spot_img
Home Blog Page 5951

ଆତଙ୍କ ରଚୁଛି କରୋନା, ଆଜି ଦେଶରୁ ସର୍ବାଧିକ ପଜିଟିଭ

ନୂଆଦିଲ୍ଲୀ: ଦେଶରେ ପୁଣି ଆତଙ୍କ ରଚାଇଲାଣି କରୋନା । ନିୟନ୍ତ୍ରଣର ବାହାରକୁ ଗଲାଣି ଆକ୍ରାନ୍ତଙ୍କ ସଂଖ୍ୟା । ପ୍ରଥର ଥର ପାଇଁ ୨୪ ଘଣ୍ଟାରେ ଏକ ଲକ୍ଷ ଅତିକ୍ରମ କଲାଣି କରୋନା କେସ । ସୋମବାର ଦେଶରୁ ଚିହ୍ନଟ ହୋଇଥିବା କୋଭିଡ ସଂକ୍ରମଣ ମାମଲା ୧ ଲକ୍ଷ ଅତିକ୍ରମ କରିଛି ଅର୍ଥାତ ଗତ ୨୪ ଘଣ୍ଟାରେ ୧ ଲକ୍ଷ ୩୦ ହଜାର ନୂଆ ମାମଲା ସାମ୍ନାକୁ ଆସିଛି ।

କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଜାରି କରିନଥିବା ବେଳେ ପ୍ରତ୍ୟେକ ରାଜ୍ୟର କରୋନା କେସରୁ ଏହି ତଥ୍ୟ ଜଣାପଡିଛି । ଗତବର୍ଷ ସେପ୍ଟେମ୍ବର ମାସରେ ସର୍ବାଧିକ କରୋନା କେସ ଚିହ୍ନଟ ହୋଇଥିଲା । ୯୭ ହଜାର ୮୯୪ଟି କେସ ସେପ୍ଟେମ୍ବର ମାସରେ ଚିହ୍ନଟ ହୋଇଥିବାବେଳେ ଆଜିର ସଂକ୍ରମଣ ରେକର୍ଡ ସଂଖ୍ୟକ ବୋଲି ଜଣାପଡିଛି ।

ନୂଆ ସଂକ୍ରମିତଙ୍କ ତାଲିକାରେ ମହାରାଷ୍ଟ୍ରର କେସ ସବୁଠାରୁ ଉର୍ଦ୍ଧ୍ବରେ ରହିଛି । ଗୋଟିଏ ଦିନରେ ମହାରାଷ୍ଟ୍ରରୁ ୫୭ ହଜାରରୁ ଅଧିକ କୋଭିଡ ମାମଲା ସାମ୍ନାକୁ ଆସିଛି । ସେହିପରି ମୃତ୍ୟୁ ସଂଖ୍ୟା ମଧ୍ୟ ମହାରାଷ୍ଟ୍ରରେ ଅଧିକ ରହିଛି । ତଥ୍ୟ ଅନୁଯାୟୀ ୨୨୨ ଜଣ କରୋନା ପଜିଟିଭଙ୍କ ମୃତ୍ୟୁ ଘଟିଛି ।

ଯୁବତୀଙ୍କ ମୃତ ଦେହ ଛାଡି ଯୁବକ ଫେରାର

ଢେଙ୍କାନାଳ: ଗତ ୧ ତାରିଖରୁ ଘରୁ ନିଖୋଜ ଥିଲେ ଯୁବତୀ । ଜୈନିକ ଜଣେ ଯୁବକଙ୍କ ସହ ପ୍ରେମ ସମ୍ପର୍କ ଥିବାରୁ ଉକ୍ତ ଯୁବକଙ୍କ ସହ ଯୁବତୀ ଜଣଙ୍କ ଫେରାର ହୋଇଯାଇଥିବା ଅନୁମାନ କରାଯାଉଛି । କିନ୍ତୁ ଏବେ ଯୁବତୀଙ୍କର ମୃତ୍ୟୁ ଘଟିଥିବା ବେଳେ ମୃତ ଦେହ ଛାଡି ମେଡିକାଲରୁ ଫେରାର ହୋଇଯାଇଛନ୍ତି ଯୁବକ ।

ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଦେଖିବାକୁ ମିଳିଛି ଏହି ଅଭାବୀୟ ଘଟଣା । ଛାତ୍ରୀ ଜଣକ ବାଲେଶ୍ବର ଖଇରା ଅଞ୍ଚଳର ବୋଲି ଜାଣିବାକୁ ମିଳିଛି । ଗତ ୧ ତାରିଖରୁ ନିଖୋଜ ଥିଲେ । ଏନେଇ ଛାତ୍ରୀଙ୍କ ବାପା ବାଲେଶ୍ବର ଥାନାରେ ଏତଲା ମଧ୍ୟ ଦେଇଥିଲେ ।

ସୂଚନା ଅନୁଯାୟୀ ଛାତ୍ରୀ ଜଣକ ପ୍ରେମ ସମ୍ପର୍କକୁ ନେଇ ଘର ଛାଡିଥିବା ଅନୁମାନ କରାଯାଉଛି । ସଦର ଥାନା ଅନ୍ତର୍ଗତ ବନ୍ଧ ନୁଆଗାଁରେ ରହୁଥିଲେ ଉଭୟ ଯୁବକ, ଯୁବତୀ । ତେବେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ତାଙ୍କ ମୃତଦେହକୁ ଛାଡି ଫେରାର ହୋଇଯାଇଛନ୍ତି ଯୁବକ । ସେପଟେ ଖବର ପାଇ ଘଟଣାସ୍ଥଳରେ ଟାଉନ ପୋଲିସ ପହଞ୍ଚି ତଦନ୍ତ କରିବା ସହ ଯୁବକଙ୍କୁ ଅଟକ ରଖିଛି ।

ରାଉରକେଲା ଇସ୍ପାତ କାରଖାନାରେ ଅଗ୍ନିକାଣ୍ଡ, ତଦନ୍ତ କରିବେ ସିଜିଏମ

ରାଉରକେଲା: ରାଉରକେଲା ଇସ୍ପାତ କାରଖାନାର ଏସଏମଏସ ୨ କଣ୍ଟ୍ରୋଲ ରୁମରେ ଭୟାବହ ଅଗ୍ନିକାଣ୍ଡ। ଅଗ୍ନିକାଣ୍ଡରେ କଣ୍ଟୋଲ ରୁମର କେଵୁଲ କମ୍ପ୍ୟୁଟର, ମନିଟର ଓ ପ୍ୟାନେଲ ବୋର୍ଡ ସହ ଅନ୍ୟ ସରଞ୍ଜାମ ଜଳି ନଷ୍ଟ ହୋଇଥିବା ଅଭିଯୋଗ। ସ୍ଲାଗ ପଟ ବ୍ଲାଷ୍ଟ ହେଵାରୁ ଅଗ୍ନିକାଣ୍ଡ ହୋଇଥିବା ଜଣା ପଡିଛି। ସେପଟେ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିଛନ୍ତି।

