spot_img
Home Blog Page 5803

ଦେଶରେ ୩ ଲକ୍ଷ ୪୩ହଜାର କରୋନା କେସ ଚିହ୍ନଟ

ନୂଆଦିଲ୍ଲୀ: ଦେଶରେ ୨୪ ଘଣ୍ଟାରେ୩ ଲକ୍ଷ୪୩ହଜାର ୧୪୪କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ୪ହଜାର ଆକ୍ରାନ୍ତଙ୍କ ଜୀବନ ନେଇଛି ମହାମାରୀ କରୋନା । ୨୪ଘଣ୍ଟାରେ ୩ ଲକ୍ଷ୪୪ହଜାର ୭୭୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୨କୋଟି୪୦ଲକ୍ଷ୪୬ହଜାର ୮୦୯ଥିବା ବେଳେ ମୋଟ୍ ସୁସ୍ଥ ହେଲେଣି ୨୦୦୭୯୫୯୯।

ସେହିପରି ଆଜି ମିଳିଥିବା ରିପୋର୍ଟ ମୁତାବକ ଦେଶରେ  ମୃତ୍ୟୁସଂଖ୍ୟା ୨ଲକ୍ଷ ୬୨ହଜାର ୩୧୭ ଥିବା ବେଳେ ଆକ୍ଟିଭ କେସ୍ ୩୭ଲକ୍ଷ ୪ହଜାର ୮୯୩ ରହିଛି । ସେପଟେ ଦେଶରେ  ଟିକାକରଣ ଜାରି ରହିଛି । ଏବେ ଯାଏଁ ମୋଟ୍ ୧୭ କୋଟି ୯୨ଲକ୍ଷ ୯୮ ହଜାର ୫୮୪ ଜଣଙ୍କୁ ଟିକା ଦିଆଯାଇଥିବା ଜଣା ପଡିଛି  ।

କୋଭିଡ ମୁକାବିଲା ନେଇ ସର୍ବଦଳୀୟ ବୈଠକ ଡାକିଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: କରୋନା ମୁକାବିଲା ପାଇଁ ସର୍ବଦଳୀୟ ବୈଠକ ଡାକିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆସନ୍ତା ୧୭ ତାରିଖରେ ବିଧାନସଭାର ସମ୍ମିଳନୀ କକ୍ଷରେ ବସିବ ବୈଠକ। ଆଲୋଚନାରେ ସମସ୍ତ ବିଧାୟକ ଅଂଶଗ୍ରହଣ କରିବେ। ଭିଡିଓ କନଫରେନ୍ସିଂ ଜରିଆରେ ସମସ୍ତ ବିଧାୟକ ଯୋଡିହେବେ । କୋଭିଡ ମୁକାବିଲା ନେଇ ବୈଠକରେ ସମସ୍ତ ବିଧାୟକଙ୍କ ସହ ଆଲୋଚନା କରିବେ ମୁଖ୍ୟମନ୍ତ୍ରୀ।

ବୈଠକ ପାଇଁ ବିଧାନସଭାର ନୂତନ ସମ୍ମିଳନୀ କକ୍ଷ ଓ ଜିଲ୍ଲାସ୍ତରରେ ବ୍ୟବସ୍ଥା କରାଯାଇଥିବା ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ସୂଚନା ଦେଇଛନ୍ତି । ଭୁବନେଶ୍ବରର କିଛି ସ୍ଥାନରେ ମଧ୍ୟ ବ୍ୟବସ୍ଥା କରାଯାଇଛି । ସମସ୍ତ ବିଧାୟକ ମାନେ ବୈଠକରେ ନିଜ ଅଞ୍ଚଳର କୋଭିଡ ସ୍ଥିତି ସମ୍ପର୍କରେ ଆଲୋଚନା କରିବେ । ମୁଖ୍ୟମନ୍ତ୍ରୀଙ୍କ ନିଷ୍ପତ୍ତି ପରେ ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ଦଳ ନେତା ନରସିହଂ ମିଶ୍ର ।

ରାଜ୍ୟରେ କରୋନା ମୁକାବିଲା ନେଇ ମିଳିତ ଉଦ୍ୟମର ଆବଶ୍ୟକତା ଥିଲା ବୋଲି ନରସିଂହ କହିଛନ୍ତି । ସର୍ବଦଳୀୟ ବୈଠକ ପାଇଁ କଂଗ୍ରେସ ପୂର୍ବରୁ ଦାବି କରିଥିଲା । ୨ୟ ଓ ୩ୟ ଲହରୀ ପାଇଁ ସରକାର କ’ଣ ପ୍ରସ୍ତୁତ କରିଛନ୍ତି ସେନେଇ ବୈଠକରେ ଆଲୋଚନା ହେବ ବୋଲି ନରସିଂହ ମିଶ୍ର କହିଛନ୍ତି ।

