spot_img
Home Blog Page 5822

ଅକ୍ସିଜେନ୍ ଓ ଔଷଧର ବିତରଣ ପାଇଁ ଟାସ୍କ ଫୋର୍ସ ଗଠନ କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ଦେଶର ଅଧିକାଂଶ ଅମ୍ଲଜାନ ଓ ଜରୁରୀ ଔଷଧ ଅଭାବ ଦେଖା ଦେଇଛି । ଏହା ଉପରେ ଲଗାତାର ଧ୍ୟାନ ରଖିଛନ୍ତି ସୁପ୍ରିମକୋର୍ଟ । ସର୍ବୋଚ୍ଚ ନ୍ୟାୟାଳୟ ଶନିବାର ରାଜ୍ୟ ଗୁଡ଼ିକୁ ଅକ୍ସିଜେନ୍ ଏବଂ ଜରୁରୀ ଔଷଧ ନେଇ ଆବଣ୍ଟନ ପାଇଁ ୧୨ ଜଣିଆ ଜାତୀୟ ଟାସ୍କ ଫୋର୍ସ ଗଠନ କରିଛନ୍ତି ।

ସୁପ୍ରିମକୋର୍ଟ ୧୨ ଜଣିଆ ଜାତୀୟ ଟାସ୍କ ଫୋର୍ସ ନାମ ମଧ୍ୟ ଘୋଷଣା କରିଛନ୍ତି । ଏହି ଟାସ୍କ ଫୋର୍ସରେ

୧) ଡକ୍ଟର ଭବତୋଷ ବିଶ୍ୱାସ, ପୂର୍ବତନ କୁଳପତି, ପଶ୍ଚିମବଙ୍ଗ ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟ

୨) ଡକ୍ଟର ଦେବେନ୍ଦ୍ର ସିଂହ ରାଣା, ଅଧ୍ୟକ୍ଷ, ବୋର୍ଡ ଅଫ୍ ମ୍ୟାନେଜମେଣ୍ଟ, ସାର ଗଙ୍ଗାରାମ ହସ୍ପିଟାଲ ଦିଲ୍ଲୀ

୩) ଡକ୍ଟର ଦେବୀ ପ୍ରସାଦ ସେଟ୍ଟୀ, ଅଧ୍ୟକ୍ଷ ତଥା କାର୍ଯ୍ୟକାରୀ ନିର୍ଦ୍ଦେଶକ, ନାରାୟଣ ହେଲଥ କେୟାର, ବେଙ୍ଗଳୁରୁ

୪) ଡକ୍ଟର ଗଗନଦୀପ କାଙ୍ଗ, ପ୍ରଫେସର, ଖ୍ରୀଷ୍ଟିୟାନ୍ ମେଡିକାଲ କଲେଜ୍, ଭେଲ୍ଲୋର, ତାମିଲନାଡ଼ୁ

୫) ଡକ୍ଟର ଜେଭି ପିଟର, ନିର୍ଦ୍ଦେଶକ, , ଖ୍ରୀଷ୍ଟିୟାନ୍ ମେଡିକାଲ କଲେଜ୍, ଭେଲ୍ଲୋର, ତାମିଲନାଡ଼ୁ

୬) ଡକ୍ଟର ନରେଶ ତ୍ରେହନ, ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ, ମେଦାନ୍ତ ହସ୍ପିଟାଲ, ଗୁରୁଗ୍ରାମ

୭) ଡକ୍ଟର ରାହୁଲ ପଣ୍ଡିତ, ନିର୍ଦ୍ଦେଶକ, ଫର୍ଟିସ୍ ହସ୍ପିଟାଲ ମୁମ୍ବାଇ

୮) ଡକ୍ଟର ସୌମିତ୍ର ରାୱତ, ଅଧ୍ୟକ୍ଷ, ସାର୍ ଗଙ୍ଗାରାମ ହସ୍ପିଟାଲ, ଦିଲ୍ଲୀ

୯) ଡକ୍ଟର ଶିବ କୁମାର ସାରିନ, ବରିଷ୍ଠ ପ୍ରଫେସର ଏବ ହେପାଟୋଲୋଜି ବିଭାଗ ମୁଖ୍ୟ, ନିର୍ଦ୍ଦେଶକ ଆଏଲବିଏସ୍ ଦିଲ୍ଲୀ

୧୦) ଡକ୍ଟର ଜାରିର ଏଫ୍ ଉଦୱାଡିଆ, ଛାତିରୋଗ ବିଶେଷଜ୍ଞ, ହିନ୍ଦୁଜା ହସ୍ପିଟାଲ

୧୧) ସଚିବ, କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ, ଭାରତ ସରକାର

୧୨) ଜାତୀୟ ଟାସ୍କ ଫୋର୍ସର ଆବାହକ ଏହାର ସଦସ୍ୟ ରହିବେ । ଯିଏ କି କେନ୍ଦ୍ରର କ୍ୟାବିନେଟ୍ ସଚିବ ସ୍ତରର ହୋଇଥିବ

