାବରେ ପାଳନ କରିବା ପାଇଁ ସମସ୍ତଙ୍କୁ ପୁଣି ଥରେ ନିବେଦନ କରିଥିଲେ ।

CM Naveen Distributed 920 Core Financial Assistance To Farmer Under Kalia Scheme

ସୂଚନାଯୋଗ୍ୟ ଯେ, କାଳିଆ ଯୋଜନା ରାଜ୍ୟ ସରକାରଙ୍କ ଶ୍ରେଷ୍ଠ କୃଷି କଲ୍ୟାଣ ଯୋଜନା । ଏହି ଯୋଜନାରେ ଲକ୍ଷ ଲକ୍ଷ ଛୋଟ ଚାଷୀ, ନାମ ମାତ୍ର ଚାଷୀ ଓ ଭୂମିହୀନ ଚାଷୀ ପରିବାର ଉପକାର ପାଉଛନ୍ତି । କାଳିଆ ସହାୟତାରେ ଚାଷୀ କୃଷି ସାମଗ୍ରୀ କିଣବା ବେଳ ଭୂମିହୀନ ଚାଷୀ ଛେଳି କୁକୁଡ଼ା ବତକ ପାଳନ ଆଦିରେ ବିନିଯୋଗ କରି ତା ପରିବାରର ରୋଜଗାର ବଢାଇଥାଏ ।

CM Naveen Distributed 920 Core Financial Assistance To Farmer Under Kalia Scheme

ଏହି କାର୍ଯ୍ୟକ୍ରମ ରେ କୃଷି ଓ କୃଷକ ସଶକ୍ତିକରଣ ଏବଂ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ ସାହୁ ,କାଳିଆ ଯୋଜନା କିପରି କୋଭିଡ୍ ସମୟରେ ଚାଷୀ ପରିବାର ପାଇଁ ଉପାଦେୟ ସାବ୍ୟସ୍ତ ହୋଇପାରିଛି ତା’ ଉପରେ ଆଲୋକପାତ କରିଥିଲେ । ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ, ମୁଖ୍ୟମନ୍ତ୍ରୀଙ୍କ କାର୍ଯାଳୟର ମୁଖ୍ୟ ପରାମର୍ଶ ଦାତା ମୁଖ୍ୟ ଶାସନ ସଚିବ ଓ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ ।

କଟକଣା ଉଲ୍ଲଂଘନ କରି ହଜାରେ ଲୋକଙ୍କ ପାଇଁ ହୋଇଥିଲା ବାହାଘର ଭୋଜି

ଦିଗପହଣ୍ଡି: ସଂକ୍ରମଣ ଚେନ୍ ଭାଙ୍ଗିବାକୁ ସରକାର ଜାରି କରିଛନ୍ତି କଡ଼ା ନିୟମ । ସର୍ବାଧିକ ୫୦ ଲୋକଙ୍କୁ ନେଇ ସ୍ଥାନୀୟ ପ୍ରଶାସନ ଅନୁମତିରେ ବିବାହ କାର୍ଯ୍ୟ ହୋଇପାରିବ । ତଥାପି ନିୟମକୁ ମାନୁନାହାଁନ୍ତି ଲୋକ । ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଓସ୍ତା ଜଗନ୍ନାଥପୁର ଗାଁରେ ବିବାହ ଭୋଜି ବେଳେ ପ୍ରଶାସନ ରେଡ୍ କରିଛି ।  କୋଭିଡ୍ କଟକଣାକୁ ଉଲ୍ଲଂଗନ ଗାଁର ଶିବରାମ ପ୍ରଧାନଙ୍କ ବାହାଘର ଚାଲିଥିଲା । ହଜାରେରୁ ଅଧିକ ଲୋକଙ୍କ ପାଇଁ ଆୟୋଜନ ହୋଇଥିଲା ଭୋଜିଭାତ ।

Seized Marriage Party Food Distributed Among Villagers In Ganjam

ସାନଖେମୁଣ୍ଡି ତହସିଲଦାର ଶ୍ରୀନିବାସ ବେହେରା ଏବଂ ପାଟପୁର ଥାନା ପୋଲିସ୍ ରେଡ୍ କରି ପାଳଗଦାରେ ଲୁଚାଇ ରଖା ଯାଇଥିବା ଭୋଜିଭାତକୁ ଜବତ କରିଛି । ଏଥିସହ ୧୦ ହଜାର ଟଙ୍କା ଜରିମାନା ଆଦାୟ କରାଯାଇଛି । ଜବତ ଖାଦ୍ୟକୁ ନଷ୍ଟ ନକରି ଏକ ଟ୍ରାକ୍ଟରରେ ଭୋଜିକୁ ଗାଁ ଗାଁ ବୁଲି ବୁଲି ବାଣ୍ଟି ଦିଆଯାଇଛି । ଶିବରାମ ବାହାଘରରେ ୫୦ ଜଣଙ୍କ ପାଇଁ ଅନୁମତି ନେଇ ହଜାରେରୁ ଅଧିକ ଲୋକଙ୍କ ପାଇଁ ଭୋଜି ଆୟୋଜନ କରିଥିଲେ ।