ସର୍ବକାଳୀନ ରେକର୍ଡ ଭାଙ୍ଗିଲା ସଂକ୍ରମଣ, ୧୨ ହଜାର ୩୯୦ ପଜିଟିଭ

ଭୁବନେଶ୍ୱର: ରାଜ୍ୟରେ ସର୍ବକାଳୀନ ରେକର୍ଡ ଭାଙ୍ଗିଲା କରୋନା ସଂକ୍ରମଣ । ଦିନକରେ ଚିହ୍ନଟ ହୋଇଛନ୍ତି ଆଉ ୧୨ ହଜାର ୩୯୦ ପଜିଟିଭ । କ୍ବାରେଣ୍ଟାଇନରୁ ୬ହଜାର ୯୩୮ ସଂକ୍ରମିତ ବାହାରିଥିବା ବେଳେ, ଲୋକାଲ କେସ ରହିଛି ୫ ହଜାର ୪୫୨ । ସେହିପରି ଆଉ ୨୨ ଜୀବନ ନେଇଛି ମହାମାରୀ । ଦ୍ବିତୀୟ ଲହରରେ ପ୍ରଥମ ଥର ପାଇଁ ରାଜ୍ୟର ସମସ୍ତ ଜିଲ୍ଲାରେ ଶହେ ଉପରେ ରହିଛି ସଂକ୍ରମିତଙ୍କ ସଂଖ୍ୟା ।

ଖୋର୍ଦ୍ଧାରୁ ସର୍ବାଧିକ ୨୨୦୧ ପଜିଟିଭ ଚିହ୍ନଟ ହୋଇଛନ୍ତି । ସୁନ୍ଦରଗଡ଼ରୁ ୮୮୨, କଟକରୁ ୭୧୯, ସମ୍ବଲପୁରରୁ ୬୭୭, ଅନୁଗୁଳରୁ ୫୩୨, ବରଗଡ଼ରୁ ୫୦୭, ମୟୂରଭଞ୍ଜରୁ ୪୮୦, ପୁରୀରୁ ୪୬୯, ବଲାଙ୍ଗୀରରୁ ୪୬୧, ଯାଜପୁର ୪୩୬, ଝାରସୁଗୁଡ଼ାରୁ ୪୧୩, ଭଦ୍ରକରୁ ୪୧୨, ଗଂଜାମରୁ ୩୮୭, ନବରଙ୍ଗପୁରରୁ ୩୬୨ ଓ ଷ୍ଟେଟପୁଲରୁ ୩୫୨ ଆକ୍ରାନ୍ତ ଅଛନ୍ତି ।

ସେହିପରି ବାଲେଶ୍ବରରୁ ୩୪୦, ନୟାଗଡରୁ ୩୦୧, ଜଗତସିଂହପୁରରୁ ୨୫୯, କୋରାପୁଟରୁ ୨୪୬, ବୌଦ୍ଧରୁ ୨୨୮, କଳାହାଣ୍ଡିରୁ ୨୧୦, କେନ୍ଦୁଝରରୁ ୨୦୮, ନୂଆପଡ଼ାରୁ ୨୦୪, ରାୟଗଡ଼ା ୧୮୭, ସୋନପୁର ୧୭୮, ଢେଙ୍କାନାଳରୁ ୧୭୪, କେନ୍ଦ୍ରାପଡ଼ାରୁ ୧୩୭, ଗଜପତିରୁ ୧୧୫, ଦେବଗଡ଼ରୁ ୧୦୮, ମାଲକାନଗିରିରୁ ୧୦୩ ଓ କନ୍ଧମାଳରୁ ୧୦୨ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ଆଜି ଇଦ୍-ଉଲ୍-ଫିତର: ଶୁଭେଛା ଜଣାଇଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ

ଭୁବନେଶ୍ୱର: ମୁସଲମାନ ସମ୍ପ୍ରଦାୟର ପବିତ୍ର ପର୍ବ ଇଦ୍-ଉଲ୍-ଫିତର । କରୋନା ପାଇଁ ଚଳିତ ବର୍ଷ ମଧ୍ୟ ଫିକା ପଡିଛି ପର୍ବ । କଟକଣା ପାଇଁ ସମୂହ ନମାଜ ପାଠ କରିବାକୁ ବାରଣ କରାଯାଇଛି । ସରକାରଙ୍କ କୋଭିଡ୍ କଟକଣା ଯୋଗୁଁ ଏଥର ଗାଁରେ ନମାଜ ପାଠ କରାଯିବ ନାହିଁ । ମସଜିଦରେ କେବଳ ସାମାଜିକ ଦୂରତା ରଖି 8 ରୁ 10 ଜଣ ମଧ୍ୟରେ ନମାଜ ପାଠ କରିବାକୁ ନିଷ୍ପତି ନିଆଯାଇଛି ।