ଚୁନ ପଥର ଖାଦାନରେ ବିସ୍ଫୋରଣ, ୧୦ ଶ୍ରମିକ ମୃତ

ହାଇଦ୍ରାବାଦ: ବଡି ଭୋରରୁ ଥରିଲା ଆନ୍ଧ୍ରପ୍ରଦେଶର କାଡାପା ଜିଲ୍ଲା ମାମିଲାପଲ୍ଲି ଗାଁ । ଏକ ଚୁନ ପଥର ଖାଦାନରେ ବିସ୍ଫୋରଣ ଘଟିଥିବା ବେଳେ  ଏଥିରେ ୧୦ ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଘଟଣାଟି କଳସପଡୁ ବ୍ଲକର ମାମିଲାପଲା ଗ୍ରାମରେ ଘଟିଛି ।

ଏହି ବିସ୍ଫୋରଣରେ ଏକାଧିକ ଗୁରୁତର ଆହାତ ହୋଇ ମଧ୍ୟ ମେଡ଼ିକାଲରେ ଭର୍ତ୍ତି ହୋଇଛନ୍ତି । ଖଣିରେ ଅତି କମରେ ୪୦ ଜଣ କର୍ମଚାରୀ ଉପସ୍ଥିତ ଥିଲେ। ଏହି ସମୟରେ ଭୟଙ୍କର ବିସ୍ଫୋରଣ ଘଟିଥିଲା । ସେପଟେ, ବିସ୍ଫୋରଣରେ ଶ୍ରମିକଙ୍କ ମୃତ୍ୟୁକୁ ନେଇ ମୁଖ୍ୟମନ୍ତ୍ରୀ ୱାଇଏସ୍ ଜଗନ୍ ମୋହନ ରେଡ୍ଡୀ ଚିନ୍ତା ପ୍ରକଟ କରିଛନ୍ତି । ଏଥିସହିତ ଅଧିକାରୀଙ୍କ ସହ ଆଲୋଚନା କରିବା ପରେ ଦୁର୍ଘଟଣା ହେବାର କାରଣ ସମ୍ପର୍କରେ ପଚାରି ବୁଝିଥିଲେ। ସେ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି । ବିସ୍ଫୋରଣରେ ପୀଡିତଙ୍କ ପରିବାରବର୍ଗଙ୍କୁ ଗଭୀର ସମବେଦନା ଜଣାଇଛନ୍ତି ।

ସେହିପରି ଟିଡ଼ିପିର ନ୍ୟାସନାଲ୍ ପ୍ରେସିଡେଣ୍ଟ ଏବଂ ପୂର୍ବତନ ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁ ମଧ୍ୟ ଗଭୀର ଦୁଃଖ ପ୍ରକାଶ କରିବା ସହିତ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି ।

କଟକ ଏସସିବିରେ କୋଭିଡ୍ ଆକ୍ରାନ୍ତଙ୍କ ପାଇଁ ହେବ ଆଉ ଶହେ ବେଡ୍

ଭୁବନେଶ୍ୱର: କଟକ ସହରର କୋଭିଡ୍ ସ୍ଥିତି ନେଇ ପ୍ରେସମିଟରେ ସୂଚନା ଦେଇଛନ୍ତି ସିଏମସି କମିଶନର ଅନନ୍ୟା ଦାସ । କଟକ ମହାନଗର ନିଗମ ଅଞ୍ଚଳରେ ଏବେ ୩, ୬୮୫ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ପ୍ରାୟ ୮୫ ପ୍ରତିଶତ ଆକ୍ରାନ୍ତ ଘରେ ରହି ଚିକିତ୍ସିତ ହେଉଛନ୍ତି । ହୋମ୍ ଆଇସୋଲେସନରେ ରହୁଥିବା ଆକ୍ରାନ୍ତଙ୍କ ପାଇଁ ଆରଏଟି ରହିଛି । ଆରଏଟି ଆକ୍ରାନ୍ତଙ୍କ ସହ ଯୋଗାଯୋଗରେ ରହୁଛି । ଆବଶ୍ୟକତା ଅନୁସାରେ ମେଡିକାଲକୁ ସ୍ଥାନାନ୍ତରିତ କରାଯାଉଛି ।

କୋଭିଡ୍ କେୟାର୍ ସେଣ୍ଟରରେ ୪୦ରୁ ୪୫ ପ୍ରତିଶତ ଆକ୍ରାନ୍ତ ରହୁଛନ୍ତି । ସିସିସିର ଅକ୍ସିଜେନ୍ ସୁବିଧା ଅଛି । କିଛି ଅସୁବିଧା ହେଲେ କୋଭିଡ୍ ହସ୍ପିଟାଲକୁ ସ୍ଥାନାନ୍ତରିତ କରାଯାଉଛି । ପ୍ରାୟ ୧୦ ପ୍ରତିଶତ ଆକ୍ରାନ୍ତଙ୍କୁ କୋଭିଡ୍ ହସ୍ପିଟାଲ୍ ନିଆଯାଉଥିବା ବେଳେ ୩ ପ୍ରତିଶତ ଆକ୍ରାନ୍ତଙ୍କୁ ଆଇସିୟୁ ଆବଶ୍ୟକ ହେଉଛି । ଏବେ କଟକରେ ୧୨ ଶହ ବେଡ୍ ଅଛି । ୩ ଶହଟି ଆଇସିୟୁ ରହିଛି ।

