spot_img
Home Blog Page 5823

ସ୍ୱର୍ଣ୍ଣପଦକ ବିଜେତା ହକି ଖେଳାଳି ରବିନ୍ଦ୍ର ପାଲ୍ ସିଂଙ୍କର କରୋନାରେ ଦେହାନ୍ତ

ମୋସ୍କୋ ଓଲମ୍ପିକ୍ସରେ ଗୋଲ୍ଡ ମେଡାଲ ଜିତିଥିବା ହକି ଟିମ୍‌ର ଜବରଦସ୍ତ ଖେଳାଳୀ ରବିନ୍ଦ୍ର ପାଲ୍ ସିଂ ଆଉ ଏ ଦୁନିଆରେ ନାହାନ୍ତି । ତାଙ୍କର କରୋନାରେ ମୃତ୍ୟୁ ହୋଇଯାଇଛି । ସେ ଭାରତୀୟ ହକି ଦଳର ଜଣେ ପୂର୍ବତନ ସଦସ୍ୟ ଥିଲେ । ତାସହ ୧୯୮୦ ମସିହାରେ ହୋଇଥିବା ମୋସ୍କୋ ଓଲମ୍ପିକ୍ସରେ ସେ ସ୍ୱର୍ଣ୍ଣପଦକ ଜିତିଥିଲେ । ସେ ଲକ୍ଷେ୍ନୌାର ଏକମାତ୍ର ଖେଳାଳୀ ଥିଲେ ଯିଏକି ଦୁଇଟି ଓଲମ୍ପିକ୍ସରେ ଭାରତୀୟ ହକି ଦଳର ପ୍ରତିନିଧିତ୍ୱ କରିଥିଲେ । କିନ୍ତୁ ପ୍ରାୟ ୨ ସପ୍ତାହ ଧରି କରୋନା ସଂକ୍ରମିତ ହେବା ପରେ ଶନିବାର ସକାଳେ ଲକ୍ଷେ୍ନୌାରେ ତାଙ୍କର ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୬୦ବର୍ଷ ବୟସ ହୋଇଥିଲା ।

ରବିନ୍ଦର ପାଲ୍ ଅପ୍ରେଲ ମାସରେ କରୋନା ଦ୍ୱାରା ସଂକ୍ରମିତ ହେବାରୁ ଲକ୍ଷେ୍ନୌାର ବିବେକାନନ୍ଦ ହସ୍ପିଟାଲରେ ଭର୍ତି ହୋଇଥିଲେ । ତାଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସିବାରୁ ତାଙ୍କୁ କୋଭିଡ ୱାର୍ଡରୁ ସ୍ଥାନାନ୍ତରିତ କରାଯାଇଥିଲା । ହେଲେ ଶୁକ୍ରବାର ଦିନ ତାଙ୍କ ସ୍ୱାସ୍ଥ୍ୟବସ୍ଥା ଖରାପ ହେବାରୁ ତାଙ୍କୁ ଭେଣ୍ଟିଲେଟରରେ ରଖିବାକୁ ପଡିଥିଲା । ଆଉ ଶନିବାର ଦିନ ତାଙ୍କର ମୃତ୍ୟୁ ହୋଇଛି ବୋଲି ସୂଚନା ମିଳିଛି । ହକିରେ କେବଳ ଅଲମ୍ପିକ୍ସ ନୁହଁ ବରଂ ଚାମ୍ପିଅନ୍ସ ଟ୍ରଫି,ବିଶ୍ୱକପ୍ ଓ ଏସିଆ କପ୍‌ରେ ବି ତାଙ୍କର ପ୍ରଦର୍ଶନ ଦେଖିବାକୁ ମିଳିଥିଲା ।

କଏଦୀ ମାନଙ୍କୁ ତୁରନ୍ତ ମୁକୁଳାଇବାକୁ ନିର୍ଦ୍ଦେଶ ଦେଲେ ସୁପ୍ରିମକୋର୍ଟ

ନୂଆଦିଲ୍ଲୀ: କୋଭିଡ୍‌ ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ସୁପ୍ରିମକୋର୍ଟଙ୍କ ଗୁରୁତ୍ବପୂର୍ଣ୍ଣ ନିର୍ଦ୍ଦେଶ । କଏଦୀ ମାନଙ୍କୁ ତୁରନ୍ତ ମୁକୁଳାଇବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ। ରାଜ୍ୟମାନଙ୍କ ଦ୍ବାରା ଗଠିତ ଉଚ୍ଚକ୍ଷମତା ସଂପନ୍ନ କମିଟିକୁ ସର୍ବୋଚ୍ଚ ଅଦାଲତ ଏହି ନିର୍ଦ୍ଦେଶ ଦେଇଛନ୍ତି ।