ପବିତ୍ର ରମଜାନ ମାସରେ, ମୁସଲମାନ ଭାଇ ଭଉଣୀମାନେ ରୋଜା ପାଳନ କରନ୍ତି ଏବଂ ନିୟମିତ ଭାବେ ଆଲ୍ଲାଙ୍କୁ ପ୍ରାର୍ଥନା ଓ ପ୍ରଣାମ କରନ୍ତି । ଇମ-ଉଲ-ଫିତର ପର୍ବର ଶୁଭ ଅବସର, ଯାହା ରମଜାନର ସମାପ୍ତିକୁ ଦର୍ଶାଇବା ସହିତ ଭ୍ରାତୃଭାବ ଓ ସୌହାର୍ଦ୍ଦ୍ୟର ଭାବନାକୁ ଦୃଢୀଭୂତ କରିବା ପାଇଁ ଏହାକୁ ଏକ ଉତ୍ସବ ଭାବରେ ପାଳନ କରାଯାଏ । ଇଦ୍-ଉଲ୍-ଫିତର ମଧ୍ୟ ଆମମାନଙ୍କୁ ମାନବ ସମାଜର ସେବାରେ ନିଜକୁ ପୁନଃ ଉତ୍ସର୍ଗ କରିବା ଏବଂ ଆବଶ୍ୟକ କରୁଥିବା ଲୋକଙ୍କ ଜୀବନରେ ଉନ୍ନତି ଆଣିବା ଲାଗି ଏକ ସୁଯୋଗ ଦେଇଥାଏ ।

ଏଇ ପର୍ବରେ ଆଲ୍ଲାଙ୍କୁ କୃତଜ୍ଞତା ଜ୍ଞାପନ କରିବା ସହିତ ଭୋଜି-ଭାତ ସହିତ ଅନେକ ସୁସ୍ୱାଦୁ ଭୋଜନର ମଜା ନେଇଥାନ୍ତି ମୁସଲମାନ ଭାଇ ଭଉଣୀମାନେ । ଏହାଛଡ଼ା ନୂଆ ପୋଷାକ, ସାଙ୍ଗସାଥି, ଜ୍ଞାତି-କୁଟୁମ୍ବଙ୍କ ଭିତରେ ଉପହାରର ଆଦାନ ପ୍ରଦାନ କରିଥାନ୍ତି । ମୁସଲମାନ ଭାଇ ଭାଉଣୀଙ୍କୁ ଆଜିର ଦିନରେ ଶୁଭେଛା ଜଣାଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ରାଷ୍ଟ୍ରପତି କହିଛନ୍ତି ଇଦ୍-ଉଲ୍-ଫିତର ଅବସରରେ ମୁଁ ସମସ୍ତ ଦେଶବାସୀ ବିଶେଷ କରି ମୁସଲମାନ ଭାଇ ଓ ଭଉଣୀମାନଙ୍କୁ ଶୁଭେଚ୍ଛା ଓ ଶୁଭକାମନା ଜଣାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ମଧ୍ୟ ଶୁଭେଛା ଜଣାଇଛନ୍ତି ।

ନେପାଳ ରାଜନୈତିକ ସଙ୍କଟରେ ପୂର୍ଣ୍ଣଚ୍ଛେଦ, କ୍ଷମତାରେ ପୁଣି କେପି ଶର୍ମା ଓଲି

କାଠମାଣ୍ଡୁ: ନେପାଳ ରାଜନୈତିକ ସଙ୍କଟରେ ପୂର୍ଣ୍ଣଚ୍ଛେଦ। କ୍ଷମତା ହରାଇଥିବା ପ୍ରଧାନମନ୍ତ୍ରୀ ପୁଣି ଥରେ କ୍ଷମତାସୀନ ହୋଇଛନ୍ତି । ଗାଦି ପାଇଁ ଲାଗିଥିବା ବାଜିକୁ ଜିତିନେଇଛନ୍ତି କେପି ଶର୍ମା ଓଲି । ଅର୍ଥାତ ପୁଣି ଥରେ ନେପାଳର ପ୍ରଧାନମନ୍ତ୍ରୀ ହୋଇଛନ୍ତି କେ ପି ଶର୍ମା ଓଲି । ରାଷ୍ଟ୍ରପତି ବିଦ୍ୟାଦେବୀ ଭଣ୍ଡାରୀ ଓଲିଙ୍କୁ ପ୍ରଧାନମନ୍ତ୍ରୀ ପଦ ପାଇଁ ନିଯୁକ୍ତି କରିଛନ୍ତି । ବିରୋଧୀ ଦଳ ନେପାଳ କଂଗ୍ରେସ ଓ କମ୍ୟୁନିଷ୍ଟ ପାର୍ଟି ଅଫ ନେପାଳ ସଂସଦରେ ବହୁମତ ସାବ୍ୟସ୍ତ କରିବାରେ ଫେଲ ମାରିବାରୁ ରାଷ୍ଟ୍ରପତି ଏଭଳି ନିଷ୍ପତ୍ତି ନେଇଛନ୍ତି ।

ସମ୍ବିଧାନ ଧାରା ୭୬ (୨) ଅନୁଯାୟୀ ବିରୋଧୀ ବହୁମତ ହାସଲ କରିବାରେ ବିଫଳ ହେବାରୁ ଧାରା ୭୬ (୩) ଅନୁସାରେ କେ ପି ଶର୍ମା ଓଲିଙ୍କୁ ନିଯୁକ୍ତି ଦେଇଛନ୍ତି ରାଷ୍ଟ୍ରପତି ବିଦ୍ୟାଦେବୀ ଭଣ୍ଡାରୀ । ଗତ ୧୦ ତାରିଖରେ ଓଲିଙ୍କ ବିରୋଧରେ ବହୁମତ ନଥିବା ଅଭିଯୋଗ ଆଣିଥିଲେ ବିରୋଧି ଦଳ । ପରେ ଅସ୍ଥା ଭୋଟରେ ବହୁମତ ସାବସ୍ତ୍ୟ କରିବାରେ ବିଫଳ ହୋଇଥିଲେ ଓଲି ସରକାର ।

