spot_img
Home Blog Page 5637

ଧସିଲା ମାଟି ଅତଡ଼ା, ମାଟି ତଳୁ ଉଦ୍ଧାର ହେଲେ ତିନି ଶ୍ରମିକ

ଗଂଜାମ: ଅପରାହ୍ନରେ ଘଟିଛି ଅଭାବନୀୟ ଘଟଣା  । କାର୍ଯ୍ୟ ଚାଲିଥିଲା ବେଳେ ହଠାତ ବାଜିରେ ଲଗିଲା  ଜୀବନ  । ଗଞ୍ଜାମ ଜିଲ୍ଲା ଦିଗପହଣ୍ଡିରେ ଦେଖିବାକୁ ମିଳିଛି  ଅଭାବନୀୟ ଘଟଣା । ସାଇଟ ୱାଲ ନିର୍ମାଣ ବେଳେ ଧସିଲା ମାଟି ଅତଡ଼ା । ମାଟି ତଳେ ତିନି ଜଣ ଶ୍ରମିକ ଚାପି ହୋଇ ରହିଥିବା ସୂଚନା ।

ସେପଟେ ଘଟଣା ବିଷୟରେ ଖବର ପାଇ ସ୍ଥାନୀୟ ପୋଲିସ ଏବଂ ଅଗ୍ନିଶମ ବାହିନୀ ଘଟଣାସ୍ଥ୍ଳରେ ପହଁଛି ଉଦ୍ଧାର କାର୍ଯ୍ୟ ଜାରି ରଖିଛିନ୍ତି  । ସାଇଟ ୱାଲ କାର୍ଯ୍ୟ ଚାଲିଥିଲା ବେଳେ ମାଟି ଅତଡ଼ା ଧସି ଯାଇଥିଲା  ।ଫଳରେ ଆଖି ପିଛୁଳାକେ କାର୍ଯ୍ୟ କରୁଥିବା ଶ୍ରମିକ ମୁକୁଳି ଆସିବେରେ ବିଫଳ ହୋଇଥିଲେ  । ଫଳରେ ମାଟି ତଳେ ଚାପି ହୋଇ ରହିଥଛିବା ଜଣାପଡ଼ିଛି  । ମିଳିଥିବା ସୂଚନା ମୁତାବକ ବର୍ତ୍ତମାନ ସମସ୍ତ ଶ୍ରମିକ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି  ।

ପାଠ ପଢିବାର ନଥାଏ ବୟସ, ୫୭ବର୍ଷରେ ମାଟ୍ରିକ୍ ପାସ୍ କଲେ ଆଶା ଦିଦି

ଭଦ୍ରକ: ୫୭ବର୍ଷରେ ମାଟ୍ରିକ୍ ପାସ୍ କଲେ ଆଶା ଦିଦି । ଭଦ୍ରକ ଜିଲ୍ଲା କଣ୍ଟି ଗାଁର ସ୍ବର୍ଣ୍ଣଲତା ପତି ଦଶମ ଶ୍ରେଣୀରେ କୃତକାର୍ଯ୍ୟ ହୋଇ ସମାଜକୁ ଦେଇଛନ୍ତି ନିଆରା ବାର୍ତ୍ତା । ଶିକ୍ଷାଗ୍ରହଣରେ ବୟସ ଏକ ସଂଖ୍ୟା ମାତ୍ର । ଇଚ୍ଛାଶକ୍ତି ଓ ଦୃଢ ମନୋବଳ ଥିଲେ ସବୁକିଛି ସମ୍ଭବ ହୋଇପାରିବ । ଯାହାକୁ ପ୍ରମାଣିତ କରିଛନ୍ତି ସ୍ବର୍ଣ୍ଣଲତା । ଶିକ୍ଷାଗ୍ରହଣରେ ବାଧକ ନୁହେଁ ବୟସ । ମାଟ୍ରିକ୍ ପାସ୍ କଲେ ଆଶା ଦିଦି । ସମାଜକୁ ଦେଲେ ନିଆରା ବର୍ତ୍ତା ।