୨୦୨୦ରେ ଯେଉଁ କଏଦୀ ମାନଙ୍କୁ କୋଭିଡ ସକାଶେ ମୁକ୍ତ କରାଯାଇଥିଲା ଓ ପରେ ଫେରିଥିଲେ, ସେମାନଙ୍କୁ ଏବେ ପୁଣି ଥରେ ଛାଡ଼ିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଏହାସହ ଉପଯୁକ୍ତ ଗାଇଡଲାଇନ ଆଧାରରେ ନୂଆ କଏଦୀମାନଙ୍କୁ ମଧ୍ୟ ମୁକ୍ତ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଜାତୀୟ ଆଇନ ସେବା ପ୍ରାଧିକରଣ ଗାଇଡଲାଇନ ଅନୁସାରେ ନୂଆ କଏଦୀମାନଙ୍କୁ ମୁକ୍ତ କରିବାକୁ କୁହାଯାଇଛି। ଯେଉଁ ରାଜ୍ୟଗୁଡିକ ଉଚ୍ଚକ୍ଷମତା ସଂପନ୍ନ କମିଟି ଗଠନ କରିନାହାନ୍ତି, ସେମାନେ ତୁରନ୍ତ କମିଟି ଗଠନ କରି ପଦକ୍ଷେପ ନେବାକୁ କୁହାଯାଇଛି ।

ସେହିଭଳି ଯେଉଁମାନେ ପାରୋଲରେ ଯାଇଥିଲେ ସେମାନଙ୍କୁ ପୁଣି ୯୦ ଦିନିଆ ପାରୋଲ ଦେବାକୁ ସୁପ୍ରିମ୍‌କୋର୍ଟ ନିର୍ଦ୍ଦେଶ ଦେଇଛନ୍ତି । କରୋନା ସ୍ଥିତିରେ ଜେଲରେ ବଢୁଥିବା କଏଦୀ ସଂଖ୍ୟାକୁ ଦୃଷ୍ଟିରେ ରଖି କୋର୍ଟ ଆଉ ଏକ ପରାମର୍ଶ ଦେଇଛନ୍ତି ।

ଜେଡିୟୁ ନେତା ତନବୀର ଅଖତର୍‌ଙ୍କ ଦେହାନ୍ତ

କରୋନା କବଳରେ ନେତା ଠୁ ରାଜନେତା । ଜଣଙ୍କ ପରେ ଜଣେ ରାଜନେତାଙ୍କର ପ୍ରାଣ ନେଲାଣି କରୋନା । ଆଉ ଏବେ ପୁଣି ଜଣେ ରାଜନେତା ଆରପାରିରେ । ଜେଡିୟୁ ନେତା ତଥା ବିଧାନ ପରିଷଦ ତନବୀର ଅଖତରଙ୍କ କରୋନାରେ ହୋଇଛି ମୃତ୍ୟୁ । କିଛିଦିନ ତଳେ ତାଙ୍କର ସ୍ୱାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ପାଟନାର ଏକ ହସ୍ପିଟାଲରେ ଭର୍ତି କରା୍‌ଯାଇଥିଲା । ଯେଉଁଠାରେ ସେ ଆଜି ମୃତ ବୋଲି ଜଣାପଡିଛନ୍ତି । ତନବୀର ଅଖତର ଜେଡିୟୁ ସଂଖ୍ୟାଲଘୁ ସେଲର ଦାୟିତ୍ୱରେ ଥିଲେ । ୨୦୧୬ ରେ ବିଧାନସଭା କୋଟାରୁ ତନବୀର ଅଖତର MLC ହୋଇଥିଲେ । ତେବେ ତାଙ୍କର କାର୍ଯ୍ୟକାଳ ଜୁଲାଇ ୨୦୨୨ ପର୍ଯ୍ୟନ୍ତ ଥିଲା ।ତାଙ୍କର ମୃତ୍ୟୁ ଖବର ଶୁଣି ଅନେକ ନେତା ଦୁଃଖ ପ୍ରକାଶ କରିଛନ୍ତି । ମୁଖ୍ୟମନ୍ତ୍ରୀ ନିତିଶ କୁମାର ମଧ୍ୟ ଟୁଇଟ ଜରିଆରେ ଶୋକ ପ୍ରକାଶ କରିଛନ୍ତି । ଅଖତର ଜଣେ କୁଶଳୀ ରାଜନେତା ଥିଲେ ଓ ତାଙ୍କର ମୃତ୍ୟୁ ସାମାଜିକ ଓ ରାଜନୈାତିକି କ୍ଷେତ୍ର ପାଇଁ ଏକ ଅପୂରଣୀୟ କ୍ଷତି । ତାଙ୍କର ଅନ୍ତିମ ସତ୍କାର ରାଜକୀୟ ସମ୍ମାନ ସହିତ କରା୍‌ଯିବା ଉଚିତ୍ ।