ସୂଚନା ମୁତାବକ ଲଦାଖ ଘଟଣାକୁ ନେଇ ଭାରତ-ଚୀନ ଯେତେବେଳେ ମହାମୁହିଁ ହୁଅନ୍ତି । ସେହି ସମୟରେ ନେପାଳ ପ୍ରଧାନମନ୍ତ୍ରୀ କେପି ଶର୍ମା ଓଲି ଚୀନକୁ ସମର୍ଥନ କରନ୍ତି । ଚୀନ ସପକ୍ଷରେ ଯୁକ୍ତି ବାଢନ୍ତି । ସେହିପରି ଭାରତର କିଛି ଅଞ୍ଚଳକୁ ନେପାଳ ମାନଚିତ୍ରରେ ସ୍ଥାନ ଦେଇ ନିଜର ବୋଲି ମିଥ୍ୟା ଯୁକ୍ତି ମଧ୍ୟ ବାଢନ୍ତି । ଓଲିଙ୍କ ଚାଇନା ପ୍ରେମକୁ ବିରୋଧ କରି ପ୍ରଥମେ ବିରୋଦ କରେ ସରକାରକୁ ସମର୍ଥନ କରୁଥିବା ପ୍ରଚଣ୍ଡ ନୀତ ଦଳ ।

ପରବର୍ତ୍ତୀ ସମୟରେ ପ୍ରଟଣ୍ଡ ନୀତଚ ଦଳ କେପି ଶର୍ମାଙ୍କ ଦଳରୁ ସମର୍ଥନ ପ୍ରତ୍ୟାହାର କରିନେଇଥିଲେ । ଏବଂ କେ ପି ଶର୍ମାଙ୍କ ମନମୁଖୀ ଶାସନରେ ଅତିଷ୍ଟ ହୋଇ ରାଷ୍ଟ୍ରବାଦୀ କଂଗ୍ରେସ ପାର୍ଟି ମଧ୍ୟ ସମର୍ଥନ ହଟାଇ ନେଇଥିଲେ । ଫଳରେ ଦଳର ସିଟ ସଂଖ୍ୟା ୧୨୧ କୁ ଖସି ଆସିଥିଲା । ବିପକ୍ଷ ଦଳ ଆସ୍ଥା ଭୋଟ ପାଇଁ ସଂସଦରେ ପ୍ରସ୍ତାବ ଦେବା ପରେ ଆଜି ଗୃହରେ ବିଶ୍ୱାସ ଭୋଟ ପଡିଥିଲା । ଏବଂ କେପି ଶର୍ମାଙ୍କ କମ୍ୟୁନିଷ୍ଟ ପାର୍ଟି ବହୁମତ ପାଇଁ ଆବଶ୍ୟକ ହେଉଥିବା ୨୭୫ ଭୋଟ ପାଇବାରେ ବିଫଳ ହୋଇଛନ୍ତି ।

ଦ୍ୱିତୀୟ ଡୋଜ୍ ନେବାରେ ବିଳମ୍ବ ହେଲେ କ’ଣ ହେବ?

କରୋନା ମହାମାରୀ ବିରୁଦ୍ଧରେ ଲଢ଼େଇ ପାଇଁ ଏବେ ସାରା ଦେଶରେ ଟାକାକରଣ ଚାଲିଛି । ଟିକା ହିଁ ଏକମାତ୍ର ସଞ୍ଜିବନୀ ଯାହା ଆମକୁ କରୋନା ଦାଉରୁ ରକ୍ଷା କରିପାରିବ। ହେଲେ ଟିକାର ଅଭାବ ଯୋଗୁ ଦେଶର ଅନେକ ସ୍ଥାନରେ ଟିକାକରଣ ବନ୍ଦ ରହିଛି। ଏଭଳି ପରିସ୍ଥିତିରେ ଯେଉଁ ବ୍ୟକ୍ତିମାନେ ପ୍ରଥମ ଡୋଜ ନେଇ ସାରିଛନ୍ତି ଏବଂ ଦ୍ୱିତୀୟ ଡୋଜ୍ ପାଇଁ ଅପେକ୍ଷା କରିଛନ୍ତି ସେମାନେ ଏକପ୍ରକାରର ଭୟବୀତ ହେଉଥିବା ଦେଖିବାକୁ ମିଳିଛି। ମନେରେ ନାନା ପ୍ରଶ୍ନ ମଧ୍ୟ ଆସୁଛି । ଯେମିତି କି ଯଦି ସମୟରେ ଦ୍ୱିତୀୟ ଡୋଜ ନ ଦିଆଯାଏ ତେବେ କ’ଣ ପୁଣିଥରେ ପ୍ରଥମ ଡେଜ୍ ନେବାକୁ ପଡ଼ିବ । ଏମିତି ହେଲେ କଣ ଜଣେ ବ୍ୟକ୍ତିଙ୍କୁ ୩ଟି ଡୋଜ ନେବାକୁ ପଡ଼ିବ କି? ଅନେକ ଲୋକ ଏଭଳି ଦ୍ୱନ୍ଦରେ ପଡ଼ିଛନ୍ତି। ତେବେ ଆଜି ଆମେ ଆପଣଙ୍କ ସମସ୍ତ ପ୍ରଶନର ଉତ୍ତର ଦେବୁ।