ଇଚ୍ଛାଶକ୍ତି ଓ ଦୃଢ ମନୋବଳ ଥିଲେ ସବୁକିଛି ସମ୍ଭବ । ବୟସର ଅପରାହ୍ନରେ ମାଟ୍ରିକ୍ ପାସ୍ କରି ସମାଜକୁ ନିଆରା ବାର୍ତ୍ତା ଦେଇଛନ୍ତି ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ କଣ୍ଟି ଗାଁର ସ୍ବର୍ଣ୍ଣଲତା ପତି । ସ୍ଥାନୀୟ ଆଶା ଦିଦିଭାବେ କାର୍ଯ୍ୟକରୁଛନ୍ତି ସ୍ବର୍ଣ୍ଣଲତା । ଅଧିକ ସରକାରୀ ସୁବିଧା ପାଇବା ପାଇଁ ସେ ଦଶମ ଶ୍ରେଣୀ ପରୀକ୍ଷା ଦେଇଥିଲେ । ଏବଂ ଏଥିରେ କୃତକାର୍ଯ୍ୟ ମଧ୍ୟ ହୋଇଛନ୍ତି ।  ବିବାହର କିଛିବର୍ଷ ପରେ ସ୍ବର୍ଣ୍ଣଲତା ସ୍ବାମୀଙ୍କଠାରୁ ଅଲଗା ରହୁଛନ୍ତି ।

ଆଶା ଦିଦି ଭାବେ କାର୍ଯ୍ୟ କରି ସ୍ବାବଲମ୍ବି ହେବା ସହିତ ନିଜର ୪ ପିଲାଙ୍କୁ ଉଚ୍ଚ ଶିକ୍ଷିତ କରାଇପାରିଛନ୍ତି । ସ୍ଥାନୀୟ ଅଞ୍ଚଳରେ ସ୍ବାସ୍ଥ୍ୟସେବା ଯୋଗାଇ ଦେଇ ପାଇଛନ୍ତି ଲୋକଙ୍କର ଭଲପାଇବା । ତେବେ ଅଧିକ ସରକାରୀ ସୁବିଧା ପାଇଁ ୫୭ବର୍ଷ ବୟସରେ ସେ ମାଟ୍ରିକ ପରୀକ୍ଷା ପାଇଁ ଫର୍ମ ପୂରଣ କରି କୃତକାର୍ଯ୍ୟ ହୋଇଛନ୍ତି । ଜୀବନର ବାଟରେ ବୟସ ଏକ ସଂଖ୍ୟା ମାତ୍ର । ଆଗ୍ରହ ଆଉ ମନୋବଳ ହିଁ ସଫଳତା ଆଣିଦିଏ । ଯାହାସକୁ ସ୍ବର୍ଣ୍ଣଲତା ପ୍ରମାଣ କରିଛନ୍ତି ।

ପେଟ୍ରୋଲ ପମ୍ପରେ ମିଳୁଛି ପାଣି ମିଶା ପେଟ୍ରୋଲ, ଗାଡି ଷ୍ଟାର୍ଟ ନହେବାରୁ ଗ୍ରାହକଙ୍କ ସନ୍ଦେହ

ମୟୁରଭଞ୍ଜ: ପେଟ୍ରୋଲ ପମ୍ପରେ ମିଳୁଛି ପାଣି ମିଶା ପେଟ୍ରୋଲ । ଭେଜାଲ ପେଟ୍ରଲକୁ ନେଇ ପମ୍ପରେ ଉତ୍ତେଜନା । ଏମିତି ଏକ ଘଟଣା ଦେଖିବାକୁ ମିଳିଛି କରଞ୍ଜିଆ ଉପଖଣ୍ଡ 49 ନମ୍ବର ଜାତୀୟ ରାଜପଥ ମୁର୍ଗାପାଟ ରିଲାଏଆନ୍ସ ପେଟ୍ରୋଲ ପମ୍ପରେ । କିଛି ବାଇକ ଚାଳକ ପେଟ୍ରୋଲ ଭରିବା ପରେ ଗାଡି ଷ୍ଟାର୍ଟ ନହେବାରୁ ସନ୍ଦେହ କରିଥିଲେ । ପରେ ଏକ ପ୍ଲାଷ୍ଟିକ ବୋତଲରେ ପେଟ୍ରୋଲ ଦେବାକୁ କହିଥିଲେ । ପ୍ଲାଷ୍ଟିକରେ ପେଟ୍ରୋଲ ଭରିବା ପରେ ଏଥିରେ ପାଣିଥିବା ଦେଖାଦେଇଥିଲା ।

ଏହାକୁ ନେଇ ଅସନ୍ତୋଷ ପ୍ରକାଶ କରିବା ସହ ଲୋକେ ପେଟ୍ରୋଲ ପମ୍ପ ଘେରିଥିଲେ । ତେବେ ଏନେଇ ପେଟ୍ରୋଲ ପମ୍ପ ପରିଚାଳକ କିମ୍ବା ନୋଜେଲ ମେନ ଅନଭିଜ୍ଞ ଥିବା ଜଣାଇଛନ୍ତି । କିପରି ପେଟ୍ରୋଲରେ ପାଣି ବାହାରିଲା ଜାଣିନଥିବା ସେମାନେ ପ୍ରକାଶ କରିଛନ୍ତି । ସେପଟେ ଏହି ଘଟଣା ପରେ ପେଟ୍ରୋଲ ପମ୍ପକୁ ବନ୍ଦ କରିଦିଆଯାଇଛି । ପରୀକ୍ଷା ପରେ ପ୍ରକୃତ କଥା ପଦାକୁ ଆସିବ ବୋଲି କହିଛନ୍ତି ପେଟ୍ରୋଲ ପମ୍ପ ମାଲିକ ।