Covid ICU Bed Facilities To Increased In Cuttack SCB

ଆଇସିୟୁ ଉପରେ ଚାପ ରହୁଛି । ଏସସିବିରେ ଆଉ ଶହେ ବେଡ୍ ପାଇଁ କାମ ଚାଲିଛି । ସେଠି ୪୧ଟି ଆଇସିୟୁ, ୪୧ଟି ଏଚଡିୟୁ ରହିବ । କୋଭିଡ୍ ପାଇଁ କଣ୍ଟ୍ରୋଲ ରୁମ୍ କରାଯାଇଛ । ୭୦୭୭୭୭୫୫୫୫ରେ ସାଧାରଣ ସମସ୍ୟା ପାଇଁ ସମ୍ପର୍କ କରି ହେବ । ଏଥିସହ ୧୮୦୦୩୪୫୮୨୮୯ ନମ୍ବରରେ ଜରୁରୀ ସମୟରେ କଲ୍ କରି ପାରିବେ । ଏବେ ୨ଟି ଏଲଏସ୍ ଆମ୍ବୁଲାନ୍ସ (ଭେଣ୍ଟିଲେଟର) ରହିଛି । ଏବେ ଯାଏ ଅକ୍ସିଜେନ୍ ସମସ୍ୟା ନାହିଁ ।

କିଛି ଲୋକ ଜର, କାଶ, ଥଣ୍ଡା ଲାଗି ରହିଲେ ଟେଷ୍ଟିଂ କରାଉନାହାଁନ୍ତି । ନିଶ୍ଚୟ ଟେଷ୍ଟିଂ କରାନ୍ତୁ । ଆଣ୍ଟିଜେନ୍ ଟେଷ୍ଟ ନେଗେଟିଭ୍ ଆସିଲେ ବି ଲକ୍ଷଣ ଥିଲେ ସନ୍ଦିଗ୍ଧ ଭାବେ କୋଭିଡ୍ ହସ୍ପିଟାଲରେ ଆଡମିଟ୍ କରାଯାଉଛି । କଟକରେ କୋଭିସିଲ୍ଡ ଟିକା ଦିଆଯାଉଛି । ଏବେ ଦ୍ୱିତୀୟ ଡୋଜ୍ ଟିକା ଉପରେ ଗୁରୁତ୍ୱ ଦିଆଯାଉଛି । ପ୍ରଥମ ଡୋଜର ୬ ସପ୍ତାହ ପରେ କୋଭିସିଲ୍ଡ ଟିକା ଦିଆଯାଉଛି ।

୧ ଟଙ୍କିଆ ନୋଟ୍ ବଦଳରେ ମିଳିବ ୪୫ ହଜାର ଟଙ୍କା

ନୂଆଦିଲ୍ଲୀ: ଆପଣଙ୍କ ପାଖରେ ଅଛିକି ପୁରୁଣା ଟଙ୍କିକିଆ ନୋଟ୍ । ଯଦି ଏହି ପୁରୁଣା ୧ ଟଙ୍କିଆ ନୋଟ୍ ରଖିଛନ୍ତି, ତାହେଲେ  ଆପଣ ଘରେ ବସି ଖୁବ୍ ରୋଜଗାର କରିପାରିବେ | ଯଦିଓ ଏହି ୧ ଟଙ୍କିଆ ନୋଟର ପ୍ରଚଳନ ଭାରତ ସରକାରଙ୍କ ଦ୍ୱାରା ବନ୍ଦ ହୋଇଯାଇଛି |

ତଥାପି ବଜାରରେ ଏହାର ମୂଲ୍ୟ ହଜାରେ ଟଙ୍କା ରହିଛି। ଏମିତିକି ଅନଲାଇନ୍ ପ୍ଲାଟଫର୍ମରେ ୧ ଟଙ୍କିଆ ନୋଟର ଏକ ବଣ୍ଡଲ୍ ୪୫ ହଜାର ମୂଲ୍ୟରେ ବିକ୍ରି ହେଉଛି | ଏହି ନୋଟରେ ୧୯୫୭ ମସିହାର ରାଜ୍ୟପାଳ ଏଚଏମ ପଟେଲଙ୍କ ଦସ୍ତଖତ ହୋଇଛି। ଏହି ନୋଟର କ୍ରମିକ ସଂଖ୍ୟା ହେଉଛି ୧୨୩୪୫୬ ।

କେଉଁଠି ବିକ୍ରି କରିପାରିବେ-

ବିଗତ 26 ବର୍ଷ ପୂର୍ବେ ଭାରତ ସରକାର ଏକ ଟଙ୍କିଆ ମୁଦ୍ରା ନୋଟର ପ୍ରଚଳନକୁ ବନ୍ଦ କରିଦେଇଥିଲେ। ପରେ ୨୦୧୫ ମସିହା ଜାନୁଆରୀ ୧ରୁ ଏହାର ମୁଦ୍ରଣ ପୁଣି ଆରମ୍ଭ କରାଯାଇଥିଲା ଏବଂ ଏହି ନୋଟ୍ ବଜାରରେ ମଧ୍ୟ ପ୍ରଚଳିତ ହୋଇଥିଲା| ତଥାପି  ଅନେକ ଲୋକଙ୍କ ପାଖରେ ଏବେବି ପୁରୁଣା ନୋଟ୍ ରହିଛି ।  ଏହି ପୁରୁଣା ନୋଟଗୁଡିକ OLX ଏବଂ  India Mart ଭଳି ଅନଲାଇନ୍ ପ୍ଲାଟଫର୍ମରେ ବିକ୍ରି ହେଉଛି । ଏଠାରୁ ଆପଣ ଯେଉଁ ବର୍ଷର ନୋଟ୍ ଚାହିଁବେ କିଣି ପାରିବେ ।