ବର୍ତ୍ତମାନ ଦେଶରେ ୨ଟି ଟିକା କୋଭାକ୍ସିନ ଓ କୋଭିସିଲ୍ଡ ହିଁ ଦିଆଯାଉଛି। ତେବେ ନିୟମ ଅନୁଯାୟୀ ଆପଣ ଯଦି କୋଭାକ୍ସିନ ଟିକା ନେଇଛନ୍ତି ତେବେ ପ୍ରଥମ ଟିକାର ୪ ରୁ ୬ ସପ୍ତାହ ମଧ୍ୟରେ ଆପଣଙ୍କୁ ଦ୍ୱିତୀୟ ଡୋଜ୍ ନେବାକୁ ହେବ । ଏବଂ ସେହିଭଳି ଯଦି ଆପଣ କୋଭିସିଲ୍ଡ ନେଇଛନ୍ତି ତେବେ ଏଥିପାଇଁ ଦ୍ୱିତୀୟ ଡୋଜ ୬ରୁ ୮ ସପ୍ତାହ ମଧ୍ୟରେ ନେବାର ନିୟମ ରହିଛି । ଯଦି ଆପଣଙ୍କର ଦ୍ୱିତୀୟ ଡୋଜର ସମୟ ହୋଇଯାଇଛି ତଥାପି କୌଣସି କାରଣରୁ ଆପଣ ଟିକା ନେଇ ପାରୁ ନାହାଁନ୍ତି ତେବେ ଚିନ୍ତା କରନ୍ତୁ ନାହିଁ । ଏଭଳି ଭାବନ୍ତୁ ନାହିଁ ଯେ ଆପଣଙ୍କ ପ୍ରଥମ ଡୋଜ ବେକାର ହୋଇଗଲା ବୋଲି । ବିଷେଶଜ୍ଞଙ୍କ କହିବା କଥା ଯେ ଦ୍ୱିତୀୟ ଡୋଜରେ ବିଳମ୍ବର ଅର୍ଥ ନୁହେଁ ଯେ ଆପଣଙ୍କୁ ପୁଣିଥରେ ନୂଆ କରି ପ୍ରଥମ ଡେଜ ନେବାକୁ ହେବ। ଆପଣ ୬ ସପ୍ତାହ ବଦଳରେ ଯଦି ୮ରୁ ୧୦ ସପ୍ତାହ ହୋଇଯାଏ ତେବେ ବି ଆପଣ ଦ୍ୱିତୀୟ ଡୋଜ୍ ଟିକା ନେଇପାରିବେ।

ଅନ୍ୟପଟେ ବର୍ତ୍ତମାନ କୋଭିସିଲ୍ଡ ଟିକାର ସମୟସିମାକୁ ବଢ଼ାଯାଇପାରେ । ସରକାରୀ ପ୍ୟାନେଲ୍ ଏନଟିଏଜିଆଇ ଏହାକୁ ୧୨ରୁ ୧୬ ସପ୍ତାହ ପର୍ଯ୍ୟନ୍ତ ବଢ଼ାଇବାକୁ ପ୍ରସ୍ତାବ ଦେଇଛି । ତେଣୁ ଚିନ୍ତା କରିବାର ଆଦୌ ଆବଶ୍ୟ ନାହିଁ । ଟିକା ନେବାରେ ବିଳମ୍ବ ହେଲେ ବି ଆପଣଙ୍କ ପ୍ରଥମ ଡେଜ୍ ବେକାର ଯିବ ନାହିଁ । ଆପଣ ୨ସପ୍ତାହ ବିଳମ୍ବରେ ମଧ୍ୟ ୨ୟ ଡୋଜ ନେଇପାରିବେ ।

ତେବେ ଆସନ୍ତୁ ଜାଣିବା ଦ୍ୱିତୀୟ ଡୋଜ୍ କାହିଁକି?