ଟିକା ନେବେ ଛୋଟ ପିଲା, ଜୁଲାଇ ଶେଷ ଆଡ଼କୁ ମିଳିପାରେ

ନୂଆଦିଲ୍ଲୀ: ଦେଶରେ  ଜୋରଦାର ଚାଲିଛି ଚିକାକରଣ ପକ୍ରିୟା  । ୧୮ରୁ ୪୪ ବର୍ଷ ବୟସ୍କ ହୁଅନ୍ତୁ ଅବା ୪୫ ରୁ ଉର୍ଦ୍ଧ୍ୱ  । ପ୍ରତିଦିନ ବ୍ୟାପକତ ଭାବେ ଟିକାକରଣ ପକ୍ରିୟା ଆଗେଇଥିବାବେଳେ ଆଗକୁ ଛୋଟ ପିଲାଙ୍କୁ ଟିକା ଦେବା ନେଇ ବିଚାର ବିମର୍ଶ କରୁଛନ୍ତି ଭାରତ ସରକାର  ।  ୧୨ରୁ ୧୮ ବର୍ଷ ଭିତରେ ପିଲାଙ୍କୁ ଦିଆଯିବ ଟିକା  । ଜୁଲାଇ ଶେଷ ଆଡକୁ ଏବି ବୟସର ପିଲାଙ୍କୁ ଟିକାକରଣରେ ଯୋଡ଼ିବାକୁ ପକ୍ରିୟା ଆରମ୍ଭ କରିବେ ସରକାର  ।

ଜାଇଡସ କାଡିଲା ଟିକା ପରୀକ୍ଷଣ ବର୍ତ୍ତମାନ ଜାରି ରହିଛି  ।  ସେପଟେ ବିଳମ୍ବରେ ଆସିପାରେ କରୋନାର ତୃତୀୟ ଲହର  ।  ଆସନ୍ତା ୬ରୁ ୮ ମାସରେ ଭିତରେ ଟିକାକରଣ ବ୍ୟାପକ କରିବାକୁ ପଡିବ  । ଯେତିକି ପ୍ରତିଶତ ଟିକାକରଣ ପ୍ରତିଦିନ  ଚାଲିଛି  । ତାହାକୁ ବ୍ୟାପକ କରିବାକୁ ପଡ଼ିବ ବୋଲି କହିଛନ୍ତି କୋଭିଡ ଓ୍ବାର୍କିଂ ଗ୍ରୁପ ଅଧ୍ୟକ୍ଷ   ।  ପ୍ରତିଦିନ ଏକ କୋଟି ଟିକାକରଣ କରିବାକୁ ସରକାର ଲକ୍ଷ୍ୟ ରହିଛି ବୋଲି କୋଭିଡ ଓ୍ବାର୍କିଂ ଗ୍ରୁପ ଅଧ୍ୟକ୍ଷ ଏନ କେ ଆରୋରା ସୂଚନା ଦେଇଛନ୍ତି  ।

ଉତ୍ତରପ୍ରଦେଶ ଓ ଉତ୍ତରାଖଣ୍ଡ ବିଧାନସଭା ନିର୍ବାଚନରେ ଏକାକୀ ଲଢ଼ିବ ବିଏସପି

ଲକ୍ଷ୍ନୌ: ଆସନ୍ତାବର୍ଷ ହାବକୁ ଯାଉଛି ଉତ୍ତରପ୍ରଦେଶ ସମେତ ପାଞ୍ଚ ରାଜ୍ୟରେ ବିଧାନସଭା ନିର୍ବାଚନ  । ସମୟ ପାଖେଇବା ସହ ଉସ୍ଣତା ବଢୁଛି  । ରାଜନୀତି ହଟଚନଟ ଦେଖିବାକୁ ମିଳିଛି   । ସେପଟେ ଏଭଳି ସ୍ଥଳରେ ବହୁଜନ ସମାଜବାଦୀ ପାର୍ଟି ବା ବିଏସପି ଘୋଷଣା କରିଛି ଦଳୀୟ ନିଷ୍ପତି  । ଉତ୍ତରପ୍ରଦେଶ ଓ ଉତ୍ତରାଖଣ୍ଡ ବିଧାନସଭା ନିର୍ବାଚନରେ ଏକାକୀ ଲଢ଼ିବ ବହୁଜନ ସମାଜ ପାର୍ଟି । ବିଏସ୍‌ପି ସୁପ୍ରିମୋ ମାୟାବତୀ କହିଛନ୍ତି, ଏହି ଦୁଇ ରାଜ୍ୟରେ ଦଳ କାହା ସହ ମେଣ୍ଟ କରିବ ନାହିଁ । ବିଭିନ୍ନ ପ୍ରସଙ୍ଗକୁ ନେଇ ଦଳ ନିର୍ବାଚନ ଲଢ଼ିବ ।