ନିଆଁ ଲାଗିବା ଅଭିଯୋଗ ପରେ ରାଉରକେଲା ଇସ୍ପାତ କାରଖାନାର ମୁଖ୍ୟ ନିର୍ବାହୀ ଅଧିକାରୀ ଘଟଣାସ୍ଥଳ ପରିଦର୍ଶନ କରିଛନ୍ତି। ମଧ୍ୟ ରାତିରେ ଅଗ୍ନିକାଣ୍ଡ ଘଟିଥିବାବେଳେ ନିଆଁ କାହିଁକି ଏବଂ କେଉଁ କାରଣରୁ ଲାଗିଛି ତାହା ସ୍ପଷ୍ଟ ହୋଇନାହିଁ । ସେପଟେ ଅଗ୍ନିକାଣ୍ଡ ହେବା ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ରାଉରକେଲା ଇସ୍ପାତ କାରଖାନା ମୁଖ୍ୟ ନିର୍ବାହୀ ଅଧିକାରୀ।

୪ଜଣ ସିଜିଏମ ଘଟଣାର ତଦନ୍ତ କରିବେ। ଅଗ୍ନିକାଣ୍ଡର କାରଣ ଓ କ୍ଷୟକ୍ଷତି ଅନୁଧ୍ୟାନ କରି ରିପୋର୍ଟ ପ୍ରଦାନ କରିବା ପାଇଁ ନିର୍ଦେଶ ଦେଇଛନ୍ତି । ମଧ୍ୟ ରାତିରେ ଏହି ନିଆଁ ଲାଗିଥିବାରୁ ଅନେକ ଜିନିଷ ନଷ୍ଟ ହୋଇଯାଇଛି । କିନ୍ତୁ ତତକ୍ଷାଣତ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚି ନିଆଁକୁ ଆୟତ କରିନେଇଥିଲେ ।

ସୀମାରେ ପୁଣି ଆନ୍ଧ୍ରର ହୀନ ଚକ୍ରାନ୍ତ, ପ୍ରକାଶ କରିଛି ନିର୍ବାଚନୀ ବଜ୍ଞପ୍ତି

କୋରାପୁଟ: ସୀମାରେ ପୁଣି ଆନ୍ଧ୍ରର ହୀନ ଚକ୍ରାନ୍ତ । କୋରାପୁଟ ଜିଲ୍ଲାର ତଲଗଂଜେଇପଦରରେ ନିର୍ବାଚନ କରିବାକୁ ଆନ୍ଧ୍ର ନିର୍ବାଚନ ଅଧିକାରୀ ପ୍ରକାଶ କରିଛନ୍ତି ବିଜ୍ଞପ୍ତି । ତଲଗଂଜେଇପଦରକୁ ଗଂଜେଇଭାଦ୍ର ଭାବେ ନାମିତ କରି ସମିତି ସଭ୍ୟ ନିର୍ବାଚନ କରୁଛି ଆନ୍ଧ୍ର ।

ସେହିପରି ପାଟୁ ସିନାରୀ ପଞ୍ଚାୟତକୁ ପାଟୁ ଚିନ୍ନାରୁ, ଫଗୁଣ ସିନାରୀ ପଞ୍ଚାୟତକୁ ପଗଲୁ ଚିନ୍ନାରୁ ଓ ତନାମ ପଞ୍ଚାୟତକୁ ତନାମ ନାଁରେ ନାମିତ କରି ଜିଲ୍ଲା ପରିଷଦ ସଭ୍ୟ ପାଇଁ ନିର୍ବାଚନ ଲଢୁଛି । ଆସନ୍ତା ଏପ୍ରିଲ ୮ରେ ଭୋଟ ଗ୍ରହଣ କରାଯିବାକୁ ଥିବା ବେଳେ, ୧୦ରେ ନିର୍ବାଚନ ଫଳାଫଳ ଘୋଷଣା ହେବ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି ।

ଗଂଜେଇଭଦ୍ର ପଞ୍ଚାୟତ ସମିତି ସଭ୍ୟ ପାଇଁ ଧୂଳିପଦରର ଆପାଲାମା ମାଝୀ ଓ ଉପରସିବିର ମାରି ଡମ୍ବାଇ ପ୍ରତିଦ୍ୱନ୍ଦିତା କରୁଛନ୍ତି । ସେହିପରି ଜିଲ୍ଲା ପରିଷଦ ସଭ୍ୟ ପାଇଁ ତ୍ରିମୁଖୀ ଲଢେଇ ଚାଲିଛି । ତେବେ ଓଡ଼ିଶାରେ ଆନ୍ଧ୍ରର ଏ ହୀନ ଚକ୍ରାନ୍ତକୁ ସବୁ ମହଲରେ ନିନ୍ଦା କରାଯାଇଛି । ପୂର୍ବରୁ ମଧ୍ୟ କୋଟିଆର ତିନିଟି ଗାଁରେ ଜୋରଜବରଦସ୍ତ ନିର୍ବାଚନ କରିଥିଲା ଆନ୍ଧ୍ର । ଯାହାକୁ ନେଇ ସାରା ରାଜ୍ୟରେ ତମ୍ବିତୋଫାନ ହୋଇଥିଲା ।