ଏହି ଅନଲାଇନ୍ ପ୍ଲାଟଫର୍ମରେ ଏଭଳି ଏକ ନୋଟ୍ ରହିଛି ଯାହାର ନିଲାମ ଡାକରା ୭ ଲକ୍ଷରେ ପହଞ୍ଚିଛି । ନୋଟଟି ସ୍ୱାଧୀନତା ପୂର୍ବର ବୋଲି ଜଣାପଡିଛି । ଯଦି ଏଭଳି ନୋଟ୍ ଆପଣଙ୍କ ପାଖରେ ଅଛି ତାହେଲେ ଆପଣ ମଧ୍ୟ ମୋଟା ଅଙ୍କର ଟଙ୍କା କମାଇପାରିବେ । ଦଶକ ପୁରୁଣା ୧, ୧୦, ୧୦୦ ଓ ୫୦୦ ଟଙ୍କାର ନୋଟ୍ ଅନଲାଇନ୍ ମାର୍କେଟରେ ହଜାରରୁ ଲକ୍ଷେ ଟଙ୍କାରେ ବିକ୍ରି ହେଉଛି ।

ପୁରୁଣା ନୋଟ୍ କିମ୍ବା କଏନର ନିଲାମୀ ଲାଗି ଆପଣଙ୍କୁ OLX ଭିଜିଟ୍ କରିବାକୁ ପଡ଼ିବ । ପରେ ନିଜର ଲଗଇନ୍ ଆଇଡି କ୍ରିଏଟ୍ କରିବାକୁ ପଡ଼ିବ । ଏହା ବ୍ୟତୀତ ଆପଣ indiamart.comରେ ଏଭଳି ଆକାଉଣ୍ଟ ବନାଇ ପଇସା କମାଇ ପାରିବେ । ନିଲାମୀ ଲାଗି ଆପଣଙ୍କୁ ଏହି ନୋଟର ଫଟୋ ଶେୟାର କରିବାକୁ ପଡ଼ିବ । ବର୍ତ୍ତମାନ ସମୟରେ ଅନେକ ଲୋକ ପୁରୁଣା ଜିନିଷ ତଥା ଆଣ୍ଟିକ୍ ସାମଗ୍ରୀ କିଣିଥାନ୍ତି । ଯେଉଁଥିରୁ ମୋଟା ଅଙ୍କର ଅର୍ଥ ରୋଜଗାର କରାଯାଇପାରେ ।

ଗଲା ୬ ମାସରେ କିଛି କାମ କରିନି କେନ୍ଦ୍ର, କ୍ଷମତା ପାଇଁ ପଶ୍ଚିମବଙ୍ଗ ଆସୁଥିଲେ ମନ୍ତ୍ରୀ: ମମତା

ନୂଆଦିଲ୍ଲୀ: ପଶ୍ଚିମବଙ୍ଗରେ ନିର୍ବାଚନ ଥମିଛି, ହେଲେ ଉଷ୍ମତା ଥମୁନି । କରୋନା ସଂକ୍ରମଣର ଦ୍ୱିତୀୟ ପ୍ରବାହ ସମସ୍ତଙ୍କ ଲାଗି ଚିନ୍ତାର କାରଣ ପାଲଟିଛି । କରୋନାକୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ସରକାରଙ୍କୁ ସମାଲୋଚନା କରିଛନ୍ତି । ସେ କହିଛନ୍ତି, କେନ୍ଦ୍ର ଗତ ୬ ମାସ ହେଲା କିଛି କାମ କରିନାହିଁ । ପଶ୍ଚିମବଙ୍ଗରେ କ୍ଷମତା ହାତେଇବା ଲାଗି ମନ୍ତ୍ରୀମାନେ ପ୍ରତିଦିନ ବୁଲି ଆସୁଥିଲେ ।

West Bengal CM Mamata Banerjee Attacks Centre

ଏଥିସହ ମମତା ଦେଶବ୍ୟାପୀ ସମସ୍ତଙ୍କୁ ମାଗଣା କୋଭିଡ୍ ଟିକା ଦେବାକୁ ଦାବି କରିଛନ୍ତି । ବିଧାନସଭାରେ ମମତା କହିଛନ୍ତି, କେନ୍ଦ୍ର ସରକାରଙ୍କ ଲାଗି ୩୦ ହଜାର କୋଟି ଟଙ୍କା କିଛି ନୁହେଁ । ପୂରା ଦେଶରେ ଗୋଟିଏ ଟିକାକରଣ ହେବା ଉଚିତ୍ । ସମସ୍ତଙ୍କ ଲାଗି ଟିକାକରଣ କେନ୍ଦ୍ର ପ୍ରାଥମିକତା ଦେବା କଥା । କିନ୍ତୁ ସେ ନୂଆ ସଂସଦ ଭବନ, ପ୍ରଧାନମନ୍ତ୍ରୀ ଆବାସ ଆଦି ପାଇଁ ୫୦ ହଜାର କୋଟି ଟଙ୍କା ଖର୍ଚ୍ଚ କରୁଛନ୍ତି ।