ବିହାରରେ ଆମ୍ବୁଲାନ୍ସ ଅଭାବ କିନ୍ତୁ ବିଜେପି ଏମପିଙ୍କ ଅଫିସ ପରିସରରେ ପଡି ରହିଛି ୧୨ରୁ ଅଧିକ ଆମ୍ବୁଲାନ୍ସ

ପାଟନା: କରୋନା ହମଲାରେ ଦେଶ ବେହାଲ । କରୋନା ମୁକାବିଲା କରିବାରେ ଦେଶର ସ୍ୱାସ୍ଥ୍ୟସେବା ଏକରକମ ବିଫଳ ହୋଇଛି କହିଲେ ଭୁଲ ହେବନାହି । ହସ୍ପିଟାଲରେ ବେଡ୍ ଓ ଅକ୍ସିଜେନର ଅଭାବ ସହିତ ଗୁରୁତରଙ୍କୁ ଆମ୍ବୁଲାନ୍ସ ବି ମିଳୁନି । ଏହି ସମୟରେ ଘରୋଇ ଆମ୍ବୁଲାନ୍ସ ସେବା ପ୍ରଦାନକାରୀ ନିଜ ମନମାନ ଚଳାଇଛନ୍ତି । ୩ ଚାରି କିଲୋମିଟର ଯିବାକୁ ୧୦ ହଜାର ଟଙ୍କା ଯାଏ ଦାବି କରୁଥିବା ଖବର ମଧ୍ୟ ଆସୁଛି । ଏହାରି ଭିତରେ ଏମିତି ଗୋଟିଏ ଖବର ଆସିଛି ଯାହା ବିଜେପିକୁ ବ୍ୟାକଫୁଟକୁ ନେଇଛି । ବିହାରର ସାରନ ଲୋକସଭା ସାଂସଦ ରାଜିବ ପ୍ରତାପ ରୁଡ୍ଡିଙ୍କ ଗାଁ ଅମନୌରରେ ସ୍ଥିତ ବାସଭବନରେ ୧୨ ଆମ୍ବୁଲାନ୍ସ ଛିଡା ହୋଇଥିବା ଦେଖିବାକୁ ମିଳିଛି । ବିହାର ସରକାର ରାଜ୍ୟରେ ଆମ୍ବୁଲାନ୍ସ ଅଭାବକୁ ଦେଖି ଗାଇଡ୍ ଲାଇନ୍ ଜାରି କରିଛନ୍ତି । କିନ୍ତୁ ବିଜେପି ସାଂସଦଙ୍କ ଘର ଆଗରେ ତାରପୁଲିନ୍ ଘୋଡା ହୋଇ ଏମିତି ରଖା ଯାଇଛି ଆମ୍ବୁଲାନ୍ସ । ଦେଖନ୍ତୁ କେମିତି ଆମ୍ବୁଲାନ୍ସ ଧାଡି ବାନ୍ଧି ଛିଡା ହୋଇଛନ୍ତି । ରୋଗୀଙ୍କୁ ଯେତେବେଳେ ଆମ୍ବୁଲାନ୍ସ ମିଳୁନି ସେତେବେଳେ ସରକାରୀ ଆମ୍ବୁଲାନ୍ସ ଏମିତି ପଡି ରହିବା କେତେ ଦୁର ଠିକ୍ ?


ଏହି ଘଟଣା ସେତେବେଳେ ସାମ୍ନାକୁ ଆସିଥିଲା ଯେତେବେଳେ ପୂର୍ବତନ ସାଂସଦ ତଥା ଜନ ଅଧିକାର ପାର୍ଟି ମୁଖ୍ୟ ପପ୍ପୁ ଯାଦବ ରୁଡ୍ଡିଙ୍କ ଗାଁରେ ପହଂଚିଥିଲେ । ପପୁ ରୁଡ୍ଡିଙ୍କ ଗାଁରେ ପହଂଚି ଆମ୍ବୁଲାନ୍ସ ଉଦ୍ଧାର କରିଥିଲେ । ପପୁଙ୍କ ଅଭିଯୋଗ ହେଉଛି ସାଂସଦଙ୍କ ଗାଁ ଘରେ ୧୦୦ରୁ ଅଧିକ ଆମ୍ବୁଲାନ୍ସ ଥିଲା । କିନ୍ତୁ ପରେ ସେ ଆସିବା ଖବର ପହଂଚିବା ପରେ ସେସବୁକୁ ଏଠାରୁ ହଟାଇ ଦିଆଯାଇଛି । ଅନ୍ୟପକ୍ଷରେ ରୁଡ୍ଡିଙ୍କ କହିବା ହେଉଛି ଶହେ ନୁହେଁ ୨୦ ଟି ଆମ୍ବୁଲାନ୍ସ ଥିଲା । କିନ୍ତୁ ଡ୍ରାଇଭର ଅଭାବ କାରଣରୁ ଏହି ଆମ୍ବୁଲାନ୍ସ ସବୁକୁ ଅପରେଟ୍ କରି ହେଉନି । ତେବେ ପପୁ ଯାଦବ ରୁଡ୍ଡିଙ୍କ ଡ୍ରାଇଭର ଅଭାବ ଯୁକ୍ତିକୁ ଖଣ୍ଡନ କରିଛନ୍ତି । ଡ୍ରାଇଭର ସେ ଯୋଗାଇ ଦେବେ ବୋଲି ଦାବି କରିଛନ୍ତି । ଏମିତିକି ତାଙ୍କ ସହିତ ଆସିଥିବା କିଛି ବ୍ୟକ୍ତି ନିଜ ଡ୍ରାଇଭିଂ ଲାଇସେନ୍ସ ମଧ୍ୟ ଦେଖାଇଥିଲେ ।