ପୁଣେସ୍ଥିତ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ସାଇଣ୍ଟିଫିକ୍ ଏଜୁକେସନ୍ ଆଣ୍ଡ ରିସର୍ଚ୍ଚ ବା IISERର ଡକ୍ଟର ବିନିତା ବଳ କହିଛନ୍ତି ଯେ ଟିକାକରଣର ପ୍ରଥମ ଡୋଜ୍ ଦିଆଯିବା ମାତ୍ରେ କରୋନା ଜୀବାଣୁ ପ୍ରତି ରୋଗ ପ୍ରତିରୋଧକ ଶକ୍ତି ସୃଷ୍ଟି ହେବାକୁ ଲାଗେ, ଯାହା ଦ୍ୱିତୀୟ ଡୋଜ ନେବାରେ ବିଳମ୍ବ ହେଲେ ଶେଷ ହୋଇଯାଏନି। କେବଳ କଥା ହେଉଛି ଯେପର୍ଯ୍ୟନ୍ତ ଆପଣ ଅନ୍ୟ ଏକ ଡୋଜ ନ ନିଅନ୍ତି, ସେପର୍ଯ୍ୟନ୍ତ ଆପଣଙ୍କ ଶରୀରରେ ପର୍ଯ୍ୟାପ୍ତ ପରିମାଣର ରୋଗ ପ୍ରତିରୋଧକ ଶକ୍ତି ଉତ୍ପାଦନ ହୋଇପାରେ ନାହିଁ । ତେଣୁ, ଦ୍ୱିତୀୟ ଡୋଜ୍ ନେବା ନିହାତି ଜରୁରୀ । ସେ କହିଛନ୍ତି ଯେ ଦ୍ୱିତୀୟ ଡୋଜ ପ୍ରଥମ ଡୋଜର କ୍ୱାଲିଟି ଏବଂ କ୍ୱାଣ୍ଟିଟିକୁ ବଢ଼ାଇଥାଏ। ସେ କହିଛନ୍ତି ଯେ ଟିକା ଦ୍ୱରା ଶରୀରରେ ଯେଉଁ ଆଣ୍ଟିବଡିଗୁଡିକ ସୃଷ୍ଟି ହୁଏ ଏଗୁଡ଼ିକ ହେଉଛି ପ୍ରୋଟିନ୍, ଯାହା ବ୍ୟବହାର ହେଉ କିମ୍ବା ନହେଉ, ସମୟ ସହିତ କ୍ରମେ କ୍ଷୟ ହୋଇଥାଏ। ସାଧାରଣତଃ ଏହା ୪ରୁ ୫ ମାସପରେ ହିଁ କ୍ଷୟ ହେବାକୁ ଲାଗେ ।

୪୨ ଲକ୍ଷ କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀଙ୍କୁ ଶୁକ୍ରବାର ମିଳିବ ‘କାଳିଆ’ର ପଞ୍ଚମ କିସ୍ତି

ଭୁବନେଶ୍ୱର: ଅକ୍ଷୟ ତୃତୀୟା ପୂର୍ବରୁ ଚାଷୀଙ୍କୁ ମିଳିବ ‘କାଳିଆ’ଟଙ୍କା । ଆସନ୍ତାକାଲି ଶୁକ୍ରବାର ଅପରାହ୍ଣ ୫ଟାରେ ମିଳିବ ଅର୍ଥ । କାଳିଆ ଯୋଜନାର ପଞ୍ଚମ ପର୍ଯ୍ୟାୟ କିସ୍ତି ଅର୍ଥ ମିଳିବ । ମୁଖ୍ୟମନ୍ତ୍ରୀ ପ୍ରାୟ ୯ ଶହ ୨୦ କୋଟି ଟଙ୍କା ଏଥିପାଇଁ ମଞ୍ଜୁର କରିବେ । ୪୨ ଲକ୍ଷ କ୍ଷୁଦ୍ର, ନାମମାତ୍ର ଓ ଭୂମିହୀନ ଚାଷୀ ଉପକୃତ ହେବେ । ସେମାନଙ୍କ ଭିତରେ ୩୬ ଲକ୍ଷ ୯୮ ହଜାର ହେଉଛନ୍ତି କ୍ଷୁଦ୍ର ଓ ନାମମାତ୍ର ଚାଷୀ ।

CM Naveen Patnaik To Distribute Financial Assistance 42 Lakh Farmer Under Kalia Scheme
FILE

ଏମାନଙ୍କ ଭିତରେ ଦେଢ଼ ଲକ୍ଷ ଚାଷୀ ପୁରୀ ଜିଲ୍ଲାର ଅଛନ୍ତି । ଏମାନେ ଗତଥର କିସ୍ତି, ପିପିଲି ନିର୍ବାଚନ ଆରଚରଣ ବିଧି ଯୋଗୁଁ ପାଇନଥିଲେ । ବାକି ୪ ଲକ୍ଷ ୮୮ ହଜାର ହେଉଛନ୍ତି ଭୂମିହୀନ ଚାଷୀ । ସେମାନଙ୍କୁ ଅଢେଇ ହଜାର ଲେଖାଁଏ ଟଙ୍କା ମିଳିବ । ଫେବ୍ରୁଆରୀ ମାସରେ ୫୩ ଲକ୍ଷ ଚାଷୀଙ୍କୁ ୧୨ ଶହ ୭୨ କୋଟି ଟଙ୍କା ମିଳିଥିବା ବେଳେ ଏପ୍ରିଲ ମାସରେ ୩୪ ଲକ୍ଷ ଚାଷୀଙ୍କୁ ୬ ଶହ ୯୩ କୋଟି ୯୪ ଲକ୍ଷ ଟଙ୍କା ମିଳିଥିଲା  ।