ଅସଦୁଦ୍ଦିନ ଓଏସିଙ୍କ ଏଆଇଏମଆଇଏମ ସହ ମେଣ୍ଟ କରିବାକୁ ବିଏସପି ପ୍ରସ୍ତୁତ ବୋଲି ଚାଲିଥିବା କଳ୍ପନାଜଳ୍ପନାକୁ ମାୟାବତୀ ଖଣ୍ଡନ କରିଛନ୍ତି । ତେବେ ପଞ୍ଜାବରେ ଶିରୋମଣି ଅକାଳୀ ଦଳ ସହ ବିଏସପି ମେଣ୍ଟ କରିବ ଏବଂ ଦୁଇ ଦଳ ମଧ୍ୟରେ ଆସନ ବୁଝାମଣା ହୋଇଥିବା କହିଛନ୍ତି ମାୟାବତୀ । ୧୧୭ ଆସନ ବିଶିଷ୍ଟ ପଞ୍ଜାବ ବିଧାନସଭାରେ ଶିରୋମଣି ଅକାଳୀ ଦଳ ୯୭ ଓ ବିଏସପି ୨୦ ଆସନରେ ନିର୍ବାଚନ ଲଢ଼ିବ ।

ନିର୍ବାଚନ ପ୍ରସଙ୍ଗରେ ବିଏସପି ସୁପ୍ରିମୋ ମାୟାବତୀ କହିଛନ୍ତି ୟୁପି ଓ ଉତ୍ତରାଖଣ୍ଡରେ ତାଙ୍କ ଦଳ କାହା ସହ ମେଣ୍ଟ କରିବ ନାହିଁ । ସେ ଆହୁରି କହିଛନ୍ତି, ତାଙ୍କ ଦଳରୁ ବହିଷ୍କୃତ ୫ ବିଧାୟକଙ୍କୁ ସମାଜବାଦୀ ପାର୍ଟି ନେତା ଅଖିଳେଶ ଯାଦବ ନିଜ ଦଳରେ ସାମିଲ କରୁଛନ୍ତି । କିନ୍ତୁ ଦଳର ଶକ୍ତି ଏବଂ ସାମର୍ଥ୍ୟ ରହିଛି  । ଦଳ ଆଗାମୀ ନିର୍ବାଚନରେ  ନିଶ୍ଚିତ ଭାବେ ଏକାକୀ ନିର୍ବାଚନ ଲଢିବ  । ବଂର କାହା ସହିତ ଦଳ ମେଣ୍ଟ କରି ନିର୍ବାଚନ ଲଢିବ ନାହିଁ ବୋଲି ସ୍ପଷ୍ଟ ଭାବେ ଜଣାଇଛନ୍ତି ମାୟାବତୀ  ।

ଓଡ଼ିଶା ମୋ ପରିବାର ପକ୍ଷରୁ ଗୋପାଳପୁରରେ ରକ୍ତଦାନ ଶିବିର ଆୟୋଜିତ

ଭୁବନେଶ୍ୱର: ଓଡ଼ିଶା ମୋ ପରିବାର ପକ୍ଷରୁ ଗୋପାଳପୁର ନିର୍ବାଚନ ମଣ୍ଡଳୀର ଲୁହାଝର ପଞ୍ଚାୟତର ବାଦପୁର ଗାଁରେ ଅନୁଷ୍ଠିତ ହୋଇଛି ରକ୍ତଦାନ ଶିବିର । ଏହି ରକ୍ତଦାନ ଶିବିରକୁ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ ଶୁଭାରମ୍ଭ କରିଥିଲେ । ବର୍ତ୍ତମାନ ମହାମାରୀ ସମୟରେ ଅନେକ ଲୋକଙ୍କୁ ରକ୍ତର ଆବଶ୍ୟକତା ରହିଥିବା ବେଳେ ବାହାରେ କେଉଁଠାରେ ମଧ୍ୟ ରକ୍ତଦାନ ଶିବିର ହୋଇପାରୁନାହିଁ । ଯାହାଫଳରେ ବର୍ତ୍ତମାନ ଓଡ଼ିଶା ମୋ ପରିବାର ପକ୍ଷରୁ ବିଭିନ୍ନ ସ୍ଥାନରେ ରକ୍ତଦାନ ଶିବିରର ଆୟୋଜନ କରାଯାଇ ରକ୍ତ ସଂଗ୍ରହ କରାଯାଉଛି ।