ସାଂସଦ ପାଣ୍ଠିରେ ଏହି ସବୁ ଆମ୍ବୁଲାନ୍ସକୁ କିଣା ଯାଇଥିଲା । ଆମ୍ବୁଲାନ୍ସ ଉପରେ ଏମପିଲାଡ୍-୨୦୧୯ ଲେଖାଯାଇଥିବା ଦେଖିବାକୁ ମିଳୁଛି । ସବୁଠୁ ବଡ କଥା ହେଲେ ଯେତେବେଳେ ଆମ୍ବୁଲାନ୍ସ ପାଇଁ ରୋଗି ହଇରାଣ ହରକତ ହେଉଛନ୍ତି ସେତେବେଳେ ବିନା ବ୍ୟବହାରରେ ଏମିତି ଆମ୍ବୁଲାନ୍ସ ପଡି ରହିବା ମାନବତା ବିରୋଧରେ ଅପରାଧ ନୁହେଁ କି ?

ଭଲ ହେଲେ କିରଣ ଖେର୍ :କ୍ୟାନସର୍ ଡାଇଗ୍ନୋସିସ୍ ପରେ ଆସିଲେ ନଜର..

ଅନୁପମ ଖେର୍‌ଙ୍କ ପତ୍ନୀ କିରଣ ଖେର୍ ସୁସ୍ଥବସ୍ଥାରେ ନଜର ଆସିଲେ । କିରଣଙ୍କ କ୍ୟାନସର ଡାଇଗ୍ନୋସିସ୍ ପରେ ପ୍ରଥମଥର ସେ ନଜର ଆସିଛନ୍ତି । କିନ୍ତୁ ତାଙ୍କ ସ୍ୱାସ୍ଥ୍ୟବସ୍ଥାକୁ ନେଇ ସୋସିଆଲ ମିଡିଆରେ ପୂର୍ବରୁ ଅନେକ ଗୁଜବ ଉଠିଥିଲା । ସେହିଭଳି ମିଛ ଗୁଜବକୁ ପ୍ରଚାର ନ କରି ସତ କଣ ଜାଣନ୍ତୁ ବୋଲି ଅନୁପମ ଖେର୍ ନିଜ ଟୁଇଟ ମାଧ୍ୟମରେ ସୂଚନା ଦେଇଛନ୍ତି । ସେ କହିଛନ୍ତି ଲୋକମାନେ କିଛି ନ ଜାଣି ଏହିଭଳି ଭାବେ ମିଛ ଅପପ୍ରଚାର କରିବା ବିଲକୁଲ ବି ଠିକ୍ ନୁହଁ । ତାସହ ନିଜ ଟୁଇଟ ମାଧ୍ୟମରେ ସେ ପତ୍ନୀ କିରଣ ଖେରଙ୍କ ସ୍ୱାସ୍ଥ୍ୟ ବ୍ୟବସ୍ଥା ବିଷୟରେ ବି ସୂଚନା ଦେଇଛନ୍ତି । କିରଣ ସଂମ୍ପୂର୍ଣ୍ଣ ରୂପେ ଭଲ ଅଛନ୍ତି । ତାସହ ବର୍ତ୍ତମାନର ସ୍ଥିତିରେ କୋଭିଡର ଭ୍ୟାକସିନ ମଧ୍ୟ ସେ ନେଇସାରିଛନ୍ତି ।