କେନ୍ଦ୍ର ପାତରଅନ୍ତର କରୁଥିବା ନେଇ ଅଭିଯୋଗ କରିଛନ୍ତି ମମତା । କହିଛନ୍ତି, ପଶ୍ଚିମଙ୍ଗ ସହ ଏତେ ପାତରଅନ୍ତର କାହିଁକି ? ଶପଥ ଗ୍ରହଣର ମାତ୍ର ୨୪ ଘଣ୍ଟା ମଧ୍ୟରେ କେନ୍ଦ୍ର ପଶ୍ଚିମବଙ୍ଗକୁ କେନ୍ଦ୍ରୀୟ ଟିମ୍ ପଠାଇଛି । ପ୍ରକୃତରେ ବିଜେପି ଜନାଦେଶ ମାନିବାକୁ ପ୍ରସ୍ତୁତ ନୁହେଁ । ମୁଁ ହିଂସାକୁ କେବେ ସମର୍ଥନ କରେନି । ବିଜେପି ମିଛ ଖବର ଓ ମିଛ ଅଡିଓ ଭାଇରାଲ୍ କରୁଛି ।

ପହଞ୍ଚିଲା ୧ ଲକ୍ଷ ଡୋଜ୍ କୋଭିସିଲ୍ଡ, ସୋମବାର ଠାରୁ ବିଭିନ୍ନ ଜିଲ୍ଲାରେ ୧୮ରୁ ଊର୍ଦ୍ଧ୍ୱ ବୟସ୍କ ନେବେ ଟିକା

ଭୁବନେଶ୍ୱର: ସୋମବାର ଠାରୁ ରାଜ୍ୟ ବିଭିନ୍ନ ଜିଲ୍ଲାରେ ୧୮ ବର୍ଷରୁ ଅଧିକ ବୟସ୍କଙ୍କୁ କୋଭିଡ୍ ଟିକା ଦିଆଯିବ । ଆଜି ପୁଣେ ସ୍ଥିତ ସେରମ ଇନଷ୍ଟିଚ୍ୟୁଟରୁ ୧ ଲକ୍ଷ ଡୋଜ୍ କୋଭିସିଲ୍ଡ ଟିକା ଆସି ଭୁବନେଶ୍ୱର ବିମାନବନ୍ଦରରେ ପହଞ୍ଚିଛି । ରାଜ୍ୟ ଦେଇଥିବା ଅର୍ଡରରୁ ୧ ଲକ୍ଷ ଡୋଜ୍ ଟିକା ପଠାଇଛି ସେରମ୍ । ଆସନ୍ତା ସୋମବାର ଠାରୁ ବିଭିନ୍ନ ଜିଲ୍ଲାରେ ୧୮ରୁ ୪୪ ବର୍ଷ ବୟସ୍କଙ୍କୁ କୋଭିସିଲ୍ଡ ଟିକାର ପ୍ରଥମ ଡୋଜ୍ ଦିଆଯିବ ।

Odisha Received One Lakh Dose Of Covishield For 18 Plus

ମେ’ ୧ ତାରିଖରୁ ରାଜ୍ୟରେ ତୃତୀୟ ପର୍ଯ୍ୟାୟ ଟିକାକରଣ ଆରମ୍ଭ ହୋଇଥିଲା । ତେବେ ସେତେବେଲେ କେବଳ କୋଭାକ୍ସିନ୍ ରାଜ୍ୟ ପାଖକୁ ଆସିଥିଲେ । ସେହି ଅନୁସାରେ, ଭୁବନେଶ୍ୱରରେ କୋଭାକ୍ସିନ୍ ଦିଆଯାଉଥିବାରୁ ୧୮ ବର୍ଷରୁ ୪୪ ବୟସ୍କଙ୍କ ଟିକାକରଣ ଜାରି ରହିଥିଲା । ଅର୍ଡର ଅନୁସାରେ କୋଭିସିଲ୍ଡ ଆସି ନଥିବାରୁ ଭୁବନେଶ୍ୱର ବ୍ୟତୀତ୍ ଅନ୍ୟ କେଉଁଠି ଟିକାକରଣ ଆରମ୍ଭ ହୋଇ ପାରିନଥିଲା ।