ବାଦପୁର ଗାଁରେ ହୋଇଥିବା ରକ୍ତଦାନ ଶିବିରରେ ଅନେକ ଯୁବକ ଓ ମହିଳା ସ୍ବତଃପ୍ରବୃତ୍ତ ଭାବେ ରକ୍ତଦାନ କରିଥିଲେ । 100 ୟୁନିଟ ରକ୍ତ ସଂଗ୍ରହ କରାଯାଇଥିବା ବେଳେ ଗୋପାଳପୁର ନିର୍ବାଚନ ମଣ୍ଡଳୀର ସମସ୍ତ ପଞ୍ଚାୟତରେ ଏଭଳି ରକ୍ତଦାନ ଶିବିର କରାଯାଇ ଏକ ହଜାର ୟୁନିଟ ରକ୍ତ ସଂଗ୍ରହ କରାଯିବା ନେଇ ଲକ୍ଷ୍ୟ ରଖାଯାଇଛି । କୋରୋନା ମହାମାରୀ ଭୟ ରହିଥିବା ଯୋଗୁଁ କଟକଣା ମଧ୍ୟରେ ରକ୍ତଦାନ ଅନୁଷ୍ଠିତ ହୋଇଥିଲା । ଏହି ରକ୍ତଦାନ ଶିବିରରେ ଓଡ଼ିଶା ମୋ ପରିବାର ଓ ଗୋପାଳପୁର ନିର୍ବାଚନ ମଣ୍ଡଳୀର ବହୁ ବିଜେଡ଼ି ନେତା ଓ କର୍ମୀ ମାନେ ଉପସ୍ଥିତ ଥିଲେ ।

ସମ୍ବଲପୁର ବିଶ୍ୱବିଦ୍ୟାଳୟର ପୂର୍ବତନ କୁଳପତିଙ୍କୁ ନିର୍ମମ ହତ୍ୟା

ଝାରସୁଗୁଡ଼ା: ଦିନ ଦ୍ୱିପ୍ରହରରେ ହତ୍ୟା  । ଘରେ ପସି ଅଚାନକ ହାଣିଲେ  ।  ସମ୍ବଲପୁର ବିଶ୍ୱବିଦ୍ୟାଳୟର ପୂର୍ବତନ କୁଳପତି ଡକ୍ଟର ଧୃବରାଜ ନାଏକଙ୍କୁ ହତ୍ୟା କରାଯାଇଛି । ଝାରସୁଗୁଡା ଜିଲ୍ଲା ଲଇକେରା ଥାନା ଅଞ୍ଚଳରେ କେହି ଦୃବୁର୍ତ୍ତ ତାଙ୍କୁ ହତ୍ୟା କରିଛି । ସୂଚନା ଅନୁସାରେ ଧୃବରାଜଙ୍କୁ ଦୁର୍ବୃତ୍ତ ଟାଙ୍ଗିଆରେ ଆକ୍ରମଣ କରି ଫେରାର ପ୍ରଥମେ କେଉଁଆଡ଼େ ଫେରାର ହୋଇଯାଇଥିଲା  ।

ଗୁରୁତର ଅବସ୍ଥାରେ ଡକ୍ଟର ଧୃବରାଜ ନାଏକଙ୍କୁ ଉଦ୍ଧାର କରି ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ତାଙ୍କୁ ସେଠାରେ  ମୃତ୍ୟୁ ଘୋଷଣା କରିଥିଲେ  । ସେପଟେ ଏଭଳି ସମ୍ବେଦନଶୀଳ ଖବର ପାଇ ୃ ଲଇକେରା ଥାନା ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି।

ମିଳିଥିବା ସୂଚନା ମୁତାବକ ଧୃବରାଜଙ୍କୁ ଜଣେ ଲୋକ ମଦ ପିଇବାକୁ ଏକ ଶହ ଟଙ୍କା ମାଗିଥିଲା । ତେବେ ସେ ତାଙ୍କୁ ଟଙ୍କା ନ ଦେଇଥିବାରୁ ବ୍ୟକ୍ତି ଜଣକ ରାଗିଯାଇଥିଲେ। ଏବଂ ମଦ ନିଶାରେ ଧୃବରାଜଙ୍କ ଉପରେ ଆକ୍ରମଣ କରିଥିଲେ। ଟାଙ୍ଗିଆରେ ହାଣିବା ପରେ ଫେରାର ହୋଇଯାଇଥିବା ଦୁର୍ବୃତ୍ତକୁ ଧରିବାରେ ସଫଳ ହୋଇଛି ପୋଲିସ । ଝାରସୁଗୁଡା ଜିଲ୍ଲା ଲଇକେରା ଥାନା ଅଞ୍ଚଳରେ ରହୁଥିଲେ ଧ୍ରୁବରାଜ ନାଏକ ।