ଏପ୍ରିଲ ୧ରେ ଅନୁପମ ଖେର ପତ୍ନୀ କିରଣ ଖେରଙ୍କ ବ୍ଲଡ କ୍ୟାନସର ବିଷୟରେ ସୂଚନା ଦେଇଥିଲେ । ଏବଂ ତାଙ୍କର ଏହି ସୂଚନା ପରେ ହିଁ ସୋସିଆଲ ମିଡିଆରେ ଗୁଜବ ଉଠିଥିଲା । ଅଧିକାଂଶ ୟୁଜରସ୍ କିରଣଙ୍କୁ ମୃତ ବୋଲି ମଧ୍ୟ କହିସାରିଥିଲେ । ସେଥିପାଇଁ ଅନୁପମ ଖେର୍ ନିଜ ପୋଷ୍ଟ ମାଧ୍ୟମରେ ଲୋକଙ୍କୁ ମିଛ ଖବର ପ୍ରଚାର ନ କରିବାକୁ ଅନୁରୋଧ କରିଛନ୍ତି ।

ଦନ୍ତାହାତୀର ଆକ୍ରମଣରେ ଚାଲିଗଲା ୨ ଜୀବନ

ହାତୀ ଆକ୍ରମଣରେ ୨ ମୃତ । ରାଇରଙ୍ଗପୁର ଦୁଧିକଣ୍ଡି ଗ୍ରାମ୍ୟ ର ଦୁଇଜଣ ମହିଳା ଓ ଜଣେ ନାବାଳିକାଙ୍କୁ ଆକ୍ରମଣ କଲା ଦନ୍ତାହାତୀ । ଜଙ୍ଗଲକୁ କାଠ ଓ ପତ୍ର ଆଣିବାକୁ ଯାଇଥିବା ବେଳେ ଆକ୍ରମଣ କରିଥିଲା ଦନ୍ତାହାତୀ । ଘଟଣା ସ୍ଥଳରେ ହିଁ ୨ଜଣଙ୍କର ମୃତ୍ୟୁ ହୋଇଛି । ମୃତକ ହେଲେ ମେଘନା ବନ୍ଧାଣୀ ଓ କାନ୍ଦିରି ମୁର୍ମୁ । ତେବେ ଧାନୀ ବିନ୍ଧାଣି ନାମକ ମହିଳା ଅବସ୍ଥା ଗୁରୁତର ଥିବା ଜଣା ପଡ଼ିଛି।ଖବର ପାଇ ଜଙ୍ଗଲ ବିଭାଗ କର୍ମଚାରୀ ପହଂଚି ଉଦ୍ଧାର କାର୍ଯ୍ୟ ଚଳାଇଥିବା ସୂଚନା ମିଳିଛି।

ବିନା ଭକ୍ତରେ ହେବ ପ୍ରଭୁ ଲିଙ୍ଗରାଜଙ୍କ ଚନ୍ଦନଯାତ୍ରା

ବିନା ଭକ୍ତରେ ହେବ ପ୍ରଭୁ ଲିଙ୍ଗରାଜଙ୍କ ଚନ୍ଦନଯାତ୍ରା। ୧୫ତାରିଖରୁ ୨୨ଦିନ ଧରି ବିନ୍ଦୁ ସାଗରରେ ଚାପିଖେଳିବେ ବାବା ଲିଙ୍ଗରାଜ। ଚାପଖେଳକୁ କୋଭିଡ କଟକଣା ଅନୁଯାୟୀ କରିବାକୁ ବିଏମସିର ମନ୍ଦିର ପ୍ରଶାସନକୁ ନିର୍ଦେଶ। ୧୫ଜଣ ସେବାୟତଙ୍କୁ ନେଇ ହେବ ଯାତ୍ରା। ଗରମ ଗୁଳୁଗୁଳିରେ ଚାପିଖେଳିବେ ମହାପ୍ରଭୁ ଲିଙ୍ଗରାଜ। ଆସନ୍ତା ୧୫ତାରିଖ ଅକ୍ଷୟ ତୃତୀୟରୁ ଚାପଖେଳ ବା ଚନ୍ଦନଯାତ୍ରା ଆରମ୍ଭ ହେବ। ୨୨ଦିନ ଧରି ଚାଲିବ ଏହି ଯାତ୍ରା। ଏହା ପୂର୍ବରୁ ଲିଙ୍ଗରାଜଙ୍କ ଏହି ଯାତ୍ରା ପାଇଁ ଅନୁମତି ମିଳିଛି। କୋଭିଡ କଟକଣା ଭିତରେ ବିନା ଶ୍ରଦ୍ଧାଳୁରେ ଚାପଖେଳ କରିବାକୁ ଗାଇଡ଼ଲାଇନ ଜାରି ହୋଇଛି। ପ୍ରାୟ ୧୪ଟି ନିୟମ କରିଥିବାବେଳେ ଏହାକୁ କିଭକି କଡାକଡି ପାଳନ କରାଯିବ ସେଥିପାଇଁ ମଧ୍ୟ ନିର୍ଦେଶ ରହିଛି। ବିନା ଭକ୍ତରେ ହେବ ଯାତ୍ରା। କେହି ଭକ୍ତ ଏହି ଚାପଖେଳ ରେ ଅଂଶଗ୍ରହଣ କରିବେ ନାହିଁ କି ଦର୍ଶନ କରିବେ ନାହିଁ। ମନ୍ଦିରର ୧୫ଜଣ ସେବାୟତଙ୍କୁ ନେଇ ଚାଲିବ ଚାପଖେଳ। ମନ୍ଦିର ପ୍ରଶାସନ ପକ୍ଷରୁ ଏହି ୧୫ଜଣ ସେବାୟତଙ୍କ ନା ବିଏମସିକୁ ଦିଆଯିବ।