ମହାମାରୀ ସମୟରେ ମିଛ ଖବର, ଜଣଙ୍କୁ ଗିରଫ କଲା ପୋଲିସ

ରାଉରକେଲା: କରୋନା ବିରୋଧରେ ସଂଘର୍ଷ ଜାରି ରହିଛି । କରୋନା ଆକ୍ରାନ୍ତଙ୍କୁ ବଞ୍ଚାଇବା ଲାଗି ଦିନରାତି ପରିଶ୍ରମ କରୁଛନ୍ତି ଡାକ୍ତର ଓ ସ୍ୱାସ୍ଥ୍ୟକର୍ମୀ । ହେଲେ କିଛି ନ୍ୟସ୍ତ ସ୍ୱାର୍ଥ ବ୍ୟକ୍ତି ସୋସିଆଲ୍ ମିଡିଆରେ ବାରମ୍ବାର ଗୁଜବ ସୃଷ୍ଟି କରୁଛନ୍ତି । ଏଭଳି ଗୁଜବ କରୁଥିବା ଜଣେ ବ୍ୟକ୍ତିଙ୍କୁ ଗିରଫ କରିଛି ରାଉରକେଲା ଉଦିତନଗର ଥାନା ପୋଲିସ । ଗିରଫ ବ୍ୟକ୍ତିଙ୍କ ବିରୋଧରେ ଅପରାଧିକ ମାମଲା ରୁଜୁ କରାଯାଇଛି ।

ଗିରଫ ବ୍ୟକ୍ତି ଜଣଙ୍କ ଆପନା ରାଉରକେଲା ନାମକ ଏକ ଫେସବୁକ୍ ପେଜରେ ମିଥ୍ୟା ଖବର ପୋଷ୍ଟ କରିଥିଲେ । ଯେଉଁଥିରେ ସେ ଜଣେ ଡାକ୍ତରଙ୍କ ଫଟୋ ପୋଷ୍ଟ କରିବା ସହ ଲେଖିଥିଲେ- ‘ଉଦିତନଗର କୋଭିଡ୍ ହସ୍ପିଟାଲରେ କାର୍ଯ୍ୟରତ ଡକ୍ଟର ଏଚ.ଏ ଖାନ୍ ପ୍ରାଣ ହରାଇଛନ୍ତି ।’ ଏଭଳି ମିଛି ଖବର ଦେଇ ସେ ସୋସିଆଲ୍ ମିଡିଆରେ ଲୋକଙ୍କ ମନରେ ଭୟ ସୃଷ୍ଟି କରିଥିଲେ ।

ରାଉରକେଲା ସହରର ଜଣାଶୁଣା ଡକ୍ଟର ଏଚ.ଏ ଖାନ୍ ଏବେ ଶାନ୍ତି ମେମୋରିଆଲ୍ କୋଭିଡ୍ ହସ୍ପିଟାଲରେ କାର୍ଯ୍ୟରତ ଅଛନ୍ତି । ତାଙ୍କ ମୃତ୍ୟୁ ଖବର ସମ୍ପୂର୍ଣ୍ଣ ମିଛ । ସେ ଏବେ ସୁସ୍ଥ ଅଛନ୍ତି ଏବଂ କୋଭିଡ୍ ଆକ୍ରାନ୍ତଙ୍କ ସେବା କରୁଛନ୍ତି ବୋଲି ରାଉରକେଲା ଏସପି ସୂଚନା ଦେଇଛନ୍ତି ।

୨ ବର୍ଷରୁ ଅଧିକ ବୟସର ଛୁଆ ପିନ୍ଧିବେ ମାସ୍କ, ପରାମର୍ଶ ଦେଲା ସ୍ୱାସ୍ଥ୍ୟ ବିଭାଗ

ଭୁବନେଶ୍ୱର: ରାଜ୍ୟରେ ବଢ଼ୁଛି କରୋନା ସଂକ୍ରମଣ ମାମଲା । କରୋନାର ଦ୍ୱିତୀୟ ପ୍ରବାହକୁ ନେଇ ରାଜ୍ୟ ସ୍ୱାସ୍ଥ୍ୟ ବିଭାଗ ଆଡଭାଇଜରୀ ଜାରି କରିଛି । ଆଡଭାଇଜରୀ ଅନୁସାରେ, ଗର୍ଭବତୀ ଓ ଶିଶୁଙ୍କ ପାଇଁ ସମସ୍ତ ପ୍ରକାର ଟିକାକରଣ ଜାରି ରହିବ । କୋଭିଡର ଦ୍ୱିତୀୟ ଲହରରେ ଛୁଆ ବି ସଂକ୍ରମିତ ହେଉଛନ୍ତି । ଏହାକୁ ଦୃଷ୍ଟିରେ ରଖି ୨ ବର୍ଷରୁ ଅଧିକ ବର୍ଷର ଛୁଆଙ୍କୁ ଘରୁ ବାହାରକୁ ନେବା ବେଳେ ମାସ୍କ ପିନ୍ଧାଇବାକୁ ପରାମର୍ଶ ଦିଆଯାଇଛି ।