ଦେଶୀ ମଦ ମାଫିଆଙ୍କ ଭୂ-ସ୍ୱର୍ଗ ସୁର୍କାବାଡ଼ି, ଗାଁ ଲୋକଙ୍କ ଗୁହାରି ଶୁଣୁନି ପୋଲିସ

ସୁନାଖଳା: ଖୁଲମ ଖୁଲା ଚାଲିଛି ବେଆଇନ୍‌ ଦେଶୀ ମଦ ବ୍ୟବସାୟ । ଗାଁ ଭିତରେ ସୃଷ୍ଟି ହେଉଛି ଦର୍ଗନ୍ଧମୟ ପରିବେଶ । ଏମିତିକି ଦେଶୀ ମଦ ପ୍ରସ୍ତୁତି ପରେ ଏହାର ଓ୍ୱେଷ୍ଟେଜ୍‌ ଲୋକଙ୍କ ଜମିରେ ମାଡ଼ୁଛି । ଫସଲ ତଥା ମୂଲ୍ୟବାନ ଗଛ ବି ନଷ୍ଟ ହେଉଛି । ହେଲେ ଏତେ ସବୁ ପରେ ବି ଲୋକ ଚୁପ୍‌ । କାରଣ ସମସ୍ତଙ୍କ ମନରେ ରହିଛି ଜୀବନ ଚାଲିଯିବାର ଭୟ । ଏହି ବେଆଇନ୍‌ ଦେଶୀ ମଦ କାରଖାନାକୁ ଯେଉଁମାନେ ବିରୋଧ କରୁଛନ୍ତି, ସେମାନଙ୍କୁ ଜୀବନରୁ ମାରି ଦେବାକୁ ଧମକ ଦିଆଯାଉଛି । ପୂର୍ବରୁ ଏହା ବିରୋଧରେ କହି, କିଛି ସଚେତନ ଯୁବକ ହଇରାଣ ହୋଇଥିବା ନଜିର ରହିଛି ।

ଯଦି କୌଣସି ଯୁବକ ଏହି ବେଆଇନ୍‌ ଦେଶୀ ମନ କାରଖାନା ବିରୋଧରେ ସ୍ୱର ଉତ୍ତୋଳନ କରନ୍ତି । ତେବେ ଏହି କାରଖାନାର ମାଲିକାଣି ତାଙ୍କୁ ଜୀବନରୁ ମାରିଦେବାକୁ ସିଧାସଳଖ ଧମକ ଦିଅନ୍ତି ନଚେତ୍‌ ରେପ୍‌ କେସ୍‌ ଲଗାଇ ଜେଲ୍‌ ପଠାଇବାକୁ ଡରାନ୍ତି । ଏମିତିକି ସେ କୁହନ୍ତି ଯେ, ‘ପୋଲିସ ପ୍ରଶାସନଠାରୁ ଅବକାରୀ ବିଭାଗ ପର୍ଯ୍ୟନ୍ତ, ସମସ୍ତଙ୍କୁ ମୋଟା ଅଙ୍କର ହାତଗୁଞ୍ଜା ଦେଇ ନିଜ ମୁଠାରେ ରଖିଛି । ମୋର କେହି କିଛି କରିପାରିବେନି । ଯଦି ମୋ ସହ କିଏ ଲାଗିବ ତେବେ ପୋଲିସ ତାକୁ ଆଗ ଧରିବ ।’

ଅଭିଯୋଗ ଅନୁଯାୟୀ, ରାଜସୁନାଖଳା ଅନ୍ତର୍ଗତ ସୁର୍କାବାଡ଼ି ଗାଁର ମଞ୍ଜୁ ମଣ୍ଡଳ ବିଗତ କିଛି ବର୍ଷ ହେବ ବେଆଇନ ଭାବେ ନିଜ ଘରେ ଚୋରା ଦେଶୀ ମଦ ତିଆରି କରୁଛନ୍ତି । ହେଲେ ପୋଲିସ ତାଙ୍କୁ କିଛି କହୁ ନାହିଁ । ମଦ ତିଆରି କରି ଗାଁ ପରିବେଶକୁ ନଷ୍ଟ କରୁଛନ୍ତି । ଏହାକୁ ଗ୍ରାମବାସୀ ବିରୋଧ କଲେ ମଧ୍ୟ ସ୍ଥାନୀୟ ପୋଲିସ ପ୍ରଶାସନ କିମ୍ବା ଅବକାରୀ ବିଭାଗ ଶୁଣିବାକୁ ନାରାଜ । ଯେତେ ଅଭିଯୋଗ ହେଲେ ବି ଫଳ ଶୂନ ।

ପୂର୍ବରୁ ବେଆଇନ୍ ମଦ ତିଆରି ଅଭିଯୋଗରେ ମଞ୍ଜୁଙ୍କୁ ପୋଲିସ ଅନେକ ଥର ଗିରଫ କରିଛି । ହେଲେ ସେହି ଗିରଫ କେବଳ ନାଁକୁ ମାତ୍ର । ତୁରନ୍ତୁ ମଞ୍ଜୁଙ୍କୁ ଜାମିନ ମିଳିଯାଉଛି । ଜେଲରୁ ମୁକୁଳିବା ପରେ ମଞ୍ଜୁ ପୁଣି ସେହି ଚୋରା ମଦ ବ୍ୟବସାୟ ଆରମ୍ଭ କରୁଛନ୍ତି । ଗ୍ରାମବାସୀଙ୍କ ମଞ୍ଜୁଙ୍କ ଅତ୍ୟାଚାରେ ଅତିଷ୍ଟ ହୋଇପଡ଼ିଲେଣି । ଗ୍ରାମବାସୀଙ୍କ କହିବାନୁଯାୟୀ, ଉକ୍ତ ମହିଳା ସ୍ଥାନୀୟ ପୋଲିସକୁ ଓ ସ୍ଥାନୀୟ ସରପଞ୍ଚଙ୍କୁ ପ୍ରତି ମାସରେ ମୋଟା ଅଙ୍କର ଲାଞ୍ଚ ଦେଉଛନ୍ତି । ତେଣୁ ପ୍ରଶାସନିକ ସ୍ତରରେ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ ।

କ୍ୟାମ୍ପେନିଂରେ କମ୍ପୁଛି ମଇଦାନ, ସଂଖ୍ୟା ଲଘୁ ଭୋଟ କହିବ କିଏ ଜିତିବ..