୧୫ଜଣଙ୍କର ଆରଟିପିସିଆର ନେଗେଟିଭ ରିପୋର୍ଟ ପରେ ଚାପଖେଳ ପାଇଁ ମିଳିବ ଅନୁମତି। ଚାପଖେଳ ପାଇଁ ବ୍ୟବହାର ହେବାକୁ ଥିବା ଡ଼ଙ୍ଗାକୁ ସମ୍ପୂର୍ଣ୍ଣ ସାନିଟାଇଜ କରାଯିବ। ଏନେଇ ମନ୍ଦିର ପ୍ରଶାସନ ବିଏମସି ସହ ଯୋଗାଯୋଗ କରି କିଭଳି ସାନିଟାଇଜ କରିବେ ସେ ବ୍ୟବସ୍ଥା କରିବେ। ପୂଜା, ଯାତ୍ରା ସମୟରେ ନୀତିକାନ୍ତିରେ ନିୟୋଜିତ ସେବାୟତ ସର୍ବଦା ମାସ୍କ ପିନ୍ଧିବେ। ଏହା ସହ ୬ଫୁଟ ଦୂରତା ମଧ୍ୟ ସମ୍ଭବତଃ ବଜାୟ ରଖିବେ। ପାନ ଗୁଟକା ଖାଇବା ଓ ଛେପ ପକାଇ ପାରିବେ ନାହିଁ କୌଣସି ସେବାୟତ। ଥର୍ମାଲ ସ୍କ୍ରିନିଂ ସାଙ୍ଗକୁ ହାତ ଧୋଇବା, ସାନିଟାଇଜ ହେବା ଉପରେ ଗୁରୁତ୍ୱ ଦେବେ। ଥଣ୍ଡା, ଜ୍ୱର, କାଶ ଆଦି ଲକ୍ଷଣ ଥିଲେ ପୂଜାକର୍ଯ୍ୟରେ ସାମିଲ ହେବେନାହିଁ। ଏହାସହ ବାଣ, ପାଣି ପାଉଚ ସମ୍ପୂର୍ଣ୍ଣ ବାରଣ ହୋଇଛି। କେବେଳ ନୀତିକାନ୍ତି ବ୍ୟତୀତ କୌଣସି ପ୍ରକାର ମେଳା, ମହୋତ୍ସବ କି ମେଳଣ ଲାଗିବ ନାହିଁ। ଏଥିପ୍ରତି ମନ୍ଦିର ପ୍ରଶାସନ ବିଶେଷ ଧ୍ୟାନ ଦେବେ। ପୂର୍ବରୁ ବିନା ଭକ୍ତରେ ଲିଙ୍ଗରାଜଙ୍କ ରୁକୁଣା ରଥଯାତ୍ରା ଅନୁଷ୍ଠିତ ହୋଇଥିଲା।

ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ଓଡ଼ିଶା କ୍ଷୁଦ୍ରଶିଳ୍ପ ନିଗମକ ୧୦ ଲକ୍ଷ ଟଙ୍କା ଦାନ

ଭୁବନେଶ୍ୱର:  କରୋନା ପାଇଁ ଦେଶ ତଥା ରାଜ୍ୟରେ ଆତଙ୍କ ସୃଷ୍ଟି ହୋଇଛି । ସ୍ୱାସ୍ଥ୍ୟ ସେବା ଉପରେ କରୋନାର ବ୍ୟାପକ ପ୍ରଭାବ ପଢିଛି । ଏଭଳି ଘଡ଼ିସନ୍ଧି ମୁହୂର୍ତ୍ତରେ ରାଜ୍ୟ ସରକାରଙ୍କ ଦ୍ୱାରା ପରିଚାଳିତ “ଓଡ଼ିଶା କ୍ଷୁଦ୍ରଶିଳ୍ପ ନିଗମ” ମାନ୍ୟବର ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ୧୦ ଲକ୍ଷ ଟଙ୍କା ପ୍ରଦାନ କରିଛି। ଏହି ସନ୍ଦର୍ଭରେ ନିଗମର ଅଧ୍ୟକ୍ଷ ଶ୍ରୀ ଚିନ୍ମୟ କୁମାର ସାହୁ ଏବଂ ପରିଚାଳନା ନିର୍ଦ୍ଦେଶକ ଶ୍ରୀ ପ୍ରଦୀପ୍ତ କୁମାର ସାହାଣୀ ମୁଖ୍ୟଶାସନ ସଚିବ ଶ୍ରୀ ସୁରେଶ ଚନ୍ଦ୍ର ମହାପାତ୍ରଙ୍କୁ ଲୋକସେବା ଭବନସ୍ଥିତ ତାଙ୍କ ପ୍ରକୋଷ୍ଠରେ ଚେକ୍ ହସ୍ତାନ୍ତର କରିଛନ୍ତି।