ଆଜି ୧ ଲକ୍ଷ କୋଭିସିଲ୍ଡ ପହଞ୍ଚିବା ପରେ ସୋମବାର ଠାରୁ ରାଜ୍ୟର ଅଧିକାଂଶ ଜିଲ୍ଲାରେ ୧୮ ବର୍ଷରୁ ଅଧିକ ବୟସ୍କଙ୍କୁ ଟିକା ଦିଆଯିବ ବୋଲି ଜଣାପଡ଼ିଛି । ମେ ୭ ତାରିଖ ସନ୍ଧ୍ୟା ସୁଦ୍ଧା ରାଜ୍ୟ ପାଖରେ କେନ୍ଦ୍ର ଦେଇଥିବା କୋଭିସିଲ୍ଡ ମଧ୍ୟରୁ ୨ ଲକ୍ଷ ୧୬ ହଜାର ୫୪୦ ଡୋଜ୍ ଏବଂ କେନ୍ଦ୍ର ଦେଉଥିବା କୋଭାକ୍ସିନରୁ ୩ ଲକ୍ଷ ୫୩ ହଜାର ୮୨୦ ଡୋଜ୍ ରହିଛି । ସେହିଭଳି ରାଜ୍ୟ ଅର୍ଡର କରିଥିବା କୋଭାକ୍ସିନରୁ ୧ ଲକ୍ଷ ୧୪ ହଜାର ୭୦ ଡୋଜ୍ ଟିକା ଗଚ୍ଛିତ ଅଛି ।

କୋଭିଡ୍ ହସ୍ପିଟାଲରେ ଚିକିତ୍ସିତ ହୋଇପାରିବେ ସନ୍ଦିଗ୍ଧ

ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କରୋନା ଆକ୍ରାନ୍ତଙ୍କୁ ମେଡିକାଲରେ ଭର୍ତ୍ତି ନେଇଥିବା ଜାତୀୟ ନୀତିରେ ସଂଶୋଧନ କରିଛନ୍ତି । ଏଣିକି କୋଭିଡ୍ ସ୍ୱାସ୍ଥ୍ୟ ସେବା ଯୋଗାଉଥିବା ହସ୍ପିଟାଲ୍ ରୋଗୀ କେନ୍ଦ୍ରିକ ହେବେ । ଏନେଇ କେନ୍ଦ୍ର ସରକାର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ପ୍ରଦେଶକୁ ନିର୍ଦ୍ଦେଶ ଦେଇଛନ୍ତି । ଘରୋଇ ହସ୍ପିଟାଲ୍ ଗୁଡ଼ିକ କୋଭିଡ୍ ଆକ୍ରାନ୍ତଙ୍କ କ୍ଷେତ୍ରରେ ନିୟମ ପାଳନ ପାଇଁ କେନ୍ଦ୍ର ନିର୍ଦ୍ଦେଶ ଦେଇଛି ।

କୌଣସି କୋଭିଡ୍ ହସ୍ପିଟାଲରେ ଚିକିତ୍ସା କିମ୍ବା ଭର୍ତ୍ତି ପାଇଁ କୋଭିଡ୍ ପଜିଟିଭ୍ ପ୍ରମାଣପତ୍ର ବାଧ୍ୟତାମୂଳକ ନୁହେଁ । ଜଣେ କୋଭିଡ୍ ସନ୍ଦିଗ୍ଧ ମଧ୍ୟ କୋଭିଡ୍ କେୟାର୍ କିମ୍ବା କୋଭିଡ୍ ହସ୍ପିଟାଲର ସନ୍ଦିଗ୍ଧ ୱାର୍ଡରେ ଭର୍ତ୍ତି ହୋଇ ପାରିବେ । କୌଣସି ବି ପରିସ୍ଥିତିରେ ମେଡିକାଲ୍ କର୍ତ୍ତୃପକ୍ଷ ରୋଗୀଙ୍କୁ ମନା କରିପାରିବେ ନାହିଁ । ରୋଗୀ ଜଣଙ୍କ ଅନ୍ୟ ସହରର ହୋଇଥିଲେ ମଧ୍ୟ ତାଙ୍କୁ ଅକ୍ସିଜେନ୍, ଆବଶ୍ୟକ ଜରୁରୀ ଔଷଧ ପ୍ରଦାନ କରାଯିବ ।

କୌଣସି ରୋଗୀ ପରିଚୟପତ୍ର ପ୍ରଦାନ କରି ନପାରିଲେ ତାଙ୍କୁ ହସ୍ପିଟାଲ କର୍ତ୍ତୃପକ୍ଷ ଚିକିତ୍ସା ପାଇଁ ଭର୍ତ୍ତି କରିବାକୁ ମନା କରିପାରିବେ ନାହିଁ । ଏପରିକି ଅନ୍ୟ ସହରର ହୋଇଥିଲେ ତାଙ୍କୁ ଚିକିତ୍ସା ଯୋଗାଇ ଦେବେ ହସ୍ପିଟାଲ୍ । ତେବେ ରୋଗୀଙ୍କ ସ୍ୱାସ୍ଥ୍ୟାବସ୍ଥାର ଆବଶ୍ୟକତା ଅନୁସାରେ ହସ୍ପିଟାଲରେ ଆଡମିଶନ କରାଯିବ । କେନ୍ଦ୍ର ସରକାରଙ୍କ ଡିସଚାର୍ଜ ନିୟମ ଅନୁଯାୟୀ ରୋଗୀଙ୍କୁ ଛଡ଼ାଯିବ ।