ପିପିଲି: ପିପିଲି ଉପନିର୍ବାଚନ କ୍ୟାମ୍ପେନିଂରେ କମ୍ପୁଛି ମଇଦାନ । ଓ୍ୱାରରୁମ୍‌ରେ ରଣନୀତି ପ୍ରସ୍ତୁତ, ଓ୍ୱିନ୍ ସଟ୍‌ ଲଗାଇବାକୁ ପ୍ରଚାର ପିଚ୍‌ରେ ନେତା ଓ କର୍ମୀଙ୍କ ମାରାଥନ୍ କ୍ୟାମ୍ପେନ୍‌ । ସମର୍ଥନ ଜୁଟାଇବା ପାଇଁ ଚାଲିଛି ସଭା, ଶୋଭାଯାତ୍ରା, ଡୋର ଟୁ ଡୋର ପ୍ରଚାର । ତେବେ ବିଜୟ ପାଇଁ ବଡ଼ ଫ୍ୟାକ୍ଟର ହେବ ପିପିଲି ଓ ଡେଲାଙ୍ଗର ସଂଖ୍ୟାଲଘୁ ଭୋଟ୍ ବ୍ୟାଙ୍କ ।

ତିନି ପ୍ରମୁଖ ଦଳ ପକ୍ଷରୁ ସଂଖ୍ୟାଲଘୁ ଭୋଟ୍‌ ହାତେଇବା ପାଇଁ ହୋଇଛି ଖାସ୍ ରଣନୀତି । ତେବେ ପିପିଲି, ଡେଲାଙ୍ଗରେ କାହାକୁ ମିଳିବ ସଂଖ୍ୟାଲଘୁଙ୍କ ସମର୍ଥନ ? ଆଗରୁ ପ୍ରଦୀପ ମହାରଥୀଙ୍କ ପରିବାର ଥିଲେ ସଂଖ୍ୟାଲଘୁ ଭୋଟର । ଆଶୀର୍ବାଦ ଅଜାଡୁଥିଲେ, ଦେଉଥିଲେ ସମର୍ଥନର ଭୋଟ୍ । ଏଥର ବିଜେଡି ଯୋଦ୍ଧା ଜୁନିଅର ମହାରଥୀ । ରୁଦ୍ରଙ୍କ ପାଇଁ ବି ଇଭିଏମ୍‌ରେ ହେବ କି ସଂଖ୍ୟାଲଘୁଙ୍କ ବିଶ୍ୱାସର ଭୋଟିଂ ? ମୁଖ୍ୟମନ୍ତ୍ରୀଙ୍କ ବିକାଶ ପ୍ଲାନ୍ ସାଙ୍ଗକୁ ବାପାଙ୍କ ଲୋକପ୍ରିୟତାକୁ ପୁଞ୍ଜି କରି ଭୋଟରଙ୍କ ପାଖକୁ ଯାଉଛନ୍ତି ରୁଦ୍ର । ଡୋର୍‌ ଟୁ ଡୋର୍‌ କ୍ୟାମ୍ପେନିଂରେ ସ୍ନେହ ସମର୍ଥନ ଜୁଟାଇବାକୁ ପ୍ରୟାସ କରୁଛନ୍ତି । ସେପଟେ ବିଜେପି ଓ କଂଗ୍ରେସ ମଧ୍ୟ ସଂଖ୍ୟାଲଘୁ ଭୋଟ୍‌ ନିଜ ଖାତାକୁ ଆଣିବାକୁ ପ୍ରସ୍ତୁତ କରିଛନ୍ତି ଖାସ୍ ଗେମ୍‌ପ୍ଲାନ୍ ।

ପିପିଲି ଏନଏସି ସମେତ ଦାନଗହିରି, ଘୋରଡ଼ିଆ, ହାଟସାହି, ଡେଲାଙ୍ଗ ପରି ଅନେକ ପଂଚାୟତ ଓ ଗାଁରେ ସଂଖ୍ୟାଲଘୁ ସମ୍ପ୍ରଦାୟ ବସବାସ କରନ୍ତି । ପାଖାପାଖି ୧୭ ରୁ ୨୦ ପ୍ରତିଶତ ସଂଖ୍ୟାଲଘୁ ଭୋଟ ପିପିଲି ନିର୍ବାଚନକୁ ପ୍ରଭାବିତ କରିଥାଏ । ତେବେ ଧର୍ମ ନିରପେକ୍ଷତା ଆଧାରରେ ଭୋଟ ଦେଇଆସୁଛନ୍ତି ପିପିଲି ଓ ଡେଲାଙ୍ଗବାସୀ । ଧର୍ମ ନିରପେକ୍ଷତା ସବୁବେଳେ ବିଜେଡିର ସ୍ୱର ହୋଇଛି । ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଗୁରୁତ୍ୱ ଦେଇଆସିଛନ୍ତି ।

‘ରାଜ୍ୟରେ ଡେ’ କର୍ଫ୍ୟୁ ଲାଗୁ ହେବାର କୌଣସି ଯୋଜନା ନାହିଁ’

ଭୁବନେଶ୍ୱର: ବର୍ତ୍ତମାନ ପରିସ୍ଥିତିରେ ରାଜ୍ୟରେ ଡେ’ କର୍ଫ୍ୟୁ ଲାଗୁ ହେବାର କୌଣସି ଯୋଜନା ନାହିଁ । ରାଜ୍ୟରେ କରୋନା ସ୍ଥିତି ନିୟନ୍ତ୍ରଣରେ ରହିଛି । ଏହା ଉପରେ ରାଜ୍ୟ ସରକାର ନଜର ରଖିଛନ୍ତି । ତେଣୁ ଡେ’ କର୍ଫ୍ୟୁ ଲାଗୁ ହେବାର ବର୍ତ୍ତମାନ ଯୋଜନା ନଥିବା ଟ୍ୱିଟ୍ କରି ସୂଚନା ଦେଇଛନ୍ତି ଏସଆରସି ପ୍ରଦୀପ କୁମାର ଜେନା । ତେବେ ପରିସ୍ଥିତିକୁ ନଜରରେ ରଖି କଟକଣା ମାନି ସାମାଜିକ ଦୂରତା ଓ ମାସ୍କ ବ୍ୟବହାର ଉପରେ ଗୁରୁତ୍ୱ ଦେବାକୁ ସେ ପରାମର୍ଶ ଦେଇଛନ୍ତି ।

ରାଜ୍ୟରେ ବଢ଼ୁଥିବା କରୋନା ସଂକ୍ରମଣକୁ ଚେକ୍ ଦେବାକୁ ଲାଗୁ ହୋଇପାରେ କର୍ଫ୍ୟୁ । ୩ ରୁ ୪ ଦିନ ମଧ୍ୟରେ ଏନେଇ ସରକାର ନିଷ୍ପତ୍ତି ନେଇପାରନ୍ତି । ରାଜ୍ୟରେ ଦିନ ବେଳା କର୍ଫ୍ୟୁ ଲାଗୁ ହୋଇପାରେ ବୋଲି ପୂର୍ବରୁ କହିଥିଲେ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ତେବେ ଏହାପରେ ଆରମ୍ଭ ହୋଇଥିଲା ଚର୍ଚ୍ଚା । ଡେ’ କର୍ଫ୍ୟୁକୁ ନେଇ ସମସ୍ତଙ୍କ ମନରେ ଛନକା ପଶିଯାଇଥିଲା । ରାଜ୍ୟର ବିଭିନ୍ନ ଜିଲ୍ଲାରେ କରୋନା ସଂକ୍ରମଣ ମାମଲା ବୃଦ୍ଧି ପାଉଥିବା ବେଳେ ସରକାର ୧୦ଟି ଜିଲ୍ଲାରେ ରାତ୍ରୀକାଳୀନ କର୍ଫ୍ୟୁ ଲାଗୁ କରିଛନ୍ତି ।