ଶତ୍ରୁଘ୍ନ ସିହ୍ନା କହିଲେ ଦୁଃଖୀ ଲୋକଙ୍କ ନୂଆ ଭାରିଏଣ୍ଟ ବିଷୟରେ ! ଜାଣନ୍ତୁ ପୂରା ଘଟଣା


ନୂଆଦିଲ୍ଲୀ: କଂଗ୍ରେସ ନେତା ଶତ୍ରୁଘ୍ନ ସିହ୍ନା ରବିବାର ଦିନ ଦୁଃଖି ବା ଅସନ୍ତୁଷ୍ଟ ଲୋକଙ୍କୁ କରୋନାର ନୂଆ ଭାରିଏଣ୍ଟ ବିଷୟରେ କହିଛନ୍ତି। ସେ ଟୁଇଟ୍ କରି ବ୍ୟଙ୍ଗାତ୍ମକ ଭାବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରଶଂସା କରିଛନ୍ତି। ସେ କହିଛନ୍ତି ଯେ ଦୁନିଆରେ ଚାରି ପ୍ରକାରର ଅସନ୍ତୁଷ୍ଟ ଲୋକ ଅଛନ୍ତି। ଏହାମାଧ୍ୟରୁ ଗୋଟିଏ ଭାରିଏଣ୍ଟ ହେଉଛି ‘କଥା ନ କହି ମୋଦୀଙ୍କ ଉପରେ ଅସନ୍ତୁଷ୍ଟ ଥିବା ଭାରିଏଣ୍ଟ।’

କଂଗ୍ରେସ ନେତା ଶତ୍ରୁଘ୍ନ ସିହ୍ନା ଟ୍ୱିଟ୍ କରି କହିଛନ୍ତି-

୧. ନିଜ ଦୁଃଖରେ ଦୁଃଖୀ

୨. ତୃତୀୟ ଲୋକଙ୍କ ଦୁଃଖରେ ଦୁଃଖୀ

୩. ଅନ୍ୟମାନଙ୍କ ସୁଖରେ ଦୁଃଖୀ

ଏବଂ * ନୂଆ ଭାରିଏଣ୍ଟ*

୪. କଥାବାର୍ତ୍ତା ନକରି ମୋଦୀଙ୍କ ଉପରେ ଦୁଃଖୀ

ଶତ୍ରୁଘ୍ନ ସିହ୍ନାଙ୍କ ଏହି ଟୁଇଟ୍ ରୁ ଅନେକ ଅର୍ଥ ବାହାର କରାଯାଉଛି । ଶତ୍ରୁଘ୍ନ ସିହ୍ନାଙ୍କ ଏହି ଟୁଇଟ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରଶଂସା ରୂପେ ଦେଖାଯାଉଛି। ଚଳଚ୍ଚିତ୍ର ଜଗତରୁ ରାଜନୀତିକୁ ଆସିଥିବା ଶତ୍ରୁଘ୍ନ ସିହ୍ନା ବିଜେପି ସହିତ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ। ସେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସରକାରରେ ମଧ୍ୟ ମନ୍ତ୍ରୀ ରହିଛନ୍ତି।

ଏହାପୂର୍ବରୁ ୨୦୧୪ ଲୋକସଭା ନିର୍ବାଚନରେ ​​ସେ ବିଜେପି ଟିକେଟରେ ପାଟନା ସାହିବ ଆସନରୁ ସାଂସଦ ହୋଇଥିଲେ। ଯଦିଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାରରେ ସେ ସ୍ଥାନ ପାଇନାହାଁନ୍ତ । ସେବେଠାରୁ ସେ ମୋଦୀଙ୍କୁ ଖୋଲାଖୋଲି ସମାଲୋଚନା କରୁଥିଲେ। ଏହା ପରେ ସେ ୨୦୧୯ ଲୋକସଭା ନିର୍ବାଚନ ପୂର୍ବରୁ ବିଜେପି ସହ ସମ୍ପର୍କ ଭାଙ୍ଗିଥିଲେ। ସେତେବେଳେ ସେ ଜେଡିୟୁରେ ଯୋଗଦେବା ନେଇ କଳ୍ପନାଜଳ୍ପନା ଚାଲିଥିଲା। କିନ୍ତୁ ପରେ ଶତ୍ରୁଘ୍ନ କଂଗ୍ରେସରେ ଯୋଗ ଦେଇଥିଲେ। ଯଦିଓ କଂଗ୍ରେସ ଦଳରୁ ସେ ରାଜନୈତିକ ସଫଳତା ପାଇପାରିନଥିଲେ। ସେବେଠାରୁ, ଶତ୍ରୁଘ୍ନ ସିହ୍ନାଙ୍କ ଚର୍ଚ୍ଚା ବନ୍ଦ ହୋଇଯାଇଥିଲା । ଏଭଳି ପରିସ୍ଥିତିରେ ତାଙ୍କର ଏହି ଟ୍ୱିଟ ପରେ ତାଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି ।