ଡିଆରଡିଓର କରୋନା ଔଷଧ ଖାଇଲେ ଦରକାର ପଡିବନି ଅକ୍ସିଜେନ

ଡିଆରଡିଓର କରୋନା ଔଷଧକୁ ଅନୁମତି ଦେଲା ଡିସିଜିଆଇ । କରୋନା ସଂକ୍ରମଣର ବଢୁଥିବା ଗତିକୁ ଦେଖିି ଶନିବାର ଦିନ ଏହି ଆଶ୍ୱସ୍ତିକର ଖବର ସାମ୍ନାକୁ ଆସିଛି । ଡ୍ରଗ କଣ୍ଟ୍ରୋଲରଙ୍କ ତରଫରୁ ଡିଆରଡିଓଙ୍କ ଦ୍ୱାରା ପ୍ରସ୍ତୁତ କରୋନା ଔଷଧକୁ ଜରୁରୀକାଳିନ ବ୍ୟବହାର ପାଇଁ ଅନୁମତି ମିଳିଯାଇଛି । ଏହି ଔଷଧ ବର୍ତମାନ କ୍ଲିନିକାଲ ଟ୍ରାଏଲରେ ସଫଳ ମଧ୍ୟ ହୋଇଛି । ଏହି ଔଷଧ ଡିଆରଡିଓର ଇନଷ୍ଟିଚ୍ୟୁଟ ଅଫ୍ ନ୍ୟୁକ୍ଲିୟର ମେଡିସିନ୍ ଏବଂ ଅଲାୟଡ ସାଇନ୍ସେସ୍ ଏବଂ ହାଇଦ୍ରାବାଦ ସେଣ୍ଟର ଫର୍ ସେଲ୍ୟୁଲାର ଏବଂ ମଲିକ୍ୟୁଲର ବାୟୋଲୋଜୀ ସହିତ ମିଶି ନିର୍ମାଣ କରାଯାଇଛି । ବର୍ତ୍ତମାନ ସୁଦ୍ଦା ଏହି ଔଷଧକୁ 2-deoxy-D-glucose (2-DG)  ନାଁରେ ନାମକରଣ ମଧ୍ୟ କରାଯାଇଛି । ଏହି ସବୁ ଔଷଧକୁ ପ୍ରସ୍ତୁତ କରିବା ପାଇଁ ହାଇଦ୍ରାବାଦର ଡକ୍ଟର.ରେଡ୍ଡୀ ଲେବ୍ରୋଟିଜ୍‌ଙ୍କୁ ଦିଆଯାଇଛି । ଯେଉଁ ରୋଗୀଙ୍କ ଉପରେ ଏହାର ଟ୍ରାଏଲ କରାଯାଇଛି ।

ସେମାନଙ୍କ ଭିତରେ ଶିଘ୍ର ଭଲ ହେବାର ଲକ୍ଷଣ ଦେଖାଯାଇଛି । ତାସହ ସେହି ରୋଗୀ ମାନଙ୍କୁ ଅକ୍ସିଜେନର ଆବଶ୍ୟକତା ମଧ୍ୟ ଖୁବ୍ କମ୍ ପରିମାଣରେ ପଡୁଛି । ତେଣୁକରି ଦାବା କରାଯାଉଛି ଯେ ଏହି ଔଷଧ ନେଲେ ଅକ୍ସିଜେନର ଅଭାବକୁ ବି ନିୟନ୍ତ୍ରଣ କରିହେବ ତାସହ ରୋଗୀମାନେ ଶିଘ୍ର କରୋନା ପଜିଟିଭ୍‌ରୁ ନେଗେଟିଭ୍ ହୋଈପାରିବେ । ଡିଆରଡିଓର ବୈାଜ୍ଞାନିକ ମାନେ ଏହି ଔଷଧକୁ ନେଇ ୨୦୨୦ରୁ ପରୀକ୍ଷା ଆରମ୍ଭ କଲେଣି । ଆଉ ଏହି ଔଷଧର ୨ୟ ଟ୍ରାଏଲ ପରେ ବର୍ତ୍ତମାନ ଏହାକୁ ମଂଜୁରୀ ମିଳିପାରିଛି ।  ୧୧୦ ଜଣ ରୋଗୀଙ୍କ ମଧ୍ୟରେ ଦ୍ୱିତୀୟ ପର୍ଯ୍ୟାୟ ପରୀକ୍ଷଣ କରାଯାଇଥିବା ବେଳେ ୬ଟି ଡାକ୍ତରଖାନାରେ ତୃତୀୟ ପର୍ଯ୍ୟାୟ ପରୀକ୍ଷା କରାଯାଇଥିଲା। ଫଳାଫଳ ଭଲ ଆସିବା ପରେ ଏବେ ଏହାର ବ୍ୟବହାରକୁ ଅନୁମତି ଦିଆଯାଇଛି | ଏହି ଔଷଧ ପାଉଡର ରୂପେ ରହିଥାଏ,ଯାହାକୁ ପାଣିରେ ମିଶାଇ ରୋଗୀଙ୍କୁ ପିଇବାକୁ ଦିଆଯାଏ । ଏହି ଔଷଧର ଖାସ୍ କଥା ହେଉଛି ଭାଇରସ୍ ଦ୍ୱାରା ସଂକ୍ରମିତ କଣିକାକୁ ଚିହ୍ନଟ କରିଥାଏ ଓ ତା ବିରୁଦ୍ଦରେ ରୋଗ ପ୍ରତିରୋଧକ ଶକ୍ତି ସୃଷ୍ଟି କରିଥାଏ । ତେଣୁକରି ଏହିଭଳି ଜଟିଳ ସ୍ଥିତିରେ ଡିଆରଡିଓ ଦ୍ୱାରା ନିର୍ମିତ ଏହି ଔଷଧ ଫଳପ୍ରଦ ବୋଲି ଜଣାପଡୁଛି ।