ଅନ୍ୟପଟେ ରାଜ୍ୟରେ ଆଉ ୪୭୧ କୋଭିଡ୍‌ ପଜିଟିଭ୍‌ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୨୭୮, ଲୋକାଲ କେସ୍ ୧୯୩ । ୨୭ ଜିଲ୍ଲା ଓ ଷ୍ଟେଟପୁଲରୁ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ରୁ ସର୍ବାଧିକ ୮୫, କଳାହାଣ୍ଡିରୁ ୫୦ ପଜିଟିଭ ଚିହ୍ନଟ ହୋଇଛନ୍ତି । ନୂଆପଡାରୁ ୪୨, ଖୋର୍ଦ୍ଧାରୁ ୪୦, ବଲାଙ୍ଗୀରରୁ ୩୬, ସମ୍ବଲପୁରୁ ୨୭, ଝାରସୁଗୁଡ଼ାରୁ ୨୩, କଟକରୁ ୨୨, ନବରଙ୍ଗପୁରରୁ ୧୭, ମୟୂରଭଞ୍ଜରୁ ୧୬, ବାଲେଶ୍ବରରୁ ୧୫, ପୁରୀରୁ ୧୪, ଗଞ୍ଜାମରୁ ୧୨, ଯାଜପୁରରୁ ୧୧, ଅନୁଗୁଳରୁ ୧୦, ଷ୍ଟେଟପୁଲରୁ ୯, ରାୟଗଡ଼ାରୁ ୮, କୋରାପୁଟରୁ ୭, ଭଦ୍ରକରୁ ୬, ବରଗଡ଼ରୁ ୫, ନୟାଗଡ଼ରୁ ୪, କନ୍ଧମାଳରୁ ୩, ସୋନପୁର, ଗଜପତି, କେନ୍ଦ୍ରାପଡ଼ରୁ ୨ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଢେଙ୍କାନାଳ, ଜଗତସିଂହପୁର ଓ କେନ୍ଦୁଝରରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୪୨ହଜାର ୬୯୫ ଥିବା ବେଳେ ଆକ୍ଟିଭ କେସ୍ ରହିଛି ୩ହଜାର ୮୫ ।

ଷୋଡ଼ଶ ଶତାବ୍ଦୀରେ ଦୁନିଆରେ ପ୍ରଥମଥର ପାଇଁ ଏହି ଦ୍ୱୀପରେ ଲାଗିଥିଲା ଲକଡାଉନ୍, ସେନା ସମ୍ଭାଳିଥିଲା କମାଣ

(ସୁଶାନ୍ତ କୁମାର ସାହୁ): ଦେଶରେ କରୋନାର ନୂଆ ଲହରକୁ ନେଇ ଆତଙ୍କ ଲାଗି ରହିଛି । ରୂପ ବଦଳାଉଥିବା କରୋନା ଭୂତାଣୁର ନୂଆ ରୂପ ଯୋଗୁଁ ସଂକ୍ରମଣ ଦ୍ରୁତ ଗତିରେ ବ୍ୟାପୁଛି । ବିଶେଷକରି ମହାରାଷ୍ଟ୍ର ଓ ଛତିଶଗଡ଼ ଭଳି ରାଜ୍ୟରେ ସ୍ଥିତି ସଙ୍ଗୀନ ରହିଥିବା ବେଳେ ଲଗାତାର ଲକଡାଉନ୍ କଥା କୁହାଯାଉଛି । ଏମିତିରେ ଲକଡାଉନ୍ କଥା ଗତବର୍ଷରୁ ବେଶ୍ ଚର୍ଚ୍ଚାରେ ରହିଛି । ପ୍ରକୃତରେ ଲକଡାଉନ୍ ଷୋଡ଼ଶ ଶତାବ୍ଦୀରୁ ପ୍ରଚଳିତ ହୋଇ ଆସିଛି ।

Lockdown In Ancient World Malta Amid Plague Pandemic Coronavirus India

ଦୁନିଆର ପ୍ରଥମ ଲକଡାଉନ୍

ସିସଲି ଓ ଉତ୍ତର ଆମେରିକା ମଧ୍ୟରେ ଏକ ଦ୍ୱୀପ ଦେଶ ମାଲ୍ଟା ରହିଛି । ଷୋଡ଼ଶ ଶତାବ୍ଦୀରେ ମାଲ୍ଟା ଦ୍ୱୀପ ଦେଶରେ ଲକଡାଉନ୍ ଲାଗୁ ହୋଇଥିଲା । ସେତେବେଳେ ଫ୍ରେଞ୍ଚ୍ ଭାଷାଭାଷୀ ଅଞ୍ଚଳରେ ସୈନିକଙ୍କ ଯୋଗୁଁ କଲେରା ବା ହଇଜା ବ୍ୟାପି ଯାଇଥିଲା । ଏଥିରେ ଅନେକଙ୍କ ମୃତ୍ୟୁ ହେବା ପରେ ଶୀଘ୍ର କଟକଣା ଜାରି କରାଯାଇଥିଲା । ସୁସ୍ଥ ସୈନିକଙ୍କୁ ମୁତୟନ କରାଯାଇ ଲୋକଙ୍କୁ ଗୋଟିଏ ସ୍ଥାନରୁ ଅନ୍ୟ ଜାଗାକୁ ଯିବା ପାଇଁ ବାରଣ କରାଯାଇଥିଲା । କଣ୍ଟେନମେଣ୍ଟ ଜୋନ୍ କରାଯାଇଥିଲା ଯାହାକୁ କର୍ଡନ ସାନିଟାରିଜ୍ କୁହାଯାଉଥିଲା । ଫ୍ରେଞ୍ଚ ଭାଷାରେ ତାର ଅର୍ଥ ଲୋକଙ୍କ ଯିବାଆସିବା ଉପରେ ପ୍ରତିବନ୍ଧକ ।