 

ଅମାନିଆ ବିଧାୟକ, ସଟଡାଉନରେ ଲୋକଙ୍କୁ ଏକାଠି କରି କୋଭିଡ୍ ନିୟମ ଭାଙ୍ଗିଲେ ସୁର ରାଉତରାୟ

ଭୁବନେଶ୍ୱର: ସବୁବେଳେ ଖବରର ଚର୍ଚ୍ଚା ରହିଥାନ୍ତି କଂଗ୍ରେସ ବିଧାୟକ ସୁର ରାଉତରାୟ । କେତେବେଳେ ବିବାଦୀୟ ମନ୍ତବ୍ୟ ତ ଆଉ କେବେ ନିୟମ ଉଲ୍ଲଂଘନ । କରୋନା ସମୟରେ ମାସ୍କ ସୁରକ୍ଷା କବଚ ସାଜିଥିବା ବେଳେ ସୁର ପ୍ରଥମେ ମାସ୍କ ପିନ୍ଧୁନଥିଲେ । କରୋନାର ଭୟାବହ ରୂପ ଦେଖିବା ପରେ ମାସ୍କ ପିନ୍ଧିଥିଲେ ଏହି ବରିଷ୍ଠ ନେତା । ବିଧାୟକଙ୍କ କାନ୍ଧରେ ଜନତାଙ୍କ ଦାୟିତ୍ୱ ଥିବାବେଳେ ସୁର ଅମାନିଆ ହୋଇ ପଡ଼ିଛନ୍ତି ।

Congress MLA Sura Routray Flouts Covid Norms

କୋଭିଡ୍ କଟକଣାକୁ ଭୁଲି ସଟ୍‌ଡାଉନ୍‌ ସମୟରେ କଂଗ୍ରେସ ବିଧାୟକ ସୁରେଶ ରାଉତରାୟ ସାମ୍ବାଦିକ ସମ୍ମିଳନୀ କରିଛନ୍ତି । ତାହା ପୁଣି ଶତାଧିକ ଲୋକଙ୍କୁ ନେଇ । ଭୁବନେଶ୍ୱର ଉପକଣ୍ଠ ଦାରୁଠେଙ୍ଗ ଅଞ୍ଚଳରେସଟଡାଉନରେ ସୁର ପ୍ରେସମିଟ୍ କରୁଥିବା ବେଳେ ଅତିରିକ୍ତ ତହସିଲଦାର ଚଢ଼ାଉ କରିଥିଲେ ।

Congress MLA Sura Routray Flouts Covid Norms

ନନ୍ଦନକାନନର କିଛି ସମସ୍ୟା ସମ୍ପର୍କରେ ଜଟଣୀ ବିଧାୟକ ସୁରେଶ ରାଉତରାୟ ପ୍ରେସମିଟ୍ କରୁଥିଲେ । କିଛି କର୍ମୀ ବି ଉପସ୍ଥିତ ଥିଲେ । ସଟ୍‌ଡାଉନ ଓ କୋଭିଡ୍ ନିୟମର ଉଲ୍ଲଂଘନ କରିଥିବାରୁ ଭୁବନେଶ୍ୱର ଅତିରିକ୍ତ ତହସିଲଦାର ଶର୍ମିଷ୍ଠା ଦାସ ଓ ଚନ୍ଦକା ପୋଲିସ ଚଢ଼ାଉ କରିଥିଲା । ନିୟମ ମାନିନଥିବାରୁ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଅତିରିକ୍ତ ତହସିଲଦାର ।

ସ୍ପୁଟନିକ୍-ଭି ଓ ଆଷ୍ଟ୍ରାଜେନେକା ଟିକା ହ୍ରାସ କରାଉଛି ମୃତ୍ୟୁହାର: ଆର୍ଜେଣ୍ଟିନାର ସ୍ୱାସ୍ଥ୍ୟ ମନ୍ତ୍ରଣାଳୟ