କୋଭିଡ ନେଲା ଓଡିଆ ବୈାଜ୍ଞାନିକଙ୍କ ଜୀବନ

ଭାରତୀୟ ମହାକାଶ ଗବେଷଣା ସଂସ୍ଥାର ଓଡିଆ ବୈାଜ୍ଞାନିକ ଡକ୍ଟର ଶୁବେନ୍ଦୁ ଶଙ୍କର ରାୟ କରୋନା ସହ ଲଢି ଶେଷରେ ମୃତ୍ୟୁବରଣ କରିଛନ୍ତି । ତାଙ୍କ ବିୟୋଗରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି । ଦିଲ୍ଲୀସ୍ଥିତି ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ଅବସ୍ଥାରେ ଗତ ୪ତାରିଖ ଦିନ ୫୭ବର୍ଷ ବୟସରେ ତାଙ୍କର ପରଲୋକ ହୋଇଛି । ଭଦ୍ରକର ବିଶିଷ୍ଟ ସାହିତ୍ୟିକ ତଥା ଶିକ୍ଷାବିତ୍ ପ୍ରଫେସର ସୁଧାଂଶୁ ଶେଖର ରାୟ ଓ ଶାନ୍ତି ଦେବୀଙ୍କ କନିଷ୍ଠପୁତ୍ର ଥିଲେ ଶୁବେନ୍ଦୁ । ଶୁବେନ୍ଦୁ ଥିଲେ ଦେଶର ଜଣେ ରିମୋର୍ଟ ସେନସିଲ ବୈାଜ୍ଞାନିକ । ଓୟୁଟିରୁ କୃଷି ବିଜ୍ଞାନରେ ସ୍ନାତ୍ତୋକ ହାସଲ ପରେ ସେ ଭାରତୀୟ କୃଷି ଗବେଷଣା ପ୍ରତିଷ୍ଠାନରୁ କୃଷି ସମ୍ବନ୍ଧୀୟ ପଦାର୍ଥ ବିଜ୍ଞାନରେ ସ୍ନାତ୍ତୋକତର ଓ ପିଏଚଡି ହାସଲ କରିଥିଲେ । ପଢା ପରେ ସେ ଇସ୍ରୋର ସ୍ପେସ୍ ଆପ୍ଲିକେଶନ ସେଣ୍ଟର ବା ଅନ୍ତରୀକ୍ଷ ଅଣୁ ପ୍ରୟୋଗ କେନ୍ଦ୍ରରେ ବୈାଜ୍ଞାନିକ ଭାବେ ଯୋଗ ଦେଇଥିଲେ । ଇସ୍ରୋ ଦ୍ୱାର ବିକଶିତ ବିଭିନ୍ନ ଟେକ୍ନୋଲୋଜୀକ କୃଷିକ୍ଷେତ୍ରରେ ପ୍ରୟୋଗ ଉଦେଶ୍ୟରେ ୨୦୧୨ ମସିହାରେ କେନ୍ଦ୍ର ସରକାର ଦିଲ୍ଲୀଠାରେ ମହଲା ନଦୀସ ନ୍ୟାସନାଲ ପ୍ରପ ଫୋରକାଷ୍ଟିଂ ସେଣ୍ଟର ପ୍ରତିଷ୍ଠା କରିଥିଲେ । ଶୁଭେନ୍ଦୁଙ୍କର କୃଷି ଉତ୍ପାଦନର ପୂର୍ବାନୁମାନ କ୍ଷେତ୍ରରେ ବିଶେଷ ଦକ୍ଷତା ପାଇଁ ସେ ସେହି କେନ୍ଦ୍ରର ପ୍ରତିଷ୍ଠାତା ନିର୍ଦ୍ଦେଶକ ରୂପେ ନିଯୁକ୍ତି ପାଇଥିଲେ । କୃଷି ବିକାଶ ପାଇଁ ସାଟେଲାଇଟ ପ୍ରୟୋଗ କ୍ଷେତ୍ରରେ ତା୮ଯକର ଉଲ୍ଲେଖନୀୟ ଅବଦାନ ରହିଥିଲା । ନିଜ ଜନ୍ମମାଟି ଭଦ୍ରକ ପାଇଁ ତାଙ୍କର ଅହେତୁକ ଆକର୍ଷଣ ଥିଲା । ତେଣୁକରି ସେ ନିଜ ପିତାମାତାଙ୍କ ସ୍ମୃତିରେ ସୁଧାଂଶୁ ଶେଖର ଶାନ୍ତିଦେବୀ ପାଠାଗାର ପ୍ରତିଷ୍ଠା କରିଥିଲେ । ଏହିଭଳି ଜଣେ ସୁଦିକ୍ଷିତ ମହାନ ବୈାଜ୍ଞାନିକ ତଥା ଯୋଗ୍ୟ ସନ୍ତାନଙ୍କର ପରଲୋକ କରୋନା କାରଣରୁ ହେବା ନିଶ୍ଚିତ ରୂପେ ଦୁଖଦାୟକ ।