Lockdown In Ancient World Malta Amid Plague Pandemic Coronavirus India

ପାସପୋର୍ଟ ଦେଖାଇଲେ ମୁକ୍ତି

ବ୍ରିଟିଶ୍ ଶାସନାଧୀନ ଭାରତରେ ମଧ୍ୟ ଲୋକଙ୍କୁ ରୋକିବା ଲାଗି ସେନାକୁ ବ୍ୟବହାର କରାଯାଇଥିଲା । ରିପୋର୍ଟ ଅନୁସାରେ ଯେଉଁମାନଙ୍କ ପାଖେ ଏକ ସ୍ୱତନ୍ତ୍ର କାଜଗ ଥିଲା, ସେମାନଙ୍କୁ ଛାଡ଼ କରାଯାଉଥିଲା । ଉକ୍ତ କାଗଜରେ ଲେଖାଥିଲା ସିଏ ପ୍ଲେଗରୁ ସମ୍ପୂର୍ଣ୍ଣ ମୁକ୍ତ । ସଡ଼କକୁ ବାହାରିବା ମାତ୍ରେ ଉକ୍ତ କାଗଜକୁ ପାଖରେ ରଖିବାକୁ ପଡ଼ୁଥିଲା ଏବଂ ପ୍ରତିଦିନ ସ୍ୱାସ୍ଥ୍ୟ ଯାଞ୍ଚ କରିବାକୁ ପଡ଼ୁଥିଲା ।

Lockdown In Ancient World Malta Amid Plague Pandemic Coronavirus India

ଇଂରେଜ ସରକାର ଲଗାଇଥିଲେ ଲକଡାଉନ୍

ଉନବିଂଶ ଓ ବିଂଶ ଶତାବ୍ଦୀରେ ହଇଜା ଓ ପ୍ଲେଗ୍ ରୋଗ ସାଧାରଣ କଥା ଥିଲା । ବ୍ରିଟିଶ ଶାସନ କାଳରେ ମଧ୍ୟ ହଇଜା ବ୍ୟାପିଥିଲା । ସେତେବେଳେ ଏହାକୁ ନେଇ ହଡ଼ବଡ଼େଇ ଯାଇଥିବା ଇଂରେଜ ସରକାର ପ୍ରଭାବିତ ଅଞ୍ଚଳରେ ଲକଡାଉନ୍ ଲାଗୁ ନେଇ ନିର୍ଦ୍ଦେଶ ଦେଇଥିଲେ । ତେବେ ସେତେବେଳେ ଏହାକୁ ଲକଡାଉନ୍ ପରିବର୍ତ୍ତେ ହୋଲ୍ଡିଂ କୁହାଯାଉଥିଲା । ନବାବ ଶାସିତ ହାଇଦ୍ରାବାଦରେ ବି ଏହି ୨ ରୋଗ ପାଇଁ ସମାନ ବ୍ୟବସ୍ଥା ଥିଲା । ସେତେବେଳେ ବି ଲକଡାଉନ୍, କଣ୍ଟେନମେଣ୍ଟ ଜୋନ୍, ଆଇସୋଲେସନ୍ ସହ ପ୍ରବାସୀଙ୍କ ଠାରୁ ରୋଗ ବ୍ୟାପିବାର ଡର ଥିଲା ।

Lockdown In Ancient World Malta Amid Plague Pandemic Coronavirus India

ମିଳିଛି ପୁରୁଣା ପ୍ରମାଣ

ସେତେବେଳେ ନିଆଯାଇଥିବା ପଦକ୍ଷେପର ଦସ୍ତାବିଜ୍ ବି ରହିଛି । ଯେମିତି ଇଂରେଜମାନେ ହଲିଡେ ଟର୍ମରେ ଲୋକଙ୍କୁ କ୍ୱାରେଣ୍ଟାଇନରେ ରଖୁଥିଲେ । ଏହି କଥା ବ୍ରିଟିଶ୍ ଇଣ୍ଡିଆର ଅଧିକାରୀକ ରେକର୍ଡ ନ୍ୟାସନାଲ୍ ଆର୍କାଇଭ୍ସ ଅଫ୍ ଇଣ୍ଡିଆରେ ରହିଛି । ଏହା ବାଦ୍ ବ୍ରିଟିଶ୍ ଇଣ୍ଡିଆର ମେଡିକାଲ ଇତିହାସ ଆର୍କାଇଭରୁ ଜଣାପଡ଼େ କି କେମିତି ଇଂରେଜ ଓ ନିଜାମ ସଂକ୍ରାମକ ରୋଗ ରୋକିବାକୁ ଟ୍ରେନ୍ ଓ ଗୋରୁଗାଡ଼ିରେ ଗୋଟିଏ ସ୍ଥାନରୁ ଅନ୍ୟତ୍ର ଯିବା ଉପରେ କଟକଣା ଜାରି କରିଥିଲେ । ବିଶେଷକରି ହଇଜା ଭଳି ରୋଗ କୌଣସି ଅଞ୍ଚଳରେ ବ୍ୟାପିବା ଜଣାପଡ଼ିବା ପରେ ସେ ସ୍ଥାନରୁ ଅନ୍ୟ ସ୍ଥାନ ସହ ସମ୍ପର୍କକୁ ବନ୍ଦ କରି ଦିଆଯାଉଥିଲା ।

ଶ୍ରମିକଙ୍କୁ ଅଗ୍ରୀମ ଦରମା

ସହରରେ କାମ କରୁଥିବା ପ୍ରବାସୀ ଶ୍ରମିକ ଫେରିଲେ ସାଙ୍ଗରେ ରୋଗ ନେଇ ଫେରିବେ । ଏହା ଆଶଙ୍କା କରି ବ୍ରିଟିଶ୍ ଇଣ୍ଡିଆରେ ନୂଆ ପଦେକ୍ଷପ ନିଆ ଯାଇଥିଲା । ସେତେବେଳେ ଶ୍ରମିକଙ୍କୁ ସେମାନଙ୍କ ଘର ଆଖପାଖ ଅଥବା ୩ କିଲୋମିଟର ପରିଧି ଭିତରେ କାମ ଦେବା ପାଇଁ ଚେଷ୍ଟା କରାଯାଇଥିଲା । ସେହି ସମୟରେ ଶ୍ରମିକ ନିଜ ଅଞ୍ଚଳରୁ ବାହାରକୁ ଯାଇ ପାରୁନଥିଲେ । ଏଥିସହ ଶ୍ରମିକଙ୍କୁ ୩୨ ଦିନର ମଜୁରୀ ଆଗୁଆ ଦିଆ ଯାଉଥିଲା ।