ଏଥିସହ ଚଳିତ ଲହରରେ ଡାଇରିଆ, ବାନ୍ତି, ପେଟ ବ୍ୟଥା ଭଳି ନୂଆ ଲକ୍ଷଣ ଦେଖାଦେଉଛି । ପୂର୍ବରୁ ଥଣ୍ଡା, କଫ, ଜର, ସ୍ୱାଦ ଓ ଗନ୍ଧ ବାରି ନପାରିବା ଆଦି ଲକ୍ଷଣ ଦେଖା ଦେଉଥିଲା । ଯ କୌଣସି ବୟସର, ଯେ କୌଣସି ବ୍ୟକ୍ତିଙ୍କ ଠାରେ ଲକ୍ଷଣ ଦେଖା ଗଲେ ତୁରନ୍ତ ଟେଷ୍ଟିଂ କରି ଆଇସୋଲେସନରେ ରହିବାକୁ କୁହାଯାଇଛି ।

ଏଥିସହ ୨୦ ସେକେଣ୍ଡ ପରିବର୍ତ୍ତେ ସାବୁନରେ ୪୦ ସେକେଣ୍ଡ ଯାଏ ହାତ ଧୋଇବାକୁ କୁହାଯାଇଛି । ଆବଶ୍ୟକ ନଥିଲେ ମୁହଁ, ନାକ ଓ ଆଖିକୁ ଛୁଇଁବାରୁ ଦୂରେଇ ରୁହନ୍ତୁ । ୧୮ ବର୍ଷରୁ ଅଧିକ ସମସ୍ତ ବୟସ୍କଙ୍କୁ କୋଭିଡ୍ ଟିକା ଉପରେ ଗୁରୁତ୍ୱ ଦିଆଯାଇଛି ।

ଜଙ୍ଗଲ, ବ୍ୟାଙ୍କ ଓ ରେଲୱେ ଷ୍ଟାଫ ଆଗଧାଡ଼ି କର୍ମଚାରୀ, ଟିକାକରଣରେ ଦିଆଯିବ ପ୍ରାଧାନ୍ୟ

ଭୁବନେଶ୍ୱର: ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିବା ଷ୍ଟେଟ୍ ଷ୍ଟିୟରିଂ କମିଟି ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । କରୋନା ଟିକାକରଣରେ ଆଉ କିଛି ବିଭାଗର କର୍ମଚାରୀଙ୍କୁ ଆଗଧାଡ଼ିର କର୍ମଚାରୀ ମାନ୍ୟତା ଦିଆଯାଇ ପ୍ରାଧାନ୍ୟ ଦିଆଯାଇଛି । ଏନେଇ ଅତିରିକ୍ତ ମୁଖ୍ୟ ଶାସନ ସଚିବ, ସ୍ୱାସ୍ଥ୍ୟ ବିଭାଗ ପ୍ରଦୀପ୍ତ ମହାପାତ୍ର ସମସ୍ତ ଜିଲ୍ଲାପାଳ ଏବଂ ମହାନଗର ନିଗମ କମିଶନରଙ୍କୁ ଚିଠି ଲେଖିଛନ୍ତି ।

  • ବନ ବିଭାଗ କର୍ମଚାରୀ ଏବଂ ଫରେଷ୍ଟ ଗାର୍ଡ
  • ବ୍ୟାଙ୍କିଂ ଷ୍ଟାଫ୍, ଜୀବନ ବୀମା କମ୍ପାନୀ, ଆର୍ଥିକ ନେଣଦେଣ ସଂସ୍ଥାର କର୍ମଚାରୀ, ଏଟିଏମ୍ ପରିଚାଳନାରେ ଜଡ଼଼ିତ କର୍ମଚାରୀ,
  • ରେଲୱେ ଷ୍ଟାଫ
  • ଜିଲ୍ଲା ଶିଶୁ ସୁରକ୍ଷା ୟୁନିଟ୍, ଚାଇଲ୍ଡ ଲାଇନ୍ କର୍ମଚାରୀ, ୧୮୧ ହେଲ୍ପଲାଇନ୍ କର୍ମଚାରୀ, ୱାନ୍ ଷ୍ଟପ୍ ସେଣ୍ଟର କର୍ମଚାରୀ
  • ଅକ୍ସିଜେନ୍ ପ୍ଲାଣ୍ଟ କର୍ମଚାରୀ
  • ଫିଲିଂ ଷ୍ଟେସନ୍ କର୍ମଚାରୀ, କଲ୍ ସେଣ୍ଟର କର୍ମଚାରୀ

ଏମାନଙ୍କ ସହ ସରକାରୀ ପଶୁ ଡାକ୍ତର, ଏଲ୍ଆଇ, ପାରା-ଭେଟେନାରିଆନଙ୍କୁ ଆଗଧାଡ଼ି କର୍ମଚାରୀ ଭାବେ କୋଭିଡ୍ ଟିକାକରଣରେ ପ୍ରାଥମିକତା ଦିଆଯିବ । ତେବେ ପ୍ରଥମେ ଦ୍ୱିତୀୟ ଡୋଜ୍ ଟିକା ପାଇଁ ଅପେକ୍ଷା କରିଥିବା ବ୍ୟକ୍ତି ଭ୍ୟାକ୍ସିନ୍ ନେବେ । ଟିକାର ଉପଲବ୍ଧତା ଆଧାରେ ଭ୍ୟାକ୍ସିନ୍ ଦେବାକୁ ନିର୍ଦ୍ଦେଶ ରହିଛି ।