କରୋନା ପଜିଟିଭ୍‌ ହେଲେ ବଲିଉଡ କୁଇନ କଙ୍ଗନା ରନୌତ

ମୁମ୍ବାଇ: ନିକଟରେ ବଲିଉଡର ଏକାଧିକ ସେଲିବ୍ରେଟି କରୋନା କବଳରେ ଆସି ଯାଇଥିବା ବେଳେ ଶନିବାର କରୋନାରେ ସଂକ୍ରମିତ ହୋଇଥିବା ସୂଚନା ଦେଇଛନ୍ତି ବଲିଉଡ କୁଇନ କଙ୍ଗନା ରନୌତ । ତେବେ କଙ୍ଗନା ସୋସିଅଲ ମିଡିଆରେ ଏହି ଖବର ଦେଇଛନ୍ତି । ଯୋଗ କରୁଥିବା ବେଳର ଏକ ଫଟୋ ଶେୟାର କରି କଙ୍ଗନା କରୋନାରେ ସଂକ୍ରମିତ ହେବାପରେ ନିଜର ଅନୁଭବକୁ ତାଙ୍କ ପ୍ରଶଂସକଙ୍କ ସହିତ ଶେୟାର କରିଛନ୍ତି ।

କଙ୍ଗନାଙ୍କ ଅନୁସାରେ ତାଙ୍କୁ ପ୍ରଥମେ ଦୁର୍ବଳ ଅନୁଭବ ହେଲା ଏବଂ ଗତ କିଛି ଦିନ ହେବ ତାଙ୍କ ଆଖି ସାମାନ୍ୟ ଜଳାପୋଡ଼ା ଭଳି ମନେ ହେଉଥିଲା । କୋଭିଡ ପରୀକ୍ଷା ପରେ ରିପୋର୍ଟ ପଜିଟିଭ୍‌ଆସିଲା । ତେବେ ରିପୋର୍ଟ ପଜିଟିଭ୍‌ଆସିବା ପରେ ନିଜକୁ ସଙ୍ଗରୋଧ କରି ରଖିଛନ୍ତି ଏହି ବଲିଉଡ ସୁନ୍ଦରୀ । ତେବେ ଯଦି ଆମେ କରୋନାକୁ ଡରିବା ସେ ଅଧିକ ଡରାଇବ । ତେଣୁ ଏହି ମହାମାରୀକୁ ନ ଡରି ତାକୁ ହରାଇବାକୁ ବଢିବ । କୋଭିଡ ୧୯ ଏକ ସାମାନ୍ୟ ଫ୍ଲୁ, ଯାହା ଲୋକଙ୍କ ଉପରେ ଏକ ପ୍ରକାରର ଚାପ ପକାଇଛି ବୋଲି ସୋସିଅଲ ମିଡିଆରେ ଲେଖିଛନ୍ତି କଙ୍ଗନା ।

 

 

View this post on Instagram

 

A post shared by Kangana Ranaut (@kanganaranaut)

କେବଳ କଙ୍ଗନା ନୁହଁନ୍ତି ବରଂ ନିକଟ ଅତୀତରେ ବଲିଉଡର ଏକାଧିକ ସେଲିବ୍ରିଟି ଯେପରିକି ରଣବୀର କପୂର, ଆଲିୟା ଭଟ୍ଟ, ଭୂମି ପେଡନେକର, ଅକ୍ଷୟ କୁମାର,କୃତି ସାନନ ଆଦି ସେଲିବ୍ରିଟୀ କରୋନାରେ ସଂକ୍ରମିତ ହୋଇଥିବା ଖବର ସୋସିଅଲ ମିଡିଆରେ ଶେୟାର କରିଥିଲେ ।