ଗୋରୁ ଚୋରାଚାଲାଣ ଅଭିଯୋଗ; ଜଣେ ଅଟକ, ୫ ଗୋରୁ ଉଦ୍ଧାର

ଭୁବନେଶ୍ୱର: ରାଜଧାନୀ ଉପକଣ୍ଠରେ ଗୋରୁ ଚୋରାଚାଲାଣ ହେଉଥିବା ବେଳେ ଅଟକାଇଲେ ଗ୍ରାମବାସୀ । ଘଟଣା ସ୍ଥଳରେ ବଜରଙ୍ଗ ଦଳର କର୍ମୀ ମାନେ ପହଁଞ୍ଚି ପିକ୍ ଅପ୍ ଭ୍ୟାନ୍ ରୁ ୫ଟି ଗୋରୁଙ୍କୁ ଉଦ୍ଧାର କରିଛନ୍ତି।

 

ବାଲିଅନ୍ତା ଥାନା ସାହେବ ନଗର ଗ୍ରାମରୁ ଏହି ଗୋରୁ ସବୁ ଭଦ୍ରକ ଯାଉଥିଲା । ପୂର୍ବରୁ ଜଗି ରହିଥିବା ଗ୍ରାମବାସୀ ଏହି ଗାଡ଼ିକୁ ଅଟକାଇ ଥିଲେ । ଗାଡ଼ିର ଡ୍ରାଇଭର୍ ଲୋକମାନଙ୍କୁ ଧମକ ଚମକ ଦେଇ ଖସି ଯିବାକୁ ଉଦ୍ୟମ କରୁଥିଲା । ଖବର ପାଇ ବାଲିଅନ୍ତା ପୋଲିସ୍ ପହଁଞ୍ଚି ଗୋରୁ ଚୋରାଚାଲାଣ ଅଭିଯୋଗରେ ଜଣଙ୍କୁ ଅଟକ ରଖିଛି । କିଛି ମାସ ପୂର୍ବେ ସାହେବ ନଗର ଗ୍ରାମରୁ ବିପୁଳ ପରିମାଣର ଗୋ ମାଂସ ଜବତ କରିଥିଲା ପୋଲିସ୍। ଏହି ବେଆଇନ୍ ଗୋ ଚାଲାଣ , ଗୋ ମାଂସ ଚାଲାଣ ଉପରେ ରୋକ୍ ନ ଲାଗିଲେ ପରିସ୍ଥିତି ଭୟାବହ ହେବ ବୋଲି ବଜରଙ୍ଗ ଦଳ ଚେତାବନୀ ଦେଇଛି ।

 

କରୋନା ସଂକ୍ରମଣରେ ପୂର୍ବତନ ଓଡ଼ିଶା ରଣଜୀ ଖେଳାଳିଙ୍କ ଦେହାନ୍ତ

ଭୁବନେଶ୍ୱର: ପୂର୍ବତନ ଓଡ଼ିଶା ରଣଜୀ ଖେଳାଳି ତଥା ଓଡ଼ିଶା ରଣଜୀ ଟ୍ରଫି ଚୟନକର୍ତ୍ତା ରବି ନାରାୟଣ ପଣ୍ଡାଙ୍କର କୋଭିଡ ସଂକ୍ରମଣରେ ଶୁକ୍ରବାର ମୃତ୍ୟୁ ଘଟିଛି ।

ସୂଚନା ଅନୁଯାୟୀ,  ନିକଟରେ ସେ ତାଙ୍କର ୩୧  ବର୍ଷୀୟ ପୁଅକୁ ହରାଇଥିବା ବେଳେ ତାଙ୍କ ପତ୍ନୀ କରୋନାରେ ସଂକ୍ରମିତ ହୋଇ ଆମ୍ରି ହସ୍ପିଟାଲରେ ଚିକିତ୍ସିତ ହେଉଛନ୍ତି। ଶ୍ରୀ ପଣ୍ଡାଙ୍କ ପୁଅ ଯକୃତ ରୋଗରେ ପିଡିତ ଥିଲେ ।

ସେ ଜଣେ ବିଚକ୍ଷଣ ବ୍ୟାଟ୍ସମ୍ୟାନ୍ ହେବା ସଙ୍ଗେସଙ୍ଗେ ୭୦ ଦଶକରେ ୱେଷ୍ଟଇଣ୍ଡିଜ୍ ବିପକ୍ଷ  ମ୍ୟାଚ୍ ଖେଳିଥିଲା ବେଳେ ୮୦ ଦଶକରେ ଇଷ୍ଟଜୋନରୁ କ୍ୟାପଟେନ୍ ହୋଇଥିଲେ ।