Lockdown In Ancient World Malta Amid Plague Pandemic Coronavirus India

ପ୍ରସ୍ତୁତ ହେଉଥିଲା ରଣନୀତି

୧୮୯୭ର ଫାଇଲ୍ ନମ୍ବର ୧୨୦ (ଶିମଳା ରେକର୍ଡ୍ସ)ରେ ଏହା ଉଲ୍ଲେଖ ରହିଛି । ଯାହାକି ରାଜସ୍ୱ ଓ କୃଷି ବିଭାଗ ପାଖରେ ଉପଲବ୍ଧ । ଫାଇଲ୍ ଅନୁସାରେ ୧୮୯୭ ମସିହା ମାର୍ଚ୍ଚ ୨୦ ତାରିଖରେ ଆହ୍ଲାବାଦରେ ଏକ ବୈଠକ ବସିଥିଲା । ଯେଉଁଥିରେ ଇଂରେଜ ସରକାର ହଲିଡେ (ଏବେର ଲକଡାଉନ୍) କଥା କହିଥିଲେ । ସଂକ୍ରାମକ ରୋଗ ବ୍ୟାପିବା ବେଳେ ଶ୍ରମିକଙ୍କୁ ମିଳୁଥିବା ଏହି ଛୁଟିରେ ଆଗୁଆ ଦରମା ସହ ମାସ ଯାଏ ଘରେ ରହିବାକୁ ପଡ଼ୁଥିଲା । ପ୍ରବାସୀ ଶ୍ରମିକଙ୍କୁ ଗୋଷ୍ଠୀ କରି ଅଧିକରୁ ଅଧିକ ୫୦୦ ଲୋକଙ୍କୁ ନିଜ ଗାଁକୁ ପଠା ଯାଉଥିଲା ।

ଚତୁର୍ଦ୍ଦଶ ଶତାଦ୍ଦୀରୁ କ୍ୱାରେଣ୍ଟାଇନର ପ୍ରଚଳନ

କ୍ୱାରେଣ୍ଟାଇନର ପ୍ରଚଳନ ବହୁ ଶତାଦ୍ଦୀ ପୂର୍ବରୁ ଆରମ୍ଭ ହୋଇ ସାରିଥିଲା । ୧୩୪୭ ମସିହା ଅକ୍ଟୋବରରେ ଚୀନ ଦେଇ କେତେକ ବାଣିଜ୍ୟିକ ଜାହାଜ ଇଟାଲିରେ ଲାଗିଥିଲା । ଉକ୍ତ ଜାହାଜରେ ଥିବା ଅଧିକାଂଶ ଲୋକ ପ୍ଲେଗରେ ଆକ୍ରାନ୍ତ ହୋଇଥିଲେ । ଯେଉଁମାନେ ବଞ୍ଚିଥିଲେ ଚିକିତ୍ସା ବେଳେ ସଂକ୍ରମଣ ବ୍ୟାପିଲା । ପାଖାପାଖି ୮ ମାସ ଭିତରେ ଏହା ଆଫ୍ରିକା, ଇଟାଲି, ସ୍ପେନ୍, ଇଂଲଣ୍ଡ, ଫ୍ରାନ୍ସ, ଅଷ୍ଟ୍ରିୟା, ହଙ୍ଗରୀ, ସ୍ୱିଜରଲ୍ୟାଣ୍ଡ, ଜର୍ମାନୀ, ସ୍କାଣ୍ଡିନାଭିଆ ଓ ବାଲ୍ଟିକ୍ ସିରେ ପହଞ୍ଚି ଯାଇଥିଲା । ପରେ ପ୍ରାୟ ୫ ବର୍ଷ ଧରି ୟୁରୋପର ଲୋକ ଏଥିରେ ସଂକ୍ରମିତ ହୋଇ ଚାଲିଥିଲେ । ଶେଷରେ ଲୋକ ଚୀନ୍ ଓ ଏସିଆରୁ ବାଣିଜ୍ୟ ସାରି ଫେରୁଥିବା ଜାହାଜକୁ ଆଇସୋଲେସନ୍ କରି ରଖିବା ଆରମ୍ଭ କରିଥିଲେ । ଏହି ଆଇସୋଲେସନ୍ ସମୟ ୩୦ ଦିନ ଥିଲା, ତାକୁ ଟ୍ରେଣ୍ଟିନୋ କୁହାଯାଉଥିଲା ।

‘ମିସେସ୍‌ ଫେମିନା’ ମୁକୁଟ ପିନ୍ଧିଲେ ଓଡିଆ ମହିଳା ଇପ୍ସିତା

କଟକ: ମିସେସ୍‌ ଫେମିନାର ମୁକୁଟ ପିନ୍ଧିଲେ ଓଡିଆ ମହିଳା ଇପ୍ସିତା । ଅନଲାଇନ୍‌ ପ୍ରତିଯୋଗିତାରେ ସଭିଙ୍କୁ ପଛରେ ପକାଇ ନିଜ ନାଁରେ କଲେ ବିଜୟ ଟାଇଟଲ । ବଣ୍ଡା ଓ କନ୍ଧ ଆଦିବାସୀଙ୍କ ଶାଢୀ ପିନ୍ଧି ବିଚାରକ ମଣ୍ଡଳୀକୁ କଲେ ଆକୃଷ୍ଟ ।

ଇପ୍ସିତା ପେଶାରେ ଜଣେ ସଫ୍ଟଓୟାର ଇଞ୍ଜିନିୟର । ହେଲେ ପିଲାଦିନୁ ନିଶା ତାଙ୍କର ମଡେଲିଂ କରିବା । ମାତ୍ର ୧୬ ବର୍ଷ ବୟସରୁ ଆରମ୍ଭ କରିଥିଲେ ମଡଲିଂର ଯାତ୍ରା । ଆଉ ତାଙ୍କର ଏହି ମଡଲିଂ ନିଶା ତାଙ୍କୁ ଆଜି ଏକ ନୂଆ ପରଚୟ ଦେଇଛି । କଟକର ସୁନ୍ଦରୀ ଇପ୍ସିତା ପିନ୍ଧିଛନ୍ତି ମିସେସ୍ ଫେମିନାର ଟାଇଟଲ ।