ବ୍ୟୁନସ ଆୟର୍ସ: ଆର୍ଜେଣ୍ଟିନାର ସ୍ୱାସ୍ଥ୍ୟ ମନ୍ତ୍ରଣାଳୟର ଏକ ଅଧ୍ୟୟନ ଦେଇଛି ଆଶ୍ୱସ୍ଥି । ଏହି ଅଧ୍ୟୟନରେ ୬୦ବର୍ଷରୁ ଉର୍ଦ୍ଧ୍ୱ ଲୋକଙ୍କ ପାଇଁ ଆସିଛି ଖୁସି ଖବର । ଏଥିରେ   କୁହାଯାଇଛି ଯେ କରୋନା ଭାଇରସ ବିରୁଦ୍ଧରେ ସ୍ପୁଟନିକ୍-ଭି କିମ୍ବା ଆଷ୍ଟ୍ରାଜେନେକା ଟିକାର ଗୋଟିଏ ମାତ୍ର ଡୋଜ ୬୦ବର୍ଷରୁ ଉର୍ଦ୍ଧ୍ୱ ଲୋକଙ୍କ ମୃତ୍ୟୁ ହାରକୁ ୭୦-୮୦ପ୍ରତିଶତ ପର୍ଯ୍ୟନ୍ତ ହ୍ରାସ କରିପାରିବ । ମନ୍ତ୍ରଣାଳୟ ଦ୍ୱାରା ଜାରି ଏକ ବିବୃତ୍ତିରେ ଆଉ ମଧ୍ୟ କୁହାଯାଇଛି ଯେ, ୬୦ ବର୍ଷ କିମ୍ବା ୬୦ରୁ ଉର୍ଦ୍ଧ୍ୱ ବୟସର ରୋଗୀଙ୍କୁ ଦିଆଯାଉଥିବା ଟିକାର ଡୋଜଗୁଡ଼ିକର କ୍ଷମତାର ମୂଲ୍ୟାଙ୍କନରେ ଏହି ତଥ୍ୟ ସାମ୍ନାକୁ ଆସିଛି।

ଅଧ୍ୟୟନରେ କୁହାଯାଇଛି ଯେ ଏହି ଟିକାଗୁଡ଼ିକର ମାତ୍ର ଦୁଇଟି ଡୋଜରେ ମୃତ୍ୟୁ ହାର ୯୦ ପ୍ରତିଶତକୁ ହ୍ରାସ ପାଇଥାଏ। ରିସର୍ଚ୍ଚ ସମୟରେ, ୬୦ ବର୍ଷରୁ ଅଧିକ ବୟସର ୪,୭୧,୬୮୨ ଲୋକଙ୍କୁ ନେଇ ଏହି ଅଧ୍ୟୟନ କରାଯାଇଥିଲା । ଅନ୍ୟପକ୍ଷରେ, ସାରା ବିଶ୍ୱରେ କରୋନା ଭାଇରସ ବ୍ୟାପିବା ମଧ୍ୟରେ ସଂକ୍ରମିତଙ୍କ ସଂଖ୍ୟା ୧୮କୋଟିରୁ ଅଧିକ ହୋଇଛି ଏବଂ ୩୯.୦୯ ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ହୋଇଛି।

ଆମେରିକାର ଜାନ୍ ହାପକିନ୍ସ ୟୁନିଭରସିଟିର ବିଜ୍ଞାନ ଏବଂ ଇଞ୍ଜିନିୟରିଂ କେନ୍ଦ୍ର (CSSE) ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ ବିଶ୍ୱର ୧୯୨ଟି ଦେଶ ବା ଅଞ୍ଚଳରେ ସଂକ୍ରମିତଙ୍କ ସଂଖ୍ୟା ବଢି ୧୮କୋଟି ୪ ଲକ୍ଷ ୧୦ ହଜାର ୧୩୧କୁ ବୃଦ୍ଧି ପାଇଥିବାବେଳେ ୩୮ ଲକ୍ଷ ୯୮ ଲୋକଙ୍କ ଏହି ମହାମାରୀ ଯୋଗୁଁ ପ୍ରାଣ ଯାଇଛି । ସେହିଭଳି ବିଶ୍ୱର ସବୁଠୁ ଅଧିକ ଶକ୍ତିଶାଳି ଦେଶ ଭାବରେ ଚିହ୍ନା ଆମେରିକାରେ କରୋନା ଭାଇରସ ସଂକ୍ରମଣ ଧିମା ହୋଇଛି । ଏଠାରେ ସମୁଦାୟ ସଂକ୍ରମିତ ସଂଖ୍ୟା ୩.୩୬ କୋଟିରୁ ଅଧିକ ରହିଛି ଏବଂ ୬.୦୩ ଲକ୍ଷରୁ ଅଧିକ ଲୋକ ପ୍ରାଣ ହରାଇଛନ୍ତି।