ବିବାହ ପୂର୍ବରୁ ଓ ପରେ ବହୁ ଅନ୍ତର୍ଜାତୀୟ ମଞ୍ଚରେ ଇପ୍ସିତା ଭାରତରୁ ପ୍ରତିନିଧିତ୍ୱ କରିଛନ୍ତି । କୋଭିଡ୍‌ କଟକଣା ପାଇଁ ଏଥର ଅନ୍‌ଲାଇନ୍‌ ପ୍ରତିଯୋଗିତା ହୋଇଥିଲା । ଏଥିପାଇଁ ଅଧିକ ପରିଶ୍ରମ କରିବାକୁ ପଡିଥିଲା ଇପ୍ସିତାଙ୍କୁ । ତେବେ ଇପ୍ସିତାଙ୍କ ଏହି ମଡଲିଂ ନିଶା ତାଙ୍କୁ ଚଳଚ୍ଚିତ୍ର ଜଗତରେ ମଧ୍ୟ ସ୍ଥାନ ଦେଇଛି । ମରାଠି ଚଳଚିତ୍ର -ଏକ ଆଓ୍ୱାରାରେ ଇପ୍ସିତା ଅଭିନୟ କରିଥିବାବେଳେ ଆଗକୁ ସୁଯୋଗ ପାଇଲେ ଓଲିଉଡରେ ଅଭିନୟ କରିପାରନ୍ତି ବୋଲି କହିଛନ୍ତି ।

ଦଲାଲଙ୍କ କବ୍‌ଜାରେ SCB ମେଡିକାଲ, ନର୍ସିଂହୋମରେ ମିଳିବ ଭଲ ଚିକିତ୍ସା କହି ଭୁତାଉଛନ୍ତି

କଟକ: ମେଡିକାଲରେ ନୁହଁ, ନର୍ସିଂହୋମରେ ମିଳିବ ଭଲ ଚିକିତ୍ସା । ରୋଗୀଙ୍କୁ ପ୍ରଲୋଭିତ କରି ଭୁଆଁ ବୁଲାଉଛନ୍ତି ଦଲାଲ ।  ଦଲାଲଙ୍କ କବଜାରେ କଟକ ଏସସିବି ମେଡିକାଲ । ମେଡିକାଲର ଚତୁଃପାର୍ଶ୍ଵରେ ମାଳ ମାଳ ଛୋଟବଡ଼ ଘରୋଇ ନର୍ସିଂହୋମ ଏବଂ ଲ୍ୟାବ୍‌ ରହିଛି । କିଛି ଡାକ୍ତରଙ୍କ ଇଙ୍ଗିତରେ ଘରୋଇ ନର୍ସିଂ ହୋମକୁ ହାଇଜାକ୍‌ ହେଉଛନ୍ତି ରୋଗୀ । ମେଡିକାଲରେ ନୁହେଁ, ନର୍ସିଂହୋମ୍‌ରେ ଭଲ ଚିକତ୍ସା ଯୋଗାଇ ଦେବାକୁ କହି ଟଙ୍କା ଲୁଟୁଛନ୍ତି ଦଲାଲ । ଏଭଳି କାର୍ଯ୍ୟରେ ଡାକ୍ତର ସହାୟତା କରୁଥିବା ଅଭିଯୋଗ ହୋଇଛି । ଶନିବାର ଓ ରବିବାର ଦୁଇ ଦିନରେ ୯ ଜଣ ଦଲାଲଙ୍କୁ ଗିରଫ କରିଛି ପୋଲିସ୍ ।

ଦଲାଲମାନେ ମେଡିକାଲ ଭିତରେ ବି ସୁବ୍ୟବସ୍ଥା କରାଇବାକୁ କହି ଟଙ୍କା ଲୁଟୁଛନ୍ତି । ଏହି ଦଲାଲଙ୍କୁ ଡାକ୍ତର ସହାୟତା କରୁଥିବା ଭଳି ଆସିଛି ସାଂଘାତିକ ଅଭିଯୋଗ । ତେବେ କଟକ ମଙ୍ଗଳାବାଗ କାଠଗୋଲା ସାହି ପାଖରେ ଏସ୍‌ସିବି ମେଡିକାଲକୁ ଲାଗି ରହିଛି ମାଳ ମାଳ ନର୍ସିଂ ହୋମ ଓ ପାଥୋଲ୍ୟାବ୍‌ । ହେଲେ ସବୁଠୁ ବଡ଼ କଥା ହେଲା, ନର୍ସିଂ ହୋମ୍‌ ଓ ଫଥୋଲ୍ୟାବ୍‌ରେ ଲାଗିଥିବା ଫଳକରେ ଲେଖା ହୋଇଛି ଡାକ୍ତରଙ୍କ ନାଁ । ସମସ୍ତ ଡାକ୍ତର ଏସ୍‌ସିବିର ଓ ସେମାନଙ୍କ ରୋଗୀ ଦେଖିବା ସମୟ ବି ଲେଖା ଯାଇଛି । ହେଲେ ମେଡିକାଲରେ ଉପସ୍ଥିତ ରହିବା ସମୟରେ କିଭଳି ଏଠାରେ ରୋଗୀଙ୍କୁ ଚିକତ୍ସା କରୁଛନ୍ତି ଏସ୍‌ସିବି ଡାକ୍ତର ? କାହା ଅନୁମତିରେ ଅଫିସ ସମୟରେ ନର୍ସିଂହୋମରେ ରୋଗୀ ଚିକତ୍ସା କରୁଛନ୍ତି ଡାକ୍ତର ? ଅଧିକ ଟଙ୍କା ରୋଜଗାର କରିବାରେ ଏମାନଙ୍କୁ କିଏ ଯୋଗାଉଛି ସହାୟତା ? ଏହି ଗୋଟିଏ କଥା ନୁହଁ, ଏସ୍‌ସିବିରେ ରୋଗୀ ସେବାର ପ୍ରତିଟି କ୍ଷେତ୍ରରେ ମାଳମାଳ ଏଜେଣ୍ଟ କାମ କରୁଛନ୍ତି । ମେଡିକାଲରେ ପୋଲିସର ଚଢାଉ ବେଳେ ଏଭଳି ସାଂଘାତିକ ସତ ପଦାକୁ ଆସିଛି । ଚଢାଉ ବେଳେ ୬ ଦଲାଲଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।

ଅଫିସ ସମୟରେ ସରକାରୀ ଡାକ୍ତରଙ୍କ ନର୍ସିଂ ହୋମରେ ରୋଗୀ ଦେଖା ଘଟଣାକୁ ବିଭିନ୍ନ ମହଲରେ ତୀବ୍ର ନିନ୍ଦା କରାଯାଇଛି । କିଛି ଲୋଭୀ ଡାକ୍ତରଙ୍କ ପାଇଁ ଆଜି ଅନେକ ନିରିହ ଲୋକେ ଠକାମିର ଶିକାର ହେଉଛନ୍ତି ।